Rugova: Dardania dhe flamuri dardan

[Agron-2]

Muhabet tipik shqiptar!
Pavarësia s'është ende askund e ne kacafytemi për dizajne flamujsh.

Siq thu ti Shqiptari zgjedh ngjyren e mureve pa ja nis themelit të shtëpis.
Po kta te mjeret qe ju djeg se ket flamur që e ka propozu Rugova, qfar kan? Ky apo një tjeter Gjdo flamur që ka shqiponjën me fush të kuqe është i pranushëm dhe simbolizon shqiptarët.
Prandaj ta ndertojm njëher shtetin dhe pastaj do shofim për simbolin se aj mund edhe të ndërrohet pasi të ndërtohet shteti.

[Llapi]

Flamuri Kombetar:


lecka e rugov-dinar-toptanit
me tri ngjyra si i serbis:


shifne flamurin e serbis se si i ka tri ngjyra si lecka e rugo-dinar-toptanit qe po don ta ndrroi me Flamurin Kombetar:

[altiX]

Eshte nje ide e mire !!!

Keshtu edhe dardanet(kosovaret) e shqiperise si puna e Sal Berishes ti klasifikojme si minoritet dhe t ju japim te drejtat e tyre.

Mos ndoshta ndodhë e kundërta!

[Llapi]

MEMORANDUM - SIMBOLET E KOSOVËS NË PËRPUTHJE ME SIMBOLIN E HEROIT TONË KOMBËTAR - Shkruan: Prof. As. Gëzim Boçari






DREJTUAR: PRESIDENTIT TË REPUBLIKËS SË KOSOVËS
KRYEMINISTRIT TË REPUBLIKËS SË KOSOVËS
KRYETARIT TË KUVENDIT TË KOSOVËS
POLITIKANËVE, INSTITUCIONEVE SHKENCORE,
PERSONALITETEVE SHKENCORE TË TË GJITHA TREVAVE SHQIPTARE DHE DIASPORËS SHQIPTARE

