Ky çast

[angeldust]

Drini, a te kam thene qe nganjehere e ke gezimin infektues?

Jam e kenaqur qe te shoh tek rrezaton kaq miresi e dashuri. Te uroj te kalosh nje Shen Valentin te bukur

Ja dhe dicka kshu per qejf nga une...

-------------------------------------------------------------------

..dhe te ftuarit e mbremjes se valsit
ne kete nate dimri s’pushojne
pelicet luksoze hedhin tej
qeshin, perkulen, hareshem vallzojne.

Stalaktikat e akullta ne dritare
dhe zjarri bubulak ne oxhak
qirinjte, shandani i kristalte,
qe mermerin e salles ndricon sadopak

Nje frak elegant dhe i zi
fustan lozonjar me perla qendisur
mendafshi rreshqet nazeli
nga duart e xhentelmenit te hazdisur ( lol, kshu bente rime)

..por loja i le vend dashurise
kur ne mur hijet embel afrohen
ne fillim lehte, pastaj shpejt e me shpejt
rrotullimet e tyre koordinohen

Dhe ju kendofte te gjitheve shpirti
muzike, shampanje, hare, dashuri,
per dyshen e perhumbur ne flake vezulluese
per shpirtrat qe jeten kompozojne ne harmoni.

[ALBA]

Drini ! Urime per poezit .
Te kam thene qe ti kur shkruan , me ngjan me ate miku tim Kolumbian Gabriel Garcia Markez i cili thoshte :

Të thuash gjithmonë atë që ndien dhe të bësh gjithmonë atë që mendon.
Ke kjo poezia e fundit qe ke shkruar , sikur mos te njihja se e ke shkruar ti ate poezi , edhe sikur te ishte ne gjuhe tjeter do ta merja me mend se poeti do ishte shqiptar. lool
Besoj se e kupton se ku duat te dal .
Ne ate poezi ke hedhur "testamentin e bujaris se shpirtit tend "
Bravo , urime per te gjitha poezit qe i ke dhuruar Albasoulit.

Me respekt Alba

[Dita]

Brënda kraharorit tim

Brënda kraharorit tim
është një shtëpi
ku zjarri digjet
në një oxhak papushim
me tym që bie poshtë
duke vallëzuar më sjell lehtësi.

Brënda kraharorit tim
shtëpia ka një oborr
ku mbillen e rriten bimë
e vështroj horizontin
të shkoj në pafundësi
në dorë shtrëngoj farën BESIM.

Brënda kraharorit tim
shtëpia është në mal e fushë
pranë detit e lumit
mes shkëmbinjve e tokës pjellore
ditëve me re e me diellë
lotëve të shiut e buzëve të thatësisë.

Brënda kraharorit tim
netëve kthehem në shtëpi
duke ecur shtegje të thepisura
çdo ditë duke shpresuar për gëzim
e duke thurrur rrjeta peshkatari
të di ku është e dashura ime.

Brënda kraharorit tim
në shtëpi jeton vetëm një njeri
e ka dhomën gati për një vajzë
i mbanë dyert hapur për shoqërinë
duke gdhendur është tek dera
“Mi casa es tu casa” për të gjithë.

28 Janar, 2003

Ky eshte Drini. Shume e bukur kjo poezi.

Artikullin tend (me frymen e gezimit infektues sic eshte shprehur angeldust me lart) e kam lexuar. Mbase nderhyj edhe une me mendim tek tema tek Kultura demokratike.

Pershendetje!

[drini_në_TR]

Sa gëzohem kur iu shoh të gëzuar, dhe nga çfarë? Prej fjalëve të një robi diku në botë!
Angeldust, të falemnderit shumë për vargun që solle. Të falemnderoj me gjithë zemër për urimin aq "të veçantë" sa të mrrekullueshëm, sepse shumica e njërze të urojnë për pare, apo sende materiale, por dashuria është më e rëndësishmja nga të gjitha

Alba, qyteti ku jetoj është i dyti nga madhësia pas kryeqytetit të Meksikës me meksianë. Përveç tyre, ka edhe shumë latinë të tjerë nga të gjitha shtetet e amerikës qëndrore e jugore. Edhe emri i qytetit është në spanisht, medoemos që këtu rrezatohen virbracione "romantiko-latine", besoj se më kupton edhe ti, lol...

