Rugova: Dardania dhe flamuri dardan

[alto_sicila]

Postuar më parë nga drenica martire
Për të vazhduar edhe pak në këtë temë, ne fillim do te shpreh gëzimin që shkrimin e mësipërm nuk ma paskanë fshi.

Në temën e hapur, më tepër për spekulim, rreth ndërrimit të fesë së Dr. Rugovës dikush na e paska sjellur një shkrim të gazetës JAVA të Migjen Kelmendit, përndryshe emrat e autorëve nuk i janë aspak të njohur opinionin shqiptar të Kosovës. Ata i paskan bërë ftesë Rugovës jo të luftojë për pavarësinë e Kosovës por për t'u kthyer kah Kur'ani. Sa të çuditshëm janë njerëzit. Një ditë do t'i përzihen Rugovës edhe në gruan e tij.

Sqarim rreth dukjes së flamurit të Dardanisë. Ïdenë për një flamur tjetër e ka dhënë Rugova. Dizajnin e ka bërë djali i tij Ukë Rugova. Sa i përket ndërrimit të emrit të Kosovës në DARDANI është më se i qëlluar.

Krahasimi i Rugovës me Thaçin...

Rugova nuk mund të krahasohet me Hashimin, e aq më pak me Ramushin që është një analfabet i llojit të veçant. Personalisht i njoh të dytë, por më mirë e njoh Ramushin, i cili për më se 10 vite ka punuar në kulma shtepish dhe rojtar dere nepër diskoteka të Zvicëres.

Edhe Hashimi edhe Ramushi i kanë duartë e përlyera dhe të lyera me gjak shqiptarësh deri në cepa të krahëve. Të dytë janë enverist të betuar dhe Kosova ka jetuar me ethe frike gjate Koshes sa ishte Qeveria e Perkohëshme e Thaçit. Me te njëjtat edhe jeton sot Dukagjini, në veçanti trekënshi: Pejë-Deçan-Klinë. Kush ka deshirë t'i provojë këto ethe të tmerrit e ka leht. Mund ta zgjedh cilin lokal publik ne Peje apo Deçan dhe t'i flet dy-tre fjalë kunder Ramushit për tu përballur me dhunën fizike nga argatet e tij.

Viktimat e fundit të klaneve mafioze të Ramush Haradinit janë tre policët e Njësitit hetimor të SHPK-së të cilët ishin edhe ushtarë të UÇK-së në Koshare. Derisa Sebahate Tolaj është varrosur para disa dite, sot në Isniq, varroset edhe Jusuf Haklaj.

Edhe pse sutuata është relaksuar pak, Drenica ka qenë e mbështjellur me të njejtin ankth nga i cili ende nuk ka dalur. Këto klane mafioze janë të Hashimit, i cili është betuar para varrit të "xhaxhit" Enver që rrugën e tij do ta vazhdoj. Personalisht si qytetar i Kosovës nuk do të deshiroja të jetoj nën diktaturën e Ramushit apo të Hashimit.

Kush është Ali Ahmeti?

Pasi ra fjala, do t'i them dy tre fjalë edhe për liderin e shqiptarëve të Iliridës, Ali Ahmetin. Ky Aliu jo vetëm që është enverist po aq i regjur sikur këta dy musketieret enverist të Kosovës që i ceka, por është edhe i sëmur mental. Dëshmi për këtë kanë dhënë gazetat zvicërane para 6 muaj dite, ndërsa para një muaji gazeta lokale e Luzernit ka bërë publike kërkesën e vajzës së tij, që "Zvicëra t'ia marrë të drejtën e kthimit babait të saj, nëse do t'ia shpëtojë familjen, sepse ky na qenka i sëmur psiqik".

I tash të gjitha këto që të mbështes mendimin e Brarit se vëllezërit tanë me origjinë nga Shqipëria, në veçanti këta të Diasporës, kanë tepër pak njohuri për realitetin e Kosovës dhe atë të Iliridës.

A janë Hashimi dhe Ramushi më muslimanë se Rugova?

Ku keni parë dhe kur keni dëgjuar që Hashimi apo Ramushi kanë shkuar në xhami, a i ka parë dikush me Kur'an në dorë? A është e mundur të jeshë stalinisto enverist dhe të jeshë musliman apo kristian? Nëse Rugova ndërron fenë nga musliman në kristian është e keqja më e vogël nëse krahasojmë me Thaçin, Ramushin, Ali Ahmetin që janë krejt ateistë. Rugova iu kthyeka, po them kushtimisht, "rrënjëve" po Ramushi dhe Thaçi kujt? Enveristët mbrojnë me këmbëngulje se prejardhja e tyre është nga majmuni!

