Aktivitete dhe organizime në Angli

[Eve]

Moj angel me te vertet kur e paske nje burr cdashke me gje ler nje cik per te tjeret...

hahahha ca te lej moj ose re?

[peadix]

VOTONI PAVARSINE E KOSOVES
http://petitions.pm.gov.uk/Kosova/

[Piloti]

Fundjava juaj tani ndryshe me "Fundjava.Com"

Nga Londra
Muhamed Veliu

Sa herë që diskutohet për organizime apo argëtime të shqiptarëve në
Britaninë e Madhe, konkluzioni i kësaj teme është përmledhur me pak
fjalë. Nuk jemi komunitet i organizuar.
Fatmirësisht këtij përfundimi i ka ardhur fundi. Duket se viti 2007
ka filluar krejt ndryshe përsa i përket aktiviteteve të mirfillta
shqiptare për komunitetin prej 100 mijë vetash në shtetin ishull.
Krahas organizimeve sporadike me yje të muzikës apo humorist
shqiptarë që sillen në Londër, tani c'do fundjavë emigrantët tanë
kane mundësine që të argëtohen nën ritmin e tingujve shqip.
Një grup të rinjsh disa prej tyre DJ të muzikës shqiptare kanë
krijuar një grupim që e kanë quajtur "Fundjava.com". Primare e punës
së tyre është që gjatë fundjavave në ç'do cep të Londrës të
organizojnë mbrëmje ku argëtimi të jetë 100% shqip.
Njëri prej tyre Sajmir Ndregjoni pohon se deri më tani kanë
organizuar dhjetra veprimari të tilla të cilat janë frekuentuar
masivish dhe që tregojnë se komuniteti shqiptar në Angli ka nevojë
të
argëtohet nën ritmes e muzikës së tyre.
Ai ka disa vite që organizon aktivitete të tilla të cilat i ka
quajtur "Natë Shqiptare në Londër. Observimi i tij për një vakum
aktivitetesh bëri që organizojë aktivitete të përjavëshme duke i
pagëzuar me emrin "Fundja .Com".
"Duke patur miq nga komunitetet e tjera të cilët na kanë ftuar në
aktivitet e tyre kemi vënë re se sa prapa jemi si komunitet shqiptar
në të tilla organizime.
Pastaj ne kemi si shëmbull komunitet shqiptare në Zvicërr, Gjermani
apo Amerikë të cilët për fundjavë krahas argëtimeve të ndryshme kanë
edhe ato me muzikë shqiptare." shprehet Ndregjoni.
Më tej ai ka sqaruar se veprimtaritë e organizuara deri më tani kanë
qënë në zonën Willesden Green por duke qënë disi larg është siguruar
një ambient afër zonës Bank për të qënë sa më afër qendrës.
Ndregjoni në planet e tij ambicioze synon më shumë. Ai kërkon që
këto
aktivitete të jenë sa më të larmishme dhe ku të gjithë të argëtohen.
"Kemi filluar të ngrimë një sistem antarësimi "membership" për të
gjithë ata që duan të bëhen pjesë e këtyre aktiviteve. Të
antarësuarit duhet të paguajnë vetëm 10 paund që të marrin kartën e
antarësimit. Me këtë kartë ata do të marrin pijen e parë falas, do
të
kenë ulje në pagesën e hyrjes dhe në ato raste kur salla do të jetë
e
mbushur antarët e "Fundjava.Com" do ta kenë vëndin të rezervuar" ka
treguar Ndregjoni duke lënë të kuptohet se kjo është një formë
tjetër
atraksioni dhe efikase në biznesin e organizimeve të aktiviteteve
kulturore.
Deri më tani "Fundjava.Com" ka përdorur internetin si mjet informimi
apo shpërndajen e fjalës për aktivitet e saj. Por një gjë tillë do
të
pëmirësohet akoma më shumë rrëfen Ndregjoni. Sipas tij çdo person që
do të antarësohet në formular do të shënojë të dhënat e tij ku do ti
dërgohet njoftimi përmes postës ose SMS përmes telefonit sipas
dëshirës.
Përpjekjet e këtyre të rinjve vlejnë për tu përshëndetur. Ata po
zgjojnë nga gjumi komunitetin shqiptar dhe do të ishte e mira që në
aktivitet e tyre mos të kishte vetëm djem dhe vajza të reja por me
ta
të argëtonin edhe prindërit e tyre.
Serioziteti përfshi dëshirën për tu argëtuar ndryshe në Angli nën
ritmet e muzikës shqiptare nga "Fundjava.Com" nuk ka dyshim se do
tja
arrij një gjëje të tillë.

