Sipas Institutit të Shëndetit Publik të Shqipërisë, bregdeti i Durrësit është më i ndoturi, në nivel të vendit. Kjo ka dalë nga analizat e bëra për një vit nga ky institut.
e premte, 18 maj 2007 14:20:53
Në këtë studim të ISHP-së, ku janë analizuar nëntë plazhet më të vizituara shqiptare, ka dalë që plazhi i Durrësit është më i ndoturi.
Prania e fekaleve në zonat e caktuara në Durrës është disa herë mbi normat e lejuara të Organizatës Botërore të Shëndetësisë.
Po ashtu, ekspertët kanë ndaluar frekuentimin në plazhin e vjetër në Vlorë, ku uji është shumë i ndotur, në Sarandë në Plazhin e Ri, ka derdhje të ujërave të zeza në det, dhe është shumë i ndotur me fekale, kurse në Shëngjin uji është i ndotur më tepër nga ndotjet urbane.
Si bregdetet më të pastra shqiptare kanë dalë të jenë a i Dhërmiut, Himarës dhe Borshit.
ISHP-ja konstaton se ndotja e ujërave të plazheve vjen si rezultat i shkarkimit të ujërave urbane në det, kushteve shume të ulëta higjieno-sanitare të plazheve, mungesës së largimit të mbeturinave, rritjes se numrit të pushuesve gjatë sezonit të plazhit, etj.
Përgjigju Duke Cituar
Postuar më parë nga Stefan07
Krijoni Kontakt