Simitis jep dorëheqjen, zgjedhje te parakohshme ne Greqi

[shigjeta]

ATHINE (7 Janar) - Kryeministri grek Kostas Simitis ka dhënë dorëheqjen si drejtues i PASOK-ut dhe ka deklaruar se më 7 mars do të mbahen zgjedhjet parlamentare në Greqi. Me këtë veprim i hapet rruga ministrit të Jashtëm Jorgos Papandreu (djali i Andrea Papandreut), që ka shumë mundësi të jetë kandidati për kryeministër i socialistëve në zgjedhjet e ardhshme. Simitis do të vahdojë të qëndrojë kryeministër deri ditën e zgjedhjeve

BalkanWeb

[Albo]

Kryeministri Kostas Simitis largohet nga politika për të favorizuar dinastinë Papandreu

Greqia drejt zgjedhjeve të reja
Opozita: Largimi i Simitis, dështim i PASOK-ut

Kryeministri vendas, Kostas Simitis, ka deklaruar, me anë të një mesazhi televiziv, se në Greqi do të zhvillohen zgjedhje të parakohshme më 7 mars të këtij viti.

Më herët, zoti Simitis ka deklaruar vendimin e tij që të lerë postin e kryetarit të PASOK-ut, Lëvizjes Socialiste Panhelenike, hapi i fundit, siç e cilësoi në procesin e rinovimit të kësaj partie. Duke i njohur vetes rolin e ideatorit dhe udhëheqësit të përparimit që ka arritur vendi gjatë 8 vjetëve, që ai ndodhet në krye të qeverisë, zoti Simitis theksoi se ai ka detyrimin që të garantojë ruajtjen e vazhdimësisë. Për këtë qëllim, siç tha, ai do të inicojë lëvizjet e domosdoshme, ku lëvizja e parë do të jetë ajo për zgjedhjen e një kryetari të ri të PASOK-ut. Zoti Simitis bëri të ditur se ai do të qëndrojë në krye të qeverisë deri të nesërmen e zgjedhjeve, për të cilat u shpreh i sigurt se do të fitohen nga socialistët, përderisa shtoi se kryetari i ri i PASOK-ut do t'i prijë dhe qeverisë së re që do të dalë nga zgjedhjet. Pritet që të enjten, Komiteti Qendror i PASOK-ut, të mblidhet për të përcaktuar procedurat e zgjedhjes së kryetarit të ri, i cili, sipas të gjitha gjasave, do të jetë ministri aktual i Punëve të Jashtme, Jorgos Papandreu. Zoti Papandreu është politikani më popullor në Greqi dhe pinjoll i një familjeje që ka lënë gjurmë të pashlyera në historinë dhe politikën e vendit. I biri i themeluesit të PASOK-ut, Andreas Papandreu, ai pritet të rikthejë në parti atë pjesë të elektoratit, e cila pas ardhjes në pushtet të Kostas Simitisit, më 18 janar 1996, konsideroi se Kryeministri i sotëm kishte tradhtuar idealet e themeluesit karizmatik. Ndryshimet e fundit te PASOK-u kanë shkaktuar pështjellim në partinë më të madhe opozitare Demokracia e Re, së cilës tani i duhet të bëjë ndryshime të mëdha në taktikat e veta elektorale, ndërsa nuk i mbetet dhe shumë kohë deri më 7 mars. Gjithsesi, kryetari i Demokracisë së Re, Kostas Karamanlis, i cili menjëherë pas zotit Simitis iu drejtua edhe ai popullit me një mesazh televiziv, theksoi se partia e tij është e gatshme të marrë përsipër qeverisjen. "Deklarohemi sot të gatshëm të marrim përgjegjësinë e qeverisjes së ndershme, në këtë periudhë veçanërisht të vështirë, në të cilën gjendet shoqëria jonë", tha zoti Karamanlis, i cili në përgjigje të mesazhit të Kryeministrit, përdori një gjuhë shumë të ashpër. "Me largimin e tij, zoti Simitis pranon dështimin e politikës së PASOK-ut. Ai vendosi të mos qëndrojë para popullit grek, për të dhënë llogari për problemet që krijoi qeverisja e tij". Gjatë këtyre dy dekadave, këto janë zgjedhjet e pesta parlamentare që zhvillohen para kohe në Greqi. Në afatin e tyre, ato u mbajtën për herë të fundit në vitin 1989.

