Kryetari i PS Durres: "Me rrahu me grushta Koka"

[Albo]

Kryetari i PS-së së Durrësit akuzoi dje vëllain e kryetarit të Bashkisë së Durrësit për dhunë

Kreu i PS-së së Durrësit, Gjermeni: Më rrahu Koka

Kreu i PS-së së Durrësit: “Ai dhe Et’hem Ruka manipuluan konferencën”

LL.K

TIRANE - Kryetari i Partisë Socialiste të Durrësit, Leonidha Gjermeni deklaroi mbrëmë në një konferencë për shtyp se “është goditur nga Leonard Koka”. Leonard Koka është biznesmen i njohur në Durrës, vëllai i kryetarit aktual të Bashkisë së Durrësit, Lefter Koka. Gjermeni deklaroi në hotel “Rogner” se kishte marrë sinjale se ishin përgatitur fletët për emrat e delegatëve që do të hiqeshin nga lista ose do të qëndronin në listë për në Kongresin e PS-së. “Duke qenë se unë deklarova se nuk do të lejoheshin që të përsëriteshin manipulimet, që në orën 12.10 mora dy mesazhe ku më thuhet se “duhet të japësh dorëheqjen ose do ta hash”. Duke dalë në media për të denoncuar këtë tentativë dhe duke bërë përgjegjës edhe të deleguarin e kryesisë së PS-së, Et’hem Ruka, dimensioni i lajmit u rrit dhe pas debateve që u bënë në podiumin e konferencës me të deleguarin Ruka, në të dalë të hollit të teatrit “Aleksandër Moisiu” ku po bëhej edhe konferenca, ndeshem përballë me Leonard Kokën, i cili më godet me grusht në pjesën e majtë të faqes”, - tha dje Gjermeni. Kryetari i socialistëve të Durrësit e kishte denoncuar ngjarjen në fjalë ndërkohë që ia kishte lënë në dorë forcave të policisë për të identifikuar edhe dy numrat e celularit nga ku i kishin ardhur, sipas tij, kërcënimet për dorëheqje. Ai nuk bëri të ditur gjithashtu edhe emrat e delegatëve që do të hiqeshin nga lista. Gjermeni deklaroi gjithashtu se në mbledhjen e fundit të kryesisë së PS-së ai nuk është zgjedhur kandidat për kryetar të këshillit të qarkut për shkak të “kërcënimeve” që kanë marrë njerëzit e ashtuquajtur mbështetës të ish-zv/kryeministrit Ilir Meta. “Unë nuk i takoj asnjë rryme dhe nuk jam për klane brenda PS-së por në një takim kryesie që ne kemi bërë para katër ditësh jam ndjerë i fyer nga shokët e mi që kandidatura ime për kandidat për kryetar të këshillit të qarkut nuk u pranua për faktin sepse katër ose pesë nga ata që unë bisedova u shprehen qartë që unë do t’i vija në pozitë sepse “unë jam drejtor ndërmarrje, më kanë thënë se je i Metës dhe do të heqin”. Të njëjtin arsyetim paraqitën edhe personat e tjerë”, - tha ai.

Delegatët e Durrësit

Gazmir Bizhga
Genci Alizotio
Miri Hoti
Ilmi Gjeçi
Gëzim Agasi
Edmond Agolli
Ilir Tanku
Zihni Beqiri
Leonard Koka
Alqi Kadënasi
Kujtim Shahini
Roland Xhelili
Natasha Paço
Paqësor Zeneli
Agaim Maksukti
Agim Bërhami
Lili Golemi
Shpëtim Hako
Kujtim Koni
Besnik Kërtusha
Gjergji Koja
Luan Zaza
Llesh Çuni
Alfred Dhuli
Alush Xhihani
Leonidha Gjermeni
Bardhyl Agasi