Postuar më parë nga Llapi
Do t´i luftoj spiunet dhe tradhtaret e kombit deri ne vdekje.
Pse, a ju nuk i besoni ringjalljes ?Lulzim Basha me duket sikur ka marre hijen ne pamje te xhaxhi Enverit kur ishte i ri, apo e kam gabim!?
http://www.youtube.com/watch?v=xjl_P2W29Q0
Ai njeri qe e ka dashur Atedheun ne at bote do e doje edhe ne kete bote...
Ku eshte e keqja ketu, sala punon, lula punon,edi punon, te gjithe se bashku e ndertojm atedheun e jo vetem nje njeri..;bashkimi i kombit bene fuqi...
Ndryshuar për herë të fundit nga Kreksi : 12-04-2009 më 06:19
Askush nuk te pyt: ç'ka bere atedheu per ty por ç'ke bere ti per Atedheun ! - JFK
Po jo mo Kreksi, nuk është puna aty, por mami i Lulit ka pas punu në Bllok në kohën kur ka ngel shtatzanë me Lulin.
Sa i shkon ajo buzëqeshja shejtanit!
Hahahahaaaaaaa
EH I ZIU NJERI, GËLLTIT DIKU NJE LUGË ÇORBË TË PRISHUR, EDHE VJELL PASTAJ PËR GJITHË JETËN!
E cfare ka nisur e ka bitisur Berisha qe ta perfundoje kete rruge.
Thoni ka rendesi qe u nis se do behet nje dite dhe jo larg po ne Qeshor nuk mbaron rruga.
Ja dhe nje pamje tjeter e rruges Durres-Morine sic pretendohet te dale. Fotoja eshte e vogel por shpresoj te jete e mjaftueshme per tu pare
Zoti Berisha deklaroi vete para ca ditesh ne nje interviste te dhene per kanalin Klan se kjo rruge do te perfundoje para se te mbahen zgjedhjet e pergjithshme ne qershor
Rruga Kombetare Durres-Kukes-Prishtine!
Rruga Durrës-Prishtinë, "enveristët" dhe "antienveristët"
Nga Leonard Gremi
Dy ditë më parë në një nga mjediset e Pallatit të Kongreseve u mbajt konferenca kombëtare për ndërtimin e rrugës Durrës-Prishtinë. Interesimi ishte i madh, pjesëmarrja e niveleve më të larta. U fol për variantet të mundshme të gjatësisë, gjerësisë, për kostot, për financimet etj. Midis tyre, ajo që bëri më shumë përshtypje ishte një diskutim shumë i shkurtër i biznesmenit Koço Kokëdhima. Po e perifrazoj të plotë, pasi mendimet e tij nuk u pasqyruan në asnjë nga mediat e shkruara dhe elektronike, madje as në median private që ai zotëron:
"Në shqiptarët, qeveria dhe të gjitha institucionet tona nuk duhet të ngurrojnë të studiojmë, të njohim, të artikulojmë dhe të mbrojmë publikisht dhe botërisht interesat tona shqiptare dhe vetëm shqiptare, të dallueshme nga interesat e të tjerëve brenda vendit dhe në rajon. Në të gjitha projektet globale e rajonale, kombëtare dhe lokale, integruese për vendin dhe rajonin, ne duhet të gjejmë dhe të mbrojmë ato projekte që i shërbejnë interesave tona të vërteta kombëtare. Projekti i ndërtimit të rrugës Durrës-Prishtinë i shërben interesave tona shqiptare si komb e si shtet, zhvillon ekonominë, zgjeron hapësirat e tregut tonë dhe ne prandaj e mbështesim fuqimisht iniciativën e kryeministrit Majko për këtë projekt ...."
Cështja e dytë: "Ndërtimin e rrugës Durrës-Prishtinë e kundërshtojnë dhe e ironizojnë vetëm tradhtarët e interesave tona kombëtare, e sabotojnë ata politikanë të papjekur që nuk kanë punuar dhe ndërtuar asgjë në jetë me duart e tyre, por që politika i mori nga rruga dhe shëtitoret e Tiranës dhe i bëri ministra. E sabotojnë ata që megjithëse nuk dalin hapur, kërkojnë e shpikin vështirësi të karakterit teknik, buxhetor e financiar. Megjithëse për shumicën e politikanëve tanë të sotëm koncepti "tradhtarë" dhe "sabotatorë" konsiderohet i tejkaluar ...".