Per me teper rreth ketyre organizimeve qe ofron Fundjava.Com mund te
klikoni tek Faqja Zyrtare http://www.fundjava.com ose mund te
dergoni e-mail ne info@fundjava.com

[Agron_ca]

Peticioni do të mbyllet më 16 Prill 2007.

Deri sot janë mbledhur vetëm: 467 nënshkrime.

Ju lutem shkoni këtu dhe plotësoni formularin sa më saktë.

http://petitions.pm.gov.uk/Kosova

[^AngeL^]

Ne 13 Maj SOUND London ne Leicester Square hap dyert per rinine shqiptare nga ora 8 PM - 3 AM.

Jeni te mirepritur te festojme te gjithe sebashku nen tingujt e muzikes shqiptare dhe ne nje ambient te mrekullueshem sic eshte SOUND.

[peadix]

Gjithçka çfarë i nevojitet një emigranti në Britaninë e Madhe gjendet
tek;

http://gazetaalbania.co.uk/



Albanian Newspaper
Newspaper in English and Albanian Language
164 Fonthill Road London N4 3HP
www.gazetaalbania. co.uk
gazetaalbania@ yahoo.co. uk
Tel/fax:02072633661

[peadix]

Vizionarët e kulturës dhe sportit shqiptar
Visionaries of Albanian culture and sports
Ekspozitë
Exhibition

Me botimet më të mira të shkrimtareve shqiptarë në Britani
The best publications of Albanian writers in Britain

Prezantime të arritjeve shqiptare në Mbretërinë e Bashkuar
Presentation of Albanian achievements in The United Kingdom

Valle tradicionale shqiptare nga grupi i fëmijëve “Ardhmëria”
Albanian traditional dancing of the children group “ The future”

Interpretime poezish nga krijimet e shqiptarëve
Interpretation of poetry from Albanian writers

Për të pranishmit do të shtrohet një koktej
For the participants we will have refreshment

Hyrja falas

Free entry

Adresa / Address:
Logan Hall
20 Bedford Way
LONDON
WC1H 0AL
Të Shtunën me 2 Qershor 2007 nga ora 3.30 – 6.00 On Saturday 2nd June 2007 from 3.30p.m. – 6.00 p.m.

Për informacione të mëtejshme ose për të konfirmuar pjesëmarrjen, ju lutem kontaktoni me organizatoret:
For more information or to confirm your attendance please contact with organisers:


London (The Albanian / Edith Durham)
Mr. Petrit Kucana
Tel: 0207 2633 661
E: albania7@gmail.com

Birmingham (MEAF)
Mr. Dritan Dema / Ms Anila Edge
Tel: 0121 7711 631
E: info.meaf@gmail.com

London (Ardhmeria)
Mr. Lutfi Vata
Tel: 0207 252 7471
E:ardhmeria_uk@yahoo.com



Albanian Newspaper
Newspaper in English and Albanian Language
164 Fonthill Road London N4 3HP
www.gazetaalbania.co.uk
gazetaalbania@yahoo.co.uk
Tel/fax:02072633661

[London_]

07 Korrik 2007 - Party @ London Stone! DJ / Orkester

Kam kënaqësinë që të ju njoftoj se me date 07 Korrik 2007 - Fundjava Shqiptare do të marë pjesë sërisht ne ‘Cannon Street’

Aty do të kemi “DJ” si gjithmonë, por ajo që do jetë speciale është se do të kemi nje “Orkester - duke kënduar drejtëpërdrejtë”.



