Laberia dhe hallet e saja

[Cjapi]

Gazeta 55


*******


Kush gënjen akoma me "Benë e Brate"...?

Brataj, është një fshat i bukur nga më të mëdhenjtë në trevën e Labërisë. Ndodhet në luginën e Shushicës, apo në Luginën e Lumit të Vlorës. Më poshtë në drejtim veror, Lugina e Shushicës zgjerohet dhe formon një hapësirë më të gjërë midis Malit të Bratajt dhe maleve të Tartarit. Brenda Luginës Shushicës ndodhet fshati dhe fusha e Bratajt.

"Na erdhi një Enver i ri"

Bratioti kurrë nuk e ka qetësuar shpirtin e cingrisur. Sigurimi i Shtetit përgatiste palët kundër njëri tjetrit, me fjalë në vesh dhe dhelpërinë e përçarjes për të shkruar letra anonime kundra njëri tjetrit. Eci poshtërsia e imponuar si "vijë e masave" duke i hedhur njerëzit të çirreshin njëri me tjetrin si maçokë marsi. Disa për të marrë hak në emër të partisë shtet "prisnin dhe bishtin e mushkave për hakmarrje". U varfërua bratioti deri në kufirin më ekstrem të mbijetesës, duke kënduar këngën e dhallës, nën hijen e gorricës. Kopje e socializmit të parë L.Nac. Shkatërrimtare ishte dhe revolucioni i 1997. Pati armë të shumta në duart e neokomunistëve, parallive të firmave piramidale të vëna me vjedhjen e djersës të rinisë bratiote, horra e morra të rrëmujës, rrëmetit, vrasës ustallarë që qëlluan demokratët në mish me kallashnikov. Sot retë e zeza kanë zbritur nga malet e djallit dhe janë instaluar në administratën e komunës, strukturat e fshatit duke mbajtur në dorë portretin e Enverit dhe në sfond buzëqesh kufoma e Dushan Mugoshës, ndërsa në Vlorë Niko Veizët e CO, presin e përcjellin delegacione nga Greqia, Sërbia e Mali i Zi, apo Theodhori Shija hesht për ngjarjen e Himarës, e Spiro Milo te rinjë në këtë fushatë pas zgjedhore të turpshme dhe antikombëtare. Retë e bardha me nuanca blu, me dritën e bardhë të Diellit, kanë mbuluar Bratin por e keqja e 1997... sundon përsëri se votat u vuadhën. Qindra ha tokë nuk punohen, pyjet e kullotat po shkatërrohen, prona s'i kthehet të zot, sikur të ishte mall pa zot. Brati është komuna që ka tre deputetë, një lloj fidanishte si "Dushku që prodhon deputetë".Kandidati socialist që fitoi zgjedhjet lokale ka mendësinë e deputetëve Malaj, Brokaj dhe freshistit Ardian Myslymi. Eshte militant socialist i 1997 nuk ka luftuar mbjelljen e lëndëve narkotike është "fitues" që ka luftuar Opozitën dhe PD. Sëpata pa bisht e Pozitës edhe pse pylli i dha bisht, i preu gjithë drurët. Prapë Opozita është humane mgjithë betimet e stërbetimet e sëpatës.

Bratajt demokracia,demokratët e kanë parë me sytë e dritës që s'i spektër zbërthen ngjyra të tjera të shpirtit material që ka ky vend nga më të bukurit, por që s'duan t'ia nxjerrin në pah. Me relievin, gjeografinë, ujërat, majat e maleve me borë historinë e vjetër dhe të re ka potenciale turistike që njihen. Ato janë bukuri, prehje që duhet provuar që të kënaqesh.Të mahnitur nga këto thesare udhëtojmë me makinën e Drejtorit të Institutit të Monumenteve, Ing. Pëllumb Ymeri, përgjegjësin e Qendrës Arkeologjike të Bratajt -Smokthinës. Haki Ahmetaj dhe Vilson Musarajin. Jemi më poshtë ku bashkohen degët e Shushicës, lumi i Kucit dhe Lumi i Smokthinës, tek Ura e njohur e Bratajt. Aty formojnë lidhjen edhe fshatrat që përbëjnë këtë pellg.Eshte pra errësirë e vjeshtës II.Dielli i pas shiut, pasi u mërzit në faqen lindore të maleve të Bratit, kaptoi për nga Perëndimi dhe u krodh në det, duke humbur ndriçimin e një lëmshi të zjarrtë që kish gjatë mbrëmjeve të verës së nxehtë. Edhe bratiotët e duan "perëndimin nga lind Dielli". E duan pa qeverisjen socialiste që i ka lënë pa ujë, drita nga Hidrocentrali i Smokthinës dhe me rrugë të shkatërruara, shkolla të pa mirëmbajtura ku japin mësim ushtarë të PS pa arsim përkatës. Edhe pse rruga e fshatit është shtruar tre herë prapë janë në ndjekje penale hajdutët e tenderave të rrugëve. Aktualisht Komuna, Kryetari i Komunës s'kanë marrëdhënie me komunitetin, nuk ndihmojnë mbarështrimin e turave të blegtorisë, për të marrë rendimente të larta në qumësht e mish dhe për të rritur numrin e krerëve. Ashtu si në legjislaturën e kaluar edhe tani, Kryetari i Komunës nuk do të jetë i zoti të thithë financime të huaja, vetëfinancime nga fondet shtetërore do të vjedhë taksat e komunitetit dhe komuna nuk do të gëzojë të mira materiale dhe pasuri.

