Energjia elektrike dhe ndikimi i saj ne ekonomine shqiptare

[ganoid]

Korporata do të importojë 1572 GWh energji elektrike me një çmim mesatar prej 33.95 euro/MWh

“EFT” dhe “MontMontaza”, dy shitëset e energjisë

KESH-i blen energji vetëm për 9 muajt e parë të vitit, për 3 muajt e fundit, çmimi ishte tepër i lartë

Bledjana Beqiri

Tenderi i energjisë
TIRANË- Korporata Elektroenergjitike Shqiptare siguron energjinë elektrike për vitin 2004. Ndryshe nga herët e tjera do të jenë dy kompani që do të furnizojnë me energji elektrike Korporatën Elektroenergjitike Shqiptare (KESH). Kompania zvicerane “EFT” dhe kompania kroate “Montmontaza” janë dy kompanitë e përzgjedhura si fituese të tenderit ndërkombëtar për blerjen e energjisë elektrike. KESH-i vendosi që të blejë energji elektrike nga të dy kompanitë, duke alternuar importin e energjisë dhe duke siguruar një çmim më të favorshëm. Kështu, KESH-i ka përzgjedhur për të blerë energji elektrike vetëm për 9 muajt e parë të këtij viti, ndërsa për 3-mujorin e fundit, për shkak të çmimeve të larta të ofruara nga kompanitë, ka preferuar që të mos blejë energji. “Energjia e ofruar për tremujorin e kartërt nuk do të blihet, sepse çmimi i ofruar nga kompanitë është shumë i lartë”, -pohojnë burime zyrtare pranë KESH-it. Ato sqarojnë se Korporata Elektroenergjitike Shqiptare për 9 muajt e parë të vitit 2004 do të importojë rreth 1573 gigavat orë energji elektrike, me një çmim prej rreth 53.3 milionë eurosh. Çmimi mesatar i blerjes së energjisë elektrike nga të dy kompanitë është 33.95 euro për megavat orë. Kështu, gjatë tre muajve të parë të këtij viti, KESH-i do të importojë rreth 446 gigavat orë energji elektrike, 345 gigavat orë nga kompania “EFT” dhe 100 gigavat orë nga kompania “MontMontaza” me një çmim mesatar prej 36.03 euro për megavat orë. Por, një çmim më të lirë ka ofruar kompania “EFT” për tremujorin e dytë të këtij viti, rreth 32.2 euro për megavat orë dhe një sasi prej 511 gigavat orë, e cila do të sigurojë vetë të gjithë energjinë e nevojshme. Ndërsa, për tremujorin e tretë të dy kompanitë do të ofrojnë një sasi prej 615 gigavat orë dhe një çmim mesatar prej 33.89 euro për megavat orë. Lista me ofertat e dy kompanive fituese është dërguar tashmë në Agjencinë e Prokurimit Publike, e cila do të deklarojë zyrtarisht kompanitë fituese të tenderit ndërkombëtar të energjisë elektrike. “EFT” dhe “MontMontaza” janë dy kompanitë fituese, ndërsa kompania austriake “KOPROM” u skualifikua.
Pse dështuan dy tenderat e parë të energjisë?!
Dy janë tenderat e anuluar nga Korporata Elektroenergjitike Shqiptare për blerjen e energjisë elektrike në vitin 2004. Në 6 shtator tenderi u anulua se kompanitë pjesëmarrëse ofronin energji elektrike me një vlerë që tejkalonte fondin limit të përcaktuar nga KESH-i, ndërsa në tenderin e dytë të zhvilluar në 26 nëntor mori pjesë vetëm kompania angleze “EFT”. “Tenderi i zhvilluar në shtator u anulua për shkak se tejkalohej fondi limit i parashikuar dhe njëkohësisht ishte në interesin e vetë Korporatës Elektroenergjitike Shqiptare që të blinte me vonë energji me çmim më të ulët”, -pohojnë burime pranë KESH-it. Blerja e energjisë elektrike me një çmim më të ulët ishte argumenti i dhënë nga KESH për anulimin e tenderit të parë. Sipas drejtuesve të kësaj korporate, nga bllokimi i importit u arrit të kurseheshin rreth 1.5 milionë dollarë. “Meqënëse në tender u shfaq vetëm një kompani dhe një ofertë, tenderi i shitjes së energjisë elektrike në bazë të ligjit për konkurrencën anulohet”, -deklaruan drejtuesit e KESH-it pas anulimit për herë të dytë të tenderit të energjisë. Ndërkohë tenderi i tretë, i cili u bë në 16 janar, arriti që të sigurojë sasinë e kërkuar nga KESH-i për mbulimin e nevojave me energji të konsumatorëve.