Gjatë natës kemi deshir të japim surpriza, cmime, etjer – etjer dhe ajo çfar është më e rëndësishme është të ja kalojm sa më mirë.
Paralajmërim!
Nuk Lejohet duhani ngaqe 1 Korriku vendoset ligji ne zbatim, pra dhe nje her nuk lejohet duhani!





Hyrja Fillon: 8:00PM [20:00]
Hyrja Kushton: Vajzat | FALAS| Djemtë member |£10|
Vendi: THE LONDON STONE
Adresa: 109 Cannon St, London, EC4N 5AD
Email: info@fundjava.com
Tel No: 07828424540







Paralajmërim!
Do punojme me shume qe te kemi nje audience te balancuar midis femrave dhe djemve. Ajo qe ne do te bejme esht qe do te numerojme njerezit ne hyrje, dhe do te lejohen vetem per te balancuar. Cfar do te thot kjo, nese brenda jan 30 goca dhe 30 cuna, do te thot qe personi qe vjen dhe nese esht mashkull nuk lejohet per te hyr brenda pa u balancuar me nje vajza.

Nese doni te siguroni hyrjen ateher duhet te vini te shoqeruara me nje vajze, ose grup djemsh me vajza. Nese do te vini ju djemt pa vajza Hyrja nuk esht e sigururuar.

[peadix]

Përshëndetje drejtuar gazetës "The Albanian" me rastin e tre vjetorit të botimit të saj


Nga Kastriot Robo

Ambasadori shqiptar në Britaninë e Madhe


Është një kënaqësi e pamasë dhe një krenari e madhe për mua si Ambasadori shqiptar në Mbretërinë e Bashkuar t'Ju drejtoj juve një mesazh përshëndetjeje botuesve të gazetës "The Albanian" që botohet këtu në Londër me rastin e tre-vjetorit të botimit të saj.

Kam rastin të shpreh respektin tim të thellë dhe mirënjohjen time për botuesin e kësaj gazete, zotin Petrit KUÇANA, i cili me këmbëngulje, vullnet, punë të palodhur dhe mbi të gjitha me një ndjenjë të thellë kombëtare dhe atdhetarie kanë mundësuar botimin dhe shpërndarjen e kësaj gazete për komunitetin shqiptar që jeton dhe punon në Mbretërinë e Bashkuar.

Kur filloi botimi i kësaj gazete dhe në përvjetorët e saj që kemi festuar gjithnjë kam uruar jetë të gjatë, i bindur në problemet dhe vështirësitë e mëdha që përballohen nga stafi i saj botues, staf i cili sa vjen e bëhet edhe më kompakt dhe me profesional.

Uroj që boshti qendror i kësaj gazete, shqiptarizma, të vijojë edhe në vitet që do të vijnë, si një nevojë dhe kërkesë e domosdoshme për të gjithë komunitetin shqiptar në Mbretëri të Bashkuar. Së bashku kemi përjetuar dhe ndjekur me kënaqësi zhvillimet aq pozitive në Shqipëri, progresin e bërë në drejtim të integrimit euroatlantik, si dhe përpjekjet e fundit që po bëhen për marrjen e pavarësisë së Kosovës, si një hap historik që zgjidh njëherë e përgjithmonë këtë padrejtësi të së kaluarës.

Nuk është vështirë të konstatosh duke lexuar numrat e gazetës suaj se boshti kombëtar, shprehja dhe mbrojtja e interesave tona kombëtare kanë qene dhe janë shtylla ky mbështetet fort përmbajtja e kësaj gazete, e cila është kthyer në një instrument të nevojshëm të shprehjes dhe promovimit të vlerave tona kombëtare, e historisë, kulturës, gjuhës, traditave, zakoneve, një tribune e rrahjes së mendimeve dhe çështjeve me interes për të gjithë ne.

