Kryqi!

[Klevis2000]

Postuar më parë nga Matrix




I dashur Klevis.
Pyetja qe ti ben eshte shume e drejte dhe shume me vend per te kuptuar doktrinen Kristiane.
Mund te them vetem se ne Kryq, Krishti mori vendin tone duke u bere i mallkuar dhe duke na cliruar prej mallkimit. Pra Krishti shnderroi mallkimin, ne bekim. Kjo ndodhi ne Kryq, ndaj dhe ne shprehim nderim ndaj Kryqit.
Por sic e thashe dhe ne shkrimin tim te pare, nuk eshte puthja apo varja ne qafe e Kryqit ajo qe na kerkohet, por PERJETIMI I KRYQIT. E di qe ky shpjegim eshte shume i thate, por do mundohem se shpejti, qe pyetja jote te marre nje pergjigje direkte apo indirekte.
Pershendetje!

Si ka mundesi te behet i Malkuar sepse ju thoni se Ai eshte Zot .A behet Zoti i mallkuar.Apo ishte profet dhe njeri.Me sqaro pak.
Nese ekeni problem keto nderhyrjet e mia me thoni qe mos postoj.

[marcus1]

I dashur Klevis,

Problemi me ty nuk eshte se ti nuk duhet te pyesesh ne kete dhome te krishtere, por se cfaredo pergjigjje qe te te japim ty, ti nuk do jesh i kenaqur. Ti nuk pyet peraresye se kerkon te kuptosh gjera qe nuk i ke kuptuar, por per te na vertetuar neve ne nje fare menyre se ato qe ne besojme jane budalliqe.

Por, sikur edhe pergjigjjen me te bukur ne bote te te japim, nese nuk te zbulohet nga Perendia, ti nuk do ta kuptosh kurre. Ashtu sic tha edhe apostulli Pal: "mesazhi i kryqit eshte marrezi per te humburit po per ne qe shpetohemi eshte FUQIA E PERENDISE", apo: "krishti i kryqezuar eshte skandal per Judenjte dhe marrezi per Greket, kurse per ata qe jane te thirrur qofshin Judenj apo Greke, predikojme Krishtin.(ne ate kohe queshin Greke te gjithe jocifutet.)

Keshtu pra i dashur Klevis, ne se nuk je i thirrur, apo nese nuk ta zbulon vete Perendia, eshte e kote qe une dhe kushdo tjeter te mundohemi te te shpjegojme Krishtin apo Kryqin e tij.

Te uroj te gjithe te mirat,

Liveintwoplaces

[marcus1]

Te dashur vellezer dhe motra ne Krisht,

Kjo teme qe eshte hapur eshte nje teme shume e rendesishme dhe e bukur pasi kryqi eshte (ose duhet te jete) per te krishteret alfa dhe omega ne jeten e tyre.

Do doja edhe une te jap mendimin tim mbi kete ceshtje kaq te rendesishme, por gjithashtu do doja te thoja se jam pothuajse i pa afte qe te flas per kryqin e Krishtit. Sic duket te vetmit qe jane kompetente te flasin per kryqin, jane ata qe e kane perjetuar ate. Kryqi, ashtu sic e ka thene edhe Matrix nuk mesohet duke studiuar libra te ndryshme apo akoma edhe biblen, por duke e perjetuar ate.

Le te mos harrojme se ishin farisenjte dhe saducenjte ata qe i njihnin shkrimet me shume se kushdo, por ata deshtuan te njihnin Krishtin. Ne vend te tyre e njohen Krishtin peshkatare te pashkolluar, prostitutat dhe tagrambledhesit. Ky eshte pra nje fakt biblik se Krishti apo kryqi i Tij nuk njihen nga studimet, por nga perjetimi i Tij. Dhe qe ky te perjetohet duhet te kemi nje zemer per Te, ashtu sic kishin edhe peshkataret, prostitutat apo tagrambledhesit qe ndoqen Krishtin ne jeten e tyre.

Le te futem ne teme. Ceshte kryqi? Apo me mire le te them me pare se cfare nuk eshte kryqi. Kryqi nuk eshte ai send qe neve vendosim ne godinat e kishave, as ai qe ne varim ne qafe dhe as ai xhesti qe ne bejme me doren tone ne shenje simbolizimi. Gjithashtu, dua te vazhdoj akoma edhe me thelle. Kryqi nuk eshte vetem mjeti apo mesazhi qe ne perdorim per te sjelle njerezit te Krishti. Fatkeqesisht, sot te krishteret per kryqin dine te flasin vetem kur eshte puna te ungjillezojne dike. Kjo eshte e vertete, por nuk mjafton, pasi kryqi duhet te ndjeke te krishteret gjate gjithe jetes se tyre. Ky eshte vetem fillimi. Kryqi eshte dicka shume me e thelle se sa te thuash se Krishti vdiq ne kryq per mekatet tona.

