BE: Kriza ne qeverisje, e humbem durimin me Tiranen

[Albo]

Ritëm i ngadaltë i reformave në Shqipëri

Ekspertë të BE-së paralajmëruan se ritmi i ngadaltë i reformave në Shqipëri rrezikon negociatat për marrëveshjen e Stabilizim-Asocimit.

BE ka paralajmëruar Shqipërinë për ritëm të ngadaltë të reformave

Ky paralajmerim u bë në përfundim të bisedimeve tri ditore mes të dërguarve të BE-së dhe autoriteteve shqiptare, të cilave iu kërkua të ndërmarrin veprime të menjëhershme për të ndrequr të metat e konstatuara.

Negociatat e Shqipërisë me BE-në janë hapur në janar të ketij viti, por çështjet e brendshme politike, thotë korrespondenti i BBC-së në Tiranë, duket se e kanë ulur vëmendjen e autoriteteve shqiptare ndaj rekomandimeve të BE-së.

Shqetësimi u shpreh qartë në njoftimin për shtyp të delegacionit të komisionit evropian në Tiranë, në përfundim të raundit të tretë të negociatave për marrëveshjen e Stabilizim-Asociimit, të cilat u mbajtën në qytetin e Durrësit.

Kryenegociatori i BE-së, Reinhard Priebe, u shpreh se ritmi i reformave në këtë vend është tejet i ngadaltë dhe se qeveria duhet të marrë në konsideratë përshpejtimin e procesit të reformave.

Në njoftimin për shtyp të palës evropiane thuhet se ritmi i ngadaltë i reformave rrezikon negociatat për marrëveshjen e Stabilizim-Asociimit dhe se BE i kërkon autoriteteve shqiptare që të ndërmarrin veprime të menjëhershme për të ndrequr të metat e identifikuara nga raporti i procesit të Stabilizim-Asociimit.

Po aty thuhet se fishat që përbëjnë një shqetësim të veçantë mbeten lufta kundër krimit të organizuar dhe korrupsionit, funksionimi i institucioneve demokratike, zbatimi i ligjit dhe stabiliteti në administratë, sidomos në fushën e doganave.

Bashkëbiseduesja kryesore e palës shqiptare, zëvendëskryeministrja Ermelinda Meksi, tha se Shqipëria i mirëpret sugjerimet e përmendura:

"Ne mirëpresim të gjitha vërejtjet dhe sugjerimet që na bëhen pikërisht për të përmirësuar ato kapacitete që do të mundësojnë implementimin e angazhimeve në kuadrin e kësaj marrëveshje,"tha zonja Meksi.

Për negociatorët e BE-së rruga e vetme e për ta sjellë Shqipërinë më afër standardeve dhe integrimit evropian është ajo se procesi i reformave duhet të drejtohet nga një vullnet dhe vendosmëri politike e qartë, deklaroi përfaqësuesi i BE-dë, Reinhard Priebe.

Negociatat e Shqipërisë me BE janë hapur në fillim të vitit dhe asnjëherë nuk është thënë apo bërë e qartë se sa do të zgjasin ato për të mbërritur te nënshkrimi i marrëveshjes së Stabilizim-Asociimit.

Vëzhguesit vënë re se autoritetet shqiptare kanë shpenzuar shumë kohë dhe energji me problemet e brendshme politike, ku vend të veçantë kanë zënë grindjet dhe lufta brenda PS në pushtet.

Madje ky përfundim është shprehur edhe të premten nga pala evropiane, e pakënaqur me mosplotësimin e rekomandimeve të përsëritura për muaj me radhë drejtuar qeverisë shqiptare.

"Procesi i reformave duhet të drejtohet nga një vullnet dhe vendosmëri politike e qartë për ta sjellë Shqipërinë më afër standardeve dhe integrimit evropian," tha përfaqësuesi i BE-dë, Reinhard Priebe.

[Ceceni Tirons]

E si te shpejtohet procesi reformave kur Sala rri meno gjith diten si ti fusi qeveris shkopinj nen rrota dhe kur shprehja me e pelqyer e PD eshte 'te sheshi, te sheshi'....