Dhe çështja e tretë, përsëri po e perifrazoj ishte :"Nga pozitat e biznesmenit në e ndiejmë që tregu ynë është i kufizuar e copëtuar. Ai nuk ka mundësi që të zhvillohet në raste se nuk lidhet me të gjitha hapësirat e tjera shqiptare në Kosove e Maqedoni. Të copëtuar siç na ka lënë historia, ne e kemi shumë të vështirë, për të mos thënë të pamundur për zhvillim .Komunikimi me të gjitha pjesët do të krijojë kushte për një treg normal. Rruga Durrës-Prishtinë është një hap i mirë përpara".
Për një pjesë të auditorit të konferencës, mendimet e biznesmenit Kokëdhima jane kundër rrymës evropianizuese, euroatlantike, kundër politikave integruese, rajonale etj. Madje një deputet, gjatë kohës së zhvillimit të konferencës, mendimet e mësipërme i cilësoi si pikëpamje enveriste. Sipas tij dhe disa të tjerëve, vetëm Enveri fliste për tradhtarë dhe sabotatorë. Le të arsyetojmë rreth këtij vlerësimi. Enveri fliste për tradhtarë, armiq, sabotatorë ? E vërtetë! Mendimi enverist se "jemi të rrethuar nga të gjitha anët me armiq e duhet të jetojmë si në rrethim" nuk kishte të keqen vetëm se na shtonte më shumë radhët e armiqeve edhe atje ku nuk ishin. Ai frenonte edhe çdo lloj iniciative dhe mendimi për t'i parë gjërat siç ishin në të vërtetë. Kështu u arrit të kultivohej dembelizmin total mendor dhe shitjen e interesave private jetësore të njerëzve vetëm tek "Partia". Po sot ç'po ndodh? Mendimi i sotëm i vetëquajtur antienverist, flet vetëm për miq të shqiptarëve gjithandej kudo që janë, për "integrim rajonal", "integrim euroatlantik" e kështu më radhë. Pra nga "të gjithë armiq", kaluam tek "të gjithë miq". Rezultati? Është i njëjtë me enverizmin: Pengohet tendenca për t'i parë gjërat realisht dhe konkretisht, sabotohet analiza logjike dhe racionale. Goditet liria e të menduarit, kultivohet dembelizmi (ja të shohim ç'do na japë e ç'do na thotë bota) i shërbehet verbërisë dhe miopisë politike.
Jetojmë në një botë me dallime te mëdha të mbushur me përplasje e konflikte interesash nuk ka përse t'i injorojmë interesat tona nacionale. Duhet të jemi ne ata që do të njohim dhe duhet t'i mbrojmë. Duhet t'i kemi në të qarta se cilat janë interesat tona jetike dhe duhet të jemi po ne që duhet të luftojmë për realizimin e tyre. Të vijmë prapë tek çështja e rrugës Durrës-Prishtinë. I plasi mender Evropës se nuk u lidh Durrësi me Prishtinën, pse pushuesit kosovarë i kaluan pushimet në Ulqin e Tivar dhe nuk i kaluan në Durrës, pse në të ardhurat kombëtare nuk u shtuan aq e kaq milionë dollar etj. Është e qartë se për grekët, maqedonasit, serbët, malazezët, kjo rrugë nuk ka pse të ndërtohet, sepse atyre ju ikën nje pjesë mire e të ardhurave që ata vjelin nga lëvizja e mallrave dhe e njerzve në magjistralet që kalojnë në vendet e tyre.
Që projekti për rrugën Durrës-Prishtinë nuk u pranua të përfshihej në projektet e paktit të stabilitetit, kjo nuk do të thotë se kjo rrugë nuk duhët të ndërtuar. Që buxheti i shtetit shqiptar është i vogël kjo nuk do të thotë që kjo rrugë nuk duhet ndërtuar . Që shqiptarët janë të varfër dhe taksat për financimin e kësaj rruge do të bien mbi konsumatorët, prapë kjo nuk do të thotë që të justifikohen pengesat për ndërtimin e kësaj rruge. Dhe mbi të gjitha, nuk kemi pse t'ju marrim dorën të tjerëve për të zgjidhur hallet e shtëpisë sonë. Këtu nuk kanë vend klishetë "e ka thënë Evropa", "E di Komiteti Evropian" "e ka thënë Doris Pack, e ka thënë Prodi","E di Banka Botërore","E ka vënë si kusht FMN-ja","ODHIR", "OBT-ja", etj. Llomotitjet pa fund për prirjet globale objektive për integrimin evropian, rajonal, euroatlantik, botëror etj. duke injoruar realitetin tonë shqiptar janë të njëjta me srukturën logjike e psikologjike të të menduarit të djeshëm për komunizmin botëror e internacionalizmin proletar.
