Rugova: Dardania dhe flamuri dardan

[Llapi]

nga Hashim Thaçi

Simbolet dhe statusi (konfuzioni-qartesia)

Kosova ka identitet politiko-juridik, por jo etno-kulturor

Procesi i krijimit të kombeve dhe shteteve gjatë zhvillimit të tyre shoqëror ka specifikat e veta të veçanta historike dhe politike për shumë popuj e vende, të përcjellura shpesh me luftëra pushtuese dhe çlirimtare mes popujve, shteteve ose dhe religjioneve.

Kombi shtet dhe kombi kulturor

Shumica e vendeve evropiane, jo pa dhimbje i kanë kaluar këto zhvillime të ndërtimit-kombit-shtet, shtetit-komb,(vetëm në Angli dhe Francë arritën që shteti dhe kultura të bashkohen në një tërësi). Por, (evropianët) arritën me herët t'i zgjidhin këto probleme, sesa pjesa më e prapambetur e saj, vendet dhe popujt e Ballkanit, ku ende vazhdojnë ngatërrimet dhe kontestet etnike e territoriale.

Koncepti politik i këtij fillimi-shekulli është: jo çdo shtet duhet të përfshijë një komb, kurse filozofia e politike e shek-IX prezentonte të kundërten.
Popujt që arritën të grumbullojnë brenda kufijëve të shtetit të vet shumicën e pjestarëve të etnitetit të tyre arritën të krijojnë shtetin kombëtar dhe të imponojnë konceptin politik të kombit, ndërkaq popujt që ishin të shkapërderdhur në shumë shtete, zgjodhën rrugën tjetër: identitetin kombëtar e barazuan me prejardhjen etnike, kulturore e jo politike dhe shtetërore.
Në formacionin e parë, atë të kombit politik dhanë kontributin e vet francezët, gjermanët, amerikanët, etj, ndërkaq në grupin e dytë u pozicionuan gjermanët, italianët, por sipas interesit kombëtar edhe shqiptarët etj. Po të pranonin shqiptarët jashtë kufijëve të shtetit (Shqipërisë) të zbatonin konceptin e kombit politik, atëherë do t'i hapnin rrugën asimilimit brenda shteteve ku forcërisht u futën.

Sot, në këtë proces të komplikuar është duke kaluar edhe kombi shqiptar.

Identiteti kombëtar gjithmonë e ka forcuar identitetin politik tek shqiptarët (në Shqipëri). Ky proces vazhdon të zhvillohet edhe në Kosovë, në Maqedoni, në Luginën e Preshevës dhe në Mal të Zi. Politika shqiptare mëton t' i ndërrojë identitetet politike të shtetetve ku ata jetojnë. Me Marrëveshjen e Ohrit, Maqedonia nuk është më shtet eskluziv i maqedonasve, por është shtet politik edhe i shqiptarëve dhe etnive të tjera.

Joidentiteti politik u ka kushtuar shqiptarëve gjatë historisë. Luftonin vazhdimisht, por nuk fitonin, ngadhënjyesit përcaktoheshin në negociata (konferenca). Ndodhnin reflektime jo të drejta nga të "mëdhenjtë" e asaj kohe, në raport me shqiptarët, por, edhe këta të fundit nuk reflektonin koncept të qartë politik. Duke respektuar hulumtimet shkencore, analizat politike dhe realitetin faktik mund të konkludojmë se një pjesë e madhe e shqiptarëve nuk janë komb shtetëror, por kulturor.

Në çfarë faze ndodhemi sot

Shqipëri: është i ndërtuar dhe konsoliduar identiteti kombëtar dhe ai politik, por, megjithë përvojën 90 vjeçare shtetformuese, në nivel të theksuar mungon identiteti modern shtetëror.

Kosovë: Duke u nisur nga rrethant tragjike, që ka kaluar (populli shqiptar në Kosovë), identiteti kombëtar është më i formësuar se në vendet tjera ku jetojnë shqiptarët. Vërehet procesi i transformimit nga kategoria popull në atë të kombit. Po krijohet identiteti politik në përputhje me ndërtimin e identitetit shtetëror, që është në procesin embrional.

Maqedoni: Është ruajtur identiteti kombëtar, vetëm si kategori etnike, kulturore, por është hapur shtegu për pasurimin e semantikës politike, nëse merret parasysh (respektohet) orientimi për ndërtimin e identitetit ko-multi-shtetëror të Maqedonisë.

Preshevë: Vazhdon ruajtja e identitetit kombëtar, por ekskluzivisht si kategori etno-kulturore. Nuk ka lëvizje kohezive dhe kohernte politike. Shqiptarët bëjnë pjesë në kuadër të identitetit shtetëror të Serbisë.

Mal i Zi: Identiteti kombëtar është në nivel më të ulët se sa në vendet tjera ku jetojnë shqiptarët (diskriminimi nga pushtetet e mëhershme ishte më i theksuar), ndërsa identiteti politik ështe i çthurur. Shqiptarët janë pjesë përbërëse e identitetit shtetëror të Malit të Zi.
Në përgjithësi shqiptarët janë në procesin e transformimit kompleks (psikologjisë së jetës shoqërore në rrethanat e reja) nga dimensioni apolitik tradicional në atë të kategorizimit perëndimor, ndonëse ende ka reflektime të fuqishme të mendësisë orientale, edhe pse në shikim të parë reflektojnë vizuelitet perëndimor.
Aktualisht ndodhemi në një realitet shumë të ndieshëm për ardhmërinë e kombit shqiptar, por, edhe të rajonit si tërësi. Si për çdo komb apo vend tjetër, po ashtu edhe për shqiptaret është krijuar një situatë e favorshme, e shoqëruar me pengesat e zakonshme .
Përkrah drejtësisë në mënyrën më parimore janë përkushtuar dhe rreshtuar veçanërisht Shtetet e Bashkuara të Amerikës dhe shtetet e Bashkësisë Evropiane për zgjidhjen e problemeve të rajonit në mënyrë të qetë, me komunikim të arsyeshëm, transparent dhe prezencë konkrete gjatë këtij zhvillimi të rëndësishëm historik.

Debati, parlamenti dhe referendumi

Në kohën e propozimeve (iniciativave) të drejta nga ndërkombëtarët për Kosovën, të cilat po përshëndeten nga vendorët, po promovohen edhe projekte jo shumë konstruktive për rrugët që duhet ndjekur kosovarët në integrimet e rëndësishme ndërkombëtare.

