Protestat detyrojne qeverine te uli tarifat e telefonise

[Hek]

M'u duk me interes te diskutojme nje cike edhe per gjendjen ekonomike ne Shqiperi, prandaj kam postuar kete artikull nga gazeta "Korrieri"




Albtelekom, neser fillojne cmimet e reja
Ndermarrja e telefonise fikse do te filloje neser zbatimin e tarifave te reja per sherbimet. Rriten cmimet e bisedave lokale dhe ulen tarifat per telefonatat nderkombetare.

Ekspertet ne Ministrine e Telekomunikacionit: "Ndryshimi i cmimeve eshte ne themel te strategjise se telekomunikacionit derisa tarifat t'i ofrohen cmimeve ne tregjet rajonale"

Blerina Hoxha

Duke filluar qe neser ndermarrja e telefonise fikse, Albtelekom do te ofroje

cmime te reja per sherbimet, me tendece rritjen e tarifave per bisedat lokale dhe uljen e tyre per telefonatat nderkombetare. Lajmi behet i ditur nga burimet zyrtare te ndermarrjes se telefonise fikse, Albtelekom, sipas te cilave ndryshimet tarifore bazohen ne nje strategji per zhvillimin e telekomunikimit kabllor. Rritjen me te madhe te cmimit do ta pesojne telefonatat brenda qyteteve, tarifat e te cilave do te dyfishohen. Aktualisht Albtelekom e ofron nje minute kohe bisede brenda qytetit me 1,6 leke, ndersa duke filluar qe neser nje minute do te kushtoje 3 leke. Cmimi per kete sherbim eshte dyfishuar, ndersa verehet nje ulje modeste ne tarifat e bisedave kombetare, te cilat nga 18 leke per minute do te zbresin ne 10 leke per minute. Ndersa uljen me te madhe te cmimit do ta kene tarifat e bisedave me jashte, te cilat per zonen e pare ku perfshihen Italia dhe Grecia nga 40 leke per minute qe jane aktualisht do te zbresin ne 30 leke per minute. Ndersa per zonen e dyte ku perfhsihen SHBA, Kanadaja etj. niveli i cmimit nga 97 leke do te zbrese ne 42 leke. Ndersa nje rritje gati 300 % do te pesoje abonimi mujor, i cili eshte parashikuar te rritet ne 300 leke nga 92 qe eshte aktualisht. Ndryshimet ne tarifat e telefonise fikse pritet te krijojne nje rritje te konsiderueshme te shpenzimeve te konsumatoreve per sherbimin telefonik kabllor. Duke patur parasysh se, shumica e familjeve pagujane ne muaj megjithe kohen bisedore nje shume te barabarte me tarifen e abonimit mujor qe do te detyrohen te pagujne ne te ardhmen. Burimet nga Ministria e Transportit thane se, ndryshimi i cmimeve per sherbimet e telefonise fikse eshte i bazuar ne nje strategji per zhvillimin e telekomunikacioneve qe synon ballancimin e tarifave me vende te rajonit. Strategjia perfshin rritje graduale te tarifave per bisedat brenda vendit dhe ulje te kostos per bisedat me jashte deri sa tarifat t'i ofrohen rajonit. Qeveria po aplikon nje strategji qe ka te beje me rritjen e tarifave te sherbimeve ne ndermarrjet me pronesi publike. E njejti plan po ndiqet edhe per cmimet e energjise dhe te ujit, produkte keto mjaft sensitive per konsumatoret.

Tarifat e reja te Albtelekom (emimet mesatare lek/minut)

Bisedat lokale jane behen

1,6 3

Bisedat kombetare 18 10

Bisedat nderkombetare

(zona 1) Itali, Greqi, etj 40 30

(zona 2) SHBA, Kanada etj. 97 42

Bisedat me celulare 80 50

Pajtimi mujor 92 300

[Brari]

DEBATI PER TERIFAT

Gazeta Shqiptare (me qe Rd ka nje muaj qe eshte me pushime) shkruan:

Telekom: S'kemi shkelur ligjet për çmimet e reja


------------------------------------------------

mi.di

Drejtues të Albtelekomit iu janë kundërpërgjigjur akuzave të qytetarëve duke deklaruar se kontrata e re e Albetelekomit e cila parashikon ndryshime të tariave është e miratuar nga qeveria. "Në kontratë thuhet se të gjitha ndryshimet e tarifave dhe të shërbimeve duhet të bëhen të njohura nga mediat jo më pak se 15 ditë para aplikimit të tyre", thekson Aleksandër Miraj, këshilltar ekonomik i Albtelekomit.
Duke filluar që nga dita e djeshme, kompania shtetërore e telefonisë fikse ka ndryshuar tarifat dhe strukturën e tarifimit për të gjitha llojet e shërbimeve. Albetelekom ka ndërmarrë ndryshimin e tarifave për të afruar shërbimet e saj drejt kostos. Ndryshimet konsistojnë në një rritje të ndjeshme të çmimit të bisedave urbane si dhe një ulje për bisedat kombëtare dhe ndërkombëtare. "Çmimi i një minuti bisede përafrohen më koston. Për shërbime të veçanta që janë bisedat lokale dhe mirëmbajtja mujore, këto tarifa janë nën koston reale të tyre", theksoi Miraj. Po kështu sot drejtori i Albetelekomit do të sqarojë ndryshimin e tarifave dhe arsyet për marrjen e këtij vendimi. Ndërkohë, rritja e tarfiave nga Albetelekom është kundërshtuar dhe nga partitë opozitare. Kështu, sekretari për çështjet ekoomike në Partinë Demokratike, Edmond Spaho, ka theksuar se rritjet e tarifave të shërbimit telefonik janë të paprecedent pasi trefishohen tarifat e bisedave lokale si dhe dyfishohen ato të bisedave ndërurbane dhe të mirëmbajtjes. Sipas tij, vetëm nga kjo masë fatura e shpenzimeve telefonike mujore të çdo familjeje do të 2-3 fishohet. Ndërsa zëdhë-nësi i Partisë Demokrate të Re, Eno Bozdo u shpreh se Albtelekom po shfrytëzon pozitën e tij monopoliste për të vendosur çmimet e tij abuzive. "Vendimi i marrë nga Albtelekomi bie në kurriz të shtresës më të varfër, pensionistëve të cilët nuk janë në gjendje të përballojnë rritjen e madhe të çmimeve. Ne po shikojmë të gjitha hapësirat ligjore për ta rrëzuar vendimin e Albtelekomit si dhe do të nxisim punën në komisionet parlamentare për mosaprovimin e këtij ligji", ka theksuar Bozdo.


