spektator..
PS ja e mblodhi ate taksen shum egersisht dhe nuk beri asnje meter ne ate rruge.. e as nuk dha llogari se ku i coj ato miliona..
berisha po e ben ate rruge.. dhe kjo duket..preket..
nuk mund te mos dallosh ndryshimin e madh.. mes atij qe merr taks e ben rrug e atyre qe marrin taksen e i rruajn milionat per vete.. pa bere asnje meter rruge..
asnje anti berish ketu nuku tha gjisem llafi.. per meleonat e kollofitura nga PS-ja..
turp te kene..
Tani autostrada eshte ber te shkilet me rrota por edhe te ndalosh dikun rruges dhe te skelesh me kemb nuk ka gje te keqe gjanem.Postuar më parë nga Duaje Siveten
Tani ti asgje te re nuk ke then,nga ajo qe ka leh edhe braqe ter diten e ter naten,por nuk besoi qe nje shqipetar me dy kokrra mend ne kok i beson braqes.
Keto shpifje qe behen per ta pengua kete rrug nuk i blen njeri ketu pajtohemi besoi.
Tani sa i perket civilizimit qe ti beson se ke me bollek,nuk ma mbush mendjen dot,ne qoftse gjuhen shqipe e zotron me mire se sa une, qoft ne te folur apo edhe ne te shkruar nuk do te thot gjanem se je me i shkolluar apo i dishem se une,sepse po te kishe jetua ti nen okupum ketu e 100 vite me par kam bindjen qe jo qe nuk do ta foleshe gjuhen shqipe por do ishe asimilua kaher,kete na e vertetojn shum shqipetar te shqiperis qe posa kaluan kufirin grek ndrruan identitet vetem per ca lek edhe ketu besoi qe te me kesh kuptua.
Tani sa i perket deshires sate qe ne shqiperi te kethehet edhe nje her socializmi te them shume me sinqeritet se ti jo qe nuk ja don te miren shqipetarve por i ben nje pune te vlefshme armiqve qe per fat te keqe i kemi me bollek dhe shume afer.
Futja e shqiperis ne nato besoi une definitivisht ka shua shpresen e atyre si puna jote qe shqiperis ti rikethehet edhe nje her tmerri pra socializmi.
Ti mund te me ofendosh ter diten ,une nuk e kam problem por me dhimsesh duke me nduar se ti qenke i civilizuari e une jo,per te vetmen arsye sepse ti e paske pas fatin qe ta folesh dhe ta shkruash shqipen me mire se sa une,dhe eshte shume normale te jet keshtu sepse perderi sa ti ke mesua gjuhen shqipe ne shkoll une kam msua gjuhen shqipe meshehurazi nga armiku qe na ndiqte vetem e vetem se mundoheshim qe kete gjuh mos ta humbeshim dhe ja arritem zotri fal sakrifices ton.
Kurse sa i perket nivelit te shkollimit ateher une jam i kenaqur me ket ku kam arritur dhe definitivisht une nuk i vlersoi njerzit ne profesione secili ka vleren e vet.
Dhe ne fund me deshiren qe te me kuptosh drejt,thrras qe ne keto koh ku ne shqiperi shpejt do mbahen zgjedhjet dhe me bindjen qe socializmi ta marri edhe nje grusht vendimtar qe shqiperia te eci me hapa te shpejt drejt evropes,e cila te jesh i bindur ka investua shume per ta zhdukur socializmin por ja qe vetem ne shiperi ka akoma njerz per fat te keq qe akoma pretendojn pushtetin.
TUNG
Ndarja tek rruga bashkuese
Aleksander Çipa
Nuk ka asnjë dyshim se rruga më e rëndësishme e hapësirës shqiptare, pra ajo që tashmë është bërë e famshme, Durrës-Morinë, e vetmja që dimensionon, si kurrë ndonjëherë më parë, ndërkomunikimin kombëtar, është "ndëshkuese" financiare për buxhetin e katër vjetëve të ardhëm të shtetit shqiptar.
Ky "ndëshkim" nuk është një fatkeqësi, por një vetëzgjedhje politike, e cila ka për destinacion një triumf krenarie. Bëhet fjalë për një vepër, të realizuar si sfidë ndaj gjithë historisë së shkuar dhe, pse jo edhe për historinë e 30-40 viteve në pritje. Partia Demokratike dhe qeveria e saj që, jo vetëm e bëri fakt të kryer këtë vepër, por mori përsipër edhe koston e efekteve financiare që ajo do të ketë (sidomos në katër vitet e ardhme), do ta përdorë këtë arritje, si një argument për më shumë se tri mandate të ardhme, pavarësisht se në ç‘pozicion do të jetë ajo, në pozitë apo në pushtet.
Përballë këtij realizimi vizionar, socialistët dhe pjesa mbështetëse e tyre në opozitën e deri 28 qershorit, do të jenë avokatët e argumentit nikoqir, pra të përdorimit të buxhetit dhe politikës kredituese në disfavor të interesit ditor të qytetarëve. Të majtët kanë paraqitur ndërkohë arsyet dhe argumentet se ky investim i përqëndruar ka varfëruar përkohësisht financat publike, ka bllokuar dhe zvogëluar investimet që mund të sjellin vënien në punë të kompanive të biznesit kombëtar, të shpërndarjes së buxhetit tek shumë duar dhe tek mosasfiksia financiare, e cila duket se po troket edhe për arsyen themelore të rëndesës së krizës globale, përmes efekteve të saj të pashmangshme.
Në një optikë pragmatiste, fondet e shpenzuara si dhe kreditë e marra prej qeverisë "Berisha" për segmentin e rrugës Rrëshen-Kalimash, janë akti më asfiksues për investimet dhe buxhetin e investimeve në tërësi. Përballë këtij argumenti logjik opozitar, qeveria do të ishte mirë të zgjidhte jo reagimin e së pozicionuarës si më kombëtare, por si një administrator që në nismën e vet ka edhe logjikën e vizionares dhe të mirëllogaritjes.
Në polemikën e deritanishme politike mes pozitës dhe opozitës ka dominuar vetëm dasia klasike si antikombëtare dhe kombëtare. Kjo polemikë prej muajsh ka shkuar deri në kumtin e të përdorurit demagogjik. Eshtë e vjetër tashmë shprehja me vend e Konicës, se "peshore e kombëtarizmit nuk mund të jetë demagogjia". Në pushtetshkëmbimin e tyre, të djathtët e këtij 19-vjeçari shqiptar dhe gjithashtu edhe të majtët e deritanishëm, kanë ditur mirëfilli të përfitojnë prej atdhetarizmit deklamativ. Të dyja palët kanë dëshmuar dhe na e kanë shitur se zgjerimi "de fakto" dhe mohimi "de jure" e prezencës së minoritetit grek edhe në vise, ku prej qindra vjetësh nuk kanë figuruar, ka qenë një akt i kombësishitjes. Faturën e kësaj përgjegjësie, të dyja palët e kanë fshehur dhe e kanë humbur, pavarësisht prej arshivimit të aktit. Kjo gjë ndodhi edhe në rastin më të fundit me shenjimin përfundimtar të marrëveshjes për "kufizimin e shelfit kontinental".