[Shpirt Njeriu]

Pas perfundimit te raundit te trete te bisedimeve mes Tiranes dhe Brukselit, Bashkimi Evropian kritikon ashper qeverine shqiptare per ritmin e ngadalte te reformave dhe fokusimin ne ceshtjet teresisht te brendshme politike. Pikat problematike: Lufta kunder krimit te organizuar dhe korrupsionit, funksionimi i institucioneve demokratike, zbatimi i duhur i legjislacionit dhe stabiliteti ne administrate, vecanerisht ne dogana

Valbona Mehmeti

Bashkimi Evropian paralajmeroi Shqiperine se ritmi i ngadalte i reformave rrezikon negociatat per Marreveshjen e Stabilizim-Asociimit. Ne mbyllje te raundit te trete te negociatave mes Tiranes dhe Brukselit, BE ka lene menjane diplomacine per te shprehur pakenaqesine per ecurine e Shqiperise. "BE shpreh shqetesimin e saj ne rritje per ritmin e ngadalte te reformave ne Shqiperi. Ajo paralajmeron se ky ritem i ngadalte i reformave rrezikon negociatat per Marreveshjen e Stabilizim-Asociimit dhe iu kerkon autoriteteve shqiptare te ndermarrin veprime te menjehershme per te ndrequr te metat e identifikuara nga raporti i Procesit te Stabilizim-Asociimit dhe mbledhjet e Task Forces Konsultative", thuhet ne vleresimet e delegacionit te Komisionit Evropian per Ballkanin Perendimor, te kryesuar nga Reinhard Priebe. Deklarata e leshuar dje, pas mbylljes se Raundit te trete te negociatave per Marreveshjen e Stabilizim-Asociimit, vazhdon duke theksuar se fushat qe perbejne nje shqetesim te vecante mbeten lufta kunder krimit te organizuar dhe korrupsionit, funksionimi i institucioneve demokratike, zbatimi i duhur i legjislacionit dhe stabiliteti ne administrate, vecanerisht ne fushen e doganave. Ne te njejten kohe, zyrtaret e mberritur nga Brukseli dhe qe per tre dite biseduan me palen shqiptare te udhehequr nga zv/kryeministrja Meksi, u shprehen se "fokusimi ne ceshtjet teresisht te brendshme politike duket se ka terhequr edhe nje here vemendjen dhe energjite nga ndjekja e rekomandimeve te bera per kaq muaj me radhe nga ana e BE-se". Gjithashtu, Bashkimi Evropian vleresoi se "pa vemendje te plote ne reforma, nuk do te jete e mundshme te perballohen ne menyre te suksesshme sfidat e rendesishme te se ardhmes".

Nderkohe, deklarata zyrtare e Ermelinda Meksit, zv/kryeministre dhe ministre e Shtetit per Integrimin, duke njohur sadopak ritmin e ulet te reformave, krahasuar me ate qe pritej nga BE-ja, theksonte se "po punohet kunder boshlleqeve institucionale, ligjore proceduriale per te cilat qeveria shqiptare angazhohet se do te kete permiresime".

Marreveshjet e negociuara

Me date 5 nentor, ne Tirane, Shqiperia dhe BE-ja arriten te binin dakort mbi "marreveshjen e ripranimit". Ne baze te kesaj marreveshje, vendi yne eshte i detyruar te pranoje shtetasit tane qe qendrojne ne vendet e BE-se pa dokumenta te rregullta. Kjo marreveshje pritet te firmoset ne Bruksel gjate muajit te ardhshem. Nderkohe, me date 6 nentor, ne Durres u diskutua mbi "liberalizimin e tregut tone per prodhimet evropiane te bujqesise dhe peshkimit". Kjo marreveshje nuk u perfundua plotesisht, pasi, ne kuadrin e liberalizimit te tregut, pala shqiptare kishte shprehur kundershtime per uljen e tarifave te importit per mallrat bujqesore. Sipas Meksit, me uljen e tarifave "demtohet ndjeshem buxheti i shtetit". Nderkohe, Priebe deklaroi se "negociatat per kete fushe do te vazhdojne ne takimet e ardhshme". Por, u ra dakort qe importet e hekurit dhe celikut te liberalizohen. Shqiperia dhe BE diskutuan edhe per 1 % te takses mbi importin, gje qe ishte ngritur si ceshtje nga BE edhe ne takimet e meeparshme. Qeveria shqiptare ka rene dakort per heqjen e kesaj takse qe kishte si synim financimin e ndertimit te rruges Durres-Kukes.

Ne kete menyre, pa progresin e pritshem, eshte mbyllur Raundi i 3-te i negociatave per Marreveshjen e Stabilizim-Asocimit te Shqiperise me BE-ne. Te nisur ne janar 2003, negociatat mes Shqiperise dhe BE tashme ndoshta ndodhen ne piken me delikate te tyre, ndersa Tirana duket me e shqetesuar per problemet e brendshme politike se sa per kryerjen e reformave te kerkuara.