Cfare eshte kryqi pra? Ne besimtaret e krishtere fatkeqesisht mendojme se Krishti ka ardhur ne jeten tone per te na bere njerez me te mire. Per te na mesuar se si te duam te afermit apo armiqt tane, se si te durojme te tjeret, te mos vjedhim, te mos genjejme, te mos krenohemi, te jemi te perulur etj. Pra mendojme se Ai na jep fuqine qe ne te bejme te gjitha keto gjera.

Vellezer dhe motra, kjo eshte nje genjeshter e madhe. Nese do ishte keshtu, krishterimi nuk do kishte asnje ndryshim me fete e tjera. A nuk eshte myslimanizmi apo budizmi qe u mesojne te tjereve paqen dashurine dhe moralin?

Falenderoj Zotin qe krishterimi nuk e ben kete gje. Krishterimi nuk eshte nje fe tokesore, eshte dicka radikale per njeriun. Zoti yne na ka thene se askush nuk mund te behet i mire, te gjithe mekatuam dhe te gjithe deshtuam te zbatojme ligjin e Tij. Prandaj erdhi edhe Krishti, pasi ne deshtuam krejtesisht qe t'i pelqejme Atit. Por Krishti nuk erdhi te na beje neve njerez me te mire, nuk erdhi te beje reformacion, apo restorim ne jeten tone. Ai erdhi te banoje brenda nesh, dhe ne apo cdo pjese e jona te vdese ne kryqin e Tij, dhe te mos jemi ne ata qe do jetojme, por Krishti brenda nesh.

Hiri i Perendise, ka bere qe ne te kemi vdekur nje here dhe pergjithmone, dhe qe Ati te shohe ne neve vetem Krishtin, por pasioni i Perendise eshte qe kete Krisht ta njohim thelle, dhe nje njohje e thelle e Krishtit vjen vetem nepermjet kryqit. Deshira e Perendise eshte qe ky Krisht qe banon brenda nesh te duket qarte jo vetem ne syte e Perendise, por edhe ne syte e atyre qe jetojne rreth nesh.

Qe te shihet pra ky Krisht dhe qe te lavderohet nga njerezit, duhet qe te perjetojme kete kryq, ne nuk duhet te perpiqemi te behemi njerez me te mire, pasi keshtu ne fyejme Kryqin dhe pa e kuptuar nxjerrim genjeshtar Perendine, ne nuk duhet t'i sherbejme Perendise me mishin tone, sado te pastra te jene motivet tona, pasi keshtu ne njollosim Krishtin me mishin tone, por ne duhet te vdesim, nese duam te jetojme jeten e ringjallur te Krishtit.

A ju kujtohet shembelltyra e Krishtit me faren qe futet ne dhe? Dhe si pasoje e vdekjes se fares, ajo shumefishohet ne trajten e kallirit. Kryqi pra eshte nje mjet qe perdor Perendia jo qe te na beje njerez me te mire, por qe te na pastroje nga mishi yne, dhe ky pastrim vjen vetem me ane te vdekjes se mishit ne kryq.

Pra kryqi eshte mjeti qe Zoti perdor per te vdekur cdo gje qe eshte e jona. Lind pyetja, c'jane ato gjera qe duhet te vdesin, apo cilat jane veprat e mishit qe duhet te vdesin?

Nese do beja nje sondazh ne forum, te gjithe do jepnin pothuajse te njejtat pergjigje duke thene se gjerat qe duhet te vdesin jane: vjedhja, genjeshtra, karakteri i keq, pasione te ndryshme, mburrja, egoizmi etj. etj. Te gjitha keto jane te sakta, por nuk jane te vetmet. Ne kryq kryqezohet i gjithe mishi yne. Pervec mekateve tona, pjese e mishit jane edhe karakteri yne i mire apo dhuntite tona natyrale. Ja disa nga keto; zemergjeresia jone, zemerbutesia jone, perulesia jone, dashuria jone, mencuria jone, vullneti i yne i forte etj. etj. Po, mos u cuditni, te gjitha keto gjera, duhet te vdesin nese jane te tonat, pasi ne do katandisemi ne kete menyre te jemi njerez te moralit dhe jo njerez te Krishtit.

Ceshtja e krishterimit nuk eshte midis te berit te miren nga e keqja, por midis Jetes dhe vdekjes, dhe kjo gje na mesohet qe nga faqet e para te bibles. Jeta eshte Krishti vete, vdekja jane te gjitha gjerat tona, te mira apo te keqija. Krishti pra nuk erdhi te na mesoje te bejme te miren, por erdhi te na jape Jete, dhe Jeta eshte vete Ai. Ose kemi Krishtin dhe si rezultat jetojme, ose nuk e kemi Ate dhe si rezultat jemi te vdekur, akoma edhe sikur te jemi njerezit me te moralshem dhe me te mire te botes.

