Tiranë: Miratohet paketa fiskale, hiqet dogana, ulen akcizat

[ganoid]

Paketa Fiskale, ja sektoret qe perjashtohen nga TVSH
Ndryshimet ne paketen fiskale te vitit 2004 synojne edhe perjashtimin e disa aktiviteteve nga Tatimi mbi Vleren e Shtuar (TVSH), por ndryshimet radikale e kerkuara nga komuniteti i biznesit dhe qe kryesisht kishin te benin me diferencimin e TVSH nga 20 ne 12 per qind per mallrat e konsumit nuk jane marre parasysh. Ministria e Finances ka vendosur qe gjate vitit 2004 te perjashtoje nga TVSH qeradhenien e ndertesave prone publike, pasi shperndarja dhe derdhja ne buxhet e ketyre te ardhurave rregullohet me ligj te vecante. Po keshtu nga ndryshimet e bera ne ligjin per lojrat e fatit, kazinote dhe hipodromet lindin detyrime per perjashtim nga TVSH te subjekteve te licensuara sipas ketij ligji. Po keshtu ne mbeshtjetje te politikave fiskale dhe uljes se varferise eshte bere perjashtimi nga TVSH i sherbimeve arsimore parauniversitare dhe universitare. Momentalisht per keto lloj sherbimesh nuk llogaritet dhe paguhet TVSH kur jepen nga institucione publike, ndersa llogaritet dhe paguhet TVSH kur keto lloj sherbimesh furnizohen nga institucione arsimore private. Duke qene se TVSH eshte tatim mbi konsumin, presupozohet se ajo rendon ne shpenzimet e studenteve dhe nxenesve qe ndjekin keto shkolla. Paketa fiskale 2004 ka parashikuar te perjashtoje nga vlera e tatueshme e mallrave te importuara edhe shpenzimet e ngarkim-shkarkimit, cdoganimit, parkimit, spedicionimit etj. Keto lloj shpenzimesh duke perfshire edhe vleren e tatueshme te mallrave te importuara rrisin artificialisht detyrimet e TVSH ne momentin e importimit. Gjate diskutimeve te paketes fiskale te ketij viti, komuniteti i biznesit kishte kerkuar nje ridimencionim krejt te ri te Tatimit mbi Vleren e Shtuar. Kerkesa qe ka te beje me diferencimin e TVSH se ka pothuajse rreth tre vite qe eshte parashtruar per ndryshime nga komuniteti i biznesit para autoriteteve te financave. Kryesisht per uljen e ketij tatimi per mallrat e konsumit masiv ne 12 per qind nga 20 per qind jane aktualisht. Komuniteti i biznesit e ka argumentuar kete kerkese me uljen e evazionit fiskal, i cili reduktohet duke deklaruar faturat e verteta.

TVSH, ja linjat qe perfitojne

1 - Perjashtim i qeradhenies se prones publike nga TVSH

2- Ndryshimet ne ligjin e ri te lojrave te fatit perjashtojne TVSH ne subjektet qe licensohen sipas rregullave te reja.

3- Hiqet TVSH-ja per sherbimet arsimore parauniversitare dhe universitare.

4- Perjashtohen nga vlera e tatueshme e mallrave te importuara, shpenzimet e ngarkim-shkarkimit, cdoganimit, parkimit dhe spedicionit

.............
.............

Dy fjale....

Per mendimin tim taksa mbi vleren e shtuar TVSH per konsumin e pergjithshem duhen te ulet deri ne kuoten qe kane kerkuar biznesmanet shqiptar. Kjo takse bie drejtperdrejt mbi konsumatorin. Pasi kjo takse eshte brenda cmimit. Pra nqs dikush nga ne shkon per te blere nje kile djath kackavall dhe paguan 7000 leke kjo do te thote qe ne i paguajme shtetit rreth 1200 leke. ndersa shitesit 5800. Pra 5800 eshte cmimi real i djathit.

Une mendoj se konsumatori shqiptar eshte ende i pafuqishem te perballoje keto lloj taksash prandaj duhet lehtesuar.
Nuk e kuptoj Cfare programi po ndjek PSja program social apo .......?