Vendorët (kosovarët) duhet të reflektojnë me syçelësi dhe vendosmëri në këte drejtim, jo të mbesin vetëm në rrafsh të shprehjeve të thata simbolike - patriotike ( pavarësi, pavarësi, pavarësi), siç jemi mësuar të dëgjojmë për kohë të gjatë, duke mbetur në ndjenjë vetëkënaqësie dhe izolimi.

Kohët e fundit është intensifikuar debati lidhur me identitetin kosovar. Vetë motivi i hapjes së këtij kontesti është i diskutueshëm dhe konfuz. U vërsulën "simbolistët", detalistët, ndonjë "diplomat", intelektual i "pavarur" u kapën në një temë që fillin e ka problematik. Sqarim: ky debat është i sponzorizuar, e jo i motivuar nga logjika e shëndoshë qytetare e intelektuale, prandaj që në fillim është i gjykuar të dështojë.

Të flasësh për identitetin kosovar, si një kategori etno-kulturore, jo vetëm që është një nonsens, por edhe është punë joproduktive. Prandaj, ky debat do duhej të përmbyllej me formulën e drejtë, të pa kontestueshme nga aspekti shkencor, politik dhe juridik: KOSOVA KA IDENTITET POLITIKO-JURIDIK, POR JO ETNO- KULTUROR.

Kosova rrugën e integrimeve ndërkombëtare duhet ta kalojë si identitet i pavarur juridiko-politik, me të gjitha obligimet e përgjegjësitë si subjekt juridik - shtet, dhe assesi që e ardhmja e Kosovës të rikthehet në kontrollin e Beogradit apo ndonjë krijese tjetër, e cila do t'i vështirësonte proceset demokratike në rajon.
Deklarimi i qytetarëve të Kosovës për pavarësi nuk është vetëm përcaktim në nivel liderësh, por është gjithëpopullor. Devijimi i lidershipit nga ky përcaktim i humb vetes të drejtën të prezentohet si i tillë dhe ta përfaqësojë vullnetin e qytetarëve.
Me qëllim të realizimit sa më të shpejt të projektit për pavarësinë e Kosovës, duhet ndërmarrë hapa konkretë në plotësimin e kushteve politike dhe gjeostrategjike, në bashkëpunim më ndërkombëtarët.
Politika e avazit të ikonave dhe simbolikave patriotike i ngjan më tepër file-ve të tipit shortcut-ve, që janë operime në desktopat kompjuterikë, sesa që kanë përmbajtje dhe substancë.
Kosova po krijon identitetin e vet, duke forcuar bindjen serioze të botës demokratike për përcaktimet e veta të drejta politike dhe gatishmërinë e partneritetit në proceset e integrimeve euro-atlantike.

Qytetarët e Kosovës në shtetin demokratik duhet t'i kenë simbolet e veta të veçanta shtetërore, siç i ka çdo shtet tjetër. Është punuar përmbajtësisht në këtë drejtim. Si institucione të rëndësisë së veçantë, Trupat Mbrojtëse të Kosovës, Shërbimi Policor i Kosovës, etj. kanë simbolet e pranuara nga të gjithë në Kosovë, por të njohura edhe nga bota perëndimore.

Por, për çështjen simboleve përkundër rëndësisë së madhe, nuk duhet humbur energji, të shkaktohen kriza të panevojshme politike dhe shoqërore.

Nxitimet e karakterit egoist, të shprehur me gjeste feude të bajraktarizmave si "kush i pari i'a nisi ore…", paraqesin mjerim politik të individëve që vuajnë nga këto komplekse.

Shteti krijon simbolet, e jo simbolet shtetin

Propozimi për ndërrimin e flamurit kombëtar pikërisht në ditën e flamurit (28 Nëntor), nga Simboli i Simbolikave në Kosovë, është më tepër se ngacmim tallës, i cili na sjell para një rreziku që secilit (lider), që i teket, e kur t'i teket, nëse vie në krye të vendit, t'i ndërrojë ato me projekte (dizajne) të veta familjare etj. Nesër, dikujt (ndonjë presidenti tjetër) mund të mos i pelqëj ngjyra, dikuj shqiponja...

Qytetarët e Kosovës, megjithë shumë-etnitetet që jetojnë këtu, nuk kanë kriza simbolesh të identitetit të tyre nacional. Shqiptarët në veçanti, si shumicë që përbëjnë territorin e Kosovës, kanë ruajtur, kultivuar dhe pasuruar identitetin kombëtar dhe simbolet e veta, që i ka përdorur në gëzime dhe mortje.

Larg çdo nostalgjije, por me respekt: ceromonitë e varrimit të dëshmorëve nuk janë bërë pa praninë e flamurit kombëtar, as betejat apo demonstratat e mëdha për çlirim nuk kanë filluar pa u kënduar himni kombëtar. Luftëtarët e mbanin shpesh flamurin në gji dhe të rënin në istikame (dëshmorin) e mbulonin në fytyrë me flamur kombëtar dhe me ndërime të larta ushtarake e varrosnin.

Nisur nga shumë faktorë e arsye logjike, pavarësisht komplekset e individëve, popullit shqiptar në Kosovë nuk ka nevojë t'i ndërrohen, çoroditën simbolet kombëtare dhe ato të zëvendësohen me dekorime "private" familjare, nga njeriu i çfardo përgjëgjësie momentale, që mund të ketë ai/ajo. Mjaft e kanë nëpërkëmbur flamurin shqiptar komunistët, duke e ideologjizuar si në Tiranë ashtu edhe në Prishtinë! Përbuzje të tillë nuk duhet lejuar të bëjnë sot anarkistët "demokratik" në Prishtinë apo gjetiu.

Simbolet e shtetit janë çështje për të cilat në Kosovë duhet hapur debat serioz, transparent institucional. Shumësia e propozimeve është e domosdoshme: propozime publike (ide përmbajtësore, mesazh dhe aftësi dizajnuese), diskutime në parlament, klube akademike, integrim në diskutim i shoqërisë civile, i personaliteteve publike që do të thoshin opinionin e tyre për këtë çështje. Simbolet shtetërore askund në botë nuk janë përcaktuar e nuk do të përcaktohen nga lideri-(rët) politik, komandantët, shkënctarët, kryeredaktorët, dizajnuesit, missi apo misteri, por, nga PROJEKT-IDEJA e hedhur, e qëlluar dhe e pranuar nga shumica e qytetarëve, e legjitimuar përmes procesit deklarues - vendimmarrës REFERENDUMIT.