Tani del nje pyetje tjeter. Ne cmenyre vepron kryqi i Krishtit? Ne rralle te pare do thoja se kryqin nuk jemi neve qe e shkaktojme ne jeten tone. Puna e kryqit i takon Perendise. Nese do jemi ne qe e shkaktojme Kryqin, ky nuk do jete me kryq, por vetem vuajtje pa dobi qe i sjellim neve jetes sone. Me kete dua te them se sado e madhe te jete sakrifica qe ne bejme per Zotin, nuk do jete kryqi i krishtit. Nuk dua te sjell vargje te shumta nga bibla, por do mjaftohem te them se ne rastin e Jobit, nuk ishte ai qe solli vuajtjet ne jeten e tij, por qe erdhen me lejen e Perendise.

Keshtu pra Zoti lejon ne jeten tone qe kryqi te vije ne menyrat me te ndryshme. Ato mund te jene; problemi financiare (apo me mire varferie), persekutime te ndryshme, semundje te ndryshme, humbje reputacioni etj.

Ata persona qe e kane perjetuar kryqin kane pare se kryqi behet shume i forte dhe pothuajse i padurueshem ne keto raste: humbja e reputacionit, dhe perndjekja nga vellezerit e krishtere. Po, kryqi me i rende eshte kur ndodhin keto te dyja.

Eshte me e lehte te vuash per Krishtin nga armiqte e Krishtit, por shume e veshtire nga njerezit e Tij. Gjithashtu eshte shume e veshtire te humbasesh reputacionin tend te mire dhe te poshterohesh nga akuza te rreme. Ne nje kohe qe te gjithe mendojne se je nje njeri i mire dhe se e don Zotin, ata do kthehen kunder teje duke menduar se je armiku kryesor i tyre apo i Zotit. (a nuk ndodhi e njejta gje edhe me Birin e Perendise. Faleminderit Zotit qe na ka dhene Ai shembullin i pari)

Por c'do te thote te perjetosh kryqin dhe ta ngresh ate ne momente te tilla? Fatkeqesisht jane shume te paket ata qe e durojne kryqin deri ne fund pa ju ndier zeri i gojes. Menjehere mishi na ngrihet dhe thote: "kjo eshte padrejtesi qe te bejne, ti nuk duhet ta lejosh nje gje te tille, jo vetem per ty, por edhe per vepren e Zotit, nese ti e lejon nje gje te tille, vihet ne rrezik vepra e Zotit." Por aresyja kryesore eshte se ata njerez nuk durojne dot dhimbjet dhe poshterimin qe ju behet. Ja se si ka thene nje vella per kete gje:

"Perendia ka nje universitet. Kjo eshte nje shkolle e vogel. Shume pak veta rregjistrohen ne kete shkolle, akoma dhe me pak, diplomohen. Shume, shume pak me te vertete. Perendia e ka kete shkolle sepse Ai nuk ka njerez te thyer. Ne vend te tyre, Ai ka njerez qe thojne se jane autoriteti i Perendise.....por qe nuk jane; njerez qe thone se jane te thyer....por qe nuk jane. Dhe njerez qe jane autoriteti i Perendise, por qe jane te marre, dhe te pathyer.........Nga te gjithe keta, Ai ka me bollek, por njerez te thyer shume veshtire te gjesh............................................P erse jane kaq pak studente ne kete shkolle te shenjte te Perendise te nenshtrimit dhe te thyerjes? Sepse te gjithe ata qe jane ne kete shkolle duhet te durojne shume vuajtje............"

Te krishteret sot mbrohen per te mos humbur reputacionin e tyre ne menyrat nga me te ndryshmet. Justifikimi kryesor qe perdorin eshte se ata po mbrojne punen e Perendise. Dhe keshtu nuk lene vegel pa perdorur ne menyre qe te mbrojne veten e tyre, por ne kete menyre nuk kuptojne se ata jane kthyer ne nje vegel ne duart e Perendise per te mesuar kryqin ata qe luftohen nga keta persona. Nese edhe ata me rrallen e tyre bejne te njejten gje, ata humbin mundesine per te mesuar kryqin.

Ja si thote i njejti vella qe permenda me siper:
"Ai qe shpaten rremben,
nga shpata do te humbe.
Ai qe shpaten refuzon te rrembeje,
tek kryqi do te humbe".

Si dhe:
Thuhet qe eshte e pamundur te falesh njeriun qe te ka lenduar, me te vetemen ndermendje, per te te rrenuar e poshteruar. Nese eshte e vertete, ju mbetet vec nje shprese: ta shihni kete lenndim si te ndodhur me lejen e Perendise, qe figura juaj me lart te ngrihet nga ku ish me pare".

Keto jane pra pjese te kryqit dhe nje fare mundesie se si jo vetem ta durosh kryqin deri ne fund, por edhe ta duash ate. Dhe menyra me e mire eshte te...........mos ngresh shpaten kunder tjetrit. (mos harroni se kjo shpate mund te jete vete fjala e Perendise, pra vargjet qe ne perdorim per te kundershtuar te tjeret.)

