Perdhunohet nje tjeter minorene

[Brari]

shekulli:

---------

Policia prangos pesë të rinjtë e denoncuar. Njëri prej tyre e kishte ngacmuar vazhdimisht vajzën e mitur

E mitura 13 vjeç: Më përdhunuan 5 djem

Babai i vajzës së mitur kërkon zbatimin e ligjit ndaj pesë të dyshuarve si autorë të ngjarjes

Arsen Isai, Kujtim Boriçi

PEQIN - Dy prindër janë tmerruar kur vajza e tyre 13- vjeçare, M. Ç. u ka treguar se ka rënë pre e përdhunimit të 5 të rinjve. Ashtu të tmerruar nga ajo që kanë dëgjuar nga goja e vajzës së tyre, së bashku me këtë të fundit, kanë shkuar në policinë e Peqinit, ku dhe kanë vendosur të denoncojnë ngjarjen që i ka ndodhur vajzës së mitur. Burime të policisë thanë për gazetën se në bazë të këtij denoncimi, në të gdhirë të ditës së djeshme janë arrestuar pesë të rinj, të cilët dyshohet se janë autorë të këtij krimi. Në prangat e policisë kanë rënë Dritan Qosja 24 vjeç, Daniel Sulka 18 vjeç, Fredi Kaloçi, 19 vjeç, Juljan Kasa 19 vjeç dhe Ali Delimeta 25 vjeç. Të pestë u arrestuan pas denoncimit të vajzës dhe prindërve të saj. Sipas burimeve, vajza ka thënë se Dritan Qosja dhe katër shokët e tij, kanë kryer me të, marrëdhënie seksuale me dhunë.
Rrëfimi i babait
D. Ç tregon se pasdrekën e së hënës, vajza i kishte thënë se po shkonte deri tek tezja ku do të rrinte ca. "Kunata ime nuk e ka shtëpinë larg nesh. Unë i thashë shko dhe mos u vono dhe ajo u nis",- tregon babai i vajzës së mitur. Por 13-vjeçarja është vonuar shumë dhe kur është kthyer dukej e tmerruar dhe me një pamje të llahtarshme. "Ne dolëm ta kërkojmë tek motra dhe tek njerëz të tjerë sepse u bë natë dhe kur u kthyem e gjetëm në shtëpi. Ishte shumë e mërzitur mezi fliste dhe qante pa pushim. Ajo na tregoi se kur kishte shkuar për tek tezja, tek Qafa e Pajovës pranë një pylli, e kishte ndaluar Dritan Qosja. Vajza na kishte thënë disa ditë më parë se Dritani e ngacmonte dhe i hidhte fjalë kur e gjente vetëm”,- rrëfen babai. Sipas tij, vajza e tij e mitur shkonte gati çdo ditë në lëndina, pasi kthehej nga shkolla, për të kullotur bagëtitë. “Ndaj prej dy javësh e kishim hequr vajzën nga shkolla me qëllim që Dritani të mos e ngacmonte më, por ai na bëri gjëmën”,- thotë babai. Sipas tij, vajza është kapur fillimisht nga Dritani që e ngacmonte më parë. “Pasi Dritani ka kryer marrëdhënie me dhunë me vajzën time, janë afruar dhe katër të tjerët me radhë duke përdorur forcën dhe duke e sharë. Ata e kërcënuar se do ta çonin prostitutë jashtë shtetit",- thotë më tej ai. “Kërkoj që autorët të ndëshkohen sipas ligjit”, ka thënë për gazetën 40- vjeçari, baba i tre vajzave, dy më të vogla se 13-vjeçarja që ka rënë pre e përdhunimit. “Unë kam qënë në emigracion në Greqi për të ushqyer familjen, ndërsa kërkoj nga shteti që të veprojë pa mëshirë mbi ata që vunë dorë mbi vajzën time”,- thotë i revoltuar i ati i 13- vjeçares. Ndërkohë, ai tregon se nga emigracioni ka ardhur pak kohë më parë, pas një telefonate nga e shoqja Hajria, e cila e njoftoi se vajzën e tyre të madhe po e ngacmonin djemtë e fshatit. “Unë kërkoj zbatimin e ligjit ndaj atyre që më masakruan fëmijën, pasi ne nuk i kemi hak askujt”,- përfundon 40-vjeçari .