-------------------



O Aleksander Miraj... sigurisht per ty nuk ka vlere kjo rritje cmimesh sepse te punon Benxi e Celulari me Paret e Shtetit dhe Rrogen e ke te majme se ke kaq vjet qe nuk tu nda kolltuku nga se MOIKOMI , kunati yt e ka shok Tosin..dhe jot Moter ka ven miliona me lejet qe u jep MAFIES per Troje Ndertimi.. por Populli i mjere po vdes per buke e te pakten tek telefonat te ishit bere Humaniste..qe te ken mundesi me thirr ambulancen kur i bie infarkti.. o qerratej..e hajduta..

[BOKE]

TIRANE (2 Dhjetor) - Lëvizja qytetare "Mjaft" do të nisë ditën e mërkurë një protestë kundër vendimit të Albtelekomit për rritjen e tarifave telefonike që hyri në fuqi ditën e hënë, duke gjykuar se, "ky vendim është marrë në arbitraritet të plotë dhe pa respektuar qytetarët". "Qytetarët janë vënë përpara faktit të kryer me anë të një njoftimi të publikuar sipas të cilit mosnënshkrimi i kontratave ku përfshiheshin tarifat në fjalë, i përjashtonte ata menjëherë nga shërbimi", thuhej të martën në një njoftim për shtyp të kësaj lëvizje. Madje ajo vlerësonte se, "me këtë vendim shteti po vepron si një monopolist", duke theksuar se, "kjo masë është marrë në kushtet e një mungese të plotë transparence, duke anashkaluar edhe praktikën administrative të një miratimi me shkrim nga ana e Entit Rregullator të Telekomunikacioneve". ro/ro (BalkanWeb)

[Asteroid]

TIRANE (5 Dhjetor) - Avokati i Popullit nis hetimin ndaj Albtelekomit, në lidhje me tarifat e reja të telefonisë fikse. Zyra për Mbrojtjen e Qytetarëve (ZMQ) dorëzoi sot (e Premte) pranë Institucionit të Avokatit të Popullit, peticionin lëvizës me firmat e rreth 7 000 konsumatorëve nga 5 qytete të vendit, me anë të të cilit kërkohet revokimi i vendimit për ndryshimin e tarifave të telefonisë fikse të Albtelekom. Në një deklaratë të përbashkët për median, Avokati i Popullit, Ermir Dobjani dhe Shefi i ZMQ, Kreshnik Spahiu, bënë të ditur se "tashmë është Institucioni i Avokatit të Popullit që do të merret me këtë cështje, si autoriteti i vetëm kushtetues, i cili ka të drejtën për të marrë në mbrojtje të drejtat e konsumatorit, kur ato cënohen nga veprimet apo mosveprimet e paligjshme të administratës shtetërore". Dobjani pohoi sot do t'i niset një kërkesë me shkrim Ministrisë së Transporteve dhe Telekomunikacionit, Ministrisë së Ekonomisë, Entit Rregullator të Telekomunikacionit (ERT), drejtorit të përgjithshëm të Albtelekomit dhe shoqatës për mbrojtjen e konsumatorit, ku do të kërkohen shpjegime në lidhje me respektimin e procedurave ligjore në rastin konkret. "Ne do të hetojnë me kujdes këtë cështje dhe brenda një javë shpresojmë të arrijmë konkluzionet tona", tha Dobjani. Shefi i ZMQ, Spahiu, sqaroi se rritja e tarifave të telefonisë fikse është bërë në kundërshtim me ligjin "Për të drejtat e konsumatorit", pasi ERT, si organi që miraton rritjen e tarifave, nuk e ka dhënë aprovimin për tarifat e shpallura. Që nga data 1 Dhjetor nisën tarifat e reja telefonike, të vendosura nga Albtelekom, për telefoninë fikse. Kompania shtetërore që zotëron monopolin e telefonisë fikse në vend, njoftoi para disa kohësh rritjen e tarifave të saj deri në 40 përqind të thirrjeve urbane dhe uljen prej 10 përqind të thirrjeve ndërkombëtare.

[Lexuesja]

