Protestuesit serbe: Mitrovica eshte Serbi.

[lis]

Tensioni

Kryeministri shqipetar i Kosoves shpeton per nje qime.

Protestuesit kanë fyer me fjalë Kryeministrin dhe kanë brohoritur "Këtu është Serbi”. Situata është tensionuar kur serbët e rebeluar kanë filluar të hyjnë dhunshëm në restorant, pasi kanë thyer xhamat e lokalit....

Kryeministri del nga një derë e fshehtë e restorantit, duke lënë pas frikë dhe tension

Serbët sulmojnë Bajram Rexhepin
Plagoset përfaqësuesi i Bankës Botërore



Kryeministri i Kosovës, Bajram Rexhepi, i ka shpëtuar dje një sulmi kriminal në pjesën veriore të Kosovës.

Një përfaqësues i Bankës Botërore është lënduar, kur qindra serbë, shumica prej tyre pjesëtarë të formacionit të ashtuquajtur "Rojet e Urës", kanë sulmuar me gurë restorantin "Number 1", në pjesën veriore të Mitrovicës. Në këtë restorant po drekonte Kryeministri i Kosovës, Bajram Rexhepi dhe bordi i drejtorëve ekzekutiv të Bankës Botërore. Lokali i përkiste Milorad Todoroviçit, përfaqësues serb në qeverinë e Kosovës.

Pasojat
Gjatë incidentit njoftohet se serbët kanë djegur edhe katër automjete të policisë dhe është shkatërruar autobusi, që kishte sjellë delegacionin për vizitë. Kryeministri i Kosovës, Bajram Rexhepi, thuhet se ka arritur të largohet nga lokali përmes një daljeje tjetër, pa ndonjë lëndim. "Kryeministri Rexhepi ka mundur të ikë nga vendi i ngjarjes, përmes një dere emergjente dhe rrugëve anësore, ndërsa njëri nga punonjësit ndërkombëtar të Bankës Botërore ka pësuar lëndime të lehta", ka konfirmuar zëdhënësja e policisë, Tracy Becker. Zëdhënësja Becker tha se viktima ka pësuar lëndime të lehta dhe ka marrë trajtim mjekësor. Trazirat në Mitrovicë kanë shpërthyer pasi Kryeministri Rexhepi dhe delegacioni i Bankës Botërore kanë shkuar në një drekë pune në restorantin "Number 1", në pjesën veriore të Mitrovicës, të banuar me shumicë serbe, për t'u takuar me ministrin serb të qeverisë së Kosovës, Goran Bogdanoviq. Sipas autoriteteve ndërkombëtarë në këtë qytet, vizita e tyre nuk ka qenë e paralajmëruar, prandaj as nuk ka pasur forca shtesë të sigurisë.

Kërcënimi
Protestuesit kanë fyer me fjalë Kryeministrin dhe kanë brohoritur "Këtu është Serbi". Por situata është tensionuar kur serbët e rebeluar kanë filluar të hyjnë dhunshëm në restorant, pasi kanë thyer xhamat e lokalit. Për Kryeministrin Bajram Rexhepi, protesta e serbëve nuk ishte e jashtëzakonshme. Ai tha se, si banor i Mitrovicës, e njeh mirë situatën dhe njerëzit, por shfaqi dyshimin se ata që janë rebeluar janë qytetarë të zhvendosur nga pjesët e tjera të Kosovës. "Njerëzit nuk janë mësuar, por unë jam qytetar i Mitrovicës. Kam shtëpinë në veri të qytetit dhe këtu kam shtëpinë ku jam jetuar. Kjo nuk është diçka anormale për mua, por është e mundur që këta që po protestojnë nuk janë qytetarë të Mitrovicës, sepse ne mitrovicasit njihemi me njëri-tjetrin", tha Kryeministri Rexhepi. I shoqëruar nga vetëm disa pjesëtarë të sigurimit dhe SHPK-së, Kryeministri dhe një ekip prej tre gazetarësh shqiptarë, janë tërhequr shpejt nga vendi i ngjarjes, duke shfytëzuar rrugët dytësore. Vizita e Kryeministrit Bajram Rexhepi në veri të Mitrovicës ka ndodhur në ditën që në qytet është ditë tregu, prandaj rrugët ishin përplot me qytetarë serbë. Atyre nuk iu është dashur më shumë se 5 minuta që të mblidhen në formë të organizuar dhe të pengojnë vizitën e Kryeministrit. Mitrovica është qytet i ndarë që prej përfundimit të luftës. Në veri jetojnë popullata shumicë serbe, përfshirë këtu edhe serbët e zhvendosur nga pjesët e tjera të Kosovës, të cilët kanë uzurpuar pronat e shqiptarëve. Ndërsa në jug jetojnë popullatë, shumicë shqiptare. Të dy komunitetet i ndan ura mbi lumën Ibër.