Me lejoni pra t'i permbledh ne nje fare menyre te gjitha keto qe thashe deri tani.

1) Kryqi nuk mesohet me studime, por perjetohet.

2) Kryqi eshte mjeti qe kryqezon mishin.

3)Rrezultati i vdekjes se mishit eshte ringjallja e atyre gjerave qe jane te Krishtit dhe jo tonat, eshte jeta e Krishtit dhe jo e jona.

4) Kryqin nuk e sjellim neve ne jeten tone por vete Zoti.

5) Mishi eshte cdo gje e jona sado e mire apo e keqe te jete para syve te njerezve.

6) Fatkeqesisht jane shume te paket ata qe e perjetojne kryqin deri ne fund, pasi nuk durojne dot poshterimin dhe vuajtjet.

Po e mbyll tani duke ndjere se kam lene shume gjera akoma pa thene, por qe e ndjej thellesisht se jam njeriu me i papershtatshem qe te flas per kryqin. Ata qe mund te flasin per kryqin me gojen plot, jane vetem ata qe e kane perjetuar ate. Kjo eshte edhe aresyja kryesore qe nuk flitet sot neper kisha per kryqin, pasi drejtuesit e tyre nuk e kane perjetuar ate kryq. E vetmja gje qe mund te bejne eshte te nxjerrin vargje nga bibla dhe t'i analizojne ata ne nje menyre racionale, llogjike, por ndryshimi eshte se ato gjera qe ato thone jane shume te cekta ne krahasim me ata qe e kane perjetuar kryqin ne jeten e tyre.

[Albo]

livinintoplaces, lexova shkrimin tuaj dhe nga sa kuptova, ju mundoheni te nenvleftesoni apo anashkaloni KRYQIN si simbol. Kryqi eshte e vertete qe ka jeten e tij ne jeten e secilit prej nesh, por gjithashtu simboli i kryqit eshte simbol i shenjte, eshte simboli i perkatesise se mbreterise se qiellit. Ushtari perjeton dy momente ne jeten e tij ushtarake: momentin kur ai vesh per her ete pare veshjen ushtarake; momentin kur ai perballet me realitetin e luftes. Ne momentin e pare ai ndihet krenar per ate veshje qe mbart dhe eshte ajo krenari qe shtyn te ndermari hapin sublim te mbrojtjes se atdheut te tij. Ne momentin e dyte, ai ndihet i tronditur ne kulm nga humbja dhe shkaterrimi qe sjell lufta. Ushtar te bejne te dyja ndjenjat, edhe ajo e krenarise, edhe trauma qe perjeton nga lufta. Krenarine e te qenit ushtar do ta kesh per gjithe jeten tende, ashtu si trauma e luftes do te mesoje ta duash jeten si asnjehere tjeter.

E njejta gje mund te thuhet edhe me besimtarin e krishtere. Po aq e rendesishme sa jeta e denje qe ben eshte edhe shenja e kryqit qe ben kur bie te flesh, kur del nga shtepia, para se te hash buke apo kur shkon ne kishe. Shenja e kryqit largon te gjithe demonet e keqinj dhe identifikon grurin ne mes barerave te keqij. Me anen e kryqit Kisha Orthodhokse dhe ajo Katolike largojne demonet nga trupi i njerezve te pushtuar, ne ate proces qe njihet si ekzorcizem.

Kryqi i misheron te dyja, edhe simbolizmin dhe perjetimin e kupes se vuajtjeve para rilindjes ne Krisht.

[Astrit77]

Pershendetje te gjitheve!

Te flasesh per kryqin e Jezu Krishtit eshte teper e veshtire ashtu sic thote liveintwoplaces, por eshte edhe e lehte, kur Perendia te ben te kuptosh domethenien e kryqit.

Ne nje teme tjeter te hapur ketu ne forum nga Abigail (Kryqi...Perendi Folem) une kam sjelle nje tregim nga jeta se cfare do te thote te perjetosh kryqin ne caste te veshtira te jetes. Aty mund te gjeni tregime dhe ngjarje mbreselenese nga jeta e perditshme, secili mund ti lexoje ato duke klikuar Ketu.

Ajo qe me ka terhequr vemendjen mua tek kryqi i Perendise eshte se asnje sistem fetar, ose besim te cfaredo lloji nuk ka nje simbol te tille shprese dhe jete si kryqi. Tek kryqi takohen drejtesia, meshira dhe Hiri i Perendise.

Aty permbushet drejtesia e Perendise, sepse u denua dikush per fajet dhe shkeljet tona, dhe drejtesia e kerkon nje gje te tille. Per cdo gabim sado i vogel qofte, n.q.s duam te zbatojme drejtesi, dikush duhet te paguaje.