Kjo qeveri hajdutësh duhet të dëbohet

Kjo qeveri hajdutësh që kur erdhi në fuqi ( ashtu siç erdhi) kujdesi i parë i kreut të saj qe që t'u rritet rroga ministrave e deputetëve, me të vetmin arsyetim, se duke u rritur rrogën nuk do të vjedhin. Por nuk ngjau ashtu, sepse nuk i thonë më kot :b.... që është mësuar të pjerdhë nuk rri pa pjerdhur. Kështu ndodhi dhe me ministrat e deputetët. Ata, duke patur para shumë nëpër duar, iu shtua oreksi në vend që ti pakësohej. Hajdutët që kanë qenë në krye të qeverive socialiste, jo vetëm që ua kanë bërë rrogat me nga 6 zero nga prapa 1 apo 2-shit por u japin dhe dieta u paguajnë dhe benzinën e celularët. Kështu që këtij populli fatkeq i ka rënë në pjesë që të paguajë për hajdutët, matrapazët, kondrabandistët, përkrahës dhe avokatë krimesh për zuzarët, zagarët, kurvarët e pushtetarët, emër ky që i përmbledh tërë ata që tha më lart. Përderisa vjedhin kudo e vjedh kushdo, përse të mos vjedhë dhe Albtelekomi i telefobisë fikse. Përderisa vjedh AMC, përderisa vjedh Vodafoni dhe shteti i pushtëve (pushtetarëve) hesh sepse nga çdo vjedhje merr pjesën e tij, atëhere përse të mos vjedhë dhe Telekomi. Vjedhjen e re na e bëri të ditur këto ditë të fundit të nëntorit. Ai merr guximin dhe e bën duke shkelur hapur një kontratë që ka nënshkruar me abonentët e vet. A e dinë ata birbot e telekomit se sa para merr në muaj një buxhetor, sidomos një pensionist? A e dinë birbot e telekomit se sa para duhen për të nxjerrë muajin duke i peshuar gjërat me kandarin e farmacistit. Ç'është ku marifeti tjetër i hajdutëve të telekomit që rrit bisedat brenda përbrenda qytetit dhe "ulka" bisedat me jashtë. Jo të tërë kanë njerëz jashtë. Dhe ata që kanë nuk marrin sepse dhe kaq sa është çmimi i impulseve me jashtë ne nuk e përballojmë dot, por marrin njerëzit që janë jashtë. Shkaku përse e bënë këtë manovër Telekomi nuk do shumë mend për t'u kuptuar. Të mbledhësh shumën e parave që telekomi nuk mbledh dot nga deptuetët dhe të zgjedhurit e tjerë, shuma që janë ku e ku më të larta se sa paratë që vjel nga abonentët e vet. Përderisa deputetët dhe të tjerët që u paguan shteti paratë rrinë tërë ditën me telefon në vesh, që flasin tërë ditën me doganat për të kaluar maunet, që flasin me ortakët e tyre që flasin me kurvat që i mbajnë për dashnore. Atëhere dikush duhet të paguajë për pushtët e pushtetarë. I kemi parë në seanca plenare që dhe kur flasin kolegët e tyre të cilët duhet t'i dëgjojnë me kujdes, ata nuk i heqin celularët nga veshi, madje dhe në ËC e banjo kur lahen ata rrezik se dhe aty me "alo" shkojnë. Ky shtet që nuk tregon asnjë kujdes për shtetarët e vet, që po i varfëron çdo ditë e më shumë, që po i poshtëron me qëndrimin që mban karshi tyre në shtet ku punojnë, ky shtet duhet të zbohet si qen i zgjebosur. Por ky shtet e këta pushtetarët kanë fat se në këto 28 mijë km 2 ka një popull që nuk është si ai i Argjentinës dhe i Gjeorgjisë, që nuk ka një popull që t'i marrë përpara e t'i nxjerri jashtë nga zyrat madje dhe nga kufijtë e këtij vendi. Ato që duhet të ngrenë popullin në këmbë janë sindikatat e shoqatat. Por për fat të keq sindikatat tona pas diktaturës lindën të vdekura. Ato nuk nxjerrin as pjesëtarët e familjeve të tyre në shesh për të protestuar e jo të nxjerrin një popull të tërë. Këta pushtetarë që heshtin kur populli i tyre vidhet kur rrihet e përçmoh et heshtin. Këta duhet të zbohen nga vendi. Kjo kohë ka ardhur vetëm se duhet kurajo, këmbëngulje dhe vendosmëri për t'i çuar punët gjer në fund e të mos i lënë në mes të rrugës që çdo herë të nisim nga fillimi. Por kjo qeveri mosmirënjohëse ndaj sakrificave që bën ky popull, abuzon atëhere të gjitha mjetet janë të lejueshme që të zbohet ( pa përdorimin e armëve jo si ata në 1997). Këta duhet dëbuar, sepse janë turpi ynë, sepse janë shushunjat tona. Kanë shtatë vjet që po pinë gjakun, Shtrëngoni radhët dhe dhëmbët o popull. Tregohu burrë,si argjentinasit dhe gjeorgjianët, ke për të parë se ç'mund të bësh ti duke përdorur vetëm mjete demokratike e paqësore dhe do të shpëtosh nga të korruptuarit, nga hajdutët e kopukët. Që të zbohen ata duhet të bëhen zgjedhjet e reja. Por më parë se të bëhen zgjedhjet e reja duhen zbuar Çelibashi e Subashi. Në dashtë Nano t'i marrë në kabinetin e tij si ka bërë me Aldrin Dalipin e Igli Toskën, në dashtë t'i çojë para drejtësisë aty ku e meritojnë. O sot o kurrë. Durimit i ka ardhur fundi.

Bujar Orizaj

[Brari]

Gazeta panorama
---------------

Faqe 10 - Speciale
15Dhjetor 2003

Nën zë punonjësit e brendshëm të Albtelekomit, kanë lajmëruar familjarët të kenë kujdes kur ngrenë receptorin, sepse dyfish është fjala, por një llogaritje e thjeshtë matematike tregon se, rritja brenda 150 impulseve të para është 15 fish

Albtelekomi, mashtrim me tarifat e reja
ERT përfshihet në skandal. Ja konflikti që fillon nga ligji



Albtelekom ka mashtruar pjesën më të madhe të abonentëve të vet që nuk e kalojnë kurrë kufirin e 150 impulseve, duke mos ju thënë të vërtetën mbi rritjen, jo dyfish, por 15 fish të tyre ç’ka vjen nga ndryshimi i vlerës së impulsit dhe kohëzgjatjes, ndërkohë që ndërsa ka filluar faturimi i ri, ERT nuk ka thënë akoma fjalën e vet duke bërë që faturat e Albtelekomit të jenë momentalisht, të paligjshme.

