TIRANE: Gjendet bomba jugosllave të ish-monumenti i Enverit

[Shpirt Njeriu]

TIRANE

Një bombë kimike e prodhimit jugosllav që mund të helmonte mijëra persona, është vendosur në qendër të sheshit "Skënderbej" në Tiranë. E gjetur në vendin ku dikur gjendej monumenti i dikatatorit komunist Enver Hoxha, sipas specialistëve, ajo mund të shkaktonte një katastrofë të vërtetë. Sipas policise, mbushja e bombës, hapja e së cilës mund të komandohej edhe në distance, ishte e mjaftueshme për të dëmtuar rëndë dhe çuar drejt humbjesë së jetës për mijëra njerëz. Zbulimi është kryer nga kalimtarë të rastit rreth orës 10.00 të mëngjesit të djeshëm dhe ka bërë që e gjithë policia e kryeqytetit të vihej në gatishmëri. Bomba nuk është shoqëruar me ndonjë mesazh kërcë-nues, i cili mund të motivonte aktin, ndërkohë që burime policore pohojnë se ky është një akt i pastër terrorist. Ngjarja ka vënë edhe një herë në dyshim masat e sigurisë në kryeqytetin e vendit. Autorët mendohen të kenë qenë më shumë se një. Ata kanë mundur të vendosin predhën, e cila mësohet se është shumë e ndjeshme dhe kërkon shumë kujdes gjatë transportimit, pa asnjë problem në qendër të Tiranës, aty ku rrezja e veprimit të saj ishte më e madhe.

Zbulimi nga kalimtarët

Sipas policies, bomba është transportuar në një çantë plastmasi mes disa rrobave të vjetra. Autorët pasi e kanë çuar në destinacion (te bazamenti i ish-monumentit të diktatorit Hoxha), kanë patur të gjithë kohën e duhur në dispozicion që ta nxjerrin atë nga qeska, duke e lënë në një vend të dukshëm dhe të ndarë nga rrobat. Një kalimtar i rastit e ka dalluar sendin që shkëlqente prej materialit duroalumin, me të cilin ishte ndërtuar mbështjellja e predhës. Rreth orës 09.30 rreth saj janë mbledhur një grup kuriozësh dhe pas disa minutash ka mbërritur një patrullë policie. Policët gjatë gjithë kohës kanë menduar se kishin të bënin me ndonjë predhë të zakonshme dhe, pa i kushtuar ndonjë vëmendje të veçantë, kanë sinjalizuar sallën operative të Drejtorisë së Policisë së Tiranës, pa i larguar kureshtarët.

Asgjesimi i vështirë


Ekspertët e policisë kanë shtangur kur kanë dalluar dhe njohur predhën 110 milimetërshe me mbushje kimike. Ajo nuk u përkiste atyre që gjenden në depot e armatimit të forcave tona të armatosura dhe nuk kishte asnjë mbishkrim që mund të identifikonte origjinën e saj. Nga pamja dhe ndërtimi (dy pjesësh) ajo ngjante me predhat kimike të ushtrisë jugusllave, por që asnjë e tillë nuk është ndeshur ndonjëherë në Shqipëri. Për largimin e saj është dashur ndërhyrja e specialistëve të togës xheniere të RENEA-s. Burime të policisë së Tiranës thanë për Gazetën se ndërhyrja në kohë e specilaistëve ka mundur të evitojë një katastrofë që mund të rrezikonte mijëra jetë njerëzish. Po sipas burimit, tashmë mbetet përsëri problem asgjesimi i saj, për shkak të mbushjes së rrezikshme kimike që ka.


Pasojat e bombës me gaz nervin, mijëra të vdekur nëse plaste


Bomba me gaz nervin apo "VX" përmban një gaz toksik në formë të lëngshme apo të gaztë, që dëmton sistemin qendror nervor. Në momentin që prek lëkurën e njeriut, sytë dhe mukozat e hundës, provokon bllokim të frymëmarrjes, dhimbje koke dhe kontraktim. Pas pak minutësh nëse nuk merret antidoti, shkakton vdekjen pasi dëmtimi i muskujve bllokon frymëmarrjen. Predha 110 milimetërshe e gjetur dje është prodhim i dekadave të fundit. Ajo është specifike në mënyrën e lëshimit të saj nga me anë të mortajave. Të tilla predha janë përdorur nga ushtria izraelite në Palestinë. Sipas disa mediave të huaja, ajo është përdorur në Afganistan dhe dihet se të tilla ka patur me shumicë edhe ushtria jugosllave dhe i ka përdorur në Bosnjë. Sipas specialistëve 0.0005 miligram i lëndës, që përhapet në 1 metër kub ajër, mjafton për të vrarë një person. Bomba sipas një llogarie të tillë rrezikonte jetën e mijëra njerëzve.


