Per cilet luftuan studentet e Dhjetorit??

[Brari]

Ne cdo levizje politike gomeret sakrifikojne e dobicat fitojne.


Ja nji shembull se kush ka vile 4 kateshe ne kodrat piktoreske pran qytetit STUDENTI.




gaz.Shqiptare.

----
Arrestimi i Hiqmet Hoxhës, është bërë ndërsa ishte duke gjerbur një freskuese në barin e disko "Meteorit" së bashku me një mik tjetër

Të gjitha detajet e arrestimit të Hiqmet Hoxhës, reagimet e para

Pranga bosit të Çaplinit "lëshonte" viza kanadeze


--------------------------------------------------------------------------------

TIRANË

Çdo lëvizje e Hiqmet Hoxhës, pronarit të bar restorant "Çaplini", ishte nën vëzhgimin e agjentëve të Antikrimit Ekonomik-Financiar prej disa ditësh.

Këta të fundit kishin informacione operative si ai falsifikonte pasaporta e viza. Pritej vetëm momenti që ai të kapej me "presh në duar", që të plotësonte edhe kuadrin e flagrancës. Në këtë mënyrë akuza bëhej më e besueshme dhe më e plotë. Mesditën e së premtes "agjentët" ishin të bindur se ky ishte momenti i duhur për ta prangosur. Ndërsa 38-vjeçari, Hiqmet Hoxha, ishte duke gjerbur një freskuese në barin e disko "Meteorit" së bashku me një mik tjetër (edhe ky i arrestuar më parë për falsifikim vizash e pasaportash) kanë ndërhyrë inspektorët e Antikrimit Ekonomik të mbështetur edhe nga një grup i autopatrullave "Shqiponja". "Në momentin e arrestimit Hoxhës iu gjetën dy pasaporta dhe një leje qëndrimi kanadaze", thonë burimet policore të sektorit të Antikrimit Ekonomiko-Financiar në Drejtorinë e Tiranës. Burimet sqarojnë se leja e qëndrimit kanadeze ishte falso, ndërsa në pasaportën e një gruaje ai kishte ndërhyrë duke bërë modifikime artizanale. Më pas operacioni është shtrirë edhe në mjediset e bar "Çaplinit". Burimet policore kanë shtuar se edhe në këtë vend (ku pronari ka pasur një zyrë pune) janë gjetur materiale kompromentuese. E pas kësaj, policia ka mësyrë në shtëpinë e tij, një vilë katërkatëshe në periferi të qytetit "Studenti". Pikërisht në katet e vilës policia ka gjetur një kompjuter (në memorien e të cilit ka shumë informacion që duhet zbërthyer) prodhim i këtij viti, një skaner dy printera me ngjyra dhe disa dokumenta (leje qëndrimi kanadeze) bosh. Këto të fundit plotësoheshin sipas kërkesave të klientëve. Duke pasur në dorë këto prova, mesnatën midis së premtes e së shtunës, Hoxha është futur nën akuzën e falsifikimit të dokumentave zyrtare, dhe materialet i kanë kaluar prokurorisë së rrethit. Burimet policore kanë saktësuar se "Hoxha nuk ka pranuar asnjë nga akuzat e ngritura dhe e ka quajtur të paligjshëm arrestimin e tij".

---------------

Hajdutet, xhambazet ,fallcifikatoret fituan nga revolucioni studentor i dhjetorit.

Nji dobic ka vile 4 katshe, kurse studentet e Dhjetorit jane shperndare si zogj korbi neper bote ose bredhin te papune neper Shqiperi.

[gjithcka asgje]

im vlla ka qene nje student dhjetori
dhe e vetmja gje qe "perfitoi" ishte se nuk beri ate 6-muaj ushtri qe behej pas shkolles se larte atehere.
nuk kam per ti harruar kurre ato dite...........

[Pogradecari]

