Shpirt i rebeluar

[lum lumi]

24 mars 2003


Sa mall kam rebelimin sonte! Të më pushtojë indinjata dhe elokuenca njëkohësisht.

Sa mall kam për ato castët e rendomta, ulur fëmijërisht në cepin e kullës dhe atë fatalitetin fëmijëror, me vizita e dreka e darka, shkujdesëshëm e dashuri, bindje e kërkesa të cekëta.

Nuk besoni miqtë e mij! Sonte kam mall edhe për agimet e hershme me vesë, coban i tufës së berreve , në ecejakje naive, rrugicës së fshatit që të shpie tek lumi, tek pusi i qikave të ulëm në rrasën që qëndiste ajo.

Sonte kam mall edhe për mallkimet e nënës:
- Pse i prure kaq heret, o i pa nafakë! Dielli ka edhe tre pash deri në përendim!

Sonte kam mall për pranverën e erën e tokës.

:::::::::::::::::::::::::::::::::::::::::::::::::

Mërgim

Mërgimtarë,
kope e frikësuar, e shpërndarë,
nga gjëmimi i vrapit tuaj.

E nën thembra
si një re lumturie
ngrihet pluhuri i vendlindjes.

Atdheun bartni me shuajt e këpucëve
në të katër anët e botës.

Mos u ktheni!
Në gurë do të shndërroheni
nëse e ktheni shikimin pas.

fatzinj,
vështroni brenda vetes,
është i vetmi shteg që mund t'ju shpjerë në shtëpi.

Dhe mos harroni
në ërrësirë
fenerin dritëkumbues-

Gjuhën e nënës!

(Blaga Dimitrova)

[drini_në_TR]

... prandaj jena ne këtu! Jo vetëm ti por edhe shumë të tjerë ndihen vetëm dhe larg atyre, asaj, atij, po vëndit që janë ndjerë më mirë! Po aq sa larg mund t'jemi t'u fol tani, ose e thënë drejtë t'u shkrujt, po aq edhe afër jemi.
Ta mbajm besën vlla!
përshëndetje dhe nderime
drini.

[lum lumi]

Flm. Drini!

Vëlla të paqa!

____________________________________

31 mars ...................


Bora po shkrihet. Pikja e strehëve prishi ëndrrën për ty.....

Edhe sa deri në agim?

Thashë të cohesha e të ikja, por atë cast....ah medet!.....Në atë cast të pashë.....bashkë me qeshjen satanike....pa emblemat....dhe alegorinë baroke.....

"Poeti i madh është njëherësh edhe krijesë e vjeshtës" - kam lexuar diku nga Bodler

Strehët po pikun sonte.....

[macia_blu]

po pikon shpirti i ndonje poeti . Jo te gjithe pikemt jane te shiut.

[lum lumi]

Shoh dritën e hënës dallgë-dallgë....

O Zot i madh!

[lum lumi]

.................................................. ......9 qërshor 2003


Mikja ime!

Mora mesazhin tënd.
Të menqurit marrin dhe kuptojnë mesazhe edhe indirekt, me ndërdije( pa telefon, pa internet, pa sms, pa msn, pa lerta), derisa budallenjve duhet t'ua thuash njëmijëenjëherë.

Mora mesazhin tënd dhe e vendosa në dosien ku arkivoj fatalitete. Të të them të drejtën kjo dosje përmban mesazhe apo gjëra pa thellësi, pa zjarr, pa ciltërsi.

Ti nuk kishe inat me mua, por me vetëvetën. Ndërsa unë ka kohë që e kam kuptuar se nuk kisha pse të zemërohem me ty.

Do të thoni se jam shumë egoist.

Aq më bën.

[Shpirti_blu]

...sonte nuk doli hena.Them sonte se po shkruaj kur ende nuk ka zbardhur.Ma kishin vjedhur gjumin,por ma kishin vjedhur dhe henen.Ka pllakosur nje thatesire e rende,ska me shi,shteruan dhe krojet.Dola ashtu zbathur,po livadhet jane zhuritur e bari me ben nen kembet e zbathura,zhuuup-zhuup, zhuuup-zhuup.
Me kot kerkoj ndonje yll ne qiellin e sterrosur,a ndonje kenge zogu ne zabelin e vyshkur.Tutje ndegjohet vetem kenga e nje hutini ku here pas here ja prish ritmin nje vajtim qyqeje,thua se vetem keta te dy qenkan mbreterit e territ..jam vetem sonte.

[lum lumi]

O shpirti_blu,

Mos t'u kanë përzier ulurimat e qenve( apo e ndonjë ujku grabitqar) me kukamën e qyqës, se kjo e fundit nuk vajton në terr por në pikë të ditës.

Sidoqoftë, mirë se erdhe mes nesh!

[macia_blu]

lum, ma ke hec trurin komplet me zgjedhjen e vargjeve te kadarese.
Me bej nje nder, po munde.... posto diku krejt poemen me gjithe titull se me ke ba kurioze te di a e kam kujtuar korrekt , se mua me duket se eshte njera nga poemat e tij (kadarese) per nenen ...

po pres.

[Shpirti_blu]

Hej,Lum-lumi,mungesa e kahershme e jotja ne pyejet e Drenices gjate veres, u paska bere te harroni.Tuung