Predha kimike mund të hapej edhe me telekomandë

Aktivizimi i predhës 110 milimetra me mbushje "gaz nervin" kryhet nga kontakti me tokën gjatë rënies së lirë nga lartësia. Veç thyerjes nga lartësia, në majën e predhës ndodhet një ndezës mjaft i ndjeshëm, i cili veç kontaktit me tokën apo sende të forta mund të aktivizohet edhe me anë të frekuencave magnetike. Sipas specialistëve, predha ka disa fibra magnetikë tepër të ndjeshme, të cilat mund të aktivizohen edhe nga fushat magnetike të provokuara nga radiot marrëse apo celularë nëse këto vendosen në të njëjtën linjë dhe u përshtaten valëveve të fibrave magnetike të predhës. Aktivizimi i këtyre sjell hapjen e veshjes dhe shpërndarjen "pa zhurmë" të nervinit. Gazi "nervin" paralizon dhe shkakton çrreguliminin e sistemit nervor dhe përdoret për të hapur panik në palën kundërshtare.

[{FIGO}]

ik er ti se le nam
eshte bombe e luftes se dyte boterore
ku ka pas ekzistu gazi nervin ne ate kohe

[Shpirt Njeriu]

Ne radhe te pare te falenderoi per pergjigjen tuaj,e dyta mediat shqiptare kane bere nje gje te qarte dhe jo une.

PS:Mendo perpara here tjeter kur te shkruash!!

[Shpirt Njeriu]

Gjetja e predhes se artilerise prane vendit te bustit te Enver Hoxhes dy dite me pare, si dhe i disa rasteve te ngjashme, ka shtuar friken e akteve terroriste ne vend. Dje ne ministrine e Rendit eshte zhvilluar nje mbledhje me pjesmarrjen e krereve te Policise dhe te Ministrise se Rendit. Ata kane kerkuar rritjen e vigjilences nga unifomat blu

Rreziku i akteve terroriste mbledh kreret e Ministrise se Rendit ne nje takim analize, duke marre shkas nga ngjarja e te merkures, ne qender te Tiranes. Drejtoret kryesore te Policise ne dikaster, si dhe shefat e policise se Tiranes, Durresit, si dhe specialsite te sektorit te Antiterrorit, kane zhvilluar nje mbledhje gjate paradites se djeshme. Gjithcka ne takim mesohet te jete lidhur me rastet e fundit te kercenimeve terroriste dhe me natyre eksplozive. Ministri i Rendit, ka kerkuar shpjegime perse media, nuk ishte informuar qarte per ate qe ndodhi. Madje duke u nisur nga rasti i asaj qe ndodhi ne sheshin "Skenderbej" te merkuren, Toska ka kerkuar nje transparence me te madhe, per mos perhapje te panikut. Nderkaq shpeshtimi i rasteve te gjetjes se eksploziveve ne qendrat e banuara, i ka shqetesuar se tepermi kreret e Rendit dhe te Policise ne vend. Nje muaj me pare ne spitalin e femijeve u gjet nje sasi ekplozivi, naten e pare te ketij viti, prane drejtorise se Policise, u gjet nje cante e dyshimte, ndersa tri dite me pare ne Kavaje, ne deren e nje personi, policia c'aktivizoi nje kallep tritoli prej 200 gramesh. Keta te fundit, mesohet se kane kerkuar analizimin e rasteve te tilla, ne kuadrin e luftes kunder terrorizmit. Nderkaq eshte kerkuar qe ne kete lufte te mos perfshihen vetem efektiva te sektorit te perkates se Luftes Kunder Akteve Terroriste (SKATET), por edhe efektiva dhe struktura te tjera te Policise dhe te Ministrise se Rendit. Per rastin e predhes luftarake te llojit trofe te gjetur ne qender te Tiranes, mendohet se eshte ndoshta nje menyre e re e shmangies se qytetareve nga policia, pas rinisjes se aksionit te mbledhjes se armeve ne banesa. Kreret e Ministrise se Rendit, kane kerkuar dje qe policia te gjeje zgjidhje per nje problem te tille te shfaqur se fundmi. Po keshtu ata kane kerkuar qe policia te forcoje masat e saj parandaluese te veprimeve dhe akteve te tilla qe vec panikut mund te sjellin edhe te papritura e ngjarje te padeshirueshme.