Denoncimi
Pas ngjarjes së treguar nga vajza, prindërit e saj kanë vendosur që në mëngjesin e së martës të shkonin në policinë e Peqinit ku dhe të denonconin autorët. Babai i vajzës ka treguar fije për pe atë që një natë më parë i kishte rrëfyer vajza e tij. Burime të policisë thanë për gazetën se vajza ishte shumë e tronditur dhe ajo ka pohuar me kokë gjithçka që ka deklaruar babai i saj. Pas depozitimit të kallëzimit, uniformat blu të Peqini janë hedhur në aksion dhe në të gdhirë të ditës së djeshme kanë vënë në pranga autorët e dyshuar të përdhunimit të së miturës. Sipas burimeve të policisë të pesë të rinjtë janë arrestuar nëpër shtëpitë e tyre dhe ata nuk kanë bërë rezistencë. Të njëjtat burime thanë se ata kanë mbetur të çuditur kur policia ka mbërritur në shtëpitë e tyre, pasi pas kërcënimeve që i kishin bërë vajzës, ishin të sigurtë se ajo nuk do të denonconte. Burimet e policisë nuk bënë të ditur nëse të arrestuarit e kanë pranuar apo jo krimin, por ato thanë se po vazhdojnë hetimet intensive për zbardhjen e kësaj ngjarjeje. Arsen Isai & Kujtim Boriçi


Ekspertiza
Vajza i është nënshtruar përdhunimit
PEAQIN- Përdhunimi i denoncuar i 13- vjeçares M.Ç. ka ndodhur ditën e hënë, rreth orës 15:00. Të pesë personat e akuzuar, tashmë të arrestuar nga policia, e kanë përdhunuar njëri pas tjetrit vajzën e mitur në vendin e quajtur Qafa e Pajovës pranë qendrës së banimit të saj në fshatin Pajovë. Policia e Peqinit në bashkëpunim me zyrën e antitrafikut të Elbasanit kanë kryer veprimet e tyre si dhe kanë marrë ekspertizën e mjekëve ligjorë të cilët nga të dhënat e para dyshojnë se ndaj 13- vjeçares është ushtruar marrëdhënie seksuale me dhunë. Në të gdhirë të ditës së djeshme është bërë arrestimi i pesë të dyshuarve, përkatësisht Dritan Qosja 24 vjeç, Daniel Sulka 18 vjeç, Fredi Kaloçi, 19 vjeç, Juljan Kasa 19 vjeç dhe Ali Delimeta 25 vjeç.
Rastet e përdhunimit të të miturave
14 shkurt 2003
Peqin, Skënder Boçka, 36 vjeç, përdhunon motrën e tij V.Boçka
16 shkurt 2003
Ura Vajgurore. Beqo Mule, 34 vjeç, nga Ura Vajgurore, abuzon seksualisht me një të mitur në lagjen e tij
31 tetor 2003
Berat, Alfred Muka, 19 vjeç, përdhunon vajzën e tezes 15-vjeçaren M.J.
4 nëntor 2003
Korçë, Adriatik Hyseni, 31 vjeç, ka tentuar të përdhunojë vajzën 13- vjeçe të të dashurës së tij A.K. 45 vjeçe
20 nëntor 2003
Fier, njerku Gjovalin Nika përdhunon vajzën e gruas, 14 vjeçe, J.Hoxha
15 dhjetor 2003
Durrës, Babai përdhunon vajzën në Durrës, Feriz Ismailaj, 34 vjeç, përdhunoi vajzën E.Ismailaj, 12 vjeçe



18/12/2003





------------

Koment..


Sikur te ishin varur Perdhnues-Tutoret e pare ne vitet 1990 e te liheshin te tundeshin ne deg te lisave e shtyllave elektrike nja nje muaj nuk do guxonte me kush te mendonte te prek dinjitetin e vajzave as me fjal e jo me keshtu si po bejne tash 15 vite ramizo-Nano-Berisho-Mekso shker-dhato-kraci..

turp..

Dhe qeshin ca politikane..

[hope31]

Kafshet, turpi i fshatit,thuaj me mire Kanibalet?

[elisabet]

Ç'behet keshtu xhanem???
Perdite kur lexon shtypin lexon gjera te tilla. E thane mire me larte jemi bere si kafshe...
Dhe c'eshte me e turpshmja merren me te mitur...., dikush me vajzen e vet, dikush me kusheriren
Turp, turp,
S'ka me as nder as karakter......Te shohim ku do te arrijme me keto pislleqe
Ika se mu ngriten nervat!!!!!

[FLEUR]

Cdo dite e me teper po tregojme qe udhehiqemi nga instiktet kafsherore.Keto qe po ndodhin jane shume alarmante.Po keshtu ehste kur ligji i famshem shqiptar i denon me max 5 vjet heqje lirie(sa kam degju nuk jam e sakte)Ndersa ata kane shkaterruar nje jete, edhe pse viktima nuk ka vdek.Por dhe gazetat!!!Nuk eshte mire qe atij populli te tronditur i servirin pothuj perdite lajme te tilla makabre.Nuk eshte aspak profesionalizem te besh pare dhe kariere gazetareske ne kurriz te viktimave te pambrojtura .Dhe nga ana psikologjike ndikon shume keq(njelloj si tu ngacmosh plagen e thelle perdite)Eshte nje perdhunim i dyte.Dhe me kete me kujtohet historia rrenqethese e Bisht Palles, qe gazetaret po shesin gazetat duke i shkaktuar dhimbje te metejshme viktimes.Pse kaq sadiste ore gazetare??Behuni humane .