Simitis, njeriu që modernizoi Greqinë konservatore

Kostas Simitis, 67 vjeç, i cili njoftoi dje se do të jepte dorëheqjen përpara arenës politike greke pas zgjedhjeve të ardhshme, ka lënë gjurmë të thella gjatë tetë vjetëve në Greqi, të cilën e transformoi me një modernizim në rritje, duke e përfshirë edhe në zonën Euro. Simitis, i cili erdhi në pushtet në janar të vitit 1996, mbi të gjitha, ka kthyer faqen e politikës nacionaliste dhe populiste të Andreas Papandreut, të cilin ai e zëvendësoi. Sipas Reuters, gjatë tetë vjetëve, ai është përpjekur ta bëjë Greqinë nxënësen e mirë të BE dhe një pol stabiliteti në rajonin e trazuar të Ballkanit. Ai iu kundërvu kryesisht kishës ortodokse, një shtet i vërtetë brenda shtetit, duke hequr përmendjen e detyrueshme të fesë në pasaportat. Ai i dha fund gjithashtu veprimeve të përgjakshme të grupit terrorist "17 Nëntori", i padënuar që prej 27 vjetëve. Në qershor të vitit 1996, zgjidhet kryetar i PASOK-ut, disa ditë pas vdekjes së drejtuesit të vjetër karizmatik, Andrea Papandreu.

Papandreu, trashëgimtari historik në PASOK

Jorgos Papandreu, që do të zëvendësojë Kryeministrin Kostas Simitis në krye të Partisë Socialiste për të drejtuar betejën e zgjedhjeve legjislative të 7 marsit, është njëkohësisht trashëgimtari i një dinastie udhëheqësish të të majtës greke dhe përfaqësues i krahut moderator të PASOK-ut. Nipi i liderit të shquar të qendrës së majtë të pasluftës, Jorgos Papandreu dhe djali i madh i ish-kryeministrit dhe themeluesit të PASOK-ut, Andreas Papandreu, ai ka njohur një popullaritet në rritje me kalimin e viteve, veçanërisht në saj të suksesit si ministër i Punëve të Jashtme. I thirrur "Jorgaqis" (Jorgos i vogël), ky burrë i matur dhe i qetë, ndan kështu me Simitis suksesin e afrimit me rivalin stërgjyshor turk. I lindur në vitin 1952, nga një nënë amerikane dhe i arsimuar në SHBA, ai është, ndryshe nga babai i tij tepër karizmatik, një mbështetës i vendosur i marrëdhënieve të mira transatlantike, por duke mbetur thellësisht i angazhuar për ndërtimin evropian.

[Albo]

Greqi: Papandreu shpall kandidaturën e tij për kryetar të PASOK-ut

08 Jan 2004

Ministri i jashtëm grek George Papandreou shpalli kandidaturën e tij për t’u zgjedhur kryetar i Partisë Socialiste në fuqi, PASOK.

Dje, kryeministri Costas Simitis njoftoi vendimin e tij për të dhënë dorëheqjen nga ky post. Pas kësaj, udhëheqësit e PASOK-ut shpallën planet për një Kongres të jashtëzakonshëm që do të hapet më 6 shkurt dhe ku do të votohet edhe për kryetarin e ri të partisë.

Zoti Papandreu tha sot në një mbledhje të drejtuesve të partisë se shoqëria greke ka nevojë për marrëdhënie të reja mirëbesimi me politikanët dhe me qeverinë. Ai paraqiti kandidaturën e tij për të udhëhequr këtë ”parti të madhe demokratike” siç u shpreh ai.

Zoti Papandreu vjen nga një familje politikanësh. Si i ati edhe gjyshi i tij kanë qenë kryeministra të Greqisë.

Dje, zoti Simitis propozoi 7 marsin si datën e zgjedhjeve parlamentare, datë e cila duhet të miratohet nga presidenti i vendit, Costis Stephanopulos. Afati për mbajtjen e këtyre zgjedhjeve është deri në muajin maj.

