Akullthyesit hebreo-palestineze te paqes

[Albo]

Ekspeditë e veçantë polare për paqe

Një grup palestinezësh dhe izraelitësh janë nisur prej Kilit për në Antarktik në një ekspeditë polare që ka si qëllim të tregojë se të dy popujt mund të punojnë së bashku.
Grupi ka një përbërje të veçantë


Grupi beson se projekti, i quajtur "Thyerja e akullit" - do t'i detyrojë njerëzit që kanë besime fetare dhe bindje të ndryshme politike të bashkëpunojnë me njëri-tjetrin.

Katër arabët dhe katër hebrenjtë e kësaj ekspedite u nisën me barkë nga Kili për të filluar udhëtimin katërditor drejt kontinentit të ngrirë.

Grupi planifikon të ngjitet në një mal të pastudiuar më parë, ushtrim ky që do të vërë në provë aftësitë e grupit si një ekip.

Anëtarët e këtij grupi vijnë nga rrethe të ndryshme: dy prej hebrenjëve vijnë nga një formacion elitë i forcave komando, ndërsa një prej palestinezëve ka kryer dhjetë vjet burg se ka sulmuar forcat izraelite.

Udhëheqësi i grupit, Heskel Nathaniel, tha se kishte besim se ekspedita 35-diotre e nisur në ditën e parë të vitit të ri, do të ishte një sukses.