Aty gjejme meshiren e Perendise, sepse ne nuk marrim ate qe meritojme per shkeljet tona. Sipas drejtesise ne meritojme denimin, por Perendia tregon meshiren e Tij ndaj nesh dhe ne vendin tone, Ai ndeshkon Birin e Tij dhe ne meshirohemi.

Aty ne gjejme Hirin e Perendise, sepse marrim ate qe se meritojme. Ne meritojme denim te perjetshem, por ne vend te saj marrim jete te perjetshme, nepermjet Jezu Krishtit. Cfare mrekullie! Nuk gjej fjale per te falenderuar Perendine sa dhe si duhet, kur shohim rreth nesh se sa e veshtire eshte qe njerezit te gjejne jeten e perjetshme. Sado te medha te jene perpjekjet e njerezve, ata asnjehere nuk do ta permbushin ligjin e Perendise, po nuk lejuan qe nje gje te tille ta beje Zoti Jezus per ta.

Sa gje e mrekullueshme eshte qe kryqi simboli i vdekjes dhe i turpit, eshte bere per ne simboli i jetes dhe i shpreses. "Kjo eshte veper e Perendise dhe eshte e mrekullueshme ne syte tane", (Mt. 21:42)

Ndersa per Klevis2000 do te thoje se per te eshte e veshtire te kuptoje se cfare do te thote Krishti u be mallkim per ne, Galatasve 3:13:

Krishti na shpengoi nga mallkimi i ligjit, sepse u bë mallkim për ne (duke qenë se është shkruar: “I mallkuar është kushdo që varet në dru”),

Kjo gje perjetohet dhe vetem Perendia mund te hape syte dhe mendjen per ti kuptuar. Cdo njeri ka nje vel perpara syve te tij dhe nuk lejohet te hyje ne vendin shume te shenjte (ne pranine e Perendise), me vdekjen e Krishtit ne kryq, veli i tempullit u shqye ne dy pjese nga maja e deri ne fund (Mt. 27:51) dhe u hap rruga per tek prania e Perendise dhe u ndertua nje rruge e gjalle, veper e Perendise. Vini re se si thote vargu "nga maja deri e ne fund" tregon se asnje njeri nuk e shqeu ate, por vete Perendia.

Ne kemi shume njerez rreth e rrotull nesh, edhe ketu ne forum per t'iu deshmuar per fuqine e kryqit dhe per te vetmen rruge shpetimi per tek Perendia. Le ti lutemi Perendise qe te mos lodhemi se deshmuari dhe njekohesisht te mos reshtim se ndjekuri Krishtin. Rruga eshte e veshtire, por ne kemi premtimin e Frymes se Shenjte, se Ai eshte gjithmone me ne deri ne fund. Mt. 28:19-20:

19 Shkoni, pra, dhe bëni dishepuj nga të gjithë popujt duke i pagëzuar në emër të Atit e të Birit e të Frymës së Shenjtë,
20 dhe duke i mësuar të zbatojnë të gjitha gjërat që unë ju kam urdhëruar. Dhe ja, unë jam me ju gjithë ditët, deri në mbarim të botës. Amen”.

[Seminarist]

Une do te nderhyja vetem per te bere te qarte nje gje, pasi e di fare mire se

1. kete faqe e vizitojne besimtare ortodokse

2. Matrix eshte shprehur se eshte ortodoks.

keshtu qe rrjedhimisht:

3. nder ortodokset e pikes se pare mund te krijohet ndonje keqkuptim, qofte edhe i pashprehur, ne lidhje me botekuptimet qe ofron Matrix-i.

Keshtu qe sic kam bere me pare, do te ishte me e udhes qe ti Matrix te theksosh se kur merr pjese ne kete forum ne disa tema je duke shprehur mendimet e tua personale, pavaresisht se ti je ortodoks, edhe nqs ti mendon se po shpreh mendimet e Kishes, tu tregosh besimtareve lexuesa te kesaj teme, se ku referohesh ti ne mesimet e Kishes per ato qe thua!

Kjo Matrix eshte nje perulesi bazike, esenciale edhe kryqi me i lehte qe nje i krishter ortodoks ia detyron komunitetit te vet.



Une kam verejtje per mendimet e tua jo ortodokse, dmth e kam fjalen faktikisht jo te krishtera, pasi nuk mund te kete krishterim pa ortodoksi.
Ortodoks qe do te thote lavedrim i drejte, presupozon, lavderim, e adhurim te drejte, e ne fjale eshte vete doktrina e krishterimit. Pasi ne krishterim edhe teoria doktrinore nuk eshte vecse lavderim e adhurim.

Pra ortodoksia nuk pretendon te paraqese nje lloj forme te krishterimit, nder shume forma te tjera.


Tashti persa i perket Kryqit:


Ti Matrix gabon rende kur shprehesh edhe nenvlefteson rolin e kryqit qe ne shohim neper Kisha apo ato qe besimtaret keshillohen te mbajne neper qafe.