Atdhetarizmi i politikanëve mbetet historikisht i dyshuar dhe i konstestuar prej palëve të ndryshme, dhe sidomos prej kundërshtarëve politikë të tyre. Kjo është e vjetër sa politika. Mirëpo, koha që rrjedh dhe dëshmia që i shtohet apo zbardhet historisë së lënë, janë të pakontestueshme dhe përbëjnë realisht të vërtetën që zbulohet pas momentit të protagonizmit dhe lojës. Në kohët e ardhme do të zbardhet se deri ku qëndrojnë ankesat e opozitës së Edi Ramës për koston dhe rëndesën e saj për disa vjet dhe sa triumfuese do të jetë largpamësia realizuese e Sali Berishës, në lidhje me këtë segment të afërisë dhe shkëmbimit gjithëkombëtar. Në verifikimin e kësaj së vërtete, Berisha, në vitet e ardhme do të ndihet në provën e së thënës së politikanit francez Eduard Baladyr, te "Makiaveli në demokraci": "Nuk qeveriset në mënyrë të pafajshme. Po ashtu, nuk qeveriset në mënyrë të pandëshkueshme. Ushtrimi i pushtetit lë gjurmë". Pikërisht largpamësia në lidhje me rrugën e Berishës do të bashkëshoqërohet nga "gjurma e lënë". E kemi fjalën për gjurmën e kostos dhe ngadaltësisë së përkohshme, ose siç thonë opozitarët e sotëm, nga asfiksia financiare që imponoi ky investim i menjëhershëm apo "me aksion."
Ndërkohë që kundërshtari dhe rivali politik i tij, Edi Rama, u drejtohet qytetarëve në ditët e fushatës me shprehjen: "Kjo është një lojë që 18 vjet e luajnë ata dhe e paguani ju". Natyrisht që kryesocialisti i vetëpërcaktuar si lider i domenit elektoral "matanë së djathtës dhe së majtës" e përdor këtë përcaktim si denoncim të vetin për premtimet që politikani i 19 viteve Berisha, u bën për një mandat të dytë, qytetarëve të vendit.
Investimi i kësaj rruge dhe gjithë financimi i saj, i cili u përdor si një ‘cazus‘ i fortë akuzash për korrupsion dhe abuzim prej një ministri dhe Kryeministrit Berisha, pas datës 29 qershor, do të përdoren dhe trajtohen krejt më ndryshe se në periudhën e tanishme.
Leverdia e shfrytëzimi i menjëhershëm i kësaj rruge do të sjellin në mediumet tona, por edhe në polemikën mes palëve, pavarësisht se në ç‘pozicion do të ndodhen ato, një tjetër diskutim, e natyrisht edhe një mentalitet të ri. Shumëkush do të bindet se "rruga bashkuese erdhi përmes një ndëshkimi të përkohshëm". Natyrisht, përmes një ndëshkimi të përkohshëm për qytetarët e Shqipërisë administrative. Gjurmët e pasojës në buxhetin e saj do të jenë të freskëta së paku për 5 vjet të ardhshëm, ndërsa sipas specialistëve, do të konsiderohen të dhimbshme, sidomos për buxhetin shtetëror të mandatit të ri, qoftë ai i dyti për demokratët, qoftë i pari për socialistët dhe "matanistët" pranë tyre. Në këtë dhimbje, një palë e politikës do të ndihet si heroinë e suksesit dhe pala tjetër si idhulltare e së thënës: "Veprat e mëdha mund të bëhen edhe pa dhimbje të tilla".
shqip
Engel: Berisha si Auzenhaur, ndërton sistem autostradash
Rruga Durrës-Kukës, vlerësohet si një nga projektet më të mira, që do e bëjë Shqipërinë, qendër progresi në rajon. Vleresimet u dhanë nga Kongresmeni Eliot Engel, i cili vizitoi ditën e djeshme, punimet në rrugën Durrës-Kukës. I mahnitur nga arritjet e deritanishme, por dhe nga natyra e mrekullueshme shqiptare, Engel shprehu besimin se rruga në një t ëardhme, do të shkojë edhe përtej kufirit të Kosovës.
"Pamë gjëra dhe vende që nuk mund t'i imagjinonim dot. Pamë gjithcka, punën që po bëhet në këto male dhe është e pabesueshme. Mendoj se ky projekt është i mrekullueshëm dhe tregon për një vizion të jashtëzakonshëm. Kur kryeministri po me tregonte dy ditë më parë për të, nuk e imagjinoja dot se sa bukur do të ishte.
Dua të uroj popullin e Shqiprëisë, kryeministrin dhe zyrtarët e qeverisë, sepse mendoj se ky projekt është shumë i mirë dhe do t'i sjellë Shqipërisë një të ardhme, me të vërtetë", tha Engel.
Ai u shpreh i befasuar, me punën e bërë deri me sot, Kongresmeni, vlerësoi rrugën si një sipërmarrje të jashtëzakonshme.
"Nga kjo rrugë, nuk do të përfitojë jo vetëm Shqipëria, por i gjithë rajoni. Do e bëjë Shqipërinë një qendër progresi në rajon. E dimë që rruga do të shkojë deri në kufirin me Kosovën dhe mendoj se do të ketë një vazhdimësi të saj, përtej këtij kufiri", vijoi Engel. Kongresmeni, përshkoi me helikopter, të gjithë sipërfaqen e projektit që shtrihet nëpërmjet maleve.
Përvec punimeve të rrugës, Engel u mrekullua dhe nga natyra shqiptare, të cilën e quajti të jashtezakonshme. "Pamë gjëra dhe vende që nuk mund t'i imagjinonim dot. Pamë gjithcka, punën që po bëhet në këto male dhe është e pabesueshme. Kjo është me të vërtetë një rrugë që do e cojë Shqipërinë drejt së ardhmes. Kur shoh këto njerëz që gërmojnë në këtë tunel, gjithë këtë logjistikë.
"Mbaj mend nga fëmijëria ime në Nju Jork, gjatë kohës së Presidentit Auzenhaur. Ai vendosi të ndërtonte një sistem kombëtar autostradash, me rrugë që do të lidhnin cdo cep të Shteteve te Bashkuara. Ky projekt më kujton pikërisht këtë", krahasoi Engel projektin e ndërtimit të rrugës Durrës-Kukës
Më gënjeu pasuria, jeta vrap më iku shpejt dhe u thinja u dergja u plaka në dhe të huaj do të vdes..
po ti Qa shkolle na pate mo lal qe te tjeret nuk i ze per gje te duket vetja ndo gje i ditur avash plako jepi vetit gajrat mos u zgjero shum
Je Bo p9 shum Tu kshyr Film .
toni007, ajo fotoja qe kam vendosur poshte nickut tim nuk kam per qellim ndarje territorjale apo per te rikujtuar harta te vjetra. Thjeshte jam i fokusuar ne kete rruge dhe me pelqen te mos e largoj vemendjen nga kjo rruge dhe keto punime. Me duket dicka qe mezi e pres.