Kosova do të jetë shtet i të gjithë qytetarëve që jetojnë në këtë vend. Në Kosovë do të ndërtohet shtet sipas konceptit qytetar e jo etnik.
Nuk do të këtë gjuhë kosovare, sepse edhe nuk ka gjuhë të tillë, por po ndërtohet identiteti politik dhe shtetëror i Kosvës, identitet ky i cili do të rrjedh prej atij kombëtar (i pranueshëm për shqiptarët, por edhe për minoritetet që jetojnë në Kosovë). Shembulli i Zvicrës: nuk ka gjuhë zvicerane, por ka shtetas zviceran, ose në Austri, ku nuk ka gjuhë austriake, por ka shtetas austriakë.
Sigurisht në Kosovë dot të jenë dy- tre gjuhë zyrtare, si rastin e Zvicrës: gjermanishtja, italishtja, frëngjishtja dhe gjuha retoromane, apo ne Austri: gjermanishtja, hungarishtja, kroatishtja, italishtja.
Në Kosovë do të këtë identitet të dyfishtë: kombëtar dhe shtetëror.
Sot, prioritetet kryesore të institucioneve dhe qytetarëve të Kosovës duhet të jenë:
Pavarësia dhe demokratizimi real i Kosovës,
Krijimi i rrethanave pozitive për njohjen ndërkombëtare të saj, e pastaj vijnë të tjerat...
Shteti krijon simbolet, e jo simbolet shtetin.

[Brari]

Kosova..thuaj Thaqit.. i ka pas vrasesit.. nga Beogradi tash 200 vjet ne shpin .. e nuk i duheshin Vrases te ri..

Nje vrases ska cka thot per Shtetin e ardhshem te Kosoves..

Shteti i ri do i ket dhe ca biruca.. e aty do futen vrasesit e Sabetes e Ilir Selimajt..Drinit e Uk Bytyqit.. Ahmet Krasniqit e Azem Hajdarit.. Xhemes e djalit te Tahir Zemes..

Nuk harrohen atdhetaret..

[bjeshk]

Pershendetje te gjith shqipetareve me shpirt shqiptari. Te dashur shqipetar Çdo shqipetar e din mir hisorin e dhimbshme,trimerit,heroizmat,vuajjet,presekutimet "por bi te gjitha krenarin per ate fleamur "kuq e zi" qe e kemi trasheguar 2000 vite dhe do te jemi nen hijen e udheheqjen e keti flamuri perjetesisht: Nje gje ta kene te qart te gjith anti-shqiptaret kudo... Çofshin ne Shqiperi,ne viset shqipetare,e kudo ne bot se ky flamur KUQ E ZI do e valvitet ne SHQIPERI-KOSOVe ne te gjith viset shqiptare. RROFT FLAMURI KUQ E ZI SIMBOLI DHE IDENTITET I GJITH SHQIPETAREVE NE BOTE. Nuk do te kete guxim askush te nderroj apo te mundohet te nderroj asnje fjal shqipe jo me flamurin tone KOMBETAR. RROFT ÇAMERIA

[Pellazgu]

Ajo që është edhe më e lezetshme është vetë emri Dardani që përmban dizajni i Rugovës për flamurin e tij kombëtar. Më ka bërë përshtypje një fotografi e Ibrahim Rugovës botuar në New York Times rreth kohës kur flitej për "vullnetarët" në koalicionin antiterror të Bushit. Edhe Rugova, pra, kishte shprehur vullnetin të dërgonte ca kosovarë në Irak.... Nejse.. Në atë foto Rugova qëndronte bri dizajnit të tij për flamur kombëtar,(që ai vazhdon ta quaj të zyrtarizuar). Dhe diçitura poshtë fotografisë thoshte se mbishkrimi DARDANIA në dizajn do të thotë "...the land of pears..." Më erdhi pështirë që gazetari Amerikan e dinte që ajo fjalë përkthehej "vendi i dardhave", ndërkohë që Ibrahim Rugova-shqiptar e shqipton dhe e shkruan si një sllav që nuk shqipton dot dh-në e në vend të Dardhanisë thotë Dardania. Fatkeqësisht, shumë kosovarë bëjnë të njëjtin gabim. Ky nuk do të paraqiste ndonjë krim të madh sikur kjo të mos kishte lidhje me fonetikën sllave që i mungon th-ja a dh-ja, si tek fjala "themel" që i thonë si sllavët "temel"
Të tjerat janë politikë e çastit.

[shirokas]

Po Kosova duhet te kete flamurin dhe hymnin e vet,dhe e ka.
Ky hymn eshte hymni Shqiptar e ky flamur eshte flamuri Shqiptar.Te pranohen hymne e flamuj te tjere ne princip do te ishte dami ma i madh i Kosoves per kauzen e tyne,dhe duhet te jene te paret qytetaret e Kosoves qe te duan nje gje te tille,njohjen e hymnit e flamurit te Shqiperise si te tyre.
Nqs u ba lufta ne Kosove u ba jo vetem per pavarsi prej pushtusve Serbo-Jugosllave, e pse jane shkele te drejtat tona njerzore po edhe pse u moren me kame dhe u poshtune simbolet tona kombtare e shtetnore.Sikur kosovaret mos te konsideronin flamurin shqiptar flamur te tyne e hymnin shqiptar te tyne as qe do ishin qu ne lufte.
Prandaj mu me vjen natyrale mne thane se Kosova i ka si hymnin e si flamurin.

Ndoshta ndonje leshim i perkoheshm edhe do bahej, po me i ra mohit simboleve kombtare per nji shtet-formim do te ishte nji gja e keqe, po asht nji e keqe e pranushme dhe e bame me vete dije per nji kauze shume ma te madhe e qe asht shtet-formimi e krijimi i Republikes se Kosoves.


Nje dy shume pytje Rugoves!!!
Cfare jane simbolet Dardane...ne cfare konsitojne....mos ekziston kombi Dardan...??? Cfare do te thote te fitosh pavarsine nepermjet Dardanise???

Pse nuk fut ne flamur edhe simbolet: taulante, enkelejte,ardiane,albane, dalmate kolose molote,thesprote labeate etj etj jane apo jo te gjithe paraardhes te SHQIPTARVE.

