Berisha: Protestat do te jene popullore, jo politike

[Zarathustra.]

Ne fakt ka ndodhur e kunderta. Listat u pranuan nga te dyja palet, me punen dhe modifikimin e te dyja paleve. PD ishte ajo qe pranoi listat perfundimtare, dhe sic tha edhe Doris Pak disa dite me pare, "PD s'ka kujt ti qahet."

PD pretendon se jane rreth 8400 vete qe sipas saj do votonin per PD por qe nuk votuan. Qe KQZ apo PS te manipulonte listat duke njohur preferencen e votimit te 8400 veteve te shperndare ne gjithe Tiranen, eshte absurditet qe nuk pertypet nga askush.

Nqs PD pretendon se ky ishte nje gabim i procedures, bazuar mbi pune jo te mire te procesit te rregjistrimit, atehere probabiliteti eshte qe te jete 8400 vete qe do votonin pro-Rames dhe nuk e gjeten veten ne lista. Pra 8400 firmat e Sales ne rastin me te mire per te do kene nje perfitim marginal shume te vogel, qe sido ta kthesh nuk e mbulon dot kurre diferencen prej 20% te Rames.

Jo Berisha por procesi zgjedhor ka garancine e nderkombetareve, dhe ky proces u quajt me i miri deri me sot, dhe u njoh nga te gjithe, e para ishte Amerika.

Kurse per Tiranen, duhet te them se dikur ishte qyteti i terbacioteve. Ata erdhen ashtu injorante e te pashkolle, por te gjithe ata apo femijet e tyre studiuan ne Universitet, bile edhe ne ato te Europes, ashtu sic kishte nderin te bente edhe Sal bajraktari. Por mbas 92 u be qyteti i kokepalareve, apo atyre me "universitetin" e Spacit, qe perdhunuan cdo grimce civilizimi te saj, dhe qe e felliqen duke e kthyer ne nje qytet geto-kioske . Keshtu Tirana u kthye ne qytet pervert, ku i shkolluari shiste banane tek trotuari, kurse xhahilet e Bjeshkeve te Namuna, u bene shefa administrate.

Me sa shof une terbaciotet ne Tirane po shkollojne brezin e trete neper universitetet e shkollat me te mira, ti jo-terbacioti cilin brez po edukon keshtu?

[Veshtrusja]

PD pretendon se jane rreth 8400 vete qe sipas saj do votonin per PD por qe nuk votuan.

Gabon kur thua "qe nuk votuan", eshte me sakt te thuash "nuk u lejuan te votonin". Tani pyetja eshte : perse nuk u lejuan? Cfare justifikime nxorri PS-ja per te mos len kush e di se sa njerez pa votuar. A jane ato justifikime te pranueshme? A jane te drejta?

Po ata njerez qe shkonin te votonin dhe nder emrat ne liste gjenin emra te njerezve qe kush e di se sa kohe kane te vdekur? Cfare eshte justifikimi ketu? Perse ndodhen ato emra neper ato lista? Ku qendron rregulli? Ku qendron drejtesia?

Tani ne qoftese nuk deshiron te pranosh keto dy gjera si fakte te pamohueshme, atehere mos i lexo fare pyetjet e mija sepse sdo te kete kuptim.

Nuk deshiroj te mbroj PD por edhe duhet te pranosh qe PS manipulon. Kur ekzistojn manipulime te tilla, kur dhe si do te marrim vesh te verteten?

Vota e lire eshte nje nga bazat e pushtetit. Mungesa e saj....tregon munges pushteti.

[Zarathustra.]

Tirana eshte qyteti me i madh dhe me i banuar ne shqiperi. Ne Tirane cdo dite vijne mesatarisht 4000-5000 vete per te jetuar aty, pa llogaritur ketu ata qe vdesin.

Kjo dyndje popullate perballohet me qetape te shkrura me dore, sepse gjendjet civile jane te pakomjuterizuara. Plus qe shume njerez nuk rregjistrohen deri kur u teket. Mijera te tjere, residente te Tiranes jane dora e kokepalareve te Sales qe erdhen mbas 92, moren nga nje regjsitrim ne Tirane dhe kur nuk i hynin me njeriu ne pune, apo pasi nuk u rregulluan dot me shtepi dhe punesim, levizen prape ne maj te malit.

