Zv. kryeministri Dokle me dosje ne Sherbimin Informativ Shqiptar

[lis]

Gjykata e Lartë ka shpallur të pafajshëm oficerin që ndoqi Doklen

Si e ka ndjekur SHIK-u Namik Doklen?

Gjykata e Lartë, e drejtuar nga Thimio Kondi, ka vënë në dispozicion të gazetës 'TemA', vendimin e Gjykatës së Lartë në procesin civil që ka pasur Shkëlqim Spahiu me Shërbimin Informativ Kombëtar. Në vendim thuhet se institucioni i SHIK-ut nuk ka pranuar të vendosë në dispozicion të paditësit, informacionet që ai kishte depozituar gjatë kohës që ishte në punë, ku implikohet Namik Dokle me shërbimin sekret serb. Shkëlqim Spahiu e ka paditur institucionin e SHIK-ut për largim të padrejtë nga detyra dhe ka kërkuar shpërblim për këtë.

Gazeta 'TemA' vazhdon botimin e informacioneve që kanë të bëjnë me një ndjekje nga ana e Shërbimit Informativ Kombëtar të zëvendëskryeministrit aktual Namik Dokle për dyshime mbi lidhje me shërbimin sekret serb.

Oficeri i SHIK-ut Shkëlqim Spahiu ka arritur që pas një pune të gjatë të dokumentojë në rrugë operative të gjithë punën e tij në ndjekje të Namik Dokles dhe një deputeti të Partisë Demokratike në atë kohë, emri i të cilit nuk bëhet i ditur. Oficeri i Shërbimit Informativ Kombëtar, Shkëlqim Spahiu, ka arritur që në rrugë operative të grumbullojë informacione që forcojnë dyshimet se këto dy deputetë kishin kryer veprime që të linin të dyshoje se punonin për shërbimin sekret të Serbisë. Shkëlqim Spahiu pushohet nga puna në vitin 1998, pikërisht për këtë ndjekje dhe provat që kishte paraqitur në vitin 1994 në qendrën e Shërbimit Informativ Kombëtar, për lidhjet e dyshuara të Namik Dokles me shërbimin sekret serb. I njëjti oficer ka ndjekur me të njëjtat dyshime, edhe një deputet të Partisë Demokratike, i cili nuk jeton më. Pas ardhjes së socialistëve në pushtet, dosja e hartuar për Doklen është gjetur në sirtaret e SHIK-ut dhe ndaj këtij oficeri ka nisur një lloj persekutimi. Ai u pushua nga puna dhe më pas u njoftua nga miq të tij se po bëhej gati një ndjekje penale për të, se kishte përgjuar dy deputetë. Në atë kohë ish oficeri punonte si ndihmës avokat në Tiranë dhe paditi menjëherë SHIK-un për largim të padrejtë nga puna dhe ka kërkuar t'i vihen në dispozicion gjithë dosjet që ai kishte mbushur për deputetët.

Gjykata e Lartë e drejtuar nga Thimio Kondi ka vënë në dispozicion të gazetës 'TemA', vendimin e Gjykatës së Lartë në procesin civil që ka pasur Shkëlqim Spahiu me Shërbimin Informativ Kombëtar. Gjykata e Lartë ka vlerësuar se shkarkimi nga puna i këtij punonjësi nuk është në përputhje me ligjin. Në vendim thuhet se institucioni i SHIK-ut nuk ka pranuar të vendosë në dispozicion të paditësit, informacionet që ai kishte depozituar gjatë kohës që ishte në punë, ku implikohet Namik Dokle me shërbimin sekret serb. Shkëlqim Spahiu e ka paditur institucionin e SHIK-ut për largim të padrejtë nga detyra dhe ka kërkuar shpërblim për këtë.

Në Gjykatën e Shkallës së Parë, oficeri i pushuar nga puna nuk e ka fituar gjyqin. Ai e ka apeluar çështjen në Gjykatën e Apelit, ku edhe kjo e ka lënë në fuqi vendimin e Shkallës së Parë.

