13 vjetori i PD-së

[krokodili_73]

FLET ISH-KRYEMINISTRI I QEVERISJES SE DEMOKRATEVE

"Përse s'shkova në festën e PD-së"
Rrëfimi Meksit: Nuk i njoh shumë prej titullarëve


--------------------------------------------------------------------------------

Ilir Bushi


Unë nuk shkova në festën e 13 vjetorit të Partisë Demo-kratike, sepse nuk i njoh shumicën e atyre që janë sot atje, të cilët kur na shohin kthejnë rrugën dhe njëkohësisht nuk jam dakort me vijën e lidershipit". Kështu u shpreh dje, njeri prej themeluesve të Partisë Demokratike dhe njëkohësisht ish-kryeministri i demokratëve gjatë qeverisjeve të djathta në Shqipëri. Në këtë kontekst, Meksi shton gjithashtu se "13 vjetori i themelimit të PD-së është sot më 12 dhjetor dhe jo dje".

Çfarë ndodhi në 12 dhjetorin e vitit 1990?
Ajo ditë ishte vazhdim i ngjarjeve që kishin nisur më 8 dhjetor, në Qytetin Studenti, por që më pas kishin përfshirë të gjithë Shqipërinë. Kështu në 12 dhjetor në orën 8.30 kisha lënë takim me Gramoz Pashkon. Aty ai më njohu edhe me dy të rinj. Njeri ishte Azem Hajdari dhe tjetri Arben Imami. Më vonë erdhën edhe të tjerë, si Mond Budina, Genc Ruli, Eduard Selami, Sali Berisha dhe mbaj mend edhe një studente, që quhej Moza dhe ishte nga Vlora. Pastaj erdhën edhe të tjerë dhe ne nisëm të shkruajmë programin minimal të partisë që u lexua në mitingun e pasdites. Për projekstatutin punova unë me Genc Rulin, ndërkohë që Genc Pollo na solli disa modele të huaja. Në ato momente që u krijua Partia Demokratike njoftuam një gazetar të Rojterit që quhej Rikard Shvarc (suedez) për ta shpallur lajmin në Vjenë. Por ai na mori në telefon i alarmuar në orën 12.00, duke na thënë se Ministria e Jashtme shqiptare e kishte përgënjeshtruar faktin që në Tiranë ishte krijuar një parti opozitare me emrin Parti Demokratike, por gjoja ishte krijuar një parti për studentët dhe intelektualët e rinj. Pastaj lajmëruam Zërin e Amerikës dhe të gjithë qytetarët se në orën 16.30 te qyteti i Studentëve shpallej themelimi i PD-së. Mbaj mend se parulla kryesore e mitingut ishte "E duam Shqipërinë si e gjithë Europa", por fatkeqësisht sot pas 13 vjetësh në vend që t'i afrohemi Europës i jemi larguar më shumë.

Cilët ishin njerëzit që u afruan në drejtimin e PD-së?
Shumica ishin idealistë dhe patriotë, por kishte edhe njerëz të dërguar prej organeve përkatëse që të na sabotonin. Ne ishim parti e hapur dhe disa mundën të penetrojnë. Ata që e shesin lëkurën njëherë, të dëmtojnë edhe duke u hequr si ektremistë radikalë, që bëjnë aktive të zhurmshme. Shembuj të tillë ka pafundësisht në historinë e Partisë Demokratike. Ata kanë ndihmuar gjithashtu në mbështetjen e çdo gjëje të shtrembër që është shtruar në PD. Në këtë parti idealistët kanë luftuar gjithmonë kundër bolshevikëve.

Përse nuk shkuat mbrëmë në 13- vjetorin e PD-së?
Thjesht: nuk njoh shumicën e atyre që janë sot atje, të cilët kur na shohin kthejnë rrugën. Them se po të jetë në dorën e tyre, na shajnë na fyejnë dhe shpërblehen. Nga ana tjetër nuk jam dakord me atë vijë që përdor lidershipi që po mban peng partimë demokratike dhe demokracinë shqiptare dhe po lë në pushtet socialistët. Sepse kemi njerëz që cfiliten për ujë, për drita, për telefona, për punë, për asistencë sociale, etj, ndërsa PD-ja i thërret të protestojnë për emra dhe jo për hallet konkrete. Unë kam deklaruar që PD-ja duhet të hapet, kam përdorur një term në platformën time: "Të bashkohen ata që janë me PD-në dhe me idealet e dhjetorit". Por nga ana tjetër festa e vërtetë e PD-së, për mua është sot dhe jo dje. Unë i propozova gjithashtu një anëtari të kryesisë edhe që të dilnim te Pallati i Kongreseve, kur kalojnë delegatët ish-komunistë duke mbajtur lart flamurët e revolucionit, ndërsa ne të mbanim një parullë ku të shkruhej me tre ngjyra (kuq, blu dhe të zezë), kjo fjali: Shokë komunistë, mos e harroni 12 dhjetorin, që ju përmbysi". Sepse unë e quaj 12 dhjetorin, si ditën e madhe të çlirimit nga zgjedha kominuste, prandaj këtë ditë nuk mund ta përlyej një kongres i ish-komunistëve i vendosur në mënyrë provokative atë ditë.

Ju jeni krenar apo jeni i penduar që ishit i pranishëm në 12 dhjetor?
Unë do të jem gjithmonë krenar për këtë që kam bërë së bashku me shokët e tjerë dhe me të gjithë qytetarët. Asnjëherë nuk kam për t'u penduar dhe gjithmonë do të luftoj që kalendari dhe platforma e sotme e Partisë Demokratike të rinisin me 12 dhjetorin e vitit 1990.


