Vrasja tek Liqeni

[Brari]

--------
panorama:


Vrasja

Burime nga grupi hetimor renditën edhe disa argumente që i çojnë në dyshimin e mësipërm dhe pse vrasësi nuk ka qenë një prej të fortëve, apo adoleshent e grabitës

“Përgjuesi i çifteve”/ Ja arsyet pse hetuesit dyshojnë se një efektiv ka kryer krimin në Liqenin Artificial

Një polic vrasësi i Roland Lezos
Viktima u ka treguar tiparet e autorit djemve të “Shqiponjave”



Tiranë

Një polic dyshohet të jetë vrasësi i Roland Lezos në Liqenin Artificial, mbrëmjen e së shtunës. Ndërkohë që mendohet se 40-vjeçari mund të ketë rrëfyer për ekzekutorin identitetin gjatë dërgimit nga policët e “Shqiponjave” në spital. Burime nga grupi hetimor bënë të ditur se pista kryesore është që krimi të jetë kryer nga ndonjë punonjës policie, që mbante armë pa leje dhe që ka qenë nën shoqërinë e të dashurës.

Por nuk përcaktohet nëse është polic i rendit, pyjores, agjent, ndërtimit, bashkiak etj. Kjo nga fakti se personi ka qenë i veshur civil nga karakteristikat e përshkruara nga disa dëshmitarë që e kanë parë nga larg çiftin. Madje, çobani është deklaruar se para ngjarjes kishte parë të lëvizte vetëm një çift në atë zonë, fytyrat e të cilëve nuk i kishte dalluar dot nga errësira. Burime nga ky grup renditën edhe disa argumente që i çojnë në dyshimin e mësipërm dhe pse vrasësi nuk ka qenë një prej të fortëve, apo adoleshent e grabitës.

Pse vrasësi është polic
Dje, në komunikatën zyrtare të Policisë së Tiranës, njoftohej se pas vrasjes së Roland Lezos, në vendngjarje ishin gjetur një makinë “Benz 190” dhe një palë dylbi. Burime të policisë konfirmuan se nga të dhënat e grumbulluara Lezo mendohet të ketë qenë duke përgjuar çiftin në fjalë. Mësohet se janë gjetur tre gëzhoja dhe xhupi që i përkiste viktimës. Pikërisht këtu është sqaruar arsyeja pse vrasësi nuk është grabitës. Në xhep janë gjetur rreth 7 mijë lekë të reja të paprekura dhe makina e viktimës e parkuar në rregull në rrugë. Argumenti i parë është arma, me të cilën është bërë vrasja. Ajo është një pistoletë tip “TT”, e tipit kinez, dhe këtë lloj armne e mbajnë kryesisht punonjësit e policisë, që varen nga shteti. Arsyeja e dytë, është ajo që u përmend më sipër për përjashtimin e motivit të grabitjes dhe autorësinë e një kontigjenti, apo krimineli në këtë zonë. Argumenti i tretë, dhe një nga të fortët, është pamundësia për të lëvizur lirshëm në park me një armë pa leje, vetëm 150 metra larg nga Garda e Republikës, postblloku i policisë bashkiake, pranisë së makinave të policisë dhe qarkullimit rrugor në këtë zonë. Po kështu, çifti ka qenë në këmbë dhe jo me makinë. Arsyeja është afërsia me objektet si Gardën dhe postbllokun që nuk lejon hyrjen e makinave pa autorizim dhe rruga kryesore në bulevard, që ishte shumë afër dhe nuk kishte nëvojë për një makinë. Megjithatë, ekspertët e policisë janë mbështetur edhe në të dhënat operative që u janë shtuar argumenteve të mëparshëm. Liqeni Artificial është i populluar nga policë, që vijnë civilë me të dashurat e tyre, në pamundësi të shtëpisë, hotelit e ndonjë ambienti që kushton lirë.

Policia afër zbardhjes
Burime të sigurta thanë se gjatë momentit të dërgimit për në spitalin civil nr.2 të Tiranës, Lezo ka rrëfyer diçka për paraqitjen e autorit. Por ai nuk ka treguar emrin e personit, megjithëse policët ia kanë kërkuar gjatë gjithë rrugës. Edhe çobani i ka bërë të njëjtën kërkesë, kur e ka gjetur të përgjakur, por Lezo i ka kërkuar vetëm ndihmë, duke mos thënë asgjë tjetër. Vetë bariu i deleve ka treguar për personat që ka parë të lëvizin në zonë, ashtu sikurse roja i postbllokut. Nga ana tjetër grupi i ekspertizës ka kryer këqyrjen e vendit të ngjarjes disa herë dhe ka shumë mundësi që të jenë gjetur prova të rëndësishme. Ato nuk jepen të gjitha për shkaqe hetimore, por nuk mohohet ekzistenca e disa qimeve të flokut në vendin ku ka qenë çifti e që dallohej qartë.