Per mu asht e denushme ideja sipas te ciles Rugova pretendon te arrije PAVARSINE e KOSOVES tu i paraqite Kosovaret si pasardhes te Dardaneve pse keshtu Shqiptaret Kosovare dalin sikur jane rrace e komb me vedi prandaj duhet edhe te jene shtet me vedi dhe s'kane asgja te perbashket me kombin shqiptar...
....ndersa nqs thone se jane Shqiptar se meritojne pavarsine
Rugova spo flet si LIDER i Popullit Shqiptar te Kosoves me duket e spo flet seriozisht po po merret me eksperimente flamujsh e shpikje kombesish.

[Arb]

Sot, më 2 dhjetor, presidenti i Kosovës, Ibrahim Rugova, mbush 60 vjet

URIME DITËLINDJA PRESIDENTI RUGOVA !

Tani kur dr. Ibrahim Rugova po mbush 15 vjet në politikë, gjithnjë e më shumë po afrohet dita që ky të maturohet edhe si president i Kosovës së pavarur

Gazeta “PAVARESIA”

Prishtinë, 1 dhjetor

Sot, më 2 dhjetor, presidenti i Kosovës, Ibrahim Rugova, mbush 60 vjet. Së shpejti ai sërish do të rizgjedhet President i Kosovës. Shumë gjëra të rëndësishme Rugovës i kanë ndodhur në muajin dhjetor. Kështu që, në dhjetor të vitit 1944, atëbotë kur Kosova sapo ishte çliruar nga gjermanët, në familjen Rugova, në Cercë të Istogut lindi Ibrahim Rugova, si djalë jetim, pasi babai i tij kishte qenë ballist dhe ishte vrarë nga komunistët serbosllavë.
Ishte po ashtu muaji dhjetor i vitit 1989, kur Ibrahim Rugova hyri në dyert e mëdha të politikës, duke u zgjedhur kryetar i grupit nismëtar që themeloi LDK-në.

Ndërsa, në dhjetor të këtij viti dr. Ibrahim Rugova do të rizgjedhet kryetar i Kosovës për katër vjetët e ardhshëm, dhe të gjitha parashikimet thonë se kjo periudhë do të jetë vendimtare dhe e mjaftueshme për arritjen e statusit të merituar të Kosovës, atë të pavarësisë.

Të shumtë janë ata që besojnë se Ibrahim Rugova është një politikan që e mban barrën e një misioni historik. Ai vlerësohet si burrë i veçantë dhe shumica e shqiptarëve të Kosovës e ka votuar Rugovën. Gjatë dhe mbas luftës së Kosovës Rugova me gjithë LDK-në ridëshmuan përkrahjen e shumicës së popullit të Kosovës. Kështu që nga 1992 deri më sot Rugova i fitoi të gjitha zgjedhjet.
Nëse i shikojmë zhvillimet në Kosovë që nga dhjetori i vitit 1989, kur Rugova u zgjodh kryetar i LDK-së, vërehet se e gjithë kjo periudhë i takon Rugovës, sepse ai ishte dhe është konstantja e vetme krahas të gjithë sfiduesve të jashtëm dhe të brendshëm që kanë punuar në këtë, ose në atë mënyrë për dobësimin dhe eliminimin e tij. Të gjithë sfiduesit dhe kontestuesit e Rugovës kanë humbur, duke filluar prej Rexhep Qosjes, Adem Demaçit si dhe kriminelit serb Millosheviq.

Sipas të gjitha parashikimeve, Rugova do të sjellë atë që kishte premtuar që moti – PAVARËSINË E KOSOVËS

Rugova për më shumë se një decenie mbeti dhe është kryefaktor në politikën e Kosovës. Kur Rugova u zgjodh kryetar i Shoqatës së Shkrimtarëve të Kosovës, derisa atëbotë zyrtarët e autonomisë zbrapseshin, Rugova bëhej më i zëshëm në dobi të zgjidhjes së çështjes shqiptare. Lidhja e Shkrimtarëve ishte i vetmi vend legal nga i cili artikulohej publikisht një zë i rezistencës kulturore dhe politike. Ky zë ishte bërë edhe më i fuqishëm për shkak se lëvizjet nëntokësore të grupeve marksiste-leniniste, të cilat organizonin rezistencën dhe demonstratat, kishin rënë përkohësisht në një amulli dhe huti, që zvogëlonte ndikimin e tyre në masa, për shkak të rënies së shpejtë të komunizmit në Evropën Lindore.
Në pranverën e vitit 1988, Rugova doli edhe një herë në qendër të vëmendjes së publikut, pikërisht në momentin që u desh që të dy shoqatat e shkrimtarëve, ajo shqiptare dhe ajo serbe për krizën e madhe të Kosovës.

I vetmi fanar i rezistencës ishte Shoqata e Shkrimtarëve me kryetarin e saj, Ibrahim Rugovën

Politizimi i Shoqatës së Shkrimtarëve do të kontribuojë në ngritjen e peshës së Postit të Rugovës në atë të përfaqësuesit të interesave reale politike dhe kombëtare të shqiptarëve të Kosovës. Kur në shkurt dështoi greva e minatorëve dhe ajo e përgjithshme si përpjekjet e fundit për të mbrojtur Kushtetutën e Kosovës që i garantonte krahinës autonomi të gjerë dhe përfaqësim direkt në Federatën Jugosllave, në muajin mars Serbia rivendosi kontrollin e plotë mbi Kosovën. Ndër masat represive që ndërmori Serbia ishte izolimi për 4 muaj ( një pjesë u rrahën brutalisht) i rreth 400 intelektualëve shqiptarë dhe burgosja dhe gjykimi i Azem Vllasit, ish -lider komunist i Kosovës, si mbrojtës i fundit i Kushtetutës së vitit 1947.
Këto masa të jashtëzakonshm, e jo vetëm që Kosovën e lanë pa përfaqësues legjitimë në ato pak institucione kukull që mbeten, por ndikoi që edhe krejt elita intelektuale dhe politike, si Rexhep Qosja, akademikët, Universiteti i Prishtinës etj., të mbeteshin publikisht për dhjetë muaj të heshtur.
Në atë periudhë të tmerrshme të rivendosjes së gjendjes së jashtëzakonshme, të orës policore, të kontrollit të plotë të proceseve, i vetmi fanar i rezistencës, edhe ai me dritën e dobësur, kishte mbetur Shoqata e Shkrimtarëve me kryetarin e saj, Ibrahim Rugovën. Rugova ishte shumë i vetmuar në lëvizjet publike dhe kishte frikën se një ditë thjesht do ta likuidonin agjentët serbë, duke inskenuar ndonjë pretekst. Në ndihmë atëbotë i vinte vetëm i ndjeri Nahil Luma, drejtor i asaj bashkësie, përndryshe shok i Rugovës gjatë studimeve, i cili me një makinë “Reno 4”, gjysmë të shkatërruar e merrte dhe e kthente në shtëpi, që atëherë e kishte në lagjen “Lakërishta” të Prishtinës.

