Opozita nuk lejon miratimin e projektligjeve për taksat.

[lis]

Posterat e Kushtetutës me një shirit të zi mes për mes, që simbolizonte dhunimin e saj nga maxhoranca, kanë uruar “mirëseardhjen” që në derën e jashtme të Kuvendit

Sërish sherr në parlament, Pëllumbi shton truprojet. Opozita nuk lejon miratimin e projektligjeve për taksat

Kuvendi bllokon paketën fiskale
Në hyrje ishin vendosu posterat e Kushtetutës me shirit të zi

Elisabeta Ilnica

Ka degjeneruar sërish në sharje, fyerje, batuta, kërcënime, e deri në thyerje të vazove të luleve seanca e mbrëmshme parlamentare.

Posterat e Kushtetutës me një shirit të zi mes për mes, që simbolizonte dhunimin e saj nga maxhoranca, kanë uruar “mirëseardhjen” që në derën e jashtme të Kuvendit. Me të tillë postera ishte mbushur edhe salla brenda, duke përfunduar deri në tryezën e kryeparlamentarit, Servet Pëllumbi. Kurse, nënkryetarja demokrate, Jozefina Topalli, ka braktisur postin e saj pranë Pëllumbit, për t’u bashkuar me grupin e saj në shenjë proteste. Ndërkohë që, kolegia tjetër e saj, Makbule Çeço, është përballur mjaft ashpër me Edi Palokën. E megjithatë, seanca ka vijuar. Herë me pushime të shkurtra e herë duke “mbijetuar” zhurmën e opozitës, për disa orë me radhë Pëllumbi arriti t’ia dalë mbanë që të zhvillojë seancën. Por, kjo shkathtësi e tij nuk ka vlejtur për të miratuar ndryshimet në paketën fiskale, ashtu siç ishte parashikuar. Kështu, edhe seanca e djeshme, megjithëse Pëllumbi i shtoi truprojat rreth tij nga 7 në 9, shënoi dështimin e radhës.

Debati
Ajo që ka acaruar më së tepërmi opozitën, kësaj here ka qenë mungesa e Kryeministrit Nano, pikërisht kur në rend të ditës ishte parashikuar të diskutohej paketa fiskale. Për më tepër, “zjarrit” i është hedhur “benzinë”, kur Pëllumbi u mundua që të miratonte këto ndryshime, duke injoruar kërkesat e opozitës për ardhjen në parlament të dy dekreteve për zëvendësimin e posteve bosh në dy ministritë kryesore. Që nga lideri demokrat, Sali Berisha, Topi, Topalli, Bode dhe gjithë krerët e tjerë të grupeve parlamentare të djathta, njëri pas tjetrit kanë akuzuar Pëllumbin se po trajton deputetët si delegatë të PS-së. Topi tha se, “Pëllumbi është i implikuar në dhunimin e Kushtetutës, pasi herën e kaluar ka miratuar kalendarin dyjavor, pavarësisht nga kundërshtimi i opozitës”. Topin e ka mbështetur fuqishëm kryetari i PDK-së, Nikollë Lesi, i cili deklaroi që, “Kryeministri dhe Presidenti të vijnë urgjentisht në parlament së bashku me emrat e ministrave, në të kundërt nuk ka seancë plenare”. Në këto çaste, duke qenë se deputeti i PD-së, Paloka, është afruar së bashku me grupin pranë Pëllumbit, ai ka ndërprerë seancën për 10 minuta. Por, sapo opozita është derdhur në korridor, mazhoranca ka filluar më vete miratimin e paketës fiskale. Megjithatë, situata u “kap” menjëherë, çka solli një tensionim edhe më të madh mes opozitës dhe Pëllumbit.