Shkëlqim Spahiu me avokat Virgjil Karaj ka bërë rekurs në Gjykatën e Lartë, ku dhe ka fituar çështjen. Gjykata e Lartë ka rrëzuar vendimin e Apelit, duke e cilësuar si të drejtë pretendimin e paditësit, që është Shkëlqim Spahiu.

Në vendimin e Gjykatës së Lartë thuhet "Sipas pretendimeve të palës së paditur, paditësi ka dërguar një material organit qëndror të Shërbimit Informativ, i cili ka për lëndë emrin e një personi që për shkak të funksionit nuk mund të ndiqej, pa u marrë miratimi nga një instancë e caktuar e njohur me ligj. Më në fund të materialit, shkruhet shprehimisht:... "kaq për dijeni, nga ana e jonë janë marrë masat e mëtejshme për verifikimin e vërtetimin e këtyre të dhënave të rëndësishme." Nga ana e paditur, për arsye të sekretit, këto materiale nuk janë paraqitur në gjykatë. Paditësi ka pretenduar se materiali i dërguar është një informacion i thjeshtë dhe nuk qëndron fakti se ndaj funksionarit janë kryer veprime operative në kundërshtim me ligjin."



Vendimi i plotë i Gjykatës së Lartë

Kolegji administrativ i Gjykatës së Lartë i përbërë nga:

Bashkim Caka, kryesues

Metush Saraçi, anëtar

Natasha Sheshi, anëtar

Në seancën gjyqësore të datës 23.09.1999 mori në shqyrtim çështjen civile nr.826 që i përket:

Paditës Shkëlqim Spahiu, banues në Domje Tiranë, përfaqësuar nga avokat Virgjil Karaj.

I paditur: Shërbimi Informativ Kombëtar.

Objekti i padisë: Kthim në punën e parë dhe detyrimin e anës së paditur, të paguajë pagën.

Baza ligjore: ligji nr.7978 datë 26.07.1995, ligji nr 7496 datë 03.03.1991 e ligji nr 7495 datë 02.07.1991.

Trajtim me pagesë kalimtare për dy vjet me 50 për qind të pagës si dhe marrjen e dy rrogave shpërblim të menjëhershëm. Baza ligjore nr.8087 datë 13.03 1996.

Gjykata e rrethit Tiranë, me vendim nr.1183 datë 31.03.1998 ka vendosur rrëzimin e padisë.

Gjykata e Apelit Tiranë me vendimin nr.1586 datë 20.11.1998 ka vendosur: Lënien në fuqi të vendimit të Gjykatës së Rrethit.

Kundër vendimit të Gjykatës së Apelit ka bërë rekurs paditësi duke parashtruar këto shkaqe:

Gjykatat nuk kanë marrë si provë dokumentet shkresore që disponon ana e paditur, ku del qartë qëllimi i informacionit të dhënë. Nuk është shkelur asnjë normë ligjore në kryerjen e detyrës. Gjykata nuk argumenton pse nuk më takon shpërblimi për 2 vjet me 50 për qind të pagës. Pushimi nga puna nuk është i bazuar në ligj.

Kolegji Administrativ i Gjykatës së Lartë pasi dëgjoi relacionin e anëtares Natasha Sheshi, avokatin Virgjil Karaj që kërkoi prishjen e dy vendimeve dhe pranimin e kërkesës,