Ps: uroj te me dale fotoja jote me harten e plote te Shqiperise ne citim
Ndryshuar për herë të fundit nga Reschen : 10-05-2009 më 11:59 Arsyeja: :
Brari,jam shqiptar nga Kosova dhe jo nga Shqiperia,ai postim nuk ishte imi.Une,ne fakt desha ta citoja nje nga forumistet por kisha probleme me PC (dhe akoma vazhdoj te kem), e pasi nuk munda me kohe ta jap mendimin tim po e le fare.Shnet.
Mëhilli: Sulmet ndaj familjarëve të kryeministrit, dëshmi e panikut të Ramës
Partia Demokratike dënoi ashpër trillimet e sajuara nga zyrat e Ramës për familjarët e kryeministrit Berisha. Me anë të një deklarate për shtyp zëdhënësja e PD-së, Erla Mëhilli, deklaroi se sulmet ndaj familjarëve të kryeministrit nga ana e Partisë Socialiste nuk janë gjë tjetër veçse dëshmi e panikut që ka mbërthyer Ramën para zgjedhjeve. "Edi Rama, pasi sulmoi dje kryeministrin e vendit me një gjuhë të padenjë, jo vetëm për një politikan, por edhe për një alabak ordiner, nxorri sot atë që tashmë është i faktuar si asistent i Dondollakut, por edhe korrier i drogës jo vetëm i tij, por edhe i Kadriovskit, Erion Braçen, për të sulmuar familjarët e kryeministrit dhe më konkretisht vajzën e tij, e cila është një avokate që punon në një studio private ligjore në Tiranë si dhjetra e dhjetra studio të tjera dhe që ushtron aktivitetin në përputhje të plotë me ligjet e shtetit shqiptar e që ka paguar të gjitha detyrimet tatimore të saja dhe që është e para në sektorin privat në historinë e vendit që ka deklaruar të ardhurat me korrektesën më të madhe pranë ILDKP-së", u shpreh zëdhënësja e PD-së. Ajo sqaroi se e-mailet e botuara në shtyp, dëshmojnë një veprimtari në përputhje të plotë me ligjet e vendit të studios ligjore të vajzës së kryeministrit. "Edi Rama dëshmon se nuk ka asnjë alternativë tjetër për t`u ofruar shqiptarëve përveç scoopeve dhe trillimeve mediatike siç ishte ajo e vjedhjes së shpikur të orës së Presidentit Bush, shpalljes së Kosta Trebickës si të ekzekutuar nga shteti, akuzave politike të rrugës Durrës - Kukës, apo akuzave ndaj biznesmenit Damir Fazlliç, apo siç ishin ato më të fundit të shitjes së ujërave territoriale të vendit", nënvizoi më tej Mëhilli. Ajo nënvizoi më tej se, Rama me sulmet familjare ndaj kryeministrit përpiqet thjesht të mbulojë lakuriqësinë e tij, firmat e ekzekutimit politik të njerëzve e intelektualëve të pafajshëm nga i ati e daja e tij, anëtarë të Presidiumit e Byrosë Politike. "Me këto sulme ndaj vajzës së kryeministrit, Edi Rama do të mbulojë dhënien e 30 lejeve të ndërtimit Delijorgjit dhe pushimet e kaluara në Kretë me të. I bën për të vënë në harresë mbajtjen peng të Planit Rregullues të Tiranës dhe përpjekjet për të vjedhur trojet publike për vete dhe klanet, me të cilat ai ndan pasuritë. I bën për të mbuluar 19 lejet e ndërtimit nga 28 që ishin gjithsej në KRT-në e fundit të Tiranës, të cilat i ndau me Eftimin e tij", u shpreh zëdhënësja e Partisë Demokratike. Ajo theksoi se, PD u kërkon shqiptarëve të kenë durim deri më 28 qershor, kur Rama të dalë përfundimisht nga politika e shqiptarëve si humbës i madh i zgjedhjeve të ardhshme.
Kryeministri inauguron kopshtin e fëmijëve dhe rikonstruksionin e shkollës 9-vjeçare në Vorë
Berisha: Taksa 20 % të Ramës bllokoi ndërtimin e shkollave të reja në Tiranë
Për shkak të aferave korruptive me dhënien e lejeve të ndërtimit pa kriter kryetari i Bashkisë së Tiranës, Edi Rama, ka bllokuar të gjitha fondet që qeveria ka akorduar për ndërtimin e shkollave të reja për fëmijet e kryeqytetit. Më tej, ai vuri në dukje se në Bashkinë e Vorës është ndërtuar dhe rindërtuar qartësisht 30 përqind më shumë se në bashkinë e kryeqytetit. "Edhe aty ne kemi financuar ndërtimin e 8 shkollave dhe rindërtimin e 12 të tjerave, por ajo që populli e quan unjti e papërmbajtur apo babëzi e shfrenuar nuk lejon të gjenden troje për shkollat, sepse tek shkollat nuk merret dot kati apo dy katet, nuk merret dot 20 përqindëshi. Ndaj dhe ne jemi të vendosur të financojmë në Vorë dhe në mbarë Shqipërinë çdo projekt që ndryshon për mirë jetën e qytetarëve shqiptarë", tha kreu i ekzekutivit shqiptar. Në vijim, kryeministri Berisha garantoi dje se qeveria do të mbështesë dhe do të financojë çdo projekt që ka si synim zhvillimin e Bashkisë së Vorës. Kryeministri ka vlerësuar se kjo mazhorancë gjatë mandatit të saj të parë, në përputhje me premtimet e saj, ka investuar në këtë bashki 1 miliard e 640 milion lekë, kundrejt 49 milion lekëve që ka investuar qeveria e mëparshme në Bashkinë e Vorës. "Dëshiroj të përgëzoj kryetarin tuaj të Bashkisë, i cili me ndjenjën më të lartë të ndërgjegjes, me vështirësi të jashtëzakonshme ia doli të udhëheqë bashkinë tuaj dhe të përcaktojë për këtë bashki vizionin e Vorës moderne, e Vorës së zhvilluar dhe të Vorës portë e mrekullueshme e kryeqytetit të vendit. Qeveria që unë kryesoj, në më pak se katër vjet dhe në përputhje me premtimet e saj, ka investuar në këtë bashki 1 miliard e 640 milion lekë, kundrejt 49 milion lekëve që ka investuar qeveria e mëparshme në Bashkinë e Vorës. Vetëm në këto katër vite, në bashkinë tuaj janë ndërtuar dhe rindërtuar katër shkolla dhe një kopsht", u shpreh kryeministri. Gjithashtu, kreu i ekzekutivit vlerësoi se nën moton e plotësimit të interesave të qytetarëve qeveria ka investuar në Vorë 1.6 miliard lekë. Kryeministri garantoi kryetarin e Bashkisë së Vorës se qeveria do të investojë dhe do të financojë çdo projekt në këtë zonë.