e verteta e studenteve te dhjetorit

u hapen ambasadat ne fillim te korrikut plani ishte qe te behej nje si pune rremuje dhe te ndryshohej qeveria
ne si popull ASGJE
u lane anijet ne fillim te shtatorit apo thane kete rradhe do ti shkoje dikujt ne mendje te thote ajde te ndryshojme qeverine
perseri ne si popull ASGJE
so na i hoqen dritat ne sezon provimesh filluam tju ankoheshim presorave "skemi si mesojme nuk kemi drita"
dhe presorat na thane ankojuni po ku te ankohemi dilni ne rruget e qytetit studenti dhe therisni ska drita
ne rregull
dhe kur filluam te ankoheshim per drita dikush tha cfare dritash more ne duam demokraci
kush e dinte cishte demokracia so si turme ne thame demokraci duam hahahha
so u mbyll shkolla per te na denuar waw cfare denimi ne ate donim o po ndertimi arkitektura dhe ILKF ishin nga 21 dhjetori so qytetaret e tiranes nuk lejoheshin te hynin ne qytet studenti po keta u lejuan
so qyfyre therit e bucit ngaco te ngacmojme u shtyne 3 dite o po tani kemi takim me presidentin ups ai presidenti ishte zene aq ngushte(vetem 100 polica te kishte derguar ne qytet studenti nuk do kishte sdudent perjashta) sa na tha amani cfare doni hapeni gojen
duam nje parti tha ai shkodrani
krijoheni tha ai presidenti kush po ju pengon
na pengon ligji tha shkodrani qe nuk lejohen me shume se nje parti
po bejini nje kerkese carcanit(kryeministrit) tha presidenti dhe rregullohet ajo pune po i them dhe une nga ana ime

so me pak fjale ky ishte revolucioni i dhjetorit
e verteta eshte e hidhur dhe si pelqen askujt as mua po aman eshte e verteta dhe duhet pranuar si e tille sepse per sa kohe qe ne genjejme veten vetem probleme me te medhaja i hapim vetes sone
mund te themi shume gjera qe ne si popull shqiptar jemi te zgjuar jemi te beses apo te ndershem
po e verteta eshte jemi
#1 per prostitucion
vrasim mbrapa shpine (500 vjet gjakmarje)
nuk mund te krahasohemi me as nje vend te europes po vetem me ca vende te afrikes
so ku eshte zgjuarsija, ndershmerija apo patriotizmi se harova qe gjysmat e shqiptareve ne greqi tani e kane emrin Jorgo apo di une

mendoj qe ne jete eshte e rendesishme te dish se kush je

[Ceceni Tirons]

O pogradecaro se ke maru te gjith tregimin , ja pjesa dyt:
Than studentat 'dum parti'. Mire i tha ramizi ja ku e keni kryetrin e partis, Salih Ram Berr Berr Berishen, e kemi tonin, ka dhene prova 25 vjet te org baze e spitalit, sja ben llafin dysh njeri. Edhe vje doktorri e u thot studentave "He ku jeni he burra dheu qe po ja futni kryt n'dhe komunistave, he lum nana Shqipni per trma si ju". Ene filloi doktorri tu ju bo qefin e tu jau fut sakrau noten gjersa i hoqi gjith studentat nga levizja per te fut komunistat e kallepit e tij, ca i hoqi me ceremoni si Gonxhen e Fevziun, e ca me pislliqe si Azemin. Amon se e vje me vjell kur e kujtoj.

Mjere ky popull sa shpejt genjehet.

[Pogradecari]

Cecen nuk ishte tregim plako ishte e verteta sepse une kam qene atje dhe me e bukura kam qene dhe ne greven e urise ne shkurt ku lejoheshin biskotat dhe uji(greve urije) hahahaha
Ai Berr Berr e mori persiper ate detyre ne hotel dajti ne nentor te 1991 dhe sigurisht qe ka bere dhe ben cfare i thone
si mund te behej Nanoja hero heroi sakrifikon so duhet furur ne burg kot se koti e di ti sa herre jane nderuar drejtorat e burgut ku ishte nanoja cdo gjashte muaj
une e kam thene the e them
sa te jete berisha gjalle nanoja do beje palle
sepse aq tru i ka ai popull ne dy te keqija zgjedh ate qe eshte me pak e keqe

[lis]

Braro e di ate historine qe e perdorin nganjehere intelektualet per te bere nje diskutim me batuta?
Kur e pyeten devene se si po shkon udhetimi, deveja pergjigjet duke thene se e vetmja gje qe e ofendoi ne rruge e siper dhe qe e bente te ulej ne gjunje shpesh, ishte ajo qe, gomarin ja kishin vene si udherrefyes.
Edhe Ramizi i gjeti disa gomere dhe te ja kishte vene popullit, hajde de, por ai ja vuri intelektualeve si udherefyes.
Ramiz Alia ka bere nje politike te pakuptimte dhe shume djallezore, megjithate historia do gjykoje.
50 e vrane kete popull dhe mendjen e nacionalizmit shqipetar e shpartalluan, sot ata qe nenshtruan popullin shqipetar me dhune, detyruan me dhune qe 1.500.000 shqipetare te lene Shqiperine.
Ne vitin 1997 jane po ata shqipetare qe per te kenaqur egot e tyre dhe per te siguruar nje karrige te ngrohte, dogjen tere Shqiperine.
Mos kujto se edhe Berisha brenda ne thesin e ketyre xhelateve te Nurembergut shqipetar, eshte.
Studentet e Dhjetorit luftuan per nje Shqiperi demokratike dhe per ndryshime radikale qe duheshin bere disa dekada me pare(flasim per ata qe ishin me te vertete shqipetare ose e thene troc nacionaliste).
Sa keq te besh pyetje dhe te mos gjesh pergjigje.