[Ledina]

e po si t'i leshosh qente nga zinxhiri, c'fare pritet?

[StterollA]

... edhe ne akoma po diskutojme se a i duhet a jo Shqiperise ligji me vdekje. Po ç'i duhen kesaj toke keto gorilla mer amani? Na shkaterruan edhe ne nervat.

StterollA

PS Mos ka ndonje bime qe jep stimulim seksual andej nga Peqini qe keto kafshe s'po i kontrllojne dot ndjenjat?

[Wordless]

-

[PINK]

god ku kane arritur njerezit atje ... te arrijne te perdhunoje vllai -motren .. apo babai femijen e tij ... turp .. ska me tup ..

kafsheri ...

[Brari]

TIRANË (25 Dhjetor) - Skandali seksual i Bisht-Pallës rikthehet këtë rradhë jo në ushtri, por në polici, ku ka shkaktuar dhe arrestime. Prangat tani janë për një polic. Minorenia e Bisht Pallës është përdhunuar edhe nga një polic i Drejtorisë së Policisë së Korçës. Xhevat Saliu, është punonjësi i rendit që është arrestuar dy ditë mkë parë në orën 23. 00 pas kallzimit të 7 dhjetorit të 16-vjeçares vlonjate. Dje, zëdhënësi i Drejtorisë së Policisë së Korçës, ka bërë të ditur se është arrestuar polici 41 vjeçar Xhevat Saliu, me detyrë polic në grupin e gatshësm në Komisariatin e Korçës. Po sipas burimeve zyrtare ai akuzohet për kryerje të marëdhënieve seksuale me dhunë me një të mitur. Ka qenë nëndrejtori i policisë, i sapoemëruar Gani Zeneli, i cili i ka komunikuar urdhërarrestin vartësit të tij që ka dhunuar të miturën gjatë kohës që ka qenë në detyrë. Pas kësaj në orët e para të mëngjesit ish-polici 41 vjeçar Xhevat Saliu është marrë nga kolegët e grupit të gatshëm për t'u dërguar në dhomat e paraburgimit në Komisariatin e Policisë së Durrsit ku janë dhe të arrestuarit e tjerë si dhe hetohet çështja. Ish-polici tani akuzohet nga prokuroria e Durrësit për kryerjen e marrëdhënieve seksuale me dhunë me një të mitur. Përdhunimi nga ana e tij Saliu ka ndodhur më 20 prill të këtij viti. O.L është kapur nga inspektorët e zyrës së antitrafieve në doganën e Qafë-Thanës me pasaportë të falsifikuar duke tentuar për të kaluar në Maqedoni. Nga agjentët e policisë minorenia është shoqëruar në komisariat dhe një ditë më pas ajo do të dërgohej në qëndrën e reabilitimit për tu trajtuar. Përdhunimi Para se të shkonte në qendrën e reabilitmit monorenia është dhunuar nga një prej agjentëve të policisë. Pasditen e 20 prillit rreth orës 15.30 ajo ka deklaruar përpara prokurorëve durrsakë, se është përdhunuar nga një polic i cili ka qenë me shërbim në zyrën e informacionit në Drejtorinë e Policisë së Korçës. Sipas saj akti i dhunshëm seksual ka ndodhur brenda ambjenteve të Drejtorisë së Policisë. Mjedisi i pritjes së vajzave të trafikuara ndahet vetëm nga një mur me zyrën e informacionit ku kryente shërbimin polici 41 vjetçar Saliu. Kjo ka ndodhur në 2001, kur vajza u kthye nga Greqia. Polici nuk ka menduar gjatë, poer ka abuzuar njëherësh me detyrën dhe me vajzën, të cilën e ka përdhunuar në dhomën ku ajo do kalonte natën e fundit. Pas arrestimit polici i Korcës ndodhet në qelitë e paraburgimit në Drejtorinë e Policisë së Durrësit, ku do të japë llogari për bëmat, së bashku me 17 të tjerë të arrestuar.

dxh/dxh (GazetaShqiptare/Balkaneb)

[elisabet]

E po kjo pike e zeze...
Te kesh frike dhe nga rroba qe ke ne trup...
I pafte Zoti per ato qe bejne...