Kush janë "Rojet e Urës"

"Rojet e Urës" janë një strukturë paralele e sigurisë që financohet nga Beogradi. Ky formacion numëron rreth 300 pjesëtarë, kryesisht ish- policë gjatë regjimit të Milosheviçit në Kosovë dhe ish-pjesëtarë të Ministrisë së Punëve të Brendshme. Ata konsiderohen si përgjegjësit kryesorë për dëbimin e mbi 12 mijë shqiptarëve nga veriu i Mitrovicës, vrasjen dhe plagosjen e disa civilëve shqiptarë si dhe policisë ndërkombëtare si dhe incidente tjera që kanë ndodhur në katër vjetët e fundit. Misioni i Kombeve të Bashkuara në Kosovë vitin e shkuar ka nënshkruar një marrëveshje me qeverinë e Beogradit për shpërbërjen e "Rojeve të Urës" dhe strukturave tjera paralele, por kjo nuk është respektuar.



Banka Botërore, 16 milionë euro

Banka Botërore ka bërë të ditur dje se do t'i japë Kosovës një fond prej 16 milionë eurosh, që do të shfrytëzohen për sektorë të ndryshëm, e veçanërisht për arsim dhe bujqësi. Gjatë vizitës në Prishtinë, delegacioni i Bankës Botërore është takuar, ndaras, me Presidentin Ibrahim Rugova dhe me Kryeministrin Bajram Rexhepi. Përfaqësuesi i Bordit Ekzekutiv të Bankës Botërore, Marsel Masa, pas takimit me Rugovën tha se "ne u pajtuam me dëshirën që Banka Botërore të jetë e angazhuar edhe më shumë sesa ka qenë deri tani në Kosovë. Kosova është në rrugë të mbarë. Dhe ne jemi duke u angazhuar që në të ardhem të jemi edhe më frytdhënës".



Gjendet i vrarë ushtari USA

Një ushtar amerikan i Forcës së Ruajtjes së Paqes të NATO-s në Kosovë (KFOR) u gjet i vdekur, njoftoi dje KFOR në një komunikatë. "Togeri Daryl Brooks, 43 vjeç, i batalionit të parë të regjimentit 111 të këmbësorisë, u gjet i vdekur si pasojë e një plage me armë zjarri", të enjten në mëngjes, vë në dukje komunikata. "Daryl Brooks u gjet në një bunker prej çimentoje të kampit ushtarak amerikan të Monteith, në lindje të Kosovës, me një ushtar tjetër të njësisë së tij, vë në dukje komunikata. KFOR nuk thekson se në ç'kushte është goditur ushtaraku.

Burimi: "Gazeta Panorama"

[Llapi]

UNMIK-u: Kryeministri mund të udhëtoj lirisht në Kosovë

UNMIK dënon fuqishëm sulmin e dhunshëm ndaj delegacionit të Bankës Botërore të shtunën. UNMIK- u riafirmon qëndrimin se Kryeministri është kryeministër i tërë Kosovës dhe mund të udhëtojë lirisht gjithku në territorin e saj. Është për tu dënuar sesi bandat e dhunshme të armatosura po veprojnë në këtë mënyrë në pjesën veriore të Mitrovicës, apo në ndonjë pjesë tjetër të Kosovës.


UNMIK-u bën thirrje te të gjithë ata të heqin dorë nga këto metoda. Ata u kundërvihen drejtpërdrejt standardeve për Kosovën për të cilat liderët përgjegjës po punojnë për ti arritur. Po zhvillohen hetime lidhur me sulmin e dhunës ndaj Bankës Botërore, thuhet në një komunikatë për shtyp të UNMIK-ut.