[Pogradecari]

LIS e lexova ca si shume here e te them te drejten nuk mora vesh gje po nga numbrat qe ke shkruar di qe nuk jane 1.5 milion jashte di qe njeri me dhune nuk i ka nxjerre jashte, di qe kur juvu flaka shqiperise me 91 ishte Azem Hajdari ai qe tha ne nuk do ndertojme pallate nga kati i dyte ao i trete ne do ti ndertojme nga themelet prandaj verini zjarrin per ne 97 nuk mund te flas dot se nuk kam qene atje dhe kur s'kam qene atje nuk kam qef tja fus kot
edhe njehere NUK KA LUFTUAR ASNJE STUDENT NE DHJETOR u be thjesht nje rremuje dhe nga ajo rremuje ju be nje kerkese adil carcanit per te ndryshuar ligjin ku te kishte me shume se nje parti te cilit ai(carcani) e aprovoi

[Brari]

kto dite festoi PD 13 vjetorin..

Po kush fitoi nga Dhjetori gjat PD-se dhe sot gjat PS-se...

Ja cthot Mero Baze..


TEMA:

---------

EDITORIALI
Dyshimet mbi kontratën e re të Fatos Nanos me PS-në

Nga Mero Baze

Shefikat Ngjelën e mbaj mend si një biznesmene të zonjën, e afërt me një ish drejtor banke në kohë të qeverisjes së Partisë Demokratike. Ajo ka qenë miqësore me PD-në dhe shtypin afër saj. Një kolegun tim e nxori nga kriza e gazetës duke i falur rreth 5 ton letër për gazetën më anti-Nano që është botuar ndonjëherë në Shqipëri, ndërsa pas vitit 1997 tregoi mirësjellje dhe ish drejtorin e Bankës e futi në pjesë në biznesin e saj. Unë e kam njohur atë nga miku im Eduard Ypi. Ai u shqetësua për herë të parë, kur gazetat joqeveritare, ku bën pjesë edhe "TemA", filluan të shkruajnë për tenderin e orizit ku në qendër ishte zoti Hajdaraga. Pak ditë më vonë u kuptua se firma që kishte bërë përshesh paratë, ishte ajo e zonjës Ngjela. Prej atëhere ruaj një hije të dyshimtë se si kjo biznesmene kaq e afërt me një ish zyrtar të PD-së, arriti të fitonte tendera në kohë të PS-së. Tani që e shikoj në hierarkinë e PS-së, jam i qetë. Ajo ka gjetur modelin e saj.

Po kështu i mbaj mend edhe Dukën, dhe Kokën. Në vitin 1999, kur televizioni më i varfër dhe më pa takt që mbronte PD-në, "ATN1" ishte në gjendje të keqe edhe për një gjenerator, dikush nga Durrësi tha se mund të fliste me Kokët për një të tillë dhe mbaj mend që ai u gjend para zyrave të këtij televizioni. Agron Dukën e kam njohur në vitin 2000 dhe më ka treguar gjatë se si ka refuzuar kërkesën e socialistëve për të kandiduar në Shijak, vetëm për shkak të respektit që kishte për periudhën e PD-së dhe paratë që kishte bërë në atë kohë. Për Gjergj Liqejzën më ka folur shumë mirë ish kryetari i Bashkisë së Shkodrës, biles dhe për kohën që ishte prefekt z.Liqejza, pasi ishte njeri që vinte nga PD-ja dhe kishte nisur bizneset në kohë të saj. Po kështu mbaj mend edhe Luan Bregasin, që në kohë të PD-së, nën ombrellën e Kokëdhimës, fitonte lehtësisht tenderat e rrugëve dhe punëve të tjera publike me fondet e shtetit.

Këta njerëz janë sot oferta e Fatos Nanos për Partinë Socialiste dhe thelbi i kontratës që socialistët duhet të nënshkruajnë me të për katër vitet e ardhshme. Me këtë elitë biznesi Fatos Nano u premton socialistëve se është i aftë ta blejë pushtetin, edhe nëse nuk u takon. Por ç'vend zë kjo kontratë me kontratat e tjera të Fatos Nanos me PS-në?