BOX
Tenderi

Ja skema e furnizimit me energji elektrike nga dy kompanitë

Lotet Kompania Sasia energjisë Sasia e ofruar Çmimi/njësi Vlera
(GWh) (GWh) (euro/MWh) (euro)
I. EFT - 345.27 36.06 12 450 436
MONTMONTAZA - 100.73 35.95 3 621 243
Totali 446 446 36.03 16 071 679

II. EFT - 511 32.2 16 454 200
Totali 511 511 32.2 16 454 200

III. MONTMONTAZA - 154.56 33.55 5 185 488
EFT - 460.44 34.00 15 654 960
Totali 615 615 33.89 20 840 448

IV. KESH-i nuk do të blejë energji në 3-mujorin e katër, sepse çmimi i ofruar ishte shumë i lartë

[ganoid]

INSTAT: 47% e prodhimit të energjisë elektrike humb në rrjet

Raporti i tremujorit të fundit i publikuar nga INSTAT-i tregon se është rritur me rreth 13 për qind përdorimi i energjisë nga konsumatorët shqiptarë


Rritet akoma më shumë niveli i humbjeve të energjisë elektrike në rrjet. Faktin e kanë publikuar para disa ditësh specialistët e Institutit të Statistikave, të cilët kanë bërë të ditur se gjatë tremujorit që lamë pas ky nivel ka qenë rreth 47 për qind. Sipas tyre, në tremujorin tetor-dhjetor të vitit të kaluar, niveli i humbjeve i energjisë elektrike ka rezultuar rreth 3.8 për qind mbi nivelin mesatar tremujor të vitit. Raporti ku ata kanë publikuar të dhënat për energjinë elektrike, tregon se çdo muaj kanë humbur mesatarisht 195 milion kwh. E shprehur në sasi ditore, kjo shifër qëndron në nivelin e 6.3 milionë kwh nga 4.8 mln kwh në tremujorin e mëparshëm dhe 5.7 milionë kwh në tremujorin e katërt 2002. Duke u krahasuar me nivelin e prodhimit në vend, niveli i humbjeve në rrjet gjatë 90 ditëve të fundit të vitit 2003 ka përbërë rreth 37 për qind të furnizimit gjithsej, ose 47 për qind të energjisë elektrike që është prodhuar në vend.
Duke lënë pas këtë shifër negative të bilanceve të energjisë elektrike, INSTAT ka deklaruar se energjia elektrike e furnizuar në tremujorin e katërt të vitit 2003 ka shënuar rritje me 14 për qind krahasuar me tremujorin e mëparshëm. Por pavarësisht nga ky fakt, niveli i furnizimit mbetet rreth 4 për qind nën nivelin e furnizimit të tremujorit të katërt të vitit 2002. Megjithatë, niveli i furnizimit këtë tremujor rezulton 1 për qind më i lartë sesa niveli mesatar tremujor i realizuar gjatë vitit 2003. Furnizimi më i lartë për vitin e shkuar ka qenë gjatë muajit dhjetor, ose e shprehur me shifrat e INSTAT-it, rreth 9 për qind mbi mesataren mujore.
Kështu, sipas Institutit të Statistikave, çdo ditë ka pasur një furnizim mesatarisht me 16.8 milionë kilovat-orë energji elektrike nga 13.7 milionë në ditë gjatë tremujorit të tretë të 2003. Si faktor kryesor të rritjes së furnizimit me energji elektrike, specialistët e INSTAT kanë nxjerrë prodhimin në vend. Ata kanë theksuar në raportin e tyre se prodhimi ka ndikuar drejpërdrejt në nivelin e furnizimit me energji elektrike, i cili mbuloi 80 për qind të furnizimit tremujor.

