Autostrada Durrës-Kukës mbaron ne qershor 2009

[Brari]

watson.. thx per sqarimet..po mo u nxe kur diskutojme..

dydrinasi eshte specialist ne keto fusha pra dhe i ka hije mendimi.. plus e njeh rajonin per ku do kaloje kjo rruge kombetare..

te kisha qen un kryeminister do kisha bere tjera gjera ..

psh ..

me kto fonde qe jan hedhur per rrugen.. do kisha bere..

nje riparim gjeneral te te gjitha fakulteteve e gjimnazeve ne shqiperi.. qe nga tropoja kukesi peshkopia e deri ne delvine permet e konispol.. qe nga fakulteti i mjekesise e deri tek i veterinarise..
do kisha ndertuar 5 spitale moderne.. nje ne rrogozhine per shqiperine e mesme nje ne korce per lindjen.. nje ne tepelene per jugun nje ne fier per myzeqene e vloren.. e nje ne shkoder per veriun..

kusurin e parave .. kopshte cerdhe e fillore per kalamaqerit.. e ujsjellsa per qytetet e katundet.. pastaj ne qeverisjen tjeter te pd-se pra 2009-2012 ja kisha hyre kesaj rruge..
po nejse.. saliu e di me mire kete pune..


ja cthot njeri..

--


“Urithët” e rrugës së Kosovës

NGA GJOK VUKSANI



Gjatë këtyre 3 viteve, rruga Durrës–Kukës–Morinë ka qenë kali i betejës së PS-së, ashtu siç mund ta shikojë shumëkush si veprën më të madhe të qeverisë. Prandaj, armiqësia e opozitës ndaj saj ka qenë e vazhdueshme, herë më e ashpër, herë më e zbutur, në vartësi të momentit politik që kalonte vendi. Që në fillesat e ndërtimit të saj, përfaqësues seriozë ose jo të PS-së kundërshtuan projektin, vlerën e rrugës, efektivitetin e saj dhe mundësinë e ndërtimit të saj me fonde të qeverisë. Që në krye të herës, ndërtimin e rrugës së Kosovës e kthyen në një betejë politike, duke dhënë çdo lloj argumenti nga më absurdët kundër saj, firmës ndërtuese, Drejtorisë së Rrugëve, ministrit të linjës dhe Kryeministrit. Me gjithë armiqësinë ndaj rrugës, ajo po hedh shtat çdo ditë, edhe më skeptikët kanë filluar ta kuptojnë se ajo do të përfundojnë në qershor të 2009-ës.

Lajmi sot është: Rruga po përfundon. Ajo është ndërtuar nga Qeveria Demokratike, kryesisht me fonde te brendshme.

Dy pjesë të ndara të kombit shqiptar do të bashkohen nëpërmjet një aorte të gjerë.

Ky lajm është arsyeja e vërtetë e ashpërsimit të armiqësisë socialiste.

Ata të cilët gjatë 8 viteve qeverisëse treguan vetëm “përralla me mbret” për rrugën, ata të cilët detyruan shqiptarët që në mënyrë të drejtpërdrejtë të paguanin për të, me anën e taksës “Majko”, nuk realizuan asnjë metër lineare asfalt, nuk hodhën asnjë vijë në letër, harxhuan pa destinacion edhe paratë e mbledhura nga shqiptarët.

Rruga e Kosovës, të cilën socialistët nuk mundën apo nuk deshën ta ndërtojnë, po merr formë, po bëhet një realitet për shqiptarët dhe kosovarët. Ndërsa ata sikur janë ngritur nga një ëndërr e keqe, bërtasin se rruga është shumë e shtrenjtë, është shumë e lartë, ka shumë korsi apo kompanitë supervizore dhe ndërtuese nuk janë serioze.

Ky acarim i armiqve të rrugës ka edhe një arsye tjetër shumë madhore që duhet të theksohet: afrimi i fushatës elektorale 2009.

Kjo vepër inxhinierike madhështore, kjo vepër ekonomike e pakrahasueshme, kjo vepër kombëtare largpamëse është frika më e madhe për humbjen e PS-së në 2009-ën. Madje kjo frikë e madhe ndaj saj ka errësuar edhe logjikën minimale për të menduar se edhe në Kurbin, Mirditë, Kukës dhe Has ka qytetarë me bindje të majta. Ky qëndrim ndaj rrugës së Kosovës është njëkohësisht edhe kundërvënie ndaj ish-votuesve të tyre, ndaj aspiratave të tyre për një jetë më të mirë.