Siç e theksova edhe në një takim që patëm së fundi me intelektualë, shkrimtarë dhe veprimtarë të komunitetit tonë këtu, gazeta juaj është kthyer edhe në një tribune të promovimit të vlerave edhe të mjaft të rinjve, të cilëve nga ana juaj u është krijuar mundësia të botojnë për herë të parë në gazetën tuaj shkrime dhe artikuj me përmbajtje të ndryshme. Ata për gjithë jetën e tyre do ti referohen botimeve dhe shkrimeve të tyre të para dhe se ka qenë gazeta juaj ajo që u ka hapur dyert dhe që në vetvete është një shtysë dhe nxitje e madhe për ta vazhduar veprimtarinë e tyre publicistike, analiste dhe botuese edhe në të ardhmen.

Me botimin e gazetës ne u tregojmë në të njëjtën kohë mikpritësve angleze se ne jemi një komunitet i organizuar dhe se ne dimë të respektojmë dhe promovojmë vlerat tona dhe se jemi të bindur se duke ruajtur dhe forcuar identitetin tonë kombëtar neve do të jemi qytetare më të vyer dhe më me vlera edhe për Mbretërinë e Bashkuar. Ne mendojmë se këto përpjekje tonat kanë pasur edhe rezultatet e tyre për t'u integruar sa më mirë në shoqërinë britanike, për të qenë qytetare të denjë, të respektuar dhe të nderuar të kësaj shoqërie. Këto ndjenja të miqësisë dhe të qytetarisë perëndimore ne po ja mëkojmë të gjithë brezave të shqiptareve që gjenden dhe jetojnë në Mbretërinë e Bashkuar. Veçanërisht neve këtë mbi të gjitha po jua kërkojmë fëmijëve tanë, të cilët kanë pasur rezultate të shkëlqyera në mësime.

Duke e përfunduar mesazhin tim të urimit, me lejoni edhe një here t'Ju uroj jetë të gjatë dhe botime sa më cilësore në mbështetje të komunitetit shqiptar në Mbretërinë e Bashkuar, në promovim të çështjes sonë kombëtare.


Urime për tre-vjetorin e gazetës
“The ALBANIAN”

Nga Lutfi Vata Kryetar i shoqatës “Ardhmëria”


Përgëzime dhe falënderime të përzemërta për Zotin Petrit Kuçana dhe stafin e tij, në përvjetorin e gazetës "The Albanian", për kontributin e tyre të çmuar në drejtim të përhapjes së informacionit dhe problemeve social-kulturore të pasqyruar nëpërmjet kësaj gazete tek komuniteti shqiptar.
Të përcjellësh lajmin dhe realitetin në jetën e përditshme tek 100 mijë shqiptarë që ndodhen në Mbretërinë e Bashkuar nuk është e lehtë,duhet mund dhe sakrificë, gjë që, për mendimin tim kjo gazetë ia ka arritur qëllimit të saj.
Shpresojmë që dhe në të ardhmen kjo gazetë si mjet informimi për opinionin publik kryesisht për atë shqiptarë që ndodhet në Britani do te mbështetet dhe të përcillet nga komuniteti shqiptar me qellim për përhapjen dhe marrjen e informacioneve, të veprimtarive të ndryshme të realitetit shqiptar ne MB.
Duke e falënderuar stafin e gazetës suaj më lejoni dhe një herë t'ju uroj 3-vjetorin e krijimit të gazetës dhe të ruani identitetin tuaj kombëtar dhe vlerat si gazetë që keni. Përshëndetje ju dhe gjithë shqiptareve që ndodhen në Mbretërinë e Bashkuar Urime ,urime dhe vetëm urime.