Dita të falemnderoj për ndërhyrjen dhe për ndjenjën tënde përkufizuese aq të qartë që ke Pres të lexoj edhe unë mendimet e tua tek ajo tema tek forumi i Kulturës Demokratike.

Dua t'iu them veçse një gjë: Në rradhë të parë falemnderoni veten që u gëzuat me gëzimin e një tjetër njeriu, dhe më pas atë njeriun... Gëzimi juaj më gëzoj edhe mua prej mesazheve tuajat

~ ~ ~ ~ ~ ~ ~

Besim

Besim
zemra ime
është e etur ta ndjej.

Besim
sytë e mi
vështrojnë për atë shikim.

Besim
veshët e mi
dëgjojnë për atë zë.

Besim
buzët e mi
kërkojnë ftyrën e saj të njomë.

Besim
duart e mi
lëvizin për atë ledhatim.

Besim
trupi im
kërkon të ngjitet me të.

Besim
dashurinë e them
me të gjithë vetin tim.

Besim
ki durim
gjërat vijnë për ta që kan besim.

30 Janar, 2004

[drini_në_TR]

I dashuruar me dashurinë

Jam i dashuruar me dashurinë
jam shkrirë me këtë ndjenjë
gjeri sa frymën të ndjej në kraharor
vetëm gëzimin e dashurisë do frymoj.

I dashuruar me dashurinë
do të thotë i gëzuar që jeton
problemet ditore kthehen në aventura
kur i rri kah dashurisë vetëm fiton.

I dashuruar me dashurinë
përgjigjia është vetëm një
unë i them saj “bëj çfarë të duash,
se unë prap të dashuroj.”

I dashuruar me dashurinë
jeta këtu nuk përfundon
nuk goditet nga trishtimet që kufizojnë
se unë zgjedh vetëm të dashuroj.

I dashuruar me dashurinë
kush thoshte dhimbja nuk të bën mirë?
Haha, shijoje për çfarë ndodh
të të tregoj vetëm çfarë nuk ekziston.

I dashuruar me dashurinë
e ndjej se gjithnjë kështu kam jetuar
dashuria më rizgjon në çdo çast
duke bërë të ndjej lirinë e pafundësuar.

I dashuruar me dashurinë
askush nuk do të të lëshoj
rindizet ajo që të përqafon
dhe ti dashurohesh me dashurinë që ajo tregon.

I dashuruar me dashurinë
unë e ti jemi një
nuk ka nevoj të them se çfarë do
vetëm që tash e tutje jetoje.

“Zot, të falemnderoj...”

31 Janar 2004

[smokkie]

Krijime te tuat jane kto drini?
nxirr nje liber ore
seriozisht

[drini_në_TR]

Smokkie mos të lutem, jo tani , se jam në shkrim e sipër të një tregimi, i cili është ditari im vetjak. Më kanë ndodhur disa gjëra duke filluar me javën që kaloj, me kanë prekur shumë thellësisht. Shumë dëshirë kam ta hap dhe ta shfaq atë ditar, por nuk është në të mirë të rrjedhjës së gjasave. Jo tani të paktën, por e parandjej që një ditë do të jetë një histori shumë e bukur. Në çdo çast tani jam në testim e sipër të vetvetes.

Dhe po, këto poezitë janë të mijat. Të falemnderit me gjithë zemër për sugjerimin. E di çfarë ka thënë shkrimtari më i madh amerikan Emersoni?

"Është e natyrshme të jesh i ndritur, dhe e panatyrshme të mos jesh"

Ne kemi lindur të ndritur e të pastër në të gjitha ndjenjat. Çështja është: "Sa e kujtojmë, dhe sa jemi vetvetja në këtë çast?..."