Historia e bashkëjetesës së Fatos Nanos me Partinë Socialiste i ka shtuar disa rrathë moshe trungut të vjetër të ish Partisë së Punës, dhe mbi të gjitha ka bërë të funksionojë biologjikisht shartimi i një partie staliniste në një parti pluralizmi. Nëse i hedh një sy historisë 12 vjeçare të qëndrimit të tij në krye të PS-së, ka një arsye të fortë të besojmë se kjo periudhë e gjatë kohe nuk është e gjitha një kohë për të cilën ka merita personale Fatos Nano. Ka shumë pak vite kur Fatos Nano e ka merituar udhëheqjen e PS-së dhe shumë më tepër vite, kur PS ka pranuar, për rrethana të caktuara, udhëheqjen prej Fatos Nanos.

Kështu, në vitin 1991, as Fatos Nano nuk e zgjodhi PS-në dhe as PS nuk e zgjodhi Fatos Nanon. Ish udhëheqësi komunist Ramiz Alia drejtoi gishtin nga Fatos Nano dhe ai u emërua kryetar i PS-së. Pasi humbi thellë zgjedhjet e para në mars të vitit 1992, ai ndërmori disa lëvizje gjysmake në kreun e PS-së dhe u përpoq të përdorte pakënaqësinë e shoqërisë nga reforma, për t'u pranuar si udhëheqës i PS-së dhe alternativë pushteti në Shqipëri. Por mbështetja e fortë ndërkombëtare për demokratët dhe mosbesimi i thellë për reformimin e PS-së, bëri që ai të mos arrinte ta kthente rezultatin premtues të zgjedhjeve lokale të vitit 1992 për PS-në, në një hipotekë të tijën politike si lider. Pas arrestimit të ish krerëve kryesorë të regjimit komunist nën akuza gjysmake dhe joprofesionale për abuzime financiare, Fatos Nano u pa me dyshim nga kupola e vjetër e ish-PPSH-së, për shkak të heshtjes së tij natyrale, ndërsa shihte Ramiz Alinë, Nexhmije Hoxhën apo Hekuran Isain e Foto Çamin me pranga në duar. Hakmarrja e tyre nuk vonoi. Duke shfrytëzuar revanshin e demokratëve dhe një lloj linku të ish Presidentit komunist brenda PD-së, Fatos Nano u gjend para akuzave të ringjallura për abuzime financiare si ish-kryeministër. Sali Berisha, soditi me papërgjegjësi politike skenën e çakejve të tipit "Brozi" e "Selami", dhe pranoi fatalisht arrestimin e liderit të opozitës, pa u gjykuar. Kriza reale e Fatos Nanos niste tani. Socialistët duhet të zgjidhnin mes një lideri të ri, që mund t'i ofrohej PS-së, ose të mbijetonin me Fatos Nanon. Ata zgjodhën të dytën. Të rinj dhe të vjetër në PS, kundërshtarë dhe miq të Fatos Nanos, kafshuan buzët dhe pranuan se Fatos Nano ishte simboli i tyre. Skema e atyre që e emëruan Fatos Nanon në krye të PS-së dështoi dhe politikisht fitoi Fatos Nano. I mbyllur në burgun e Bënçës, ai filloi të krijonte një mit që u nevojitej aq shumë socialistëve për t'u ndier të sigurt. Të gjitha tentativat për ndryshim që nuk kalonin përmes tij, skualifikoheshin. "Malëshovistët", "Reformatorët" e gjithëfarë zërash që cicëronin brenda kubesë së PS-së, shkatërroheshin me një fjalë të dyshimtë të dalë nga dritaret e burgut të Bënçës. Kështu në rizgjedhjen e tij të dytë në vitin 1996, mund të themi qartë se Partia Socialiste zgjodhi pa dilema Fatos Nanon si simbol qëndrese.

Pas daljes nga burgu në vitin 1997 dhe rrëzimit si kryeministër në vitin 1998, Fatos Nano u gjend mes katër rrugëve dhe thuajse i braktisur nga lidershipi i partisë së tij. Me vizionin e një lideri të vërtetë politik, ai doli në rrugë dhe filloi betejën e vërtetë politike për të fituar kreun e PS-së. Kongresi i tetorit të vitit 1999, ishte kongresi që ndau Partinë Socialiste nga Partia e Punës. Divorcin e vulosi realisht Fatos Nano me pasurinë më të madhe që i dha asaj partie në gjithë karrierën e tij politike, GARËN. Ai u fut në garë dhe fitoi. Kundërshtari i tij, megjithëse i kishte të gjitha pushtetet, nuk bindi dot socialistët ta kishin për lider. Pra në vitin 1999 mund të themi se Fatos Nano zgjodhi PS-në, si parti që do ta udhëhiqte përmes garës.