Pikat e kritikuara

Lufta ndaj krimit te organizuara

Lufta ndaj korrupsionit

Funksionimi i institucioneve demokratike

Zbatimi i duhur i legjislacionit

Stabiliteti ne administrate

Stabiliteti ne dogana

Fokusimi ne politiken e brendshme

Moszbatimi i rekomandimeve

[Shpirt Njeriu]

Ritmi i ngadalte i reformave ne Shqiperi rrezikon negociatat per Marreveshjen e Asociim-Stabilizimit, eshte shprehur nje dite me pare ne perfundim te raundit te trete te negociatave, kryekomisioneri europian, Rienhard Priebe. Fushat qe perbejne nje shqetesim te vecante mbeten lufta kunder krimit te organizuar dhe korrupsionit, funksionimi i institucioneve demokratike, zbatimi i duhur i legjislacionit dhe stabiliteti ne administrate, vecanarisht ne fushen e doganave. Ata gjithashtu jane shprehur se, fokusimi ne ceshtjet tereisht te brendshme, duket se ka terhequr edhe njehere vemendjen dhe energjite nga ndjekja e rekomandimeve te bera muaj me rradhe nga BE.

[Albo]

Komisioni Evropian: Paralajmërim për qeverinë shqiptare

Erisa Zykaj
korrespondente nga Brukseli

S'ka datë për vazhdimin e negociatave

Ecuria e dobët e qeverisë shqiptare në proçesin e asocimit dhe stabilizimit ka rritur pakënaqësinë e Komisionit Evropian në atë masë, saqë përfundimi i takimit në Tiranë është përcjellur si një skenar i pezullimit të negociatave. "Në radhë të parë dua të sqaroj, se ne nuk i kemi ndërprerë negociatat me Shqipërinë. Por, qëndrimi ynë i kësaj radhe flet hapur për një papajtueshmëri të dukshme tonën kundrejt zhvillimit të reformave në Shqipëri. Për këtë arsye ne kemi vendosur të japim një paralajmërim për qeverinë shqiptare" ka deklaruar Emma Udwin për gazetën "TEMA", e cila ka funksionin e zëdhënëses së komisarit për marrëdhëniet me jashtë Chris Patten. Ajo ka sqaruar, se paralajmërimi ka të bëjë me faktin, se nuk është e mundur të ecet më përpara në këtë mënyrë dhe se qeveria shqiptare duhet medoemos të marrë situatën në dorë.

Pyetjes së gazetës "TEMA", se ç'masa mund të merren nga Komisioni Evropian, nëse qeveria shqiptare nuk bën kthesën që pritet, Emma Udwin i është përgjigjur: "Nuk është e mundur që qeveria shqiptare të mos përpiqet, pasi e vetmja që do të humbë në këtë rast do të jetë Shqipëria, do të jetë populli shqiptar. Kështu që është në interesin tuaj, që të ndryshoni ritmin e reformave që kërkohen e kryesisht ato që kanë të bëjnë me luftën ndaj krimit të organizuar, korrupsionit, me përmirësimin e sistemit gjyqësor, të administratës shqiptare, apo me doganat". Nëpërmjet këtij prononcimi, zëdhënësja e komisarit Patten ka kërkuar që të sqarojë, se edhe pse nuk do të ketë ndërprerje të negociatave, ritmi aktual me të cilin zhvillohen ato, mund të çojë në bisedime të pafundme të padobishme, duke mos arritur asnjëherë në një rezultat konkret. Është pikërisht kjo arsye që ka shkaktuar edhe nervozizmin e negociuesve të Komisionit Evropian, të cilët me qëndrimin e tyre bëjnë të nënkuptohet, se zvarritja që shfaqet është kohë e humbur. "E kam përsëritur disa herë, që nuk është fare e mjaftueshme që në përfundim të negociatave të kemi rënë dakord vetëm mbi tekstin e marrëveshjes së asocimit dhe stabilizimit, nëse qeveria shqiptare nuk është në gjendje të tregojë, se ajo mund ta zbatojë këtë tekst. Pra nuk ka kuptim të kesh në dorë një dokument, po nuk dite ta përdorësh këtë dokument" ka thënë Emma Udwin.

Por, ndonëse përfaqësuesit e Komisionit nuk e pranojnë zyrtarisht edhe aktin e pezullimit, ata vazhdojnë të mos japin një datë për raundin e ardhshëm të negociatave. "Ne nuk kemi datë" ka thënë në mënyrë të prerë dhe konçize Emma Udwin, e cila është konsultuar më parë me delegacionin që ka qenë në Tiranë. Ajo nuk ka pranuar të komentojë në mënyrë të drejtpërdrejtë këtë fakt, duke bërë të kuptohet se është një formë e hapur presioni i Bashkimit Evropian kundrejt palës shqiptare.

