UNMIK-u kërkon ruajtjen e emertimeve te Kosoves sic kane qene

[Stresi]

Prishtinë, 6 dhjetor - UNMIK-u kërkon që institucionet vendore të përdorin emërtimet e qyteteve apo fshatrave të Kosovës ashtu siç janë përdorur deri në vitin 1999. Kështu shefi i Shtyllës së Dytë të UNMIK-ut Françesko Batalio u ka dërguar një shkresë ministrive të shërbimeve publike të kuvendeve komunale të Kosovës që të respektojnë emërtimet zyrtare të qyteteve dhe fshatrave të Kosovës në pajtim me një rregullore të UNMIK-ut të nënshkruar në vitin 2000 nga kryeadministratori i atëhershëm i Kosovës.
Zëdhënësja e UNMIK-ut Izabela Karlovic tha se z. Bastalio e ka dërguar këtë shkresë për të përkujtuar shërbimet publike se duhet të respektojnë rregulloren për emrat. "Është vërejtur se problemet ekzistonin pasi në dokumentat zyrtare emrat nuk shkruheshin në pajtim me rregulloren që zyrtarisht ofron emrat e 30 komunave në gjuhë zyrtare", tha zëdhënësja Karlovic. Ajo është shprehur se dokumentat zyrtare që nuk përmbushin këto kërkesa, që do të thotë se nuk respektojnë emrat zyrtarisht të miratuar, nuk do të jenë dokumente të vlefshme.

[Tahir_Veliu]

UNMIK ore katil,
nuk ka me Kamenic por Dardan,
nuk ka me Gllogoc (Gllogovac) por Drenas, etj etj.

Qeveria e perkohshme e Kosoves i ka miratuar emrat e rinj, per identitetin tone ne flasim vete, nuk ka nevoj qe UNMIK-u te vendos per ne.

Une e kam pare nje program humoristik kur njeri nga keta katilat e UNMIK-ut u tregojshin nxensve shqiptar se arsyeja pse keta kane shkuar ne Bllacë ne vitin 1999 eshte se aty ka qene piknik?!

[Tahir_Veliu]

Simbas UNMIK-ut dhe Serbve;

KOSOVA ESHTE "KOSOVO I METOHIJA" por ne u thomi atyre te dyve shkoni te shpija!

[Llapi]

PËRDORIMI I EMËRTIMEVE SERBE,
FYES DHE I KUSHTUESHËM



Rahman Paçarrizi, Prishtinë
(gazeta Europa E Lire)