Që nga viti 1981, socialistët, të cilët kanë qenë në fuqi gjatë gjithë kohës përveç tre vjetëve. Në anketat e fundit të opinionit, ata vijnë pas Partisë Konservatore Demokracia e Re.//ii

[Shpirt Njeriu]

Kryeministri grek Kostas Simitis i la dje drejtimin e Lëvizjes Socialiste Panhelenike, PASOK-ut, politikanit popullor grek Jorgos Papandreu. Kryeministri ka bërë të ditur gjithashtu se zgjedhjet e parakohshme në vend do të zhvillohen më 7 mars të këtij viti.


ATHINE



Jorgos Papandreu, djali i themeluesit të PASOK-ut, Andrea Papandreu, merr në duar "frenat" e partisë qeverisëse në Greqi. Kryeministri grek, Kostas Simitis, e ka bërë të ditur këtë lëvizje të fundit që i hap rrugë rinovimit të partisë në një mesazh televiziv, sipas agjencisë Rojters. Duke i njohur vetes rolin e ideatorit dhe udhëhe-qësit të përparimit që ka arritur vendi gjatë 8 vjetëve që ai ndodhet në krye të qeverisë, Simitis theksoi se ai ka detyrimin që të garantojë ruajtjen e vazhdimësisë. Për këtë qëllim, është shprehur ai, do të iniciohen lëvizjet e domosdoshme, ku e para do të jetë ajo për zgjedhjen e një kryetari të ri të PASOK-ut. Kryeministri grek, që ka patur si prioritete modernizimin e Greqisë, ia ka lënë drejtimin e partisë pikërisht djalit të themeluesit të saj, në qeverinë e të cilit Simitis ka qenë ministër i Bujqësisë, i Arsimit dhe Ekonomisë. Simitis bëri të ditur dje se ai do të qëndrojë në krye të qeverisë deri të nesërmen e zgjedhjeve, të cilat do të zhvillohen më 7 mars të këtij viti dhe jo në muajin maj, siç ishin parashikuar.
Ai u shpreh i sigurt se zgjedhjet do të fitohen nga socialistët. Sot, Komiteti Qendror i PASOK-ut, do të mblidhet për të përcaktuar procedurat e zgjedhjes zyrtare të kryetarit të ri Papandreu, një ndër politikanët më popullor në Greqi dhe pinjoll i një familjeje që ka lënë gjurmë historinë dhe politikën e vendit. Papandreu pritet të rikthejë në parti atë pjesë të elektoratit , e cila pas ardhjes në pushtet të Kostas Simitisit, më 18 janar 1996, konsideroi se kryeministri i sotëm kishte tradhtuar idealet e themeluesit karizmatik. Ndryshimet e fundit tek PASOK-u kanë shkaktuar pështjellim në partinë më të madhe opozitare Demokracia e Re, së cilës tani i duhet të bëjë ndryshime të mëdha në taktikat e veta elektorale, ndërsa nuk i mbetet dhe shumë kohë deri më 7 mars.

Akademiku Kostas Simitis, me një pasion të madh për politikën, është një ndër liderët më të suksesshëm grekë. Ai është shkolluar në Gjermani në fushën e drejtësisë. Ai ka hyrë në politikën greke që prej vitit 1970, ndërsa në vitin 1985 u zgjodh deputet. Ai mori drejti-min e qeverisë greke në vitin 1996 pas dorëheqjes së Andreas Papandreut, në krye të së cilës qëndroi me sukses në 8 vitet e fundit.


Diplomati Jorgos Papandreu, amerikani që do të drejtojë tashmë PASOK-un, ka lindur në Minesota të SHBA-së në vitin 1952. Ai është djali i liderit socialist grek, Andreas Papandreou dhe është nipi i njeriut që vendosi flamurin gren në Partenonin e Athinës në vitin 1944. Karriera e tij politike, e nisur në PASOK i dha një post në parlament në vitin 1981 dhe një post në qeveri në vitin 1985, ndërsa që prej vitit 1999 ai drejton diplomacinë greke.

[dodoni]

Unë nuk e kam ditur se ka në forum që interesohen për probleme të tilla. Kjo temë edhe nëse sillet në forum, mendoj se duhet të kaloj në forumin e problemeve ndërkombëtare.

Përshëndetje

[lis]

Fatkeqesisht Dodoni problemet shqipetare jane te lidhura me ato te shtetit grek.
Prit tani kur te japin doreheqjen edhe qeveritaret e PS-se ne Shqiperi.
Ne fakt ky eshte demokratizimi Ballkanit por qe Shqiperise i ka kushtuar dhe i kushton shume.