Për më tepër, nga eksperienca e mëparshme e metodës së punës së delegacionit të Komisionit Evropian që negocion me Shqipërinë, është komunikuar vazhdimisht pa hezitim data e takimeve që vijojnë. E pyetur nga gazeta "TEMA", se nëse do të ketë një takim të mundshëm para fundit të vitit, duke patur parasysh se kanë mbetur vetëm një muaj e gjysëm kohë, zëdhënësja Emma Udwin ka dhënë të njëjtën përgjigjje: "Ne nuk kemi datë". Vetëm një reagim i shpejtë konkret i qeverisë shqiptare rreth pakënaqësive të shprehura nga negociatorët e Komisionit Evropian, do të mund të ndryshonin situatën.

[Albo]

Ekskluzive për "TemA", ambasadori i Komisionit Europian në Tiranë, zoti Lutz Saltzmann

Qeveri-KQZ, krizat më të rënda

"Më shqetësuese kanë qenë listat e votuesve; ne u kemi thënë autoriteteve shqiptare të kenë kujdes dhe ato nuk e përmbushën këtë detyrim. Shumë probleme janë krijuar në dy nga qytetet më të mëdha të vendit, në Tiranë dhe në Durrës, madje edhe sot e kësaj dite KQZ nuk ka një rezultat për zgjedhjet në Tiranë. Situata paszgjedhore kur kalojnë ditë të tëra dhe nuk jepen rezultate, janë shumë të rënda... Ne mendojmë se përgjegjësit e këtyre parregullsive me listat zgjedhore, me anëtarë të papërgjegjshëm në qendrat e votimit, duhet të ndëshkohen ligjërisht"...

Ambasadori i misionit të Komisionit Europian në Tiranë, në një intervistë ekskluzive për "TemA" ka ripërsëritur shqetësimet që ka KE dhe faktori ndërkombëtar për Shqipërinë dhe polikanët shqiptarë. Ambasadori ka shprehur shqetësim që reformat kanë mbetur në vend. Zgjatja e krizës qeveritare do të sjellë vonesa në integrimet euro-atlantike të Shqipërisë.

Zoti ambasador, ndryshe nga ç'pritej prej shqiptarëve, raundi i tretë i negociatave mes KE-së dhe Shqipërisë ka risjellë zhgënjim. Madje, siç nuk ka ndodhur me asnjë shtet të ngjashëm me Shqipërinë, është vënë në dyshim edhe një afat i përafërt. Si i shpjegoni këto vonesa shqiptare?

Sipas mendimit tim disa raportime dhe analiza të shtypit kanë qenë më tepër negative nga ato se çfarë u arrit vërtet në raundin e tretë të negociatave mes Shqipërisë dhe Komisionit Europian. Kryetari i delegacionit Europian zoti Priebe e bëri fare të qartë se nuk kishte arsye që të shtyheshin negociatat. Është e vërtetë që ka pasur kritika të rrepta, veçanërisht për kryerjen e reformave, apo për mbetjen e tyre përgjysmë, ka patur kritika për mosfunksionimin sa duhet të organeve të drejtësisë, për pafuqinë e prokurorisë, për luftën politike jokonstruktive, por nuk janë mohuar edhe progreset e shënuara në disa drejtime.

Çfarë natyre kishin këto negociata dhe çfarë vlerësoni si të suksesshme?

Dua të ripohoj se këto negociata ishin të nivelit politik, pra të rangut zyrtar çka duket edhe nga niveli i përfaqësimit mes strukturave më të larta shqiptare dhe zyrtarëve të lartë të KE, të përfaqësura nga zoti Priebe. Siç mund ta dini, ka edhe negociata teknike që kanë një nivel më të ulët përfaqësimi nga të dyja palët. Në kuadrin e negociatave për marrëveshjen e Asociim-Stabilizimit ne vlerësojmë nënshkrimin e marrëveshjes së ripranimit (që kemi pasur rezistencë në vende të tjera), atë të bujqësisë dhe peshkimit, të marrëveshjeve me OBT-në, për kuotat mbi industrinë e hekurit dhe çelikut. Në këtë pjesë të negociatave, ne veçojmë dhe përshëndesim nënshkrimin e marrëveshjes së ripranimit; për këtë ne do të ftojmë zonjën Meksi në Bruksel. Marrëveshja është përshëndetur nga zyrtarët më të lartë të Komisionit Europian. Hapa përpara kemi bërë edhe për tregtinë, për bujqësinë dhe produktet e peshkimit. Kemi rënë gjithashtu dakord për një numër nenesh ku nga pala shqiptare u premtua se do të zbatoheshin angazhimet e marra. Problemi i vetëm dhe ku ne shprehëm shqetësim ka qenë taksa mbi importet që do të shërbejë për financimin e rrugës Durrës-Kukës si dhe për birrën e importuar. Në të dy rastet qeveria shqiptare kishte vepruar në mënyrë të njëanshme dhe duke thyer rregullat me Bashkimin Europian. Jemi informuar zyrtarisht prej qeverisë shqiptare se taksa për rrugën është hequr, ndërsa po bëhen përpjekje për të zgjidhur edhe taksën ndaj birrës së importuar.