Durrës-Kukës, ritme të larta pune në ndërtimin e rrugës
Puna për ndërtimin e rrugës Durrës-Kukës, po vazhdon me ritme të shpejta, çka në prag të sezonit turistik do të mund të funksionojë për lëvizjen e mijëra turistëve kosovarë.
Kompania Bektel Enka ka bërë të ditur se, po punohet pa ndërprerje në të gjithë gjatësinë e segmentit të autostradës Fushë Dukagjin-Rrëshen, 60,4 kilometra të gjatë.
Punimet vazhdojnë edhe në segmentin e parë Rrëshen-Reps me gjatësi 19,5 kilometra me ngritjen e murëmbajtëseve, ndërsa në segmentin e dytë Reps-Thirrë, e gjatë 26,5 kilometra ka nisur hedhja e 3 shtresave të stabilizantit, krahas procesit të asfaltit.
Në segmentin Thirrë-Kalimash, me gjatësi 14,8 kilometrash, ku vendin kryesor e zë tuneli, për hapjen e të cilit po punohet nga të dy anët, kanë mbetur për t’u bashkuar edhe rreth 260 metra. Tuneli ka një lartësi prej 10 metrash dhe në çdo 400 metra, ka rrugë që lidhin dy tunelet me njëri-tjetrin.
“Pavarësisht ndonjë vështirësie, pasi po punohet në shkëmb të butë, gjë që ul ritmin e punimeve, të dy anët e tunelit do të bashkohen në muajin maj”, pohojnë burime të kompanisë. Ndërkaq, drejt përfundimit janë dhe ndërtimi i urave të këtij aksi rrugor.
Deri tani ka përfunduar ndërtimi i 24 urave, nga 29 gjithsej. Të gjitha urat janë 4 kalimëshe, ndërsa ura më e madhe ndodhet pranë tunelit, në anën veriore të tij, me gjatësi prej 316 metrash dhe lartësi 88 metra.
Më gënjeu pasuria, jeta vrap më iku shpejt dhe u thinja u dergja u plaka në dhe të huaj do të vdes..
Durrës - Kukës, fillon numërimi mbrapsht i ditëve të përfundimit të veprës së shekullit
14-04-2009
Një ditë përgjatë aksit që lidh Shqipërinë me pjesën tjetër të Kombit
Qytetarët shqiptarë të të dy anëve të kufirit si të Shqipërisë dhe ata të Kosovës, brenda pak ditësh do të ndjehen më të afërt, do të ndjehen më të bashkuar, me shembjen e “Murit të Berlinit”, tunelit të Kalimashit. Segmenti Rrëshen-Kalimash, pjesë tërësore e autostradës Tiranë-Prishtinë, është drejt përfundimit. Puna është drejt hapave finalë. Aty sheh një punë kolosale, është projekti më i madh në historinë infrastrukturore në vend dhe ndër më të mëdhenjtë në rajon. Ritmi i punës aty, është për t’u pasur zili nga kompanitë më prestigjioze në botë, vepra madhështore pritet të përfundojë vetëm pas 2 muajsh, dhe jo vetëm do të lidhë Shqipërinë me Kosovën, rajonin dhe Evropën, por do të sjellë një zhvillim shumë të madh në ekonomi e turizëm, pasi lidh tregjet e Evropës Juglindore me rrugët kryesore ndërkombëtare detare, nëpërmjet porteve shqiptare. Segmenti Rrëshen-Kalimash, prej 70 km, është pjesë e një autostrade prej 170 km, që inaugurohet në qershor. Që Shqipëria po ndryshon dhe se po tejkalon me shpejtësi periudhën e tranzicionit, jo të gjithë janë koshientë dhe që mund ta besojnë. Por, mund t’ju servirim një sërë faktesh që pohojnë tejkalimin e ndryshimit... Dikur të dhunuar, të torturuar, të lënë pa ngrënë, në vuajtje të plotë, madje, madje të pushkatuar nga një regjim makabër për më shumë se 45 vite, tashmë shqiptarët po përjetojnë një periudhë lulëzimi dhe këto vite, mund të konsiderohen me seriozitetin