Atëbotë Rugova deklaroi për “Der Spiegelin” gjerman se, në rast se shqiptarët humbisnin të drejtat, ata mund të fillonin luftën çlirimtare

Atëbotë fjalët e Ibrahim Rugovës filluan të përcilleshin nga mediat e huaja, sidomos ato në gjuhën shqipe, si BBC-ja, Zëri i Amerikës, Dojçe Vele etj., kishin jehonë të madhe në popull.
Mediat botërore dhe komitetet e ndryshme për të drejtat e njeriut, si Amnesty International, ose Komiteti i Helsinkit etj., por edhe qeveritë e shteteve demokratike që po vëzhgonin nga afër procest në Jugosllavi dhe Serbi ndikonin që edhe regjimi i Beogradit të ishte më i vëmendshëm në represionin ndaj figurave të spikatura publike, sado që ato t’i bëheshin pengesë.
Dhe kjo periudhë dhjetëmujore e pabëzanisë të atyre që pretendonin rolin e prijësve shpirtërorë dhe politikë të Kosovës, si Rexhep Qosja p.sh. përballë prezencës së madhe publike të Rugovës, do ta ngrinte lart në publik figurën e tij. Ai do të fillonte të respektohej nga të gjithë. Megjithatë në atë periudhë, Rugova nuk jepte shenja se deklarimet e tij kanë lidhje me ambiciet politike. Atëbotë Rugova deklaroi për “Der Spiegel’ gjerman se në rast se shqiptarët humbisnin të drejtat, ata mund të fillonin luftën çlirimtare.

Në dhjetor të vitit 1989 Ibrahim Rugova bëhet edhe një herë iniciator i një procesi largpamës

Në dhjetor të vitit 1989 Ibrahim Rugova bëhet edhe një herë iniciator i një procesi largpamës, tejet përcaktues edhe për fatin e tij në Kosovë. Më 1989, ndërsa në Kosovë gjithçka kishte ngrirë dhe Serbia po sundonte me regjim policor, në pjesët e tjera të Jugosllavisë, po shthurej me shejtësi të madhe sistemi monist. Disa ditë para 23 dhjetorit, kur do të mbahej mbledhja themeluese e LDK-së, Rugova pranoi të ishte një ndër themeluesit e LDK-së.
Tani kur dr. Ibrahim Rugova po mbush 15 vjet në politikë, po afrohet edhe dita që ky të maturohet edhe si President i Kosovës së Pavarur. Në ato çaste historike kur ai zgjodhi të jetë zot relativisht i lirë dhe i papenguar, edhe pse me sjellje prej burri.
Pikërisht aty në atë hapësirë të vogël, diku rreth 50 metra katrorë, ku ka qenë i vetmi territor i lirë i Kosovës dhe që sot e dimë se ka shërbyer si embrion i lirisë së madhe.

BIOGRAFIA E DR. IBRAHIM RUGOVËS

Ibrahim Rugova u lind më 2 dhjetor 1944 në fshatin Cerrcë, komuna e Istogut, në Kosovë. Më 10 janar 1945 komunistët jugosllavë ia pushkatojnë babain e tij, Ukë Rugovën dhe gjyshin Rrustë Rugovën, që kishte qenë luftëtar i njohur kundër çetave çetnike që po depërtonin gjatë Luftës së Dytë Botërore në krahinën e Rugovës. Ibrahim Rugova mbaroi shkollimin e mesëm në Pejë më 1967. Diplomoi në Degën e Albanologjisë të Fakultetit të Filozofisë të Universitetit të Prishtinës më 1971. Zoti Rugova qëndroi gjatë një viti akademik (1976-77) në Paris, në Ecole Pratique des Hautes Etudes, nën mbikëqyrjen e prof. Roland Barthesit, ku ndoqi interesimet e veta shkencore në studimin e letërsisë, me përqëndrim në teorinë letrare. Ibrahim Rugova mori doktoratën në letërsisë në Universitetin e Prishtinës më 1984. Më 1996, Dr. Ibrahim Rugova u zgjodh anëtar korrespondent i Akademisë së Arteve dhe të Shkencave të Kosovës. Po në këtë vit ai u shpall doktor nderi i Universitetit të Parisit VIII në Paris. Autor i dhjetë librave (shih më poshtë), Dr. Ibrahim Rugova ishte në nismë redaktor në gazetën e studentëve "Bota e re" dhe në revistën shkencore "Dituria" (1971-72), që botoheshin në Prishtinë. Pastaj për afro dy dekada, Dr. Rugova punoi në Institutin Albanologjik të Prishtinës si hulumtues i letërsisë. Për një kohë ka qenë kryeredaktor i revistës "Gjurmime albanologjike", që e nxirrte ky Institut. Dr. Rugova është zgjedhur kryetar i Shoqatës së Shkrimtarëve të Kosovës më 1988, i cili u bë bërthamë e fuqishme e lëvizjes shqiptare që po kundërshtonte sundimin komunist serb/jugosllav në Kosovë. Si intelektual me nam që i jepte zë kësaj lëvizjeje intelektuale e politike, Dr. Rugova u zgjodh më 23 dhjetor 1989 kryetar i Lidhjes Demokratike të Kosovës (LDK), partisë së parë politike në Kosovë që e sfidoi drejtpërdrejt regjimin komunist në fuqi. LDK-ja u bë shpejt forca politike prijëse në Kosovë, duke mbledhur shumicën e popullit, edhe pse në ndërkohë u shfaqën në skenë edhe parti e grupe të tjera. Nën udhëheqjen e Dr. Ibrahim Rugovës, LDK-ja, në bashkëpunim me forcat e tjera politike shqiptare në Kosovë dhe me Kuvendin e atëhershëm të Kosovës, përmbylli kornizën ligjore për institucionalizimin e pavarësisë së Kosovës. Deklarata e Pavarësisë (2 korrik 1990), shpallja e Kosovës Republikë dhe miratimi i kushtetutës së saj (7 shtator 1990), referendumi popullor për pavarësinë dhe sovranitetin e Kosovës mbajtur në fund të shtatorit të vitit 1991, qenë prelud për zgjedhjet e para shumëpartiake për Kuvendin e Kosovës dhe zgjedhjet presidenciale në Republikën e Kosovës më 24 maj 1992. LDK-ja fitoi shumicën dërrmuese të deputetëve në Kuvend, në të cilin përfaqësoheshin edhe tri parti të tjera, ndërsa Dr. Ibrahim Rugova u zgjodh Kryetar i Republikës së Kosovës me shumicë dërrmuese të votave. Dr. Ibrahim Rugova u rizgjodh Kryetar i Republikës së Kosovës në zgjedhjet e mbajtura në mars të vitit 1998. Partia e tij, LDK, fitoi shumicën e vendeve në Kuvendin e Republikës së Kosovës në atë vit. Nën udhëheqjen e Rugovës, LDK-ja fitoi 58% të votave të elektoratit në zgjedhjet lokale, të sponsorizuara ndërkombëtarisht, në Kosovën e pasluftës, në tetor të vitit 2000. Çmimet dhe titujt ndërkombëtarë: Më 1995, Dr. Rugovës iu dha Çmimi për Paqe i Fondacionit Paul Litzer në Danimarkë. Më 1996, Ibrahim Rugova u shpall Doktor Nderi (Honoris Causa) i Universitetit të Parisit VIII Sorbonë, Francë.
Më 1998, Rugova iu nda Çmimi Saharov i Parlamentit Evropian. Në vitin 1999, Rugova mori Çmimin për Paqe të qytetit Mynster (Münster), Gjermani, ndërsa u shpall Qytetar Nderi i qyteteve italiane: Venedikut, Milanos dhe Breshias (Brecscia). Në vitin 2000, Dr. Rugova mori Çmimin për Paqe të Unionit Demokratik të Katalonisë "Manuel Carrasco i Formiguera", në Barcelonë, Spanjë. Më 18 shtator (2004), në mjediset e Kuvendit të Kosovës Dr. Otto von Habsburg, kryetar i Unionit Panevropian Ndërkombëtar, i dorëzoi Presidentit të Kosovës Ibrahim Rugova Çmimin e Evropës për vitin 2004.