Detyra më specifike janë natyrisht për qeverinë shqiptare; ku i shikoni defektet më të mëdha te qeveria aktuale?

Kritikat tona edhe gjatë raundit të tretë të negociatatve janë qenë dhe janë në fushën e reformave, në ndërprerjen e tyre dhe sidomos në zbatimin e detyrimeve që ka pala shqiptare me të gjitha institucionet e saj. Ne shohim pengesa në disa fusha. Ne vlerësojmë punën e zonjës Meksi dhe të stafit të saj, por nuk janë ata që vendosin, janë politikanët shqiptarë që duhet të ndihen më të përgjegjshëm. Ne vlerësojmë punën e disa stafeve teknike, disa ligje që kanë kaluar në Kuvend që përafrojnë legjislacionin shqiptar me atë europian, uljen e trafikimit të qenieve njerëzore, Kodin elektoral, ligjin për kthimin e pronave, ligjin për privatizimet. Por kritikat tona janë për anën zbatuese të ligjeve, për shkallën e pakët mosndëshkuese dhe për akumulimin e disa problemeve që ende nuk marrin zgjidhje. KE është i shqetësuar për gjendjen e brendshme në Shqipëri dhe u kërkojnë politikanëve që të marrin më shumë përgjegjësi. Janë kapur shumë raste të abuzimit apo të thyerjes së ligjit dhe ndodh që ato nuk çohen në prokurori. Prokuroria, nga ana e vet, disa raste i çon në gjykatë dhe disa nuk i çon. Gjykata, gjithashtu disa raste i ndëshkon, disa i lë të lirë. Mbajtja gjallë e këtij rrethi nuk mund të tolerohet.


--------------------------------------------------------------------------------

Megjithëse kanë pasur një shije të hidhur negociatat për raundin e tretë, dy titullarë qeverie, Meksi dhe Klosi, janë justifikuar me koston që duhet të paguajnë shqiptarët dhe jo me përgjegjësitë e tyre; konsiderata juaj?

Nuk jam fort në dijeni se për çfarë kostoje njerëzore ka folur zonja Ermelinda Meksi dhe zoti Klosi, por duhet pranuar se shqiptarët do të paguajnë një lloj kostoje, sepse do të kalojnë nga një treg i mbyllur në një treg të hapur, do të jenë në konkurrencë të lirë. Prodhimet shqiptare tashmë do të kenë të tjera tregje, të cilat kanë vështirësitë e veta, por kanë edhe përparësi. Marrëveshja e ripranimit krijon një lloj kosto për Shqipërinë, por ne po ndihmojmë dhe do të ndihmojmë që të zbutet kjo kosto. Edhe për tregun e hapur do të kërkohet që të ngrihen standardet, që prodhimet të jenë sa më konkurruese me parametrat që kanë prodhimet e huaja.

A ka diferenca apo moskuptime mes aspektit politik dhe aspekteve të tjera për marrëveshjen e Asociim-Stabilizmit?

Marrëveshjen e Asociim-Stabilizimit që KE ka nënshkruar me vende të tjera dhe që po e kryen edhe me Shqipërinë, i ka të gërshetuara aspektet politike me ato ekonomike. S'mund të ketë progres në fushën ekonomike dhe në aspekte të tjera, pa pasur një vullnet politik dhe pa u ndier disponibiliteti i kastës politike. Prandaj ne kërkojmë që klasa politike, politikanët shqiptarë, institucionet e tij, të marrin përgjegjësitë respektive. Kriza aktuale politike ende nuk krijon ndonjë problem në raportet e Komisionit Europian me Shqipërinë, kjo ndodh edhe te ne, sepse dihet që në një kohë të shkurtër do të zgjidhet kjo krizë. Pra, nëse zgjatet kriza e qeverisë, kjo do të krijojë vështirësi për palën shqiptare dhe për vetë shqiptarët. Në këtë mënyrë reformat do të mbeten përgjysmë dhe pushtetet do të jenë të pafuqishëm në kryerjen e detyrave të tyre.