[Albo]

Miratohet paketa fiskale, hiqet dogana, ulen akcizat

Qeveria miratoi dje ndryshimet e paketës fiskale, të cilat heqin doganën për lëndët e para të importuara nga industria e konfeksioneve dhe këpucëve, ul akcizën për birrën dhe rrit atë për solarin.Plot katër projektligje, si ai “Për akcizat”, “Për sistemin e taksave vendore”, “Për taksat kombëtare”, “Për miratimin e niveleve të tarifës doganore”, kanë marrë miratimin nga Ekzekutivi, pas diskutimit në Këshillin Konsultativ të Biznesit. Kryeministri Sali Berisha deklaroi dje gjatë fjalës së tij se zerimi i tarifës doganore për importin e lëndëve të para do të bëhet jo vetëm për industrinë e konfeksioneve, por edhe për atë të këpucëve, duke argumentuar se kjo nismë do ta ndihmojë këtë sektor të shtojë vendet e punës. “Ne besojmë se ky 10 përqindësh, apo një miliard lekë që do të hynin në arkën e shtetit, do të jetë më i vlefshëm në kontot e sipërmarrësve privatë, do të krijohen shumë më tepër vende pune, do të përmirësohen kushtet e punës, do të investohet më shumë e do të rriten pagat e punonjësve më shumë”, tha Berisha.
AKCIZAT
Qeveria ka vendosur që në ligjin “Për akcizat” të bëjë dy ndryshime. Njëri është ai për uljen e akcizës së birrës. Kështu, sipas vendimit të miratuar, është vendosur që prodhuesit deri në 70 000 hektolitra të paguajnë një akcizë në nivelin 10 lekë/litër, për prodhuesit nga 70 001 deri 200 000 hektolitra akciza do të jetë 12 lekë/litër, për ata që prodhojnë nga 200 001 deri në 300 000, niveli është lënë 15 lekë/litër, kurse për prodhuesit e mbi 300 000 hektolitra, akciza është vendosur 30 lekë/litër. Kreu i qeverisë e konsideroi uljen e akcizës për birrën si shumë të rëndësishme, duke qenë se kjo industri gjeneron punësim të madh, sikurse aktualisht në të punojnë 3 mijë persona. Por, në kahun tjetër, përveç uljes te akciza e birrës, qeveria ka vendosur që të rrisë akcizën për disa lëndë djegëse që në fakt përdoren si lëndë të para në disa industri. Kjo problematikë u reflektua edhe gjatë diskutimit në Këshillin Konsultativ të Biznesit. Nga Ministria e Financave rritja për solarin dhe mazutin u argumentua me faktin që ndotja që emetohet në mjedis është e lartë, ndërkohë që edhe përdorimi i këtyre lëndëve ka pësuar rritje. Akciza për solarin dhe mazutin në vendimin e fundit të qeverisë është 37 lekë për kilogram, kurse për koksin e naftës 2 lekë për kilogram.
Doganat për veshjet
Ndryshimet në paketën fiskale lehtësojë barrën për industrinë e konfeksioneve dhe atë të këpucëve. Më herët qeveria kishte vendosur zerimin e tarifës doganore të importit të lëndëve të para vetëm për konfeksionet, por dje Kryeministri deklaroi se kjo nismë do të vlejë edhe për industrinë e këpucëve. Pra, të gjitha ato biznese që importojnë lëndë të para nuk do të duhet të paguajnë në doganë tarifën prej 10 përqindësh që paguajnë aktualisht. Vendimi për të shtuar në listën e industrive që përfitonin nga kjo nismë edhe industrinë e këpucëve erdhi pas diskutimit në Këshillin Konsultativ të Biznesit, ku u sugjerua që konfeksionet dhe fasonët të mos trajtohen të ndara, por bashkë. Heqja e kësaj tarife doganore argumentohet nga Ministria e Financave edhe me faktin për ta bërë këtë biznes konkurrues në rajon. Përveç zerimit të doganës për importin e lëndëve të para, është vendosur edhe heqja e taksës për veshjet e gatshme.