Unë nuk dua ta kem për babë një majmun, qoftë ai edhe i racës më të mirë!

Në panin global...

Kush më tregon cili vend islamik na ndihmoi të çlirohemi nga serbi? Pse, përveç 5 vendeve të Quintit, edhe Bullgaria ka hapur përfaqësinë e vetë diplomatike në Kosovë, por jo edhe Turqia, Egjipti, Arabia Saudite etj...

Për fund

Fundi i fundit ashtu siç na u ka dashur një Kosovë pa policë serbë, tash na duhet një Dardani e pavaruar e cila do t'i ketë kifit e hapur me Shqipërinë dhe Iliridën sikur Shtetet e Bashkuara te USA-s, Republikat e Gjermanisë, Departamentet e Francës, Kantonet e Zvicëres et ...

Kur ta realizoj këtë Rugova, sa për mua në mes ditë mund të shkojë në xhami, në mrëmje në kishë etj...

Rroftshin SHBSH - The United States of Albania!

PREJ SE HYJ NE FORUM KURRE SHKRIM ME PALIDHJE DHE ME TE MARREZISHEM NUK KAM LEXUAR...MOS JE FJETUR KAH SHKRUAN SE ENDE ASKUSH NUK E GJETI VRASESIN E POLICES.NESE KE FAKTE SHKO TE UNMIKU E MOS NA ÇAJ KOKEN ME DOKRRA.

[Besniku]

Po pse be njerzi i frigoheni fese aq shume? Une nuk kam gajle se çfare feje Rugova praktikon ne shtepi te vete por ai si lider te nje vendi me popullsi shumice muslimane duhet ta respektoje fejen dhe popullsine e vete. Kur shkijet e Ilirides hyne mbrenda ne xhami te na urrojne ramazanin ky tjetri po frigohet se ndoshta po e quajne terrorist apo ku ta di une? Hajde bre vllazni mos me shitni mend ketu.

[Brari]

Hall sikila shkruen:

"Deri sa mos te deshmohet se kush i ka vrare ata te ndjere,nuk e akuzoj aske,e jo si ti dhe ca te mjere si ti ketu qe Çdo turp mundohen ta lidhin me heronjte e luftes.TURP TE QOFTE!"


Hall Sicile.. lexo shtypin se ka dal e verteta per shum vrasje por ajo qe mungon asht Institucioni qe i arreston Vrasesit.
Turpi asht mbi vrasesit oj Hall e pashpirt dhe mbi ty e shok te tu qe i strehoni Kriminelet e i ndihmoni me ik ne Perendim me pasosha fallc.

Kush jan heronj te luftes oj hall katile?

Sali Veseli qe gjat luftes vec ka vra Shqiptar e mbas luftes u ba gjeneral TMK-je e tan diten e kalonte neper bordello tu lujt bixhoz e tuj pagu Ningjat me vra Drinin, Heroin e Luftes, e pastaj me shku ne bordello POJATAn e me ba orgji harem me shoket e tij Jakup Krasniq e kompani me festu vrasjen e luftarit e komandant Drinit?

Apo asht Hero Daut Haradini me Toger idrizin qe masakrojne 4 luftar shqiptar e rrahin e torturojne dhjetra tjere e i hedhin ne gropa e i fshehin e pastaj japin urdher me vra luftarin Ilir Selimaj me fmi e bab e gra se ish deshmitar i masakres?

Apo Hashimi i cili ne telefon i Thot Ministrit te Mbrotjes Ahmet Krasniqit kam me te vra si Shkaun...dhe popullin e len ne dor te Shkaut e shkon ne Rogner te Tiranes e organizon vrasjen e Kolonelit?

Kto i di krejt Kosova oj Hall pa zemer por me ndoj liber te Enverit ne gji..??

Kto nuk i deshmova une por njerez qe kan qene luftar e kan qen present ne kto Krime..

Si mundesh i thu vetes Shqiptare e i mbron vrasesit e urren atdheun tend?

Ai qe do atdheun i do njerzit e Atdheut..e kta njerez qe vriten i do populli..
Shko shiko varrimin e Sabaetes..e thirri mendjes se ti zemer nuk ke..
Ne france je vu ne sherbim te Shikut me zbulu armiqte e Xhavit Halitit ...



Bravo..te koft..