Një marrëveshje e Tiranës me Uashingtonin duket se ka sjellë probleme, herë të dukshme dhe herë më pak të tilla, mes Shqipërisë dhe KE-së; opinioni juaj?

Në momentin që u nënshkrua marrëveshja mes Shqipërisë dhe Uashingtonit, në lidhje me gjykatën e Hagës, pati një problem në raportet e Tiranës me Brukselin dhe ne e shprehëm atëherë shqetësimin tonë. Tashmë nuk përbën më asnjë problem. Edhe europianët, edhe amerikanët janë në të njëjtat pozicione për integrimet e Shqipërisë, për plotësimin e detyrimeve në kuadrin e marrëveshjes së Asociim-Stabilizimit, për t'u përfshirë në familjen europiane dhe në NATO. Brukseli dhe Uashingtoni janë në koordinim dhe bashkëpunim të vazhdueshëm që Shqipëria të njohë progrese të mëtejshme.

Klasa politike sapo ka dalë nga një test zgjedhjesh të pushtetit vendor që, megjithë përmirësimet, kanë risjellë sërish shqetësime. Cili është vlerësimi i KE-së për to?

Zgjedhjet administrative të 12 tetorit 2003 kanë pasur anë pozitive, por edhe shumë parregullsi. Atmosfera e qetë parazgjedhore, roli i paanshëm i policisë në ditën e zgjedhjeve, Kodi i ri Elektoral, fushata e partive politike - ishin disa nga anët pozitive të këtij procesi. Por ka patur edhe probleme. Më shqetësuese kanë qenë listat e votuesve; ne u kemi thënë autoriteteve shqiptare të kenë kujdes dhe ato nuk e përmbushën këtë detyrim. Shumë probleme janë krijuar në dy nga qytetet më të mëdha të vendit, në Tiranë dhe në Durrës, madje edhe sot e kësaj dite KQZ nuk ka një rezultat për zgjedhjet në Tiranë. Situata paszgjedhore kur kalojnë ditë të tëra dhe nuk jepen rezultate, janë shumë të rënda. Ne mendojmë se KQZ duhet të ndjejë më shumë përgjegjësi dhe të veprojë më shpejt. Ne mendojmë se përgjegjësit e këtyre parregullsive me listat zgjedhore, me anëtarë të papërgjegjshëm në qendrat e votimit, duhet të ndëshkohen ligjërisht.

Përherë e më tepër janë shtuar zërat për zgjedhje të parakohshme parlamentare; opinioni juaj?

Unë mendoj se përpara zgjedhjeve të parakohshme parlamentare ka ende shumë për të bërë, sidomos në plotësimin e infrastrukturës zgjedhore. Nuk mund të shkohet shumë shpejt në zgjedhje pa patur lista të rregullta zgjedhore, pa riparuar defektet që janë parë në zgjedhjet e mëparshme dhe në ato të fundit për pushtetin lokal. Zgjedhjet e papërgatitura mirë dhe të parakohshme sjellin edhe vonesa në aspekte të tjera.

[Albo]

Drejtori i Drejtorisë së Ballkanit në Komisionin Evropian, Reinhard Priebe, flet për krizën shqiptare

Priebe: Kriza qeveritare e patolerueshme

"Në Himarë ne kishim vëzhguesin tonë, i cili numëroi 70 vetë gjithësej që votuan, ndërsa rezultati doli 240 vota për Partinë Socialiste. Në një vend ku ndërrohen pesë drejtorë doganash brenda vitit, duhen shumë arsye të forta për të të bindur se nuk ka probleme," theksoi Priebe

Drejtori i Drejtorisë së Ballkanit në Komisionin Evropian, Reinhard Priebe, u bëri thirrje autoriteteve zyrtare në Tiranë të zgjidhin sa më shpejt krizën e qeverisë duke plotësuar dy vendet bosh në kabinet dhe të shikojnë seriozisht problemet e krijuara nga zgjedhjet e fundit lokale. Gjatë takimit me një grup gazetarësh nga Ballkani, Priebe tha se zgjedhjet lokale në Shqipëri paraqitën probleme serioze në disa aspekte. Së pari ai theksoi se qeveria kishte kohën e duhur për të bërë plotësimet në Kodin Zgjedhor, por nuk i bëri ato. Së dyti, ai theksoi se problemi i listave ishte i rëndë dhe është një përgjegjësi e qeverisë. Në një vend që nuk ka një listë të saktë të qytetarëve të vet, nuk mund të bëhen zgjedhje," tha Priebe.