Provat që ka policia

Grupi hetimor ka përfshirë në dosjen e tij të dhënat për të gjitha provat e gjetura në vendngjarje, porqë nuk çojnë për momentin në identifikimin e autorit. Një makinë “Benz” e viktimës e padëmtuar dhe që ka vërtetuar se nuk është vrarë në mjet. Një xhup i hequr dhe lekët e paprekura të 40-vjeçarit. Një palë dylbi që nga shënjat e gishtave i përkasin viktimës dhe i janë gjetur fare pranë. Tre gëzhoja pistolete tip “TT”, kineze. Dëshmitë e rojës së postbllokut dhe çobanit të deleve. Fjalët që ka thënë i plagosuri deri në dërgimin e tij në spital.



Familjarët, lule në vendngjarje

Dje, në mëngjes, familjarët e Roland Lezos, kanë shkuar te vendi ku u plagos rëndë 40-vjeçari. Aty është vendosur një kurorë me lule të kuqe artificiale, mbi një shkop të ngulur në tokë. Kurora rrethohej nga një trekëndësh i rrethuar me një shirit të bardhë.



Halil Gjilani tregon për mbrëmjen kur ndodhi krimi
Roja i turnit: Ju rrëfej çfarë pashë natën e vrasjes

Halil Gjilani, roja i postbllokut në hyrje të Parkut Kombëtar, në Liqenin Artificial, rrëfen çast pas çasti lëvizjet që janë kryer brenda një ore në këtë zonë. Ai ka qenë me shërbim mbrëmjen e të shtunës, kur u plagos rëndë dhe më pas vdiq në spital Roland Lezo. 55-vjeçari me origjinë nga Kosova, tregon se si vijnë dhe ikin njerëzit, rrezikun pasi vjen mbrëmja, ankesat e çifteve për ndjekien nga përgjuesit dhe kërcënimin nga hajdutët.

Keni qenë me shërbim mbrëmjen që ndodhi plagosja e Roland Lezos?
Po, atë natë kam qenë turni i dytë. E kam marrë shërbimin në orën 15.00 dhe e kam lënë të nesërmen në mëngjes.

Në cilën orë ka ndodhur ngjarja?
Nuk e mbaj mend saktësisht, por duhet të ketë qenë rreth orës 20.00, kur dhe pashë policinë që erdhi në vendngjarje, 150 metra nga këtu, aty ku duket dhe kurora e luleve që kanë vënë familjarët.

Keni dëgjuar të shtëna arme?
Të shtëna kam dëgjuar pak para se të vinte policia, madje 5-10 minuta më parë, por i kam kujtuar shashka e fishekzjarre, që hidhen nga fëmijët. Edhe më parë kisha dëgjuar të tilla pa i vënë re shumë.

Po thirrje për ndihmë, apo të bërtitura?
Edhe këto nuk i kam dëgjuar, megjithëse nuk është shumë larg. Më vonë mësova se ishte plagosur dikush.

Pasi mësuat për ngjarjen, dyshuat te ndokush që kishit parë të kalonte?
Pasi dëgjova të shtënat, siç thashë, erdhi policia me disa makina, që shkuan atje ku dhe ishin lajmëruar. Po me shpejtësi u larguan, ndërkohë që të tjerët ndriçonin me elektrik vendin ku ishte gjetur i plagosuri. Të them të drejtën, ka patur fare pak qarkullim atë natë, pasi ishte ftohtë dhe vrenjtur. Madje, nisi dhe shiu.

Po makina kanë lëvizur shumë?
Jo shumë makina, për të mos thënë aspak. Nuk kam dyshuar tek askush.

Po çifte ka patur?
Zakonisht çiftet e të dashuruarëve rrinë këtu pranë, por edhe pas kodrës. Shumica qëndrojnë në këtë zonë ku ndodhi dhe ngjarja. Kam parë vetëm një çift që ka zbritur në këtë rrugë të postbllokut dhe madje ka ardhur tek unë, duke më kërkuar ndihmë për policinë. Ishte rreth një orë para ngjarjes.

Përse dhe çfarë ndihme iu kërkoi?
Më tha se si mund të lajmëronin policinë. Ndërsa ishin lart në park, u kishte dalë një person, që i kishte kërcënuar me pistoletë dhe u kishte marrë celularin. Të frikësuar kishin zbritur poshtë. U thashë që të kishin patur kujdes. Përher i paralajmëroj çiftet dhe familjarët që të mos qëndrojnë shumë në park, sepse ka shumë hajdutë e grabitës, pasi nata dhe zona janë të rrezikëshme.

Përse rrinë këtu afër çiftet?
Sepse më tej kanë frikë të shkojnë.