[Shpirt Njeriu]

Policia: Nuk ishte e rrezikshme

Ishte nje arme trofe dhe nuk perbente rrezik shperthimi". Zyrtare te ministrise se Rendit Publik, kane sqaruar dje se, predha e gjetur ne qender te Tiranes, ne Sheshin "Skenderbej", nuk kishte permbajtje te gazit nervin. Eskpertimi ka hedhur poshte verisonin e gazit te rrezikshem

Specialistet e armeve ne Polici, iu eshte dashur dje te sqarojne nje problem qe kishte lindur pas daljes se lajmit per gjetjen e nje bombe ne qender te Tiranes, me aftesi neuroparalizuese. Sipas tyre dyshimi i pare qe kishte lindur per qenien e saj bombe me gaz nervin ishte nje veshje qe ata kishin vene re tek predha e kalibrit 60 mm. Ekspertet kriminaliste te drejtorise se Policise thane dje se, shtresa e veshjes ne forme myku te bombes nuk kishte ardhur si pasoje e clirimit te ketij lloj gazi, por nga ndryshkja e lageshtira ku ajo mendohet se mund te kete qendruar per nje kohe te gjate. Analizat e kryera nga Ministria e Rendit dje kane konkluduar se predha trofe qe i perkiste epokes se Luftes se Dyte Boterore, nuk kishte permbajtje te gazit nervin. Dyshimet e para te tyre kishin rene dhe frika e momenteve te para ishte larguar. Specialistet kane sqaruar se predha ishte prodhim rus, me gjatesi 44.5 cm, ndersa peshonte rreth 12 kg, me nje kaliber 60 milimetra. Specialistet dhe xhenieret antimine, kane sqaruar ajo nuk ishte me e rrezikshme dhe se ishte caktivizuar plotesisht. Nderkaq dje Policia e Rendit ka marre detyre qe patrullat e llojeve te ndryshme te saj, te jene me te kujdesshme gjate punes se tyre. Ketu kreret e policise, nuk kane lene pa i'u terhequr vemendjen edhe sherbimeve te Policise se Objekteve te cilet sipas tyre duhet te jene me te kujdesshem gjate kryerjes se vezhgimeve te tyre si dhe gjate ruajtjes se objekteve qe iu eshte caktuar. Neglizhenca e sherbimeve te policise ne raste te tilla mund te mos mbetet pa pasoja. Pikerisht per te shmangur keto lloj shfaqjesh te akteve terroriste, kreret e policise se Tiranes, kane marre masa per te forcuar sherbimet e tyre prane objekteve te rendesishme qe duhen ruajtur, por pa lene jashte vemendjes edhe vendet publike, me popullim te dendur.

Dosjet e akteve terroriste ne tentative

* Gjate vitit 2002 tentohet te hidhen ne ere disa shtylla te tensionit te larte ne Durres dhe Kruje

* 21 nentor 2003 arrestohen Pjeter Baba 38 vjec dhe Lulezim Cuni 35 vjec, ne banesat e tyre u gjeten dy mina me telekomande

* 13 dhjetor 2003 Nje taksi nga Fushe- Kruja sjell ne spitalin e Femijeve ne Tirane 1.2 kg tritol. Shoqerohet shoferi i cili me pas lihet i lire. Autori i paidentifikuar

* 1 janar 2004, gjendet prane drejtorise se Policise nje valixhe e dyshimte

* 3 janar 2004, prane Medresese, policia konstaton nje cante te dyshimte. Policia shperthen canten qe me pas u zbulua se kishte rroba

* 7 janar 2004, Predha te sheshi Skenderbej te merkuren e kesaj jave.

[Shpirt Njeriu]

Mbetet ende e paasgjesuar predha e gjetur në sheshin Skëndërbej të Tiranës. Deri në orët e vona të mbrëmjes së djeshme ekspertët vetëm sa e kishin çaktivizuar bombën, pa mundur ta hapnin apo asgjesonin atë. Një veprim i tillë kërkon një poligon të veçantë, që nuk lejon përjapjen e lëdëve të mundshme kimike. Sakaq sinjalet e ardhura nga ekspertizat janë pozitive dhe aparaturat e specializuara nuk kanë zbuluar gjurmë lëndësh helmuese. Për ekzaminimin e predhës të dyshuar për mbushje kimike, janë përfshirë edhe ekspertët xhenierë dhe kimistë të Ministrisë së Mbrojtjes. Përfshirja e ushtrisë u bë pas alarmit se predha mund të kishte mbushje me lëndën kimike "gaz nervin". Ekspertët e policisë së Tiranës dhe ata të ministrisë së Rendit nuk e kishin hasur më parë këtë tip bombe dhe dyshimi erdhi nga ngjasimi i saj në katalogët që demonstronin bombën "VX", të përdorura nga sërbët në Bosnje.