Seanca ndërpritet sërish
E njëjta skemë është përsëritur katër herë rresht brenda 3 orëve. Opozita në një farë mënyrë u pajtua për të diskutuar paketën fiskale, por si pengesë nxorën mungesën e Kryeministrit. Republikani Robert Çeku, duke folur nën cilësinë e anëtarit të Komisionit të Ekonomisë theksoi se, “qeveria nuk është në krye të detyrës. Nëse unë si komisioner kam pyetje për Kryeministrin Nano, kujt duhet t’i drejtohem. Nuk mund të flitet për buxhet të Ministrisë së Jashtme apo të Rendit, kur nuk ka kush të japë përgjigje”. Duke qenë se të gjitha replikat e opozitës u vërtitën po në këtë pikë, atëherë ka ndërhyrë Ridvan Bode, i cili ka kujtuar se, “parlamenti në bazë të rregullores nuk mund të diskutojë një projektligj, pa kaluar tri ditë nga shqyrtimi nëpër komisione parlamentare”. Dhe, duke qenë se paketa fiskale nuk i kishte mbushur as 5 orë që kishte dalë nga dyert e Komisionit të Ekonomisë, Pëllumbi i ka dhënë të drejtë dhe e ka mbyllur seancën përfundimisht.



Batutat e djeshme në Kuvend

Berisha: Ky nuk është parlament, por Kongresi famëkeq i fshesës komuniste. Këta nuk janë deputetë, por delegatë
Pëllumbi: Mirë, mirë, po ju nuk na ftoni edhe nëpër festa të partisë suaj
Berisha: Ti mbase e pranon Nanon si prijës dhe duartrokisni histeritë e Emin Barçit
Një deputet i PS-së: (duke qeshur) Po histeritë e tua?
Berisha: Do qeshni më vonë, mos u bëni merak. Ju o të mjerë dëgjoni historitë atë që cicëronte për veten e tij. Ju ishit mbledhur aty, zemunarë, zullumnarë, taksidarë
Lesi: Jam i shqetësuar për mungesën e Zogut të Vetmuar në sallë… O dekretet, o harroje seancën
Pëllumbi: Nuk më frikëson me kërcënimet e tua. Kur preva seancën, thoni pse, kur e mbledh nuk e lejoni. Juve nuk jeni koherentë
Topalli: Rregullorja e parlamentit, nuk është statuti juaj
Koçi: Të gjithë përmendësh e paskeni mësuar refrenin sot
Topalli: Juve nuk dolët dot as sekretar i përgjithshëm se e patë mirë kryetarin tuaj
Ruçi: Opozitarët kanë 12 vjet që fillojnë me kongrese partie e mbarojnë me sekse ëngjëjsh
Metko: Mendova se ju, zoti Pëllumbi, jeni burrë i moshuar, me vlera
Pëllumbi: Edhe kur flet merresh me moshën time. Ti mbro vlerat e Ballit
Paloka: Mjaft, se ia nxorre bojën
Pëllumbi: Je trim i madh ti, se ke pirë nja 5 gota
Paloka: Mos më trego mua gotat, po hajde dalim jashtë



Të enjten sërish seancë për buxhetin

Edhe pse Pëllumbi ka shtyrë sërish punimet për të enjten, në Kuvend pritet që të përsëritet e njëjta skemë që ka shoqëruar të gjitha seancat e fundit. Opozita ka vendosur që të mos lejojë miratimin e paketës fiskale, pa çuar më parë kryeministri Nano emrat e rinj për dy ministrat e rinj



