Autostrada Durrës-Kukës mbaron ne qershor 2009

[Rugova]

Sqarim i Zyrës së Presidentit të Republikës së Kosovës
Sot gjatë ditës, në mjetet e informimit në vend, është theksuar se “Presidenti Sejdiu nuk pati kohë të marrë pjesë në inaugurimin e autostradës Durrës-Kukës”. Zyra e Presidentit të Republikës dëshiron të sqarojë se Presidenti Sejdiu nuk ka pasur ftesë të marrë pjesë në këtë ceremoni, në të cilën pjesëmarrja ka qenë e paraparë në nivel kryeministrash.

Siç dihet, Presidenti Sejdiu është takuar në Tiranë, më 24 qershor 2009, edhe me Kryeministrin e Shqipërisë, z. Sali Berisha, të cilin e ka përgëzuar për punën e madhe që është bërë për ndërtimin e kësaj autostrade, e cila është shumë e rëndësishme për zhvillimin ekonomik dhe intensifikimin e bashkëpunimit të gjithanshëm në mes Shqipërisë dhe Kosovës, si dhe rajonit në përgjithësi.

[DYDRINAS]

Për herë të parë, shqiptarët në Ballkan po ndërtojnë arterie të vërteta komunikimi

Rruga Durrës-Morinë

Kim MEHMETI

Shqiptarët, si edhe gjithë popujt e kësaj bote, gjithmonë kanë ndërtuar rrugë. Ata e kanë ditur se rrugët janë damarët e tokës, se ato kalojnë nëpër qytete e fshatra, se ato ndërlidhin vendbanimet që janë si shumë zemra nga rrjedh gjaku që e freskon trupin gjeografik të një etnie. Por, nëse i shikoni vëmendshëm rrugët që gjatë shekujve kanë ndërtuar shqiptarët, do të vëreni se ato kanë pikënisje, por nuk janë të ndërlidhura mes veti, fillojnë diku e keni bindjen se nuk të çojnë më larg se aty nga je nisur. Do të vëreni pra, se rrugët që dikur i kanë ndërtuar shqiptarët, janë si rrugë pa dalje, si rrugë që nuk shprehin paskajshmërinë e kësaj bote, por janë të mbyllura, nuk kanë vazhdimësi, sa më shumë u afrohen kufijve që Shqipërinë e ndajnë nga vetvetja, ato rrugë bëhen edhe më të ngushta dhe më të pakalueshme. Apo, do të vëreni se rrugët që i kanë hapur shqiptarët që jetojnë jashtë kufijve të shtetit amë, gjithashtu përfundojnë si shtigje qorre, se janë si kaptinat e rrëfimit për pashpresën se kurdo qoftë ato rrugë do të lidhen mes veti dhe do të mbulojnë tërë trupin territorial të këtij kombi.

Nëse njeriu shëtit rrugëve që dikur kanë ndërtuar shqiptarët, do ndjehet sikur është duke ecur shtigjeve të së kaluarës së këtij populli, i cili nuk ka komunikuar mes veti nëpërmjet rrugëve të dukshme, por duke ecur shtigjeve që nuk është dashur t'i sheh askush. Që do të thotë se ky popull nuk ka mundur t'i përkushtohet ndërtimit të rrugëve të gjëra, por hapjeve të shtigjeve të ngushta, rrugicave të padukshme që të çojnë të takohesh me të afërtit e t'u, por vetëm nëse ke fat mos të të vërejnë ata që donin vendbanimet shqiptare të mbetemi si zemra me damarë të mbyllur, si zemra të cilat nuk kanë si ta shpërndajnë gjakun nëpër trupin etnik. Pra, në të kaluarën, shqiptarët as që kanë mundur të hapin rrugë me shenja të dukshme që tregojnë nga duhet të shkosh, nëse nisesh nga Durrësi për në Morinë, që pastaj të vazhdosh drejt Prizrenit e Gjakovës, apo ku duhet të kthesh majtas në hyrje të Shkupit, që të mos e gabosh rrugën e në vend se në Prishtinë, të shkosh në Beograd, çka edhe shpesh u ka ndodhur shqiptarëve.