Ose opozita e sotme e ka kuptuar se në këto zona edhe socialistët do të votojnë për PD-në dhe qeverinë e saj, kështu që i konsideron të gjithë kundërshtarë politikë. Kundërshtimi për arsye politike ndaj rrugës së Kosovës deri në njëfarë mase mund të kuptohet, por armiqësia ndaj saj e një force të tërë politike, madje e gjithë opozitës shqiptare, është një precedent i padëgjuar ndonjëherë.

Ndërsa për disa individë të cilët e kanë ngritur karrierën e tyre me rrugën e Kosovës në gojë, pa kaluar shumë vite do të turpërohen për qëndrimet e tyre, madje edhe pasardhësit do ta kenë të vështirë të përmendin emrin e baballarëve të tyre, pikërisht për këtë fakt.

Ndonjë nga armiqtë e rrugës mund të emërtohet pa frikë xhenier antirrugë ose urithët e rrugës së Kosovës.

Ata, gjatë këtyre viteve janë munduar të ndërtojnë tunele urithësh në trasenë e saj për të penguar ndërtimin apo për të ngadalësuar avancimin e punimeve.

Duket sikur është shpallur një garë brenda PS-së në mënyre që njerëzit të klasifikohen jo sipas kontributit të tyre, në Parlament, në zonat elektorale apo në parti, por kush e shan më shumë e më mirë rrugën e Kosovës. Madje para disa kohësh isha në një debat televiziv me dy përfaqësues të opozitës për problemet e bujqësisë dhe gjysma e kohës u harxhua nga ata duke sharë rrugën. Duket sikur është krijuar jo më “njeriu i ri”, por tipi i “politikanit të ri”, i politikës së re që inspirohet nga një lider i ri i së majtës me cilësinë se vlerësohet kush flet më shumë, pa argumente dhe është kundër gjithçkaje që ndërtohet në Shqipëri, kundër shkollave të reja, ujësjellësve të rinj, rrugëve të reja, kanaleve kulluese, autostradave, qendrave shëndetësore dhe sigurisht, ndaj rrugës së Kosovës. Kjo politikë dritëshkurtër do t’i çojë në një humbje të sigurt në zgjedhjet e qershorit, por “politikanët e tipit të ri” do ta kenë shumë të vështirë ballafaqimin me njerëzit e Kurbinit, Mirditës dhe Kukësit. Unë do u drejtohem me një shprehje: “Fali o Zot se nuk dinë çfarë bëjnë!”


12/12/2008

standart..

[Duaje Siveten]

saliu eshte mjeshtri i genjeshtrave, mashtrimeve, pislleqeve, ndersa brari eshte glorifikuesi ne menyre te veçante te veprave te ndyra te saliut ...

po nejse, ja nje opinion i sozise teknike te dydrinsit:


TemA 13 Dhjetor 2008

Transporti dhe zhvillimi i tij në Shqipëri

Nga Sadedin Çeliku, ish-zv/ministër i Transporteve

Zhvillimi ekonomik në tërësi dhe ai i transportit në veçanti është kusht mjaft i rëndësishëm për efektivitetin e bizneseve. Nga përdorimi dhe zhvillimi i transportit varet shumë rentabiliteti i çdo biznesi në vendin tonë. Aplikimi i teknologjisë së avancuar në përpunimin e mallrave në portet detare konsiston në rritjen e aftësisë përpunuese të mallrave, uljen e kohës së përpunimit të mallrave, uljen e kostos për ton/m3 të mallrave të përpunuara, uljen e dëmtimeve të mallrave dhe përcaktimin e efektivitetit ekonomik. Aktualisht, teknologjia e përdorur në përpunimin e mallrave është e pranueshme dhe mbeten për t’u përmirësuar masat organizative, përshtatur kjo me teknologjinë që përdoret. Për përpunimin e anijeve që shkarkojnë kryesisht miell, grurë, misër, çimento rifuzio etj., është e domosdoshme ndërtimi i sillosave, por jo në portin e Durrësit, i cili ndodhet në qendër të qytetit, sepse dëmton rëndë mjedisin. Mundësitë për ndërtimin e tyre janë në hapësirën e gjerë që rezervon bregdeti shqiptar. Pra, ato duhen bërë në porte apo miniporte të tjerë. Për të qenë të saktë, le të marrim shembull Italinë, ku portet detare dhe përpunimet e mallrave janë të specializuara dhe në funksion të mjedisit, krahas rregullave të tjera. Triestja është port i specializuar për mallra të ndryshme, Ravena për ushqimin e pulave dhe prodhimet artistike që zënë kubaturë, Empidokle, për plehra kimike, Livorno, La Specia, Marina di Carara, për minerale, porti i Catanias, për gurë mermeri e kështu me radhë.