...këtë çast, "ky çast", gjithçka është dhe të gjitha pasuritë e fshehura janë në këtë çast!

Me përzemërsi,
Drini.

[smokkie]

Nuk e di cfare te ka ndodhur, por jam i sigurte qe jane edhe te tjere si une, qe po presin nje publikim tendin.
Une te siguroj qe do e blej nje liber.

Gjith te mirat.

[drini_në_TR]

Zan në Qiell

Hape derën
e Dashur
disa trokitje në qiell
me vetëtimën gjëmojnë.

Tek vrima e çelsit
moj Afërditë
shiko si ikin ditët
në harresë ti vrapon me to.

Dorën tek dera
Zanë e bukur
jeta ndodh vetëm tani
e dëgjon sa larg është ky zë?

Hape derën
Borëbardhë
nuk ka më mbretëreshë të keqe
dashuria frikën e ka mposht.

Derën
Vajzë
ka më shumë se dhoma jote
nëse s’më do unë nuk qëndroj.

Zan=zë; Zana=zanat nimfa
Afërdita=Perëndesha e bukurisë.

~ ~ ~ ~ ~ ~ ~

Një Yll Tani

Jam bërë yll sonte
qëkur tek njërizit shoh yje
me ngjyra të ndryshme
secili rrezaton ndjenjat e tyre
errësirën duke ndriçuar.

Si ai ylli në qiell sonte
dhe të tjerët në pafundësi
thonë që secili prej nesh
është njëri prej tyre atje
ndaj të shohim yjet na pëlqen.

Sa bukur kur je yll
se e di që ndrin
dhe ua sheh të tjerve ndjesinë
sikur moti nganjëherë edhe ne
e bllokojmë dritën tonë me re.

Dhe kur e di që je yll
e ndjen dritën të shkoj
të përplaset në pafundësi
të ndjej të gjithë çastin tani
dhe vendodhjen e të tjerëve e di.

Kur dritën e ndrinë
kur e ndjen të të përshkoj
sëmundjet e tua gjejnë shërim
dhimbjet dhe trishtimet të lëshojnë
dhe aq më bukur kur rikujton të tjerët të ndriçojnë.

...dhe kemi lindur që dritën të rrezatojmë,
por pa të tjerët mos me e dit që e lëshojmë...

2 Shkurt 2004

~ ~ ~ ~ ~ ~ ~

Kjo e dyta është për ty Smokkie, pjesmarrësit në këtë temë, dhe të gjithë njerëzit. Vetëm në sajin tuaj mund të di nëse ndriçoj dhe nëse dikush e sheh dritën time, prandaj i vetëm unë s'mund ta njoh veten dhe ta përjetoj që ta di kush jam. E njëjta gjë vlen për të gjithë, sepse kështu është ligji i relativitetit për të gjithë ne, prandaj iu përgëzoj për pjesmarrjen në këtë temë, jo vetëm pse më gëzuat mua, por sepse iu afruat dikujt që vlerëson në maksimum gëzimin, dashurinë dhe të vërtetën. Duke bërë një zgjedhje të tillë besoj se e kuptoni vetë "të mirën" që dua të them ...

E çuditshme, kur shkrova "Zan në Qiell" sonte, ishte duke rënë shi, dhe unë i lagur se i kisha dhënë motorit gjatë shiut. Kur dola të kthehem në shtëpi, pash që kishin dalur yjet, dhe kjo ndodhi pasi shkrova poezinë e dytë .

Dëgjohena
me përzemërsi,
Drini në Los Angeles.

[smokkie]

Faleminderit drini, te dyja poezite te bukura jane.

Ne e shohim driten tende sepse ti na lejon ta shohim, prandaj eshte merita jote qe ne te vleresojme, gjithmone vleresohet ai person qe ka dicka per tu vleresuar...

Gjith te mirat.