Pavarësisht se prodhimi në vend i energjisë elektrike ka pasur ndikim kryesor në furnizimin e konsumatorëve, krahasuar me tremujorin e fundit të vitit 2002, ky nivel ka pësuar një rënie me 31 milionë kwh. Gjatë vitit 2003 janë prodhuar rreth 4.9 miliardë kwh energji elektrike nga 5.8 miliardë kwh që ishin nevojat e parashikuara për vitin, duke mbuluar vetëm 84.5 për qind të tyre.
Krahas prodhimit, humbjeve dhe përdorimit, importi i energjisë elektrike gjatë tremujorit në fjalë ka pasur vëmendjen e statistikave. Kështu, përfshirë këmbimet, importi ka pësuar rënie, duke arritur në nivelin më të ulët tremujor në tre vitet e fundit. INSTAT bën të ditur se importi i mirëfilltë rezultoi 10 për qind më i ulët krahasuar me të njëjtën periudhë të vitit të kaluar.


Përdorimi në vend i energjisë elektrike ketë tremujor rezulton me rritje me 12.5% krahasuar me tremujorin e mëparshëm dhe në rënie me 14% krahasuar me tremujorin e katërt 2002. Çdo ditë është përdorur mesatarisht 9.8 mln kwh energji elektrike kundrejt 11.4 mln kwh që janë përdorur në tremujorin e katërt të vitit 2002. Sektori i familjes konsumoi rreth 2% më pak energji elektrike sesa në tremujorin e katërt 2002. Familjet kanë përdorur mesatarisht në muaj 183.9 mln kwh kundrejt 188 mln kwh që janë përdorur në tremujorin e katërt të vitit 2002.

[dodoni]

BERZH premton financimin e dy linjave interkonjeksioni, të cilat lidhin vendin me rrjetin europian të energjisë