Arsyeja se perse gabohesh duket fare qarte thjesht kur ti thua se meqe ortodoksit nuk u dashka te adhurojne nje cope druri, rrjedhimisht ky as nuk duhet permendur!!!
Nje gabim tipik protestant ky, te cilet kane krijuar nje sistem te tere fetar vetem mbi arsyet se Kisha katolike romane ka abuzuar mbi disa gjera...

Dmth ata hodhen poshte strukturen Kishtare, vetem sepse ne histori sipas tyre struktura kishtare ka sjelle deme.

Ato hodhen poshte doktrinat mbi shenjtoret, vetem se sipas tyre katoliket i adhurojne ato, keshtu qe me mire ti heqim fare shenjtoret.

Ata donin te ndryshonin kanonin biblik, duke hequr letra te tera si ajo e Jakovit etj, vetem se ato permbajne mesime qe kundershtojne doktrina protestante te te shpetuarit vetem me ane te besimit!



Pyetja e atij protestantit se cfare do te beinin ortodoksit sikur Krishti te ish denuar me karrike elektrike, eshte nje pyetje e papjekur e dikujt qe sic shpreheni ju, dmth ti bashke me pjesemarresist e tjere ne kete teme, eshte duke u munduar ta kuptoje misterin e Kryqit me mendje thjesht, pa perjetim personal.

E them kete, pasi nje menyre e tille e te pyeturit kundershton drejtpersedrejti PROVIDENCEN HYJNORE, menyren se si ajo zgjedh te shprehet, nderkohe qe, nga ana tjeter, cfare do te benin protestantet nqs Krishti ne vend qe ta shkruante Dhiaten e Re do te mjaftohej vetem me ta vizatuar ate neper figura? Do ta mohonin ate?


Sic e kemi treguar tashme ne disa tema, si tek ajo e ikonave, krishterimi ne thelb te mesimit te vet ka dy tipare: materialen e frymoren.
Te dyja keto elemente jane bashkendihese te njeriut ne shpetimin e tij, edhe me te dyja keto elemente njeriu do te ringjallet e do te trashegoje perjetesine.


Krishti nuk erdhi vetem te kryqezohej "figurativisht" gje qe e ka bere duke mohuar veten e duke iu bindur Atit ne cdo hap te jetes se tij tokesore. Por kete lloh kryqezimi Ai e Vulosi edhe Finalizoi me Kryqezimin e vertete mbi dru!
Pra kemi dy tipare thelbesore te kryqezimit te tij, ku kryqezimi material faktikisht eshte Vula e te gjithe Kryqezimit te Krishtit.


Keto dy lloj tiparesh te kryqezimit, vdekjes e ringjalljes ne i shohim qe nga DHV. Mekati i pare ishte mosbindja qe eshte shpirterore, por qe u finualizua nga ngrenia e Frutit te ndaluar qe eshte material.

E po keshtu me rradhe ne shohim se cfare roli jetik luante ana materiale ne besimin e popullit te zgjedhur. Arka e beslidhjes, sendet e shenjta, tempulli, sperkatja me gjak, Gjarperi ne Bronz, Lyerja me gjak te dyerve ne Egjipt etj etj.


Keto tipare te besimit jane rruajtur edhe nga krishterimi i vertete, ai ortodoks.

Kisha edhe shume shenjtore kane keshilluar rreptesisht te krishteret qe nder betejat e tyre shpirterore, e ne ate qe ju e quani perjetim te Kryqit, sendet materiale, si perdorimi i ikonave te shenjta, mbajtja e Kryqit te shenjte ne shtepi e ne qafe, jane detaje thelbesore te kesaj lufte shpirteroro-meteriale, qe nuk duhen neglizhuar as sesi. Mohimi i perfshirjes se materies ne luften per shpetim, apo perjetim te kryqit, eshte nje gabim i madh shpirteror i permasave heretike, rezultat i te cilit do te jete patjeter nje mosperjetim i plote e i sakte i Kryqit te vertete, e si rrjedhim mashtrimi i shpejt qe vijon ne kesi rastesh.



Kush mendon se me mbajtjen e Kryqit ne qafe, shtepi apo Kishe etj, mohohet kuptimi shpirteror i tij, ky eshte problem i vete menduesit, qe i bie te jete nje dualist, e rrjedhimisht heretik Per krishterimin e vertete shpirteroroja me materialne formojne nje teresi, e ato nuk kundershtojne njera tjetren. Te dyja jane te krijuara nga Zoti.


Djalli trembet, tmerrohet jashtezakonisht shume kur sheh nder te tjera formen fizike te Kryqit qe besimtaret bejne apo mbajne neper shtepi, qafe etj. Eshte nje rikujtim per ate se cfare beri Krishti; dmth nje Ungjill 24 oresh qe me figuren e vet i predikon e rikujton djallit humbjen e tij. Te krishteret e vertete ortodokse duhet te shprehin nderim te madh ndaj Kryqeve materiale te dedikuara kryqit te Krishtit.


