S'dua Te Te Humb

[SkenderRusi]

S’DUA TË TË HUMB

Nuk jam aq i mirë
sa të jam dukur,
Unë,vëllai i vogël
i ajsbergëve!
Pjesën e shëmtuar
mbaj nën ujë,
Mos e shohin dot sytë
e të tjerëve!

Nuk jam Perëndi
siç më ke ditur!
As kam qenë ndonjëherë
Krisht!
Po përse kaq vonë
ti ke lindur,
Dhe tek unë vjen
kaq verbërisht!?

Nuk e di ,pse,vetëm mik
më quan,
Dhe s’ke frikë se unë
mund të të puth!
Kam një mbrëmje
që për ty e rruaj,
Po s’të them,se s’dua
të të humb!


Në se do më ndodhë
që ndonjërës,
T’ia fal gjysmën më të mirë,
timen,
Kjo do të jesh ti
që ke kuptuar,
Se mëkati vdes
prej dashurive!

[Lule Portokalli]

S’DUA TË TË HUMB


Në se do më ndodhë
që ndonjërës,
T’ia fal gjysmën më të mirë,
timen,
Kjo do të jesh ti
që ke kuptuar,
Se mëkati vdes
prej dashurive!

Pa fjale si gjithmone nga magjia jote.....

[Poeti]

NUK DUAM

1.
Nuk duam të humbim
As dhe të na harrojnë,
Duam që këtu të jemi
Duam që të na dashurojnë!?

2.
Rolet që nuk i kemi
As që do t’i luajm,
Edhe nëse nuk na dua
Nuk kemi përse të vuajm?

3.
Aty ku lind dashuria
Miqësia më nuk ka vend,
Sepse mikun ta dashurosh
Është një vendim i pa vend?!

4.
Kurse të dhurosh ndjenjat
Është vërtetë cilësi,
Por kurrë mos i dhuro
Aty ku nuk gjen dashuri!

[SkenderRusi]

S’DUA TË TË HUMB

Nuk jam aq i mirë
sa të jam dukur,
Unë,vëllai i vogël
i ajsbergëve!
Pjesën e shëmtuar
mbaj nën ujë,
Mos e shohin dot sytë
e të tjerëve!

Nuk jam Perëndi
siç më ke ditur!
As kam qenë ndonjëherë
Krisht!
Po përse kaq vonë
ti ke lindur,
Dhe tek unë vjen
kaq verbërisht!?

Nuk e di ,pse,vetëm mik
më quan,
Dhe s’ke frikë se unë
mund të të puth!
Kam një mbrëmje
që për ty e rruaj,
Po s’ta them,se s’dua
të të humb!


Në se do më ndodhë
që ndonjërës,
T’ia fal gjysmën më të mirë,
timen,
Kjo do të jesh ti
që ke kuptuar,
Se mëkati vdes
prej dashurive!
4 shtator,2005




UNË DHE BOTA


Plot me gjëra të ndaluara
e kam kokën,
Plot me trille
që s’kanë vdekur ende!
Por unë prapë
s’e urrej dot botën,
(ngado që shkoj
e marr atë me vete!)


Plot me gjëra Kundër
që i vogël,
Dhe gjithnjë
në anën e të mundurve!
Bota është e lodhur,
shumë e lodhur,
Ja tani,
unë po e mbaj mbi supe!


Plot me perëndime
jam i mbushur,
Plot me njerëz
që s’di nga janë sajuar!
Bota do të ish
dhe më e bukur,
Po të mos ishim ne
kaq të shëmtuar!


17 shtator,2005

[Helena78]

Se jeta ime qenka nen pushtetin tend
Kjo dreq jete qe me duket pa mbarim,
E vetmja shprese eshte varri im
Ashtu si i yti mes botes se shkujdesjes.

Kam qene prane teje, kam ftohte me te tjeret.....

[SkenderRusi]

NE S’BËJMË ASGJË TË KEQE


Ne s’bëjmë asgjë të keqe.Duhemi.
Ndaj dhe kjo ditë
nuk po perëndon ende!
Ne jemi akrepat
e orës së diellit,
Lëvizim brenda tij
si brenda një brenge!

Ne s’bëjmë asgjë të keqe.Vështrohemi.
Duke u bërë secili
sadopak i verbër!
Që mos na vijë aq turp
kur të takohemi,
Në ato vende ku s’ka shkelur
asnjë tjetër!


Ne s’bëjmë asgjë të keqe.Puthemi.
Duke mbyllur portën
e botës së përtejme!
Brenda saj gjithmonë
ka diçka prej absurdi,
Që bëhet shkak
për grindjet mes njerëzve!


Ne s’bëjmë asgjë të keqe.Gënjehemi.
Duke i dhënë atë që i mungon
njeri-tjetrit!
Në u bëfshim Prometej,
zjarre nuk do vjedhim,
Por urrejtjet që në shpirt
mbajnë njerëzit!

2 shtator,2005






KALI PA KALORËS

Ç’gjë e bukur ky kalë
pa kalorës,
Me dy këmbët lart
i bie daulles së diellit!
Mbi shpinën e tij
asnjëherë nuk ka ndodhur,
Të hipin njerëzit!


Dhe asnjëherë s’ka qenë
mik i livadheve,
(Livadhet janë gracka
ku kthehesh në rob!)
Ai është statuja
e lirisë së kuajve,
E çka më tepër
ajo në Nju Jork!?


Ai është një kalë
jo si të tjerët,
Kush e ka dërguar,
s’jua them tani!
Me hingëllimat që nxjerr
krijon ylberët,
Rrugët nëpër qiell
ku shkel veç ai!


Ç’gjë e bukur ky kalë
pa kalorës,
Me dy këmbët lart
i bie daulles së diellit!
I dashur njeri,
ku i ke skulptorët,
Ata,të pavdekshmit!?
8 shtator 2005