Mesazhi i Presidentit Rugova drejtuar qytetarëve të Kosovës për Vitin e Ri 2004
Prishtinë, 30 dhjetor - Presidenti i Kosovës Ibrahim Rugova u ka drejtuar qytetarëve të Kosovës një mesazh tradicional urimi për Vitin e Ri, me urimet më të përzemërta për 2004. Në vazhdim po e japim të plotë mesazhin e Presidentit Rugova.
"Në këtë natë të Vitit të Ri, kur zemrat i kemi të hapura për gëzim, Ju shpreh urimet e mia të përzemërta me dëshirat më të sinqerta për lumturinë Tuaj dhe të familjeve Tuaja.
Viti që po lëmë pas ishte një vit i forcimit të progresit në të gjitha fushat e jetës për vendin tonë. Ishte një vit pune me sukses i institucioneve shtetërore të Kosovës.
Pra, ishte një vit i forcimit të lirisë, të sigurisë dhe të ekonomisë. Ishte një vit i afirmimit më të madh të kërkesës së popullit për njohjen formale të Pavarësisë së vendit tonë.
Viti në të cilin po hyjmë do të jetë një vit i sukseseve më të mëdha të Kosovës. Vëmendje të veçantë do t'i kushtojmë zhvillimit ekonomik dhe prosperitetit të të gjithë qytetarëve.
Një punë të mirë do të bëjmë në bartjen e përgjegjësive te institucionet shtetërore në bashkëpunim me UNMIK-un. Do të gjejmë forma më të frytshme të veprimit të përbashkët.
Po ashtu do të punojmë në integrimin më të shpejtë të Kosovës në BE, në NATO, në miqësi të përhershme me SHBA. Njëherësh do të veprojmë në përfaqësimin diplomatik të vendit tonë në arenën ndërkombëtare. Me fqinjët tanë do të bëjmë përpjekje të kultivojmë marrëdhënie të mira.
Në planin e brendshëm do të vazhdojmë në integrimin e grupeve etnike, minoriteteve në shoqërinë dhe në shtetin e Kosovës.
Gjatë vitit të ardhshëm do të fuqizojmë punën në vlerësimin e standardeve të prezentuara, të atyre që i kemi përmbushur dhe të tjerave që do t'i përmbushim. Në të njejtën kohë do të veprojmë bashkë me miqtë tanë që të bëhet njohja formale e Pavarësisë së vendit tonë sa më parë, çfarë do t'i shpejtonte proceset e brendshme demokratike e ekonomike si dhe do të qetësonte këtë pjesë të Europës e të botës, si dhe vetë popullin e Kosovës.
Në këto çaste gëzimi i kujtojmë me pijetet të lartë të gjithë ata që dhanë jetën për lirinë, pavarësinë dhe demokracinë e Kosovës. Do të bëjmë më shumë në ndriçimin e fatit të të zhdukurve në vitin që po vjen.
Në këtë natë gëzimi, urime të përzemërta i shprehim UNMIK-ut dhe OSBE-së që janë me detyra civile në Kosovë si dhe komandantëve e ushtarëve të KFOR-it, NATO-s që po bëjnë sigurinë dhe mbrojtjen e Kosovës.
Urime të sinqerta u shprehim përfaqësive diplomatike në Kryeqytetin e Kosovës.
Në këto momente gëzimi, u shprehim urime nga zemra kosovarëve në SHBA dhe në vendet e Evropës që po ndihmojnë progresin e Kosovës. Urim të veçantë u drejtojmë të gjithë shqiptarëve kudo që janë.
Në gëzimin e ndërrimit të moteve, urime të përzemërta për Vitin e Ri i dërgojmë Presidentit Bush, Kryeministrit Bler, Presidentit Shirak, Kancelarit Shrëder dhe Kryeministrit Berluskoni.
Urim të veçantë i shprehim Atit të Shenjtë Papa Gjon Pali II, që gjithmonë lutet për Kosovën.
Në këtë natë gëzimi t'i bashkojmë dëshirat, synimet dhe veprimet për një Kosovë më të begatshme, më të fuqishme dhe më të lumtur.
Dhashtë Zoti që Vitin tjetër të Ri ta kremtojmë me njohjen formale të pavarësisë të vendit tonë të shtrenjtë e të bukur!
Me fat Viti i Ri 2004!
Gëzuar! Zoti Ju bekoftë! Zoti e bekoftë Kosovën tonë të dashur! - thuhet në fund të mesazhit të Presidentit të Kosovës, Ibrahim Rugova.
Marrë nga www.kosova.com
I vetmi gabim në këtë urim mendoj se është puna e së ardhmes së Kosovës, që Rugova thotë se është pavarësia dhe pastaj integrimet euroatlantike, pra ndaras nga Shqipëria, gjë që është shumë gabim nga kushdo shqiptar që kërkohet kjo.
E ardhmja e gjithë rajonit tonë patjetër do të jetë BE, por është puna se si do të futemi në BE, bashkarisht me Shqipërinë apo ndaras si dy shtete shqiptare.
Nga ato gati 100 vite të okupimit serb mbi Kosovën, pra jetës së bërë ndaras janë krijuar disa ndryshime mes shqiptarëve të Kosovës dhe Shqipërisë dhe nëse mendohet që të shkohet në pasjen e dy shteteve, pra prapë jetës së ndarë në dy shtete ato ndryshime midis nesh vetëm se do të thellohen edhe më, për çka është frikë se pastaj do të vij deri te krijimi i një kombi të ri kosovar apo dardan si do që ta quajmë, dhe kjo nuk është në interes të asnjë shqiptari.
Prandaj, ne medoemos duhet të bashkohemi, e pastaj së bashku hyjmë në BE e paralelisht me këtë duhet bërë sa më shpejt edhe rikonvertimi/rikthimi në rrënjë i asaj pjese shqiptare të islamizuar gjë që është duke u bërë dhe Rugova është një nga personazhet kryesore në këtë gjë, për ç'gjë duhet dhe është duke u vlerësuar.
Përgjigju Duke Cituar
ESHMORET dhe INVALIDET E LUFTES e FEMIJET JETIMA TE DESHMORVE e FAMILJET E DESHMORV
Krijoni Kontakt