BERZH-i garanton financime për energjitikën


B.Beqiri

Takimi

Banka Europiane për Rindërtim dhe Zhvillim garanton financimin e disa projekteve të rëndësishme për fuqizimin e sektorit elektroenergjitik. Kështu ka premtuar dje delegacioni i BERZH-it i kryesuar nga drejtori i Grupit të Biznesit për Energjinë, Piter Reiniger, i cili shoqërohej nga shefi i misionit të BERZH në Shqipëri, Giulo Moreno gjatë një takimi që zhvilluan me ministrin e Industrisë dhe Energjitikës, Viktor Doda. Linja e interkonjeksionit 400 kilovolt Bullgari-Maqedoni-Shqipëri-Itali, linja e interkonjeksionit Sofie-Shkup-Tiranë-Itali, financimi i fazës së parë të ndërtimit të TEC-it të Vlorës janë disa nga projektet strategjike që do të financohen nga BERZH-i. Ndërkohë që janë në fazën e zbatimit dy projekte që financohen nga BERZH-i, projekti për ndërtimin e linjës 220 kilovolt Elbasan 1-Elbasan 2, nënstacionin 400 kilovolt i Zëmblakut, projekti për rehabilitimin e kaskadës së Drinit, fuqizimi i nënstacionit Tirana 1, fuqizimi i nënstacionit Uznovë-Berat, si dhe përmirësimi i rrjetit shpërndarës në Lushnje, Berat, Korçë dhe Kavajë. Burime zyrtare pranë Ministrisë së Industrisë dhe Energjitikës pohojnë se BERZH-i ka vlerësuar reformat dhe menaxhimin që po i bëhet Korporatës Elektroenergjitike Shqiptare, e cila është bazë për krijimin e besueshmërisë për thithjen e investimeve të huaja në sektorin elektroenergjitik. “Sektori energjitik ka nevojë për reforma të thella dhe investime”, -është shprehur Doda. Ndërkohë që ai i ka kërkuar drejtuesve të BERZH-it mbështetje financiare për fazën e parë të ndërtimit të TEC-it të Vlorës me një shumë prej 37.5 milionë dollarë, duke nënvizuar dhe duke rënë dakord që negociatat të fillojnë në prill të këtij viti, në mënyrë që në qershor të sigurohet përfundimisht ky financim. Sipas ministrit, brenda këtij viti duhet që të startojë ndërtimi i fazës së parë të TEC-it të Vlorës. Gjatë këtij takimi Doda ka njohur krerët e BERZH-it edhe me fazat e ristrukturimit të KESH-it, ku deri në fund të gjashtëmujorit të parë është kompania ENEL që do të punojë me KESH. Më pas, në vitin 2005 KESH do të jetë një kompani “holding”, pas ndarjes në tre kompani, shpërndarje-transmetim-prodhim. Ministri Doda është shprehur se “KESH po realizon të gjitha detyrat për ristrukturimin dhe mirëmenaxhimin e saj, si dhe po shkon drejt privatizimit, si e vetmja mënyrë e zhvillimit të këtij sektori”.




19/02/2004

Shpresojmë tani që më në fund edhe me këto investime që po bëhen të zgjidhet problemi i energjisë sa më shpejt që të jetë e mundur.
Tung

[ganoid]

Si mendoni se ka vepruar qeveria?


............
........
...................
Qeveria vendos amnisti për debitorët familjarë. Në total 11,3 miliardë lekë. Nano: Institucionet të mos blejnë makina, por të paguajnë energjinë

Dritat, qeveria fal 13 miliardë lekë

Kushti: Falja fillon në momentin që vihet matësi dhe nis pagesa e energjisë elektrike