Opozita manipuloi shpirtrat e të vdekurve në Gërdec për interesat e saj
Kryeministri dënoi ashpër dje shfrytëzimin e tragjedisë së Gërdecit dhe të personave që humbën jetën në këtë ngjarje për qëllime politike. "Ju e provuat më shumë se kushdo tjetër këtë alternativë, kur opozitarët u përpoqën duke manipuluar shpirtrat e të vdekurve tuaj për karriget e tyre, por ju, burra dha gra fisnikë, u treguat vendin atyre. Alternativa e mohimit, alternativa sipas të cilës rroftë e keqja dhe poshtë Shqipëria, shtyn opozitarët e sotëm të transmetonin lajme se Shqipëria nuk do ta marrë ftesën për anëtarësim në NATO, në kohën kur merrnim ftesën në Bukuresht; në kohën kur ne shkonim të ftuar nga Presidenti Bush ata organizonin mitingje me portrete të Enver Hoxhës", u shpreh kryeministri. Më tej, ai theksoi se përballë kësaj alternative; për ndryshimin e jetës së përditshme, për përmirësimin e transportit, ujësjellësve, kanalizimeve, pagave dhe pensioneve të qytetarëve shqiptarë, anëtarësimit të Shqipërisë në NATO dhe kërkesës për statusin e vendit kandidat për në Bashkimin Evropian, qëndron alternativa e nihilizmit, alternativa e mohimit, alternativa e bllofeve, alternativa në bazë të së cilës Shqipëria meriton çdo të keqe. "Alternativa e tyre është alternativa e bllofeve, alternativa e shpifjeve dhe trillimeve, alternativa me të cilën deklarojnë të vdekurit në aksident si të pushkatuar nga qeveria, alternativa në të cilën premtojnë ndalimin e rritjes së rrogave. A ka opozitë në botë që t'i thotë qeverisë mos rrit rrogat dhe mos rrit pensionet? A ka opozitë në botë që të thotë se do të anullojë me dhjetëra e dhjetëra konçesione, në të cilat do të krijohen dhjetëra e mijëra vende pune? A ka opozitë në botë që të thotë mos aplikoni për statusin e vendit kandidat për në Bashkimin Evropian", vijoi më tej kreu i qeverisë. Ai vuri në dukje se kjo është opozita e bllofit, opozitë e cila ka një dhe vetëm një interes; karrigen dhe vetëm karrigen. Kryeministri garantoi se interesat e qytetarëve shqiptarë, interesat më të rëndësishme të fëmijëve, janë dhe do të jenë axhenda e qeverisë së djathtë.
Qeveria shndërroi në realitet premtimin për rritjen e pagave dhe pensioneve
E djathta shqiptare kërkon votbesimin për një mandat të dytë qeverisës për realizimin e premtimeve dhe projekteve të reja, pasi premtimet e mandatit të parë u bënë të prekshme për çdo qytetar shqiptar. Gjatë një takimi të ngrohtë dhe miqësor me banorët e Vorës, kryeministri Berisha vlerësoi se kjo qeveri shkon e sigurt drejt mandatit, pasi ka realizuar me sukses projektet e katër viteteve të para duke shembur korrupsionin, krimin e organizuar, duke i sjellë vendit siguri, stabilitet dhe zhvillim. "Ne ecim drejt mandatit të dytë, pasi ne Shqipërinë e shkëputur nga Evropa e anëtarësuam në NATO, pasi ne Shqipërinë, të cilën muret e korrupsionit dhe të krimit e kishin ndarë nga vendet e Bashkimit Evropian, ia dolëm që të ratifikojmë Marrëveshjen e Stabilizim-Asociimit, që në Parlamentet e tyre të 27 vendet e BE-së të votojnë për Shqipërinë dhe në 28 prill të paraqesim kërkesën për statusin e vendit kandidat për në Bashkimin Evropian", tha kryeministri. Më tej, ai vlerësoi se kjo qeveri shndërroi në realitet premtimin për rritjen e pagave dhe pensioneve, politikë e cila do të vazhdojë edhe në mandatin e dytë qeverisës. "Ne shkojmë drejt mandatit të dytë, pasi kemi bërë realitet premtimet tona për pensionet dhe për pagat. Ne dalim sot ballëlartë para të moshuarve të kombit dhe vendit tonë, sepse rritëm pensionet e tyre më shumë se çdo vend tjetër në Evropë. Kjo sepse rritëm pensionet e fshatit 100 përqind, rritëm pensionet e qytetit nga 50 deri në 70 përqind. Ne sot vijmë buzë mandatit të dytë pasi kemi 2-fishuar pagat e mësuesve të vendit, infermierëve dhe mjekëve të vendit; pasi kemi ndërtuar apo rindërtuar 1012 shkolla në mbarë vendin dhe kanë mbetur më pak për katërvjeçarin që vjen", tha kryeministri. Gjithashtu, ai vlerësoi se qeveria shkon drejt katër viteve të tjera e sigurt, pasi me investimet e mëdha të saj e ka shndërruar vendin në një kantier të vërtetë ndërtimi. "Ne vijmë sot në prag të mandatit të dytë pasi kemi shndërruar Shqipërinë në kantier ndërtimi nga Morini në Konispol. Ne vijmë drejt mandatit të dytë pasi kemi siguruar rendin dhe kemi shndërruar Shqipërinë në një nga vendet më të sigurta të Evropës; pasi kemi shumëfishuar në katër vite numrin e vizitorëve të huaj që vizitojnë Shqipërinë", vijoi kryeministri. Më tej, ai vuri në dukje se vitin e kaluar, vetëm në Sarandë erdhën 300 mijë vizitorë, kundrejt vetëm 300 mijë vizitorëve që erdhën në mbarë vendin në vitin 2004. Ndërsa vitin që kaloi, tha kryeministri, Shqipëria u vizitua nga 2.7 milion vizitorë. "Ne vijmë drejt mandatit të dytë pasi kemi zgjidhur përfundimisht furnizimin me energji elektrike. Ne vijmë drejt mandatit të dytë pasi ia dolëm në një luftë të egër kundër korrupsionit; arritëm të kursejmë dhe të nxjerrim nga kthetrat e tij 4.2 miliard dollarë. Ne vijmë drejt mandatit pasi investuam në mbarë fshatrat e Shqipërisë 1.6 miliard dollarë, më shumë se kurrë në historinë e tyre", vlerësoi ndër të tjera kreu i ekzekutivit shqiptar.
Programi i së djathtës bazohet tërësisht në interesat e qytetarëve
Kryeministri Berisha vlerësoi dje se programi i së djathtës është i bazuar tërësisht në shërbimin më të mirë të interesave të qytetarëve shqiptarë. Kryeministri tha se asfaltimi i rrugëve, mundësimi i energjisë dhe ujit pa ndërprerje, rritja e pagave dhe pensioneve janë dëshmi konkrete të kësaj qeverie në mbrojtje të interesave të qytetarëve. "Unë programin tim e kam të thjeshtë, e kam bazuar dhe do ta bazoj tek ato çfarë ju interesojnë më tepër juve. Ju interesojnë rrugët e asfaltuara - unë do të çoj asfaltin në çdo fshat të këtij vendi; ju intereson uji i pijshëm - unë do të çoj ujin e pijshëm në çdo shtëpi të këtij vendi; ju intereson rritja e pensioneve - unë do të barazoj pensionet e fshatit me pensionet e qytetit dhe i rris ato edhe shumë më tepër; juve që ju intereson rritja e pagave - ne këtë vit lamë pas dy vende të Bashkimit Evropian për pagat", tha kryeministri. Më tej, ai garantoi se në vitet që vijnë Shqipëria do të lërë pas edhe disa vende të tjera. Kështu, ai vuri në dukje se rritja e pagave është dhe do të mbetet përparësi madhore e kësaj qeverie. "Juve ju intereson lëvizja e lirë në mbarë Evropën dhe unë ju premtoj ju se vitin e parë të mandatit të dytë, qytetarët e Vorës dhe të mbarë Shqipërisë do të lëvizin pa viza në mbarë Evropën. Dua të garantoj kryetarin tuaj të Bashkisë, z. Fiqiri Ismajli dhe deputetin tuaj Astrit Patozi, i cili ka qenë avokati më i shkëlqyer i interesave tuaja në qeveri, se në katër vitet që vijnë do të investohen nga qeveria pa asnjë hezitim dhe pa asnjë përjashtim të gjitha projektet e Bashkisë së Vorës", tha kryeministri.