Më 1 dhjetor, abonentët e Albtelekomit u lajmëruan se do t´i paguajnë dyfish 150 impulset e para telefonike, ç´ka do të thotë që nga 1.6 lekë, një impuls do të kushtojë 3 lekë. Vetëm kjo mjaftoi, për të irrituar abonentët familjarë që nuk mund të konsumojnë më shumë se 10 mijë lek të vjetra në muaj fatura telefoni. Por ndërkaq, nën zë punonjësit e brendshëm të Albtelekomit, kanë lajmëruar familjarët të kenë kujdes kur ngrenë receptorin, sepse dyfish është fjala, por një llogaritje e thjeshtë matematike tregon se, rritja brenda 150 impulseve të para është 15 fish. Jo vetëm kaq, por lëvizja Zyra për Mbrotjen e të Drejatve të qytetarëve bëri të njohur se Albtelekom po punon si një ndërmarrje informale, duke faturuar vlera të paligjshme për abonentët e vet që nga momenti që nuk ka marrë akoma vendimin e Entit Rregullator të Telekomunikacioneve që duket se, edhe pse kanë kaluar dy javë, nuk e gjejnë me vend t´i miratojnë tarifat e reja. Kjo bën që e gjithë veprimtaria e Albtelekomit të jetë e pambështetur në ligj dhe të rezultojë një mashtrim i vërtetë për abonentët në kohën që ajo ende, është një ndërmarrje shtetërore.

Ja pse do t´i paguajmë 15 fish telefonatat tona
Deri në fund të nëntorit, abonentët kanë paguar një impuls telefonik për 1.6 lekë të reja, me një kohëzgjatje prej 6 minutash. Pas një dhjetorit, Albtelekomi njoftoi se një impuls është bërë 3 lekë të reja pra, dyfishi. Por ndërkohë, kohëzgjatja e një impulsi është reduktuar në më pak se një minutë, çfarë do të thotë se nëse me fatuarat e vjetra, një impuls na kushtonte gjatë bisedës 0.2 lekë tani, me 3 lekë impulsi rritja është 15 herë më e madhe. Problemi në fjalë, qëndron vetëm për abonentët familjarë që nuk e kalojnë kufirin e 150 impulsit, sepse mbi 150 impulse tarifat ulen, por nga kjo përfitojnë vetëm abonentët që merren me biznes. Buxhetorët e thjeshtë janë klasa që e paguan më shtrenjtë rritjen e tarifave telefonike të Albtelekomit, ndërkohë që ky i fundit, nuk ka sqaruar abonentët për rritjen e vërtetë që ka pësuar një impuls, por i ka mashtruar duke deklaruar vetëm dyfishimin e vlerës së një impulsi.

“Çmimi i një minuti bisede përafrohen me koston. Për shërbime të veçanta që janë bisedat lokale dhe mirëmbajtja mujore, këto tarifa janë nën koston reale të tyre dhe në 1 dhjetor, një impuls telefonik nga 1.6 lekë do të bëhet 3 lekë”, - ka deklaruar Aleksandër Miraj, këshilltar ekonomik i Albtelekomit. Përpara shtypit, edhe pse ka patur mundësinë të sqarojë abonentët e Albtelekomit për të vërtetën e rritjes së tarifave, Miraj nuk e ka bërë një gjë të tillë duke i qëndruar linjës, me të cilën Albtelekomi ka justifikuar rritjen e tarifave telefonike për telefonatat urbane.

ERT në sherr kolegjiumi
ERT është institucioni që duhet të jepte fjalën e fundit për tarifat dhe vetëm, pas miratimit nga ana e saj, ato mund të aplikoheshin dhe të konsiderohen të ligjshme. Por 15 ditë pas aplikimit nga ana e Albtelekomit të tarifave të reja telefonike, ERT akoma nuk është prononcuar dhe nuk ka kthyer një përgjigje me shkrim për miratimin, ose jo të tyre. Kjo bën që tarifat të jenë të paligjshme dhe abonentët janë duke paguar fatura ligjërisht të pamiratuara nga Enti Rregullator. “Albtelekomi është dy herë gabim me klientët e vet, një herë që ka rritur tarifat, ndërkohë që ka nënshkruar kontratat me abonentët me tarifat e vjetra dhe njëherë që nuk ka marrë vendimin e ERT për këtë rritje”, ka deklaruar Kreshnik Spahiu në lidhje me këtë çështje.

“Në kontratë thuhet se të gjitha ndryshimet e tarifave dhe të shërbimeve duhet të bëhen të njohura nga mediat jo më pak se 15 ditë para aplikimit të tyre”, ka deklaruar Aleksandër Miraj, këshilltar ekonomik i Albtelekomit pa qenë në gjendje të pohojë se për këtë lajmërim ka patur dhe miratimin e ERT – së. Ndërkaq, i ndodhur përpara kësaj akuze Drejtori i Albtelekomit deklaroi se ka kërkuar leje nga ERT, por dhe ai nuk dha asnjë përgjigje, nëse kishte marrë apo jo miratimin duke e lënë evazive përgjigjen. “Albtelekomi ka njoftuar ERRT-në mbi vendimin e Këshillit Mbikqyrës për ndryshimin e çmimeve të shërbimeve që më 23 Korrik 2003, jo sikundër është cituar nga zyra për mbrojtjen e qytetarëve”, është shprehur drejtori i Albtelekomit, Apostol Noti, pa iu përgjigjur akuzës në lidhje me mosmarrjen e miratimit për të aplikuar tarifat pas 1 dhjetorit për abonentët e vet. Ndërkohë, mësohet se ERT vazhdon të jetë e përfshirë nga një sherr i madh që vjen në rradhë të parë, nga konfuzioni që ka ligji. Sipas ligjit aktual, ERT është instanca që duhet të kontrollojë, monitorojë dhe miratojë tarifat e shërbimeve të operatorit më të fuqishëm të telekomunikacionit në vend. Por, sipas të dhënave Albtelekomi nuk është më, operatori më i fuqishëm, por rezulton të jetë i treti në rradhë, pas AMC –së dhe Vodafonit. Ndërkohë, ligji ka mbetur nga qeveria i pandryshuar dhe ERT vazhdon të konsiderojë Albtekomin, si operatorin më të fuqishëm, duke ruajtur pozicionin që ka për miratimin e tarifave të shërbimit të saj, gjë që nuk ka tentuar ta bëjë asnjëherë me AMC–në. Kjo ka bërë që anëtarët e kolegjiumit të ERT-së, të ndahen në dy grupe dhe të mos bien dakort, nëse duhet apo jo, t´i miratojnë këto tarifa duke e lënë kështu, të gjithë veprimtarinë e Albtelekomit të pambështetur në ligjin mbi telekomunikacionin.