Për shkak të pozicionit gjeografik dhe shtrirjes së hapësirës detare është plotësisht e mundur të realizohet një gjë e tillë. Ndërtimi i sillosave me një kapacitet rreth 20-25 mijë tonë dhe shkarkim efektiv 350 tonë/orë do të ndikonte shumë pozitivisht në lehtësimin e portit të Durrësit dhe uljen e kostos së përpunimit. Teknologjia moderne e kohës, ajo e përpunimit të kontejnerëve në portin e Durrësit, ka vend për t’u parë për shkak të volumeve dhe kapaciteteve përpunuese. Ai terminal që ekziston sot në portin detar Durrës nuk plotëson nevojat tona në rritje, po të mbajmë parasysh dhe tranzitimin e mallrave për Maqedoni. Ai ka nevojë për një staf të kualifikuar, të cilin nuk e kemi dhe informatizimin e gjithë këtij sistemi. Pra, kjo teknologji ka efektivitet mjaft të lartë. Në mënyrë që të intensifikohen dhe rriten vëllimet e transportit të mallrave me hekurudhë, jo vetëm mallrave masive, por dhe ato që janë të paletizuara, duhet të përdoret e njëjta logjikë që sipas karakterit të mallit të destinohen në kalata të specializuara apo miniporte, ku do të ndërtohen sillosat dhe ku ka transport hekurudhor. Transporti me kontejnerë ose, siç e quajnë, transporti door to door (transporti nga dera në derë ose nga prodhuesi te konsumatori), është transporti më me leverdi që ekziston. Njësi prodhimi, të cilat kanë mjaft afër stacionet hekurudhore ka mjaft, si fabrika e miellit, Kashar, fabrikat e çimentove, Fushë-Krujë, Elbasan, të cilat e bëjnë transportin me mjaft kosto të ulët.

Në përpunimin e mallrave nga anija, vagoni, kamioni dhe avioni, për grup mallrash, është e domosdoshme të ketë skeda të miratuara teknike e teknologjike, duke patur parasysh teknologjitë e aplikuara në transportin e mallrave dhe manipulimin e tyre. Për të realizuar të gjitha këto duhet paraprirje dhe ndërhyrje në disa sektorë, si në porte (këto nuk mund të realizohen në portet Durrës, Vlorë, Shëngjin apo Sarandë), apo ndërtimin e kalatave të specializuara që nuk kërkojnë shpenzime të mëdha, si Radhimë apo gjetkë. Ky investim do bërë paralel me atë hekurudhor, për shkak të amortizimit që ka pësuar ky sektor. Hekurudha shqiptare me gjatësi rreth 500 km kërkon rreth 120 milion euro, së bashku dhe me terminalet, sinjalistikat dhe investime në pajisje e makineri. Pa investuar dhe në këtë sektor, nuk mund të kemi transport modern dhe me rentabilitet të lartë.

Lidhja e hekurudhës shqiptare me hekurudhën e Maqedonisë, e cila kohët e fundit e dëgjuam nga dy kryeministrat respektivë, i paraprin zhvillimit të hekurudhës në kuadrin e Korridorit 8, qëllimi i të cilit është të realizohet lidhja me Maqedoninë, si dhe në perspektivë, të zhvillojë një urë tokësore të pandërprerë ndërmjet Detit të Zi dhe detit Adriatik për të shmangur ngushticën e Bosforit jashtëzakonisht të ngarkuar, si dhe realizimin në këtë mënyrë të shkurtimit të distancës së transportit detar. Kjo lidhje në pjesën tonë është 2, 8 km, me një kosto rreth 5 milionë euro dhe do vënë në zbatim menjëherë. Më vjen keq të them se një gjë e tillë nuk është programuar në buxhetin e vitit 2009 e kështu më duhet të them se ne ndryshe flasim e ndryshe veprojmë. Ndërkaq, për zhvillimin e transportit në përgjithësi dhe atë detar që lidh pazgjidhshmërisht atë me llojet e tjera të transportit, duhet parë e modifikuar legjislacioni kombëtar e ndërkombëtar, portet detare, transporti i mallrave dhe i pasagjerëve, siguria detare e mbrojtja e mjedisit, rregulloret e transportit të mallrave të rrezikshme me anije, hekurudhë, kamionë etj. Janë bërë prej kohësh studimet e fizibilitetit për aeroportet e brendshme Sarandë, Korçë, Vlorë dhe s’po bëhet gjë. Ato mund ta zhvillojnë mjaft sektorin e turizmit e biznesin në tërësi. Por e keqja është se Shqipëria, ekonomia e saj, sektorët strategjikë, në emër të reformave shikohen si çiflig i disa njerëzve. Para disa muajsh dëgjuam të flitet nga kryeministri i vendit që do të ndërtohet një port detar në Vlorë, që do të jepet me koncesion aeroporti i Sarandës, ndërkohë që gati të gjithë sektorët strategjikë u dhanë me koncesion ose u privatizuan. GJYNAH! Shqiptarët edhe pse të pasur, pasuria e tyre u përvetësua, duke u keqadministruar nga një grusht njerëzish. Sikur të mos kish korrupsion, Shqipëria kushedi ku do të ishte.