Grupi parlamentar miraton paketën fiskale
PS, jo komisionit hetimor për Nanon

Grupi parlamentar socialist ka diskutuar dje rreth kërkesës së 35 deputetëve të parlamentit shqiptar për ngritjen e komisionit hetimor parlamentar për incidentin e ndodhur në Shkallnuer më shumë se një vit më parë, ku, sipas këtyre deputetëve, Kryeministri Nano ka aksidentuar për vdekje një njeri. Sekretari Ruçi tha se, grupi e ka kundërshtuar këtë kërkesë, pasi, sipas tyre, kjo nuk është e mbështetur në asnjë ligj: ”Problemi i dytë ishte kërkesa që kanë bërë 35 deputetë të opozitës për të ngritur një komision hetimor për ngjarjen e Shkallnuerit. Grupi parlamentar nuk e gjeti atë të mbështetur në nenin 148 të Kushtetutës së Republikës së Shqipërisë, si dhe nenin 2, 3, 4, 5 dhe 22 të ligjit për komisionet hetimore. Në këtë këndvështrim, nuk është dakord me ngritjen e këtij komisioni”, tha Ruçi. Në këtë mbledhje, deputetët socialistë në mungesë të grupit të mbështetësve të Metës, kanë miratuar paketën e re fiskale: ”Paketa e re fiskale me shtatë projektligje, u diskutuan dhe u miratuan në mbledhjen e Grupit. Ky do të jetë dhe qëndrimi që do të mbajë Grupi parlamentar në seancën e pasdites”, tha dje Ruçi pas mbledhjes së Grupit parlamentar. Ndërkohë, grupi i mbështetësve të ish-kryeministrit Meta, duket se do të mbetet sërish në pozitat e pakicës bllokuese, pa marrë parasysh ndëshkimin që i jep statuti i ri i partisë. Për këtë çështje, Ruçi tha: ”Nuk kam asnjë arsye që të arsyetoj për votim kundër nga Grupi parlamentar i PS-së, pasi të gjithë ishin dakord me paketën fiskale. Nuk mund të paragjykoj as të pranishmit, as të papranishmit. Kjo pyetje, përgjigjja e saj i takon pas votimit, jo para votimit”, tha Ruçi. Grupi i deputetëve kundërshtarë të Nanos në PS, nuk ka qenë i pranishëm në mbledhjen e djeshme të Grupit parlamentar socialist.

Burimi: "Gazeta Panorama"

[lis]

Informaliteti ne kuvendin e Shqiperise, politizimit i kuvendit, protestat te opozites per nje parlament sa me kushtetues, mugesa e shefit te qeverise, mungesa e dy ministrave me te rendesishem ne qeverine "Nano", perfundimi kongresit te PS-se ne menyre skandaloze, jane disa nga motivet qe detyruan opoziten te mos miratoje projektligjet per taksat ne kuvend.

Opozita e ka kryer detyren e saj kushtetuese.
Nuk e di se ne cilin shtet te Evropes, kuvendi, qeveria, presidenti, kane te drejte te shkelin kushtetuten e Shqiperise, te miratojne ligje pa pranine e opozites, domethene ta kthejne Shqiperine ne nje shtet informal, ku kriza institucionale ka arritur kulmin.

Cfare mund te beje me shume kjo opozite e cila eshte damkosur nga kriminelet e PPSH-se, si nje parti dekonstruktive?

Shefi i qeverise shqipetare bredh boten dhe kur vjen momenti per te qene ne krye te detyres dhe per te kryer detyrat ne emer te popullit, te parlamentit qe e ka votuar, kur ky shef i qeverise eshte betuar para presidentit te Shqiperise se do te kryeje detyrat me nder, me kete njeri ndodh e kunderta.

Opozita e cila nuk lejoi miratimin e paketes fiskale
Ajo kreu nje detyre kushtetuese dhe lavdi Sali Berishes kryetarit te opozites, qe gjerat kane avancuar ne dobi te shqipetareve.

Ajo cfare ka ndodhur dhe po ndodh ne Shqiperi, parlament, ne administraten shteterore,ne institucione te ndryshme, do te ngelet ne histori si Parlamenti stalinist i shekullit te ri te XXI ose shekulli i autokracise se lidershipit

[*DJ-ALDO*]

Kush pengon zhvillimin normal te parlamentit shqiptar dhe te ligjeve??
Lexoni megjithese edhe nje i huaj e di se kush jane,e jo me nje shqiptar:

Politika
Wednesday December 17, 2003 12:29:21 AM






Çeço:Siç pushtojnë rrugët zënë edhe podiumin
Tiranë- Situata e krijuar në parlamentin shqiptar që prej më shumë se një muaji jo vetëm që ka penguar punën në shqyrtimin dhe miratimin e projektligjeve të reja por është kthyer në një shqetësim të vërtetë për të gjithë opinionin publik. Për cdo seancë, grupi opozitar, me apo pa liderin e tyre, bëjnë zhurmë, sherre, kërcënojnë dhe cdo gjë tjetër për të penguar seancën. Jo më larg se dy ditë më parë, tentuan edhe të vinin zjarrin përvec kërcënimeve për jetën drejtuar kryetarit të këtij parlamenti, Servet Pëllumbit. Nënkryetarja, Makbule Ceco thotë se bojkoti i opozitës nuk është një problem i pakapërcyeshëm. Për të e rëndësishme është që grupi parlamentar të kryejë me eficencë detyrat e tij.