Vëren

Paditësi ka qenë në marrëdhënie pune, oficer i Shërbimit Informativ Kombëtar. Me datë 15.01.1998 është nxjerrë në lirim me motivacionin: "Për shkelje të normave të punës informative dhe paaftësi për të kryer detyrën". Sipas pretendimeve të palës së paditur, paditësi i ka dërguar një material organit qëndror të Shërbimit Informativ, i cili ka për lëndë emrin e një personi që për shkak të funksionit nuk mund të ndiqej, pa u marrë miratimi nga një instancë e caktuar e njohur me ligj. Në fund të materialit, shkruhet shprehimisht: ..."kaq për dijeni, nga ana e jonë janë marrë masat e mëtejshme për verifikimin e vërtetimin e këtyre të dhënave të rëndësishme." Nga ana e paditur, për arsye të sekretit, këto materiale nuk janë paraqitur në gjykatë. Paditësi ka pretenduar se materiali i dërguar është një informacion i thjeshtë dhe nuk qëndron fakti se ndaj funksionarit janë kryer veprime operative në kundërshtim me ligjin. Veç shkresës së mësipërme, pala e paditur nuk ka paraqitur asnjë fakt tjetër që të vërtetojë shkeljet e paditësit dhe meqenëse ajo nuk vërteton dot pretendimet e saj, gjykata nuk mund ta deklarojë të ligjshëm largimin nga puna pa paraqitjen e provave në gjykim, kur edhe shkelja e pretenduar ka ndodhur në vitin 1994. Motivacioni i largimit nga puna të paditësit, përveç shkakut të mësipërm, është dhe paaftësia e tij për të kryer detyrën. Duke mos konsideruar si të ligjshme kërkesën e paditësit për rikthim në punën e mëparshme, Kolegji Administrativ çmon se nxjerrja e tij në lirim është për papërshtatshmëri dhe duhet të trajtohet me pagesë kalimtare në bazë të nenit 10 pika "b" të ligjit nr.8087 datë 13.03.1996.

Kolegji administrativ i Gjykatës së Lartë, mbështetur në nenin 485 të K.Pr.Civile, vendosi: Ndryshimin e vendimit të Gjykatës së Apelit Tiranë, nr,1586 datë 20.11.1998, dhe detyrimin e palës së paditur t'i paguajë paditësit pagesë kalimtare në masën e dy rrogave bazë mujore si shpërblime të menjëhershme dhe 50 për qind të pagesës mujore neto të vitit të fundit të shërbimit, për një periudhë 2 vjeçare.

Tiranë më 23.09.1999

M.Saraçi anëtar,

N.Sheshi anëtar,

B.Caka kryesues.



Ish oficeri i SHIK ka denoncuar dhe në gazetën "Albania"

Sigurimi spastron SHIK-un

Major Shkëlqim Spahiu, ish oficer i SHIK

Shumica e punonjësve të Shërbimit Informativ Kombëtar, pas zgjedhjeve të 29 qershorit, pavarësisht nga mënyra dhe kushtet që u zhvilluan këto zgjedhje, qëndruan në krye të detyrës. Kjo me bindje se do të vazhdonin t'i shërbenin kombit të tyre, të pandikuar nga fakti se cila parti është në pushtet.