************************************************** **************


Shtetet e Kuintit dënojnë sulmin e 6 dhjetorit

Qeveritë e shteteve të Kuintit fuqimisht dënojnë sulmin e 6 dhjetorit në Mitrovicë në kryeministrin e Kosovës dhe në delegacionin mysafir të Bankës Ndërkombëtare për Rindërtim dhe Zhvillim. Kryesit e këtij sulmi janë kriminelë, veprimet e të cilëve janë në kundërshtim me interesat e të gjithë njerëzve dhe komuniteteve të Kosovës. Bëjmë thirrje që të gjithë liderët e Kosovës t'i dënojnë të gjitha aktet e tilla të dhunës.


Ne besojmë se autoritetet e UNMIK-ut do të bëjnë hetimin për të prurë para drejtësisë kryesit e këtij sulmi. Kuinti lavdon veprimet e oficerëve të Shërbimit Policor të Kosovës në vendin e ngjarjes, gjakftohtësia dhe profesionalizmi i të cilëve duket se e ka shmangur tragjedinë.

************************************************** ***************

KMDLNJ: Sulmi ndaj kryeministrit-sulm kundër institucioneve të Kosovës

KMDLNJ-ja reagon ndaj sulmit të “rojeve të urës” kundër kryeministrit të Kosovës dhe delegacionit të Bankës Botërore në restorantin “Numer One” në veri të Mitrovicës, që paraqet sulm të drejtpërdrejtë të bandave serbe edhe ndaj institucioneve të Kosovës.


“Sulmet e “rojeve të urës” dhe të ekstremistëve të tjerë serbë kundër shqiptarëve, por edhe kundër qytetarëve të tjerë joserbë në veri të Mitrovicës është dukuri shumë e shpeshtë. Nga sulmet e këtilla nuk janë kursyer as pjesëtarët e institucioneve ndërkombëtare, të cilët po ashtu në disa raste kanë qenë objekt i sulmeve të ekstremistëve serbë. Sulmi i fundit dhe atë në prani të policisë së UNMIK-ut dhe të SHPK-së vërteton faktin botërisht të ditur se në veri të Mitrovicës dhe përgjithësisht në veri të Kosovës realisht nuk funksionon as pushteti i UNMIK-ut e as ai i Kosovës” thuhet n[ komunikatë. KMDLNJ u bënë thirrje organeve të administratës së UNMIK-ut dhe institucioneve të Kosovës, e sidomos forcave të sigurisë (KFOR-it, policisë së UNMIK-ut dhe SHPK-së) që të veprojnë energjikisht kundër ekstremistëve dhe përpjekjeve të tyre për destabilizim të mëtejmë të Kosovës. KMDLNJ shfaqë brengosje për qëndrimin indiferent të UNMIK-ut, i cili po i inkurajon ekstremisttë serbë në veriun e Mitrovicës duke bashkëpunuar dhe nënshkruar marrëveshje të ndryshme me pushtetin “demokratik” të Serbisë dhe duke i nënshtruar dhe poshtëruar Institucionet e Përkohshme Vetëqeverisëse të Kosovës, në disajnimin e të cilave ka luajtur rol vendimtar. Kjo mënyrë e të vepruarit dhe qasja transparente e përpjekjes së rikthimit të Kosovës në Serbi padyshim do të përfundojë me konflikte të reja dhe destabilizim të rajonit. Institucionet e Përkohshme Vetëqeverisëse të Kosovës duhet të ndryshojnë qëndrimin ose të bëhen pjesë e përgjegjësisë për pasojat e mundshme.

[Brari]

Pse bandat serbe lejohen të dalin mbi ligjin?


