Monika Kryemadhi: Jam e zhgenjyer nga politika.

[ChuChu]

`Monika Kryemadhi:
Jam e zhgënjyer nga politika

Nga Mirela Struga

Shpesh e gjen duke pirë një kafe në Rogner nën shoqërinë e kolegëve, mikeshave apo edhe të bashkëshortit të saj. Nëse ke disa vite pa e parë Monikën, paraqitja e saj të surprizon. Nga vajza me pamje djali, por edhe me komportim të tillë, tani ajo ka zbuluar feminilitetin dhe ëmbëlsinë tek vetja. "Ndoshta ka ndikuar edhe fakti që jam bërë nënë - thotë ajo.- Tani jam pak më e shtruar." Ende nuk i ka mbushur të 30-tat, bën një jetë shumë aktive dhe angazhohet kudo. Një grua që lëviz e që nuk lejon të bjerë në rutinën e së përditshmes. Aktive, energjike, të pret me një buzëqeshje të lehtë dhe të tërheq në një bisedë të çlirët duke të krijuar komoditetin e të qënurit si me një mikeshë të vjetër. Ajo vjen edhe kësaj here për të treguar imazhin e saj të ri jo vetëm të jashtëm....

Hyrja në Politikë
Ishte nëntor i vitit 1991, kur ajo vajti për herë të parë në PS e ku gjeti një grup të rinjsh, në mes tyre Zela, Majko dhe Meta. Ishte vetëm 17 vjeç atëhere dhe ndihej ende e ndrojtur, ndoshta dhe pak e frenuar në idetë që diskutoheshin për rininë studentore, intelektuale. Ishte koha kur kërkohej rinovimi i PS-së dhe ajo ishte e vetmja vajzë që shquhej mes dominimit të djemve, me një krenari të brendshme, sikur të donte t'i bënte ballë një sfide, por edhe një barre që do t'i duhej të matej mirë ta merrte përsipër. Reagime të ndryshme i vinin nga familja, rrethi apo mjedisi shoqëror, herë herë mosbesues ndaj zgjedhjes së saj, duke e parë shpesh edhe me keqardhje. Reflektimet do të vijonin edhe nga mësuesit, shpesh ndoshta në mënyrë kërcënuese me qëndrimet e tyre, ndërsa asaj do t'i dukej vetja një revolucionare e vërtetë. Duke qenë ende e re në moshë i duhet të thyejë rregullat për t'u pranuar në Parti. Ndoshta pikërisht këtu nis të duket dhe veçantia e saj. Një vajzë e re që shumë mirë do të ishte duke u marrë me librat, shoqet apo argëtimet e saj, merr një vendim të çuditshëm, të angazhohet në Politikë. Dhe ajo çfarë është më shumë për t'u çuditur ishte tërheqja drejt një force të konsumuar politike me qëllim për t'i dhënë shanse radikalizimit të saj, në një kohë kur të gjithë silleshin rreth PD-së si një shpresë e re për t'i lëvizur gjërat në Shqipëri.
Pasi zgjidhet anëtare e kryesisë, në maj 1992 zgjidhet sekretare e përgjithshme e FRESH-it.
Por nuk do të kalonte shumë kohë dhe ajo do të përballej me zhgënjimet e para në politikë, do të kuptonte se zgjedhja e saj do të ishte një sakrificë. "Politika është e pamoralshme" dhe ajo nuk do të mund të pranonte lehtë pazaret që bëheshin në të ashtu siç nuk ka dashur asnjëherë ta pranojë zhgënjimin brenda vetes, përkundrazi kërkonte të gjente një shtysë atje thellë saj për të vazhduar në rrugën e nisur me shumë mund, drejt asaj çfarë ajo e quante ideal.

