Fituesja e Europianit 2003 ne Pallatin e Kongreseve

[raku]

Turkja Sertab Erener, e ftuara speciale e festivalit të dhjetorit

Fituesja e Europianit 2003, në skenën e Kongreseve


Shekulli

Me anë të kryqëzimit të ngjyrave ai jep përpjekjen pafund për të mbijetuar, shpreh dëshpërimin për vitet e fëmijërisë së tij të varfër, por të bukur, shpirtin e tij të trazuar, ballafaquar me ironinë e jetës së përditshme.

Qysh në fillim të prezantimit të përgatitjeve për festivalin e 42-të në Radio Televizionin Publik Shqiptar, u premtua se ky eveniment do të rezervonte shumë surpriza dhe të ftuar specialë. Ndonëse organizatorët e festivalit, janë munduar ta mbajnë sa më të fshehtë ardhjen e saj, mësohet se e ftuara speciale e këtij aktiviteti do të jetë fituesja e Festivalit Europian 2003, turkja Sertab Erener. Ajo do të vijë në Shqipëri, së bashku me grupin e saj, me të cilin ka kënduar në Riga të Letonisë. Megjithatë nuk ka qenë edhe aq e lehtë që këngëtarja të bindej për të ardhur në Shqipëri. Duket se ajo do t’i kushtonte shumë financiarisht RTSH-së, e cila për gjithë aktivitetin disponon një fond prej 20 milionë lekësh të reja, nëse shpërblimi dhe akomodimi i saj dhe i grupit nuk do të merrej përsipër nga një sponsor, i cili momentalisht është anonim. Mësohet se ajo do të interpretojë këngën me të cilën mori trofeun e Europianit 2003, “Everyëay that i can” dhe sfidoi rivalet ruse TATU që zunë vendin e tretë. Këngëtarja turke, Sertab Erener, doli fituese mes përfaqësuesve të 26 vendeve të Evropës. Sipas agjencive turke të lajmeve, mësohet se festivali Evropian 2004, do të organizohet siç ishte parashikuar në Turqi, pavarësisht akteve terroriste që e kanë tronditur atë së fundi. Festivali Evropian, në të cilin për herë të parë do të marrë pjesë edhe vendi ynë me këngën fituese në Festivalin e 42-të të Këngës në RTSH, do të zhvillohet në datat 12-15 maj të vitit 2004 në Stamboll.
Sertab Erener ka lindur në Stamboll. Albumi i saj i parë është realizuar në vitin 1992, për t’u pasuar nga i dyti i titulluar “Lal” në 1994 dhe “Sertab Gibi” në 1996. Në albumin e saj të dytë janë përfshirë këngë që janë konsideruar hite të shekullit të kaluar. Në 1999, ajo realizon albumin e saj të katërt të titulluar “Sertab”. Gjatë viteve të karrierës së saj muzikore, ajo ka zhvilluar koncerte në shumë vende të botës. Madje ka debutuar edhe me tenorin Jose Carreras, duke demonstruar aftesi interpretative më të mëdha se një këngëtare e thjeshtë e muzikës pop, apo rock. Gjithashtu ajo ka realizuar edhe një këngë me këngëtarin Ricky Martin, të titulluar “Private emotion”. Albumi i saj i fundit, realizuar në vitin 2001, titullohet “Turuncu” (“Portokalli”). Momentalisht është duke punuar për albumin e saj të ardhshëm, i cili pritet të dalë në verë.

Ka debutuar edhe me tenorin Jose Carreras, duke demonstruar aftësi interpretative më të mëdha se një këngëtare e thjeshtë e muzikës pop, apo rock. Gjithashtu ajo ka realizuar edhe një këngë me këngëtarin Ricky Martin, të titulluar “Private emotion”