Pas shtrirjes së internetit në shkolla, qeveria do të mundësojë internet në çdo shtëpi
Kryeministri Berisha theksoi dje se qeveria është në prag të mbylljes së projektit të saj për shtrirjen e internetit në të gjitha shkollat e vendit dhe pas këtij hapi qeveria është e angazhuar të shtrijë internetin në çdo shtëpi shqiptare. Gjatë një vizite në Bashkinë e Vorës, kryeministri Berisha mori pjesë në inaugurimin e kopshtit të fëmijëve, ndërtim me vlerë 45 milion lekë, si dhe inauguroi përfundimin e rikonstruksionit të shkollës 9-vjeçare Vorë, me vlerë 45 milion lekë. Duke u ndalur fillimisht në mjediset e kopshtit të fëmijëve, kryeministri shprehu kënaqësinë që ndërtimi i tij ofronte mjedise bashkëkohore. Në vijim, kryeministri u ndal për një vizitë edhe në shkollën 9-vjeçare të Vorës, ku u njoh nga afër me mjediset e brendshme të saj. Kryeministri uroi nxënësit dhe mësuesit e kësaj shkolle për ambientet e reja në të cilat ata do të mësojnë, të cilat tashmë janë pajisur me laboratorë mësimorë, me kabinet informatike dhe terrene sportive. Në vlerësimin e tij, kreu i ekzekutivit theksoi se qeveria ia doli të shndërrojë në realitet zotimin e saj për të shtrirë internetin në çdo shkollë, një projekt ky që ka transformuar shkollat dhe mësimdhënien në to. "Në këtë shkollë sot ka dy kabinete informatike. Këtë javë edhe në 500 shkolla të tjera është instaluar interneti dhe gjatë 2-3 javëve nxënësit e të 2000 shkollave të Shqipërisë do të lundrojnë në internet. Ne kështu finalizojmë një projekt të madh, një projekt që transformon shkollën tonë, mësimdhënien dhe i shërben në mënyrë të jashtëzakonshme si informimit të nxënësve, ashtu edhe projektimit nga ana e tyre të temave për të cilat kanë më shumë interes. Lundrimi në të gjitha skutat e dijes njerëzore është hapi i parë, ndërsa hapi tjetër i madh do të jetë interneti në shtëpitë tuaja. Por, ky ishte një tjetër hap i madh dhe shumë i rëndësishëm", vlerësoi kryeministri. Më tej, ai vuri në dukje se qeveria ia doli që në të gjitha shkollat e vendit të ketë internet, që çdo fëmijë në shkollat e vendit të mund të lundrojë në internet. "Rreth një vit më parë, ne inauguruam fillimin e punimeve në këtë shkollë, ndërsa sot kjo është shndërruar në një nga shkollat më moderne të vendit me ngrohje, me internet dhe me terren të bukur sportiv, ashtu siç ju e meritoni", tha kryeministri, ndërsa përgëzoi kryetarin e Bashkisë së Vorës, Fiqiri Ismajli, për punën e madhe që ka bërë, për transformimin e këtij qyteti dhe për modernizimin e tij.
Qeveria mbështetje familjeve që humbën të dashurit e tyre në tragjedinë e Gërdecit
Qeveria do të bëjë përpjekjet maskimale në mbështetje të interesave të të gjitha familjeve që humbën të dashurit e tyre gjatë aksidentit teknologjik në Gërdec. Në vijim të vizitës së tij në Bashkinë e Vorës, kryeministri Berisha zhvilloi një vizitë në familjen e Reshit Krujës, i cili humbi jetën në këtë tragjedi. Kryeministri theksoi se drejtësia që familjarët kërkojnë, duhet dhe do të vihet patjetër në vend dhe për këtë qeveria ka dhënë dhe po jep të gjithë mbështetjen e saj. Gjatë kësaj vizite, kryeministri Berisha mori mirëseardhjen nga zonja e shtëpisë, bashkëshortja e të ndjerit njëkohësisht i shprehu kryeministrit mirënjohjen e saj të thellë për kujdesin dhe mbështetjen në momentet e vështira të familjes së tyre. Nga ana e tij, kryeministri Berisha shprheu garancinë e tij ndaj familjes Kruja për përpjekjet e tij maksimale në mbështetje të interesave të tyre, duke shprehur angazhimin se qeveria, në bashkëpunim me pushtetin lokal, do të jetë gjithnjë pranë tyre. Gjatë kësaj vizite, bashkëshortja e të ndjerit Reshit Kruja kërkoi një ndihmë të menjëhershme për vajzat e saj, të cilat ndiqnin universitetin, një kompjuter në shtëpinë e saj, i cili ju premtua menjëherë nga kryeministri Berisha dhe deputeti i zonës Astrit Patozi, i cili shprehu gatishmërinë që një kompjuter do t'i shkonte kësaj familjeje menjëherë në ditët e ardhshme. Gjatë kësaj vizite, kryeministri Berisha shoqërohej edhe nga kryetari i Bashkisë së Vorës, Fiqiri Ismaili.