Zhvillimet deri në kongresin që çelet sot, flasin se Fatos Nano ka hyrë në një fazë delikate në raportet e tij me PS-në. Ai sot po merr një mandat, pasi ka bërë sa ka mundur të shkatërrojë pasurinë e vetme që i ka dhënë PS-së para katër vjetësh, garën dhe cilësinë e fitores. Ai po shkon drejt mandatit të katërt në krye të PS-së, duke përjashtuar edhe nga e drejta për të qenë delegatë, disa figura të njohura që e kontestojnë atë brenda PS-së dhe çfarë është më e rënda, duke u ballafaquar me një refuzim flagrant nga anëtarësia më cilësore e PS-së që, - biem dakord të gjithë, - është ajo e kryeqytetit. Në vitin 2003, 12 vjet pas mandatit të tij të parë në PS, Fatos Nano po tenton ta marrë mandatin me votat e pjesës periferike të PS-së, dhe votat e një elite të korruptuar të biznesit shqiptar, i cili e sheh atë si garant dhe partner në modelin e tyre të suksesit financiar.

Kjo fitore risjell nevojën e një vëmendjeje të madhe se cili do të jetë thelbi i ri i kontratës së Fatos Nanos me Partinë Socialiste.

Nga mënyra se si ai po e kërkon këtë mandat të ri në krye të PS-së, - thelbi i kontratës së Fatos Nanos me PS-në, - është garancia që ai u jep socalistëve se, meqë pushteti i Partisë Socialiste ka degraduar, ai ka thirrur në ndihmë biznesin e dyshimtë, për ta blerë pushtetin nën siglën e PS-së. E vetmja garanci që jep Fatos Nano me mandatin e tij në këtë Kongres, është modeli Duka - Koka, Ngjela, Bregasi, Liqejza, apo bizneset e mëdhaja të Jugut, të cilët, sipas tij, dijnë ta blejnë pushtetin në emër të PS-së. Nga ajo racë që vegjeton brenda Partisë Socialiste, Fatos Nano është më i afti për këtë mision të ri dhe konkurrent të vetëm ka Edi Ramën. Rexhep Meidani nuk i përket këtij modeli. Ai i përket modelit për të cilin PS ka pasur nevojë si figurë politike. Ai nuk mund t'ia ofrojë PS-së këtë kontratë që i ofron Fatos Nano, i cili e ka thuajse të sigurt mandatin nesër në Kongres. Dilema ekziston vetëm nëse PS-ja do të arrijë që ta shndërrojë këtë model eksperimental, në model qeverisjeje! Ata, të cilët Fatos Nano po i paraqet si model suksesi, pasi ka arritur të blejë me ta bastione të PD-së, siç është rasti i Durrësit dhe Shijakut, janë modele të dënuara të dështojnë. Vështirë se këto grupe që i bashkangjiten Fatos Nanos për të mbushur llogaritë e tyre bankare, kanë ndonjë dhembshuri për një krizë të mundshme të pushtetit të PS-së dhe kalimin e tyre në opozitë. Ato janë grupe jopolitike. Ata e kanë Kongresin e PS-së dhe ato që do ta pasojnë atë, thjesht një plan biznesi dhe jo një plan për karrierë politike. Arroganca e tyre dhe modeli i ri 'Nano' mund të jetë shkak që socialistët e tjerë të përjashtuar ta çojnë në opozitë Fatos Nanon me ata që i blenë atij mandatin e ri, dhe PS-ja të rikthehet sërish tek vlerat e saj politike. Atëherë do të shikojmë nëse do të funksionojë kontrata e re e Fatos Nanos me këtë lidership të ri të PS-së, apo ata do të bëhen varri i PS-së. Në vitin 1991 Fatos Nano u emërua në krye të PS-së, në vitin 1996, PS-ja e pranoi atë për kryetar, në vitin 1999, ai e fitoi PS-në, dhe tashmë po përpiqet ta mbajë për vete duke i siguruar socialistët se ka plot parà dhe mjete për ta blerë pushtetin, edhe kur ai nuk të takon. Dyshoj se ky model është jetëgjatë, pavarësisht se helikopterët e "Albkopterit" mund të lëshojnë të shtunën, parà nga qielli.