Frikë nga kush?
Frikë nga grabitësit, pasi jo pak herë ka patur ankesa, por edhe nga ndonjë që i përgjon në thellësi.

Pse ka përgjues të çifteve?
Po, edhe ka ndonjë, por nuk janë të rrezikshëm.

Ndonjë person tjetër të dyshimtë a patë?
Jo, nuk kam parë. Por nuk besoj që të ketë kaluar këtu në postbllok çifti, apo personi që e ka bërë, sepse mund të ketë ndodhur edhe për grabitje. Kjo zonë u bllokua nga policia dhe rrugët e tjera. Por mund të ketë marrë drejtimin për matanë kodrave, ose duke dalë nga rruga që shikoni 20 metra më tej, pa u vënë re dhe shpejt.

Ju ka pyetur policia?
Unë nuk kam parë gjë, dhe nuk kam patur ç´të them.

Po, pas ngjarjes ka ardhur?
Po, kanë ardhur pothuajse çdo ditë.

---------

nga gazeta Panorama

[Brari]

gazeta Panorama:

--------------

Rrëfen dëshmitari i ngjarjes: Roland Lezo më kërkoi ndihmë


Vladimir Karaj

Lutfi Arapi i ka ende të fiksuar në kokë, ngjarjen e asaj nate të ftohtë, kur, pak metra nga vendi ku qëndronte, u vra Roland Lezo. “Binte një shi i ftohtë dëbore”, tregon ai.

Ndërsa në mendje, i kanë mbetur, që prej tri ditësh, fjalët e Roland Lezos, i vrarë të shtunën që kaloi, te Liqeni Artificial. Ai ishte njeriu që gjeti trupin e Lezos, të mbytur në gjak, ndërsa kërkonte ndihmë dhe persëriste fjalët: ndihmë, ndihmë. Bariu, dëshmitari i vetëm i vrasjes së Roland Lezos, te kodrat e Liqenit Artificial, tregon për “Panorama” gjithë momentin të parë me sytë e tij, kur Lezo u qëllua nga një person që ishte aty pranë.

A ishit i pranishëm te liqeni natën që u vra Roland Lezo?
Po, kam qenë aty. Isha i ulur pranë atij lokalit (ai tregon me dorë vendin, rreth 100 metra nga vendngjarja), kur dëgjova tre krisma. Isha mes dyshimit nëse ishin të shtëna pistolete, apo fishekzjarre dhe u ngrita për të parë. Atëherë gjithçka ishte e qetë, vetëm se dëgjova rënkimet, një oh dhe psherëtimën e një njeriu që kërkonte ndihmë.

Çfarë bëtë në ato momente?
U nisa menjëherë drejt vendit, nuk e dija se cili po më kërkonte ndihmë, pasi ishte shumë errësirë dhe nuk mund të shikoja, por e vura re. Iu afrova dhe e pyeta, çfarë të ka ndodhur. Ai me zë të ulët më tregoi se e kishin qëlluar, u ula mbi të, por nuk pashë shenja gjaku, vetëm një vrimë në bluzë, që dukej si vrimë plumbi. Ai vazhdonte të përsëriste ndihmë, ndihmë. Këtë rënkim nuk e kam harruar dhe më buçet në kokë çdo ditë.

A nuk u tregoi i plagosuri se kush e kishte qëlluar, e mbani mend se çfarë iu tha?
Jo, nuk me tha asgjë. Unë e pyeta, kush të ka qëlluar dhe ai përsëriste, “Nuk e di”. I thashë çfarë u kishe bërë, ai m´u përgjigj: “Nuk u kam bërë asgjë”, po përse të qëlluan, ai tha përsëri se nuk e dinte. I thashë nëse i kishte parë, ndërsa ai vazhdoi të kërkonte ndihmë.

Çfarë bëtë më tej?
Gjëja e parë që më erdhi në mendje, ishte të lajmëroja policinë, kështuqë vrapova deri te një lokal, këtu afër, ku i kërkova njërit celularin për të lajmëruar policinë. Ai më tha të shkoja te postblloku, që ndodhej disa metra më poshtë. Kur mbërrita aty, pashë një makinë policie. U thashë se çfarë kishte ndodhur dhe u kthyem së bashku me ata, në drejtim të të plagosurit. Pasi dritat e makinës i ndriçuan fytyrën, unë u thashë policëve se e njihja. Njihja këtë dhe të vëllanë dhe e dija ku jetonin. Me policët shkuam dhe njëherë pranë tij. Këtë herë pashë dhe gjakun. Policët u habitën, ngaqë plumbi nuk i kishte prekur xhupin, por kishte shpuar vetëm një bluzë të brendshme. Sipas meje, ai i ka patur të zbërthyer xhupin dhe një si këmishë që kishte poshtë. E ngritëm së bashku me policinë dhe e futëm në makinë dhe e nisëm në spital.