Shefi i Shtyllës së Dytë të UNMIK-ut, Francesco Bastali u ka dërguar një shkresë Ministrisë së Shërbimeve Publike dhe kuvendeve komunale të Kosovës, që të respektojnë emërtimet zyrtare të qyteteve dhe të fshatrave të Kosovës në pajtim me një rregullore të UNMIK-ut, nënshkruar në vitin 2000 nga kryeadministratori i atëhershëm i Kosovës. Kjo do të thotë se banorët e Skënderajt qytezës së tyre duhet t'i thonë Serbicë, ndërsa doganierët e Kosovës në dokumentacionin e tyre për vendkalimin kufitar Hani i Elezit duhet të ta shkruajnë Gjenerali Ankoviç. Zëdhënësja e UNMIK-ut Izabel Karlovic tha se zoti Bastali e ka dërguar këtë shkresë për të përkujtuar shërbimet publike se duhet të respektojnë rregulloren për emrat.
" Është vërejtur se problemet egzistonin pasi në dokumentat zyrtare emrat nuk shkruheshin në pajtim me rregulloren që zyrtarisht ofron emrat e 30 komunave në gjuhën zyrtare", tha zëdhënësja Karlovic. Kjo shkresë i është dërguar Ministrisë së Shërbimeve Publike, e cila merret me lëshimin e dokumentave zyrtare. Mirëpo zëdhënësi i kësaj Ministrie, zoti Betim Gjoshi, tha se UNMIK-u është i njëanshëm. Sidoqoftë ai pranon se janë bërë ndryshime emrash, mirëpo gjithshka sipas tij e ka arsyen e vet.
" Ne mendojmë se qëndrimi i UNMIK-ut është i njëanshëm dhe nuk duhet të merren gjërat si të përgjithësuara. Egzistojnë disa komuna apo fshatrave, të cilave u është ndryshuar në mënyrë jo të drejtë emri, kanë patur një emër me traditë. Ne mendojmë që do të merret çdo rast veç e veç". Zëdhënësi Gjoshi mendon se disa qyteteve dhe fshatrave në Kosovë, regjimi serb u ka vënë emra ofendues për shqiptarët, si Miloshev Deved Jugoviç apo " komuna e Skënderajt e ka patur prej vitesh emrin Skënderaj dhe në mënyrë të dhunshme i është ndryshuar në Serbicë. Janë disa toponime fyese dhe ne do të gjejmë besoj një gjuhë të përbashkët me UNMIK-un dhe një modul që është i pranueshëm", tha zoti Gjoshi, duke besuar se edhe kuvendi i Kosovës duhet të merret me këtë çështje pasi ëshë e drejtë e tij që të vendosë për emërtimin e qyteteve dhe të fshatrave në Kosovë. Mirëpo zëdhënësja Karlovic thotë se egziston një rregullore e UNMIK-ut që kufizon kompetencat e kuvendeve komunale për të bërë emërtime.
"Rregullorja 2000/45 autorizon komunat që të emërtojnë rrugët dhe sheshet, por riemërtimi i qyteteve dhe fshatrave nuk është në kompetencat e kuvendeve komunale," tha Izabela Karlovic.
Një mendim të ndryshëm kanë ndërkaq kryetari i komunës së Gjilanit dhe kryetar i Asociacionit të Komunave të Kosovës, zoti Lutfi Haziri, sipas të cilit vetë qytetarët kanë të drejtë të vendosin për vendbanimin e tyre dhe ky sipas tij është një standart evropian.
"Absolutisht e drejta e qytetarëve është për të vendosur për vendbanimet e tyre. Procedura duhet të jetë përmes komisioneve profesionale dhe në debat publik deri te aplikimi i formave të referendumit në vendbanimet e caktuara, është mënyra më e drejtë, e cila përcakton zgjidhjen e këtij problemi".
Mirëpo UNMIK-u ka bërë të ditur se " dokumentat zyrtare që nuk përmbushin këto kërkesa që do të thotë se nuk respektojnë emrat zyrtarisht të miratuara, nuk do të jenë dokumente të vlefshme", tha zëdhënësja Izabela Karlovic, duke u mbështetur në shkresën e zotit Bastali. Kështu probleme të shumta do të lindin edhe me vetë letërnjoftimet e UNMIK-ut në të cilat Skënderaj për Serbicë apo Vendenicë për ish- Gllamnikun, një fshat në afërsi të Podujevës, përkatësisht Besjanës. Në një situatë të tillë jo vetëm që do të jetë e vështirë për t'u orientuar, por kjo duket se do t'u kushtojë shtrenjtë fondeve të UNMIK-ut dhe buxhetit të Kosovës, për të rindryshuar toponimet në dokumentat zyrtare.

[Brari]

Lajmi që na i teri zemrat tona shqiptare!

RESPEKTI NDAJ DIKUJ, NËNKUPTON EDHE VËREJTJET RECIPROKE, APOJO?




--------------------------------------------------------------------------------

9 dhjetor 2003 / TN

Shkruan: Kadri MANI, prof.

Të nderuara zonja dhe zotërinj të UNMIK-ut,
I nderuari zotni Françesko Batalio,
E nderuara zonjë Izabela Karloviç,

Andaj, sikur që u tha edhe në vetë titullin tonë të këtij shkrimi, duke shprehur respektin dhe mirënjohjen tonë zenitore për ndihmën Tuaj në çlirimin e Kosovës dhe administrimin e saj, e kemi për detyrë t`i paraqesim mospajtimet tona: me shpresë që të rregullojmë diçka me kohë dhe bashkërisht, dhe edhe në mos rregullofshim gjë, le të na shërbejë ky reagim si satisfaksion, se në një kohë të pakohë, në një moment kritik të zhbërjes të qenies tonë, s`kemi qenë indiferentë, të paktën sa për ta shfajësuar veten tonë përpara historisë e përpara gjeneratave, pra, që të mos jemi bashkëfajtorë për shkeljen më flagrante të një çështjeje me rëndësi vitale për popullin tonë shqiptar.