Ne kete rremuje e gjullurdi, duke pasur parasysh edhe periferite e Tiranes qe jane totalisht kaotike, 8400 vete jane vetem brenda normales. Por asnje statistike e metejshme nuk jepet, psh sa % nga keta jane banore te rinj ne Tirane, apo qe kane levizur aty vitet e fundit? Sa nga keta jetojne ne periferi, apo zona te paurbanizuara? Sa nga keta jane aktualisht residente ne Tirane? Dhe pastaj sa nga ata qe duan te votonin per PS nuk kane votuar? Ma ha mendja se po te behet nje llogari e tille, hesapet do dalin ndryshe. Ja pra ju kerkoni qiqra ne hell, lista perfekte ne nje vend qe eshte me ngaterruar se lesh arapi.

Eshte budallallek te besosh se keto lista ishin perfekte apo pa probleme ne 1996 psh, por PS nuk u ankua se nuk kishte kuptim pasi saktesimi i tyre eshte i pamundur nen cdo qeveri, sidomos me levizjen e lire masive qe perjetoi Tirana. Ja pse argumenti "liste" nuk merret paraysh nga askush neper bote, sidomos kur ai paraqitet si i qellimshem, pasi sic te thashe gjithkush e ka te pamundur te menjanoje nga lista pikerisht 8400 vete nga ata qe duan te votojne per PD.

Po keshtu edhe me te vdekurit. Emrat e tyre fshihen me dore nga regjistrat dhe as mos e diskuto qe ky proces kerkon kohe dhe perfshin gabim. Por po te them nje histori personale. Emri i xhaxhait te tim eti, i lindur ne 1902, i emigruar ne amerike qe prej 1920 dhe i vdekur tashme 30 vjet, figuronte ne listat e zgjedhesve. Pse?? Sepse askush nuk e ka deklaruar ate te vdekur. Dhe raste te tilla, ndoshta me te ndryshme ka me tonelata ne shqiperi.

Edhe ne Amerike ku procesi zgjedhor eshte teper i modernizuar, ne cdo ane, keto lloj probleme teknike nxjerrin telashe here pas here.

Cfare ishte me e rendesishme se cdo gje tjeter ishte korrektesa e shtetit shqiptar, paanesia e tij, e gjykatave, e policise, qe ne 1996 beri kerdine me hajduteri, dhe dhune. Kjo eshte arritja e vertete qe me PD ne pushtet ne nuk e kishim, dhe qe opozita kerkon te bej nje sy qorr perpara saj duke terhequr vemendje me listat. Sido qe ta rrotullosh, zgjedhjet ne Shqiperi kane qene 10 here me te arrira, korrekte, dhe te drejta se ne periudhen e xhahileve te PD qe vidhnin nga 99%.

Eshte e vertete qe PS, e cdo parti tjeter me pushtet do pepiqet si te mundet te kaloje pak % ne krahune vet. Dhe ndoshta PS e ka bere kete me 2, 3 e mbase 4%, por prape PD nuk fitonte dot, sepse gjithmone ka qene 10% me poshte. Kete here ishte 1% por sepse PS i la shume zona PSD (qe kishte 5.2%) (PASH me 3.6%) dhe aleateve te tjere, kurse PD vetem Himaren kishte ne aleance. Ketu nuk po llogaris faktin se keto zgjedhje ishin me te keqijat per PS, pra rezultatet e zgjdhjeve te meparshme kane qene edhe me te thella (ne 2001 PD+ aleate kishte 11% me pak se PS pa asnje aleate). Me tej vjedhjen minimale te PS e minimizon edhe me tej, fakti qe ne shqiperi nuk votojne 50% e popullsise, qe e bejne pretendimine PD si fitues, teper te pasigurte, si edhe fakti qe Berisha eshte i paafte te fitoje bindshem me rezultat te thelle.

Pra 8400 vete per nje shtet te dobet, shoqeri te pastabilizuar, kaotike, rremuje, dhe mentalitet demokratik te ulet, sic ndodh ne Shqiperi eshte normale. Ne fund te fundit sic te thashe edhe amerika kishte probleme te tilla.

[Veshtrusja]

Po mire lere Tiranen sepse Shqiperia nuk perbehet vetem nga Tirana (pavaresisht se Tirana ka nje popullesi te madhe).