Anila Rama

TIRANE- Qeveria u fal 11.3 miliardë lekë debitorëve familjarë që nuk kanë paguar energjinë elektrike që nga viti 1994 deri në fund të 2000-shit me kusht që falja të nisë sapo të vihen matësat e rinj të energjisë dhe të fillojë pagesa. Vendimi u mor dje në mbledhjen e Komitetit Ndërministror të Politikave Ekonomike, në bazë të propozimit të bërë nga kryeministri Fatos Nano, si pjesë e paketës për zbutjen e efekteve të reformave. Ndërkaq ata që do të përfitojnë nga ky vendim i papritur i qeverisë që prej një kohe të gjatë ka këmbëngulur për pagesat e lekëve të prapambetura, janë banorë të zonave të ndryshme në të gjithë vendin. Ndërsa institucionet buxhetore që gjithashtu janë debitorë ndaj KESH-it në shuma të konsiderueshme, përjashtohen nga vendimi i marrë dje nga Komiteti i Politikave Ekonomike. Burime nga KESH thanë dje se falja e borxheve për vitet ‘94-2000 është mjeti i vetëm që mund të përdorej për të filluar mbledhjen e pagesave të tjera. Kreu i ekzekutivit, Nano, tha dje se reformat e ndërmarra nuk kishin kthim prapa, pasi ato ishin në interes të përmirësimit të standardeve të jetesës së qytetarëve shqiptarë.
Kostoja e reformave
Ai pranoi se zbatimi i tyre kishte kosto të pashmangshme, pasi synohej standardizimi me Bashkimin Europian dhe rajonin. Shefi i qeverisë shtoi gjatë prezantimit të paketës së planit të masave se pavarësisht nga rritja e tarifave të energjisë dhe të impulseve të telefonisë fikse, ato vazhdonin të ishin nën koston që shpenzonte shteti. Kryeministri Nano tha se kishin filluar të përllogariteshin efektet e para të zbatimit të çmimeve të reja të energjisë, pavarësisht nga ndjeshmëria që ka pasur ajo tek qytetarët. Nano tha se ishte e rëndësishme të vazhdonte përmirësimi i furnizimit me energji elektrike për qytetarët, duke shtuar se kishte rezultate të kënaqshme në shlyerjen e faturave. Problematike ngelen në këtë drejtim Shkodra dhe Vlora.
Plani i masave
Sipas kreut të ekzekutivit janë 191 000 familje në nevojë, për të cilat shteti ka ofruar kompensim financiar, pas zyrtarizimit të çmimit të ri të energjisë si dhe për rivlerësim të pagave dhe të pensioneve në mënyrë që të ulen efektet anësore në shportën e mallrave të konsumit. Sipas përllogaritjeve, shuma që shteti do të shpenzojë për të kompensuar këtë pjesë të shoqërisë shkon në 253 milionë lekë. Ndërkohë e gjithë paketa e masave e propozuar dje në mbledhjen e Komitetit të Politikave Ekonomike, do t’i kushtojë qeverisë gati 15 miliardë lekë. Ndërkaq kryeministri Fatos Nano tha se do të merreshin masa të rrepta disiplinore për punonjësit shtetërorë që nuk kanë paguar faturat e energjisë elektrike, duke pohuar se do t’ju mbaheshin detyrimet nga listëpagesat (borderotë) në qendrën e punës ku punojnë. Sipas Nanos, institucionet shtetërore nuk mund të ushtronin përgjegjësitë publike me nëpunës që nuk respektotjnë detyrimet minimale ndaj tij. Nga ana tjetër, shefi i qeverisë i kërkoi ministrit të Financave të fillojë analizën për disiplinimin e shpenzimeve operative, duke shtuar se kishte abuzime të shumta në këtë drejtim. “Të gjitha institucionet buxhetore detyrohen të shlyejnë të gjitha faturat e prapambetura. Ministri i Financave të marrë masat përkatëse që të disiplinojë shpenzimet operative që lidhen me prioritetet e radhës së pagesës në dobi të shlyerjes së detyrimeve për energjinë elektrike. Ne nuk mund të tolerojmë që institucionet shtetërore të vazhdojnë të blejnë makina dhe pajisje të reja, të përdorin pa limit telefonat dhe të vazhdojnë të kenë borxhe ndaj KESH-it”, -tha Nano. Duke vijuar më tej paraqitjen e masave, Nano urdhëroi që të ngriheshin ekipet e punës task-forcë mes policisë elektrike dhe forcave të rendit, për të përfunduar vendosjen e matësave të rinj të energjisë, proces që sipas tij është zvarritur në kohë. Kryeministri kërkoi që Ministria e Rregullimit të Territorit dhe Turizmit, duhet të vendoste kritere të rrepta për dhënien e lejeve të ndërtimit, të cilat duhet të kenë të paracaktuar mënyrën e ngrohjes së ndërtesës që do të ngrihet.