më të madh si vitet e Shqipërisë dhe të shqiptarëve. Dëshmia më e mirë për këtë është shembulli i qartë, ecuria e punimeve përgjatë aksit rrugor kombëtar Durrës – Kukës. Një supervizor i firmës “Bechtel-Enka”, Taylan Aygun, i cili ka prej më shumë se 8 muajsh që është angazhuar në autostradën Rrëshen-Kalimash, na përshkruan të gjithë punën që po bëhet aty, teksa nuk harron të theksojë se Shqipëria po plotëson dita-ditës standardet infrastrukturore. Taylan është shumë realist, dhe e klasifikon Shqipërinë, në të njëjtin stad porsa i përket zhvillimit me disa nga vendet e Bashkimit Evropian të sapo integruara. Ajo që po ndërtohet atje është mahnitëse. Malet shtrihen në të dy anët e luginës së Fanit, teksa si viganë të mëdhenj nën petkun e dëborës sodisnin me endje mrekullinë shqiptare që ndërtohet në shtratin e tyre. Ata i japin një hijeshi të veçantë kësaj vepre madhore në atë natyrë përrallore dhe të paeksploruar nga njeriu. Nuk jemi duke udhëtuar drejt alpeve zvicerane apo austriake, por jemi duke udhëtuar drejt alpeve shqiptare dhe bukuria për nga lloji është njësoj si në terrenet e Zvicrës apo Austrisë. Kudo sheh makineri të tonazheve të rënda, kudo sheh punëtorë vendas dhe të huaj, kryesisht turq. Aty punohet pa pushim. Ndërmorëm këtë udhëtim, fillimisht, për shumë prej nesh ishte imagjinar, dhe askush nuk arrinte ta perceptonte dot në mënyrë reale atë që ndodhte në Rrëshen-Kalimash, pjesë tërësore e autostradës gjigante, Tiranë-Durrës-Prishtinë. Sapo kalojmë aeroportin ndërkombëtar të Rinasit, vetëm pak kilometra më tej, shohim që puna është ndarë në segmente që u takojnë një sërë firmash të ndryshme, të njohura botërisht në arenën ndërkombëtare, për ndërtime autostradash gjigante. Tek ecim me shpejtësi për në drejtim të Rrëshenit, pasi kemi kaluar qytezën e Rubikut, aty ku edhe fillon pjesa më e rëndësishme dhe më e vështirë e të gjithë autostradës, në një distancë për më shumë se 1 km, vërejmë hapësirat e mëdha, në të dy anët e luginës së lumit Fan i Vogël. E pabesueshme! Në vijim të udhëtimit na komunikuan se nëpër ura punohej edhe me tre turne. Isha shumë kurioz, për këtë fakt, pasi realisht, urat ishin drejt përfundimit të plotë dhe nga 29 të mundshme, 24 prej tyre janë aktualisht në gjendje pune dhe përdoren nga automjetet e firmës. Duke filluar nga qyteza e Rrëshenit e në vijim në të gjithë gjatësinë e trasesë së autostradës, puna ishte në procesin e fundit, po hidhen shtresat e asfaltit. Në ndalesën e parë që bëmë një punëtor i firmës “Bechtel-Enka” na komunikon se asfaltimi i trasesë së niveluar po ecën me ritme mjaft të shpejta. Ai na informon se nga Rrësheni deri në Kalimash po vazhdon hedhja e asfaltit dhe brenda një dite arrihet të shtrohet afërsisht nga 7-10 km. Pengesa kryesore është mbyllja e traseve. Mirëpo, 90 për qind e tërësisë së segmentit e ka të përfunduar trasenë dhe janë të gatshme për procesin e fundit. Çdo km të autostradës shoqërohet nga një urë, diku jashtëzakonisht e lartë dhe diku tjetër jashtëzakonisht e lartë. Ura më e gjatë e këtij segmenti, afro 360 m, priste e gatshme shtresën e asfaltimit dhe më pas përshkimin nga makinat