Roli i kryeadministratorit nderkomber Holker ne Kosove

[dodoni]

Pjesë nga kryetitulli "Mbreti" nga Ilirian Pirro, në edicionin e shtypur të Ilirisë
Mbreti

Edhe nëse pas përfundimit të luftës në Kosovë një thënie e tillë ndoshta nuk do të kishte qenë e përshtatshme, sot, në vitin 2003, Kosova me të gjitha atributet i ngjan një mbretërie, dhe monarkia quhet UNMIK apo, siç e quajnë “dashakeqët” (*lol*) - ANMIK, ndërsa mbreti është kryeadministratori i Kosovës, aktualisht z. Harri Holkeri. Do të mund ta quanim “The UNMIK Kingdom” - Mbretëria e UNMIK-ut, meqë një vend i cili pretendon të jetë “shtet” dhe ka President, Kryeministër, Qeveri e Parlament, por vendimet e të cilëve mund të abrogohen sa çelë e mshelë sytë nga një njeri i vetëm (Kryeadministratori - shefi i UNMIK-ut), atëherë pa hezitim mund të pohojmë se ai shtet nuk ka lidhje me demokraci, as që ka baza shteti sekular, por është thjeshtë një monarki, dhe ka mbretin e vet.

Para disa ditëve u acaruan (përsëri, - deri kur?) marrëdhëniet ndërmjet Institucjoneve të Kosovës dhe UNMIK-ut, pasi Kuvendi i Kosovës më 11 dhjetor i shpalli të pavlefshme 53 ligje serbe, të cilat ishin miratuar pas 22 marsit 1989, kur Serbia e shfuqizoi autonominë e Kosovës. Ligjet dhe aktet tjera normative në fjalë konsiderohen (me të drejtë) si diskriminuese dhe pëngesë e zhvillimit ekonomik të Kosovës, prandaj Qeveria e Kosovës kërkoi shfuqizimin e tyre nga ana e Parlamentit – në çdo demokraci të botës është kjo një procedurë më se normale, por jo edhe në “UNMIK KINGDOM”! Këtë vendim të Kuvendit të Kosovës, shpejtë e shpejtë (të njëjtën ditë) u ngutë ta abrogojë “mbreti” Holkeri. Në deklaratën e tij, Lartmadhëria e Tij u shprehë se “Kuvendi i Kosovës nuk mund të miratojë vendime të cilat nuk janë në kompetencë të Kuvendit të Kosovës”. Shumë bukur. E çka pra është “në kompetencë” të Kuvendit të Kosovës? Të miratoj vendimet rreth çështjes se a duhet përzjerë kafen nga e djathta apo nga e majta? Apo ndoshta: a është më i mirë çaji i “rusit” apo i “indisë”?

Dhe ky nuk është një rast i veçant, por vetëm një hallkë në vargun e gjatë të abrogimit të vendimeve të institucjoneve të Kosovës nga ana e UNMIK-ut.

Disa thonë se “bash mirë” është që shqiptarët nuk kanë kompetenca, sepse ata “nuk janë në gjendje të krijojnë dhe udhëheqin një shtet në mënyrë institucionale”. Qesh që të mos qajë. Të tillët vërtetë kanë kompleks inferioriteti, gjithnjë të shprehur në “butësinë” dhe “dëgjueshmërinë” e tyre, dhe madje tregojnë simptome mazohizmi “goditëm se me siguri e kam merituar”. (?!)

Një thënie e tillë është më se subverzive mos edhe idioteske. Institucjoneve të Kosovës është dashtë që moti të iu transferohen kompetencat në çdo lëmi. Nëse do të parafrazojmë z. R.Holbrooke, Kombet e Bashkuara në Kosovë kanë bërë disa gabime.

“Në bazë të rezolutës 1244 të Këshillit të Sigurimit të Kombeve të Bashkuara, ky i fundit duhej t'i transferonte 'autonomi të madhe' popullatës lokale, veçanërisht shqiptarëve, por ata nuk e kanë bërë një gjë të tillë. Dhe si për ironi, ambasadori Bremer po përpiqet të transferojë më shumë dhe më shpejt autoritet tek irakianët vetëm pas 5 muajsh në mes të luftës se sa Kombet e Bashkuara kanë transferuar autoritet tek shqiptarët e Kosovës. Këtë unë nuk e kuptoj.” – u shpreh Holbrooke para disa ditësh.

Nëse duam të jemi objektiv, duhet të pranojmë se “unmikistat” (të huajt të cilët na “qeverisin”) nuk janë aspak më të “mençur” se ne, dhe as nuk janë pjestarë të ndonjë “race superiore”. Disa nga punëtorët e UNMIK-ut madje vet rrjedhin nga shtete të tilla ku deri dje nuk kanë di çka është luga (nuk kam ndër mend të ofendoj askë, por kjo është fakt). Prandaj pse të thuhet se ne jemi “të dobët” ndërsa ata janë “superior”. Kur mendoj në një punonjëse të Kombeve të Bashkuara (nuk po ia permend emrin kësaj radhe), me postin “fjalëmadh” të quajtur “Program Manager”, e cila nuk ishte në gjendje të rregullonte një “account” për email, por më duhej mua të i tregojë se si bëhet, atëherë vërtetë nuk i kuptoj ithtarët e teorisë se ne jemi jokompetent për diçka (jo se rregullimi i një accounti për email është filozofi e madhe, por nga një Program Manager pritet që të ketë dije esenciale lidhur me sistemet moderne informatike). Kur të kihet para syshë edhe fakti që ajo “Program Manager-ja” e kishte rrogën mujore rreth 15.000 Euro ndërsa “puna” e saj mund të përshkruhet si “asgjë”, atëherë kjo vërtetë ia vën enës kapakun (lidhur me rrogat dhe milionat që i merr pusi do të flasim më vonë diçka më shumë). Mirëpo, të kthehemi te çështja e Insitucjoneve të Kosovës. Pse, për shembull, mbreti Holkeri është kundër vendimit që ligjet diskriminuese serbe të shfuqizohen, kur madje edhe nga shumë qarqe ndërkombëtare pohohet se ligjet në fjalë vërtetë janë pëngesë për ekonominë kosovare? Pse pikërisht atij, gjegjësisht UNMIK-ut i pengon kjo?

Marrë nga www.iliria.net

Shpresojmë që bile të shkoi hapave të mbretit Bardhyl apo Gent.

[mani]

Nuk eshte per tu habitur pasha Kuranin . E sa princ Vidi e Holkeri e beteri e ka shkel kete toke nuk asht fort cudi,se nuk koka vec nje Holker po paska plot.E me pa andrra quet koka pak shtire.


Propozimvendimi për kthimin e pronës së UP-së, pas miratimit, suspendohet nga UNMIK-u

12:55 ET PRISHTINË (KosovaLive) – Kuvendi Komunal i Prishtinës, të martën me shumicë votash miratoi propozimvendimin për kthimin e pronës Universitetit të Prishtinës. Propozimvendimin menjëherë pas aprovimit e suspendoi administrata komunale e UNMIK-ut.

----------------------------------------------
Kosoven e dua se janm ksoovar,Shqiperin e dua se jam shqipetar

[k63r]

Mendoj se plogshita jonë eshte njeri nder mekatet tona primare.Ne vend se te aplikojm nje politik ofenzive me nje vendosmeri te patundur luajmë perseri ne te njejten karte ashtu si luanim para luftes dhe besoj se kjo strategji nuk do te na shpiej drejt rruges se pamvarsis