Në të kaluarën, shqiptarët e Shqipërisë dhe këta këndej kufirit, në vend të hartave rrugore që kishte çdo shtet dhe çdo popull, kishin topografinë e shtigjeve të fshehta, të regjistruar në vëmendjen e tyre si sekret që nuk duhej ta dinin të tjerët. Pra, rrjeti i shtigjeve të fshehta nga ecën me shekuj shqiptarët e shumë shteteve të Ballkanit që të takoheshin mes veti, ishte i shënuar në ëndrrën e tyre që të shëtisnin lirshëm nëpër gjitha trojet shqiptare. Andaj ato shtigje të fshehta që lidhnin shqiptarët matanë kufirit me këta këndej vijave të shumta shtetërore që ndanin këtë popull nga vetvetja, nuk kanë qenë kurrë të shënuar në hartat topografike, as kanë pas shenja rrugore, që të tregojnë nga duhet të shkosh që të arrish lirshëm atje ku të presin me "mirëserdhe". Nëpër ato rrugë shqiptarët kanë ecur të heshtur dhe e kanë përcaktuar drejtimin nga duhet të shkojnë, duke e ndjekur erën e gjakut të fisit që i takojnë.

Pas shumë shekujsh dhe ndoshta për herë të parë, shqiptarët matanë kufirit dhe këta që jetojnë jashtë Shqipërisë, ndërtojnë rrugë që janë të dukshme dhe aq të gjëra sa nëpër to të mund të shkosh drejt ardhmërisë. Pra, pas shumë shekujve, shqiptarët ndërtojnë rrugë, të cilave me të vërtetë shpejt u harxhohet asfalti - shkaku se ndonjë shtresë të tij e hanë politikanët - por që ndërlidhin zemrat shqiptare dhe të çojnë më tej, drejt botës së paskajshme. Andaj rrugët që filloi t'i ndërtojë Sali Berisha në Shqipëri dhe atë që i zgjeron Fatmir Lima në Kosovë, nuk kanë vetëm simbolikën e damarëve të tokës që lidhin hapësirën gjeografike të një populli, por ato rrugë thurin edhe rrëfimin e ri të shqiptarisë, rrëfimin ku nuk do të ketë vend për damarë të padukshëm mbitokësorë nga rrjedh gjaku i një populli.

Rrugët që ndërton qeveria e Berishës dhe ato që i ndërton qeveria në të cilën është ministër Lima, janë vepra me të cilat mburren edhe shqiptarët e Maqedonisë edhe pse rrugët e shtetit ku ata jetojnë, ende janë më të ngushta në vendkalimet kufitare me Shqipërinë dhe Kosovën. Pra, rrugët që zgjerohen në Kosovë dhe autostrada Durrës -Morinë, janë shenjë, me të cilën identifikohen dhe krenohen edhe shqiptarët e këtushëm. Dhe ata kanë nevojë për këtë identifikim dhe mburrje shkaku se e sotmja e tyre është si portet pa fizionomi të qartë, si kalendarë i zbrazur, si dosje ku e sotmja e tyre mbetet diku mes shpresave dhe premtimeve të kota të partive të këtushme shqiptare.

Pra, vlerat që krijojnë Shqipëria e Kosova janë shenjë me të cilën identifikohen edhe shqiptarët kudo që janë. Andaj shqiptarët e Maqedonisë me interes të veçantë i përcjellin edhe debatet publike rreth ndërtimit të autostradës Durrës-Morinë dhe shpeshherë mbeten të habitur nga debatuesit, të cilët, sa nuk i hyjnë njëri-tjetrit në gojë për të dëshmuar se a është kjo rrugë ngjyrë "blu" apo "rozë". Me çka lënë përshtypje se nuk e dinë se, asfalti ka ngjyrë të zezë dhe si i tillë ai mirë duket pranë të kuqes sonë kombëtare. Pra, shqiptarët e Maqedonisë duan të identifikohen me një Shqipërinë e Kosovën që ka rrugë pa gropa, ku asfalti nuk harxhohet brenda një mandati qeveritar. Si të tillë, shqiptarët e Maqedonisë jo se nuk kanë mirëkuptim për ata që kritikojnë ndërtuesit e rrugës Durrës-Morinë, jo se nuk e dinë se ka të atillë që të shpallin tradhtarë vetëm që të mos marrësh guximin e të pyesësh mos janë bërë keqpërdorime gjatë ndërtimit të kësaj rrugë. Por shqiptarët e Maqedonisë e dinë se ka kritikuesit të ndërtimit të rrugës Durrës-Morinë, të cilët, duke shtruar pyetje për kinse keqpërdorimet që janë bërë gjatë ndërtimit të kësaj rruge, duan të realizojnë atë që nuk guxojnë ta bëjnë hapur: të pengojnë ndërtimin e rrugës që është mburrja e gjithë shqiptarëve.