[RTP]

Sot, më 2 dhjetor, presidenti i Kosovës, Ibrahim Rugova, mbush 60 vjet



Gëzofsh edhe 60 te tjera i nderuari dhe i respektuari president!

[Llapi]

Dëshmi për lindjen e Rogovës .

Sipas atyre fshatarve që dëshmojnë edhe sot e vërteta është kjo:

Gjyshi i Rugoves merrej me kontrabandë duhani dhe gjatë luftës nxihet nga gjendarmëria serbe dhe burgoset.

Me të dëgjuar Lajmin për burgosjen e babait të vetë, biri i tij Uka niset për në stacion t'policisë, atje nuk ia arrinë qëllimit për ta liruar babin e vet. Mirëpo, ky pastaj iu thotë gjendarve se nëse nuk ia lirojnë babain ky nuk do kthehet në shtëpi por do qëndron në burg bashk me t'jatin. Mbase, më të sigurt e ndiente vedin në burg se në liri, pasi ndjehej një pasiguri nga forca të ndryshme, si ato Partizane dhe Balliste por edhe nga rrymat tjera qetnike.

Atë mbrëmje disa të burgosur shqipëtar, arrijnë të thejnë burgun të vrajnë ca roje burgu dhe të arratisen.
Ndërsa, këta dy duke menduar se janë të pafajshëm - pasi nuk kanë marrë pjesë në vrasjen e rojeve, ngelin aty, pa bërë mend se do i zer vdekja.
Pas alarmit që pason, mbërrijnë në burg forcat partizane serbe të cilat pasi kuptojnë se shqiptarët kanë thyer burgun dhe kanë vrarë ca roje burgu, pyesin se kush janë ata dy persona, njohtohen se edhe ata janë ca të burgosur shqipëtar, nga mllefi ata edhe hakmerren duke i vrarë në vend gjysh e djal.

Pra vrasja e tyre ishte një krim, pasi ata asgjë nuk kishin bërë, përveçse ishin prezent gjatë kohës kur të tjerët arratisen e këta nuk iu bashkanigjitën atyre trimave.
Ndoshta kjo dhe është trashëguese ngase as rugova kurrë nuk iu bashkangjit protestave dhe as luftës, por strukej si gjyshi me t'birin.

Pas asaj dite tragjike, gruaja e Ukes mbetet e ve, pa burrë.
Pas 2 viteve i lindë djali, që e pagëzonë me emrin Ibrahim.
Ibrahimi rritet jetim me ndihmën dhe përkujdesjen e Dajës dhe Axhës së tij.
Më vonë, merr edhe bursë dhe ndihma nga Federata Jugosllave, me të cilën edhe vazhdon studimet në Sorbonë të Francës.

Në fshat flitet se përkrahjen shtetrore e kishte nga një naqallnik i asaj kohe.
Ndërsa, sa i përket kohes kur është lindur flitet se 2 vite pasi i është vrarë burri i nënës së tij, përçka dhe përflitej me përbuzje në atë kohë, edhepse thoshin se ka lindur më herët por e kanë mbajtur në fshehtësi për shkak të asqerisë, gjegjësisht shërbimit ushtarak. Edhepse as në atë kohë fëmija dyvjeçar nuk merreshin për sherbim ushtarak!

Nuk perputhet ditlindje e Rogos ne baze te ketyre shenimeve autoktone nga farefisi i i tij nga Cercca

[Arb]

Mire bre Llap...

A po na tregon tash dicka? Sa vjeqar ke qene kur e ke degjuar rregullisht kete perralle?

Kjo peralla jote, ne vend se te fillonte, "na ishte nje here," po fillon me, "Sipas atyre fshatarve që dëshmojnë edhe sot e vërteta është kjo."

Mo bre Llap se cdo dite e me shume po na bind qe asgje Shqiptare nuk ka mbete ne ty. Lirisht bashkangjitju nje kombi tjeter!

Po kush more burre po te jep te drejte morale me u marr me shpifjen e ketyre imtesirave qe gjoja kane te bejne (ne perallen tende) me Presidentin Rugova?