Për të disatën herë, deputetë të opozitës po pengojnë punën në parlament. Situata e përsëritur ka filluar të bëhet shqetësuese si për deputetët socialistë, për kryetarin e Kuvendit ashtu edhe për opinionin publik që i ndjek seancat nëpërmjet televizionit. A do të merret ndonjë masë në lidhje me këtë problem?

Situata në parlament nuk ishte e paparashikuar. Është një situatë, që tashmë kemi disa javë, për të mos thënë gati një muaj të tërë që po e përjetojmë. Është një situatë që krijohet në mënyrë artificiale nga opozita, e cila synon, edhe nga problematika e brendshme e PS-së dhe e grupit tonë parlamentar, që të përfitojë dhe duke spekulluar me mbrojtjen e kushtetutës, krijon situata të papara. Madje deri aty, sa fillojnë e përdoret një fjalor tejet vulgar, një fjalor që nuk mund ta pranojë askush, as njerëzit e rrugës apo të një niveli të papranueshëm për cdo shqiptar. Vecanërisht deputetë të tillë që dirigjohen, ngrihen dhe bëjnë skena të papranueshme ndërkohë që disa njerës nga grupi ynë parlamentar ka raste që qeshin ose që i duartrokasin. Sigurisht që kjo situatë do të normalizohet me zgjidhjen e problemeve fill pas Kongresit, me realizimin e gjithë detyrimeve që kemi, në përputhje me vulnetin që shprehu edhe Kongresi i Gjashtë i Partisë Socialiste dhe me zbatimin konseguent të statutit, ose të ndryshimeve që u realizuan në statut me vullnetin pothuajse unanim të këtij Kongresi. Në këtë kuadër, ne jemi përpara zgjedhjeve shumë të rëndësishme, sic është formatimi i plotë i qeverisë me vendet vakante dhe ndonjë ndryshim i mundshëm. Sikurse edhe marrja me intensitet e punës lidhur me miratimin e paketës fiskale dhe projektbuxhetit të vitit 2004. Nuk është nevoja për të marrë masa. Kryesore dhe më e rëndësishmja është që ne të jemi eficentë si grup parlamentar. Pra masat janë dicka që kanë rolin e tyre por për mua, masa më e mirë ndaj këtyre sjelljeve të deputetëve, madje do të thoja të shumë deputetëve të opozitës, është pikërisht vënia në eficencë e punës së grupit parlamentar të Partisë Socialiste.



Në seancën e fundit plenare, gati të gjithë përfaqësuesit e opozitës, që morën fjalën në parlament, kanë abuzuar me Kongresin tuaj dhe zhvillimet e tij. Ju a do të kishit një përgjigje për këto komente?

Sigurisht. Grupi parlamentar i Partisë Demokratike, mendon se është në konferencat e veta. Ashtu sic pushtohet podiumi, synohet të pushtohen edhe rrugët dhe institucionet deri në shprehje të tilla antikushtetuese, si: "Do ta marrë vendosjen e rendit populli në dorë" apo dicka tjetër e kësaj natyre. Pra janë thirrje vërtet antikushtetuese. Edhe në parlament ata mendojnë se janë në konferenca shtypi apo mitingje dhe abuzojnë me të gjitha mënyrat me atë të drejtë që u jep kushtetuta, që deputeti nuk përgjigjet për cka flet në parlament, përvec fyerjeve. Nuk i takonte as kreut të opozitës, as deputetëve të opozitës, as kujtdo tjetër edhe brenda grupit parlamentar të socialistëve, që të flasë dhe të spekullojë me Kongresin në një institucion politik dhe më të lartë shtetëror, sic është parlamenti ynë. Aty nuk kemi analiza të Kongreseve, sikurse nuk kemi bërë kurrë, ne të paktën, deputetët e pozitës, fjalë, analiza ose keqinformime apo keqtrajtime të zhvillimeve politike të forcave të tjera, sic janë këshillat e përgjithshëm që ata kanë, Kongreset apo evenimente të tjera të kësaj natyre. Ai ishte një spekullim, jo i panjohur për ne, është një nga mënyrat që opozita vepron.