Njohja me Ilir Meten
Ishte tepër e re kur u njoh me të. Nëse gjatë gjithë kohës e kishte konsideruar veten si djalë, aq sa kishte guxuar edhe të rrifej me djem, papritur dikush i kujton se ajo është femër dhe se një mashkull po e shihte si të tillë. Njohja me Ilirin erdhi natyrshëm. Ato filluan të kuptonin se krahas PS-së i lidhte dhe diçka tjetër, pra po linde dashuria mes një djali dhe një vajze. "Tek ai gjeta sigurinë që kisha kërkuar dhe ndjerë të nevojshme gjithnjë. Iliri ishte personi që e rrezatonte këtë. Ishte i qartë, i qëndrueshëm, me një personalitet që e veçonte nga të tjerët dhe me nje autoritet të padiskutueshëm i cili dinte ta përdorte gjithmonë pozitivisht." Më pas, në vazhdën e thyerjes së rregullave, tipike të natyrës së Monikës, ato nuk nxitojnë që të bëjnë dasëm e nusja të vishet me të bardha. Bashkëjetojnë dhe pa bërë celebrim, bëjnë edhe një vajzë. "Biles për këtë kemi paguar edhe një gjobë sipas ligjeve të asaj kohe" - thotë Monika. Më pas familja e tyre shtohet edhe me një djalë. Fiks 20 muaj mbas lindjes së vajzës, dhe me sa duket nuk do të mbarojë me kaq. Monika, megjithëse e angazhuar, mendon se do të ishte ideale po të dyfishohej ky "rezultat". "Dy djem dhe dy vajza janë perfekt për mua që i kam fëmijët pikë të dobët, por edhe Iliri bën shumë mbas tyre." Por përsa i përket mbështetjes në politikë, Monika ka shumë vërejtje për të shoqin. "Kur unë bëja fushatë në zonën e kombinatit ku isha kandiduar për deputete, Iliri nuk më përkrahu për asgjë Ai në atë kohë ishte kryeministër dhe i takonte të paktën si kolege të pinte një kafe me mua, dhe ai se bëri". Monika është e bindur se çdo gjë në politikë e ka arritur me forcat e saj dhe jo se ka qenë gruaja e Ilirit. "Përkundrazi - thotë ajo - kjo shpesh e ka komplikuar situatën, sepse unë duhet të mbaja mbi shpinë sulmet ndaj meje si person, por edhe si bashkëshorte e Ilirit. Biles mund të them se ndoshta po të mos kisha qenë gruaja e tij, ndoshta mund të kisha bërë edhe më shumë." Kur e pyes Monikën nëse ndjehet mirë kur i shoqi zgjidhet kryeministër dhe a i pëlqen që ai të rizgjidhet, ajo përgjigjet: "Jo, nuk më ka pëlqyer dhe nuk do të doja që ai ta kishte prapë atë detyrë, ndonëse e konsideroj të sukseshëm për aq kohë sa ndenji aty. Unë nuk e kam shoqëruar asnjëherë në vizitat e tij protokollare jashtë shtetit si një grua kryeministri, sepse nuk më pëlqen që të katandisem si një manekinë në krah të burrit."

Mardhënia me Fatos Nanon
"Takimin e parë me të e pata në vitin 91 ku ai erdhi dhe foli para kryesisë. Sinqerisht nuk i kuptova asnjë fjalë dhe në atë kohë mendoja se ishte faji im, ndoshta isha akoma e paformuar. Por të them të drejtën vazhdoj të mos e kuptoj dhe tani mendoj se nuk është faji im.
Të japësh dorëheqje kur e sheh se qeveria jote nuk është e sukseshme, është një veprim shumë civil dhe fisnik. Këtë gjë zoti Fatos e ka mjaft të vështirë ta bëjë dhe kjo gjë më bën të ndjehem e zhgënjyer nga ai."