BERAT LUZHA

UNMIK-u edhe njëherë u pa se është i pafuqishëm, mbase më shumë është i painteresuar, të përballet me bandat serbe në veriun e Mitrovicës, kur qindra serbë sulmuan kryeministrin Rexhepi dhe delegacionin e Bankës Botërore, që kishte ardhur për vizitë në Kosovë dhe kishte përfshirë në axhendën e tij edhe Mitrovicën e veriut. Pos shkatërrimit të lokalit ku qëndronte kryeministri dhe delegacioni mysafir, pos djegies dhe shkatërrimit të disa automjeteve, pos sharjeve të stilit fashizoid, kishte pësuar lëndime të rënda një anëtar i delegacionit të Bankës Botërore, kurse kryeministri Rexhepi dhe anëtarët tjerë të delegacioneve vendore e ndërkombëtare, gazetarët e të tjerë, vetëm fati i kishte shpëtuar nga më e keqja.
Kryeministri Rexhepi, duke komentuar për këtë incident skandaloz, ka shprehur shpresën e tij se “UNMIK përfundimisht do ta braktisë rolin e tij pasiv të tolerimit dhe të vëzhgimit të grupeve, të cilat vënë veten mbi ligjin”. Ai ka demantuar akuzën se gjoja ai kishte shkuar në Mitrovicë “pa paralajmërim”. Policia e UNMIK-ut nuk ishte gjendur në krye të detyrës për mbrojtjen e delegacioneve dhe personaliteteve të larta vendore e mysafire, të cilat po qëndronin më 6 dhjetor në Mitrovicë. Ajo nuk reagoi as kur u sulmuan mysafirët në një lokal, ku ishte caktuar dreka e punës. Kjo polici, në një kumtesë të lëshuar për këtë incident të rëndë, për ironi, në vend se t’i dënonte sulmuesit e tërbuar, fajësoi kryeministrin për vizitën e tij “të paparalajmëruar” në Mitrovicë. Që të jetë ironia edhe më e madhe, policia e UNMIK-ut “incidentin” e karakterizoi vetëm si një “prishje të rendit dhe qetësisë“! Ajo i mbylli sytë, duke mos e parë problemin, siç ngjet gjithmonë kur fajtorët janë të përkatësisë etnike serbe, pa marrë parasysh peshën e fajit. Madje, nuk e pa të udhës as të ndalojë ndonjërin prej banditëve, të cilët e paskan prishur qetësinë dhe rendin!
Edhe përfaqësuesit serbë të Kosovës e kanë fajësuar kryeministrin Rexhepi për “vizitën e tij të paparalajmëruar”, të cilën e kanë quajtur “provokim të panevojshëm”, sepse, sipas tyre, “ai nuk mund të vijë në pjesën veriore si kryetar i qeverisë“. Është indikative se si tre nga liderët serbë, që ishin të ftuar, asnjëri nuk kishte shkuar në atë drekë të kobshme. Dihet se ky rast nuk është i vetmi dhe as i pari i këtij lloji. Në prill të këtij viti serbët kishin sulmuar me bomba dhe me armë edhe vetë policinë ndërkombëtare, ku u plagosën 26 policë, ndërsa i akuzuari, edhe pse ishte arrestuar, nuk ishte dënuar, sepse, sipas gjykatës, ai nuk kishte gjuajtur bomba, por gurë!
Pse UNMIK toleron edhe më tutje banda të organizuara në Kosovë, të cilat e thyejnë ligjin, qëndrojnë mbi ligjin, madje edhe e krijojnë vetë ligjin sa herë t’u teket atyre? Dhe, kush e bën ligjin në pjesën veriore të Mitrovicës? “Që nga qershori i vitit 1999 ekzistojnë dy subjekte kryesore, të cilat shërbejnë si struktura paralele të sigurisë në veri të Mitrovicës; të ashtuquajturit “Rojet e urës” dhe policia e Ministrisë serbe të Punëve të Brendshme – MUP”, ka vlerësuar Misioni i OSBE-së në Kosovë në tetor të këtij viti. Më vonë ishte formuar edhe shoqata e qytetarëve të urës “Sveti Dimitrija”. Më 14 gusht të këtij viti kuvendi i komunës së Zveçanit ka ngritur një “komitet për vetëmbrojtje nga sulmet e terroristëve dhe të ekstremistëve shqiptarë“. Detyra e këtyre strukturave, të organizuara dhe të financuara nga Beogradi, ishte, pos të tjerave, edhe arrestimi i njerëzve dhe dorëzimi i tyre autoriteteve të Beogradit, moslejimi i kthimit të shqiptarëve nëpër shtëpitë e tyre në veri të Mitrovicës, dhënia e dokumenteve shtetërore serbe etj. Një pjesë e “Rojeve të urës” janë “të punësuar” në spitalin e Mitrovicës. Në fakt aty vetëm se figurojnë në listat e pagave, kurse ata nuk janë staf i spitalit. Qeveria serbe këto roje të së keqes i paguan përmes xhirollogarisë së spitalit, institucion ky i okupuar dhe që vepron paralelisht, vetëm për serbët.
Sipas OSBE-së, Ministria e Punëve të Brendshme e Serbisë i ka zyrat e veta anembanë Kosovës, ndaj edhe në Mitrovicë e Zveçan. OSBE vlerëson se “oficerët e MUP-it janë të organizuar mirë“. Nga përbërja e MUP-it në Mitrovicë, 19 janë inkuadruar në Shërbimin Policor të Kosovës. Vetë organet e UNMIK-ut, jo vetëm se i kanë toleruar formimin dhe funksionimin e organeve paralele serbe në Kosovë, të drejtuara nga Beogradi, por shpesh ka ndodhur që qytetarët t’i orientojnë për marrjen e dokumenteve pikërisht te këto zyra paralele.
Në këtë mënyrë qeverisë së Serbisë iu mundësua që legalisht ta mbajë nën kontroll një pjesë të Kosovës, në kundërshtim të hapur me Rezolutën 1244 dhe me të gjitha normat që UNMIK-u “i zbaton” në Kosovë. Por, në këtë mënyrë Kosova mund të futet në një labirinth gjithnjë e më të rrezikshëm. Mbase dikush është i interesuar që Kosovën përsëri ta shohë si ishte para disa vjetëve. Është koha e fundit t’u themi ndal të gjithë atyre të cilët dëshirojnë kthimin e Kosovës prapa, në humnerën e pafund të orekseve fashiste të Serbisë. Para të gjithëve, këtë duhet ta bëjë vetë administrata e UNMIK-ut, nëse vërtet do ta bëjë Kosovën vend demokratik, ku do të sundonin ligjet dhe ku do të vendosej përgjithmonë rendi, paqja e qetësia!