Gallup Ballkan më 28 nëntor në sondazhet e saj e nxjerr Shqipërinë vendin më të korruptuar në Ballkan, ndaj dhe shqiptarët besojnë më shumë te Bashkimi Evropian sesa te ZOTI.

Sloganet e premtimet “Shqipëria po ndryshon”; “Ne flasim me gjuhën e veprave”; “Do mbjellim 20 milionë fidanë ullinj”; “Do ndërtojmë central bërthamor apo park energjitik” i kanë lodhur shqiptarët hallemëdhenj. Tashmë, kriza financiare së bashku me efektet e veta negative ka trokitur në ekonominë shqiptare, ku barrën më të madhe do ta mbajë konsumatori shqiptar dhe do të duhen masa serioze dhe efektive që kjo krizë të kalohet me pak dhimbje. Shqiptarët tashmë u mësuan të shikojnë se qeveria merret vetëm me probleme korente, por kurrë me plane afatmesme dhe aq më pak afatgjata. Zoti i ruajtë shqiptarët! Të mos prodhojnë më vepra të tjera si ajo e rrugës Durrës-Kukës-Morinë, se ndryshe do të mbeten dhe pa bukë.

[Qerim]

Inat vetem inat e asgje tjeter! Ju jane erresuar syte dhe shikoni vetem zi!
E mor Zaloshnja sa poshte e ke ul veten duke u kthyer ne nje lepepeqist te neokomunisteve.

Zoteri ! Inati besoj se eshte nga ana juaj ,per ate qe autori i shkrimit ka te drejte.Une per vete jetoj ne Shqiperi (nuk e di ku banoni ju) ,por nuk kam degjuar apo pare ndonjehere ndonje forme te ngjashme te optimizmit tuaj apo te ndonje tjetri ne forum ne lidhje me kete rruge.Prandaj dicka qe nuk ka baza te verteta kthehet ne mith.Une per vete e miratoj thellesisht kryerjen e kesaj rruge, e cila per mendimin tim eshte nje rruge humanitare per popullin e Kosoves.

[Brari]

po si nuku e the nje llafe mo josif.. per 300 meleonet e takses majko qe u zhduken si te ishin.. shkum sapuni..
as ki zalua eduardo i edvinit.. kurre nuk i ka permendur..

vuani te dy nga e njejta semundje..
rucoshytocaushoarapo zabito dadoizmi enverist.. quhet ky lloj pleviti qe ju ka zene..

ju ka filluar qe me dhjetor te studentave..
sorry.. nuku ka aspirina per kte semundje..

ki sadedini.. flet kodra pas bregu..

fakt eshte se.. qeveria po ben pune.. e jo pallë.. si shefi juaj edvin..


..

[EDLIN]

rucoshytocaushoarapo zabito dadoizmi enverist.. quhet ky lloj pleviti qe ju ka zene.

Brari, na krreve site .....

Sa per udhen, e rendesishme eshte qe po behet...

[YlliRiaN]

Shekulli, Marte, 09 Dhjetor 2008

Miti Durrës-Prishtinë

Eduard Zaloshnja

Kohët e fundit, qeveria shqiptare, ashtu siç rilindasit tanë krijuan mitin e Skënderbeut, po mundohet të krijojë mitin e rrugës Durrës-Prishtinë, si një autostradë e nivelit ndërkombëtar që po bashkon kombin tonë. Por, ka një ndryshim midis këtyre mit-krijimeve, rruga Durrës-Kukës nuk është ndërtuar 500 vjet më parë, ajo është akoma duke u ndërtuar. Dhe, për këtë arsye, ky mit nuk mund të ngjisë edhe aq lehtë tek shqiptarët. Në kushtet kur informacioni është kaq i freskët, mitet dekonstruktohen lehtë.

Kështu, qeveritarët, sa herë flasin me superlativa për rrugën Durrës-Prishtinë, i referohen në fakt segmentit Rrëshen-Kalimash, i cili është i vetmi segment që po ndërtohet me karakteristikat e një autostrade ndërkombëtare me 4 korsi. Dhe ky segment është vetëm 37 kilometra. Pjesa tjetër është rrugë me karakteristikat e një superstrade të zakonshme, si ajo që lidh Vorën me Fushë Krujën.