Në familje...
I pëlqen të zgjohet vonë, por angazhimet shpesh nuk ia lejojnë një luks të tillë. Megjithatë kur ka kohë provon të gatuajë dhe e ndjen veten një kuzhiniere të mirë. Ka fatin të ndihmohet nga çdo gjë nga mamaja e vet, por gjithsesi i mbetet mjaft punë për të bërë.

Look-u i saj
Sapo lindi djalin, krahas kënaqësisë që i dha krijesa e saj, ndjeu pak edhe zhgënjimin e linjave goxha të mbushura. Ishte 27 vjeç dhe peshonte 92 kg. Duhej bërë patjetër diçka.
"Ishte e tmerreshme të kërkoje veshjen që të pëlqente dhe të mos të të bënte asgjë. Ka patur raste që kam dashur të qaj nga ndjenja e padrejtësisë që më krijohej kur nuk gjeja në butik masën time. Qesharake..., më duhej të mendoja seriozisht për veten time". Kështu lindi një tjetër angazhim për veten tek ajo. Një dietë strikte, shoqëruar me vrap tek liqeni bashkë me të shoqin, bënë që brenda një viti ajo të heqë plot 40 kg nga trupi i saj dhe i shoqi 20. Tani ajo mund të shijojë edhe preferencat e saj drejt veshjeve ekstravagante. I pëlqen të luajë me lookun, me stilin dhe paraqitjen e saj. "Më pëlqejnë ngjyrat, aksesorët, veshjet tip çingije. Çfarë nuk ka në gardarobën time, që nga çizmet lejla e deri tek bluzat me arna. Një herë kam shkuar në parlament e veshur me një fustan të bardhë me disa qese vënde-vënde. Një koleg më erdhi afër dhe më tha: "Ik se le nam me atë fustan!". Po unë nuk dua t'ia di shumë. Thjeshtë ndjehem mirë kur vishem sipas qejfit tim.
Një herë do iknim me Ilirin diku, në një vizitë zyrtare dhe unë u vesha me një bluzë me arna e pantallona me kutia. Ai më pa dhe më tha: "Sikur nuk ka lezet kjo veshje për atë vend". Në fakt u ndërrova, sepse e ndjeva se kishte të drejtë. Por gjithsesi më pëlqen të bie në sy, që njerëzit të diskutojnë për veshjen time, s'ka rëndësi për mirë apo për keq."

"Bizneset" e Monikës
"Do kisha shumë dëshirë të kisha disa biznese, ashtu siç përflitet shpesh në media, por kjo është e pamundur pasi nëse do të merresh me politikë, nuk do të kesh kohë të merresh me bizneset e tua. Për mendimin tim një politikan që merret me biznes (dhe ka shumë të tillë këtu tek ne) do t'i duhet të vërë politikën në funksion të biznesit të tij dhe kjo nuk do të sjellë gjë tjetër veçse një humbje të reputacionit të politikës, humbje të besueshmërisë së vetë individit. Unë kam një jetë mjaft aktive në politikë dhe sigurisht në Shqipëri është diçka normale të sulmohesh edhe me gjëra të paqena që tregon se sulmet nuk janë gjë tjetër veçse një xhelozi primitive. Por unë kam një parim në jetën time qoftë kjo edhe në politikë: nëse e ndjej që ajo çka unë bëj është e drejtë, luftoj deri në fund".

Marrdhëniet me elektoratin e saj
"Unë banoj në atë lagje ku jam zgjedhur deputete dhe shpesh kur kthehem në mbrëmje në shtëpi gjej njerëz që më presin. Ata janë shumë të varfër, ka shumë probleme të infrastrukturës, ka papunësi të madhe por pavarësisht nga kjo janë vërtetë njerëz të mrekullueshëm. Ndihma që unë ju jap, shpesh nuk ka të bëjë me faktin se jam deputete, por thjesht se jam njeri, se jam nënë. Ka patur raste kur dikush më ka kërkuar ndihmë për fëmijën e sëmurë dhe unë i kam hipur makinës për t'i gjetur ilaçe, për të kontaktuar me mjekun dhe kur në fund gjërat janë zgjidhur për mirë, jam ndjerë shumë e lumtur."