[Llapi]

Po se une kam than keshtu jo jo bashkefshataret e vet ata te cilet e njofin mier lum ti bali kan thane ashtu

[Irfan]

Per ceshtje shqipetare ka te drejte te flas cdo kush qe flet shqıpe dhe eshte shqıpetare......
Himni i Kosoves,Himni i Shqiperis,Himni i Shqipetareve ne Maqedoni,Himni i shqipetareve ne Luginen e Presheves,Himni i shqipetareve ne Mal te Zi,Himni i shqipetareve ne Cameri.......edhe sa ''Himna'' i nevoiten shqipetareve qe te bashkohen.......?Nuk e di se cka u mor vesh nga keto himna........kjo eshte nje percarje psikologjike ne mesin e shqipetarev.....qe e udheheqe Evropa me ne Kryje xxxxxx....Mbani ne medn.....se evroap per ne eshte xhenemi i shqipetareve,ku ishte evropa para 100vitesh,ku ishte evropa pas luftes se dyte botrore dhe okb e cila ne te drejtat e njerijut shkruhet se te drejten dhe te vete vendosjen e nje popullit nuk mundet te vetvendos ndokush tjeter per veqe ai popull qe kerkon te drejtene e vet....., ku ishte evropa ne luftene kosoves, ku eshte tash evropa qe e ka ndar Kosoven ne dy pjese, ku eshte evropa qe po e bashkon Mitrovicen,ku ehste evropa ku ehste.......!
Himni i Kosove qe e ka shkruajtur DR.İbrahi Rugova le t'ja mbaje vetes familjes, se vete e jo shqipetareve te Kosoves........Nese keshtu vashdon bashkimi i shqipetarev do te zgjate edhe tre milenijume(edhe tre mi vite....)
Shqipetaret kan nje Himn nje Shqiperi dhe nje Flamur...

Hymni Kombetar i Shqiperise dhe i shqipetareve.....


Rreth flamurit te perbashkuar,
me nje deshire me nje qellim
Te gjithe Atij duke u betuar;
te lidhim besen per shpetim

Prej lufte ai largohet
qe eshte lindur tradhetor,
Kush eshte burre nuk friksohet
PO VDES, PO VDES SI NJE DESHMOR.

Ne dore armet do ti mbajme
te mbrojme atdheun ne cdo vend,
te drejtat tona ne si ndajme
ketu armiqte s'kane vend.

Se Zoti vet e tha me goje
qe kombe shuhen permbi dhe
po Shqiperia do te rroje
per te , per te luftojme ne.

[Arb]

Irfan,

Si te shkojne studimet? Shpresoj qe te jesh mire dhe gjithcka te te shkoj mire.

Dyert e Pavaresise se Kosoves dalangadale po hapen, keshtu qe na duhet nje emer i shtetit te ri ne Ballkan (qofte Kosove apo Dardani), na duhet nje flamur shteteror qe do te identifikoj kete shtet (fatkeqesisht, nuk do te mundemi te identifikojme kete shtet me flamurin kombetar), dhe po ashtu na duhet edhe nje himn shtetetor (qe po ashtu duhet te jete i ndryshem, nga ai kombetar).

Pra nuk kemi te bejme me ndryshimin e simboleve kombetare, kemi te bejme me sjelljen ne jete te simboleve qe do te identifikojne shtetin e ri te Kosoves/Dardanise ne Ballkan.

Me ri-bashkimin e mundshem me Shqiperine (kurdo qe te ndodh), keto simbole shteterore do te hiqeshin nga perdorimi, duke u zevendesuar me ato kombetare, qe do te identifikonin kombin ne njeren ane dhe shtetin tone ne anen tjeter.

Kosova mund te behet shtet edhe nese mbetet me emer te njejte. Por ajo nuk mund te behet shtet i ri ne Ballkan, me simbole identifikuese te njejta me ato te shtetit ame. Do ti duheshin simbolet e veta unike shteterore.

Ri-bashkimi me Shqiperine do te ishte me i mundshem me nje Kosove te mvehtesuar (si Kosove ose Dardani), me simbole shterore te saj (flamur e hymn shteteror), dhe gjithashtu me perdorim te simboleve kombetare (flamur e hymn kombetar), se sa me nje Kosove (si Kosove ose Dardani) me status te pa-definuar, nen protektorat nderkombetar, dhe me perdorim te simboleve kombetare (flamur e hymn kombetar).

Simbolet kombetare do te perdoreshin edhe nese Kosova do te behej e mevehtesuar. Keto simbole u perdoren edhe kur Kosova ishte e pushtuar.

[Irfan]

Pershendetje i nderuari z.Arb.....
Me mesime jam mire, po juve si po ju shkojne punet.....?

Une jam i vetedishem per cdo gje.....edhe kete e di se dy shtete me te njejta simbole nuk mundet te konsiderohet shtet,pra,cdo shtet duhet te kete simbolin e ti, qe nuk duhet ti perket ndonje shtetit tjeter....
Une do ti keshilloj qe je proces te till le te bazohen me Austrin dhe Gjermanin, nje kombesi me dy shtete......,ju kjisha lutur qe kosova te thirret e shqipetareve ejo e Serbeve, si dhe flamuri i ardheshem i kosoves te mos jete me tre ngjyra she me nje simbol; Kalter,bardh,kuq si dhe te vihet ne mese shqipeonja.....!
Une nuk dua ta nenqmoj Z.Rugova, a eshte nje shembelltyre e Kosoves qe arriti ta shpetoj Kosven nga nje lufte shume me katastrovike qe kishtet mudnesi te ndollte ne dhjetevjecarin e fundit...
Por,kete nuk e di.,qe vijon me posht....?!
Sipas disa informacione qe posedoj une dhe ne baze te asaj cka po flitet eshte kjo qw vijon me poshte......
Viti 2005 po afrohet dhe Kosova duhet ti mbush kerkesat(12 kushte) qe jan dhenen nga Unioni Evropijan dhe te OKB.Me permbushjen e ketyre kerkesave Kosova munde te afirmohet si nje shtet i pavarur.....
....dhe kosova me ne kryje z.Dr İbrahim Rugova po i realizon kerkesat e Unijonit Evropijan.Ato kerkesat qe po i realizon Rugova me te gjithe bashkepuntoret e ti jan keto ne vijim.;....ndrimi i himnit,flamuri,kombesija,emrin i kosoves(Kosova nuk do te quhet me Kosova e shqipetareve ,por do te quhet Kosova e Serbeve dhe minoriteteve ne Kosove.*Ketu minuritetet do te quhen shqipetaret,romet dhe pakicat tjer..).Do ti vihet Emri i Me Parshem qe e quante Serbija ''kOSOVA METOHİ'',Kosova, zemra e Serbis.
Ku eshte qellimi i Ruguves ,qe te shkruhet si nje ''Heroj'' i Serbis, i pa vdekshem ,qe Miloshoviqi nuk mundi me be me forc Kosova e Serbis , i cili po e realizon kete ide z.Ibrahi Rugova.
Apo, ka deshire qe te shkruhet ne historin e Kosoves si njeri i pare qe arrti te ndrroj identitetin e shqipetare ne Kosove.apo ka mllevin e madhe qe ti permendet emri ne cdo vend ne cdo kohe si ''HEROJ''....
Une,nuk kam te drejt te ofendoje dike ne punen e ti,por ketu nuk eshte vetem puna e z.İbrahim.