Besnik Velaj


------------------------------------------

Varri i dëshmorit Ahmet Lepenica lë pa mandat Kryekomunarin

Ngjarje e rëndë, e rrallë, e dhimbshme, sikur nuk jemi në demokraci por në diktaturë. Dëshmorëve nacionalistë u kanë prishur shtëpinë e përjetshme, u kanë prishur altarin ku populli i Lepenicës e gjithë Labërisë çonte një tufë me lule për t'u çmallur me veprën e tyre, me aktin e tyre madhor me luftën që bënë ata. Më të dhimbshme nga personat do ta ketë pasur, autori Enver Memisha ( Lepenica) që atyre varreve, asaj toke u ka vënë veshin, u ka dëgjuar rrahjen e zemrës tyre për luftërat që bënë për patriotizmin që treguan dhe aktin më të madh që lartësuan vehten e atdheun, ranë dëshmorë me armë në dorë siç bien trimat, sic bien heronjtë. Për Ahmet Lepenicën, komandant i Luftës së 1920, Hysni lepenicën, Enver Lepenica ka shkruar shkrime të shumta, ka bërë edhe një libër të spikatur, voluminoz sic ishin voluminoze edhe veprat e tyre në shërbim të atdheut, Sidomos në librin për heroin e Luftës së Dytë Botërore, komandantin e cetave nacionaliste të BK Enver Memishës duhet ti ketë luajtur zemra nga vendi dhe t'i kenë dalë djersë të ftohta, duhet të jetë sëmurur, sepse Hysni lepenica është personazhi i tij është fshatari i tij, është gjaku i tij, është i gjallë në atë libër dhe në netët e kësaj vjeshte duhet të jetë ngjallur si hero i gjallë, për të biseduar me autorin që e bëri të njohur pas 60 vjetësh në të gjithë Shqipërinë dhe Diasporë. Pendim duhet të kenë ndier dhe Halim Arshia ish- Kryetari i komunës, vëllai i tij Çerciz Arshiaj, nipi i tyre Erion Arshiaj dhe shoku i tyre Miri Selimaj. Për këtë akt të pamenduar, populli votues nuk i dha votën kandidatit për kryetar komune Halim Arshiajt në emër të Partisë Socialiste. Pse të dhunohen varret, pse të thyhet mermeri i varreve të dëshmorëve, Ahmet Lepenica dhe nipërve të tij Artur dhe Cano Canaj?

Ja ç'thotë nipi i Ahmet Lepenicës, Osmëni:- Mbeta pa fjalë, pasi një një gjë të tillë nuk e kisha dëgjuar ndonjëherë. Kur pashë varret të dhunuara më ranë djersë të ftohta! Të gjithë jemi të vdekshëm dhe nuk ka përse ish -kryekomunari të pengonte një vendim të KKRT , Ministrisë së Kulturës për vendosjen e bustit të Ahmet Lepenicës, në qendër të fshatit të Lepenicës? Ish kryekomunari duhet të ishte në harmoni me qëndrimin e të zotit të truallit, Lirim Hitaj i cili është dakord për vendosjen e monumentit. Banorët e zonës dhe gjithë komunës janë të indinjuar edhe nga mos përgjigja e Presidentit Moisiu, deputetit të zonës Zabit Brokaj, Grekut Fatos Nano dhe PS e Vlorës. Eshte rasti të theksojmë edhe për qëndrimin pajtues të shefit të rendit, Ardian Veliu me veprën çnjerëzore të përdhosjes dhe shkatërrimit të varreve të dëshmorëve Ahmetdhe Hysni Lepenica, të nipërve të tij Artur dhe Cano Canaj të dhunimit të varreve duke marrë pllakat, fotot e të ndjerëve të cilat janë flakur larg?! A e ndihmon stabilizimin e rendit apo nxit vetëgjygjësinë, hakmarrjen, destabilizimin shoku Ardian Veliu, oficer i lartë i ish- Ministrit Luan Rama? Mandati i ngritjes në detyrë apo shkatërrimit nga ajo detyrë nuk është si mandati i Kryekomunarit me vota nga popullit, por me një urdhër dite të komunikuar me shkrim, telefon apo celular?

Besnik Velaj


----------------------------