[Redi]

Shume gjera te cuditshme kemi lexuar dhe vazhdojme te lexojme.
Shqiptaret vazhdojme te mos i largohen dogmave dhe propagandes boshe dhe shpesh here kane mbetur viktima te saj.

Le te analizojme situaten.
Kosova ka 3 alternativa:

1- Te qendroje nen Serbi, me statusin e krahines autonome ose jo.

2- Te bashkohet me Shqiperine.

3- Te shpallet e Pavarur si shtet me vete me insitucionet e saja.


1-Alternativa e pare sot duket ajo me pak e mundshme pasi veshtire se mund te gjesh ndonje shqiptar qe mund ta doje dhe mund te punoje e luftoje per ate ceshtje. Sidomos pas luftes dhe vete komuniteti nderkombetar eshte ndergjegjesuar se Kosova nuk ka asgje te perbashket me Serbine dhe asnjehere rajoni Juglindor i Europes do te gjeje paqe ne rast se arrihet kjo alternative.

2Alternativa e Dyte gjithashtu nuk eshte shume e mundshme ne kete situate. Ka shume interesa gjeopolitike ne rajon dhe Kontinent qe do te bejne c'eshte e mundur per te mos e lejuar ate gje.

Nen kete pike; Cilat jane rruget me te mundshme per kete Bashkim?

a)Diplomacia dhe Faktori Nderkombetar.
Me cfare di, asnje vend Ballkanik apo Europian deshiron Bashkimin e Shqiperise me Kosoven dhe ne shumicen e rasteve ata jane shprehur totalisht kundra. Pa mbeshtetjen e Komunitetit Nderkombetar eshte e pamundur qe te arrihet nje Bashkim i Tille.

b) Lufta e Armatosur.
Dhe kjo eshte nje alternative tjeter por qe nuk besoj se eshte shume e frytshme duke patur parasysh te kaluaren tone te afert dhe te larget.
Qe te behet nje Lufte e Armatosur per te arritur Bahkimin Kombetar duhet qe ajo te perqafohet nga te gjithe shqiptaret e te gjitha krahinave pa dallime idesh politike, besime fetare apo ndaresi krahinore.
Por e kaluara i ka bere shume shqiptare teper skeptik ne lidhje me kete fakt pasi shume luftra me vone jane kthyer ne larje hesapesh midis krereve dhe jane tradhtuar interesat madhore.

Gjate Luftes se Dyte Boterore shqiptaret nuk ngurruan ti kthenin armet kundra njeri-tjetrit. Gjithashtu gjate dhe pas luftes se Kosoves, sic po shohim, vrasjet politike po vazhdojne. Kjo ben ate qe qe frika per instrumentalizim te luftes nga individe te vecante te largojne pjesen me te madhe te shqiptareve nga perqafimi i asaj aleternative.

Pra, nga cdo ane qe ta kapesh, Bashkimi i Shqiperise me Kosoven tani per tani nuk duket ne Horizont.

3- Alternativa e trete, Shpallja e Kosoves si Shtet i Pavarur dhe Sovran:

Per mendimin tim kjo eshte alternativa me e mundshme dhe me frytdhenese.

Kosova duhet te shpallet si Shtet i Pavarur i njohur nga Komuniteti Nderkombetar dhe OKB-ja.
Presidenti Rugova po punon ne kete drejtim dhe perparime te shumta jane bere ne kete drejtim megjithese mbetet akoma shume per te bere.

Qe Kosova te Shpallet Shtet i Pavarur duhet te plotesohen disa kushte dhe me e rendesishmja prej tyre eshte Ndertimi dhe Funksionimin i Institucioneve Shteterore si; Presidenca, Parlamenti, Qeveria, Gjykata, Policia etj.

Vrasjet politike qe ndodhin ne Kosove e demtojne jashtezakonisht shume kete gje. Shqiptaret e Kosoves duhet te mbeshtesin ne menyre civile dhe demokratike institucionet e tyre dhe te ndihmojne ne konsolidimin e tyre.

Simbolet e Kosoves.

Shume shqiptare jane hedhur perpjete nga fakti qe Presidenti Rugova doli publikisht me Flamurin e Ri te Kosoves dhe asnje nuk permendi faktin e emrit Dardania.

Pse? Indoktrinimi shqiptar dhe pseudopatriotizmi nuk ka kufij.

Qe Kosova te Shpallet shtet i Pavarur duhet medoemos te kete nje Flamur qe nuk e ka asnje shtet tjeter i Botes. Po te dalesh me flamurin e Republikes se Shqiperise dmth qe nuk po kerkon Pavaresi te Kosoves, por Bashkim te Menjehershem me Shqiperine dhe kete gje nuk mund ta arrijme tani per tani sado te bertasim e ulerasim.