Dieta e Monikës
"Shumë drastike, por falë Zotit pata vullnet dhe ia dola të heq 40 kg, aq sa shumë njerëz mendonin se jam sëmurë. Tani kam shtuar fare pak dhe jam 60 kg, them se jam shumë mirë."
Receta
Në mëngjes: një gotë me lëng të freskët portokalli dhe një kafe me qumësht pa sheqer.
Gjatë ditës çaj, mundësisht çaj mali pa sheqer.
Në drekë: peshk të zgarës (në asnjë mënyrë të skuqur) ose gjoks pule të zgarës dhe sa më shumë sallatë jeshile, karrotë, rukola dhe spinaq, mundësisht jo alkol.
Mbas drekës: sa më shumë kivi të jetë e mundur, edhe një kg.
Në darkë: është i mjaftueshm një filxhan çaj ose një mollë jeshile.
Jo djathë, spageti, ullinj, dhe absolutisht jo sheqer.

"Ditët e para është pak e vështirë, por duhet hequr mendja me punë ose duke lexuar. Sigurisht që ka momente që nuk mundesh, të errësohen sytë nga të pangrënët, duhet të hash ushqimet që të hahen, por menjëherë duhet të kujtosh se sa shumë ke vuajtur për të hequr ato pak kile që i vendos menjëherë po hëngre. Një peshore është e domosdoshme, por pa patur turp nga kilet e tua pasi me vullnet dhe besim në vete do t'i heqësh. Ne kujdesimi për rrobat tona që të mos na bëhen pis dhe neglizhojmë të kujdesemi për trupin dhe shëndetin tonë".

C-V personale
- Më 1997 diplomohet në Fakultetin e Shkencave të Natyrës në degën Bio-Kimi
- Më 1999 diplomohet në Qendrën europiane për politikat e sigurisë "George Marshall".
- Më 2002 diplomohet në Master për Administrim Biznes UT
- Në prill 2002 çertifikohet në Harward University me teme "Lider në manaxhimin e kaosit dhe konfliktit".
- Aktualisht punon për doktoraturën.

Angazhimet më kulminante në politikë
- 1995-2000 Zv. Presidente e Internacionales së Rinisë Socialiste
- 1996-2001 zgjidhet anëtare e këshillit bashkiak të Tiranës
- 2001-2002 Kryetare e FRESH-it në Kongresin e IV
- 2001 Deputete në Parlamentin Shqiptar

Skeda personale
Ditëlindja: 09.04.1974
Vendlindja: Tiranë
Pesha: 60 kg
Gjatësia:160 cm
Gjëndja civile: E martuar me dy fëmijë: Bora 5 vjeç dhe Besari 3 vjeç
Libri i preferuar: Leter babait, Franc Kafka
Shkrimtari: Cvajg
Aktori: Sandër Prosi
Shija: Edhe kripur edhe sheqerosur
Pija: Gameldansk
Stina: pranvera
Koha: mesdita

[latifi]

Nuk i pelqen politika Shoqes Kryevidhi dhe aman ci ka qejf peshqit ne zgar dhe jo peshq te bler ne pazar po te servirur me sallatra speciale e verera te shtrenjta ne lokalet me luks te Tiranes e europes.
E nga vin ato peshq ?
Mos valle punon peshkatar Iliri?
Flasin per moral burr e grua e rrin ne nje Parti me Tos hajdutin e Luiz kanibalen.