Tarifë doganore 0 për gazin e lëngshëm
Gazi i lëngët që përdoret për konsum të përditshëm nuk do t’i nënshtrohet më detyrimeve doganore. Komiteti Ndërministror i Politikave Ekonomike vendosi dje që të çojë në zero tarifën doganore për gazin e lëngshëm që hyn nga importi. Ky vendim bëhet për t’ju ardhur në ndihmë dhe për të favorizuar konsumatorët shqiptarë që përdorin gazin për ngrohje dhe gatim. Kryeministri Nano kërkoi që të ushtrohej një kontroll i rreptë në tregun e shpërndarjes me qëllim që të shmangeshin abuzimet. “Ministri i Financave dhe ministri i Energjisë të studiojnë dhe të sjellin për vendimmarrje për mbledhjen më të afërt të qeverisë, reduktimin në 0 të tarifës doganore të gazit të lëngët, si burim alternativ energjie, si dhe të zbatojnë një kontroll më të rreptë mbi tregun e gazit të lëngshëm për të shmangur rritjen abuzive të çmimit të tij”, -tha Nano.
a.r



Vendimet e djeshme

1- Të gjithë konsumatorët familjarë që kanë detyrime të pashlyera ndaj KESH-it për periudhën nga viti 1994 deri në 2000 do të trajtohen sipas një skeme për skedulimin e këtij borxhi me kusht që efektet të fillojnë nga momentet kur konsumatorit i instalohet matësi i energjisë elektrike, dhe fillon pagesa sipas kritereve ligjore dhe respektimi i të gjitha kushteve të kontratës, siç janë mosdëmtimi i sistemit të matjes, ndërhyrjet e paligjshme. Kjo shumë arrin në 13.1 miliardë lekë të reja dhe prej saj përfitojnë: zona Shkodër, Tropojë, Koplik, Has, Kukës, Lezhë, Pukë në 3.8 miliardë lekë;


Tiranë 1.9 miliardë lekë;
Durrës, Krujë Kavajë, Shijak 1.2 miliardë lekë
Fier, Mallakastër, Patos, Vlorë në 2.3 miliardë lekë,
Burrel, Mat, Bulqizë, Laç, Dibër, Mirditë me 1.15 miliardë lekë
Berat, Skrapar, Kuçovë, Lushnjë me 1.3 miliardë lekë;
Elbasan, Gramsh, Librazhd, Peqin 0.6 miliardë lekë.

2. Sipas procedurave ligjore në fuqi, shlyerja e faturave të KESH nga punonjësit buxhetorë, të cilët janë debitorë, do të bëhet nga listëpagesat. Në rast të kundërt ndaj tyre do të merret masë disiplinore e rëndë

2- Institucionet buxhetore detyrohen të shlyejnë të gjitha faturat e prapambetura. Ne nuk mund të tolerojmë që institucionet shtetërore të vazhdojnë të blejnë makina dhe pajisje të reja, të përdorin pa limit telefonat dhe të vazhdojnë të kenë borxhe ndaj KESH-it.

4- Urdhëroj ngritjen dhe funksionimin e task -forcave operacionale ndërmjet policisë elektrike dhe asaj të rendit për të mbështetur oporacionin e vendosjes së matësave në të gjithë vendin dhe ndërprerjen e vjedhjes së energjisë.

5- Ministri i Financave dhe ministri i Energjisë të studiojnë dhe të sjellin për vendimmarrje për mbledhjen më të afërt të qeverisë, reduktimin në 0 të tarifës doganore të gazit të lëngët, si burim alternativ energjie, si dhe të zbatojnëi një kontroll më të rreptë mbi tregun e gazit të lëngshëm për të shmangur rritjen abuzive të çmimit të tij.

6- U kërkoj organeve vendimmarrëse dhe atyre zbatuese të fushës së ndërtimeve të zbatojnë me përpikmëri ligjin për ruajtjen e energjisë në banesa dhe ngrohjen e ndërtesave me lëndë alternative me kosto më të ulët se energjia elektrike.