Manipulimet e votave kan ndodhur ne qytete te ndryshme. Dhe kur vete njerezit qe kan shkuar per te votuar kane banuar me vite ne qytetet ku kan hedhur votat dhe kur kan shkuar ne kohen e duhur per te votuar, dhe prap nuk eshte gjetur emri i tyre ne list votimi, po atehere cfare eshte "justifikimi"? Dhe kur ata nuk gjejn dot justifikim per mos-lejimin e votave te k'tyre njerezve te kualifikuar per te votuar, atehere perse mos te dyshoj une per Tiranen? (qe eshte qytet kryesor)

Sa i perket '96, nuk tha njeri se atehere ishin "perfekte" votat. Puna eshte perse te jete sot nje soj sikur ka qen me pare?!

Dhe sa i perket mungeses kompiuterike, kjo nuk eshte justifikim i mire per mungesen e emrave apo per shtesen e atyre qe sjan as gjalle. Cfare eshte detyra e qeveris? Perse e kemi qeverin nese nuk do te merren masa (sidomos ne kohera kritike si kur hidhen votat) per te patur drejtesi?

Nuk mendoj se mund te krahesosh Shqiperine me Ameriken. Por edhe sikur te kete "gabime" ne USA, nuk rrine pa u korrigjuar ato gabime (ne nje menyr apo tjeter). Ndersa ne Shqiperi ekziston nje "krize" nga te tera anet qe tregon me se hapuri qe asgje nuk eshte e korrigjuar, dhe me kreyesorja eshte pyetja nese k'ta njerez duan te marrin masa per te korrigjuar kto "gabime" apo nese thjesht duan te mbajn pushtetin me do e mos!

[Albo]

Protestat, opozita kërkon shkarkimin e KQZ-së

Opozita vazhdoi ditën e djeshme fazën e dytë të protestave, në kërkim të garantimit të votës së lirë dhe procesit zgjedhor të drejtë. Ata i janë drejtuar KQZ-së, dhe kanë kërkuar para saj që të gjithë qytetarët e përjashtuar nga zgjedhjet e 12 tetorit të votojnë më 28 dhjetor. Ata kërkuan dhe ditën e djeshme që Celibashi të japë dorëheqje dhe të japë sqarime për etiketime fyese në drejtim të protestuesve, gjatë mbledhjes së KQZ-së, ku u shkarkua KZQV-ja e Tiranës. "100 mijë zgjedhës, 150 mijë vota?!" dhe "Jemi qytetarë të lirë dhe duam të votojmë" ishin disa nga parrullat e protestuesve.

Protestuesit para KQZ-së kanë dëgjuar edhe dje fjalimet në oratoriumin e radhës ku Ngjela dhe Minarolli kanë theksuar detyrimin kushtetues të Presidentit për të ndërhyrë në çështjen e shkarkimit të Celibashit dhe balancimit politik të KQZ-së. Edhe dje askush nga ky institucion nuk ka guxuar të përballet me demonstruesit. Entuziazmi dhe brohoritje e vazhdueshme të protestuesve janë shtuar edhe për shkak të zhvillimit të mbledhjes së KPD-së në ambientet e pallatit të Kongreseve, një kat më lart se rezidenca e KQZ-së. Masat e sigurisë ishin trefishuar dje për këtë shkak dhe përveç forcave policore, të ndërhyrjes së shpejtë, specialeve, gardës dhe SHISH ishin të pranishëm me dhjetëra bodigardë të qeveritarëve. Protestuesit hodhën parrulla edhe për largimin e Nanos dhe të qeverisë së tij. Protesta ka nisur si zakonisht në sheshin Skënderbej, ndërsa vargu i protestuesve nuk është ndalur as para bashkisë dhe as përpara kryeministrisë.