MEMORANDUM

PËR PROBLEMIN E SIMBOLIT TË KOSOVËS
NË PËRPUTHJE ME SIMBOLIN E HEROIT TONË KOMBËTAR

Të nderuar zotëri bashkatdhetarë,
Ne jemi krenar për historinë tonë mijëravjeçare, dhe me besim tek e ardhmja, duke shpresuar që pavarësia e Kosovës të shpallet me datën 28 Nëntor, ju lutemi të kushtoni vemendjen e duhur për problemin e formës grafike të simbolit, duke analizuar sa vijon:
Po ndjekim me vëmendje të veçantë zhvillimet në Kosovë dhe jemi të preokupuar për çështjen e Flamurit, çështje me rëndësi historike dhe kombëtare që mendojmë se në Shqipëri nuk ka gjetur zgjidhjen e duhur.
Mendime të shumta janë shprehur, se si duhet të jetë dhe a duhet ndryshuar Flamuri. Këto mendime vlejnë sot për pyetjen se si duhet të jetë flamuri i Kosovës. Këtë problem kaq të rëndësishëm politikanët nuk mund ta zgjidhin pa pyetur për dokumentet historike dhe pa i hapur më parë rrugën diskutimit shkencor se cili ishte dhe si ishte flamuri i vërtetë i Skënderbeut.
Shprehja “Flamuri i shqiptarve është i kuq me një shqiponjë të zezë dykrenore në mes” do të saktësohet nëse shprehemi:”Flamuri ynë është flamuri i kuq i Skënderbeut, me shqiponjën e zeze dykrenore në mes” ose: “Flamuri ynë është flamuri i Skënderbeut”, me pak fjalë duhet të jetë në mënyrë eksplicite emri i Skënderbeut.
Tradicionalisht jemi betuar për Flamurin e Skënderbeut dhe ky saktësim ka vlerë historike, kombëtare, dhe plotëson dëshirat shpirtërore të shqiptarëve anekënd botës; plotëson dëshirat e brezave të shkuar, të brezit të sotëm dhe të brezave të ardhëshëm sepse Ai, Skënderbeu është emri simbol më i lartë që na bashkon, emri dhe simboli që mbart dhe kryqëzon traditën, lavdinë dhe historinë tonë dhjetra shekullore. Duke shtuar fjalën ‘Skënderbeut’, këtë emër simbol saktësohet në mënyrë të qartë elementin historik kombëtar, kombi dhe jo një korent i përkohshëm. Me saktësimin ‘Skënderbeut’ me këtë fjalë të vetme “gdhendet” një shprehje e drejtpërdrejtë dhe e pakundershtushme që mbron identitetin kombëtar. Kështu dokumentohet në mënyrë të saktë pa ekuivoke, thjesht shkencërisht e vërteta historike tanimë krejt e pamohueshme. Kjo ide është pasqyruar në gazetat "Rilindja" e Kosovës dt. 26.9.92; RD dt.19.9.92 dhe 23.10.91, Liria dt.30.10.92; Kombi dt 11.11.92; Republika dt. 15.11.92 dhe dt. 25.11.92 Drita dt.24.5. 92
Po ashtu sygjerojmëme plot të drejtë dhe përpikëri, sipas realitetit objektiv, që në Vulën shtetërore të përcaktohet, përkrenarja e Skënderbeut në paraqitjen ballore të saj.
Ndjejmë detyrim të rikujtojmë për këdo që është i interesuar se lidhur me çështjen e simbolit kombëtar pikëmbështetja duhet të jetë e vërteta historike e bazuar në dokumente duke filluar nga koha e gurit deri në ditët e sotme dhe jo vendimet e bazuara në pasione, në rryma politike apo politikanë kalimtarë që nuk e dinë historinë e Flamurit dhe atë të vendit të tyre siç ndodhi në vitin 1992 ( me Kuvendin e Shqipërisë). Parimi heraldik është se simboli i Heroit Kombëtar bëhet flamur kombëtar. Problemin e Flamurit, Partia Demokratike e Shqipërisë e ngriti si problem në vitin 1991 dhe me shumë të drejtë kërkoi që në flamurin kombëtar të jetë shqiponja e Skënderbeut, por pas një viti, kur kjo parti përbënte shumicën parlamentare nën presionin e të majtës, çuditërisht e “harroi” se çfarë kishte kërkuar. Siç dihet, ky problem është trajtuar në Kuvendi e Shqipërisë në Nëntor 1992 ku për arsye subjektive, nga një person i vetëm, që disinformoi faktet e shkencës së historisë, duke pohuar në Kuvend sikur …”në vulën zyrtare të Skënderbeut emri i tij na qenka shkruar gabim” (!!) etj, etj, për rrjedhojë Kuvendi në vend të origjinalit la në përdorim formën grafike të shqiponjës të përdorur në vitet 1960 – 1970. Populli ynë ndonëse dokumentohet se ka flamurin më të lashtë në Europë, sot po përfaqësohet me flamurin më të ri në Europë e në botë, duke mohuar traditën dhe historinë tonë.
Shqipëria po prezantohet sot me një simbol të viteve 1960-70, sikur të ishte kombi më i ri në botë. Ky ishte një nga rezultat negative të imponimit të politikës ndaj të vërtetave shkencore që duhet korigjuar dhe është koha që e vërteta të rilindet dhe të vendoset në Kuvendin e Kosovës.