Për sa kohë ndodhi kjo?
Nuk e mbaj mend mirë, por aty te 10 minutat. Krismat i dëgjova rreth orës 20.00, dëgjova krismat dhe 15 minuta më vonë ai ishte nisur për në spital.

Çfarë patë ndonjë gjë të dyshimtë gjatë gjithë kësaj?
Disa minuta më parë një djalë i ri, i veshur me xhinse dhe me xhup sportiv me vija te krahët, vrapoi para meje si i trembur. E pyeta se çfarë kishte, por nuk më ktheu përgjigje, veç e pashë që herë pas here kthente kokën pas.

Pas krismave nuk patë njeri?
Jo, nuk pashë njeri, ishte shumë errësirë dhe nuk dallohej asgjë. Pastaj, nuk e kisha mendjen të shihja se kush ishte, u interesova më shumë për të plagosurin.

Ju e njihnit Rolandin, përse mendoni që e kanë qëlluar, a është e vërtetë që përgjonte çiftet?
Nuk di të them asgjë për këtë. Policia gjeti një palë dylbi dhe një kapele në vendin e ngjarjes. Unë u ula dhe e kapa vetë dylbinë me dorë, por më tha një nga policët që ta lëshoja. Unë nuk mund të them nëse ai përgjonte çifte, por as se çfarë bënte aty, pasi taksinë e ka lënë disa metra më tutje. Po nuk mund të flas për këtë, pasi i kam dhënë fjalën të vëllait, që nuk do ta bëj muhabet.

Sa kohë keni që punoni si bari këtej nga liqeni?
Që kur kam qenë fëminjë, u bë një jetë e tërë.

.....etjetj..

------------------


Deshmitari Bari thote mes tjerash...

"Çfarë bëtë më tej?

Gjëja e parë që më erdhi në mendje, ishte të lajmëroja policinë, kështuqë vrapova deri te një lokal, këtu afër, ku i kërkova njërit celularin për të lajmëruar policinë. Ai më tha të shkoja te postblloku, që ndodhej disa metra më poshtë. Kur mbërrita aty, pashë një makinë policie. "


Koment..

Kemi nje lloj Shqiptari si ky Bariu qe kur shikon dike ne hall vrapon ta ndihmoje me sa mundet dhe nje lloj tjeter shqiptari me celular qe as denjon te harxhoj dy sekonda qe te lajmeroj Policin ose spitalin po i thot tjetrit..Shko diku tjeter lajmero..

Kuptohet se ne te tilla raste jeta e njeriut varet ne pun sekondash dhe se nje NJERI normal duhet te jap maksimumin e ndihmes per te shpetuar nji JETE..

Mirpo ja qe kemi ne rracen tone dhe te tille se ky indiferenti qe s'can koken te jap nje ndihme kaq modeste sa c'eshte nje Xerr me celular per policine ose Urgjencen.. por percjell ate njeriun e mire human e vazhdon i qete qejfin e vete..duke pi birren e klubit..

Kaq mjafton qe te tmerrohemi se ku ka vajt karakteri Shqiptar..

Nje kafsh e tille duhet arrestuar e denuar pamvaresisht se ka a ska ligje per kte profil krimi..

Gazetaret nuk i ka shqetsuar fare ky xhest cinik i kti njeriu i kti lloj ekzemplari qe eshte determinues ne shoqerine Shqiptare..

Jan pikerisht kta tipa qe ne jemi ktu ku jemi..
Ne sy te kti tipi behen poshtersite..e krimineleve nuk u hyn ferr ne kembe..

Keshtu ishin oficeret e Bisht Palles qe lejuan qe nje muaj rresht reparti tyre te ishte bordello..
Ne se jo nje muaj po dy dite ndoj ushtar do kish fol Posht Nano e rroft Berisha ata oficeret menjihere ishin vene ne korent te situates e se perdhunohet nje femije 40 dit rresht nga dhjetra bandito-ushtar ne repartin e tyre ata oficeret "nuk dine gje"..

Keshtu jan qindra mesues shkollash e cilet bejn nje sy qorr kur banditi vjen me benz e rremben vajzen 12 vjece..

Keshtu jan qindra police qe jan shok me bandat..
Keshtu jane qindra tregtare qe nuk shqetsohen kur nje grua a vajz u vjen ne dyqan e u kerkon fotoksine..
Ata heshtin e fusin Parat ne xhep edhe se e dine se ajo qe po blen Fotoksin dallon se ka ndermend te bej nje Gjëmë..

Keshtu jan ata qindra funksionare zyrash qe nat e dite drekojn e darkojne ne restorantet luksoze e kur edine se mijra te tjere skan buk per femijet..