Flamuri i Republikes se Shqiperise nuk ka pamjen e dikurshme dhe gjate kohrave ka ndryshuar shume. Nuk kemi pse e marrim per kapital qe o duhet ai flamur o nuk behet ndryshe.

Me i rendesishem per mendimin tim eshte Emri i Kosoves. Ne rast se arrin te marre emrin Dardania, kjo do te jete nje fitore teper e madhe. Nacionalizmi i ka rrenjet tek e kaluara e Lavdishme dhe cdo Komb te kete Bote aty eshte nisur per te ndertuar te ardhmen.

Emri Dardania eshte shume me i hershem se emri Shqiperi dhe ne rast se Kosova do te arrije te kete ate emer, do te shuhen shume nga kontradiktat qe kane te bejne me prejardhjen e Shqiptareve.

Me emrin Dardani, vuloset nje here e pergjithmone prejardhja Ilire e Shqiptareve dhe menjanohen pretendimet sllave per djepin e qyteterimit serb.

Ne rast se ne te ardhmen do te kemi nje shtet te pavarur me emrin Dardani, atehere do te jene dy shtete me kombesi Shqiptare ne Ballkan te cilat me vone do te vendosin per fatin e tyre.

Ky akt i Presidentit Rugova eshte per tu pershendetur dhe jo per tu sulmuar. Do te ishte ideale sikur dhe Republika e Shqiperise te quhet Republika e Ilirise por qe vete shqiptaret as qe e cojne nepermend kete gje.

Rievokimi i vlerave dhe simboleve tona antike do te na coje perpara si Komb. Shqiptaret nuk linden pas largimit te Turqise, por shume shekuj me pare te cilet armiqte e kombit tone na i mohojne me paturpesi.
Na mbetet ne si detyre qe te rievokojme te kaluaren. Emertimi i Kosoves me emrin Dardani eshte hapi i pare i nje rruge te gjate.

[StterollA]

Flamuri i ri i Dardanisë

[Llapi]

Pra ky eshte Himni i propozuar nga rugova qe e kendon nganjiher kur te dehet mier ne sallonin e tij luksoz.


KUR KA RA KUSHTRIMI N'KOSOVË

Kur ka ra kushtrimi n'Kosovë
Kur ka ra ushtrimi n’Kosovë

Janë bashku'qytete, katunde
Dhe bjeshkët me malësorë
Janë bashku'qytete, katunde
Dhe bjeshkët me malësorë

Mirë luftojkan Pejë e Gjakovë
Mirë luftojkan Pejë e Gjakovë

Mirë luftoi Prizreni, Prishtina e Llapi me Rugovë
Mirë luftoi Prizreni, Drenica e Llapi me Rugovë

Ç’na u mbush kjo tokë me dëshmorë
Ç’na u mbush kjo tokë me dëshmorë

Të na rrnojë e jona Kosovë, të na rrnojë o përgjithmonë
Të na rrnojë e jona Kosovë, të na rrnojë o përgjithmonë

[drini_në_TR]

Është e trishtueshme t'i shikosh shqiptarët sesi kacafyten me njëri-tjetrin, se kush e kush të jetë i pari. Por hej, a bëhet gjë të jemi të gjithë të parët dmth të pamvarur?

Shqiptarë! Thirrini mëndjes se po nuk ishëm individualisht të pavarur, si rrjedhoj s'do të kemi një shtet të pavarur. Liria e një kuminiteti fillon së pari tek liria brënda shtëpivë tona.

Dy vllezër s'janë kurrë identikë por kanë një gjak, një familje, dhe një prejardhje. Dhe që këta dy vlezër që të jetonë bashkë duhet të kenë sicili nga një emër dhe nga një fytyrë të veçantë. Dhe që këta të rriten shëndosh e mirë duhet ta njohin njëri-tjetrin, t'ia njohin emrin, fytyrën dhe gjërat që i bëjnë të veçantë në mynyrë që ata ta duan njëri-tjetrin!

Dy shtete si Republika e Shqipërisë dhe Republika e Dardanisë mund të kenë simbolet e tyre shtetërore dhe udhëheqëse, por gjyku i qytetarëve të tyre është i të njëjtit komb!

Albo e ka thënë mëse drejt më sipër, dhe e ka shpjeguar më së miri PSE DARDANIA DUHET TË KETË FLAMURIN E VETË!