SI DUHET TË JETË SHKENCËRISHT FLAMURI SHQIPTAR
Faik Konica dëshmon mbi bazë dokumentesh se flamuri shqiptar është nga më të vjetrit në botë. Po ashtu Fan Noli vërteton se flamuri shqiptar është më i lashti në Evropë. Sot mjerisht Shqipëria ka flamurin më të ri në botë. A nuk është ky një paradoks ?
Qeveria e Vlorës në 1912 me Ismail Qemalin dhe Luigj Gurakuqin, pas ngritjes së flamurit me shqiponjën e qëndisur nga Marigo Pozio, iu drejtua zyrtarisht albanologut më të shquar në Evropë, asohere profesorit Lajosh Taloci. Në përgjigjen e tij në dhjetor 1913, ky dijetar me emër botëror, mbi baza shkencore, propozon përdorimin e simbolit të vulës shtetërore të Gjergj Kastriotit Skënderbeut. Meqë asimoti vula e Gjergj Kastriot Skënderbeut nuk njihej, Lajosh Taloci këshilloi të përdoret provizorisht stema e Kastriotëve, të cilën Donika Kastrioti në 1500 e pat vendosur mbi varrin e nipit të Gjergj Kastriot Skënderbeut, Kostandin Gjon Kastrioti, i varrosur në kishën “Santa Maria la Nuova” të Napolit. Kjo stemë ishte botuar në vitin 1904 nga arbëreshi Zef Skiroi. Në mungesë të simbolit të vulës së Gjergj Kastriotit, qeveria shqiptare, me në krye Fan Nolin dhe Luigj Gurakuqin, në vitin 1924 e mënjanuan simbolin e vitit 1912, si pa baza shkencore, duke e zëvëndësuar me simbolin e përafërt të përdorur nga Donika Kastrioti në vitin 1500 dhe të botuar nga Zef Skiroi më 1904. Këtë simbol e përdor sot ushtria shqiptare dhe kjo është një gjë e mirë. Nga ana grafike kjo shqiponjë është shumë e ngjashme me atë të vulës zyrtare të Gjergj Kastriotit, që është zbuluar në Pragë në vitin 1961 në dokumentet e profesorit të shquar Pavel Josef Shafarikut. Derisa sot njihet vula autentike e Gjergj Kastriotit, duhet pranuar teza e profesor Lajosh Taloci se simboli autentik është simboli i vulës. Kjo tezë është pranuar nga një vargan shkencëtarësh të mirënjohur me në krye profesorin e famshëm Franc Babinger. Kjo tezë është mbështetur dhe argumentuar gjerësisht në fletoren “Rilindja” të botuar në Zvicër në 26 tetor 1992 nga studiuesi i mirënjohur i historisë dhe i lashtësisë Prof. Dhimitri Pilika.
Është i mirënjohur parimi se simboli i Heroit kombëtar bëhet flamuri kombëtar. Përsa më sipër, duhet që me bindje të pranojmë se vendosja në flamur e simbolit të Skënderbeut ka bazë shkencore shpreh të vërtetën autentike, pasi përjetëson lashtësinë historike të popullit tonë. Duke vendosur njëherë e përgjithmonë këtë simbol autentik të heroit tonë kombëtar, Gjergj Kastriot Skënderbeut, të stilizuar për flamur dhe jo kopjen e zmadhuar të vulës, do të mënjanohet njëherë e mirë gabimi i kryer për shkak të mosnjohjes së shkencës historike. Duke zyrtarizuar simbolin e Gjergj Kastriot Skëndrebeut me miratim të Parlamentit, përsa i përket flamurit, populli shqiptar i Kosovës –Dardania-, do të zërë në Europë vendin që i takon, ashtu siç e kanë ëndërruar Faik Konica dhe Fan Noli.
Simboli kombëtar është pika ku kryqëzohet historia dhe lavdia e popullit, është emëruesi i përbashkët që bashkon të gjithë shqiptarët dhe i bën ata të ndjehen dhe më krenarë për kombin dhe historinë e tyre mijëravjeçare.
Politikanët nuk duhet të lejojnë që vendi, i cili dokumentohet se është me flamurin më të lashtë në Europë, sot, të përfaqësohet me flamurin më të ri në Evropë, duke mohuar traditën dhe historinë tonë shumëshekullore, duke u bërë dhe gazi i botës. Nga ky absurditet dhe turp shpëtojmë njëherë e përgjithmonë duke zyrtarizuar amanetin e Skënderbeut.
Në parim të gjithë shqiptarët e pranojnë njëzëri heroin Kombëtar Gjergj Kastriot Skënderbeun dhe padyshim edhe simbolin e tij, por për futjen e këtij problemi në rrugën e zgjidhjes praktike sygjerojmë:
Me propozim të Institucioneve drejtuese të Kosovës, Presidentit dhe Kryeministrit dhe me mbështetje të studiuesve që e njohin fushën, Kuvendi të miratojë një komision me specialistë të fushës së historisë dhe heraldikës nga të gjitha trevat shqiptare si dhe albanologë të njohur me detyrë: saktësimi i formës grafike të shqiponjës autentike të Skënderbeut.
Ju saktësojmë se vakumi dokumentatar për këtë problem që egzistonte në vitin 1912, është plotësuar me zbulimin e vulës zyrtare të Skënderbeut në 1962. Në fakt kjo fushë është saktësuar nga puna kërkimore e historianit Tefik Geci, e paraqitur në 1967, me rastin e 500 vjetorit të vdekjes së Skënderbeut. Vlerë të madhe kanë botimet e studiuesit të heraldikës Jaho Brahaj, të heraldistit dhe piktorit Gjin Varfi dhe veçanërisht botimi i librit “Pellazgët origjina jonë e mohuar” i Prof. Dr.Dhimitri Pilikës. Pas saktësimit të formës grafike të jetë faza e zgjidhjes artistike ose e stilizimit të formës me disa variante nga heraldistët dhe piktorët. Një variant i stilizuar i shqiponjës së Skenderbeut, por shumë më e vjetër, është shqiponja e gdhendur në gur e zbuluar në tempullin e Katafiqit. Tre gjethet e Lisit të gdhendura në kraharrin e shqiponjës, janë një simbol tjetër domethënës dhe shumë i lashtë pellazgo-arbëror, që duhet marrë në konsideratë, si një variant për diskutim.