Nga Dritan Dema Kryetar i MEAF


Është për t’u përshëndetur puna mjaft e mirë e shumë gazetarëve shqiptarë të cilët shpesh herë në mënyrë vullnetare, kanë dhënë dhe po japin kontributin e tyre për të informuar komunitetin përmes kësaj gazete. Fondacioni I Shqiptarëve Etnikë në Midland ka mbajtur kontakte të vazhdueshme me drejtues dhe gazetarë të gazetës “The Albanian” dhe dua të them që dëshira dhe gadishmeria juaj për të qenë sa më gjithëpërfshirës dhe për të bashkëpunuar sa me afër me mbarë komunitetin është një indikator mjaft i rëndësishëm i suksesit dhe arritjeve tuaja pozitive.
Mendoj që ju keni pasqyruar shumë lajme dhe aktivitete të larmishme që kanë vlerën e tyre. Por këtë herë dua të përmend rolin tuaj themelor në lidhje me organizimin dhe pasqyrimin e suksesshëm të Thirjes (peticionit), përmes së cilës, në mënyrë të organizuar, ne patëm mundësinë të falënderojmë Kryeministrin Blair dhe në të njëjtën kohe t’i kërkojmë Atij njohjen e Pavarësisë së Kosovës. Ky është një shembull konkret mes shumë të tjerësh ku vlerat e vërteta tradicionale shqiptare pasqyrohen më së miri, qoftë në nivelet kombëtare, ashtu edhe në ato ndërkombëtare.
Duke e përfunduar dua duke ju uruar të gjithë lexuesve të gazetës “The Albanian” si dhe të gjithë bashkëkombësve tanë në Britani: Gëzuar tre vjetorin e gazetës dhe suksese të mëtejshme.

Taulant Omi Kryetar i shoqatës “Skënderbeu”

Përshëndetjet më të mira gazeta “The ALBANIAN”
U bë i treti vit që shqiptarët në Mbretërinë e Bashkuar kanë zërin e tyre. Në emër të shqotës “Skënderbeu” ju urojmë suksese të mëtejshme në misionin tuaj fisnik. Gazeta “The Albanian” ka shërbyer si zëdhënësja e vlerave më të mira shqiptare këtu në ishullin britanik, madje si shembulli i bashkëpunimit dhe mes individëve dhe shoqatave shqiptare në MB.
Ne jemi vërtet të lumtur për bashkëpunimin e frytshëm që kemi patur me gazetën, jo vetëm për spektaklin e madh Miss Shqiptarja në MB, por edhe në dimensione të tjera të bashkëpunimit. Jemi të lumtur që festën 3-vjetorit të gazetës do ta festojmë së bashku.

Shpëtim Alimeta Drejtor i shoqatës “ARBERIA”


E nderuar Redaksi e Gazetës 'The Albanian' Ndjehem i lumtur dhe krenar për cilësinë dhe përkushtimin në punën Tuaj. Jo vetëm pasi vërej me kënaqësi rritjen dhe përmirësimin e cilësisë së shkrimeve në faqet e Gazetës Tuaj, por edhe të politikës miqësore redaksionale që Ju po tregoni për gjithë bashkësinë shqipfolëse në Britani. Gazeta 'The Albanian' nga viti në vit, jo vetëm po forcon lidhjet mes bashkësive shqipfolëse, por edhe mes dashamirësve anglofon dhe çështjes Shqiptare apo mes Britanikeve dhe shqiptarëve në përgjithësi. Gazeta Juaj ka një përmirësim të dukshëm në paraqitje dhe mund të them se; aty, unë gjej shpesh, gjëra që më bëjnë të ulem në tryezën time për ti lexuar me plot interesim.
Po arritja me madhështore e Gazetës 'The Albanian' është se; Të gjithë kontributorët në faqet e larmishme janë krejtësisht vullnetarë dhe njerëz që kanë diçka të vlefshme për të thënë për bashkësinë, për çështjen Shqiptare, për kulturën tonë, për muzikën, për kuzhinën, për filmin apo për përparimin dhe anëtarësimin e Shqipërisë dhe Kosovës në strukturat Europiane dhe Atlantike. Kjo është një arritje e vërtetë që tregon se shqiptarët kanë ndryshuar për mirë. Ju përgëzoj nga zemra duke Ju uruar sinqerisht; Rrugë të gjatë dhe me nder!