Jo me kot ne DhR flitet jo pak here mbi Kryqin si mbi Pemen, aq sa heretiket Jehoviste kujtojne se Kryqi as qe ka patur forme te tille.

Nga Peme e njohjes se te mires e te keqes erdhi pa bindja, e po nga kjo Peme, Njohuria e Vertete solli jeten. Qe te dyja keto ishin materiale, e jo shpirterore.


Sado qe u perpoqa te nderhyj shkurt, ishte e pamundur me pak se kaq, keshtu qe po e le ketu!

[Matrix]

Te dashur motra e vellezer ne Krishtin,

Falenderoj Perendine dhe te gjitheve ju per pjesemarrjen ne kete tem dhe per deshmite tuaja ketu. Ne fakt qellimi qe une hapa kete teme ishte qe te nxiteshim te deshmonim ate cka eshte per ne Kryqi!

Klevis, une te falenderoj per pjesemarrjen tende ketu si dhe per etiken tende ne bisede.
Persa i perket asaj se cfare eshte Kryqi duhet ta kuptojme se Kryqi ka dy faqe, faqen qe shihet nga brenda Kishes dhe faqen qe shihet nga bota. Megjithese eshte i njejti, perseri keto faqe e tregojne te kundert: Pra nqs do e shihnim nga bota, Kryqi do dukej si simbol cmendurie, nqs do e shihnim nga Kisha, do dukej si pema e jetes.
Ndoshta di e ke lexuar historine e Kulles se Babelit. Edhe ajo kishte dy faqe, nqs e shihnim nga Kisha do dukej si simbol cmendurie, nqs e shihnim nga bota, do dukej si nje projekt shume ambicioz!
Por, nqs une do mundohesha ta shpjegoja Kryqin, do t'ja zbehja fuqine atij, sepse ai eshte jashte cdo llogjike njerezore.

Tjeter, ndoshta ti e ke degjuar shprehjen popullore: "I drejti nuk ka fat!". Kjo na tregon nje realitet te dhimbshem te kesaj epoke. Kushdo qe do mundohet te hedhe dhe nje hap te vetem ne besim, do perndiqet! Nga kush thua ti? Nga ata qe ka me shume perzemer. LiveInTwoPlaces e tha shume bukur qe kur perndjekja vjen nga vellezerit e motrat e tua, Kryqi behet i padurueshem.

Kete e shpreh dhe Bibla kur thote: "Ai qe ishte ulur me mua ne tryeze, ngriti kunder meje thembren e tij!"

NE keto momente njeriu ndihet sikur eshte braktisur nga vete Zoti, sepse mendon: Ndoshta Zoti po me ndeshkon per ndonje faj timin,ndoshta keto qe them une nuk jane te drejta, ndoshta jam shume egoist, ndoshta, ndoshta,ndoshta.... Dhe njeriu perjeton ate cka perjetoi Krishti ne Gethsemani!
Krishti i ulur permbys, me djersen qe i rridhte si gjak, lutej "Ate, ma largo kete kupe vuajtjesh, por jo si dua une, por si do Ti!". Kete ankth donte Krishti qe t'i largohej dhe jo dhimbja fizike qe do perjetonte se shpejti!
Kete ankth e ndjeu serisht ne Golgotha, kur klithi me gjithe shpirt: "Perendia im, Perendia im, perse me ke braktisur?" Ketu ankthi arrin kulmin, Krishti therret: Perendi, dhe jo Ate! Madje Ai ndjeu braktisjen qe ndjen mekatari ne Ferr! Kryqi deri ne kete moment ishte Ferr! Duket sikur gjithe krijesa ka rene ne heshtje dhe nuk mund te thote asgje, erresira ka mbuluar cdo gje, madje dhe vete shpirtin tend!

Tani vijme tek pyetja jote: Atehere perse ne nuk e urrejme Kryqin, por e dashurojme ate?
Per pergjigjen e kesaj pyetjeje do marr shkas nga Ungjilli i Barnabes. Aty pershkruhen ditet e fundit te Krishtit dhe se si Ai, ne momentin para kryqezimit u shpetua prej Zotit duke u ngritur ne qiell, dhe Juda mori vendin e Tij ne kryq.
Pra duket sikur cdo gje eshte ne rregull! Kryqi eshte Ferr dhe si i tille eshte i denje vetem per mekataret e tipit Juda!
Ne duhet ta percmojme kryqin dhe nga njera ane te gezohemi per clirimin e Jezusit nga rreziku qe i kanosej nga te pabeset!

Por a ndodh keshtu ne jeten e perditeshme? Sa njerez te pafajshem krqyzohen perdite, sa foshja vdesin per njeren apo tjetren arsye.
Lind pyetja qe me te drejte mund ta ngreje cdo ateist: Ku ishte Zoti kur biri im vdiq?
Pse Zoti nuk e shpetoi vajzen time 2 vjecare nga vdekja?
Pse duhet qe femija im te lindte i paralizuar?
C'dobi do kisha une nqs Zoti shpeton nje profet dhe le te vdese nje foshnje?

