Banoret e Kamzes protestojne per mungese energjie

[Brari]

Tema Shkruan:

----

"Pas bllokimit të rrugës nacionale do ta përshkallëzojmë protestën. Do të marshojmë drejt kryeqytetit"

Banorët e Kamzës bllokojnë rrugën kombëtare

Në Kamëz dritat mungojnë rreth 16 orë në ditë, ndërkohë që banorët e Institutit Bujqësor, janë privuar tërësisht nga furnizimi me energji. KESH: "Do të vazhdojë ndërprerja e dritave". Banorët: "S'kemi kontratë me KESH. Kurrë nuk na ka ardhur faturë"

Fran Pjetri, drejtori i Drejtorisë së Trajtimit të Studentëve: "Faturat e godinave të studentëve janë derdhur një për një në arkën e KESH. Për godinat e banorëve, edhe pse nuk janë të pajisura me aparat matës, nuk mbajmë asnjë përgjegjësi"

Banorët e Institutit Bujqësor të Kamzës kanë bllokuar sërish dje rrugën kombëtare Tiranë-Fushë-Krujë. Protestat lidhen me mungesën e theksuar të energjisë elektrike dhe ujit në këtë zonë. Protesta e banorëve të Kamzës, që dje shënoi ditën e dytë, zgjati 60 minuta dhe u shoqërua nga forca të shumta të policisë. Në Kamëz dritat mungojnë rreth 16 orë në ditë, ndërkohë që banorët e sistemuar në godinat e Institutit Bujqësor, janë privuar tërësisht nga furnizimi me energji.

Prej 5 ditësh, energjia elektrike në Institut mungon gjatë gjithë ditënatës, duke sjellë mungesën e ujit të pijshëm dhe duke bërë të pamundur jetesën. Drejtues të protestës paralajmërojnë se do të përshkallëzojnë protestat deri në ndryshimin e vendimit absurd të KESH. "Pas bllokimit të rrugës nacionale, banorët do të marshojnë drejt kryeqytetit, drejt selisë së KESH. Nuk kemi ç'të paguajmë kur na ka ardhur kurrë asnjë faturë", thanë banorë të Institutit.

Pak a shumë e njëjta situatë është edhe në qytezën e Kamzës, ku energjia mungon 14-16 orë në ditë. "Të gjitha familjet që kanë matës paguajnë dritat, të papaguara janë vetëm aforfetë. KESH nuk ka të drejtë ligjore të ndërpresë energjinë, kur ende nuk ka lidhur kontratë me banorët", tha Haki Mustafa, kryetar i minibashkisë së duke shtuar se banorët që ishin kundër penalizimit kolektiv të KESH, nuk pranonin të largoheshin nga protesta pa gjetur zgjidhje.

Demir Agastra, drejtor i filialit të KESH, edhe pse pranon faktin që të papaguara janë vetëm aforfetë, është i prerë në vendimin për ndërprerjen e energjisë. "Banorët e Kamzës dhe në veçanti, ata të Institutit Bujqësor të Kamzës do të kenë ndërprerje të dritave, derisa të paguajnë kilovatët që harxhojnë. Kështu është vepruar në çdo qytet të vendit. Drejtoria e Trajtimit të studentëve ka derdhur në arkën e KESH vetëm faturat e studentëve, jo të banorëve", tha Agastra.

Në Drejtorinë e Trajtimit të Studentëve që ka nën kujdes, jo vetëm godinat e studentëve, por edhe godinat ku jetojnë banorë që janë sistemuar aty pas viteve '90, thonë se nuk mbajnë asnjë përgjegjësi për ndërprerjen e energjisë: "Faturat e godinave të studentëve janë derdhur një për një në arkën e KESH. Për godinat e banorëve, edhe pse nuk janë të pajisura me aparat matës, nuk mbajmë asnjë përgjegjësi", thotë drejtori i Ndërmarrjes Studentore Nr.3, Fran Pjetri.



Instituti, jetojmë si në mesjetë

Të ardhur në Kamëz pas viteve '90 nga zonat e veriut të Shqipërisë, banorët e sistemuar në godinat e Institutit Bujqësor, jetojnë në gjendje të mjerueshme. Veç mungesës së dritave dhe ujit, shkaku i daljes së banorëve të Kamzës në protesta, është edhe papunësia. Pjesa më e madhe e banorëve të Institutit janë të papunë, aq sa e kanë të vështirë t'u sigurojnë fëmijëve bukën. "Punoj në ndërtim sa herë gjej punë. Jam vetë i pestë në familje, kam gruan të papunë dhe tre fëmijë. Blejmë miell për të bërë bukën dhe përpiqemi të mbijetojmë. Por tani që po na mungon edhe energjia, e kemi të pamundur. Fëmijët nuk kanë drita të mësojnë e të shkollohen. Është e njëjta gjë si të jetosh në mesjetë", thotë kryefamiljari i familjes Doda. Megjithë gjendjen e rëndë ekonomike, banorët thonë se do të ishin të gatshëm të paguanin energjinë që harxhojnë nëse do të lidhnin kontratë me KESH, nëse do t'u vinte një faturë në shtëpi.