Nga Talat Pllana Kryetar i Bashkësisë shqiptare “Faik Konica”


Gazeta “THE ALBANIAN “ ka patur një rëndësi të madhe në rrugën e integrimit të shqiptarëve në Britaninë e Madhe. Ajo është bërë tribunë e mendimit të lire të bashkatdhetarëve në paraqitjet e halleve të tyre. Gazeta ka sjellë informacione nga më të ndryshmet duke filluar me njohjen e ligjeve e të drejtave për zgjedhjen e statusit madje informacione nga sfera e kulturës, sportit, shkencës , biznesit, të historisë në evokimin e ngjarjeve të rëndësishme dhe të traditave tona. Ajo ka pasqyruar përvojën dhe përpjekjet e institucioneve relevante shqiptare për tu bashkuar dhe prezantuar vlerat shqiptare në Britaninë e Madhe.
Gazeta “ THE ALBANIAN “ ka qenë zëdhënëse e komunitetit shqiptarë në Britaninë e Madhe duke prezantuar vlerat tona kombëtare në këto tri vite që lamë pas ajo numërojë rritjen e saj pa u ndalur duke shënuar sukses dhe pasuruar përmbajtjen dhe tirazhin.
Në të kaluarën nuk do të thoja se kanë munguar përpjekje të tjera për një gazetë të komunitetit shqiptarë mirëpo ato ishin afatshkurtëra dhe nuk ju bënë ballë sfidavetë kohës. Bashkësia Shqiptare” Faik Konica” e mirëpriti aktivitetin dhe iniciativat e ndërmarra nga redaksia e kësaj gazeta për të informuar pjesëtarët e komunitetit shqiptar. Dalja e gazetës “ THE ALBANIAN “ ishte e mirëseardhur, lexuesit me ketë gazete po njohin subjektet shqiptare: shoqatat e ndryshme, njerëz të artit,kulturës dhe sportit që po bëjnë emër në Britaninë e Madhe.
Unë si kryetar i Bashkësisë Shqiptare “ Faik Konica” Ju uroj Trevjetorin duke ju dëshiruar jetë të gjatë në punën tuaj fisnike. Ju premtojë se do të mbetem bashkëpunëtor besnik në informimin e rregullt për gjithë veprimtaritë që do të zhvillojmë në të ardhmen. Kjo formë e bashkëpunimit do të ndërtojë më mire jetën e bashkatdhetarëve dhe do të lehtëson brengat tona në dhe të huaj.

Nga Brikena Muharremi sekretare e Anglo-Albanian Assocation

Uroj gazetėn ‘The Albanian’ pėr punėn e deritanishme. Kjo gazetė ėshtė njė medium i nevojshėm pėr komunitetin. Uroj qė punėn e saj nė rrafshin informativ dhe kulturor t’a vazhdoj me sukses nė tė ardhmėn, ndėrsa lexuesit t’a mbėshtesin sa mė shumė.


Nga Mehmet Stublla Kryetar i Kosova Islamik Centre

Gazeta “The Albanian” me punën profesionale që ka treguar në 3 vitet e fundit qysh prej fillimit të botimit e deri më tani është një shërbim informativ i rëndësishëm pozitiv jo vetëm në komunitetin shqiptar në Britani të Madhe por edhe më gjerë .
Nuk ka dyshim se informimi është mjeti kryesor për t’i përçuar dhe pasqyruar vlerat tona kombëtare në rrafsh ndërkombëtar e posaçërisht në MB. Gazeta “The Albanian” ka luajtur një rol të rëndësishëm në këtë drejtim edhe pse besojmë se nuk është një punë e lehtë për drejtuesit të stafit të gazetës, mirëpo me punën e vazhdueshme profesionale dhe me bashkëpunim të mirëfilltë kanë fituar një respekt tek lexuesit dhe një përshtypje se kjo gazetë është ajo që i shërben këtij komuniteti , që tregon vlerat tona kombëtare , fetare , kulturore artistike. Dhe një rol me rëndësi në integrimin e komunitetit shqiptar në shoqërinë Britaneze duke i ruajtur vlerat tona kombëtare dhe fetare. Në përgjithësi komuniteti shqiptar në MB ka nevojë për një organizim edhe më të gjerë për shërbime. Është me rëndësi e ardhmja e komunitetit në MB, shërbimet , shkollimi i fëmijëve, këshillimi dhe shërbimet kulturore dhe fetare. Grupe të ndryshme në komunitetin tonë të cilët e ndiejnë vehten të izoluar për shkak të mos gjindjes së vendeve të përshtatshme për tubime. Shpresojmë se ky shërbim i nevojshëm që ofrohet nga gazeta “The Albanian të çmohet , ndihmohet dhe të shtohet numri i lexuesve , dhe shpresoj se edhe gazeta në të ardhmen do të angazhohet në zgjerimin e shërbimeve që ka nevojë komuniteti.