Kjo bote eshte e mjere! U be e tille qe kur njeriu ra! Nuk ishte synimi i Zotit vuajtja e krijesave te veta, por lumturia e tyre. Por vuajtja eshte e pashmangshme ne nje bote te rene!

Atehere Krishti zbret dhe e Shenjteron vuajtjen! Dhe Ferri shnderrohet ne parajse dhe vuajtja ne gezim.
E kunderta e asaj qe thote ungjilli i Barnabes ndodhi me te vertete. Nuk ishte Juda ai qe mori fytyren e Krishtit, por Krishti ai qe mori fytyren e Judes! (Ne menyre fiqurative)... dhe Juda jemi ne...
Dhe perderisa ishte Krishti ai qe u var mbi Kryq, Kryqi nuk eshte me Ferri, por Parajsa! Se Ferri s'eshte vecse mungesa e Zotit dhe Parajsa, prania e Tij!

Persa i perket Seminaristit!
Do doja te me sillje ato vargje ku une paskam thene se Ortodokset adhurokan druret e guret! Une kam ikona tek koka e krevatit ku fle dhe e di shume mire se cfare adhurojne Ortodokset! Problemi yt eshte se ti nuk e di se kush jane ortodokset!

DHE MOS HARRO: MOS U GEZO PER FAKTIN QE DEMONET DRIDHEN PARA SHENJES SE KRYQIT QE TI BEN, POR GEZOHU QE EMRI YT ESHTE SHKRUAR NE QIELL!

[Manulaki]

Postuar më parë nga Matrix
Te dashur motra e vellezer ne Krishtin,

Falenderoj Perendine dhe te gjitheve ju per pjesemarrjen ne kete tem dhe per deshmite tuaja ketu. Ne fakt qellimi qe une hapa kete teme ishte qe te nxiteshim te deshmonim ate cka eshte per ne Kryqi!.......

Lind pyetja qe me te drejte mund ta ngreje cdo ateist: Ku ishte Zoti kur biri im vdiq?.........

Persa i perket Seminaristit!
Do doja te me sillje ato vargje ku une paskam thene se Ortodokset adhurokan druret e guret! Une kam ikona tek koka e krevatit ku fle dhe e di shume mire se cfare adhurojne Ortodokset! Problemi yt eshte se ti nuk e di se kush jane ortodokset!

DHE MOS HARRO: MOS U GEZO PER FAKTIN QE DEMONET DRIDHEN PARA SHENJES SE KRYQIT QE TI BEN, POR GEZOHU QE EMRI YT ESHTE SHKRUAR NE QIELL!

Dje ne nje sherbese qe e degjova dje ne televizor, eshte kjo pyetja qe njerezit bejne kur kane veshtiresi, ose fatkeqesi ne jete, hubje femije...etj :"Nje ate e pyeti perendine ne ngasherimin e tij "Ku ishe ti o Zot, kur me vdiq djali? dhe Zoti iu pergjigj "Ne te njejtin vend ku isha kur me vdiq djali im "
Sa fjale te fuqishme !!!!!

Kryqi nuk eshte gjithmone dicka qe e kuptojme, por ama, mund te bejme ate qe Krishti beri, TA MBAJME.

[Matrix]

I dashur Student,

Do pergjigjem shume shkurt tani (ndoshta me detaje me vone)

Lexoji shkrimet e mia me me shume vemendje nqs merr persiper qe te diskutojme, sepse shoh se i ke nxjerre fjalet e mia komplet nga konteksti. (kete e shoh tek pika 2)

Dhe tjetra, Kryqi eshte Perjetim dhe jo Llogjikim
Nqs ne perdorim llogjiken per te kuptuar udhen e Zotit, perse dhe ateisti (apo kushdo qofte) nuk ka te drejte te perdore llogjiken?
Llogjike kane dhe te diturit dhe te cmendurit, vetem se kjo llogjike i con ne drejtime te ndryshme...

[i krishteri]

Sepse mesazhi i kryqit është marrëzi për ata që humbin, por për ne që shpëtohemi është fuqia e Perëndisë. 1Korint.1:18

Eshte simboli i shpetimit tone sepse ne kryq u varen mekatet tona. Ne fakt kush puth apo ben kryqin apo gjera te tjera qe nuk jane Biblike, keto jane mekate sepse nuk eshte kryqi ne vetvete qe eshte i rendesishem por mesazhi i kryqit eshte i rendesishem. Nuk eshte se une po mbajta kryqin jam i krisher po nese degjoj dhe pranoj mesazhin e kryqit ne jeten time jam i krihtere. T mbash nje kryq nuk eshte gje e keqe por nese fillin dhe trajton kryqin sikur te jete Zoti, atehere hyn mekati ne ate person te cilin mban kryqin.

me respekt i krishteri