Shteti s'do të thotë KOMB! Hiqeni nga mëndja këtë ilizjon.
KOMB do të thotë njërëz të një gjaku, të një gjuhe, të një zakoni, etj etj. Dhe pra, flamurat shtetërore shqiptarë s'na heqin neve kombësinë, por na falin lirinë dhe pavarësinë që ne kërkojmë!

NËSE KËRKOJMË LIRI DHE PAMVARSI, NË RRADHË TË PARË DUHET T'I NDEROJMË INSTITUCIONET TONA PREJ TË CILAVE SHKON RRUGA E VETME DREJTË PAMVARËSISË!

ÇDO SHQIPTARË DUHET TË KUPTOJ SE ËSHTË E DËMSHME NDJENJA E TË QËNIT "I PARI" DHE KACAFYTJA MES NJËRI-TJETRIT. PA ELEMINUAR KËTË VES MES NESH S'DO TA SHOFIM KURRË PAMVARËSINË, JO MË TË FLASIM PËR FLAMURE...

Mos harroni lashtësinë helene, një prej degëve të lashta të kombit shqiptarë:

"Ato kurrë nuk patën një shtet të vetëm. Lidhja e tyre u fuqizua në saj të lidhjes së besës mes qytet-shteteve helene. Fakti që ata e kuptuan se është bashkpunimi që pavarëson njeriun, e bëri Ligën e qytet-shteteve të tyre në një lidhje të fuqishme."

Helenët ishin pellazgë sikur shqiptarët kanë prejardhje pellazge. Duhet ta kuptojmë se bashkimi jonë kombëtarë vjen kur ne të bashkupunojmë sa më drejtë me njëri-tjetrin, dhe kur ta mposhtim mos pajtimin dhe ndjenjën e "të parit" ndaj njëri-tjetrit.

I pavarur do të thotë i mirë-organizuar, i vetë-drejtuar, dhe i institucionalizuar me një shtet të lirë! Do ta kuptoni një ditë se rruga e bashkimit tonë kombëtarë shkon më parë prej çlirimit të marrëzive tonë të të qënit "I pari" dhe "i vetmi" dhe më pas tek bashkpunimi!

Shqipëria do të fuqizohet kur Dardania të jetë e pavarur nga çdo tjetër shtet në Ballkan e në botë. Me të fituar ajo pavarësinë, bashkpunimi i RSH-së me RD-në do ta ringjalli kombin tonë, dhe do ta çojë në një hap tjetër vëtëdijen tonë kombëtare.

SHQIPTARË MËSONI SI TË BASHKPUNONI, DUKE FILLUAR QË NGA BISEDA NË KËTË TEMË, E DUKE VAZHDUAR GJERI TEK THEMELIMET DHE MBËSHTETJET E INSTUCIONEVE QË KEMI. ËSHTË E VETMJA RRUGË PËR ATJE KU TË GJITHË DUAM TË SHKOJMË!

Po sjell edhe simbolin ose flamurin që kishte Skënderbeu 6 shekuj më parë. Mos i harroni fjalët e tij "Bashkimi bën Fuqinë"

[Tahir_Veliu]

Nuk do te quditesha sikurse ky diktatori Rugova ti detyroj nxenesit te kendojn:
Të na rrojë Rugova, të na rrojë o përgjithmonë !

[drini_në_TR]

Tahir, jo ata nxënësit mësuan në shkolla të perëndimit, ku institucionet ngrihen me votat e lira të qytetarëve, dhe ku qytetarët respektojnë institucionet e tyre sepse ato i garantojne atyre lirinë dhe pavarësinë.

51 flamuj i ka Amerika Tahir, po më thuaj ti kush tjetër komb në botë është më i fuqishëm se SHBA-ja?

Po lerë fare, ç'e do këtë muhabet se shumë shqiptarë harrojnë se ishte prap Amerika që i ka nja 51 flamuj, ajo që e shtyu NATOn t'i çliroj shqiptarët e Dardanisë...

Po e di ti se çfarë mësuan këta nxënës në shkollat e një kombi me 50 shtete e me 51 flamuj?

"Të na rrojë kombi, të na rrojë o përgjithmonë!"