Nano: Të rishikohen marrëveshjet e Albtelekomit me kompanitë private
Kryeministri Fatos Nano kërkoi rishikimin e marrëveshjeve të interkonjeksionit të nënshkruara mes kompanisë shtetërore Albtelekom dhe kompanive të telefonisë celulare. Sipas tij, vendosja e këtyre marrëveshjeve disa vjet më parë ishte e domosdoshme, pasi lidhej me futjen në treg të kompanive celulare. Por ai shtoi më tej se kishte ardhur koha që ato të rishikoheshin, duke u bazuar në logjikën e tregut. “Marrëveshjet e interkonjeksionit të kompanive private me Albtelekomin, janë një histori e gjatë në shtetit tonë në këto vite tranzicioni. Arritja e këtyre marrëveshjeve ishte ngushtësisht e lidhur me futjen në treg të kompanive celulare, të cilat i kanë kondicionuar shtetit shqiptar marrëveshje të cilat tashmë ka ardhur koha të rivlerësohen mbi standarde të tregut të sotëm. Në kuptimin ligjor, kjo është e paatakueshme, por në logjikën e tregut rivlerësimi që kërkojmë të bëhet duhet t’i shërbejë shëndoshjes ekonomike të Albtelekomit si pasuri strategjike e shqiptarëve në prag të privatizimit dhe përmirësimit të shërbimit ndaj qytetarëve”, -tha Nano. Ai kërkoi që drejtuesit e Albetekomit të paraqisnin në qeveri një raport të detajuar, mbi ecurinë e deritanishme të këtyre marrëveshjeve duke propozuar rrugët konkrete për të dalë nga situata në të cilën ndodhet.

["Ambrida"]

Veprimi i nanos nje grusht turinjve qytetarit te ndershem shqiptar ,qe edhe pse ne kushte te veshtira ekonomike ka
paguar energjine elektrike per 13 vjet me radhe.
I ndershmi e ha gjithmone.

[ganoid]

Harasani: Firma private për mbledhjen e borxheve

Në një konferencë për shtyp, drejtori i KESH-it ka shpjeguar nismat e fundit të Korporatës Elektroenergjetike Shqiptare


“Borxhi që debitorët shtetërorë deri më 31 dhjetor 2003 i kanë korporatës për vitin 2003 është 429 milionë lekë dhe borxhi pregresiv është 3.164 miliardë.” Këtë ka deklaruar gjatë fundjavës drejtori i përgjithshëm i KESH-it Andis Harasani në një konferencë për shtyp të dhënë një ditë pas vendimit të kryeministrit Fatos Nano. I detyruar që të japë shpjegimet pas ndërmarrjes së fundit të qeverisë, Harasani ka deklaruar se falja e borxheve të viteve `94-`00 është e nevojshme pasi kompania është drejt privatizimit dhe duhen bërë pastrimet e llogarive. “Është një veprim kontabël, - ka thënë Harsasni, - që e bëjnë të gjitha ndërmarrjet para privatizimit.” Duke u bazuar në deklarat e para për këtë problem, të cilat janë bërë gjatë mbledhjes së Këshillit Ndërministerial për Ekonominë (KNPE), drejtori i përgjithshëm i korporatës ka sqaruar se kryeministri ka dhënë disa direktiva që në mbledhjen e ardhshme të KNPE-së që do të zhvillohet para fundit të marsit të përcaktohen detajet e sakta se cilët konsumatorë do të përfitojnë falje dhe çfarë procedurash do të ndiqen për këtë falje. Gjatë konferencës, nga interesi i gazetarëve nuk kanë dalë dhe konsumatorët të cilët paguajnë rregullisht energjinë elektrike. Problemi që mund të lindë pas faljes së fundit të ndërmarrë nga qeveria mund të jetë “zhgënjimi” i abonentëve, të cilët kanë qenë të rregullt me pagesën e faturave të energjisë elektrike. “Opinioni im në lidhje me njerëzit që paguajnë faturat e energjisë elektrike, - ka thënë drejtori, - është që këta njerëz i vlerësojmë dhe iu kërkoj që të vazhdojnë të paguajnë dhe se korporata do të marrë masa për ato konsumatorë që nuk paguajnë.” Më tej në lidhje me konsumatorët Andis Harasani nuk mendon që është një fyerje për konsumatorët për ata qytetarë që paguajnë sepse ky veprim është një pastrim llogarish dhe se do të instalohen forma të reja për mbledhjen e faturave. Kështu, sipas deklaratës së Harasanit, për periudhën 2001-2003 për ata debitorë që nuk paguajnë do të zbatohet një skemë ku do të përfshihen institute të caktuara, firma private, polici private. Sipas drejtorit të përgjithshëm të KESH-it, të gjitha këto do të kenë autorizime përkatëse për mbledhjen e këtyre faturave elektrike të pashlyera. Për këtë shërbim të gjitha firmat apo organet e tjera do të marrin një përqindje të caktuar, e cila mund të shkojë deri në 20 për qind. Në lidhje me këtë nismë që mendohet të ndërmerret, Andis Harasani ka theksuar që kjo mënyrë është hapi i parë për privatizimin e këtij tregu strategjik. Deklratën e tij drejtori i KESH-it e ka mbyllur duke thënë se shumë kompani kanë shfaqur interes për KESH-in në sektorin e energjisë elektrike dhe në veçanti për një copëzim të tij. Në këto kompani të interesuara bëjnë pjesë kompani të huaja dhe vendase.