Nuk ka dyshim se shumë nga rrugët që shqiptarët i ndërtuan në të kaluarën, ishin projektuar nga të tjerët. Andaj edhe ngjanin si shtigje që kanë drejtim të gabuar, që nuk të çonin më larg se aty nga je nisur. Sot, mbase për herë të parë, shqiptarët vetë i projektojnë rrugët e tyre. Dhe i ndërtojnë ashtu që ato të jenë damarë nga do të rrjedhë gjaku i një populli. Ku ta dish, ndoshta mes nesh ka edhe shumë nga ata që dyshojnë në aftësitë e këtij populli që vetë t'i projektojë, vetë t'i ndërtojë dhe vetë t'ua caktojë drejtimin rrugëve që i nevojiten. Andaj, shumë nga akuzat që u drejtohen atyre që iniciuan ndërtimin e rrugës Durrës-Morinë, jehojnë si britma të pakuptimta, të duken si orvatje për të bërë tatuazh mbi asfalt. Nuk ka dyshim, se mbi asfaltin e rrugës Durrës-Morinë do të mbetet një tatuazh i pashlyeshëm. Edhe atë, o si nënshkrimi i atyre që janë nismëtarë të ndërtimit të kësaj rruge që bashkon një popull, o si portret i atyre që kritikojnë ndërtuesit e sotëm të rrugëve mbarëshqiptare.

rd

[RTP]

Albania highway: Ain't no mountain too high

http://www.nce.co.uk/news/transport/albania-highway-aint-no-mountain-too-high/5203311.article

Albania highway: Making the first move

http://www.nce.co.uk/news/transport/albania-highway-making-the-first-move/5203302.article

[MaDaBeR]

He mooooooooooooooooooooooooooooo. Do e ngreme edhe njehere tunelin e shembur apo jo mooooooooooooooooo? Hahahahahahaha, o sa te çuditshem e hipokrite qe jeni mo. O sa te beni per te qeshur ju mo. A do ngrihet ndonjeri nga juve te shkoje ti vere tritolin? Hahahahaha. Jeni te medhenj per Zotin. Ja si rrini si pula te lagura tani. O njerez, po mendojeni dhe njehere mire mo, se nuk eshet rruga e Sali Berishes kjo, kjo eshte rruga e te gjithe Shqiptareve dhe qe brezat qe do te vijne nuk do te kujtojne as Sali e as Edvin, por do thone flm kush na e ka bere kete rruge dhe qe na ka mundesuar te levizim lirshem dhe ne menyre komode.

Hapini syte o te mjere se nuk shkohet ne Europe duke ecur neper rruge me gropa. Infrastruktura eshte nje nga elementet kryesore qe dallon nivelin e nje vendi, dhe tani qe infrastruktura po rregullohet ju doni medoemos te hidhni balte mbi te vetem e vetem sepse kete infrastrukture po e nderton X person. Turp te keni per keto gjykime te ngushta. Ju duheni çuar andej nga Afrika te hani banane me majmunin ne peme e te laheni ne lume me krokodilin, eshte turp t'iu çosh juve ne Europe.

[DYDRINAS]

Video te regjistruara nga qytetare te ndryshem qe udhetojne neper rrugen e re.



http://www.youtube.com/watch?v=ajoGI...layer_embedded

[Guri i Kuq]

Fillimi autostradës - s’ka gjasa sivjet
Edhe pse qeveria ka deklaruar se ndërtimi i autostradës do të fillojë sivjet, ekspertët thonë se ka pak gjasa për t`u realizuar ky premtim. Sipas tyre, ende nuk është caktuar forma e financimit të projektit, shpronësimi s’ka nis dhe kompania që do t`i kryejë punët nuk është zgjedhur. Të gjitha këto marrin kohë deri në fillimin e punimeve.