Në fakt, sipas studimit të fizibilitetit të kryer me financim nga Banka Botërore që në vitin 2004, edhe segmenti Rrëshen-Kalimash ishte parashikuar me karakteristikat e një superstrade si ajo Vorë-Fushë Krujë. Kjo, sepse volumi i parashikuar i qarkullimit të makinave, si dhe kushtet e vështira të terrenit në segmentin Rrëshen-Kalimash, nuk e justifikonin koston e ndërtimit të autostradës me 4 korsi.

Dhe në fakt, ç’kuptim ka që të harxhohen qindra milionë dollarë më tepër për të ndërtuar dy korsi ekstra, në 37 kilometra të një rruge, e cila është 220 kilometra e gjatë?Do kishte shumë më tepër kuptim që, për shembull, segmenti Fushë Krujë-Milot të ishte bërë me karakteristikat e një autostrade ndërkombëtare me 4 korsi. Kjo, sepse, së pari, terreni është fushor në këtë segment (pra kostoja e shtimit të dy korsive do të ishte relativisht e ulët), dhe së dyti, volumi i trafikut është i madh (ngaqë përmbledh edhe trafikun që shkon drejt Shkodrës).

Një pjesë tjetër e mitit që qeveria po mundohet të krijojë rreth rrugës Durrës-Prishtinë, është se ajo rrugë ka qenë prioretiteti i saj numër një që kur erdhi në fuqi. Por, realiteti është fare ndryshe. Qeveria e gjeti gati studimin e fizibilitetit për këtë rrugë, por nuk bëri asgjë deri në vjeshtën e vitit 2006 për të përgatitur projektin e rrugës dhe tenderin që do caktonte kompaninë që do e ndërtonte atë sipas projektit.

Vetëm në vjeshtën e 2006-s, papritur e pakujtuar, rruga Durrës-Prishtinë u bë kryefjala e qeverisë shqiptare dhe e buxhetit të saj. Dhe, për të justifikuar ndërtimin e rrugës pa një projekt të përfunduar dhe pa një çmim limit, pra në kundërshtim me ligjin shqiptar të prokurimeve publike, qeveria tundi flamurin e urgjencës së ndërtimit të rrugës patriotike.

Ndërkohë, ajo kishte pasur 16 muaj në dispozicion që ta përgatiste projektin në përputhje me studimin e fizibilitetit, si dhe të zhvillonte tenderin në përputhje me legjislacionin shqiptar. Dhe, në qoftë se ajo do e kishte bërë këtë gjë, taksapaguesve shqiptarë do u ishin kursyer, të paktën, nja 350 milionë dollarë.

Pjesa e fundit e mitit që qeveria po ngre rreth rrugës Durrës-Prishtinë, ka të bëjë me një nga kompanitë që merr pjesë në ndërtimin e saj. Është fjala për kompaninë amerikane “Bechtel”. Fakti që ajo është pjesë e konsorciumit që po ndërton segmentin super të kushtueshëm, Rrëshen-Kalimash, sipas qeverisë, është garanci se nuk ka korrupsion në atë segment. Këtë argument mund ta pranojnë disa shqiptarë, por atë mund të mos e pranojnë shumë amerikanë. Më i shquari ndër ta ndoshta është Stuart Bowen, Inspektori i Përgjithshëm për Rindërtimin e Irakut. Dhe ja përse:

Në vitin 2003, fill pasi trupat amerikane çliruan Bagdatin nga thundra e Sadam Husenit, kompania “Bechtel” fitoi një kontratë të USAID-it për rindërtimin e Irakut. Në vitin 2004, kjo kompani fitoi një kontratë të dytë rreth 1,8 miliardë dollarëshe për ndërtimin e spitaleve, shkollave, urave, ujësjellësve, etj.

Por, një kontroll i ushtruar nga institucioni i drejtuar prej z. Bowen, konstatoi se një pjesë e mirë e punës që “Bechtel”-i ishte presupozuar të kryente sipas kontratës, në fakt, nuk ishte kryer. Inspektorët analizuan 24 projekte që kishte marrë përsipër kompania, dhe konkluduan se 10 prej tyre nuk ishin kompletuar sipas objektivave origjinale, ndërsa për 3 të tjerë, nuk ishin në gjendje të përcaktonin se cilat kishin pas qenë objektivat.