Është abuzuar gjithashtu edhe me termat "shumicë", "pakicë". Ju mund të na e shpjegoni nga ana e konceptit parlamentar cfarë nënkuptojnë këta dy terma?

Një nga parimet themelore të demokracisë është ai i maxhoritetit dhe i pakicës, ose i opozitës, që realizohen në zgjedhjet e përgjithshme dhe që më pas, pas rezultatave, i jep maxhorancës të drejtën të formojë qeverinë dhe të realizojë të gjitha programet, taktikat, strategjitë dhe filozofinë e kësaj force politike që formon maxhorancën. Ndërkohë spekullimi që bën opozita është pikërisht i bazuar në problematikën që ka kaluar grupi parlamentar socialist deri më sot, me ato votimet jashtë cdo norme politike kundër qeverisë, kundër pjesëve të vecanta të zgjidhjes së problemit të dy mungesave në dy vendet në qeveri. Ky është një spekullim sepse në fund të fundit maxhoranca është maxhorancë. Ne vazhdojmë të mbetemi maxhorancë edhe në bashkëpunimin me aletatët, me të cilët ne kemi realizuar edhe formatimin e qeverisë. Dihet që kemi ministër nga Partia e të Drejtave të Njeriut, ministër nga Partia Agrare Ambientaliste, pra koalicioni vazhdon. Maxhoranca vazhdon të jetë ndërkohë që problematika brenda grupit parlamentar mendoj se do të marrë zgjidhje dhe do të konfirmojë një maxhorancë solide në zgjidhjen e gjithë problemeve që kemi përpara. Qoftë në miratimin e paketës fiskale dhe të projektbuxhetit të vitit 2004, qoftë edhe në problematikën që kemi përballë një ndryshimi në qeveri, me synimin për të përmirësuar dhe rritur më tej efektivitetin e vepriimtarisë së ekzekutivit shqiptar.

Ne do bëjmë çmos që njerëzit të kuptojnë

Në këtë rast, ideja ishte që ne të realizonim miratimin e gjashtë projektiligjeve të paketës fiskale dhe të gjithë problematikës tjetër që ishte parashikuar për rendin e ditës, për ta mbyllur që ditën e hënë. Njëri nga relacionet e komisioneve mbante datën e ditës në të cilën zhvillohej seanca plenare, gjë që binte në kundërshtim me rregulloren. Ne kemi qënë gjithmonë ekzigjentë për zbatimin e rregullores së parlamentit dhe nga ana tjetër pavarsisht se ligjet e tjera i kishin relacionet në afatet kohore të parashikuara nga rregullorja, treguam edhe ne atë tolerancën, jo në kuptimin e qëllimit në vetvete, por edhe për të përmbushur atë kërkesë spekullative të opozitës, për t’u njohur më mirë me përmbajtjen e paketës fiskale. Kjo është bazuar në faktin se paketa ka një rëndësi të vecantë dhe fakti që opozita kërkonte të manipulonte edhe me kërkesën tjetër që është pjesë e buxhetit, ndërkohë që vetë zonja Topalli tha është "paradhoma e buxhetit" dhe zoti Berisha filloi ato manipulimet e tij me ato pyetjet në është apo jo pjesë e buxhetit, kjo paketë fiskale. Përgjigjen e mori nga zonja Jozefinë. Ata nuk ishin koordinuar me njëri- tjetrin se cfarë qëndrimi do të mbanin për të bllokuar seancën plenare. Megjithatë, unë dua të them se ky nuk ishte bllokim i seancës, sepse ne i kemi mundësitë, e kemi numrin dhe gjithë të drejtat tona për ta miratuar edhe pa pjesmarrjen e opozitës. Por fakti që ne ndjekim një filozofi të tillë, që për ligje të rëndësishme, për probleme të rënmdësishme, kërkojmë me insistim bashkëpunim të opozitës, edhe kur ajo nuk e pranon këtë por kërkon gjithmonë të sfidojë, të bllokojë, të paralizojë. Ne synuam me këtë zgjidhje që ditën e enjte t’u japim mundësi të gjithëve, edhe opozitës, që të mos ketë më arsye për të manipuluar, spekulluar dhe amplifikuar situata krize në shoqërinë e sotme shqiptare, qoftë në institucionet ashtu edhe në disa aspekte të tjera të zhvillimit të saj. Në këtë rast, një tregues i progresit është pikërisht ndryshimi i sjelljes. Ndërkohë që ne tregojmë progres në veprimet tona, opozita nuk e tregon këtë progres në veprimet e saj në parlament.