Nga Zekirja Shabani më 12.07.2009 në ora 21:24
Kryeministri i Kosovës, Hashim Thaçi, ka deklaruar se ndërtimi i autostradës Vërmicë - Mërdare do të fillojë sivjet.

Tashmë janë ndarë paratë për shpronësimin e pronave andej kah do të kalojë traseja e autostradës dhe është hartuar projekti detal. Megjithatë, ekspertët e ekonomisë thonë se kanë mbetur ende shumë punë për t`u bërë para se buldozerët të fillojnë gërmimin.

Ende nuk është caktuar forma e financimit të projektit, shpronësimi s’ka filluar dhe kompania që do t’i kryejë punët nuk është zgjedhur. Të gjitha këto, sipas ekonomistëve, marrin kohë dhe gjasat për të filluar punimet këtë vit janë të vogla.

Në mbledhjen e fundit të qeverisë, kryeministri Thaçi ka thënë se janë në procesin e marrjes së vendimit për fillimin e punimeve për autostradën Vërmicë - Prizren – Prishtinë - Merdare.

“Ky projekt do të fillojë sivjet. Qeveria i ka mundësitë, i ka potencialet. Në këtë drejtim, për Qeverinë e Kosovë nuk do të ketë asnjë dilemë”, pati thënë Thaçi.

Për ekspertët krejt varet se çka nënkuptohet që projekti do të fillojë këtë vit, sepse edhe vetë blerja e tokave nënkupton fillimin e projektit për autostradën.

Drejtori i institutit për studime të avancuara GAP, Shpend Ahmeti, thotë se nuk është larg mendjes që projekti mund të fillojë sivjet, por vetëm me letra, ndërsa ndërtimi i çfarëdo pjese të autostradës, sipas tij, do të jetë shumë vështirë.

Edhe caktimi i vlerës së pronave ai thotë se do të marrë kohë, ashtu sikur edhe procedurat e tenderimit që në rastet më të mira nuk kryhen më shpejt se dy muaj. Mandej është edhe periudha e ankesave që duhet të respektohet.

“Ne përgjithësi ka edhe shumë punë të tjera para se të fillohet me ndërtimin e autostradës”, pohon Ahmeti.

Edhe drejtori i institutit për hulumtime zhvillimore, “Riinvest”, Muhamet Mustafa thotë se këtë vit mund të fillohen vetëm punimet përgatitore, eventualisht edhe punët e dheut në pjesën që deri në fund të vitit do të shpronësohet dhe që do të financohet me para të buxhetit.

“Mund të fillojë të punohet ajo pjesë që do të financohet nga buxheti i Kosovës”, thekson Mustafa, duke shtuar se financimi nga burime tjera merr kohë.

Financimi nga Banka Botërore dhe dhënia me koncesion janë dy opsionet që janë përfolur më së shumti nga qeveria, si mënyrë e realizimit të projektit për autostradën, por ende nuk është përcaktuar cila formë do të zgjidhet.

Ministri i Transportit dhe Postë Telekomunikacionit, Fatmir Limaj, ka pohuar ditë më parë se ndërtimi i autostradës Vërmicë-Merdare nuk mund të realizohet me para të buxhetit të Kosovës, prandaj po shikohen modalitetet tjera të financimit.

“Një gjë është e sigurt se buxheti i Kosovës nuk ka fuqi dhe mundësi që ta realizojë këtë projekt madhor, sepse është projekt tepër i madh për mundësitë buxhetore, por po besoj shumë se jemi në rrugë të drejtë për të gjetur forma të tjera të financimit”, ka thënë Limaj.

Por, ende nuk dihet sa do të jetë kostoja për ndërtimin e kësaj arterie që lidh Kosovën me Shqipërinë. Sipas një vlerësimi të vitit 2003, kostoja e ndërtimit të autostradës Morinë –Merdare ka qenë 649 milionë euro, mirëpo për zyrtarët e qeverisë kjo kosto tashmë mund të jetë edhe më e lartë.

Me anëtarësimin e Kosovës në Fondin Monetar Ndërkombëtar dhe Bankën Botërore, shancat për financim të këtij projekti janë rritur. Këtë e pranon edhe kryetarja e Komisionit për Ekonomi, Tregti, Transport..., Myzejene Selmani, megjithëse thotë se deputetët ende nuk e dinë ka do t’i bie autostrada.