Sipas raportit të bërë publik nga Inspektoriati i Përgjithshëm për Rindërtimin e Irakut, kostoja e moskryerjes së punimeve sipas kontratës, ishte e lartë për taksapaguesit amerikanë: Qeveria amerikane i kishte paguar 180 milionë dollarë firmës “Bechtel” për 10 projektet e papërfunduara. Këtu përfshiheshin 24 milionë për sistemin e pastrimit të ujit të pijshëm në lagjen e varfër Sadër të Bagdatit, 26 milionë për një spital në Basra, dhe 4 milionë për një fushë përpunimi plehrash në Bagdat, të cilat kurrë nuk u ndërtuan.

Një problem tjetër që kostatuan inspektorët, ishte se një pjesë e madhe e fondeve të akorduara “Bechtel”-it, nuk kishte shkuar për punë konkrete të projekteve (tulla, llaç, beton, etj.), por për shpenzime administrative. Sipas raportit të Inspektoriatit të Përgjithshëm për Rindërtimin e Irakut, vetëm 59% e fondeve të veprave të përfunduara nga “Bechtel”-i shkuan faktikisht për ndërtimin e tyre.

Në një intervistë dhënë rrjetit televiziv NBC, Mark Tokala, zyrtar në ambasadën Amerikane në Bagdat, e karakterizoi punën e “Bechtel”-it në Irak si “një sukses në shkallën 42%”. Ndërsa Frederick Barton, i cili analizon rindërtimin e Irakut për Qendrën e Studimeve Strategjike dhe Ndërkombëtare në Uashington, deklaroi në një intervistë për rrjetin e sipërpërmendur televiziv se qeveria amerikane, ndoshta, nuk i kishte vlerësuar mirë paraprakisht shanset për sukses në rindërtimin e Irakut. “Të paktën dikush nga qeveria të na kishte thënë që në fillim se do i derdhnin paratë lumë, të ndërgjegjshëm se vetëm 50% e tyre do materializohej në vepra konkrete”, - tha ai gjatë intervistës.

Të duket sikur këto fjalë të z. Barton janë thënë jo vetëm për qeverinë amerikane, por edhe për atë shqiptare në lidhje me rrugën Durrës-Prishtinë....

Vetem njerez qe shohin terre dhe jane mesuar te shohin terre ja ka friken kesaj rruge pasi do te krijoj nje drite te re per te shqiptarin por njerzit spo duan te shoin drit si puna jote e po mundohen qe ta perbuzin kete projekt madheshtor per te gjithe shqiptaret.
Eshte e vertet se ka ende njerze te cileve po i pengon kjo pune pasi po friksohen qe tash e tutje Porti i Durresit do ta marre primatin e jo me ai i Selanikut apo ndonje port tjeter greek,po friksohen se po prishen me vllaun e tyre greek

[Duaje Siveten]

.. per 300 meleonet e takses majko qe u zhduken si te ishin.. shkum sapuni..
as ki zalua eduardo i edvinit.. kurre nuk i ka permendur..

...
..

aty m'rri Kole! Shiko sa te pa-pergjegjeshem jeni mor salik e co?

ta jeshe une ne qeverri do tia kisha vene maçkos e co ko*et ne nje bige ...

perse nuku ben salikja zhurme me prokurora, presidenta, zemuna e zulluma per te gjetur se ku vane ato 300 meleon ...

jo mor jo, jeni nje takem ... klepto-krate te nxirosur, mashtruesa njollosur, sigurim-puniste te nakatosur, e bete ate vend sakatosur, kuq e blu mutosur ...

[D@mian]

Vetem njerez qe shohin terre dhe jane mesuar te shohin terre ja ka friken kesaj rruge pasi do te krijoj nje drite te re per te shqiptarin por njerzit spo duan te shoin drit si puna jote e po mundohen qe ta perbuzin kete projekt madheshtor per te gjithe shqiptaret.
Eshte e vertet se ka ende njerze te cileve po i pengon kjo pune pasi po friksohen qe tash e tutje Porti i Durresit do ta marre primatin e jo me ai i Selanikut apo ndonje port tjeter greek,po friksohen se po prishen me vllaun e tyre greek

Edhe une kam patur dyshime mbi armikun e brendshem qe saboton arritjet tona.

[flory80]

Ai shoku apo miku yt nese punon atje, me siguri ka funksion te tille sa nuk e ka idene se si e sa blihen materialet e ndertimit, sepse firmat si Bechtel nuk punojne me sirtare pa celesa apo me administrate qe merr urdhera nga politika.
Ka nje ndryshim shume te madh sa qe nuk arrihet as qe te konceptohet.

Une e besoj se cimento dhe hekuri blihen me cmime tjera nga ato te tregut shqiptar per shume aresye.