Blerina TOSLLUKU
Në katër vjet pushteti qëndror i akordoi Bashkisë së Tiranës 5-fishin e fondeve të marra gjatë qeverisjes socialiste
Rama abuzime me fondet e qeverisë për asfaltimin e rrugëve të Tiranës
Kryeministri Berisha akuzoi kryetarin e Bashkisë së Tiranës, Edi Rama, për shpërdorimin dhe abuzimin e fondeve që qeveria i ka akorduar për rikonstruksionin dhe ndërtimin e rrugëve. Gjatë inaugurimit të përfundimit të punimeve për ujësjellësin e ri të komunës Petrelë, një investim i buxhetit të shtetit, me vlerë 40 milion lekë, kreu i ekzekutivit e vuri theksin në angazhimin e qeverisë në këto katër vjet për rehabilitimin infrastrukturor të të gjithë vendit. Ai vuri në dukje mungesën e madhe të investimeve në Bashkinë më të madhe në vend, duke theksuar se në një kohë që qeveria mbyll vetëm në zonën e Petrelës 23 kilometra rrugë të asfaltuara, në Bashkinë e Tiranës mund të numërohen vetëm 10 të tilla. Kryeministri akuzoi kreun e Bashkisë së Tiranës për abuzim me fondet e dhëna nga ekzekutivi për asfaltimin e rrugëve, ndësa ka vënë në dukje se kjo qeveri i ka akorduar Bashkisë së Tiranës 5-fishin e fondeve që ajo ka marrë gjatë qeverisjes socialiste. "Ne mbyllim gjatë këtij viti 23 kilometra rrugë në këtë komunë, ndërkohë që në Tiranë nuk janë asfaltuar as 10 kilometra rrugë. Ndokush mund të mendojë se unë si kryeministër nuk i kam dhënë financime kundërshtarit politik. Po iu them se unë i kam dhënë 5 herë më shumë sesa i ka dhënë vetë Fatos Nano. Kryetari juaj i komunës, ka marrë 4 herë më shumë fonde nga qeveria, por i ka shndërruar ato në rrugë, në ujësjellës, në shkolla, në kanalizime", u shpreh kreu i ekzekutivit, duke nënvizuar se qeveria nuk ka bërë asnjë diskriminim ndaj Bashkisë së Tiranës, por përkundrazi, duke e vlerësuar atë si bashkinë më të madhe në vend, i ka vënë në dispozicion një mbështetje më të fuqishme financiare, e cila është shpërdoruar për interesa të ngushta vetiake nga kryetari i kësaj bashkie. "Por, ku kanë shkuar paratë që ne i kemi dhënë Edi Ramës? Mund ta pyesni. Ne nuk bëjmë diskriminim për të, përkundrazi, ne e veçojmë dhe i japim mbështetjen më të fuqishme Edi Ramës, sepse Tirana është kryeqyteti i secilit prej nesh. Mirëpo paratë i marrin cedilat, paratë i marrin ato ndërtime që s'bëhen, paratë i fusin në xhep, rrugë nuk shtrojnë. Kjo është e vërteta", u shpreh kreu i ekzekutivit gjatë takimit me banorët e Petrelës. Duke theksuar se me fakte kjo qeveri po u dëshmon shqiptarëve angazhimin serioz për rritjen e cilësisë së jetës, kryeministri vuri në dukje platformën e qeverisë për rritjen e pagave dhe pensioneve, e cila ka ndikuar fuqimisht në rritjen e ekonomike të të gjitha familjeve shqiptare. Gjithashtu, ai nënvizoi edhe prioritetin e qeverisë për arsimin, ku konstatoi rindërtimin dhe rikonstruksionin e 1012 shkollave. "Këto katër vite, ne dyfishuam pensionet në fshat. Ua premtuam këtë dhe e shndërruam në realitet këtë premtim. Ne, në këto katër vite investuam në mënyrë që fëmijët tanë të shkojnë në shkolla të mira, moderne, të reja, të mos ulen nga 40-50 nxënës në klasa. Ne kemi rindërtuar apo ndërtuar nga e para 1012 shkolla, kemi çuar në çdo shkollë kabinetin e informatikës dhe internetin, në mënyrë që asnjë fëmijë shqiptar, i varfër apo i pasur qoftë ai, të mos e ketë kompjuterin mollë të ndaluar, por të lundrojë në internet, si fëmijët e vendeve më të zhvilluara", theksoi Berisha, duke shtuar se në katër vite kjo qeveri ia doli të dyfishojë rrogat e arsimtarëve, të infermierëve, të mjekëve. Ai vuri në dukje se me politikën e saj të rritjes së pagave dhe pensioneve, qeveria ia doli që të parakalojë dy vende të Bashkimit Europian, Rumaninë dhe Bullgarinë. Kreu i qeverisë vlerësoi se me reforma të mëdha, serioze, të ndershme, qeveria ia doli të bindte 26 vende anëtare të Aleancës së Atlantikut të Veriut, se Shqipëria e meriton anëtarësimin në NATO. "Me reforma të mëdha dhe të thella, të ndershme, ne ia dolëm të bindnim 27 vende anëtare të Bashkimit Europian të votojnë në parlamentet e tyre Marrëveshjen e Stabilizim-Asociimit dhe të pranojnë kërkesën tonë për statusin e vendit kandidat për në BE", u shpreh kreu i ekzekutivit, duke shprehur bindjen se çdo shqiptar që i thotë ditës ditë dhe ndryshimit ndryshim, pranon se këto katër vite Shqipëria është një vend tjetër.
Kreu i qeverisë inauguron ujësjellësin e ri të Petrelës, investim i buxhetit të shtetit me vlerë 40 milionë lekë
Petrelë, qeveria 500 mln lekë investime kundrejt 130 mln lekë të PS në tetë vjet
Në katër vite, qeverisja e djathtë ka trefishuar investimet në rehabilitimin e infrastrukturës së vendit, duke dëshmuar një diferencë të lartë investimesh në krahasim me qeverisjen socialiste gjatë tetë viteve të drejtimit të saj. Gjatë një takimi me banorët e Petrelës, kryeministri Berisha ka vënë në dukje se vetëm në këtë zonë kjo qeveri ka investuar 500 milion lekë kundrejt 130 milion lekëve që ka investuar e majta në tetë vite qeverisje të marra së bashku. "Uroj që të vazhdojmë kështu së bashku, në mënyrë që çdo ditë të vazhdojmë të investojmë në këtë zonë, për ta shndërruar atë në një nga zonat më të zhvilluara. Në 8 vjet, qeveritarët e mëparshëm kanë investuar në komunën tuaj 130 milion lekë, ndërsa qeveria që unë kryesoj, në vitet 2005-2009, investon në këtë komunë 500 milion lekë. Në 8 vjet, qeveritarët e mëparshëm kanë asfaltuar 3 kilometra rrugë, ndërsa ne në 4 vjet, kemi asfaltuar dhe vazhdojmë të asfaltojmë 23 kilometra rrugë. Unë iu jap fjalën se në këtë komunë nuk do të mbetet pëllëmbë rruge pa u asfaltuar", vijoi më tej kryeministri. Duke u ngjitur rrugës deri këtu, u shpreh ai, erdha nëpër rrugën më të ngushtë që mund të ndërtohet dhe mendja më shkoi se nuk ka inxhinier që të realizojë një projekt të tillë. Qeveritarët e mëparshëm, vijoi kryeministri, gjysmat e parave për ndërtimin e kësaj rruge i futën në xhep, gjysmat i futën në rrugë. Ai garantoi se këtë rrugë, duke nisur që nga Mulleti, qeveria do ta rindërtojë me dy korsi, me ndriçimin më të bukur, me trotuare, me veprat e artit dhe çdo gjë tjetër. Gjithashtu, kreu i qeverisë tha se qeveria do të ndërtojë rrugën nga Petrela deri te Kalaja e vjetër e Siopit, në mënyrë që këto dy qendra të rëndësishme historike të lidhen me njera tjetrën. Ai përgëzoi kryetarin e komunës për punën që ka bërë, për t'i kthyer identitetin këtij vendi, kësaj kështjelle, oborrit të saj dhe për t'i krijuar kryeqytetit një qendër historike turistike që e nderon për historinë e saj, për vendndodhjen e saj, e nderon për peizazhin që i ofron vizitorit. Gjithashtu, ai garantoi kryetarin e komunës se qeveria do të financojë çdo projekt të kësaj komune, në mënyrë që ajo të shndërrohet në një nga qendrat më të rëndësishme turistike të kryeqytetit dhe gjithashtu në këtë mënyrë të përmirësohet jeta e banorëve.