[Hek]

Gjeja me e bukur ne postimin e Kuqalashes lidhur me Monika kryemadhin, por qe une e lexova se pjese te intervistes ishte nenshkrimi ne fund


Jepi Salep



Sinqerisht te pergezoj kuqalashe, megjithese jam i sigur se e ke bere pa vetedije. Por me tingelloi shume bukur mbas gjithe asaj interviste-te pakten vanitoze- mos me thene hipokrite, shprehja ne fund"Jepi Salep"

Edhe tani nuk e mbaj dot te qeshuren

[kundraRRYMES]

Mbaj mend nje dite kur u ktheva pas shume vitesh ne shqiperi isha ulur ne nje kafene ne krah te CAM-it rruges qe te dergonte tek lokal V.I.P. Ne nje tavoline pak me tutje nje vajze me floke te prere kapelon, dhe pamje buldog dhe dy djem veshur elegante . Me beri pershtypje "fjalori i pasur" dhe mjaft "i lirshem", i vajzes dhe si per cudi, fjalori teper i matur i djemve. Nje nga miqte e mi ulur ne tavoline me shpjegoi qe ishte M Kryemadhi, e shoqja e Metes, dhe qe ishte mjaft "bosse", dhe qe kishte bisnese shoqeri ndertimi( ketu mu kujtua nje raport i shume viteve te me parshme per perfshirjen e politikaneve Italiane ne te ashtoquajtura shoqeri ndertimi ne italine e jugut, gje qe ishte nje nga arsyejet e vetme pse jugu i italise eshte krahina me e varfer dhe me me probleme e Italise). Me vone pastaj emri do ti perfshihej ne disa pazare per vagonet e austriake te trenave, dhe pasjen e vilave me 8 kondicionere ne krah te unazes se re, dhe qe cdo gje i akreditohej prinderve te Kryemadhit, dhe aspak z Ilir Meta.
Vite me pas me nje mikun tim tek Piazza, vjen nje vajze e bjonde RZ dhe sekretare e z Meta, e pamartuar dhe kandidate per te gjetur "gozhde" ku te varej. Njihem me te dhe pasi flasim e flasim me hapet duke me treguar se cfare ndodhte ne kryeministri me sekretaret e tjera, ku nderto ishte dhe nje gruaja e nje parlamentari " mjeker cjap-forma e qethjes se mjekres ne ate kohe, e gazetar", e preferuara e z Meta kryeminister i asaj kohe, ( me duhet tju them qe eshte me te vertete e bukur...).Nje gje e tille nuk i kishte shpetuar znj Kryemadhi, qe per cudi "hakmerrej", duke udhetuar vetem ne shoqerine e nje "miku", ne Marikaj, apo pak me larg ne Dhermi, per "biznes". Dhe mu kujtuan vitet 1971 dhe revolucioni ne galerine e arteve ku Vera Grabocka shkonte me pedagoget e UT dhe i shoqi, me pastruesen e galerise se arteve...

Ne ate kohe pati dhe nje reagim ne shtyp , nga nje Socialist per cfare ndodhte pas dyerve te kryeministrise.

Por meqe jemi tek Kryemadhi dhe ky publikim i Kuqalashesme duhet te te them Kuqalashe o je mjaft cinike( me salepin),ose duhet te jesh idiote - me pelqen te pranoj te paren, pasi ne asnje moment nuk lexova mendimin tend, dhe len te nenkuptosh shume gjera.

Sa per feminitetin e Kryemadhit, nuk e di ndoshta me duket vetem mua, por te besh seks me te duhet ta pranoj do te jete me eksituese te besh seks me Arnoldin.

Nese nuk do te kete gazetare si puna e kesaj Struges, njerez te rendomte si Kryemadhi nuk do te reklamohen si personalitete, per me teper do te injoroheshin dhe liheshin ne harrese si fosile te prehistorise pa vlera ( duhet te kujtoj qe bashke me te shoqin futi frymen e familjarizimit te PS, derisa nese do te ishin lejuar pak me teper ne krye do te kishim nje PS , ku kryetar do te ishte z Meta, e antaret e kryesise do te ishin te tere permetare e tepelenas..dhe ndonje shofer i z Kryemadhi)

Njeri me i peshtire nuk me kane zene syte,

[ChuChu]

Postuar më parë nga kundraRRYMES
me duhet te te them Kuqalashe o je mjaft cinike( me salepin)

"Jepi Salep" eshte firma ime, e cila lexohet ne fund te cdo postimi dhe s'ka lidhje fare me artikullin e M. Kryemadhit.