Keta jane qe na mburren se e duan paqen dhe stabilitetin,qetesine dhe ligjet.

[Albo]

Mesimet me te medha qe socialistet do te marrin me vete kur pushteti i tyre i vdekur te varroset se shpejti do te jene:

1. Paraja e madhe te ha koken! - thote populli.
2. Mesuam si te bejme opozite ne pluralizem!

Opozita politike dhe institucionale qe PD ka mbajtur ne keto 3 vjetet e fundit, edhe pse i eshte dashur te perballet me nje kundershtar te paskrupullt dhe kriminal, eshte modeli i oponences institucionale. Kjo u duk ne 21 qershor 2001 kur opozita braktisi protestat per te zgjedhur dokumentimin e vjedhjeve te votes dhe manipulimeve, u duke ne mbledhjet e KE dhe takimeve me nderkombetaret, ku opozita korri nje tjeter fitore, garancine nderkombetare per kthimin e Shqiperise ne rrugen e demokracise duke reformuar procesin elektoral dhe ndeshkuar manipuluesit e votes (ju kujtohen Metat, Klosi, Rakipi e ndonje tjeter?), tregoi durimin e saj per te pranuar presidentin konsensual dhe korrigjimin e procesit elektoral para mbajtjes se zgjedhjeve te ardhshme. U duk edhe ne 12 tetor kur ajo korri nje fitore te madhe ne te gjithe vendin qe eshte ne vetvete fruti i strategjise se saj politike. U duk ne mos bojkotimin e zgjedhjeve ne Tirane e Durres por ne qendrimin deri ne fund te procesit, per te dokumentuar shqiptareve dhe gjithe botes vjedhjen e votes se shqiptare, per te denoncuar ne parlament, presidence e prokurori vjedhjen e votes dhe shkeljen e ligjit.

Pasi i kreu me sukses te gjitha detyrimet e saj morale dhe kushtetuese ndaj zgjedhesve shqiptare, PD e coi protesten e saj ne rruge, duke ua nxjerre ne shesh manipulatoreve njerezit vota e te cileve u manipulua, apo ju mohua e drejta e votes.

Pra socialistet bejne mire te mesojne nga PD se cdo te thote te besh opozite. Vlera e vertete e strategjise se opozites nuk duket as tek kriza qe ka mberthyer partine ne pushtet, as tek kriza ne qeverine Nano, as tek mbeshtetja e nderkombetareve. Duket tek emancipimi qe kjo strategji ka patur dhe vazhdon te kete ne rradhet e shqiptareve te cilet po mesojne se roli i nje partie politike ne pluralizem nuk eshte ajo e "komandat" e "komisar", por e avokatise te interesave te zgjedhesve.

[*DJ-ALDO*]

Postuar më parë nga Albo
Mesimet me te medha qe socialistet do te marrin me vete kur pushteti i tyre i vdekur te varroset se shpejti do te jene:

1. Paraja e madhe te ha koken! - thote populli.
2. Mesuam si te bejme opozite ne pluralizem!

Opozita politike dhe institucionale qe PD ka mbajtur ne keto 3 vjetet e fundit, edhe pse i eshte dashur te perballet me nje kundershtar te paskrupullt dhe kriminal, eshte modeli i oponences institucionale. Kjo u duk ne 21 qershor 2001 kur opozita braktisi protestat per te zgjedhur dokumentimin e vjedhjeve te votes dhe manipulimeve, u duke ne mbledhjet e KE dhe takimeve me nderkombetaret, ku opozita korri nje tjeter fitore, garancine nderkombetare per kthimin e Shqiperise ne rrugen e demokracise duke reformuar procesin elektoral dhe ndeshkuar manipuluesit e votes (ju kujtohen Metat, Klosi, Rakipi e ndonje tjeter?), tregoi durimin e saj per te pranuar presidentin konsensual dhe korrigjimin e procesit elektoral para mbajtjes se zgjedhjeve te ardhshme. U duk edhe ne 12 tetor kur ajo korri nje fitore te madhe ne te gjithe vendin qe eshte ne vetvete fruti i strategjise se saj politike. U duk ne mos bojkotimin e zgjedhjeve ne Tirane e Durres por ne qendrimin deri ne fund te procesit, per te dokumentuar shqiptareve dhe gjithe botes vjedhjen e votes se shqiptare, per te denoncuar ne parlament, presidence e prokurori vjedhjen e votes dhe shkeljen e ligjit.