--------------------------------------------------------------------------------

Ngjela: Parlamenti të fillojë procedurat për shkarkimin e KQZ-së

Kandidati i opozitës për Partinë Demokratike, Spartak Ngjela, nga sheshi para KQZ-së i ka kërkuar Presidentit të Republikës që t'i drejtohet Parlamentit për shkarkimin e gjithë Komisionit Qendror të Zgjedhjeve. Në të njëjtën kohë ai i ka bërë thirrje grupit parlamentar të PD-së që të fillojë procedurën në parlament për shkarkimin e tyre sa më shpejt që të jetë e mundur. Ndërsa parashikohet edhe rrethimi me protestues i parlamentit deri sa ai të shkarkojë të shtatë anëtarët e KQZ-së. "Presidentit i kërkojmë dhe njëherë nga ky tubim, o t'i pezullojë vetë, ose t'i drejtohet parlamentit për shkarkimin e kësaj KQZ-je, e cila po e çon Shqipërinë në krizën më të madhe që ka parë ndonjëherë. Nga ana tjetër më lejoni t'ju kujtoj se në rast se ne nuk do të arrijmë ta zgjidhim problemin e votës së lirë, kurrë nuk do të kemi vota të lira në Shqipëri," u shpreh Ngjela para protestuesve. Ngjela u ka bërë thirrje protestuesve për të vazhuar demonstrimin për të mos lejuar përjashtimin e 25.000 zgjedhësve të Tiranës. "Që nga ky moment unë besoj se ka ardhur koha ta zgjidhim njëherë e mirë këtë çështje, sepse mesa duket këta kujtojnë se ne jemi njerëz të butë, që pranojmë gjithçka, që pranojmë nënshtrimin. Unë mendoj se s'jemi të nënshtruar. Unë mendoj se kemi forcë për t'i rikthyer Shqipërisë votën e lirë, pranadj jam këtu me ju, jam sot dhe do jem çdo ditë në protestë," u shpreh Ngjela.


--------------------------------------------------------------------------------

PD: Po regjistrojmë votuesit e Tiranës

Strukturat e PD-së së Tiranës janë duke regjistrur të gjithë qytetarët që nuk mundën të votojnë në 12 tetor. Ky pohim është bërë dje nga kreu i demokratëve të Tiranës Minarolli në fjalën e tij mes protestuesve dhe thirrjeve për dorëheqje të KQZ-së. Po dje këto struktura të PD-së janë solidarizuar duke mbështetur anëtarët demokratë të KZQV-së së Tiranës, të cilët janë gjobitur dhe kërcënuar me ndjekje penale. Kreu i demokratëve të Tiranës Minarolli deklaroi se vendimi për të shkarkuar anëtarët e KZQV të Tiranës, ishte një veprim antiligjor i tij, sepse pas vendimit të Kolegjit Zgjedhor duhet të ikte Celibashi dhe Subashi ato që duhet të ishin shkarkuar, sepse Kolegji Zgjedhor hodhi poshtë vendimin e tyre dhe jo të KZQV të Tiranës. "Përkundrazi, me vendimin që mori Kolegji Zgjedhor iu dha të drejtë të gjithë pretendimeve dhe kontestimeve që bëri KZQV e Tiranës," është pohuar nga Minarolli.

[Albo]

Kryetari i demokratëve tha se në 9 janar ka kaluar edhe një gomone e dytë e ngarkuar me drogë

Berisha: Protestat do të jenë popullore, jo politike


Nevila Perndoj

TIRANE - Kryetari i Partisë Demokratike Sali Berisha deklaroi dje para aktivistëve të Tiranës se lëvizja e PD-së më 7 shkurt nuk do të jetë politike, por popullore. « Më datën 7 shkurt, Partia Demokratike nis lëvizjen e madhe dhe të fuqishme me moton « Nano ik » ! Kjo do të jetë motoja e lëvizjes tonë e cila do të përdorë të gjitha mjetet demokratike për largimin e njeriut, që sot përfaqëson armikun nr.1 të kombit shqiptar, armikun nr.1 të shoqërisë shqiptare, armikun më të rrezikshëm të të ardhmes së shqiptarëve », -tha ai. Berisha shtoi se kryeministri Fatos Nano duhet të largohet, pasi sipas tij, përbën rrezik për shqiptarët. Kryetari i demokratëve theksoi se një nga arsyet për largimin e kryeministrit Nano është tragjedia e 9 janarit ku humbën jetën mbi 20 persona dhe 11 janë shpallur të zhdukur. « Tragjedia e fundit e 9 janarit nxori në dritën e diellit fytyrën e shëmtuar të këtij armiku të kombit shqiptar, atë fytyrë, që i lejoi atij të vazhdojë pushimet në një kohë kur shqiptarët ishin në zi. E kam theksuar dhe e theksoj se, kjo përbën një fyerje të rëndë për çdo qytetar shqiptar dhe përbën një fyerje të rëndë për çdo qytetar europian, përbën një fyerje të rëndë për çdo vend dhe komb të qytetëruar. Këtë nuk mund ta bënte kush tjetër vetëm ai që urren Shqipërinë dhe shqiptarët. Askush tjetër nuk mund të vepronte në mënyrë të tillë. Këtë nuk e miraton askush në Perëndim », -tha ai. Berisha vazhdoi se, « kryeministri vazhdoi pushimet 15 orë derisa ata u mbytën. Ata që shpëtuan vetëm se zoti i kishte bërë më të fuqishëm se të tjerët dhe shpëtuan vetëm pas 15 orëve vetëm 4 kilometra larg brigjeve, por u lanë të vdisnin nga këta qeveritarë, që nisin ngarkesë droge. Ku është gomonia e dytë? Berisha kundërshtoi edhe miratimin nga Kuvendi, pa opozitën për ngritjen e komisionit hetimor për tragjedinë e Karaburunit. "Tani Nano vendosi të hetojë vetveten. Cinik ekstrem për të mbuluar tragjedinë e 9 janarit, ka vendosur të krijojë komisionin e tij, për të mbuluar urdhrat, që u dhanë për t’i lënë në det. Ai krijoi komisionin Apostoli. Akt i pashembullt në historinë e Europës", -tha ai. Berisha radhiti si arsye kryesore për fillimin e protestave edhe rritjen e çmimeve të fundit në vend. « Një muaj rresht luftuam në Parlament me rritjen e çmimeve. Kjo sepse Angjelët dhe Dukët e Nanos u intereson të shesin naftën sa më shtrenjtë, sepse i intereson, që Telekomi të ketë tarifa më të larta për privatizimin e tij më vonë », -tha ai.