Vula zyrtare dhe vula sekrete e Skënderbeut (zbuluar në vitin 1961) dhe shqiponja e lashtë me gjethet e lisit e zbuluar në tempullin e Katafiqit.

Shqiponjë e përdorur në vitin 1500
Në fazën e tretë i takon Kuvendit të Kosovës të vendosi për variantin përfundimtar më të pëlqyer prej deputetëve, se cili do të jetë Flamuri i Kosovës, por që faktikisht është dhe Flamuri ynë Kombëtar.
Të bindur se shprehim të drejtën dhe të vërtetën historike si dhe aspiratat e të gjithë shqiptarëve patriotë kudo ku ata jetojnë, shpresojmë se do të gjejmë mirkuptimin e të gjithë shqiptarëve dhe institucioneve vendim marrëse të Kosovës që kjo çështje të jetë zgjidhur drejtësisht para datës 28 Nëntor 2006.

Për “Qendrën për Mbrojtjen e Vlerave Etnokulturore Arbërore”

Prof. As. Gëzim Boçari

Tiranë, me 20 Tetor 2006

e-mail bocarigezim@yahoo.com

[Lunesta]

Po pse car simbolesh te tjera do kishim ne? Vetem Gj.Kastriotin kena hero dhe ate do perdorim.

[_MALSORI_]

Mire qe ka shkruar per simbolet e Kosoves se si duhet te jene por ky profesor i nderuar nuk na jep asnje propozim se si duhet te jene simbolet e Shqiperise.Kur ai vete e pranon se kjo pjese e territorit te Shqiperise Etnike dikur quhej Dardani pse nuk na sugjeron qe te perdoren simbolet e Dardanise antike.Nuk besoj se Dardania antike te mos kete pasur simbole te veta
Shume konfuz eshte profesori i nderuar ose LLapi per qellime te caktuara nuk na jep ndoshta shkrimin e plote por vetem ato qe i kane interesuar atij

[master2006]

Kosova ka tashme simbolet e veta

[faiksmajli]

Kush te ka thene ore i uruar? Cilat simbole i ka tash Kosova....mos po mendon ato te Rahmetlise. Kosova nuk eshte prone private e askujt . Simbolet i nxjerr Shteti e jo personi.

[Arb]

Kush te ka thene ore i uruar? Cilat simbole i ka tash Kosova....mos po mendon ato te Rahmetlise. Kosova nuk eshte prone private e askujt . Simbolet i nxjerr Shteti e jo personi.

Ai i Madhi, perfaqesonte Institucionin numer nje ne Kosove, prandaj edhe Flamuri dhe Hymni shteteror ekzistojne, pasi jane pranuar nga vete populli.

Ate flamur e has kudo, ne shtepi, zyra, celulare, e kudo tjeter.

Edhe hymnin tashme qytetaret e Kosoves e kane ne MP3-te, e ne celularet e tyre...

[faiksmajli]

Arb, kjo qe thua ti eshte genjeshter.Populli nuk i ka pranuar keto simbole edhe nese te kujtohet populli i ka pas kalle e rrezuar pertoke keta flamuje te Rahmetlise.
Asnje institucion i Kosoves nuk eshte marre deri me sot me simbolet e Kosoves.Simbolet nuk miratohen neper kafene e zyra private sic bente ai "i madhi"
Asnje plebishit apo forme tjeter e berjes se simboleve nuk eshte mbajtur deri me sot.Po pritet seshpejti te vendoset per keto pune. Do te kete disa propozime e pastaj do te vendoset njera prej tyre.
A kuptove tash?