Pasi i kreu me sukses te gjitha detyrimet e saj morale dhe kushtetuese ndaj zgjedhesve shqiptare, PD e coi protesten e saj ne rruge, duke ua nxjerre ne shesh manipulatoreve njerezit vota e te cileve u manipulua, apo ju mohua e drejta e votes.

Pra socialistet bejne mire te mesojne nga PD se cdo te thote te besh opozite. Vlera e vertete e strategjise se opozites nuk duket as tek kriza qe ka mberthyer partine ne pushtet, as tek kriza ne qeverine Nano, as tek mbeshtetja e nderkombetareve. Duket tek emancipimi qe kjo strategji ka patur dhe vazhdon te kete ne rradhet e shqiptareve te cilet po mesojne se roli i nje partie politike ne pluralizem nuk eshte ajo e "komandat" e "komisar", por e avokatise te interesave te zgjedhesve.

Berri i ODIHR Listat s'u manipuluan politikisht
"Ne nuk do të inkurajojmë aspak ndryshimin në tërësi shumë të mëdha të listës së votuesve, pasi afati I ndryshimeve dhe ndërhyrjeve në këto lista është mbyllur që para datës 12 tetor"


Shpjegimi i Europes per "votat e vjedhura" siç quhen nga ata qe vuajne per pushtet

[lis]

KALON PAKETA E VARFERISE

Eglantina Nasi

Vitin e ardhshem shqiptaret do te paguajne me teper taksa. Kjo fale paketes se re fiskale qe kaloi dje ne parlament nga deputetet. Me 6 vota pro dhe 38 kunder, paketa e fiskut qe shoqeron projektbuxhetin 2004 u ligjerua dje nga deputetet. Paketa fiskale mberriti per miratim ne seance parlamentare ende pa u shqyrtuar mire nga deputetet. Madje, ajo mbeti per t'u diskutuar edhe dje gjate nje pauze te krijuar artificialisht ne seancen parlamentare. Kjo ishte hera e pare qe deputetet i lane kaq pak kohe debatit mbi taksat e reja qe do paguajne shtetasit gjate vitit te ardhshem.

Qe buxheti te diskutohej me nje kohe te zgjatur ne komisionet parlamentare, ka qene nje nga sugjerimet qe Fondi Monetar Nderkombetar i ka bere qeverise shqiptare qe ne fillim te vitit ne nje nga raportet e tij. Por ky fakt nuk eshte marre fare parasysh prej saj. Kete e tregon fakti se nje vit me pare, p/buxheti tashme ishte paraqitur ne komisionet parlamentare dhe po shqyrtohej nga deputetet. Nese ky akt behet me vonese, atehere edhe levrimi i fondeve per zonat elektorale peson vonesa.

Ja debatet qe shoqeruan dje diskutimin e paketes fiskale:

Deputetet e opozites kundershtuan dje ne seance parlamentare faktin e pageses se diferencuar te Tatimit mbi Vleren e Shtuar. Kjo ka qene nje nga rezervat qe ata kane paraqitur edhe gjate diskutimeve ne komisionin parlamentar te Ekonomise. Sipas deputetit Ridvan Bode, TVSH-ja duhet te paguhet njesoj nga te gjitha subjektet private dhe ato shteterore. Sipas deputetit Bode, fakti qe ky lloj tatimi eshte i diferencuar tregon se krijohen premisa per te abuzuar mes subjekteve te cilat e paguajne ate.