10/12/2003

shekulli



---------

[Mirlind]

Serbet sulmojn qdo dit ne mitrovicen veriore shqipetaret e pafajshem,mendimi imi eshte qe per keté jemi ne veht fajtor qe e lejojmi nje gje te tillé qe te ndodhé ndaj shqipetarve te pafajshem ne anen veriore te mitrovices,sepse ne nuk jemi te bashkuar siq duhet te jemi..ne tregojmi trimerin ton vetem ne mes vehti e jo atje ku duhet te tregohet trimeria,po nese do ua kishim lené per qdo dité nga 4/5 serb rrugve pa koka nje javé me radhé hiq me teper qka mendoni ju per keté se sa do te kishte me zgjat qeshtja e tyre....por keté nuk ka njeri qe i del ballé nga ana joné dhe po mundohemi me dialog dhe paqe,Ata sulmojn qdo dit dhe do te sulmojn gjithmon hiq pa ndal sepse nuk kan frik nga askush UNMIK dhe trupat paqrujtés KFOR nuk intervenojn ndaj atyre sikur ndaj nesh,perse forcat paqrujtese nuk bejn kontrollimin e arméve ne anen veriore te mitrovices,perse serbet jané te liruar qe te qarkullojn nepermes kosoves me automjete dhe nese eshte nevoja edhe percielljen jua mundeson UNMIKU, e shqipetaret e gjoré ju duhet per nje dokument per ta rregulluar ne gjyqin e qarkut ne mitrovic veriore te presin nga nje javé termimin deri sa te lirohen makinat e UNMIKut me mrezhe qe te dalin andej lumit e nuk vjen n´shprehje qe te dalin me automjetet e tyre....!Nese nuk detyrohen serbet me dhuné nga shqipetaret per me e liruar pjesen veriore atéher sa per UNMIK dhe trupat paqrujtes te KFOR it,Ata do te qendrojn gjithmon aty sot ku qendrojn dhe do te sulmojn gjithmon.