Variacion Politikanesh Shqiptare ne La Maxhor, Dollap i Trete

[alumni]

Variacion Politikanesh Shqiptare ne La Maxhor, Dollap i Trete

http://www.shekulli.com.al/koment/26...002/tosi.shtml
Marrëveshje historike apo aleancë fluide
Nga Fatos Lubonja

... "aleancat fluide" = "aleanca të njerëzve që nuk respektojnë asnjë princip kur vjen puna për të ruajtur pushtetin e tyre".

... një variacion mbi temën tradicionale të politikanit shqiptar, që për hir të interesave të veta i ka sakrifikuar gjithnjë sa principet aq edhe interesat e të gjithëve

... vendosja e një kryeprokurori, i cili i la të qetë të gjithë politikanët shqiptarë, pra që i dha fund demagogjisë nanoiste të luftës kundër korrupsionit duke i siguruar edhe më tej politikanët shqiptarë se mund të vazhdojnë të qetë pazaret e tyre të pista në dëm të interesave publike.

... vështirë se mund të konvertohen në respektues të principeve persona që tërë jetën kanë provuar se politikën e konceptojnë si tradhti të principeve në momentin kur respektimi i tyre ka shkuar në drejtim të kundërt me interesat e tyre...

... Të identifikosh interesat e këtyre pak individëve me interesat e krejt kombit është një nga grackat ku na kanë futur këta individë dhe ta konceptosh demokracinë si konsensus midis tyre kjo nuk mban fare erë demokraci. ...

... demokracia nuk është konsensus, dhe aq më pak për gjëra që qëndrojnë nën interesat e palëve; demokracia është më së pari mundësi për të zgjedhur më të mirën midis opsionesh të ndryshme, mundësi kompeticioni, aftësi për të zgjidhur mosmarrëveshjet në mënyrë të qytetëruar nëpërmjet dialogut dhe votës së lirë.

... tjetër fenomen karakteristik të lidershipit tonë politik: arroganca e politikanëve tanë ndaj opinionit publik nga njëra anë dhe servilizmi tradicional ndaj të huajve nga ana tjetër, ...
.
... arroganca e njëshit që të gjithë të tjerët i sheh si zero që duhen t'i vihen prapa atij për t'i rritur atij dhe vetëm atij vlerën dhe pushtetin ka arritur kulmin. Me të njëjtën mendësi të zerove që i vihen prapa njëshit janë emëruar në Shqipëri kryeministra, ministra, diplomatë, janë zgjedhur kandidatë për deputetë, drejtues partie etj., etj.

... Qëndrimi që opinioni publik reflekton ndaj politikanëve shqiptarë është më saktë të quhet thjesht mosbesim, dhe ky mosbesim është produkt i një eksperience të gjatë zhgënjimesh për shkak të abuzimit të tyre me pushtetin, për shkak të vënies së interesave të tyre mbi gjithshka.

[alumni]

Dy femrat ministre te qeverise aktuale, Arta Dade dhe Ermelinda Meksi, perplasen per here te pare duke mbajtuar qendrime kundershtuese per te njejten ceshtje. Gjithcka lidhet me vendimin e marre dje nga kryeadministratori i Kosoves Micahel Steiner per shfuqizimin e nje marreveshjeje mirekuptimi te nenshkruar ne fund te majit nga ministrja shqiptare e Ekonomise, Meksi, dhe ministri i Ekonomise se Kosoves, Ali Jakupi. Marreveshja ne fjale eshte nenshkruar gjate vizites se nje delegacioni qeveritar ne Kosove. Steiner e ka cilesuar kete marreveshje si kalim kompetencash nga ana e ministrise se Jakupit duke ebere te pavlere vetem pas nje muaji. E te njejtit mendim me kryeadministratorin e Kosoves duket se eshte edhe Ministrja e Puneve te Jashtme te Shqiperise Arta Dade. "Marreveshja e nenshkuar ishte kalim kompetencash dhe jam dakort me vendimin e marre nga Steiner", tha diplomatja e pare shqiptare. Por sipas ministres se ekonomise Ermelinda Meksi, Ministria e Jashtme ka pasur dy perfaqesues gjate procedures se nenshkrimit ne Kosove dhe ka qene ne dijeni te marreveshjes se siperpermendur. Ajo e cileson vendimin e Steinerit thjesht nje keqkuptim kompetencash qe ne fakt ka pasur si qellim rritjen e bashkepunimit institucional rajonal ne kuadrin e forcimit te paktit te Stabilitetit. "Per ne ka rendesi qe te respektojme te gjitha institucionet perkatese, respektojme paktin e Kosoves, ajo qe kemi bere ne ne praktiken nderkombetare njihet si marreveshje respektive midis institucioneve respektive dhe legjislacioni shqiptar i njeh shume mire kompetencat e veta. Ndoshta ne rrafshin procedurial te pales tjeter ka dicka qe eshte keqkuptuar", tha Meksi. Ne fakt marreveshja e nenshkruar percakton qe ne nenin e pare se ministrite respektive te Shqiperise dhe Kosoves ne funksion te kopetencave qe ato kane, synojne te realizojne te gjitha aktivitetet ekonomike qe promovojne bashkpunimin ekonomik dhe tregatar midis Shqiperise dhe Kosoves. Por Meksi pohoi dje se nga pala shqiptare nuk do te kete asnje reagim tjeter per t'u lidhur me UMNIK-un dhe kryeadministratorin Steiner me qellim qe te rikonfirmohet edhe nje here se mbi c'baze eshte neshkruar kjo marreveshje mirkuptimi. "Nuk eshte ne kompetencen tone qe te njoftojme UMNIK-un per kete. Ne i dime kompetencat tona, problemet dhe rregullat tona duke qene konform te gjitha rregullave nderkombetare", sqaroi me tej Meksi. Por tashme kjo marreveshje nuk ka me vlere dhe pergjate nje muaji nga ekzistenca e saj mund te mos kete gjetur asnje zbatim ne praktike.