Borxhi dhe mbledhja e tij
Shuma prej 13.1 miliardë lekë është vlera që do të falet për periudhën 1994-2000. Ndërsa për periudhën 2001-2003 do të shikohen format për mbledhjen e faturave nga institute, firma apo polici private. KESH-i ka vendosur 160 mijë matësa për periudhën shtator 2002 deri në dhjetor 2003, të cilat arrijnë në 30 për qind e matësve që duhet të instalojmë në vend. Po kështu janë të prokuruar dhe 160 mijë matës dhe presim të sigurojmë dhe 75 mijë të tjerë në mënyrë që të plotësojmë të gjithë Shqipërinë. Një nga detyrat që u vendos në KNPE është që brenda javës KESH-i duhet të dorëzojë në kabinetin e kryeministrit raportin e saktë të instalimit të matësve. Është propozuar dhe krijimi një task force elektrike për një ndërhyrjeje të fortë për konsumatorët që nuk shlyejnë faturat elektrike. Konsumi mesatar i një familjeje shqiptare është 330 kilovolt në muaj.

[R2T]

Para dy ditësh krerët e Korporatës Elektroenergjetike kanë prerë shiritin e nënstacionit 400/110 kV dhe të linjës 110 kV Zemblak-Korçë


Përurohet nënstacioni 400/110 kilovolt në Zemblak të Korçës. Të dhënat e marra nga drejtoria e përgjithshme e Koorporatës informojnë se ky nënstacion ka një fuqi të instaluar prej 150 MVA dhe se është zgjedhur Korça për ndërtimin e tij pasi është parë si një zonë shumë e rëndësishme e vendit. Specialistët e energjetikës bëjnë të ditur se me vendosjen në punë të nënstacionit 400/110 kV (kilovolt) pritet një përmirësim i ndjeshëm në furnizimin me energji elektrike në zonat e Korçës, Pogradecit, Ersekës dhe Përmetit. Për sa i përket linjës 110 kV, ata thonë se ajo ka një gjatësi rreth 15 kilometra dhe se për ndërtimin e saj ka ndihmuar kompania zvicerane “Colenco”.
“Financimi i nënstacionit 400/110 kV të Zemblakut dhe linjës 110 kV Zemblak – Korçë,është bërë nga një kredi e Bankës Evropiane për Rindërtim dhe Zhvillim. Në fund të takimit kreu i Energjetikës ka sqaruar se kontrata për ndërtimin e këtij nënstacioni është nënshkruar në qershor të vitit 2002 dhe në muajt e fundit të po këtij viti ka filluar dhe puna për ndërtimin e tij. Nënstacioni është vënë në punë në shkurt të këtij viti.