PS: Keto simbole qe thua ti .jane vetem te LDK-se, e LDk-ja nuk eshte i gjithe populli bile cdo dite e me shume po shkon duke u zvogeluar numri i anetareve te ldk--se.

[Zëu_s]

Pse nuk po i sillni ju ketu propozimet e juaja per symbolet e shtetit te Kosoves, e ndoshta i shikojne keta politikanet tane qe "ndegjojne" popullin qe perfaqsojne dhe "marrin" parasysh çdo idee te popullit te tyre "te dashur" pa bere vendime vetiake me kokefortesi politiko-egoiste.

Sillni propozimet ketu ose hapni nje teme te re extra per propozime te symboleve te shtetit te Kosove, e leni keta pallavra LDK, PDK, AAK e ku ta di une, se populli duhet te vendose se çfar symboli ose flamuri don ai, i cili flamur duhet pa tjeter te ket vetem ngjyrat KUQ e ZI dhe Shqiponjen dykrenare Shqiptare, por siç e dime te gjith duhet te kete dallim nga flamuri i Shqiperise.

(qe te mos keqkuptohemi neve na duhen symbole per shtetin e Kosoves se symbolet e Kombit Shqiptar i kemi dhe s'ka bire nene qe i ndryshon)

[ARIANI_TB]

Besoj qe per sombolet te shtetit te Kosoves, duhet qe te gjithe qeveritaret dhe te gjitha partite relevante qe jane ne Kosove, te jene te njejtit pajtim per simbolet e ardhshme te Kosoves, te kene konzezuz te perbashket, se simbolet dhe hymni nuk jane prone private te ndonje individi apo partie, por ato jane prone shteterore.

[Llapi]

Simbolet e Kosovës





Mehmet Kraja



Nuk duhet të jesh specialist i heraldikës, që të vëresh se stema aktuale e Republikës së Shqipërisë, e përcaktuar me Kushtetutën e fundit, përmban dy gabime elementare: së pari, përkrenarja e Skënderbeut nuk është dashur të vendoset brenda shqytit, mbi kokën e shqiponjës; dhe, së dyti, shqyti nuk duhej të përkufizohej me fileto ari, sepse kjo nuk ka asnjë kuptim, madje grafikisht qëndron shumë keq. Megjithatë, kjo është stema aktuale e Shqipërisë dhe ndryshimi i saj eventual, kërkon ndryshimin e Kushtetutës, që domethënë se është një punë shumë e komplikuar dhe me mundësi të pakta që të bëhet në një të ardhme të afërt.

E sollëm këtë shembull për të treguar se nxjerrja e simboleve të një shteti është një punë shumë serioze, e cila, përveç angazhimit të faktorit politik, kërkon durim dhe pak më shumë dije, si dhe një ambient të përshtatshëm kulturor, në të cilin diskutimi për këtë çështje apriori nuk përjashton askënd. Në shtete të ndryshme, diskutimi për simbolet zhvillohet për një kohë të gjatë, madje nuk përfundon as pas marrjes së vendimit. Kjo nuk ka të bëjë vetëm me anën politike të problemit, por edhe me një mori çështjesh të tjera, ku përzihet edhe tradita, edhe bashkëkohësia; pastaj mesazhi që dëshiron të japë një komunitet shtetëror; pastaj origjinaliteti dhe veçantia. Pra, me simbolet shtetërore nuk përfaqësohet vetëm politika, megjithëqë ajo i përdor dhe i keqpërdor ato më së shumti. Përfaqësohet edhe dija, shkalla e njohjes së problematikës, por, mbi të gjitha, përfaqësohen institucionet e shtetit dhe mënyra e funksionimit të tyre, mendësia autoritare ose demokratike, mentaliteti konservator tradicional, ose i avancuar dhe bashkëkohor. Veçmas e rëndësishme paraqitet mënyra si ligjërohen simbolet shtetërore, sepse simbolika e tyre nuk është vetëm çështje “shenjash”, por ka një kuptim më të gjerë dhe përçon mesazhe gjithëpërfshirëse.