“Nuk munden me u ba qysh mendon kryeministri. Duhet të dihet së pari ka do të kalon autostrada, pasi nuk është rrugë lokale që po ndërtohen do si do”, thotë Selmani.

Sipas saj, vullneti i qeverisë dhe i gjithë qytetarëve të Kosovës është shumë i madh për këtë autostradë, por nuk mund të thuhet se ajo mund të fillojë të ndërtohet sivjet, pasi që procedurat marrin kohë.

Edhe pse në Ministrinë e Transportit dhe Postë Telekomunikacionit të Kosovës ekzistojnë dosje më skica, urat e tunelet e projektit, zyrtarë të kësaj ministrie ende nuk e dinë saktësisht nga do të kalojë
traseja e autostradës, pasi që ende ka nevojë për disa intervenime.

Sipas projektit të hartuar, ajo duhet të kalojë nëpër tetë komuna dhe 66 zona kadastrale, në gjatësi prej 118 kilometra dhe me asfalt do të mbulohen 1062 hektarë tokë.

Për segmentin prej Vërmicës deri në Prizren qeveria ka ndarë 13 milionë euro për shpronësim dhe po përgatiten listat me emrat e pronarëve që kanë toka në zonat që janë shpallur me interesit nacional.

Por, ende nuk është bërë asnjë hap për fillimin e punimeve.

[[Perla]]

Publikohet monitorimi i buxhetit nga Ministria e Financave: Rrugët e tjera, më pak se 1 milion dollarë

ARD KOLA

Ministria e Financave ka publikuar për herë të parë të dhënat mbi monitorimin e buxhetit për vitin 2008, nga ku rezulton se niveli i investimeve arrin në rreth 97 për qind. Me urdhër të ministrit Ridvan Bode, ekspertët e dikasterit të Financave nisën monitorimin mbi mënyrën e kryerjes së shpenzimeve për çdo institucion qendror. Duke u ndalur konkretisht te Ministria e Punëve Publike, Transportit dhe Telekomunikacionit, vërehet se shpenzimet mesatare për rrugën Durrës-Kukës gjatë vitit 2008 kanë qenë më të larta se në çdo aks tjetër kombëtar. Sipas Ministrisë së Financave, për rrugën në fjalë, identifikuar me kodin "rrugë A2 me katër korsi", janë shpenzuar për çdo kilometër rreth 15 milionë dollarë. Për akset e tjera kombëtare, Transportet kanë shpenzuar më pak, madje edhe kanë kursyer. Duke marrë për bazë koston prej 15 milionë dollarë/km, si dhe gjatësinë e rrugës prej rreth 57 kilometrash, del totali me rreth 855 milionë dollarë mbi vlerën e investimit për Rrëshen-Kalimash.

Kostot e rrugëve

Realizimi i shpenzimeve për programin "Rrjeti i rrugëve nacionale", që përfaqëson rreth 80.3 për qind të totalit të buxhetit të Ministrisë së Punëve Publike, Transportit dhe Telekomunikacionit, krahasuar me planin vjetor, rezulton: shpenzimet korente 96.2 për qind dhe shpenzimet kapitale në rreth 97 për qind. Fondi në total për këtë zë në buxhetin e ministrisë gjatë vitit 2008 ishte rreth 300 milionë dollarë. Duke u ndalur konkretisht te formati i rrugëve "A2 me katër korsi", në raportin mbi monitorimin e buxhetit 2008 thuhet se shpenzimet faktike janë realizuar në rreth 98.7 për qind të parashikimit vjetor, ndërkohë që nga 10.1 kilometra të parashikuara, janë realizuar 10 kilometra. Në këto kushte, shpenzimet mesatare faktike për një kilometër rrugë të këtij lloji rezultojnë rreth 5 milionë lekë më të ulëta se parashikimi. "Në këtë grup rrugësh përfshihen kryesisht tipe rrugësh me katër korsi dhe gjerësi 20 m, si rruga Rrëshen-Kalimash, e cila zë pjesën më të madhe të realizimit të fondit dhe të sasisë së këtij grupi. Për këtë rrugë, shpenzimet faktike rezultojnë në rreth 99 për qind të planifikimit dhe vëllimi fizik i punimeve është realizuar në masën 100 për qind", sqaron në raport Ministria e Financave. Kostoja mesatare e kilometrit arrin në rreth 15 milionë dollarë (1.42 miliardë lekë). Në këtë grup, vijon raporti, përfshihet edhe rruga Kukës-Morinë, lotet 1-5, dhe Kalimash-Kukës, loti 1,2 ku deri në fund të vitit 2008 rezulton se shpenzimet e parashikuara janë realizuar në nivelin 93 për qind, rrjedhojë kjo kryesisht e problemeve me shpronësimet, si dhe me modifikimet e projektit, që kanë çuar në rishikimin e afatit të zbatimit të kontratave.