Largimi kolektiv i këtyre punonjësve nga puna, tregon se drejtuesve aktualë nuk u interesojnë këta njerëz, por fabrikojnë motive të pabazuara për largimin e tyre nga shërbimi. Motivacioni që është aplikuar më shumë, është se këta punjonjës janë të paaftë nga ana profesionale për të kryer detyrën. Falsitetin e këtij motivi e tregon fakti se asnjë nga punonjësit e larguar nga puna nuk i është nënshtruar ndonjë testimi profesional, nga drejtuesit aktualë, po kështu nuk janë ngarkuar me asnjë detyrë pas 29 qershorit, atëherë si mund të nxirret ky konkluzion për paaftësi? E vërteta është krejt ndryshe. Këta punonjës kanë mbaruar një apo dy universitete të vendit tonë, kanë kryer kurse të ndryshmne specializimi brenda dhe jashtë shtetit, duke u aftësuar në shkallën e duhur nga ana profesionale për t'i shërbyer një shteti demokratik. Këta punonjës kanë punuar duke zbatuar me korrektësi ligjin e miratuar në parlament, i cili nuk i ka inkriminuar këta punonjës, ndryshe nga koha e diktaturës, kur vetë ligji i asaj kohe i ka inkriminuar punonjësit e Sigurimit të Shtetit, duke i detyruar që të ndiqnin, burgosnin, internonin apo pushkatonin qytetarët shqiptarë, për shkak të bindjeve të tyre politike. Po të bëhej një testim real i këtyre punonjësve, do të rezultonte se këta janë shumë më të aftë se ata punonjës të ish Sigurimit të Shtetit, që po rikthehen sot në SHIK. Shkaku i vërtetë i largimit të punonjësve të këtij organi po bëhet gjithnjë dhe më i qartë. Po tentohet që të krijohet një organ i tillë, që t'i shërbejë dhe t'i bindet qorrazi partisë në fuqi. Absurdi është se propozimet për largimin e këtyre punonjësve nga puna dhe shpikja e motiveve të largimit, janë bërë nga persona të komanduar në poste drejtuese në këtë organ, persona të cilëve me ligj u ndalohet të punësohen në poste drejtuese të administratës, ligj i cili u ndryshua nga parlamenti aktual, në kundërpërgjigje të të cilit u ngujuan në greva urie me dhjetëra të persekutuar politikë në mbarë vendin dhe detyruan rikthimin e këtij ligji përsëri në parlament. Dhe nuk mjafton kjo, por këto persona janë futur në Shërbimin Informativ Kombëtar pa u bërë më parë verifikimi i figurës së tyre dhe veprimtarisë së kryer nga ata, këto 6 vitet e fundit, sepse dihet se shumë prej tyre kanë ardhur pas qendrimit për një kohë në Greqi, Serbi, apo vende të tjera fqinje dhe janë vendosur në poste drejtuese të këtij organi. Veprime të tilla kanë bërë që të shkelen normat bazë të organizimit dhe të funksionimit të një shërbimi sekret. Po qe nevoja ne japim shembuj konkretë. Cili shërbim sekret në një vend demokratik, i cili punon për sigurinë e shtetit të tij dhe për kombin e vet, mund ta lejojë një paradoks të tillë?!

Punonjësit e Shërbimit Informativ Kombëtar po zëvendësohen nga ish punonjësit e Sigurimit të Shtetit në të gjitha nivelet dhe hallkat e këtij organi. Po zëvendësohen me ata njerëz, që mbetën skllevër të së kaluarës dhe që u përpoqën me të gjitha mënyrat për minimin e demokracisë në Shqipëri. Ata dhanë një kontribut të madh në krijimin e skemave piramidale dhe në organizimin e rebelimit komunist dhe si shpërblim të këtyre meritave u vendosën në poste drejtuese në SHIK dhe në dikastere të tjera të administratës shtetërore. Megjithëse të pakët, ka patur edhe nga ata punonjës të Sigurimit të Shtetit, të cilët hoqën dorë njëherë e mirë nga e kaluara dhe që vunë aftësitë e tyre në shërbim të demokracisë në Shqipëri. Por sot edhe këta punonjës po denigrohen dhe po largohen nga puna. Në kohën e dënimit të sistemit në Shqipëri ishte mëse i nevojshëm zëvendësimi i organit të Sigurimit të Shtetit me një organ të ri dhe në radhë të parë largimi nga ky institucion i atyre njerëzve që ishin pregatitur për të punuar vetëm në një diktaturë dhe për diktaturën, i atyre njerëzve që vetë ligji i kishte inkriminuar.

Por sot zëvendësimi total i punonjësve të Shërbimit Informativ Kombëtar me ish punonjës të Sigurimit të Shtetit, çdo të thotë? Mos vallë është ndërruar sistemi dhe nëse po, cili sistem ka ardhur aktualisht në Shqipëri? Mos vallë duhet t'i besojmë propagandës komuniste se është rrëzuar sistemi diktatorial i Berishës dhe ka ardhur "demokracia e vërtetë" në Shqipëri? Mendoj se kjo propagandë nuk bën gjë tjetër veçse kërkon rikthimin e komunistëve në pushtet dhe në këtë kuadër, rikthimin edhe njëherë të ish punonjësve të Sigurimit në Shërbimin Informativ Kombëtar shqiptar.