Sipas sekretarit për Çështjet Ekonomike në PD
“Rritja e tarifave telefonike mbulon koston e korrupsionit“

Sekretari për Çështjet Ekonomike në Partinë Demokratike e ka konsideruar lëvizjen e fundit të Albtelekomit, një manovër për të mbuluar koston e lartë të korrupsionit që ka përfshirë këtë ndërmarrje para privatizimit.

Por në të njëjtën kohë, Drejtori i Albtelekomit, Noti, ka deklaruar në shtyp se, rritja e tarifave është pikë së pari, një masë që ka marrë Albtelekomi për të shlyer borxhet e krijuara nga kontratat e pafavorshme, që ka lidhur paraardhësi i tij me operatorët celularë.

“Deri tani janë mbyllur borxhet e akumuluara në vite me operatorët e huaj, përveç operatorit grek OTE, me të cilin brenda Dhjetorit 2003, mendohet të bëhen balancat e trafikut hyrës-dalës dhe të arrihet në këtë mënyrë një marrëveshje. “Në rast se realizohet kjo marrëveshje, ne do të mund t’i shlyejmë edhe operatorit AMC mbi gjysmën e borxhit ekzistues, rreth 17 milionë dollarë”, tha ai.

Por ndërkaq, mësohet se Albtelekomi ka ngrirë borxhin e krijuar me dy kompanitë e tjera celulare AMC dhe Vodafon që nuk është 17 milion, siç bëri të ditur Noti për shtypin, por rreth 42 milion dollarë dhe ka filluar të shlyejë vetëm diferencat mujore që rrjedhin nga detyrimet që ka prej kontratave që ka lidhur me dy kompanitë. Kjo do të thotë se Albtelekomi e ka akoma në kurriz borxhin dhe vërteton gjithashtu, akuzat e bëra nga opozita në lidhje me rritjen e tarifave, si shprehje e mbulimit të korrupsionit që po rrënon ekonomikisht ndërmarrjen.

2003 Gazeta Panorama

-----


Rrofte kongresi partise.

[Brari]

RD
--------

Për muajin dhjetor, "gjobat" telefonike dhjetwfish mw tw larta


Faturat e Albtelekomit shokojnë qytetarët


"Pas privatizimit të Albtelekom SH.A qëndron klani i kryeministrit. Investimin për privatizimin e telefonisë fikse, klani "Nano" e ka filluar që përpara tre vjetësh, në kohën e ish-kryeministrit Meta. Klani "Nano", për gllabërimin e Albtelekom, përdori në atë kohë ish-drejtorin Dhimitraq Rafti, i cili ka firmosur kontrata nga më skandalozet në dëm të Albtelekomit, me qëllim uljen sa më shumë të çmimit të privatizimit të tij


Ngritja e tarifave të telefonisë fikse ka ardhur si pasojë e qëllimeve që ka vetë kryeministri Nano në privatizimin e telekomit. Dje, filloi edhe shpërndarja e faturave të telefonave nga Albtelekom, të cilat për muajin dhjetor duket se ishin dhjetëfishuar. Qytetarët e Tiranës kanë filluar të përballen me rritjen e çmimeve të faturave, që kanë kaluar çdo parashikim. Në rast se një qytetar deri përpara dhjetorit paguante 400 lekë të reja për një bisedë, kjo faturë tashmë për të njëjtat biseda varion nga 3000 deri në 4000 mijë lekë të reja. Nga ana e institucionit të Albtelekom, deri më tani, janë dhënë vetëm arsyetime boshe lidhur me këtë problem. Apostol Noti, drejtori aktual i këtij institucioni, i afërm i kryeministrit, është mjaftuar me përgjigjet evazive dhe është munduar ta anashkalojë këtë problem, duke dhënë arsyetime boshe. Ndërkohë që tarifat e telefonisë fikse janë rrituer së tepërmi, duke u hequr shqiptarëve nga xhepat e tyre edhe ato pak të ardhura që arrinin të kursenin nga tarifat e mëparshme. Nuk bëhet fjalë për thirrje ndërkombëtare, por për komunikimin e zakonshëm brenda qytetit, i cili në fakt duhej të ishte shumë më i lirë.