Qeveria do të vijojë nxitjen e kultivimit të ullirit edhe në mandatin e dytë
Kryeministri Berisha vlerësoi se qeveria do të vijojë edhe në mandatin e dytë të saj politikën për nxitjen e kultivimit të ullirit. Gjatë vizitës së tij në Petrelë, kryeministri Berisha tha se vetëm në këtë zonë janë financuar në periudhën 2008-2009, ngritja e 12 hektarëve ullinj, me 300-400 rrënjë ullinj për hektar. Kryeministri garantoi kryetarin e komunës së Petrelës për të mbështetur çdo projekt të kësaj zone dhe ju kërkoi atyre që të sigurojnë 500 hektarë ullishte. "Prandaj, ju bëj thirrje ju dhe këshillit komunal, të bashkëpunoni me fermerët dhe të përcaktoni sipërfaqet e reja për ullishte, t'i mbillni me ullirin me Tiranës, i cili është ulliri më i shijshëm i kësaj toke. Ndaj, le t'i rikthehemi traditës së kësaj peme të mrekullueshme. Vetëm në këta katër muaj, nga iniciativa dhe nxitja e qeverisë, në Shqipëri janë mbjellë 2 milion rrënjë ullinj. Ne jemi zotuar se në 4 vitet e ardhshme do të financojmë mbjelljen e 20 milion rrënjë ullinj. Le të punojmë së bashku për ta tejkaluar këtë shifër", tha kryeministri, duke vënë në dukje se programi i qeverisë është program fund e krye i interesave tuaja. Natyrisht, tha ai, as qeveria ime dhe asnjë qeveri tjetër nuk mund të përmbushë çdo nevojë e interes të çdo individi, duke garantuar se kjo qveri do të përmbushë interesat më të mira dhe më të rëndësishme të familjeve dhe komuniteteve. Kryeministri theksoi se këto interesa nënkuptojnë që të gjitha komunat të kenë rrugë të shtruara njësoj si lagjet e qytetit, shkolla të mira, moderne, njësoj si lagjet e qytetit, ujë të pijshëm dhe kanalizime, njësoj si lagjet e qytetit. "Këto interesa janë që këta burra dhe gra të thinjura, që u tretën me punën e tyre në kooperativat bujqësore, të mos marrin pension më të ulët sesa ata që janë në qytet. Pra, interesat tuaja janë që vendi të lartësohet, sepse çdo shqiptar do ta shohë vendin e tij lart e më lart, i bindur se në këtë mënyrë lartësohet edhe ai vetë. Unë iu garantoj se ky është programi ynë. Pikërisht për këtë qëllim, ne kemi investuar në zonat rurale të Shqipërisë 1.6 miliard dollarë, sa kurrë ndonjëherë tjetër në historinë e këtij vendi", vijoi më tej kryeministri.
Të bashkohemi për zhvillimin e modernizimin e Shqipërisë
Kryeministri kërkoi dje votëbesimin e banorëve të Petrelës, duke i ftuar njëkohësisht ata të bashkohen për një të ardhme më të sigurtë për Shqipërinë drejt zhvillimit dhe modernizimit. "Unë iu ftoj të vazhdojmë mandatin e dytë së bashku dhe dua t'ju garantoj se unë, sërish, edhe katër vitet e ardhshme dhe për sa kohë që ju të vendosni që unë të jem në pushtet, në tavolinën time të punës, në zyrën time, do të ketë vetëm një program; ai i interesave tuaja, i plotësimit të tyre, sepse ato janë interesa të ndershme, të drejta. Duke punuar për to, unë kam bërë punën më të mirë për vete, për fëmijët e mi, për fëmijët e fëmijëve të mi, për vendin tim", u shpreh kryeministri. Katër vite më parë, tha ai, jo të paktë ishin ata që më pyesnin se si do ua sjellësh dritat shqiptarëve, mos e premto këtë gjë, sepse nuk ua sjell dot. Por sot, tha kreu i qeverisë, unë vij tek ju krenar, sepse nga fundi i vitit 2008 e deri më sot dhe për sa kohë që unë të jem në pushtet, në mënyrë absolute, nuk ka pasur dhe nuk do të ketë qoftë edhe një orë të vetme ndërprerje të programuar të dritave. "Kjo sepse, praktika e mëparshme ishte një praktikë çnjerëzore, fyese për qytetarët shqiptarë. Ata thoshin: të mos blejmë energji, sepse së pari na kushton, së dyti, nëse japim energji 24 orë, shtohen humbjet e saj në rrjet. Por, nuk mund t'i dënosh qytetarët në këtë mënyrë. Por unë, me durim, u thashë: për mua, energjia le të kushtojë sa të dojë. Pas bukës dhe ujit, jetike është energjia elektrike. Do ta blejmë atë sado të kushtojë", vijoi më tej kreu i ekzekutivit. Ai theksoi se çmimi më i shtrenjtë i saj është mungesa e saj për qytetarët dhe t'i lesh ata në errësirë. Kështu, kryeministri vlerësoi se sot duke përjashtuar mungesën e energjisë për shkak të defekteve teknike, nuk ka dhe nuk do të ketë asnjëherë ndërprerje energjie. Më tej, ai vlerësoi se në rast se për 30 vitet e fundit nuk u ndërtua qoftë edhe një burim i vetëm energjie, sot, vetëm këto dy-tre muaj, kanë nisur dhe do të nisin ndërtimi i mbi 20 hidrocentraleve, ndër të cilat edhe projekti më i madh në Europë, Kaskada e Devollit, me vlerë 1.2 miliard euro investim.