me destinacion Tiranën apo Prishtinën. Gjithashtu ka përfunduar edhe ura më e lartë në segmentin e tretë (80 m), ura 88 në krahun verior të tunelit. Repsi, qytezë më vete, me një infrastrukturë tërësisht të re Banorët e Rrëshenit, dhe të zonave përreth, si Reps, Miloti, Kalimash, e deri në Morinë, i janë kthyer jetës normale. Ata nuk e mendojnë më, që të largohen nga tokat e tyre, pasi me ndërtimin e autostradës Durrës-Kukës-Morinë e më gjerë në Prishtinë, kjo zonë kthehet dalëngadalë në një nyjë strategjike, tepër të rëndësishme, për të zhvilluar bizneset e ndryshme, ku padyshim rriten mundësitë për një nivel të lartë punësimi. Për ta, tashmë ka filluar një epokë e re. Repsi është qendra kryesore e administratës në terren e “Bechtel-Enka”. Aty janë të punësuar qindra të rinj dhe të reja nga Shqipëria dhe nga Kosova. Shefja e departamentit të Marrëdhënieve me Publikun Ela Ruçi na tregon se infrastruktura në Reps është tërësisht e ndërtuar. Ajo na informon se aty ndodhen të punësuar qindra të rinj dhe të reja, banorë të zonave përreth. Aty nuk mungon asgjë, duke filluar që nga energjia elektrike dhe uji. Kushtet janë tërësisht moderne. Mësojmë se paga minimale është 80 mijë lek të reja, ku janë të shumta rastet ku një familje ka të punësuar mbi 4 anëtarë të saj. E kush nuk do ta lakmonte këtë luks... Megjithatë Ruci, na bën me dije, se pjesa dërrmuese e punonjësve janë djem të rinj të rikthyer nga emigracioni, nga vende perëndimore si Italia, dhe ndjehen komodë me kushtet dhe pagat që ofron firma “Bechtel-Enka”. Atje ndodhen të punësuar 3200 punonjës, 2/3 e tyre janë punonjës shqiptarë. Aty gjithçka shkon për mrekulli. Jeta normale ka rifilluar... Drejt Kalimashit, tuneli 6 km, çertifikata që i jep kësaj vepre statusin “e rrallë” Pasi kemi udhëtuar kilometra të tëra, gjendemi në mënyrë të befasuar përballë dy tuneleve në Kalimash. Të habitur, të mrekulluar, studentët e Fakultetit Filologjik, të degëve Gjeografi, Gjuhë Letërsi dhe disa të Shkencave Politike, të shoqëruar nga Profesor Romeo Hanxhari, që ishin pjesë e pelegrinazhit, nuk po u besonin dot syve, se një vepër e tillë po ndërtohej në vendin tonë, në territorin e Shqipërisë. Tani jemi te tunelet e Kalimashit, tha udhërrëfyesi ynë, Koordinatori i Marrëdhënieve me Komunitetin, Erjon Piperku. Teksa po zbritnim nga autobusi, dalëngadalë po u afroheshim grykave të tunelit. Mahnitëse! I errët, i ftohtë dhe njëherazi të lë përshtypjen e një vendi të frikshëm. Ishim mësuar që vepra të tilla të ishin të ndaluara të ndërtoheshin në vendin tonë dhe taksat që mblidheshin me pretekstin se do të ndërtohet një autostradë gjigante, s’dihet se nga kanë përfunduar. Por tani, po jetojmë një epokë të re. Shqipëria nuk mund të konsiderohet më si vendi i pamundësive, por si një vend që ka ndryshimin në thelb. Kur ishim thuajse vetëm 10 m larg hyrjes për në tunel, punonjësit e “Bechtel-Enka”, shqiptarë dhe turq, na pritën me shumë mirësjellje dhe në fytyrat e tyre dukej qartë se puna në këtë objekt tejet të vështirë po shkonin drejt fundit pas 2 vitesh gërmime intensive. Ato fytyra të gëzuara, pranojnë si detyrim madhor ndaj