[Blendi]

Mbledhja e Kryesisë së P-së Elbasanit degjeneron në goditrje dhe kërcënime mes Dedjes dhe Ferrës


Elbasan, Dedja sherr me karrige në PS


Enerieta Ferra: "Taulant Dedja më hodhi karrigen duke më goditur në gjunjë". Dedja: "Janë shpifje"


ELBASAN - Deputeti i Elbasanit Tauland Dedja dhe dy antarë të Kryesisë së PS-së, ishin protagonistë të një sherri të ndodhur mbrëmjen e vonë të së shtunës në selinë e Partisë Socialiste. Burime të konfirmuara nga kjo mbledhje, pohuan për "Shekulli"-n se deputeti Dedja ka goditur me karrige anëtaren e Kryesisë Enerieta Ferra. Vetë anëtarja e kryesisë së PS-së së Elbasanit Ferra në një prononcim për "Shekulli"-n pohoi dje faktin dhe shtoi: "Në grindje e sipër, deputeti Dedja më hodhi karrigen duke më goditur në gjunjë. Menjëherë pas kësaj m'u drejtua me fjalë kërcënuese mua dhe sekretares për marrëdhëniet me publikun Luljeta Çela". Ferra tha për gazetën se në grinjde e sipër i kujtoi deputetit Dejda se "ty nuk të lejohet të bësh të tilla veprime". Ajo shtoi megjithatë se nuk do të bënte denoncim ndaj Dedjes por tha se ishte mjaft e indinjuar nga ky fakt. Ndërkohë deputeti Tauland Dedja i kontaktuar nga "Shekulli" nuk pranoi të flasë me detaje dhe të japë versionin e tij për ngjarjen por u mjafua të thotë se "gjithçka është një shpifje". Ndërsa Fatmir Musai, antar i Kryesisë së PS dhe ish kryetar i kësaj partie deri pak ditë më parë, tha për "Shekulli"-n se "në 11 vjet përvojë politike , kurrë më parë një gjë e tillë nuk kishte ndodhur". Dhe më pas detajoi: "Në sherr e sipër deputeti Dedja mori një karrige dhe e goditi në gjunjë, anëtaren e Kryesisë Ferra dhe e shtyu atë duke tentuar ta godasë sërish.. Sigurisht nëse do të qëndronte do të ishte përkeqësuar situata".
Shkaku
Antarët e Kryesisë të degës së PS-së së Elbasanit treguan dhe se si lindi gjithë grindja në orën 22 të së shtunës disa orë pasi kishte nisur mbledhja. Pasditen e së shtunës në selinë vendore të socialistëve u mblodh Kryesia e tyre për të shqyrtuar probleme të ndryshme. Një ndër pikat ishte diskutimi i vendimit të Ministrit të Shëndetësisë Mustafa Xhani për shkarkimin e Fatos Stafës nga drejtimi i Qendrës Spitalore të Elbasanit dhe disa lëvizje të tjera në kuadrot drejtues të institucioneve shtetërore. Por sipas burimeve nga kjo mbledhje, energjikisht, pro këtij vendimi ishin disa antarë të Kryesisë si, sekretarja për marrëdhëniet me publikun Luljeta Çela dhe antarja e Kryesisë Enerieta Ferra. Ndërsa në oponencë me to, ishte deputeti Dedja. Një pjesë e Kryesisë këmbënguli se vendimi ishte i drejtë dhe kërkuan të mos kundërshtohej. Por deputeti Dedja argumentoi se Stafa nuk duhet të hiqet pasi, sipas tij, mungon motivi për largimin nga puna. Ndërkohë në mbledhje "zbulohet" se nga një kontroll i shtetit bërë në këtë Qendër, drejtori Stafa është gjobitur me 50 mijë lekë të vjetra. Duke u paraqitur argumente të kundërta nga palët, sipas antarëve të Kryesisë që ishin në mbledhje, znj. Ferra ka shkëmbyer replika me deputetin Dedja duek e akuzuar se mbron qëndrimin në post të drejtorit Stafa për qëllime përfitimi. Ndërkohë gjakrat janë nxehur dhe ka ndodhur incidenti. Në këto çaste, disa antarë të Kryesisë kanë evituar përkeqësimin e situatës duke mbajtur dpeutetin e duke e larguar nga pika e nxehtë. Në mbledhje sipas burimeve të atjeshme, është votuar edhe për emërimin e drejtorit të ri të Arsimit Elbasan. Në votim kandiduan pedagogu Roland Çerepi dhe Luljeta Çela, inspektore në këtë drejtori dhe sekretare për publikun në PS Elbasan. Në fund me 10 vota pro e 4 kundër, fitoi pedagogu Çerepi që do të jetë kreu i ri i Arsimit pas shkarkimit për abuzime në detyrë të Vjollca Devollit pak javë më parë.
Soni Kurani
Copyright 2002 Shekulli