----------



Me c'te drehte Bllokojne Rrugen kta njerez?

Ne ate rruge ka te drejte te kaloje cdo qytetar i Shqiperise i cili nuk ka pse te pengohet nga askush per cfar do motivi qofte..
Nje grua shtazane nga Puka ndoshta duhet te paraqitet ne maternitet te Tiranes.. nje Femij i semure duhet te paraqitet ne klinikat e Tiranes, nje zjarr fikse mund te shkoje ne ndihme te nje shpije qe digjet ne Milot etj..

Pse kta njerez kane uzurpuar godinat e Institutit Bujqesor?
Ku i gjejne kto te drejta?
Instituti eshte Shkolle e vend ku behet Shkence e katundaret skane asnji te drejte te hyjne aty e ta Shkaterrojne ate Institut i cili eshte kontribut i gjeneratave tona te shkencave te Bageti-Bujqesi-o- logjise..(lol).

Edhe hajdut (sepse te uzurposh nje objekt qe as Baba nuk ta ka len trashegimi e as Shteti sta ka dhuruar je patjeter hajdut) edhe pretendues..
Nje hajdut nuk ka te drejta ashtu si te tjeret..

"Bathorizmi" (dhunimi i prones se tjeterkujt) eshte hajdutllek dhe pike..

PD duhet te distancohet nga hajdutet e Bathoreve te krijuara mbas 1990-tes ne qytetet kryesore te Shqiperise.. e ti vihet punes per te ndrequr problemet e atyre qe i jan permbajtur rregullave e ligjeve te nje Shteti..

[lis]

Erebara i quan shqipetaret e ardhur ne Tirane nga te gjitha viset e Shqiperise si antishqipetare, lexuesit e artikujve te tij bij te bathorexhinjve, te cilet deri me dje shanin Edi Ramen [ autorin e epiteteve nga me skandalozet ne dem te po atyre te dyndurve ne rrethinat e Tiranes ] sot te cudisin dhe te lene te kuptosh se vertet keta qe vijne ne forumin shqipetar, nuk qenkan gje tjeter vetem se disa njerez prej kartoni.
E pastaj flasin ne emer te demokracise e te mireqenies, atdheut, patriotizmit e nacionalizmit.
Po kur u bene keta njerez aq shqipetare te cileve historia u ka treguar se paraardhesit e tyre nuk qene as me pak e as me shume se disa arrnaute e stratiote.

[leci]

Nuk ka rendesi nga vijen ata njerez.
Jane shqiptare si te gjithe ne...
Por jam absolutisht kunder formave te protestes qe i shkaktojne probleme qytetareve te tjere.
Une dhe prinderit e mi perhere ne qytet kemi jetuar dhe kemi te njejta probleme.
Prinderit e mij marrin 4.000 leke ne muaj perkrahje por paguajne rregullisht dritat,ujin,telefonin etj.
Nuk mund te pretendosh po nuk paguajte taksat
Situacioni eshte i veshtire per te gjithe por me sakrifica do kaloje.

[Albo]

Shqiptaret nuk protestojne se nuk duan te paguajne, protestojne se nuk kane drita. Shqiperia e mijevjecarit te trete ende nuk u siguron dot shtetasve te vet driten e ujin e pijshem, pale punen, sigurine e jetes e lirite e individit. Keto jane shenjat e nje mos-qeverisje dhe protestat jane mese te legjitimuara pasi shqiptaret nuk kane 3 muaj pa drita, kane plot 3 vjet pa drita, dimer e behar.

Ne qe jetojme ne perendim as nuk e imagjinojme se cdo te thote te shkosh ne shtepi nga puna e te mos kesh drita per te pare televizor apo per tu ulur ne kompjuter, apo uje per te bere nje dush. Pa me thoni, si do te reagonit ju sikur te mos i kishit keto dy burimet jetike te jetes?

Apo te ngopurit nuk u behet vone per urine e te varferit?!

[Fringo]

Albo, Shqiptaret kane 50 vjet pa drita, jo 3 vjet.
Pa drita ishte ne 90, pa drita ishte ne 96, pa drita eshte akoma.