[Shpirt Njeriu]

Tashmë gjithçka është zyrtare. Shefi i diplomacisë së Athi-nës, Jorgos Papandreu, do të jetë figura drejtuese e socialistëve grekë në zgjedhjet e përgjithshme të 7 marsit. Diplomati besnik i PASOK-ut ka shpallur zyrtarisht dje kandidaturën e tij për drejtimin e partisë, që do të jetë e vetmja dhe pritet të miratohet shumë shpejt, sipas agjencisë ANSA. Menjëherë pas dorëheqjes së kreut të Lëvizjes Panhelenike Greke, Kostas Simitis, dy ditë më parë, në skenën politike greke është bërë menjeherë dominant ministri i jashtëm i vendit, ashtu siç ishte planifikuar më parë. Diplomati 51-vjeçar, hyn në politikën greke si pasardhës i ish-kryeministrit grek dhe themeluesit të PASOK-ut, Andreas Papandreu dhe nipi i figurës së njohur të Greqisë, Jorgos Papandreu. Gjatë shpalljes së kandidaturës së tij, drejtuesi i ardhshëm i socialistëve ka kërkuar konsensusin dhe bashkëpunimin e partisë dhe ka deklaruar se përgjegjësia e tij do të jetë shumë e madhe duke nisur që tani. Ai ka theksuar se do të drejtojë me shumë entuziazëm dhe përgjegjësi partinë që themeloi i ati. Zyrtarisht Papandreu do të jetë lideri i PASOK-ut më 6 mars, kur të mbahet edhe kongresi i jashtëzakonshëm i Lëvizjes Panhelenike Greke, sipas deklaratës së ish-kreut Simitis. Në këto zgje-dhje, PASOK do të jetë përballë rivales së saj konservatore, Demokracia e re, që ka rritur së fundmi popullaritetin. Nëse PASOK i fiton zgjedhjet, gjë për të cilën Simitis ka shprehur besimin e tij të patundur, Papandreu do të jetë kryeministri i ardhshëm grek.


Papandreu përballë Karamanlis në zgjedhje

Socialistët grekë e konsiderojnë diplomatin grekoamerikan, Jorgos Papandreu, si një pikë të fortë në garën tyre elektorale me konservatorët e Demokracisë së Re. Zgjedhjet e 7 marsit pritet ta vendosin liderin e ardhshëm të PASOK-ut përballë Kostas karamanlis, drejtuesit të kësaj partie rivale, që ka rritur së fundmi popullaritetin e saj. Ashtu si Papandreu, edhe Karamanlis është pinjoll i një prej familjeve me të pushtetshme greke, themeluese të Demokracisë së Re, rivalja e përhershme e PASOK-ut. Për socialistët grekë, Papandreu edhe pse nuk ka energjinë politike të të atit dhe gjyshit që kanë dominuar politikën greke, është një lider i vendosur dhe me reputacion ndërkombëtar. Sipas tyre, ai do të jetë edhe nxitësi i mbështetjes më të madhe për PASOK-un dhe i fitores në zgjedhjet e 7 marsit.

[kolombi]

I menjehershem ka qene reagimi i opzites ndaj
Dy nga anetaret e komitetit drejtues te Demokracise se Re,Joanis Varviciotis dhe Georgos Suflias u shprehen se nderrimi i stafetes nuk do te thote se ata do nderrojne politike dhe ide.
Kunderpergjigja erdhi nga Zv ministri shendit dhe dikur minister ne rradhet e demokrateve Vasilis Kontojanopulos i cili deklaroi se veprimi human plot kulture politike i zSimiti u le vendin brzit te politikaneve te rinje ta cojne vendin akoma me perpara.

Nga ana tjeter kryetarja e partise socialiste Aleka Papariga foli si zakonisht me nje gjuhe te ashper.-Largimi i Simitit perben nje mashtrin per shtresat punetore.

Me ardhjen ne P.A.S.O.K te Georgo Papandreut u jepet mundesia te kthen serisht te ringjallur tashme dhe grupi qe kurre nuk e pa me sy te mire ardhjen e politikanit me te sukseshem grek te pakten 20 vitet e fundit.
Eshte pra ora e Akis Tzokatzopulos me kompani,nje prej miqve me te te padronit shqiptar Fatos Nano.