[Llapi]

RUGOVA SFIDON FENË E SHUMICËS DHE FLAMURIN E GJITHË SHQIPTARËVE



Feja e shumicës dërrmuese të shqiptarëve, Islami, është sfiduar rëndë e papushim nga shumë anë. Edhe flamuri i shqiptarëve është sulmuar nga shumë armiq dhe madje deri nga njerëz brenda gjirit të shqiptarëve. Por sfida të tilla bëhen më të rënda kur vijnë nga prijatarë politikë e pushtetarë të lartë që këto ofiqe i mbajnë në emër të shqiptarëve dhe në saje të mbështetjes së shqiptarëve. Këto sfida kthehen gati në mallkim kombëtar kur vijnë deri nga persona me pozitën e kryetarit të shtetit, sikurse është për fat të keq rasti i tanishëm i sfidave të bëra nga vet presidenti i Kosovës.

Më 28 nëntor 2003 mbetëm si të shtangur kur lexuam në “Gazeta Shqiptare” një intervistë të Rugovës nën titullin “Ju tregoj flamurin e ri të Kosovës”. Shtangia nuk vinte nga një lajm i papritur, por nga një manovër e përsëritur me kokëfortësi nga Presidenti i Kosovës. Edhe në të kaluarën Ibrahim Rugova është treguar shumë këmbëngulës për të imponuar projektin e tij për një flamur të veçantë shtetëror për Kosovën që të ndryshojë nga ai që njihet si flamuri kombëtar i gjithë shqiptarëve, meqenëse ky është dhe flamuri shtetëror i Shqipërisë. Në fakt flamujt janë shtetërorë dhe kur për rrethana të caktuara shqiptarët e kanë pranuar flamurin më shumë nën emrin e simbolit kombëtar kjo e bën më të detyrueshëm ruajtjen se ndryshimin e tij.

Për këtë temë është polemizuar shumë në të kaluarën. Janë dhënë më shumë se sa duheshin argumente për të kundërshtuar projektet e Rugovës për të pasur më parë flamurin shtetëror se shtetin e njohur si subjekt të të drejtës ndërkombëtare ose, sikurse është thënë në mënyrë figurative, për të gjetur më parë “pajimet se kalin”. Janë kundërshtuar mjaftueshëm e arsyeshëm teorizimet e Rugovës se po bënte flamurin më parë pasi kështu do ta tërhiqte më lehtë diplomacinë ndërkombëtare në rrugën e njohjes së pavarësisë së Kosovës, se shmangte pengesën që mund të dilte kur Kosova të pranohej në OKB etj. Pas shumë kundërshtimesh Rugova sikur e pat lënë në harresë projektin e flamurit që e nxorri përsëri tani. Edhe një herë vërtetohet se Rugova di të heshtë për planet e synimet e tij kur të tjerët nuk i kapërdijnë kollaj, por nuk di të heqë dorë edhe kur nuk gjen mbështetje.

Për këtë problem është e kotë të bëhet polemikë e stërzgjatur dhe e përsëritur. Rugova duket i vendosur t’i shkojë deri në fund këmbënguljes së tij fanatike për t’i bërë shqiptarët me shumë flamuj. Megjithëse kjo nismë do të sjellë pështjellimin e vet në rrugën e zgjidhjes përfundimtare të

çështjes kombëtare shqiptare le të bëhet dhe kjo provë e principatëzimit të trojeve etnike shqiptare që jo vetëm Rugova e ka qejf. Presidenti i Kosovës në mesazhin që u ka dërguar shqiptarëve për “Ditën e Flamurit të vitit 1912” e pohon se kjo “është dita më e ndritshme në historinë moderne të kombit shqiptar”. Por duket këtë e bën për të qenë në rregull me historinë e së shkuarës dhe nostalgjikët e sotëm, si dhe për ta paraqitur idenë e principatëzmit brendashqiptar si në përputhje me këtë histori.

Në intervistën e dhënë gazetës italiane “Korriere dela Sera” Rugova përveç “dhuratës” me flamurin e Dardanisë u ka bërë shqiptarëve dhe “surprizën” e pranimit në publik se praktikisht është konvertuar nga ateist me prejardhje myslimane në katolik, ose sikurse e shpall propaganda prozelite ndër shqiptarë në “fenë e të parëve”. Edhe për këtë tjetërsim fetar të tij shenjat kanë qenë dukshëm paralajmëruese me kohë, sidomos në faktin që mbante në zyrë fotografinë e Papës. Por, tashmë është Rugova që kur pyetet nga gazetari italian “kur do të pagëzoheni” përgjigjet : “Të shohim, tani për tani synimi im është mbi të gjitha politik” . Në këtë kontekst një shpjegim i tillë më shumë kuptohet si përkujdesje për të mos bërë pagëzimin formal për arsye politike, por konvertimi është tashmë punë e mbaruar. Zoti ia pranoftë dëshirën e tij, sepse tani ndërrimi i fesë nuk shihet më si herezi, por si e drejtë e njeriut.