Programi i qeverisë së djathtë është program fund e krye i interesave të qytetarëve
Rama ofron alternativën e interesave anti-kombëtare
Me mitingje e deklarata absurde, opozita u ka dëshmuar qytetarëve të saj se e vetmja gjë që mund të ofrojë është shërbimi ndaj interesave antikombëtare. Kryeministri Berisha i ka cilësuar të tilla qëndrimet që opozita ka mbajtur kundrejt dy prej ngjarjeve më të rëndësishme për popullin shqiptar, anëtarësimin në NATO dhe aplikimin për statusin e vendit kandidat në BE. Ai vuri në dukje se përveç realizimit të këtyre ngjarjeve jetike për vendin, qeveria së shpejti do të realizojë për qytetarët shqiptarë ëndrrën për të lëvizuar pa viza në hapësirën europiane. "Në datën 28 prill 2009, ne patëm ngjarjen e dytë të madhe; paraqitjen e kërkesës për kandidat në BE, që e miratoi e gjithë Europa dhe e mbështetën udhëheqësit më kryesorë të Europës, ashtu siç ju e patë vetë. Sërish opozita bërtiti: mos e paraqisni kërkesën. Por programi evropian nuk është program elektoral, është shumë mbi elektoral, është shumë herë më i rëndësishëm se një palë zgjedhje, është ëndrra e qytetarëve shqiptarë, është ëndrra e fëmijëve të tyre. Ne jo vetëm e paraqitëm kërkesën për vend kandidat në BE, por unë dua t'ju garantoj se, pavarësisht nga skupet e opozitës, apo opozitës së bllofit, brenda një viti ne do të realizojmë lëvizjen e lirë në mbarë Europën të të gjithë qytetarëve shqiptarë", tha kryeministri, duke theksuar se kjo qeveri do të punojë gjithnjë në shërbim të interesave të qytetarëve. "Qytetari vritej në aksident në gjah, ndërkohë që opozita bërtiste se e vrau qeveria dhe zhvillonte miting mortor. Ata nuk ndalen as para dhunimit të Kodit më serioz, më të paprekshëm të njeriut, Kodit të Vdekjes, vetëm e vetëm që t'u shërbejë atyre për qëllime politike. Unë mendoj se ne duhet t'i lëmë ata në bllofet dhe skupet e tyre dhe le të vazhdojmë bashkë ndryshimin e madh që po realizojmë, të ndërtojmë plotësimin e interesave tona të mohuara për gjysmë shekulli, të vazhdojmë zhvillimin e këtij vendi, të vazhdojmë të krijojmë kushtet më të mira për investitorët shqiptarë dhe të huaj, të vazhdojmë të nxisim dhe të ftojmë turistë dhe vizitorë nga mbarë bota", vijoi më tej kryeministri. Duke vlerësuar se vitin e kaluar, Shqipërinë e vizituan 2.7 milion vizitorë, kundrejt vetëm 300 mijë vizitorëve në vitin 2004, kryeministri tha se këtë vit do ta vizitojnë 3 milion vizitorë.
E majta vendos bllofin dhe skupin e turpeve përballë platformës për zhvillimin e vendit
Përballë alternativës së veprave, të rrugëve, të urave, të ullishteve, të pensioneve të dyfishuara, të kanalizimeve, të ujësjellësve, të shkollave, internetit, qëndron alternativa e së majtës, e cila u ofron qytetarëve bllofin, trillimin dhe skupin e turpeve. Kryeministri Berisha vlerësoi se pas 18 vitesh marrëdhëniesh diplomatike me vendin më të lirë dhe më të fuqishëm të botës, qeveria e djathtë ia doli që në Shqipëri, në shenjë respekti dhe dashurie për shqiptarët, të sjellë vizitën e Presidentit të SHBA, Xhorxh Bush. Përtej kësaj ditë historike për të gjithë kombin shqiptar, opozita, me mediat e veta, me aktin më të shëmtuar, hapi lajmin se qytetarët e Fushë-Krujës, të cilët i dëshmuan Presidentit amerikan dashurinë më vëllazërore që ai kishte parë në ndonjë vend të botës, i vodhën atij orën. Kryeministri theksoi se ata e bënë këtë gjë, për t'u dhënë turpin shqiptarëve, vetëm e vetëm se Presidenti nuk mund të shkonte në bashkinë e një antiglobali, pasi i dinte të dhënat që ai është një anti-globalist dhe nuk mund të shkonte në bashkinë e tij. Duke e cilësuar këtë si një hakmarrje primitive, kryeministri dënoi ashpër përhapjen e lajmit nga ana e Ramës se populli shqiptar vodhi orën e Presidentit të SHBA. Ai theksoi se të njëjtën gjë opozita bëri edhe orën që Shqipëria do të merrte ftesën për në NATO. "Me mediat e strehuara në qoshkat e Bashkisë, kryetari i opozitës transmetonte nga Bukureshti se Shqipërisë nuk do t'i jepet ftesa për anëtarësim. Ndërkohë që ne ftoheshim në Zagreb për të festuar me Presidentin Bush ftesën për në NATO, opozita në Tiranë organizonte mitingje me portretet e Enver Hoxhës, për të denoncuar këtë arritje madhështore të Shqipërisë dhe shqiptarëve", vijoi kryeministri. Ai tha se të njëjtën politikë kundërshtuese opozita e ndoqi edhe ndaj rritjes së rrogave dhe pensioneve. Kryeministri tha se synimi i qeverisë është që taksat e qytetarëve t`i shndërrojë në rritje rrogash dhe pensionesh ndryshe nga opozita, e cila kërkon të marrë taksa për të mbushur xhepat e saj.
Investimet e qeverisë në zonën e Petrelës
Është rikonstruktuar:
- Shkolla e Petrelës, me një vlerë prej 7 milion lekë.
- Qendra Shëndetësore e Petrelës, me vlerë 4 milion lekë.
- Kanalizimet e ujërave të zeza, me 25 milion lekë.
- Rruga Mullet-Fikas me 16 milion lekë
- Rruga e fshatit Daias, me vlerë 40 milion lekë
- Ujësjellësi i Petrelës që inaugurohet sot, me vlerë 40 milion lekë.
- Rruga e Zaranikës, me vlerë 36 milion lekë
- Rikonstruksioni i shkollës Daias, me vlerë 7 milion lekë
- Rikonstruksioni i qendrës së Petrelës, me vlerë 8 milion lekë
- Rehabilitimi i kanalit ujitës Arbanë, me vlerë 3.5 milion lekë.
Gjatë këtyre muajve nisin punimet në këto vepra:
- Rruga Fikas-Hekal, me vlerë 52 milion lekë
Duket se njeriu me i informuar mbi kete veper madheshtore eeshte Dydrinasi.Me vjen mire qe nje patriot i imi eshte bere nje avokat shume i fuqishem i kesaj rruge.Duke qene se ke informacione mbi tunelet te lutem Dydrinas na thuaj dicka mbi ate se a jane projektuar keto dy tunelle edhe per te ardhmen apo thjeshte jane ne funksion te kesaj rruge per momentin.Me nje fjale nese ne te ardhmen do te linde nevoja e shtimit te edhe nje korsie tjeter ne te dyja drejtimet ( pra te behet me 3 korsi) a do ta perballoje tuneli.Nese jashte mund te behen shtesa , ne tunel nuk besoj se do behen gjera te tilla me.Ose me sakte do kishin kosto qe nuk do ja vlenin.Gjithkund ne bote kur behen projekte ne ato qe nuk mund te nderhyhet me qe ne momentin e ndertimit behen edhe me projekt per te ardhmen.
Edhe nje gje tjeter..Zhvillimet rajonale mund te cojne ne nevojen e ndertimit edhe te nje linje hekurudhore.Pse jo te mos kete edhe nje linje hekurudhore...nuk po them per sot por ne nje te ardhme..A mund ta perballoje tuneli nje nevoje te tille.Apo ndoshta kjo veper madheshtore do te mbetet ne kete stad dhe me kaq te gjithe do i lajne duart dhe nuk do qajne koke nese ajo rruge qe sot pritet te sjelle zhvillin ne te ardhmen te mos e perballoje zhvillimin...
Keto dilema me kan lindur ne momentin qe pash disa pjese te kesaj vepre qe per shqiperine dhe shqiptaret eshte madheshtore.....
Pres dicka me shume nga ti Dydrinas........
Regullat e Postimit
Përgjigju Duke Cituar
Krijoni Kontakt