Ai po të thotë ujku, sa një KA, po i nxjerr sytë miletit, ti akoma kërkon gjurmët.
Janë njerëzit që punojnë aty çdo ditë, ata që e dëshmojnë korrupsionin dhe vjedhjen me sasira marramëndëse.
Për çfar arsyesh nuk e beson ti që Bechtel nuk bën nga këto prapaskena të cilat në 90% të rasteve janë normale në Shqipëri?
Ti duhet ta dish po aq mirë sa dhe pjesa tjetër e Shqiptarëve se si u zgjodh kompania Bechtel për të bërë punimet në këtë rrugë, kështu që sipas kushteve që i janë vënë në tryezë, kur ka nënshkruar kontratën, duhet të bëjë dhe blerjen e "Hekur - Çimentos" atje ku ja ka rekomanduar doktori që ja di ilaçin kësaj pune.
Këto janë praktika të njohura tashmë në Shqipëri.

Ju në vend që të mbështesni hetimet për të vendosur përpara drejtësisë abuzuesit dhe hajdutët që vjedhin paratë e Shqiptarëve, bëni të kundërtën duke ju bërë mburojë atyre.
Prandaj ka vuajtur ky vënd historikisht, dhe me sa duket nuk do të ketë ndonjë shërim të shpejtë.
Aty nuk bëhet fjalë për disa mijra Euro, por bëhet fjalë për 250 milion Euro po vetëm por të numërosh zerot, të bje të fikët.
Bëhuni të llogjikshëm dhe hapini rrugë hetimeve, për ti kthyer buxhetit të varfër të shtetit Shqiptar, 250 milion Eurot e vjedhura.
Është për tu habitur që Shqipëria ka rritjen Ekonomike më të lartë në rajon dhe më gjerë, por popullsia ngelet në të njëjtat nivele varfërie. Me të ardhurat më të ulta në gjithë Europën.
Sa e vështirë është kjo për tu kuptuar? Ku shkon kjo rritje ekonomike? Sepse ajo nuk reflektohet në zbutjen e varfërisë, apo zbutjen e papunësisë.
Kjo është shumë e thjeshtë, sepse ekonomia është e koncentruar në disa piramida, ku gjithë paratë mblidhen nga individë të vençantë. (në rastin konkret, pronarët e hekur çimentos)
Kryeministri që erdhi në pushtet për të "qeverrisur me duar të pastra" deri më sot nuk ka treguar asnjë ndryshim, nga para-ardhësi i tij, dhe kjo nuk i rëndon fare atij dhe atyre të cilët hanë në një çanak me të.
Unë mendoj se ka ardhur koha që drejtësia të vendosi autoritetin e saj mbi politikën e korruptuar në Shqipëri, por kjo nuk ka për të ndodhur në ndonjë të ardhme të afërt, për aq kohë sa ne të ndalojmë duke i vendosur "shkopinj politik" nën rrota!

Respekte!

[Albmaster]