[alumni]

http://www.kohajone.com/arshive/2002/07/10/lajmi02.htm

Ministri 045
Nga Enkel Demi /

Te djelen po kthehesha pasdite nga Pogradeci. Pa arritur ende ne Qafe-Thane nga nje makine e bardhe policie nje person i shqyer ne dritare me rryla fyti jashte, na corri veshet duke na thene se duhet te hapnim rrugen. Nese shoferi qellonte i ngathet i shqyeri e shante me rrenje e me dege. Te gjithe hapem krahun dhe pas disa minutash kaloi rende-rende ministri me targen RSH 045. Pasi na la shtellungen e tij te pluhurit ministri 045 vazhdoi me tej me te shqyerin e tij ne dritare, i cili i hapte rrugen duke share mbare e prape qytetaret rrugetare.

Vazhduam me tej per t'u kthyer ne shtepine tone. Ne ate moment nuk pati rendesi se cili ishte ky njeriu 045, te cilit i ka rene bingo dhe eshte bere minister. Ne fakt nuk me intereson. Ai eshte robi 045, i cili nuk e ka kuptuar ende se te jesh minister nuk eshte profesion. Pas pak javesh nuk do te jete me minister, por rrugetar si une. Dhe i gjori do te thithe pluhurin e shtellunges se 045 se radhes. Do te duroje tellallin e shqyer ne dritare qe shan me peme shtepie dhe do i kujtohet se dikur ka qene vete 045, por nuk eshte me. Tani i takon cepi i rruges, hapja e krahut.

Nuk pata shume kohe te vrisja mendjen per kete pune, sepse pak me vone kaluan me terselleme dhe me sirena te ngrehura tre makina shqiponja, nje furgon policie, nje mercedes luksoz me targe RSH 002 dhe nje shpure me ushtare nga pas. Ky ishte personaliteti 002, i cili kishte zhurmuar rrugen e boshatisur, por te pakten ia arriti qellimit, sepse une e mesova qe po kalonte. Na la pas shtellungen e vet dhe shkoi me tej te bezdise te tjere njerez qe i konsideron ne TV qytetare, ndersa ne rruge kope me dele.

Ne fakt, kur u ula te shkruaja kete artikull parashikova qe lexuesi mund te thote se kjo eshte gje e vogel, meqe e hasim perdite. Ne fakt, eshte shume e rendesishme, sepse ne kryeqytet qarkullon legjenda qe njeriu 002 ka bllokuar para ca ditesh per minuta te tera bulevardin kryesor, sepse e kishte bere me mendje te kalonte andej.

Po keshtu, perdite tek ministria e Rendit nuk kalon dot ne trotuar, se ministrit 00X i eshte tekur te vere kordon. Ne Presidence ushtari te ul nga trotuari.

Po keshtu, pyes veten perse keta njerezit e rendesishem nuk hyjne ne zyrat e tyre nga dera kryesore. Fjala vjen Kryeministria ka kater hyrje. E para eshte ajo ngjitur me Ministrine e Financave. Aty hyjne qyqaret dhe zyrtaret e ulet. E dyta eshte perballe QNK-se. Aty hyjne sekretaret, keshilltaret deri tek ministrat e ndryshem. Kryeministri dhe zv-kryeministri hyjne nga tuneli perballe Rognerit, ndersa delegacionet e larta priten ne dere kryesore. Perse keta njerez nyk hyjne nga dera e vertete? Na fshihen neve qe kalojme ne trotuar, u fshihen atyre qe ne TV i quajne qytetare. E njejta gje ndodh ne ministrine e Brendshme apo te Mbrojtjes. Kushedi sa idiot e quajne keta 00X-at zotin Blair, i cili e ka deren e zyr`s buze rruges, apo dike tjeter qe leviz me makina pa perde, pa bere shamate.

Nuk e kuptojne se me aq shume sirena e prepotence katundari, vetem sa i ekspozohen rrezikut.

Por, ne thelb nuk kane faj. Jane ca dallkauke qe ne kompleks u ka mbetur blloku i udheheqesave. I adhurojne ata, i enderrojne dhe ne fund i imitojne keq.