Megjithatë kur lexon shkrimin e titulluar “President ktheu nga Kurani”, shkruar nga dy gazetarë të “Java” në Prishtinë dhe të ribotuar më 29 nëntor 2003 nga “Korrieri” në Tiranë të kap njëfarë trishtimi nga faktet e dëshmitë sesa shumë Rugova i paska cënuar në ndjenjat e tyre besimtarët myslimanë në Kosovë gjatë gjithë viteve të presidentllëkut të tij, kur nuk i ka bërë bashkësisë islame shqiptare atje as nderimet protokollare që i takojnë si kryetar i shtetit, i zgjedhur në saje të votuesve që gjithsesi janë në shumicën dërrmuese të besimit islam. Nuk mund të sjellë mbarësi për shqiptarët kryetari i tyre i shtetit ende i panjohur zyrtarisht nga bota të cilit shtetasit e vet i drejtohen me qortime “Nuk o kanë keq që Presidenti jonë me kthye najherë kah Kibla” dhe kur për më tepër theksohet se ky president për myslimanët shqiptarë në Kosovë përdorka termin pezhorativ “Musla”.

Të sfidosh kështu fenë e shumicës së shtetasve të shtetit ku quhesh president dhe “Flamurin Kombëtar”, simbolin e gjithë shqiptarëve, është punë që nuk mund të bëhet pa shkaktuar zhgënjim e dëshpërim.



30 Nëntor 2003 Abdi Baleta

[drini_në_TR]

Republikës së Shqipërisë dhe Republikës së Dardanisë i nevojiten dy flamuj të ndryshëm shtetërorë krahas atij kombëtar

Një veprim shumë i rëndësishëm për t'u bërë sipas mendimit tim që do ti vlej çuarjes në pavarësi të Dardanisë është zgjidhja e çështjes së flamur(eve) shtetërore të të dyja trojeve: Republikës së Shqipërisë dhe Republikës së Dardanisë.

Bashkatdhetarë, është koha të kuptojmë se liria e vërtetë vjen vetëm në saj të ndërtimit të institucioneve tona, dhe të respektimit të brishtësisë së tyre. Vetëm kur ne të jemi të mirë-organizuar do të fitojmë lirinë, pavarësinë dhe mirëqënien që kërkojmë.

Mendoj se është me tëpër rëndësi vendosja e pamjes së Flamurit të Dardanisë. Mos harroni, OKB-ja do ta njoh Dardaninë si shtet të pavarur vetëm kur të ketë simbolet e saj të veçanta shtetërore. Nuk ka rrugë tjetër për Pavarësi!

Gjithashtu siç e fillova në paragrafin e parë të këtij shkrimi, që Pavarsia e Dardanisë të bëhet realitet duhet që të dy presidentat e republikave shqiptare të mblidhen e të vendosin rreth dy flamujëve shtetërorë.

Sipas mendimit tim, flamuri i tanishëm që ka RSH-ja, i cili shihen edhe si flamuri jonë kombëtar, duhet të ngeli si flamuri jonë kombëtarë, ndërsa dy republikat të vendosin rreth dy flamujve të tyre zyrtarë, të cilët medoemos duhet të jenë të ndryshëm.

Duke patur edhe Republika e Shqipërisë një flamur zyrtarë të ndryshëm nga ai kombëtarë, qënia e një flamuri zyrtarë në Republikën e Dardanisë do të ishte diçka formale ose zyrtare. Shqiptarët e të dy anëve të kufijve nuk do ta shikonin flamurin dardan si një cungim apo përçarje të çështjes sonë kombëtare, sepse krahas tij do të mund të mbanin flamurin e tyre kombëtarë, i cili është i njëjtë për të gjithë shqiptarët.

Pra kjo lëvizje, pikë së pari me ndryshimin e flamurit shtetëror dhe zyrtar të Republikës së Shqipërisë, do t'i lejonte edhe Republikës së Dardanisë të kishte flamurin e saj shtetëror dhe zyrtar. Askush nuk do ta vinte në mëdyshje se flamuri kombëtar i joni është vetëm një, por çdo shteti i nevojitet nga një flamur i veçant për t'u identifikuar.