Veçmas e komplikuar paraqitet kjo çështje në rrethanat e Kosovës. Kosova për herë të parë në histori bëhet shtet, që domethënë se ajo nuk ka një traditë që duhet ndjekur. Lidhja që ndonjëherë i bëhet asaj me Dardaninë antike historikisht është mjaft e mjegullt dhe përfshin brenda një vazhdimësi të këputur për një kohë tepër të gjatë. Flamujt dhe stemat nuk janë traditë antike, janë mesjetare. Pra, në këtë pikë Kosova paraqitet pa traditë të veten. Një tjetër problem konsiston në diferencimin që duhet të bëjë Kosova ndërmjet simboleve kombëtare dhe atyre shtetërore. Nëse deri diku është arritur njëfarë pajtimi parimor se Kosova duhet të ketë simbolet e veta shtetërore, ende nuk është ndërtuar konsensusi rreth shkallës së diferencimit të tyre nga simbolet kombëtare, veçmas kur bëhet fjalë për flamurin. Por akoma më keq qëndron puna me konsensusin politik, sepse në Kosovë tashmë janë përvijuar qartë tre blloqe kundërshtues me njëri-tjetrin: njëri, që kërkon të fuqizohen me ligj improvizimet e Rugovës së ndjerë, i cili insistonte për vazhdimësinë e palidhur antike-mesjetare-bashkëkohore të Kosovës (sipas specialistëve të heraldikës, simbolet e tij kanë gabime jo të pakta); tjetri, që i refuzon simbolet e Rugovës, sepse i quan partiake dhe kërkon të vërë në spikamë kontributin e jashtëzakonshëm të UÇK-së, e cila ndërroi rrjedhën e historisë më të re të Kosovës (thonë se në ngjyrat e simboleve të saj, ndër të tjera, vërehet edhe një trashëgimi indirekte ideologjike); dhe, i treti, që i refuzon të dy zgjidhjet e para dhe është i lidhur në mënyrë emocionale me simbolet tona kombëtare, duke mos pranuar të bëjë diferencimin artificial ndërmjet simboleve kombëtare dhe atyre shtetërore. Në këtë pikë, në punën e këtij diferencimi, Kosovës i paraqitet një vështirësi plotësuese, sepse ne e kemi shumë zor të gjejmë një rast analog, i cili do të mund të na shërbente si shembull ose model. Shtete të reja janë formuar deri vonë dhe vazhdojnë të formohen akoma, por ato kryesisht janë shtete kombëtare, ose e konsiderojnë veten të tillë, kështu që, në rastet e tyre, simbolet kombëtare janë bërë vetvetishëm simbole shtetërore; ose simbolet shtetërore janë pranuar edhe si simbole kombëtare. Rasti ynë përmban në vete një dualizëm të paharmonizuar dhe jo tipik, sepse shteti i ardhshëm i Kosovës as do të jetë vazhdimësi e ndonjë tradite të mëhershme, as entitet i mëvetësishëm kombëtar. Kosova do të jetë “shtet politik”, në kuptimin specifik të kësaj fjale dhe qytetarët e saj tashmë e kanë pranuar këtë fakt. Mbështetja në masë e këtij fakti vetvetiu ka krijuar konsensusin parimor se, Kosova do të ruajë simbolet kombëtare, por do të bëjë edhe simbolet e veta shtetërore. Mënyra dhe rruga si mund të bëhen këto simbole, nuk është e panjohur.

Mjafton që politika të mos ngatërrojë punë.

[teksaskosova]

Kotilla e Kretes,ajo e UJDIT dhe batakqinjeve te ngjashem dojne ta lejne Kosoven pa simbolet shtetrore.

Kotilla e Kretes dojne Flamurit te ja vejne yllin e rusise
Kotilla e UJDIT yllin e jugosllavise dhe
Kotilla e batakqinjeve shishen e rakise.

[lissius]

Nuk do te quditesha sikurse ky diktatori Rugova ti detyroj nxenesit te kendojn:
Të na rrojë Rugova, të na rrojë o përgjithmonë !

o tahir ik e nrroje emrin e bane shqiptar dhe masanej fol per rugoven,
rugova po munohet me te dhan krenarine qe ta ka marr lindorizma.
Rugova asht nje kanunor i vertet se pse e sheh se sa shum e ka kerrusur islamizmi shqiptarin.Pra ai e di se eshte ajo nyja kanunore qe ja ndalon shqiptarit ramjen ne gjunj sepse po rave ne gjunj je i vdekun moralisht,dhe ne baze te kesaj duhet te filozofosh ti dhe te gjithper rugoven.Eshte e veshtire ti ndihmosh dikujt qe nuk pranon ndihmen