Kjo që po ndodh sot në Shqipëri nuk ka ndodhur në asnjë vend të Lindjes. Megjithëse edhe atje ka pasur rikthim të forcave të majta, asnjëherë nuk është menduar që të rikthehen edhe njëherë ish punonjësit e shërbimeve sekrete. Gjatë këtyre viteve të demokracisë, Shërbimi Informativ Kombëtar është goditur në mënyrë të vazhdueshme nga shtypi dhe i janë atribuar shumë gjëra të pavërteta. Dihet se në çdo regjim demokratik, shërbimi sekret është organi më i ndjeshëm dhe të gjitha ngjarjet apo fenomenet negative që ndodhin dhe që nuk marrin shpjegim tjetër, i vishen këtij shërbimi. Sidomos në Shqipëri, ky fenomen ka qenë më i theksuar edhe për vetë faktin se grindjet politike kanë qenë të acaruara tej mase. Duhet shtuar këtu se forca të caktuara brenda dhe jashtë vendit, me dizinformacione dhe rrugë të shumta të tjera, kanë pasur synimin e vazhdueshëm: diskreditimin dhe paralizimin e këtij organi dhe duke bërë këtë ta kishin më të lehtë të luanin me Shqipërinë, sipas interesave të tyre dhe të realizonin destabilizimin e vendit dhe rrezikimin e shtetit shqiptar në atë shkallë që tashmë dihet nga të gjithë.

Interesat e kombit kërkojnë që ky organ të vihet në punë dhe të kryejë detyra tepër të rëndësishme që i takojnë. Një nga detyrat kryesore të këtij shërbimi sot është zbardhja e veprimtarisë antishqiptare të atyre njerëzve, të cilët vepruan në hije, apo krahas organizatorëve të krizës politike të ndodhur në Shqipëri, të veprimtarisë së dorës së agjenturave të huaja, në ngjarjet e ndodhura në vend vitin e kaluar, veprime të cilat mundën të evidentoheshin nga SHIK-u në atë periudhë, por në situatën komplekse që u zhvillua, nuk arriti që të paralizonte këtë veprimtari. Duhet thënë se me ata njerëz të dyshimtë që po grumbullohen sot në organin e Shërbimit Informativ Kombëtar, jo vetëm që nuk do të arrijë që të kryejë funksionet dhe detyrat që i takojnë, por nuk po bëhet gjë tjetër veçse po realizohet ai skenar i përgatitur me kujdes nga të tjerët. Veprimet që po ndodhin sot, në organin e Shërbimit Informativ Kombëtar, në një kohë kur pavarësia dhe sovraniteti i vendit janë më të rrezikuara se kurrë, kur krimi i organiziuar dhe kontrabdanda kanë arritur kulmin, mendoj se mund t'i shërbejnë gjithkujt, por jo shqiptarëve dhe kombit shqiptar.

(Botuar në gazetën "Albania" më 19 shkurt 1998)

Burimi: Gazeta "Tema"

[lis]

Neqoftese eshte e vertete se ishkryetari i parlamentit te Dushkut qe dha doreheqjen pa mbaruar mire edhe mandatin si kryeparlamentar, aktualisht zv kryeminister, qenka nje ruspije nga ata mijerat e atyre pjeseve te minoriteteve, atehere cfare ngeli per te shtuar per veprimet antikombetare qe kryhen nga nenshtetas shqipetare te favorizuar per veprime te demshme ne dem te shqipetareve dhe Shqiperise?

Besoj e keni lexuar vjershen e Dokles ne parlament, nderkohe qe liderit te partise demokratike ju mohua e drejta per te shkelur ne Kosove mbas clirimit te Kosoves.

A e shihni o ju te ditur, se kush e drejton Shqiperine dhe perse gjithmone gremiset Shqiperia?

Fundja sot shihen me mire se kurre antishqipetaret.