Rruga e pavarsisë së Dardanisë shkon vetëm drejt krijimit të shtetit të saj. Atë ditë që OKB-ja ta njoh Dardaninë si shtet të veçant dhe të pavarur, në atë ditë të mund të kërkojmë edhe bashkimin e RSH-së me RD-në. Por që Dardania të shkoj gjeri në atë ditë, duhet që më parë të ngrej insititucionet e saj, dhe kjo do të thotë edhe simbolet e tyre.

Pra sot është shumë e rëndësishme që dy presidentët shqiptarë të mblidhen së bashku e të diskutojnë rreth dy flamujve shtetërorë. Nëse Mojsiut dhe Rugovas i intereson zgjidhja e çështjes sonë kombëtare, duke nënkuptuar edhe pavarësinë e sa më shpejtë të Dardanisë, atëherë si një qytetarë i thjeshtë unë i bëj thirrje që ata të takohen e të vendosin dy flamuj të ndryshëm shtetërorë, dhe duke lënë si të përbashkët atë kombëtarë.

Kjo thirrje është për një hap të sigurt drejtë pavarësisë së Dardanisë dhe që më pas do të mundësoj edhe bashkimin e saj me Shqipërinë.

Drini Nosi
4 Dhjetor, 2003

[Tahir_Veliu]

Cfare rendesije ka flamuri drejte paveresise?! Leni pallavrat por shikojeni realitetin se UNMIK-u nuk deshiron qe Kosova te jete e pavarur sepse atyre do ju nderprehet rroga e tyre e majme dhe restorantet e Kosoves (ky i fundit i thene edhe nga Kryeministri i Kosoves).

Ju pershendes dhe RROFTE SHQIPERIA E BASHKUAR!

[drini_në_TR]

Tahir nëse shteteve që e mbajnë me fonde UMNIK-un i intereson qëndresa e personelit të tyre në Kosovë, atëherë ata do të jenë të punësuar në UMNIK. Por ama s'është personeli i UMNIK-ut që vendos nëse i jepet pavarësia Dardanisë apo jo. Shtetet që derdhin fondet në Dardani nuk u intereson qëndresa e personelit të tyre aty, ndaj që ata të hikin shqiptarët e Dardanisë duhet të jenë gati të qeverisin vetë.

NËSE TI NUK DO QË TË KETË QEVERI TË DARDANISË ATËHERË TI DO QË PAVARËSIA DHE BASHKIMI I SAJ ME SHQIPËRINË MOS TË NDODH KURRË!

Institucioni që i jap Pavarësinë Dardanisë është OKB-ja dhe shtetet perëndimore. Ato do ta njohin pavarësinë e saj vetëm pasi të jenë ngritur institucionet e saj. Shko mëso më shumë rreth tyre dhe do kuptosh se cilat janë "pallavrat." e vërtetë në këtë diskutim.

[Tahir_Veliu]

Postuar më parë nga drini_në_L.A.
NËSE TI NUK DO QË TË KETË QEVERI TË DARDANISË ATËHERË TI DO QË PAVARËSIA DHE BASHKIMI I SAJ ME SHQIPËRINË MOS TË NDODH KURRË!

Nuk eshte qe nuk e dua qeverine, perkundrazi une e mbeshtes ate por nuk pajtohem me "pallavrat" e Rugoviqit per flamur.

Qeveria e Kosoves eshte e domosdoshme por kurrsesi flamuri i shpallur nga Rugova. Nuk na duhet flamuri i Rugoves si flamur shtetror por nje qe populli e deshiron. Kanada nuk ka pasur flamur por jane bere shume propozime dhe pastaj eshte bere nje referendum ku vete populli e ka zgjedhur flamirin i cili me se miri do ta perfaqesonte shtetin e tyre, pra e njejta gje duhet te ndodh edhe ne Kosove ne qofte se eshte e nevojshme.

Ka mbaruar koha kur Nano na tregon kryeqytetin e Rugova flamurin!

Flamuri i paraqitur nga Rugova mundet te jete nje opcjon ne referendum dhe kaq.

[pahajgare]

tung

Kur politikuali nuk ka aftesi adekuate te mirret me problemet akute te vendit ,ne te cilen momentalisht gjendemi, atehere shkurtepamesit trillojne diq ne menyre qe te edhe me tutje te ngel ne politike,se perndryshe fjalori -aftesia e tij e cuket eshte shterrur . Del burri i botes me frasa te cilat as ai vet nuk i kupton mire (se ia kane pregaditur te tjeret).E tash se fundi as GURET e tij nuk po mund t´i nxjerr nga xhepat .
kjo teme nuk meriton ti kushtohet ma shume kohe !!!!!