Artikulli eshte marre nga Spektri (leximi i te cilit eshte me leke), dhe e solla ketu (si dhe shume artikuj te tjere qe sjell nga Spektri), mqse jo kushdo ka mundesi ta lexoje ate reviste. Une me buke e ju me gure.

Shendet.

[FLEUR]

Faleminderit Kuqalashe , sepse vertet qe jo te gjithe mund ta lexojme "Spekter".

Kundrarryma, shkrimin e kishe te lezecem dhe mese te vertete per katunaren Kryemadhi, qe dikur ne fillimet e FRESH nuk ja varte askush.Por ne nja dy paragrafe e kishe shkelur.Mos etiketo dhe paragjyko personat(e kam fjalen per Kuqalashen dhe per permetaret dhe tepelenen)
Pershendetje nga Fleur.

[Tironsja]

Kuqalashja te falenderojme per shkrimet qe na sjell.

Po KryeMADHI ne 97 e paska mbaru Universitetin?
I kishte hy politikes me shkolle te mesme kjo.

[DRIN FIERI]

nuk e di sa jane paguar ata qe te shkruajne per Monikan (luinski) Kryemadhi, ta bejne portretin e saj biografik me interesant tek lexuesit qe ti rritet popullariteti i saj, ajo punon fort ne mengjes qe ti japi rezultat ne mbremje te gjaje veten ne karrige presidenti apo kryeministre me vone, Monika ka deshire qe karriera e saj te jete e suksesshme (ku do haje dhe ajo e shketa edhe ajo duhet te haj diku) dhe shkruajne disa si kuqalashja e te tjere ndihmojne qe karriera e saj komuniste te lulzoje ne te ardhme .....mos u mashtroni......
SHQIPTARE TE BASHKUAR

[FLEUR]

Drini artikulli eshte marre nga revista "spekter" nuk e ka shkrujt kuqalashja.Sa per sqarim.
Kuqalashja faleminderit qe na bie shkrime nga "Spektri" se ne nuk kemi akses(duhen pagu 20$ ne vit)Por une nuk paguj as nje penny per K.Kokedhimen.

[Henri]

Gjeja më mjerane qe lexova ne kete interviste eshte perqendrimi me pare ne paraqitjen e Monikes (look - kur do hiqet kjo fjale nga shtypi shqiptar?) e me pas pershkrimi gjithe dhimbshuri i Monikes per gjendjen mjerane te shume banoreve te zones se saj. Gje me te peshtire nuk ka. Nuk me genjen mendja se varferia e shqiptareve do te pakesohej nga kontributi i nje njeriu te vetem, por ama edhe te lexosh mbi llojshmerine e çizmeve e bluzave te Monikes e fill pas saj per mjerimin e atyre qe votuan Moniken, me bën t'ia leshoj ulerimes me sa te me nxere fyti.

Nderkohe, nje gje kam te sigurt po u ktheva ne Shqiperi, nje pune si gazetare do e gjej patjeter. Nga dalin gazetaret tane te ketyre viteve te fundit? Nje zell i tejet per te perdorur nje gjuhe aq te renduar ne huazime sa te zë koka e te duhet nje fjalor ne dore. Kuptimin e fjales "tanga" e mesova vetem pak muaj me pare kur erdhi ime kusherire ne Kanada. Deri para se te me tregonte qe u thone brekeve qe te hyjne ne b*the, une kisha kujtuar se eshte nje dialekt per takat e kepuceve

Kuqke, o derman, ti si ke qene keto kohet e fundit, se s'ta kam degjuar shume zënë...