Protestat detyrojne qeverine te uli tarifat e telefonise

[Brari]

gsh

--------

Opinion

MEMIA, NANO DHE FATURAT E DRITAVE


--------------------------------------------------------------------------------

Ilir BABARAMO


Tre vjet më parë, në faqet e kësaj gazete u botua një lajm i cuditshëm. Ishte kulmi i fushatës elektorale. Diku në Bathore a Kodër-Kamëz, Shaban Memia bëri premtimin: nëse votoni për PD-në do ju falen faturat e papaguara të dritave. Në fakt kandidati i Partisë Demokratike u tregua disi i kujdesshëm. E tha larg kamerave, në klubin e fshatit. Por premtimi absurd u botua në gazetë. Partia Demokratike reagoi përmes një deklarate duke e konsideruar një qëndrim personal të Shabanit. Historia u mbyll me kaq. Dhe fshatarët duhet ta kenë harruar në çast atë që dëgjuan. Kishin dëgjuar turli lloj premtimesh të pabesueshme nga të gjithë kandidatët. Çfarë rëndësie kishte nëse dëgjuan një gënjeshtër më shumë. Madje votuan për Meminë. Shabani është yni dhe në fushatë gënjeshtrat lejohen, duhet të kenë menduar. Tre vjet me pas është artikuluar i njëjti premtim. Nuk është bërë në klubin e ndonjë fshati por në selinë e qeverisë nga vetë kryeministri, para të gjitha kamerave. Premtimi i Nanos pritet të bëhet vendim në mbledhjen e djeshme të Këshillit të Ministrave. Nano e tha qartë, kriminalisht qartë. Të gjitha faturat e papaguara gjatë dhjetë viteve të fundit do të falen. E gjithë kjo amnisti llogaritet 13 miliardë lekë, plot 100 milionë euro. Eshtë padyshim akti më I çmendur ekonomik pas piramidave. Ka pasoja rrënuese në të gjitha aspektet. Vendimi u mor kur po krijohej bindja e ngadalshme por konsistente se dritat do paguhen ashtu si të gjitha mallrat e tjerë. Ka disa vetë që mendojnë se Nano e mori këtë vendim për arsye sociale. U falën faturat atyre njerëzve që nuk kanë mundësi të paguajnë, argumentojnë ata. Ky është një opinion tejet iluziv. Mjafton për të qëndruar pak çaste aty ku paguhen dritat për të takuar njerëzit që janë realisht në nevojë. Shumë prej tyre janë pensionistë. Kanë kursyer kafshatën e gojës, janë mbështjellë mbrëmjeve me batanije, vetëm e vetëm që të heqin mënjanë qindarkë pas qindarke shumën e energjisë që konsumojnë. I vetmi mjet për tu ardhur në ndihmë është të rriten pensionet ose shteti t'ua rimbursojë energjinë. Ka të tjerë që mendojnë se shuma prej 13 miliardë lekësh është krijuar vit pas viti dhe se ka familje që nuk kanë paguar prej një dekade dhe kjo shumë mund të konsiderohet e humbur. Nano vendosi të bëjë një amnisti me kusht që ata të fillojnë të paguajnë këtej e tutje, është argumenti i këtyre të fundit. Por kush janë këto familje që nuk kanë paguar për një kohë të gjatë. Janë pikërisht ato krijesa asociale, që kanë zaptuar pronat e të tjerëve. Që thyejnë çdo kod modern me të cilin funksionon një shoqëri që nga dritat e semaforëve deri tek tubat e ujësjellësit të qytetit që i shqyejnë mizorisht. Dhe nuk janë të varfër. Kanë të paguajnë shumë më tepër se faturat e dritave, por e konsiderojnë marrëzi të bëjnë një gjë të tillë. Eshtë sa e vështirë aq dhe e thjeshtë për ti detyruar. I pritet energjia kujt nuk paguan dhe ndiqet penalisht kush bën lidhje të paligjshme. Por shteti po dorëzohet dhe njëherë para harbutërisë. Në cdo vend të botës shteti ka fituar mbi harbutërinë vetëm me forcë. Franca nuk është bërë vetëm nga veprat e iluministëve, por dhe nga një objekt që ndodhej në qendër të Parisit. Kulla Eifel nuk ishte ngritur ende. Ishte gijotina, mjeti "edukues". Pas faljes së Nanos, ata kanë një arsye më shumë për të mos paguar. Dhe demokratët kur të vijnë në pushtet do bëjnë të njëjtën gjë, kanë të drejtë të mendojnë. Shkaku i vetem i këtij vendimi të Nanos është një dhe vetëm një. Nesër opozita del në shesh. Gjatë mitingut të kaluar nuk ishin vetëm militantët e PD. Nga numri i turmës së mitingut të nesërm varet dhe vazhdimësia apo jo e Nanos në postin e kryeministrit. Shpreson të demotivojë shumë prej pjesemarrësve potenciale në miting. Pra në thelb Nano po përdor premtimin elektoral që Shaban Memia artikuloi tre vjet më parë. Por është tjetër gjë të jesh kandidat për deputet dhe tjetër gjë kryeministër. Deri tani gjithë drejtuesit e shtetit shqiptar kanë treguar se janë të gatshëm dhe pas fijes së kashtës, por kjo e Nanos është fije që kushton 100 milionë euro.

-----------

[Brari]

edhe Enver Hoxha ja u falte korentin mos paguesve ..te llojit Jevgj..familje hajdutesh e lumpen..
Te ndershmit dhe athere paguanin rregullisht korentin ujin e qerate..e hajdutet as qe canin koke..
Ama nje fjal kunder PPSh-se fame-m-ut-madhe te thosh nje intelektual me carape te grisura e qe paguante rregullisht korent e uj e qera..aman c'vepronte sistemi dhe ja rraste nje 10 vjetsh burg me pun te papaguar ne Spac e Bulqize..
Pis milet e pis qeveri..

[elisabet]

Ka filluar ta vere doren ne zemer se i ka hyre frika te shkretit.
Sa vendime kane marre kohet e fundit more, ku kane qene me pare keta.
Sa here qe nxehen gjakrat i nxjerr Tosi vendimet nga sirtaret, ja ka marre doren mire.
Mire na e bejne kur votojme specialistet.