Firma e Nanos gllabëron tregun rural


Sipas burimeve brenda institucionit të Albtelekomit, mbrapa kësaj historie qëndron vetë klani i kryeministrit Nano, i cili, pas privatizimit të shumë prej sektorëve të ekonomisë, tashmë po mundohet të marrë në dorë edhe një institucion me kapital tërësisht shtetëror. Pikërisht duket se këtij synimi i ka paraprirë edhe rritja e tarifave telefonike. Pra, me qëllim shfrytëzimin e një terreni sa më të përshtatshëm, Nano e ka parë me vend që t’i rrisë tarifat e telefonisë që tani, kur Albtelekomi është tërësisht shtetëror. Madje investimin për privatizimin e telefonisë fikse, klani "Nano" e ka filluar që përpara tre vjetësh, në kohën e ish-kryeministrit Meta. Klani "Nano", për gllabërimin e Albtelekom, përdori në atë kohë ish-drejtorin Dhimitraq Rafti, i cili ka firmosur kontrata nga më skandalozet në dëm të Albtelekomit, me qëllim uljen sa më shumë të çmimit të privatizimit të tij. Mund të përmenden këtu thirrjet dalëse me shtete të ndryshme të botës në favor të operatorëve të tjerë apo dhe kontrata për investimet në zonat rurale të një kompanie, pas së cilës fshihet vetë kryeministri Nano. Kompania në fjalë, çdo ditë e më shumë, po kthehet në një kompani të dytë të telefonisë fikse, por duke përdorur investimet e telekomit. Fitimet e trafikut të thirrjeve në zonat rurale ku kjo kompani ka ndërhyrë me investime, i shkojnë vetë asaj, ndërsa trafiku i thirrjeve kryhet nga vetë Telekomi dhe ndoshta edhe me tarifa më të lira se ai. Pra, duket se dita-ditës kjo kompani po kthehet në konkuruesin më të fuqishëm të Albtelecom, megjithëse shfrytëzon investimet e këtij të fundit. Si pasojë e këtyre kontratave, në atë kohë ish-kryeministri Meta shkarkon nga drejtor të Përgjithshëm Dhimitraq Raftin, sot zëvendësministër i Transporteve.




Rritja e tarifave, 18 fish më e lartë


Me tarifat telefonike duket se është luajtur në mënyrë që fitimet pas privatizimit të jenë kolosale. Nga ana tjetër, rritja e tarifave në një kohë kur Albtelekom është krejtësisht me kapital shtetëror, nuk është e rastësishme. Sipas të njëjtave burime, ngritja e tarifave në këtë moment bëhet për të shmangur zhurmën dhe vëmendjen e opinionit publik pas privatizimit. Ndërkohë që vetë drejtori i Albtelekomit është i afërm i kryeministrit dhe përfaqësues i klanit që kërkon privatizimin e kësaj ndërmarrjeje të madhe. Në rast se një abonent, përpara dhjetorit, ka bërë një bisedë telefonike prej 9 minutash, kjo ka qenë e barabartë vetëm me 1.6 lekë, sepse aq kushtonte një impuls. Ndërsa tani ka ndodhur diçka tjetër, një impuls kushton 1 lekë dhe një bisedë telefonike 1 minutëshe kushton 3 lekë, gjithmonë për bisedat urbane. Pra, për një minutë tashmë abonentët duhet të paguajnë, aq sa paguanin për 18 minuta. Rritja, sipas specialistëve, rezulton të jetë më shumë se 18 fish, po të kemi parasysh edhe rritjen e shpejtësisë së impulseve. Pra, është një vjedhje e hapur dhe e qartë. Tarifat, si pasojë e kësaj ngritjeje të paargumentuar (përveç faktit se kryeministri kërkon të shtojë monopolet e tij në mënyrën më të babëzitur), janë më të larta se në çdo vend tjetër në Perëndim. Krahasuar vetëm me Italinë, e cila ka një standart shumë më të lartë jetese, këto tarifa shkojnë më shumë se dy fishi i tarifave të TIM Italia, e cila është dhe kompania më e madhe e telefonisë në shtetin fqinj.


Pas ardhjes së Nanos në krye të qeverisë, Albtelekom ka rezultuar me 10 milionë dollarë humbje


Por në të vërtetë, klani "Nano" ka përdorur një strategji të menduar edhe për ta paraqitur Telekomin si një kompani humbëse. Investimet më të mëdha në këtë sektor janë kryer gjatë periudhës së viteve ‘92-‘96, gjatë së cilës janë ndërruar tërësisht linjat dhe centralet pothuajse në të gjithë vendin. Investimet kapin shifrën e dhjetra milionë dollarëve. Duke qenë se për nga vetë natyra Albtelekom është një ndërmarrje që fitimin e merr pas një periudhe të caktuar kohe, vit pas viti kjo kompani filloi të rriste të ardhurat e veta. Si pasojë e këtyre investimeve, me ato tarifa që kanë qenë, telekom në vitin ‘99-2000 arriti të grumbullonte më shumë se 12 milionë dollarë të ardhura. Por kjo gjë nuk ndodhi pas ardhjes së Nanos si kryeministër. Në një tabelë përmbledhëse të indeksit të kësaj ndërmarrjeje tregohet qartë se që pas ardhjes së Nanos, Albtelekom ka pasur humbjet më të mëdha, rreth 10 milionë dollarë, dhe kjo ka ndodhur në vitin 2002, ndërkohë që edhe për vitin 2003, kjo kompani ka thelluar akoma më shumë dhe pa arsye humbjet e veta. Politikat që janë ndjekur, janë të qarta. Për të justifikuar çmimin e ulët të shitjes si dhe ngritjen paraprake të tarifave, Nano po paraqet Albtelekomin, një nga sektorët më fitimprurës së telefonisë, si një kompani me humbje, thjesht për të arritur qëllimet e tij, pra për të shtrirë monopolet e tij ngado. Por duket se makutërinë e Nanos "biznesmen", shqiptarët po e paguajnë shumë shtrenjtë.

------------

[Brari]

tema:

-----------
EDITORIALI
Rexhina Nano, Telekomi dhe akademikët

Nga Mero Baze

Rexhina Nano i është kthyer punës zyrtare në Telekom. E emëruar në një post kyç si drejtuese e Telekomit, ish zonja e Kryeministrit shqiptar, duket se është e kënaqur nga jeta e saj e re, ku shef është një nga njerëzit e afërt të Fatos Nanos. E di që shumë vetë mendojnë se ajo është e zemëruar me familjen Nano, biles dhe me Xha Thanasin që u shfaq para kamerave me "nusen e re".