Tirane- Ministri i Jashtem Lulzim Basha eshte marre i pandehur, jashte procedurave ligjore. Te gjitha aktet hetimore te kryera nga Prokuroria ne lidhje me dosjen "Durres -Kukes" pas dates 6 nentor jane cilesuar te pavlefshme. Ky ka qene vendimi i marre dje nga ana e gjyqtares Fatmira Hajdari e cila shqytari kerkese padine e bere nga ministri Basha. Ne vendimin e saj gjyqtarja Hajdari cilesoi te pavlefshme te gjitha veprimet e kryer nga ana e organit te akuzes per ministrin Basha. "Ne baze te neneve 128, 129, 143, 130, 134/1, 384 te kodit te procedures penale vendosim pranimin e kerkeses me numer 16 23 akti te dates 26.11.2008 te kerkuesit Lulzim Basha. Deklarimin e pavlefshem te akteve procedurale gjate hetimeve paraprake, si dhe fletethirrjen e dates 24/11/2008 me numer shkrese percjellese 1048 me fraksion 74 te Prokurorise se Pergjithshme. Deklarimin e pavlefshem te flete-njoftimit te akuzes te dates 27.12. 2008 e Prokurorise se Pergjithshme te Tirane si dhe pavlefshmerine e akteve te meparshme te ndermarra nga Prokuroria", ka deklaruar dje gjyqtarja Hajdari. Prokurori i ceshtjes Arben Kraja i ka bere me dije gjykates qe nuk duhet ta shqyrtonte ajo kete kerkese por Gjykata e Larte e cila ishte kompetente. Por pretendimi i prokurorit eshte hedhur poshte nga ana e gjyqtares, e cila i ka bere me dije ketij te fundit, se ai ishte pale ne kete proces, ndersa vendimet merren nga gjykata. Gjate seances se djeshme gjyqesore avokati mbrojtes i ministrit Lulzim Basha, Zef Nikaj i ka kerkuar gjykates pavlefshmerine e akteve te Prokurorise. Sipas avokatit mbrojtes Nikaj ne permbajtjen e leterthirrjes klientit te tij i kerkohej qe te paraqitet ne Prokurori ne date 27 nentor ora 14, si dhe kerkohej te pyetej ne cilesine e te pandehurit. Te dyja keto veprime te kryera nga ana e prokurorise jane cilesuar shkelje ligjore,nga ana e mbrojtjes, ku sipas tij klienti i tij ne cilesine e personit nen hetim nuk mund te detyrohet te paraqitet ne Prokurori, per te kryer ndonje veprim procedural. Mbrojtja ia argumentoi gjykateses Hajdari se kjo gje realizohej vetem kur klienti i tij e cilesonte kete gje te arsyeshme, si dhe me deshiren e tij mund te paraqitej. Ndersa nga ana e tij prokurori Kraja, pas mbarimit te procesit gjyqesor ka bere me dije se do ta apeloje kete vendim te marre nga ana e gjykates. Nje tjeter gjykate ajo e Apelit, pritet te shqyrtoje kerkesen e marre nga ana e Gjykates se Tiranes per te pandehurin tjeter te kesaj dosjeje Andi Tomen. Pikerisht Gjykata e Shkalles se Pare vendosi me daten 18 nentor pushimin e zgjatjes se afateve te hetimit per segmentin rrugor Durres-Kukes. Ky vendim i marre nga ana e gjykatesit Sokol Tona solli edhe ne rrezimin e hetimeve te kryera nga Prokuroria e Pergjithshme pas 6 nentorit te ketij viti, dite kur Prokuroria shtyu edhe nje muaj hetimet e saj. Pas ketij vendimi te marre nga ana e Gjykates se Tiranes, ministri Basha ka paditur Prokurorine per veprimet e paligjshme te kryera ne ngarkim te tij, proces te cilin e ka fituar diten e djeshme.

"Durres-Kukes", te enjte vendoset data

Dosja "Durres-Kukes", Gjykata e Larte do te vendose ne daten 18 te ketij muaji, per daten e pare te procesit gjyqesor. Edhe pse ishte parashikuar qe dje kolegji penal te vendoset per daten, kjo gje eshte shtyre per tre dite me pas, duke u argumentuar ne disa aspekte. Sipas kryesuesit te trupit gjykues Spiro Spiro, caktimi i dates realizohet sipas diteve te punes duke permbushur nje afat 10 ditor. Edhe pse me dite kalendarike dita e djeshme do te ishte vendimtare, kryesuesi i ketij kolegji penal ka argumentuar se ditet e punes duhet te llogariten pa marre parasysh ditet e pushimit. Kolegji penal i cili do te gjykoje kete dosje hetimore perbehet nga gjyqtaret Spiro Spiro (relator), Aleksander Muskaj, Irma Bala, Besnik Imeraj dhe Perikli Zaharia. Procesi do te zhvillohet si nje gjyq ne Shkallen e Pare, nje proces ne themel. Ne proces do te paraqiten provat dhe materialet e te dyja paleve, akuzes dhe mbrojtjes, si dhe do te pyeten deshmitaret sipas procedures se hetimit gjyqesor. Prokuroria e Pergjithshme nuk ka asnje prove ligjore kunder ministrit Basha, pasi te gjitha veprimet jane hedhur poshte duke u cilesuar te pavlefshme.

Prokuroria e Pergjithshme e akuzon ministrin e Jashtem Lulzim Basha per vepren penale te "shperdorimit te detyres" dhe "shkeljes se barazise ne tendera". Te dyja keto akuza te ngritura ne ngarkim te ministrit Basha me vendim te Gjykates se Tiranes jane kryer ne kundershtim me Kodin e Procedures Penale, pasi hetimet ishin pushuar, po nga kjo gjykate.

2 Te pandehur ka organi qendror i akuzes per dosjen "Durres-Kukes". Andi Toma dhe Lulzim Basha. Mbi ta Prokuroria ka ngritur dy akuza. Akuzat e Bashes jane kryer jashte proceduraleve ligjore, por shkeljet prekin edhe Tomen, te cilit i eshte komunikuar nje akuze e dyte ajo e "shkeljes se barazise ne tendera", akuze kjo e komunikuar pas pushimit te hetimeve nga gjykata.


Koha Jone