Nga ana tjeter, deputetet kane paraqitur rezervat e tyre edhe ne lidhje me pjesemarrjen e biznesit ne Komisionin e Apelimit. Sipas opozitareve, kjo pjesemarrje eshte ne minorance. Nje fakt te tille deputetet e pohuan edhe gjate diskutimeve para zv/ministres se Financave. Sipas tyre, biznesi eshte i privuar nga e drejta e ligjshme per te marre pjese ne kete komision. Pikerisht, permiresimi i ketij amendamenti ne paketen e re fiskale, u paraqit prej tyre ne seance parlamentare. Biznesi kerkon te clirohet nga pagesat e doganave per lendet e para te importuara nga jashte. Perfaqesuesit e tij kerkuan qe gjate vitit te ardhshem, ne projektbuxhet te perfshihet edhe kjo kerkese e tyre. Ne dukje me humbje per te ardhurat fiskale te shtetit, biznesi mendon te kunderten per efektin e zbatimit te tarifave zero doganore per lendet e para. Deputeti Ridvan Bode pohoi se taksimi i lendes se pare, denon ne radhe te pare industrine e agrobiznesit, e cila ka realisht mjaft veshtiresi per prodhim. Nga ana tjeter, ajo perfshin nje nga sektoret e industrise qe lendet e para i marrin te importuara.

Opozita kunder takses per Durres-Kukes

Deputetet ne perkrahje te qytetareve, nuk jane dakord per pagesen e takses Majko gjate vitit 2004. Ashtu sic e kane deklaruar edhe ne komisionin parlamentar te Ekonomise ata e kundershtuan miratimin e saj ne seance prlamentare. I papranueshem eshte per ta fakti qe qytetaret te paguajne nje supertakse per te ndertuar nje rruge e cila s'dihet kur do filloje. Nga ana tjeter, skandaloz per deputetet e opozites ka qene fakti qe edhe me ato leke qe jane grumbulluar gjate ketyre viteve, qeveria ka mbuluar deficitin e saj buxhetor. Edhe pse e ka cilesuar si nje takse qe sherben per investim, ajo fondet e mbledhura prej saj i ka vene ne perdorim per te mbuluar zerin e deficitit te te ardhurave ne buxhetin e shtetit. Per k`te arsye, zeri i parashikuar ne paketen fiskale per taksen Majko u kundershtua me force nga deputetet dje ne seance. Mendohet qe shuma totale e fondit per ndertimin e rruges do te jete 250 deri ne 280 milione dollare. Ne momentin qe do te mblidhet shuma totale, buxheti do te jete transparent ne menyre 100 perqind per te treguar sesi do te ndertohet ne te vertete kjo rruge.

[lis]

Parlamenti ka 140 deputete.
Nga ata deputet, pjesemarres kane qene vetem 44 deputete

6 vota pro dhe 38 kunder, dje u miratua paketa fiskale.

Nuk ja vlen me te shpenzosh kohe per te nxjerre ne shesh pallavrat e politikes shqipetare.
Domethene dje paketa fiskale u miratua nga kongresi i PS-se ose kongresi i PS-se zgjodhi dje per kryetar, shokun Paketa Fiskale.
Pastaj kerkojme drejtesi.
Gezuar festat shqipetare.

[gabriel]

QE OPOZITA ESHTE SA PROVINCIALE AQ DHE COP-COP NE TERESINE E VET KJO ESHTE NJE GJE QE BEN "MUUUUUUUUU".

OPOZITA KERKON TE BEJE VETEM ZHURME DHE KJO SHKON NE DEM TE STABILITETIT DHE PROGRESIT TE VENDIT PER TE CILIN KEMI AQ NEVOJE NESE DUAM TE COJME PERPARA REFORMAT.

OPOZITA KA FRIKE NGA ZGJEDHJET E PARAKOHESHME SE AJO NUK MUNDI TE FITOJE EDHE KUR PS-JA ISHTE NE DITEN ME TE KEQE TE SAJE.
PERFUNDIMISHT BERISHA MUND TE KENAQET ME FITIMIN E BASHKISE SE TIRANES NESE NANOS DO TI JETE NGRITUR.....
HUMORI.
SEPSE......... PERFUNDIMISHT KAM NJE BINDJE TIMEN QE PD-JA ZOR SE DO SHOFI NDONJE DITE NE PUSHTET TE PAKTEN PER CA DEKADA.

[manoklla]

Jo dekada se eshte shume e sdihet cmund te ndodhi por edhe per nja 5-6 vjet po iher.