Lajmi i sotëm, 6 dhjetor 2003, edhepse ishte i shkruar me shkronja të kuqe, për ne shqiptarët ishte lajmi më i zi dhe me shkronjat më të zeza, ku kërkohet kobshëm dhe kërcënueshëm:”në pajtim me një rregullore të UNMIK-ut të nënshkruar në vitin 2000 nga kryeadministratori i atëhershëm i Kosovës.”(...) “kërkon që institucionet vendore të përdorin emërtimet e qyteteve apo fshatrave të Kosovës ashtu siç janë përdorur deri në vitin 1999.”!?!

Është ky një grusht i rëndë kundër kulturës gjuhësore shqiptare, që njëkohësisht godet edhe Komisionin Kompetent për Standardizimin e Toponimeve, i cili ka shkruar një seri artikujsh shkencorë, mbase aq sa edhe për një libër voluminoz. Mendoj se jeni aq të shkolluar e të civilizuar, sa ta kuptoni seriozitin apo mosseriozitetin e një veprimi të tillë, veprim ky i cili nuk zbatohet asku në botë, asku në rruzullin tokësor!?!

Ta marrim shembull Krahinën Angleze- Vellcin: atje vellcasit patriotë, çdo fjalë angleze e hudhin jashtë përdorimit sikur një leckë, dhe me mllef: interesi kombëtar ua do spastrimin e gjuhës së tyre, ruajtjen e identitetit të veçantë kombëtar, paçka se anglezët nuk i kanë masakruar, ashtu sikur neve shqiptarët që na kanë masakruar çetnikët serbianë.

Nuk na intereson “Regullorja” e ish-Kryeadministratorit, përse nuk paraqitet në këtë plan Kryeadmkinistratori i tanishëm!?! Përse ia hidhni topin njëritjetrit, sikur fëmijët!?! Unë do t`i drejtohem edhe zotit Shtajner, si sih-Kryeadministrator i Kosovës dhe si dhëndër i shqiptarëve, në mos tjetër, për ta prishur me zonjën Gjonbalaj!? Sepse pos këtij rasti, apo edhe më mirë, pos këtij skandali, zotni Shtajneri ka edhe mëkate tjera.

Dhe kush po kërkon edhe më tutje “standarde” prej nesh!?! Dhe çka kuptoni Ju me ato “standarde”: që të heqim dorë nga gjuha jonë shqiptare?- po as çetnikët serbianë s`kërkonin gjë tjetër: vetëm ta pranonim Programin Shkollor të tyre dhe të asimiloheshim gradualisht!?! Çfarë “Rregulloreje” a çfarë bakraçi!! Lëreni atë punë pashë zotin, e mos hyni në mal pa sëpatë, dhe pa pikë nevoje. Për këso rastesh, ne shqiptarët e kemi një shprehje të bukur figurative: Mbillte ferra nëpër këmbë.

Praktikisht Ju nuk e dini situatën as problematikën ku po futeni kot:

1. Toponimet tona burimore shqiptare, serbët pushtues na i kanë serbizuar, e duhet të kthehen te burimi se s`bën: Gjakova-(Gjakovica!), Gjilani-(Gnjillane!), Ferizaji-(Uroshevac!), Peja-(Peç!),Hani i Elezit-(Gjeneral Jankoviç!), Miradia e Epërme-Miradia e Poshtme-(Gornja i Donja Dobreva!!), Lismiri-(Dobridub!)...

2. Disa emra a mbiemra personash nga e akaluara nën pushtimin otoman, si dhe disa toponime qesharake- duhet të zhdukën: unë personalisht mbiemrin e vjetër-Osmani, e kam rregulluar shqip-Mani, duke përmirësuar kështu një gabim të prindërve të mi, apo të pararendësve tanë fetarë. Përse?- sepse nuk kam dashur që t`ua lë “trashëgim” breznive një mbiemër me prejardhje turko-arabe, si dhe një mbiemër apo titull që vie edhe nga Dinastia Osmane: a mos do të ma mohoni edhe mua këtë të drejtë!?! Toponimet tonat qesharake për vetveten tonë: Kllabukar! Llukar! Gjylekar! Muçivërc! Muçibaba!-( e na u çi nëna!!), Juve nuk iu interesojnë, dhe le të mos iu interesojnë, jafton që na interesojnë neve dhe do t`i rregullojmë ne vetë, e mos sillni pengesa.