"Unë jam nuni që i vura emrin Partisë Demokratike më 12 dhjetor

"Më 12 dhjetor, gjatë paradites në shtëpinë e Gramoz Pashkos kemi diskutuar shumë për emrin që do të mbante partia". Kështu shprehet ish-kryeministri Meksi i cili sqaron se për këtë arsye pjesëmarrësit shkruajtën një listë me emrat e mundshëm. Midis arsyeve kryesore për t'i vënë partisë emrin Parti Demokratike, Meksi veçon faktin se këtë emër e kishin kërkuar vetë ai së bashku me qytetarët e Tiranës në mitingun e pasdites së 11 dhjetorit. Sipas Meksit, Berisha ishte më shumë për emrin Partia e Studentëve dhe Intelektualëve të rinj. "Por unë me Pashkon dhe me disa të tjerë e kishim biseduar edhe më parë, prandaj atë mëngjes Azem Hajdari u nis me motor në Qytetin Studenti për t'u komunikuar studentëve emrin e Partisë Demokratike".


13 vjetori i PD-së, mungojnë themeluesit

Festa e PD-së ndryshe nga herët e tjera, është zhvilluar këtë vit në hollin e madh të Pallatit të Kongreseve. Përveç aleatëve të djathtë të Berishës, dhe ambasadorit të OSBE-së, ambasadorit të Greqisë, përfaqësuesit të FMN-së, nuk kishin marrë pjesë liderë apo kundërshtarë të Berishës. Vetë lideri i PD-së deklaroi se në festimin e kësaj dite nuk e kishte ftuar vetë Nanon, sepse ai ishte njeriu që kërkon shkatërrimin e demokracisë në Shqipëri. Ndërkaq, kur bëhet fjalë për datën, se pse votohet në 11 dhe jo në 12 dhjetor, Shaban Memia të thotë: Unë e di shumë mirë këtë punë: Partia Demokratike është themeluar në 11 dhjetor në darkë. Pakkush nga themeluesit e PD-së gjendeshin në sallë. Nuk ishte as Aleksandër Meksi, i cili njeh për ditë të themelimit të PD-së datën 12. Ndërsa për të gjithë të tjerët, afrimi drejt Pallatit të Kongreseve për të festuar, është shumë domethënës: ora e fitores po afron. Në sallë kanë qenë të gjithë deputetët e Partisë Demokratike. Kishte edhe njerëz të thjeshtë të ftuar. Kishte edhe shumë gazearë. Avokati Ngjela, më shumë sesa në festimin e kësaj dite, ishte duke menduar për zgjedhjet e 28 dhjetorit.

[Brari]

Aleksander Meksi ishte Kryeminister kur filloi autostrada Tiran-Durres..
Ai e shikonte perdite konfuzionin e tmerrshem Makino-Qerro-bicikletaxhio-Katundaro-Laprako-Voracako-Kamzaxhio-Bathoras ne segmentin.. Zogu Zi-Spital-Ushtarak-Kashar..qe vazhdon dhe sot dhe nuk pame te ideonte ndonji zgjidhje si arkitekt qe ishte me profesion dhe si Kryeminister..

Tash se fundi Spartak Ngjel Juristi hodhi idene e nje rruge tjeter qe do te cbllokoje Tiranen e cila sipas Takut do kaloje diku nga Bulevardi Kryesor-Matermitet-Stacion Treni-Paskuqan-Kamz e degezime ne drejtim Fushkruje e Vore..

Meksi duhej te ndalonte ndonji dite pran firmes ndertuese te asaj autostrades Tiran-Durres i ti thoshte.. more shoke inxho-teknika..ku do kalojne katundaro-qerrexhijo-karrocieret e katundeve andej nga e majta kur duan te shkojne nga krahu tjeter.. Nuku po sho asnji mbikalim a nen kalim.. a nuk shikoni se kjo po behet me "kapercim kaluci" mbi murin e betonit.. dhe po kushton jet njerzish cdo dite...

Aspak nuk e cau bi-then Meksi per kete e ky Ilir Koka gjeti zgjidhje me ca shkallare hekuri qe dhe kjo eshte nje injorance perseri sepse qerrja e zetori skan si hypin ne shkallet e lir Kokmadhit..

Pse Meksi nuk e vrau mendjen.. sepse ai me Pashko Rulat e kish mendjen me bo biznese per veten e per Shefikat Ngjelat e Marsel Skendot e Koc Dhim Kokat..

Saliu ka nje gabim qe e thrret ne cdo feste Lek Meksin sepse jan mijra te tjere qe kurre nuk e tradhetuan Berishen e qe Berisha as qe e di se kush jan keta e jo me te dije se kan a skan buk keta demokrat te mire per femijet e tyre..

E vetmja pike ku PS e mund PD-ne eshte LANA...

Askund tjeter ska PS ndonji avantazh..

Pra Lana ne koh te MEKSIT u be kanal mbeturinash nga nji far lulishte qe ish ne kohrat Zogiste-Enveriste..

A nuk e shikonte Meksi Lanen kur shkonte ne pune cdo dite?

Pse nuk ndali nje dite e ta thrriste sali Kelmendin e ti thosh..cbenet ketu mo.. ky eshte Turp per neve.. Shpejt pastrim e rregullim ketu..
Joo ai fjeti gjum dhe sot hedh shu-rren krenar Edvin Nano Meta..sepse kan me cfar te mburren..se ja NE BEM LANEN..
kaq se gje tjeter ska ber Edvini..

Cme derdellit Meksi akoma..