vendit, pranojnë si detyrim ndaj kombit shqiptar, ndërtimin e kësaj vepre madhore. Teksa ende udhëtojmë drejt arritjes së objektivit, për të shkuar në fund të tunelit, aty ku është e përqendruar pjesa më e rëndësishme dhe më e specializuar e punonjësve dhe makinerive të firmës “Bechtel-Enka”, shoqëruesi ynë, Erjon Piperku, na thekson në vazhdimësi të gjithë punën kolosale që është bërë dhe po bëhet në të. Ai shton se puna në tunel, nuk ka qenë aspak e lehtë, gjë që e pranuan dhe punëtorët në brendësi të tunelit, nën dritën e llambave elektrike, që janë të instaluara çdo 10 cm të murit mbajtës të tunelit, për t’u mundësuar në maksimum një lehtësi punonjësve, sado pak, por tepër të rëndësishme, në kushtet e pamundësisë së ndriçimit natyral, punohet me kapital të plotë në tunel. Nuk harron të na theksojë, se nga të dhënat e tij, janë shumë të pakta vendet në botë, që aktualisht bëjnë punime në tunele, aq më pak në Evropë, plotësisht fare në rajon. Shqipëria është vendi i vetëm në Ballkan, që bën një ndërtim të tillë, kolosal, i kushtueshëm, por tepër i domosdoshëm, për qytetarët shqiptarë të të dy vendeve, të Shqipërisë dhe të Kosovës, por njëherazi për të gjithë banorët e atyre zonave, të cilat i përshkon kjo rrugë. Ata i janë kthyer jetës normale... ... Mbërritëm atje ku ende gërmohet. Përshkuam plot 4 km e 900 m në thellësi të tunelit. Makineritë e shpimit e ndalën punën vetëm për disa minuta. Punëtorët dhe teknikët e firmës ndalin të gjitha veprimet e tyre dhe ndjekin me vëmendje të gjithë interesimin dhe vazhdimin tonë, megjithëse ne përpiqemi t’i aktivizojmë edhe ata, t’u marrim opinionin për ndërtimin e kësaj vepre gjigante. Ne po e mbarojmë tunelin, edhe vetëm 320 m na kanë ngelur. Çdo ditë, ne ecim me një ritëm prej 20 metrash shpim, thotë Çetin, me profesion minator, i ardhur nga Stambolli. Ai na siguron se me mbarimin e procesit të hapjes apo të shpimi, brenda jo më shumë se 3 javëve, përfundon traseja dhe asfaltimi i tunelit. Ndonëse, thekson ai, puna do të vazhdojë me ndriçimin dhe procese të tjera teknike, por e rëndësishme është që në muajin qershor ky tunel do të jetë funksional për automjetet. Mrekulli edhe vetëm dy muaj dhe shqiptarët do të ndjehen më të afërt. Do të ndjehen më të bashkuar. Kam punuar mbi 7 vite në Greqi, por kur mësova se në vendin tim po ndërtohej një vepër e përmasave dhe standardeve evropiane, nuk u mendova dy herë dhe ja ku ndodhem tani, thotë një punonjës nga Dibra.
Gjurma e rrugës Tiranë-Durrës-Vorë-F.Krujë-Milot-Rrëshen-Reps-Thirrë-Kalimash-Kukës-Morinë
Të dhëna të përgjithshme: Gjatësia totale e rrugës - 170 km Gjatësi e re rruge - 120 km Kostoja e ndërtimit - 600 milionë euro Shpejtësia e lëvizjes - 80 – 100 km/h Koha e përshkrimit - 2 orë Aksi Rrëshen-Kalimash: Rruga e ndarë në 3 segmente: Rrëshen - Reps 19.6 km Rreps - Thirrë 26.5 km Thirrë - Kalimash 14.8 km Gjatësia totale: 60.8 km Rruga me 4 korsi Shpejtësia 80-100 km/h Tunelet në segmentin Thirrë- Rrëshen. Dy tunele (vajtje- ardhje), 5.5 km secili. 29 ura në të gjithë rrugën, ndër to kanë përfunduar thuajse plotësisht 24 prej tyre. Gjatësia totale e urave shkon në 4 km.