Nga Ruzhdi Jata Kryetar i shoqatës Dituria

Gazeta “The Albanian” po luan gjithnjë e më shumë një rol të rëndësishëm në jetën e shqiptarëve në UK,duke popullarizuar vlerat tona kombëtare e duke ndikuar në rritjen e kontributit tonë për vendin ku jetojmë. Këto përpjekje janë vërtetë të lavdërueshme dhe vërtetojnë faktin se kjo gazetë po punon mirë. Ky është një inkurajim i jashtëzakonshëm në 3 vitet e jetës së saj ku të gjithë ne kemi fituar shumë. Pasqyrimi i nevojave dhe i problemeve aktuale, në rritje të komunitetit shqiptar në gazetë flet dukshëm për profesionalizëm të larte të stafit të saj.
Aktivizimi i sa me shumë intelektualëve si dhe i përfaqësuesve të shtetit shqiptar dhe anglez në trajtimin e problemeve ka rritur interesin tonë për gazetën dhe nivelin e komunikimit, duke ndihmuar në gjetjen e zgjidhjeve për problemet që na shqetësojnë në punë.
Kjo na jep forcë për të kapërcyer me sukses vështirësitë që i ndeshim në jetë. Sfidat e së ardhmes na kërkojnë ne të gjithëve të jemi të bashkuar dhe ta përdorim me efektivitet të plotë gazetën “The Albanian” në mbrojtje të interesave tona e të kombit. Kjo do të thotë jo vetëm të marrim prej saj, por të mendojmë seriozisht se çfarë mund t’i japim për ta bërë këtë më të fuqishme.

Luljeta Nuzi Kryetare e Shpresa Programme


Është kënaqësi të konstatosh që në Mbretërinë e Bashkuar ka gazeta të botuara në gjuhën shqipe. Gazeta "The Albanian" ka luajtur një rol të rëndësishëm në përçimin e vlerave tona kulturore dhe më të mira tek brezi i ri. Cilësia e kësaj gazete ka ardhur duke u përmirësuar dhe me vjen mirë që në faqet e saj tashmë trajtohen probleme më të cilat ndeshet komuniteti ynë këtu në Mbretërinë e Bashkuar si edhe pasqyrohen arritjet më të mira dhe sukseset e komunitetit tonë. Gjithashtu kjo gazete ka luajtur një rol shumë të rëndësishëm në inkurajimin e krijuesve të rinj si edhe njohjen e brezit të ri me figurat më të shquara të kombit tonë nga fusha të ndryshme në vite. Kjo gazetë ka treguar se duhet kontributi i të gjithë komunitetit në trajtimin e problemeve dhe pasqyrimin e vlerave tona kombëtare në jetën sociale këtu në MB. I uroj kësaj gazete në tre vjetorin e saj suksese dhe shpresoj që ajo së shpejti të ketë më shumë gazetarë të trajnuar që të ketë mundësi të pasqyrojë sa më shumë arritje pozitive të komunitetit tonë këtu në MB si edhe problemet me të cilat përballen shqipfolësit që banojnë në zona të ndryshme të Mbretërisë së Bashkuar.

---------------------------------------------------------------------------------------------------

The Albanian Newspaper
Newspaper in English and Albanian Language based in London
164 Fonthill Road London N4 3HP
http://gazetaalbania.co.uk/
albania7@gmail.com
Tel/fax:02072633661

[London_]

Ne 13 Maj SOUND London ne Leicester Square hap dyert per rinine shqiptare nga ora 8 PM - 3 AM.

Jeni te mirepritur te festojme te gjithe sebashku nen tingujt e muzikes shqiptare dhe ne nje ambient te mrekullueshem sic eshte SOUND.

u bo ndi per spital ktu ke ky party lol