[Irfan]

Z.İbrahim Rugova e njoh shume mire,kam pasur rastin te qendroj dhe te bisedojme me njerin person me te afermit te ti....dhe mua me vjen turpe te shkruaj keto fjalet....por nje gje te till nuk mundem te mbaje ne gjakun tim shqipetare......
Une kisha pasur deshir qe Himni i Kosoves le te jet kjo qe vijon me poshte;

Hymni i Kosoves

Rreth flamurit te perbashkuar,
me nje deshire me nje qellim
Te gjithe Atij duke u betuar;
te lidhim besen per shpetim

Prej lufte ai largohet
qe eshte lindur tradhetor,
Kush eshte burre nuk friksohet
PO VDES, PO VDES SI NJE DESHMOR.

Ne dore armet do ti mbajme
te mbrojme atdheun ne cdo vend,
te drejtat tona ne si ndajme
ketu armiqte s'kane vend.

Se Zoti vet e tha me goje
qe kombe shuhen permbi dhe
po Kosova do te rroje
per te , per te luftojme ne.

[Ardi-1]

"Kënga më e re për Rugoven e cerrces!

ishte seç na ishte
një Kryetar dylber
rrejti, seç'na rrejti
për t'na lënë në terr
.............................


Unë Kryetar Rugova
(Palaço, matuf e maskara)

Në rrebeshe të stuhisë
u lind Ibro i Partisë
u bë komunist me famë dhe letrar
më vonë ngre kokë si kryetar

Unë jam vet Presidenti
Që nuk ia var as këti parlamenti
Qirret e krekoset si gjel koteci
Me t’madhe qeshet si gomar mistreci

Dua të rroj e asgjë mos t’punoj
Të ngrej pallate në shumë kate
Pres miq e mikatesha në gosti
përherë ndajë dhurata e dekorata
në fund nga një guri, në xhep ua shti

Neve Historia kështu na mëso’
Moto e jetes sonë - përçaj e sundo
si komunista, mirë mësuam zanatin
Të tjerët krekosen, se na kanë inatin

Ne s’dojmë klasa as kufinj shtetrorë
Krijojmë kombe të reja
T’rrejm' n'këmbë e n’dorë
Flamuj e himne, ne modifikojmë
S’na pengon fare gjuha as feja
konvertohemi, krijojmë shtigje t'reja

Ne flasim për shtet
E bëjmë si ç'dëshrojmë vet
Me Rugoven dhe partinë
Që e rrejti tërë vegjëlinë
Çdoherë në rrjedha aktuale
drejtë “pavarësisë” formale - me rrena reale

Populli na beson neve, shumë
s’na kalonë askush për gjumë
Me hajni dhe korrupcion
asnjë maskara s’na kalon!

"ndihmonim” ne
paqën nderkombëtare
duke llafosur
nepër kuluare

Në Luftë organizuam
zgjedhje të lira
derisa të tjerët
vriteshin me mijëra

para derës së shtëpisë
i bënin batare
ua vjedhnin kufomat
që t’mos kenë as varre

Rugova si i qartun
për në Beograd udhëton
Takon milloshin
Sa herë që ai kërkon

Proteston shumë ashpër
Me qeshje psikopati
Kështu s’na ka bërë
asnjë dorë xhelati

të lutem, të lutem
kjo nuk ka kuptim
mua s’më mbeti vend
as në burgun tim

Ata, pjestarët e UÇK-së
Nuk i ndalë - as plumbi
Janë ngritur në këmbë
E nuk më zen më - as gjumi

Do më hajnë me dhëmbë
Këta të frustruar, rrebelë
Kanë ngjeshur rradhët
Mu në këtë Pranverë

krejt janë terbuar
Më injorojnë keq mua
Serbinë për ta luftuar
ushtri kanë formuar

Ata do na prishin
Vëllazërim – bashkimin
Do anashkalojnë
paqen dhe robërimin

Ata janë terrorista
dorë e zgjatur e serbisë
nuk janë as shqipëtar
por bijë të shkinisë

kështu injoruam
luftën çlirimtare
edhepse nga populli
volëm shuma pare

jo pse s’ dëshrnim,
ta luftojmë armikun
por nuk guxonim,
ta trathëtojmë - im mikun!

Ato ditë të errta, lufte e tmerri
kur në Kosovë ra terri zi
Milloshi më ftoi në Dedinje
Me familie e shokë - në gosti

Na priti si më mirë
Me mish e raki
Pastaj na përcolli
Me avion për n’Itali

Unë ia dhash fjalën
Besën shqipëtare
do kthehem si President
e pastaj do i qes fare

Ata si gjithnjë - më injoruan
Por ne s’nguteshim fare
dosjet ua kompletuam
dhe një nga një - i pranguam!

Disa i burgosëm
me ligje të serbisë
iu këndohet aktakuza
si n’ditë të krajlisë!

ca terrorista tjerë
që krekoseshinë hiq pa marre
ua mbaruam kulaqin, pa vizë,
pa biletë fare, për në Hagë
në Europë të madhe

Miqtë dhe bota
Tani na kanë kuptu
Se ne jemi paqësor
Andaj përse me luftu

Nuk pati nevojë fare
për luftë as njato krime
Këto ishin avantura dhe
ca keqkuptime!

Serbia na “mbrojti
e na ndihmoi”
Lufta për pushtet
kështu përfundoi

Pasi unë s’luftova
Haptas deklaroi
Kumaria me serrbi
Sa t’jemë unë gjallë - do jetoi!

Dua të rroj e asgjë mos t’punoj
Të ngrej pallate në shumë kate
Pres miq e mikatesha në gosti
përherë ndajë dhurata e dekorata
nga një guri, në xhep ua futi
______________________
Presidenti Rugova, dora vet
Nga memoaret "Në shtegtim"