3. Gabinin që ka bërë Evropa dhe Bota, koha kërkon që ta kuptoni dhe ta përmirësosni, është: “konsiderata ndaj krishtërimit serb-në kuptimin e njëjtësimit të krishtërimit të tyre me vetveten Tuaj”, apojo!?! JO!- Ju themi ne: në kishat serbe nuk është Krishti, nuk janë engjujt, atje kaherë ka hyrë djalli!! Dhe popat serbianë nën mantijat e zeza, mbajnë hanxharët për kasaphane të reja kundër popujve të huaj dhe kundër gjithë botës. Millosheviçi s`ka bërë asgjë tjetër, pos që e ka zbatuar Programin e Kishës serbe për zhdukjen e popujve në masë. Si u bë që Serbia “e reformuar” hyri aq lehtë në Bashkësinë Evropinane!?!

4. Ku jeni Ju-(engjujt rojtarë!), kur aneksohet Debelldeji dhe na vëjnë kufij midis Kosovës dhe midis komunash shqiptare Viti-Kaçanik, apo Viti-Shkup, dhe për të shkuar në arat e veta, fshatarët duhet të pajisen me “karta kufitare”!?! Apo po e njësoni vetveten me pushtuesit serbianë e maqedonë!?! Kush dreqin e ka bërë atë ankesim brutal, dhe kush po iu del krah serbo-maqedonasve pushtues!?! Çlirimtarët nuk vëjnë kufij të rinjë, kufij të rinjë vëjnë vetëm pushtuesit gjakatarë e barbarë. Në arën e vet iu ka vra djali nënës Naile, i ndjeri Musafet Xhaferri. Nëna e Xhaferrit, që njëkohësisht je nëna jonë dhe nëna e heroit tonë: mos qaj dhe mos vajto, e vlen të vdesish në trollin tënd, për 2500 hektarë tokë pune të grabituar e të shkelur nga çizmja pushtuese; dhe edhe ne jemi me Ty, në ditët e zisë familiare dhe mbarëkombëtare.

Apo i bëni të gjitha këto në emër të Kartës së Madhe të Lirive-Magana Charta!?!

Shëndet.


--------------------------------------------------------------------------------

Lajme

UNMIK-u kërkon që emërtimet e qyteteve dhe fshatrave të Kosovës të përdoren si deri në vitin 1999

Prishtinë, 6 dhjetor 2003 - UNMIK-u kërkon që institucionet vendore të përdorin emërtimet e qyteteve apo fshatrave të Kosovës ashtu siç janë përdorur deri në vitin 1999. Kështu shefi i Shtyllës së Dytë të UNMIK-ut Françesko Batalio u ka dërguar një shkresë ministrive të shërbimeve publike të kuvendeve komunale të Kosovës që të respektojnë emërtimet zyrtare të qyteteve dhe fshatrave të Kosovës në pajtim me një rregullore të UNMIK-ut të nënshkruar në vitin 2000 nga kryeadministratori i atëhershëm i Kosovës.

Zëdhënësja e UNMIK-ut Izabela Karlovic tha se z. Bastalio e ka dërguar këtë shkresë për të përkujtuar shërbimet publike se duhet të respektojnë rregulloren për emrat. "Është vërejtur se problemet ekzistonin pasi në dokumentat zyrtare emrat nuk shkruheshin në pajtim me rregulloren që zyrtarisht ofron emrat e 30 komunave në gjuhë zyrtare", tha zëdhënësja Karlovic.

Ajo është shprehur se dokumentat zyrtare që nuk përmbushin këto kërkesa, që do të thotë se nuk respektojnë emrat zyrtarisht të miratuar, nuk do të jenë dokumente të vlefshme.


--------------------------------------------------------------------------------

nga trepca.net

[Llapi]

Jo jo mos u mundoni tia hedhni fajin krejt veq UNMIK-ut se kur keta emra i pat ndryshue dhe i pat emrue ne emra Shqip ishe Qeverija e Perkohshme e Kosoves ne krye me Z Hashim Thaqin disa kryetar te komunave kuptohet qe vin nga radhet e LDK-se i paten kundershtue para se UNMIKU te thot ket qfar e tha keto dit pra ishin vet disa shqiptar qe me mier i tingllonin ne vesh ata emra sllav se sa shqip kjo eshte me se e vertet Psh. komuna nga vij une u emrue nga PODUJEVA ne BESIAN por kryetari i komunes me deputetet e vet e pat kundershtue dhe sot jemi te ndar ne dysh popullata disa deklarohen se jan nga BESIANA e disa nga PODUJEVA.