Projektet e tjera

Në lidhje me produktin "Ndërtim rruge të tipit A2‘ 2x2, me trotuare dhe ndriçim", në fund të vitit 2008 rezulton se shpenzimet dhe sasitë e kilometrave të parashikuar janë realizuar në nivelin 100 për qind. Shpenzimet mesatare faktike për një kilometër rrugë të këtij tipi, rezultojnë rreth 1.1 milionë lekë më të ulëta se parashikimi. Në këtë grup rrugësh përfshihen kryesisht tipe rrugësh me katër korsi dhe gjerësi që varion nga 24-25 metra, ku mund të përmendim ndërtimin e rrugës transballkanike Vlorë, Instituti Kamzë-Kthesa Zall Herr dhe Qendër Kamzë-Kthesa Zall Herr, rruga Shkozet-Durrës Zona e Kënetës etj.). Me buxhetin suplementar për këtë grup u miratuan fonde për ndërtimin e rrugës Porto-Romano, Durrës (lotet 1,2) rruga "Aleksandër Goga" Durrës, rruga Milot-Fushë Krujë (lotet 1,2, dhe 4-10), by pass Plepa-Kavajë-Rrogozhinë (lotet 1,2), për të cilat janë lidhur kontratat deri në fund të vitit dhe ka filluar puna për mobilizimin e kantiereve.



Format dhe kostoja mesatare


Rrugë A2‘ 2x2

Janë rrugë me trotuare dhe ndriçim, ku kostoja mesatare e një kilometri arrin në rreth 2.4 milionë dollarë. Kjo formë aksi përfshin Kamzë-Kthesa Zall Herr dhe Milot-Fushë Krujë.


A2, me katër korsi

Në këtë grup rrugësh përfshihen kryesisht Rrëshen-Kalimash, Kukës-Morinë dhe Kalimash-Kukës. Kostoja mesatare e këtyre rrugëve në kilometër vlerësohet në 15 milionë dollarë.


B1, me dy korsi

Shpenzimet mesatare për një kilometër rrugë të këtij tipi rezultojnë rreth 850 mijë dollarë. Këtu futet Unaza e Shkodrës loti 1,2; rruga Bulqizë-Ura e Çermës; Qafë Plloçë-Korçë.


C2, me dy korsi

Shpenzimet mesatare faktike për çdo kilometër rrugë të këtij tipi, janë rreth 620 mijë dollarë. Këtu përfshihet rruga paralele Tiranë-Vorë, Dhërmi-Himarë-Qeparo-Sarandë, Vuno-Sarandë.


Ura dhe mbikalime C2

Këtu përfshihen ura e Dragotit, lidhja e Beratit me rrugën e Përmetit, rikonstruksioni i urave në rrugën e Velipojës. Kostoja për çdo kilometër rezulton në rreth 35 mijë dollarë.

Shqip

[DeuS]

Sipas Ministrisë së Financave, janë shpenzuar për çdo kilometër rreth 15 milionë dollarë

Kontrrolloje edhe nje here, se me duket se e ke shkruar shifren gabim..
15milione dollare, nje km rruge ?! Ndoshta duhej te ishte 1.5milione dollare..
E kundershtoj thjeshte duke llogaritur qe rruga eshte bere ne Shqiperi, pa sport-suspension underneath, e shtruar me asfalt (bitum) dhe jo me pllaka mermeri dhe duke perdorur punetore me rrogen minimale ditore ne Europe. O rruge, dreqi e morri, jo teleferik per n'Hene! (lol)

[[Perla]]

Ajo eshte rruga drejt Evrogropes dhe ne ja bejme hallall edhe gjakun

[MaDaBeR]

Gjykojeni kur te kaloni mbi ate rruge. Vetem atehere do ta kuptoni madheshtine e asaj rruge.