Në përpjekje për të mësuar punën reale të Rexhina Nanos në Telekom, Lëvizja "Mjaft!" na kujtoi tarifat e larta të telefonit. Në përpjekje për të mësuar shkakun e rritjes së tarifave, u njoha me një letër të disa akademikëve, që e hedhin poshtë shkencërisht këtë rritje. Në përpjekje për të kuptuar argumentat e tyre shkencore, u njoha me një histori shumë më të errët se historitë familjare të Fatos Nanos, që është historia e trafikut të Telekomit në tregun ndërkombëtar dhe operimi i tij i pakontrolluar si një subjekt shtetëror. Për të mos ua bërë të pakuptueshme lexuesve skandalin, po e vizatoj thjeshtë. Telekomi ka pasur një qëndrim të ngurtë në tregun ndërkombëtar përsa u përket tarifave të thirrjeve që ai blinte dhe shiste. Ato i kontrollonte deri në këto momente një kompani greke, që ka lidhje dhe me një nga kompanitë tona celulare. Çmimi që ajo i ofron Telekomit, është tejet i lartë në raport me çmimin që kanë impulset në tregun e hapur ndërkombëtar. Trafiku i thirrjeve të Telekomit, që është një burim milionash për një kompani, jo vetëm që nuk është i kontrolluar në rrugë zyrtare, por është i faturuar shumë lart, për llogari të gjithë atyre që janë në këtë histori. Kjo po e rrënon dita ditës vlerën e Telekomit dhe po mbush dita ditës xhepa të paidentifikuar zyrtarësh, gjurmët e të cilëve të çojnë tek interesat familjare të Kryeministrit. Ky grup interesash fillon me Dhimitër Raftin që kontrollon realisht Telekomin, vazhdon me kushuririn e Fatos Nanos që është në krye të Telekomit, dhe vazhdon pastaj me kompanitë greke që i kanë lidhur këmbët Telekomit dhe Dhimitër Raftit. Rexhina Nano besoj se nuk ka gisht në këtë histori, përveç faktit shumë tronditës që ish burri i saj, i ka besuar një vend pune shumë delikat dhe të rrezikshëm. Akademikët që thonë se çmimi i Telekomit mund të jetë i ulët, e kanë nga parimi i tregut. Specialistët brenda Telekomit që thonë se aty lëviz një skandal i madh financiar, e kanë nga ajo që shikojnë me sy. Por prania e ish zonjës Nano, e cila nuk mund të jetë aty as për parim dhe as për dëshmitare, është dëshmi se nuk bëhet fjalë për interesa familjare të Fatos Nanos, por për një familje të madhe interesash që lidhet me Fatos Nanon.

------

[Albo]

Loja qëndron tek shkurtimi i kohëzgjatjes së impulseve dhe zëvendësimi i tyre me konceptin e minutës”

Ekspertët: Albtelekom mashtron me impulset

Një impuls zgjat 20 sekonda, nga 33 sekonda që zgjaste më parë

Elda Spaho

Raporti i grupit të oponencës ndaj rritjes së tarifave telefonike ka përfunduar dje në duart e drejtorit të Albtelekomit, Apostol Noti dhe atij të Entit Rregullator të Telekomunikacioneve, Alqi Biraçi. Sidoqoftë, edhe për një javë të tërë, shqiptarët nuk do të kenë mundësi të marrin vesh nëse propozimet e akademikëve do të merren ose jo parasysh. Zëdhënësi i Avokatit të Popullit deklaroi dje se nga ky institucion, (ai që propozoi ngritjen e grupeve të oponencës), nuk do të deklarohet ende asgjë, pa marrë përgjigje nga Albtelekom dhe ERT-ja. Kjo përgjigje pritet të merret brenda një jave.
***
Çuditërisht raporti i grupit të oponencës ndaj Albtelekomit mbahet shumë i fshehtë. Akademikët dhe profesorët që bëjnë pjesë aty, ndryshe nga kolegët e tyre që kundërshtuan rritjen e tarifave të energjisë elektrike, kanë qenë më të mbyllur për median dhe nuk kanë pranuar të japin me emër hollësirat që i shtyjnë të kundërshtojnë rritjen e tarifave të telefonisë fikse. Sidoqoftë, burime nga grupi i oponencës pohojnë për “Shekullin” se, tek propozimet për tarifat e reja, Albtelekom ka luajtur me mënyrën e interpretimit të impulseve. Ekspertët kanë vërejtur se brenda një minute tashmë harxhohen më shumë impulse se më parë. Albtelekomi ka vendosur që një impuls të zgjasë 20 sekonda nga 33 sekonda që zgjaste më parë dhe pikërisht këtu, sipas specialistëve, qëndron mashtrimi. Edhe pse, kur ka publikuar tarifat e reja, Albtelekom nuk e përmend fare fjalën “impuls” dhe e ka zëvendësuar njësinë matëse me minutë, ekspertët mendojnë se kjo është një lojë që do t’u kushtojë më shtrenjtë shqiptarëve.
***
Që nga 1 dhjetori, shqiptarët paguajnë 2 herë më shumë për thirrjet urbane, pra për telefonatat brenda një qyteti ose rrethi. Më parë një minutë kohë bisede kushtonte 1.6 lekë, kurse tani ajo u merr shqiptarëve 3 lekë. Vendimi ka hyrë në fuqi ende pa marrë firmën e ERT-së, firmë që u hodh pesë ditë më vonë, në 5 dhjetor. Kjo rritje prek drejtpërdrejt familjarët sepse 90% e telefonatave të tyre bëhen brenda qytetit ose rrethit. Albtelekomi, kompania që ka monopolin e telefonisë fikse në Shqipëri, ka zgjedhur të rrisë vetëm tarifat për këto lloj thirrjesh sepse familjarët përbëjnë 90% të klientelës.