Ekspertët e huaj
Predha e kalibrit 110 milimetra, 44,5 centimetra e gjatë, me peshë 13,5 kilogramë dhe me djegore është "shëtitur" dje nga policia në disa laboratorë. Mungesa e shënimeve mbi gëzhojën e saj dhe mbulesa duroalumine e bënte tepër misterioze. Pas ekspertizës me aparaturat e ushtrisë ajo është dërguar edhe në laboratorin e PNUD-it në Tiranë. Nga verifikimet e ekspertëve të huaj, predha rezultoi prodhim i vitit 1941. Ajo është përdorur gjatë Luftës së Dytë Botërore dhe shkaktonte ndriçim të fortë, përhapje tymi ose shpërthim.

Përplasja Ministri - Polici
Deklarimet zyrtare për llojin dhe përmbajtjen e predhës së gjetur në qendër të kryeqytetit kanë qenë tepër konfuze. Në komunikatën e Ministrisë së Rendit thuhet: "Eshtë gjetur një predhë e vjetër artilerie që u çaktivizua nga ekspertët xhenierë", ndërsa në komunikatën e Drejtorisë së Policisë së Tiranës thuhet: "Një predhë aviacioni, trofe, prodhim i Luftës së Dytë Botërore me gjatësi 44,5 centimetra, me djegore të dëmtuar".
Në ambientet e Ministrisë së Rendit dje janë thirrur me urgjencë për të raportuar krerët e policisë së Tiranës, lidhur me rrethanat e gjetjes së predhës. Ndërsa hetimet i kanë kaluar Antiterrorit deri në orët e vona të mbrëmjes në polici nuk kishte ndonjë të shoqëruar lidhur me ngjarjen. Burime policore thanë për Gazetën se pista kryesore e hetimeve është ajo e një kërcënimi terrorist, ndërkohë që nuk ka asgjë konkrete për autorësinë e ngjarjes.


Eksperti: Bomba është e Luftës së Dytë Botërore

Sokrat Papadhima, një oficer i Ministrisë së Mbrojtjes i cili gjatë ditës së djeshme është marrë me ekzaminimin e bombës së gjetur në qendër të Tiranës pohoi gjatë një kontakti telefonik me Gazetën se ajo i përkiste Luftës së Dytë Botërore. "Sipas një katalogu të hartuar nga një ekspert rus, bomba i përket vitprodhimit 1941 (muajit prill) dhe është manifakturuar në Gjermani. Të tilla bomba janë përdorur nga ushtria gjermane vetëm duke u hedhur me anë të avionëve luftarakë. Po sipas katalogut, mbushja e saj mund të jetë ose me tritol, ose me një lëndë që shërben për ndriçim të fushës së betejës, ose është një bombë tymuese", ishte shpjegimi i oficerit të ushtrisë. Po sipas Papadhimës, bomba të tilla janë gjetur në Shqipëri edhe në të tjera raste dhe nuk kanë rezultuar të jenë shumë të frikshme.


Bomba i ngjan një prototipi me napalm

Sipas katalogëve të bombave kimike të demonstruara në internet, bomba gjetur dje në qendër të Tiranës është shumë e ngjshme me një prototip të një bombe kimike me napalm që tregohet në foton sipër. Bomba me napalm, që është e përmasave më të mëdha se ajo e gjetur në qendër të Tiranës, është e ngjashme për nga materiali që është ndërtuar dhe forma. Kështu për ndërtimin e të dyja bombave është përdorur material alumini dhe të dyja kanë në sipërfaqen anësore vrima. Po kështu fundi i tyre është i njëjtë, pra ato vidhosen apo montohen bashkë më një tjetër pjesë të tyre para se të lëshohen nga avionët. Bomba me napalm klasifikohet si modeli Mk 77 mod 4, është një prodhim i viteve 1970 dhe i njohur e kataloguar në të gjitha botimet e huaja për armët kimike. Ajo nuk shpërthen në momentin që ndesh tokën, por thyhet dhe shpërndan substancën djegëse e helmuese në një rreze të caktuar.

[s0ni]

Shpirt njeriu faleminderit per informacionet.
Se ke idene sa kam kerkuar te lexoja te dhenat per bomben te vendosur ne Tirane.