[leci]

Albo ti e din pse nuk ka drita??
Sepse nuk kemi leke ta paguajme..
prodhimi i energjise elektrike ne Shqiperi mjafton vetem per 8 ore drita ne dite.
Hiq spitalet dhe komunikacionet qe e kane 24 ore te tjeret do rracionohen.
I prishem vete qendrat e prodhimit.
Tani dritat do te jene vetem per ata qe i paguajne.
Ti leme perrallat e te ngopurit dhe te varfrit
Teknikisht kemi nevoje te blejme energjine ne rrjetin europian por pa leke nuk blihet..

[Albo]

Perralla jane ato qe thone "Shqiperia ka 50 vjete pa drita" apo "ne i shkaterruam hidrocentralet" ose "Zoti na la pa shira!". I kam degjua te gjitha dhe me shume se "arsye" keto perbejne justifikime prej njerezish me komplekse faji. Shqiptaret nuk duan tia dine nese Shqiperia ka 50 vjet apo 5 dite pa drita, nuk duan tia dine nese ka uje Drini e Vjosa, duna drita, duan zgjidhje dhe jo justifikime. Eshte njesoj si te jesh duke vdekur e te vesh ne spital tek doktori, e ky te te thote nuk te ze me dore se nuk kemi ilacet e duhura.

Ata qe nuk jane ne gjendje te zgjidhin problemin, te japin doreheqjen dhe ti lene vend atyre qe kane besimin dhe projektet e duhura per ti dhene nje zgjidhje krizes. Shqiperia merr miliona dollare nga FMN dhe BB vetem per infrastrukturen qe perfshin edhe investimet per KESH, dhe sipas te gjithe analisteve, problemi nuk eshte mungesa e shirave dhe as mungesa e fondeve, por keqmenaxhimi dhe mungesa e nje projekti afatshkurter e afatgjate per ti dhene nje zgjidhje ketij problemi. Gjendja ne vend qe te permiresohet me kalimin e kohes, po perkeqesohet.

Shqiptaret kane cdo te drejte te protestojne pasi shteti duhet te punoje per llogari te tyre dhe jo per llogari te tjeterkujt.

Albo

[leci]

Kur ti paguajne dritat atehere problemet nuk do zhduken por do pakesohen...
deri ne vitet 90 problemi i vetem ishte llampadina ne tavan.
Shko shihe tani sa eshte rritur nevoja per energji.
Keto probleme nuk zgjidhen me flautin magjik.
Don kohe dhe mundime.
Protesto sa te duash....

[Albo]

leci, Shqiperia nuk ka nevoje per nje ze me shume qe analizon problemin dhe nxjerr fajtoret. Ka nevoje per nje ze me shume qe ofron zgjidhje dhe jo justifikime.

Kjo eshte pika qe une ngreh dhe nuk jam aspak dakord me menyren e te menduarit qe ti shpreh qe ben shtetasit me faj. Nuk jane shqiptaret qe punojne per qeverine, eshte qeveria qe punon per shqiptaret dhe nje qeveri qe nuk ofron zgjidhje nuk i hyn ne pune askujt.

Albo

[Hek]

Ku e keni gjetur juve qe shqiptaret nuk i paguakan dritat. pjesa me e madhe e shqiptareve i paguajne dritat rregullisht, sidomos ne qytete, se te vjen polici e te ben rezil. Puna eshte qe si ata qe paguajne, si ato qe nuk paguajne marrin energji te njejtin orar kohor. me fjale te tjera ai qe nuk paguan merr po aq rregullisht 9 ose parregullisht) energji sa ai qe megjithe rrogat e vogla paguan regullisht.
Prblemi tjeter eshte se sa paguajne bizneset: dhe cudia eshte nje pjese e mire e bizneseve te medha( atyre qe edhe konsumojne me shume si Fabrika "KuruM" apo ECF e cimentos, nuk paguajne fare rregullisht, dhe atyre nuk u mungojne asnjehere dritat, qe atyre te mos u ndrepritet pasurimi, kurse pensionistet le te ngordhin nga te ftohtet.
Ju qe flisni me sa duket harroni se sa procese jane te lidhur me korentin, jo vetem televizori e dushi, por cdo gje, cdo biznes i vogel, cdo dyqan, cdo veprimtari private nuk ben dot pa dritat. Me dhjetera biznese jane mbyllur nga mungesa e energjise.
E mos na beni krahasime me kohen e Enver Hoxhes se na beni per te vjelle.
Cfare e pengon kete qeveri qe ata familje qe nuk paguajne te gjobiten e te futen ne burg, ose te mos marrin energji, ndersa familjet e tjera te te rregullta te marrin rregullisht.
Ne Shqiperi po behen parate rrush e kumbulla qe Edvini te lyeje palltet me taksat tona, e nuk paska para per rrjetin elektrik.
Mos e mbroni kaq shume edhe deri ne kete pike qeverine se na e bete forumin e neveritshem, jeni bere te gjithe si Lej Feni,