Ja si do të ndryshojnë tarifat e telefonisë fikse për familjarët

Shërbimi Tarifa 2003 Tarifa pas 1 dhjetorit 2003
Bisedat urbane 1.6 lekë/minutë 3 lekë/minutë
Bisedat kombëtare 18 lekë/minutë 10 lekë/minutë
Bisedat ndërkombëtare 30 për qind më të ulëta
Bisedat me celular 80 lekë/minutë 54 lekë/minutë

Reagimi

Noti: Fatura llogaritet në bazë të minutave, jo impulseve
Drejtori i Albtelekomit, Apostol Noti, deklaroi mbrëmë për “Shekullin” se ende nuk mund të jepte një mendim për propozimet e grupit të akademikëve. “Një grup specialistësh do t’i shqyrtojë ato, dhe vetëm atëherë ne mund të japim mendimin tonë”, -tha Noti. I pyetur mbi konceptin e impulsit, Noti ka siguruar se ai nuk figuron më si njësi matëse në llogaritjen e tarifave të reja, që kanë hyrë në fuqi që në 1 dhjetor. “Ne e kemi zëvendësuar atë me konceptin e minutës dhe mbi këtë bazë kemi kryer propozuar tarifat e reja. Gjithsesi, për të qenë më të kuptueshëm me familjarët, të cilët janë mësuar të llogarisin impulset, ne kemi publikuar vlerën e tyre përkatëse. Sidoqoftë tani, llogaritja e faturës do të bazohet tek minutat e harxhuara”, -tha ai.

ZMQ: Mos përdorni për 1 muaj telefonin fiks
Protestë në Pogradec. Bëhet thirrje për rritjen e presionit ndaj Telekomit dhe KESH-it

Zyra për Mbrojtjen e Qytetarëve, gjatë një proteste zhvilluar në Pogradec u ka bërë thirrje banorëve për të mos përdorur një muaj telefonin fiks, duke filluar nga data 1 shkurt 2003, nëse Albtelekom nuk anulon vendimin për rritjen e tarifave telefonike.
Drejtori i saj, Kreshnik Spahiu, pas denoncimit që i bëri në prokurori Entit Rregullator të Energjisë tha se ZMQ inkurajon rritjen e presionit ligjor dhe qytetar përballë shurdhërisë së administratës dhe institucioneve.
Këtë të dielë, në 11 janar, ajo do të organizojë edhe një protestë civile ndaj rritjes së energjisë. “Ftohen të gjithë familjarët dhe subjektet private që në shenjë proteste të shuajnë dritat për 10 minuta në orën 18:30”,- tha Spahiu.
Sipas Spahiut, në protestën e djeshme morën pjesë përfaqësues të medias, si Andrea Stefani, Lutfi Dervishi, Ilirjan Agollietj, përfaqësues të Koalicionit Shqiptar kundër Korrupsionit (Bardhi Kadilli), lëvizjes sindikaliste, komunitetit të biznesit, pushtetit vendor dhe qytetarë të interesuar.
Zyra për Mbrojtjen e Qytetarëve të shtunën (10 janar 2004) do të zhvillojë një takim me qytetarët e Durrësit.

[Brari]

Koha jone shkruan:

----------

TELEFONAT 50 % ME PAK, KESH FAL BORXHET

Eglantina Nasi

Qeveria zgjedh rrugen e uljes se tarifave te telefonise per te zbutur hovin e protestes se neserme qytetare. Ka qene Komiteti Nderministror i Politikave Ekonomike i cili gjate mbledhjes se tij te djeshme prezantoi skemen e faljes se borxheve ndaj KESH-it dhe uljen ne mazen 50 perqind te tarifave telefonike. Nje lajm i tille nga qeveria vjen pikerisht pas zhvillimit te protestave te njepasnjeshme nga ana e qytetareve per ploetsimin e kerkesave te tyre kryesisht ekonomike.

Ja si do reduktohet borxhi ndaj KESH-it:

Konsumatoret familjare qe kane detyrime te pashlyera ndaj KESH qe nga viti 1994 do iu falen detyrimet. Kushti per kete do jete instalimi i matesit te energjise elektrike. Kjo shume arrin ne 13.1 miliard leke te reja dhe prej saj perfitojne zonat si Shkoder, Has, Tropoje, Koplik etj, zona Tirane 1.9 miliarde leke; zona Durres, Kruje Kavaje, Shijak 1.2 miliarde leke; zona Fier, Mallakaster, Patos, Vlore ne 2.3 miliarde leke etj. Nga ana tjeter, edhe debitoret shteterore do detyrohen te paguajne borxhin ndaj KESH-it si dhe institucionet buxhetore. Nderkaq, ministrat Malaj e Angjeli do sjellin per vendimmarrje per mbledhjen me te afert te qeverise, reduktimin ne 0 te tarifes doganore te gazit te lenget, si burim alternativ energjie. Qeveria urdheron edhe ndertuesit te aplikojne ne banesat e reja ngrohje me lende alternative. Keto veprime ekzekutive i kushtojne shtetit mbi 15 miliarde leke.



----------



Pra qeveria merr me te mire hajdutet..

Ju te ndershmit thote qeveria qe jeni akoma me bicikleta kineze e qe u treguat budallenj e paguat tere kohes rregullisht korentin e qe nuk i shkulet sahatet elektrike mbajeni me shnet..kurse ju hajdutet qe shpartalluat rrjetin elektrik e qe kurre nuk paguat korentin e qe jeni te tere me benza e qe keni ndertuar vila me instalime anti-ligjore liroheni nga borxhet..

Pra kush protestoi e kush fitoi ..kush por-dhi e kush murr groshin.. i thon ksaj..

Te shikojm cka do thote pretenduesja per pushtet .. PD-ja ndaj ksaj padrejtesie..