Së treti, ai ngriti problemin e nivelit profesional të komisionerëve dhe politizimin e tyre, gjë e cila sipas tij çoi në keqadministrim të procesit. Së fundi, ai theksoi problemin e manipulimit në procesin zgjedhor. Në Himarë tha ai ne kishim vëzhguesin tonë, i cili numëroi 70 vetë gjithësej që votuan, ndërsa rezultati doli 240 vota për Partinë Socialiste.

Duke folur për krizën e qeverisë, Priebe tha se kriza është bërë e patolerueshme. Ministrat duhet të verifikohen në parlament tha ai. "Ju thoni krizë qeveritare, Berisha thotë krizë kushtetuese, dikush tjetër thotë krizë normale. Kjo është krizë, janë vende bosh dhe duhen verifikuar nga parlamenti" tha ai. Më tej ai theksoi se institucionet në Shqipëri janë ende të dobëta dhe nuk kanë shënuar hapa përpara. Në një vend ku ndërrohen pesë drejtorë doganash brenda vitit, duhen shumë arsye të forta për të të bindur se nuk ka probleme, përfundoi ai duke vizatuar situatën politike në Shqipëri.

[Albo]

BE: Kritika për reformat dhe zgjedhjet në Shqipëri

Erisa Zykaj
korrespondente nga Brukseli

Vetëm tri ditë para samitit evropian që mbyll presidencën italiane, ministrat e jashtëm të Bashkimit Evropian kanë ftuar ministrat e jashtëm të Ballkanit për të diskutuar rreth stabilitetit të rajonit. Në këtë takim Shqipëria përfaqësohet me zëvendësministrin e jashtëm shqiptar, Luan Hajdaraga, ndërsa Kosovën e përfaqëson kryeministri i saj Bajram Rexhepi. Këshilli i ministrave të Bashkimit Evropian ka përfshirë në rendin e tij të ditës të sotme diskutimet me çdo vend të Ballkanit. Për më tepër, ministrat do të përqendrohen në probleme specifike të secilit vend.

Kështu, për Shqipërinë tema kryesore rreth të cilës do të fokusohen bisedimet ka të bëjë me ritmin e ngadaltë të reformave të përgjithshme në kuadrin e negociatave për marrëveshjen e asocimit dhe stabilizimit, ashtu si dhe të problemeve që janë ndeshur gjatë zhvillimit të zgjedhjeve lokale të fundit në Shqipëri. Këtë radhë pritet që ministrat të shprehin hapur qëndrimin kritik ndaj këtyre dy çështjeve të mësipërme. Ndërsa për Kosovën do të diskutohet më shumë rreth ritmit të reformave ekonomike, të cilat janë aktualisht të rëndësishme për Bashkimin Evropian, pasi synohet siç është bërë e ditur tashmë arritja e standardeve evropiane midis të tjerash edhe në fushën ekonomike.

Në takim, do të marrë pjesë edhe koordinatori i Paktit të Stabilitetit për Evropën Juglindore, Erhard Busek. Ky i fundit ka shprehur së fundi hapur problemet që qëndrojnë në lidhje me vështirësinë e investimeve në Kosovë, si rrjedhim i pengesave që nxirren nga qeveria serbe, ashtu si dhe përqëndrimit të tepërt të qeverisë së Kosovës rreth problemit të statusit. Pritet që nga mbledhja të jepet një mesazh i fortë në lidhje me prezantimin nga ana e qeverisë së Kosovës dhe UNMIK-ut të projekteve konkrete që nevojiten në fushën ekonomike në Kosovë. Gjithsesi, koordinatori i Paktit të Stabilitetit, do të marrë pjesë në mbledhje edhe për të kërkuar mbështetjen e shteteve anëtare të Bashkimit Evropian për një bazë të re ligjore në lidhje me financimin e projekteve të Paktit të Stabilitetit. Ministrat e jashtëm do të diskutojnë edhe rreth konkluzioneve të takimit të ministrave të brendshëm të BE me homologët e Ballkanit që u zhvilluar në 28 nëntor. Gazeta "TemA" ju kujton, se ky takim është përqendruar në rëndësinë e luftës së përbashkët ndaj krimit të organizuar, trafikut të drogës dhe mbrojtjes së kufijve. Ministrat e brendshëm janë treguar shumë kërkues ndaj vendeve të Ballkanit, duke thënë se kredibiliteti i angazhimeve të vendeve të rajonit do të duket vetëm nëse vendet e Ballkanit do të ofrojnë rezultate konkrete në drejtim të luftës ndaj krimit të organizuar. Ministrat janë përqendruar tashmë në faktin se vendet e rajonit duhet të bashkëpunojnë në mënyrë më konstruktive, duke servirur të dhëna apo statistika mbi veprimtarinë kriminale të çdo vendi. Madje komisari evropian Antonio Vitorino ka thënë, se legjislacioni i mbrojtjes së këtyre të dhënave duhet medoemos të aprovohet nga shtetet. E reja kryesore që ka sjellë takimi ka të bëjë me nevojën e nënshkrimit të marrëveshjeve bilaterale midis Europolit dhe vendeve të Ballkanit.