[Albo]

Topi: Protestat, demokratike dhe kushtetuese

Nënkryetari i Partisë Demokratike, Bamir Topi, është shprehur dje se protestat e iniciuara nga Partia Demokratike dhe të cilat do të nisin të shtunën në mesditë, do të jenë të organizuara në mënyrë demokratike dhe brenda kuadrit kushtetues. Topi gjithashtu është shprehur se një lëvizje e tillë e qytetarëve është një lëvizje e iniciuar nga politika dhe nuk përjashtohet asnjë person, i cili ndjen se duhet të protestohet për këto kushte dhe për këtë janë të lirë të bashkohen në këto protesta pa marrë parasysh dhe orientimin që ata kanë. "Bëhet fjalë për lëvizje demokratike brenda kuadrit kushtetues dhe është detyrë e politikës të sensibilizojë njerëzit në nevojë dhe besoj se në të mund të marrin pjesë jo vetëm ata njerëz që janë të orientuar djathtas, por të gjithë ata të cilët e ndiejnë se duhet protestuar për këto kushte," është shprehur Topi. Duke përsëritur deklaratat e mëparshme Topi ka shtuar se pas varfërimit të tejskajshëm të qytetarëve nuk u ka mbetuar asgjë tjetër përveç protestave. "Kushtet politike dhe aq më tepër ekonomike kanë arritur kulmin kështu që është e vetmja mënyrë për të dalë nga kjo gjendje në të cilën ndodhet vendi," është shprehur Topi. Sipas tij kryeministri Nano tashmë ka dëshmuar se nuk është i predispozuar për të dhënë dorëheqjen në asnjë lloj rethane, prandaj sipas tij duhet që populli të protestojë për t'i thënë Nanos ik. Ndërsa përsa i përket negociatave të Partisë Demokratike me partitë e tjera opozitare për të mbështetur iniciativën për të protestuar kundër kryeministrit Nano dhe qeverisë së tij, Topi është shprehur se partitë e spektrit opozitar tashmë kanë pranuar ftesën e Partisë Demokratike. Por Topi ka përjashtuar Partinë Demokrate të Re për faktin se ajo me lëvizjet e fundit nuk mund të quhet më një parti opozitare. "Fakti që Partia Demokrate e Re e Pollos u vu në dispozicion të Partisë Socialiste për të bashkëqeverisur dëshmon se tashmë kjo parti nuk mund të quhet parti opozitare," ka përfunduar Topi. Mësohet se ditën e shtunë, në sheshin Skënderbej do të vijojë e para protestë, që do të pasohet me të tjera protesta në qytetet e mëdha të vendit. Kështu do të vijohet në ditët e para. Më pas do të vazhdohet me protesta më intensive, të cilat sipas demokratëve do të konkludojnë me rrëzimin e regjimit të Nanos. Bëhet e ditur se tashmë seksionet e kësaj partie në Tiranë, kanë filluar punën për të menaxhuar dhe strukturuar këtë protestë.