Ç’përfaqëson në të vërtetë rruga Durrës-Kukës-Morinë Arteria që pas 2 muajsh do të bashkojë Shqipërinë me pjesën tjetër të Kombit
Rajonet e Kosovës (Prizreni, Prishtina, Dukagjini, Peja, Drenica) historikisht kanë qenë lidhur me pjesën tjetër të Shqipërisë, kryesisht me Shkodrën, nëpërmjet luginës së Drinit. Vau i Dejës dhe Vau Spas kanë qenë njohur si vend- kalime të lashta të luginës së Drinit; njëra në afërsi të Shkodrës dhe tjetra gati në gjysmën e rrugës për në Kosovë. Në atë kohë ka qenë i vështirë, ndoshta i pamundur ndërtimi i tuneleve të gjate apo shumë të gjatë, veçanërisht nga pikëpamja ekonomike, kapërcimi i 5-6 qafave rreth 1000 m mbi nivelin e detit dhe i një terreni tepër malor që karakterizon këto rajone të Shqipërisë së Veriut, nuk mund të mendohej ndryshe, veçse në mënyrën siç është zgjidhur. Siç mund të jetë e qartë për shumicën e njerëzve, rruga që lidh portin e Durrësit (apo edhe Tiranën) me Morinën, si pikë kufitare e Kosovës, aktualisht përshkohet nga dy drejtime rrugësh ekzistuese, që në parantezë, as njëra dhe as tjetra, në gjendjen aktuale, nuk i përgjigjen kërkesave për një rrugë që do të lidhte dy rajonet në fjalë, nevojave të trafikut dhe të lëvizjes mallra/pasagjerë. Përse? Sepse si njëri dhe tjetri variant ekzistues, kalojnë në qafa mali në lartësi mbi 1000 m dhe zbresin në lugina në kuota 300-600 m duke përshkuar distancën prej 234 apo 214 km në 5 deri 7 orë, me shpejtësi 30-45 km/orë, krejtësisht të pamjaftueshme për nevojat e transportit dhe trafikut midis dy rajoneve. Autostrada e re që është drejt përfundimit të plotë, në mbi 70 për qind të saj, është rrugë e re, trase tërësisht e re, buzë lumit Fani i Vogël, që shkurton në mënyrë të ndjeshme, duke e çuar në vetëm 170 km, distancën Tiranë-Durrës-Kukës-Morinë.
Shembje të tunelit?! Reagon “Bechtel-Enka”
“Lajme të rreme nga media që nuk punojnë për interesin e shqiptarëve” Vetëm pak ditë më parë, një e përditshme shqiptare shkruante se tuneli i Kalimashit, ka pësuar shembje, dhe se ky fakt po mbahet i fshehtë nga drejtues të firmës. Iu drejtuam përfaqësuesve të firmës fillimisht, të cilët i hodhën poshtë menjëherë dhe theksuan me keqardhje se lajme të tilla i nxjerrin dhe i botojnë vazhdimisht vetëm dy të përditshme, të cilat punojnë për interesa të dyshimta. Shkuam te tuneli, atje nuk shihje shembje të tij, por punë kolosale. Aludimet e dyshimta të disa mercenarëve keqndjellës, nuk do të kenë impakt për të bllokuar punimet në veprën e jashtëzakonshme të Rrëshen-Kalimash. Antishqiptarët që kundërshtojnë ndërtimin e kësaj rruge, nuk do të mundin ta sabotojnë këtë projekt me të tilla sulme, pasi tashmë atje po përfundohet puna dhe ndëshkimi për këta endacakë do të vijë shumë shpejt, madje jo shumë larg, por në qershor, atëherë kur kryeministri Berisha të inaugurojë përfundimet e punimeve në tunel dhe autostradën Durrës-Kukës-Morinë në tërësi.
55
Hajt se ishalla po mbaro kjo rruge se shpejti.
Bravo i qofte qeverise qe po e ben realitet kete projekt.
Te rrime shtrember e te flasim drejt. Qeveria e sotme ka nje merite te jashtezakonshme per kete rruge.
Vjedhjet, ah vjedhjet, e ku ka shtet qe nuk vidhet ne projekte te tilla gjigante, shif the Big Dig ne Boston a kudo tjeter.
Ndryshimi eshte se kendej vidhet per fonde per partite, andej per arsye personale.
Nuk i justifikoj vjedhjet, por rruga duhet dhe qarin do ja shohi gjithe Shqiperia dhe Kosova.
Per hajer o Shqiptare, ta gezojme rrugen e bashkimit. Aq me ben se kush e pret shiritin.
Mesues pune me dru.
Regullat e Postimit
Përgjigju Duke Cituar
Krijoni Kontakt