--------------------------------------------------------------------------------

Projekt-drafti i rezolutës së mbledhjes së Këshillit të Ministrave për Shqipërinë

"Këshilli i ministrave të jashtëm të Bashkimit Evropian rikujton se ekzistenca e një klime politike konstruktive dhe një politike të qëndrueshme për reformat, mbeten faktorët kyç për progresin e Shqipërisë në procesin e asocimit dhe stabilizimit drejt integrimit në Bashkimin evropian.

Ministrat e jashtëm shprehin shqetësim për ritmin e ngadaltë të reformave. Ata i bëjnë thirrje qeverisë shqiptare që të rrisë përpjekjet veçanërisht në drejtim të luftës ndaj krimit të organizuar dhe korrupsionit, sigurimit të funksionimit të duhur të institucioneve demokratike dhe të administratës dhe zbatimin e legjislacionit.

Duke parë zhvillimet e zgjedhjeve lokale në 12 tetor dhe në 16 nëntor të 2003, ministrat e jashtëm kujtojnë se zhvillimi i zgjedhjeve të lira dhe të ndershme është pjesë e procesit që afron Shqipërinë me Bashkimin Evropian.

[Veshtrusja]

marre nga Gazeta 55

Bruksel: Dështojnë zgjedhjet dhe reformat

Kris Paten: Në Shqipëri kanë ngecur reformat; zgjedhjet, me mangësi të konsiderueshme

Kryekomisioneri për politikë të jashtme i Bashkimit Evropian, Kris Paten, paralajmëroi autoritetet zyrtare në Tiranë, për bllokimin e reformave për shkak të ritmit të ngadalësuar, si dhe për problemet që do t'i sjellin Shqipërise mangësitë e konsiderueshme në zgjedhjet e fundit lokale. Në një takim me një grup gazetarësh të njohur të vendeve te Ballkanit Perëndimor, Kris Paten theksoi se qeveria shqiptare i ka harxhuar shumë energji dhe kohë Bashkimit Evropian. Ai theksoi se qeveria dështoi para një viti në nënshkrimin e një marrëveshjeje me BE, në kushte normale, për shkak të krizës qeveritare. "Ne nënshkruam me Tiranën një marrëveshje me kushte, duke pasur shumë dyshime," tha Paten, duke bashkëbiseduar me gazetarët shqiptarë. Ne ngritëm një Task Force, e cila do të monitoronte zhvillimet dhe reformat, të cilat ishin të detyrueshme në fushën e luftës kundër krimit të organizuar, kundër trafikut të qenieve njerëzore, reformës eletorale dhe mbajtjen e zgjedhjeve të lira dhe të ndershme, si dhe krijimin dhe funksionimin e institucioneve te forta dhe të qëndrueshme demokratike. Paten tha se këto zhvillime nuk ecën në rrugë e duhur dhe tashmë, qeveria shqiptare është duke na vonuar përsëri.

I pyetur për zgjedhjet e fundit dhe, nëse ato e kaluan provën, Paten tha se ato kishin probleme të konsiderueshme. Ai theksoi se qeveria reflektoi pozitivisht për parregullsitë e Himarës, por problemi i parregullsive në zgjedhje, mbetet.

Paten i bëri këto komente, gjatë bisedës me një grup gazetarësh të njohur të Ballkanit në kuadrin e nje bilanci mbi plotësimin e detyrimeve të vëna nga Samiti i Selanikut. Në paraqitjen e tij, binte në sy fakti se vetëm Shqipëria ishte vendi me probleme më të mëdha dhe që nuk u përmend në asnjë kontekst pozitiv. .