Taksa e rruges, pse u be ristrukturimi

[ganoid]

Taksa e rruges, pse u be ristrukturimi
Mbitaksa 1 per qind mbi importet bie ndesh me nje rregullore te Keshillit Europian, ku Shqiperia perfiton nga skema preferenciale e eksporteve drejt Komunitetit Europian. Per te perfituar nga ky regjim saktesohet se, perfitimi i ketyre leshimeve aplikohet vetem ne rastet kur vendet ose territoret perfituese nuk vendosin taksa te reja doganore ose detyrime te tjera me efekt te njejte. Ne te kundert ne po kete rregullore eshte saksionuar mundesia e anullimit te pjesshem ose te plote te ketyre leshimeve preferenciale. Keto kane qene argumentet qe eksperter e Bashkimit Europian kane kerkuar pak muaj me pare per lirimin e importeve nga mbitaksa 1per qind e rruges. Keshtu qeveria shqiptare u vu para dy zgjidhjeve. Se pari, lenja ne fuqi e takses per nje periudhe tranzitore 5 vjecare. Por aplikimi i ketij varianti perbente rrezik qe Shqiperia te mos perfitonte kushtet me te favorshme nga tregtia me BE dhe bie ne kundershtim me frymen e marreveshjes se Stabilizim Asociimit dhe parimeve te tregtise se lire. Se dyti, heqja e mbitakses duke filluar ne paketen fiskale te vitit 2004. Ekspertet e BE kane rekomanduar aplikimin e ndonje takse tjeter per ndertimin e rruges, e cila nuk bie ne kundershtim me rregulloren e Keshillit.

[ganoid]

Ja dhe zevendesimi i kesaj takse.
.....
.....


Taksa e re e makinave, 7 mijë lekë në vit


--------------------------------------------------------------------------------

mi.di

Në paketën e re fiskale mbitaksa 1 për qind për mallrat e importit është zëvendësuar me një taksë të re, e cila do të paguhet nga të gjithë drejtuesit e automjeteve. Por kjo taksë tashmë nuk do të jetë për "llogari" të rrugës Durrës-Kukës, por do të jetë një taksë e re njëlloj si të tjerat.

LAJMI

Heqja e taksës "Majko" nuk e ka lehtësuar aspak biznesin dhe qytetarët nga pagimi i taksave. Përkundrazi, heqja e kësaj takse ka shtuar detyrimet jo vetëm të biznesmenëve, por dhe të gjithë qytetarëve që kanë një automjet. Këta të fundit vitin e ardhshëm do të mbushin boshllëkun që do të krijonte në buxhetin e shtetit heqja e mbitaksës një për qind për të gjitha mallrat e importit. Në projektligjin për paketën e re fiskale Ministria e Financave ka parashikuar një taksë për të gjithë përdoruesit e automjeteve, e cila do të jetë e diferencuar sipas kategorive. Po kështu, do të ketë një rritje të akcizës për naftën, nga 50 për qind që është aktualisht në 65 për qind. Këto taksa pritet të sjellin rreth 1.4 miliardë lekë në buxhetin e shtetit, shifër kjo e njëjtë me mbitaksën 1 për qind të mbledhur gjatë një viti. Por, nëse kjo e fundit do të përdorej për ndërtimin e rrugës Durrës-Kukës-Morinë, e kundërta do të ndodhë me taksat e automjeteve. Burime zyrtare pranë Ministrisë së Financave theksojnë se taksa e automjeteve është vetëm një taksë e re dhe ashtu si të gjitha taksat e tjera do të kalojë në buxhetin e shtetit dhe nuk do të jetë me destinacion për rrugën Durrës -Kukës. "Kjo është vetëm një taksë e re dhe nuk është e njëjtë me mbitaksat e vendosura dy vjet më parë për rrugën Durrës-Morinë. Por, meqenëse kjo rrugë do të jetë një ndër prioritet e qeverisë për vitin e ardhshëm, ndërtimi i saj do të bëhet me fondet e buxhetit të shtetit, ku një pjesë të këtij fondi do ta përbëjnë mbitaksat e mbledhura gjatë këtyre dy viteve", theksuan burime zyrtare pranë Ministrisë së Financave. Në paketën e re fiskale është parashikuar që taksa vjetore për makinat e ndarë sipas kategorive të jetë nga 7 mijë deri në 15 mijë lekë. Pas kërkesës së Bashkimit Europian për heqjen e mbitaksës 1 për qind për gjithë mallrat e importuar, Ministria e Financave ka llogaritur koston dhe çfarë efekti do të ketë ajo në rast se hiqet mbitaksa. Burime zyrtare pranë Ministrisë së Financave kanë deklaruar se qeverisë i janë paraqitur 3 variante për mbitaksën 1 për qind për mallrat e importuar, të ardhurat e së cilës do të shërbejnë për ndërtimin e rrugës Durrës-Kukës-Morinë. Njëri nga variantet e paraqitura ishte që kjo taksë të hiqet që në vitin e ardhshëm, duke përmbushur kështu kërkesën e BE-së dhe që ishfe pikërisht varianti i cili u zgjodh nga Ministria e Financave. Nga taksa "Majko" gjatë vitit 2002 janë mbledhur rreth 1.3 miliardë lekë, ndërsa deri në fund të këtij viti pritet të mblidhen rreth 3 miliardë lekë. Specialistë të financave kanë deklaruar se mbitaksa 1 për qind përbën rreth 50 për qind të totalit të mbledhur.