1 miliard leke
Më shumë se kjo vlerë parashikohet që të jetë efekti negativ në buxhet nga heqja e taksës së importit për lëndët e para të industrisë së konfeksioneve dhe asaj të këpucëve, sipas vendimit të qeverisë.

Ndryshimet në paketën fiskale

NDRYSHIMET NË LIGJIN “PËR AKCIZAT NË REPUBLIKËN E SHQIPËRISË”
1. “Rimbursimi i akcizës në mënyrë automatike të akcizës së lëndëve djegëse, solarit dhe mazutit, për industritë vendase të prodhimit.
2. Ulet akciza e birrës:
Deri në 70,000 hl: 10 lekë/litër
Nga 70 001 – 200 000: 12 lekë/litër
Nga 200 001 – 300 000: 15 lekë/litër
Mbi 300 000 hl: 30 lekë/litër
3. Rritja e akcizës për mazutin, solarin
dhe lëndët e tjera djegëse në: 37 lekë/kg
4. Rritja e akcizës për “koks nafte” në 2 lekë/kg

NDRYSHIMET NË LIGJIN “PËR TAKSAT KOMBËTARE”
1. Strukturim i taksës së karbonit:
Solar dhe mazut: 3 lekë/litër
Vajguri: 3 lekë/litër
Koks nafte: 3 lekë/kg

NDRYSHIMET NË LIGJIN “PËR MIRATIMIN E NIVELEVE TË TARIFËS DOGANORE”
1. Tarifa doganore për veshjet e gatshme (rrobat) bëhet 0 për qind
2. Tarifa doganore e lëndëve të para të industrisë së konfeksioneve (fasonistët) bëhet 0 për qind


NERTILA MAHO

[Albo]

Paketa e re fiskale, biznesi: Kundër akcizës së naftës

Ndryshimet në paketën fiskale sa i përket akcizës, heqjes së doganës për importimin e lëndëve të para për industrinë e konfeksioneve apo taksa e karbonit, kanë gjetur miratimin e biznesit, por edhe propozime të reja.Këshilli Konsultativ i Biznesit, nën drejtimin e ministrit të Ekonomisë Tregtisë dhe Energjetikës, Nasip Naço, diskutoi dje tre projektligje, të cilat vunë përballë Ministrinë e Financave me dhomat përfaqësuese të biznesit për t’u shprehur lidhur me propozimet. Zëvendësministri i Financave, Alfred Rushaj, mbrojti edhe ndryshimet respektive të bëra në paketën fiskale. Duke u ndalur te ndryshimi i nivelit të akcizës për birrën, ai u shpreh se ulja e akcizës për importin dhe eksportin e birrës shihet si një mënyrë e mirë për të formalizuar ekonominë. Një tjetër pikë që hapi debat lidhej me akcizën e disa nënprodukteve të naftës që përdoren si lëndë djegëse në industri, si solari apo mazuti. Në një rast të tillë zëvendësministri u shpreh se disa industri janë orientuar drejt përdorimit të këtyre lëndëve djegëse, pasi kanë kosto më të ulët, por ndotja është më e madhe. “Për këtë arsye, për t’i vendosur të gjitha lëndët djegëse në një nivel të kostos, është gjykuar rritja e akcizës së disa nënprodukteve të naftës. Sidoqoftë, diçka e tillë do të reflektonte një kosto tek industria. Në mënyrë që kjo të mos ndodhë në të njëjtin projektligj, është propozuar edhe rimbursimi automatik i kostos së rritjes së akcizës. Pra, industritë prodhuese që përfitojnë nga rimbursimi i akcizës do ta bëjnë këtë tashmë në mënyrë automatike në muajin pasardhës me të gjitha detyrimet që këto industri do të paguanin TVSH, akcizë, tatimfitim”, tha Rrushaj. Lidhur me këtë pikë, u shpreh dje gjatë takimit të Këshillit Konsultativ të Biznesit edhe presidenti i “Biznes Albania”, Luan Bregasi, i cili sqaroi se ky grupim biznesi përkrah uljen e akcizës së birrës, por nga ana tjetër vendosja e një akcize të lartë për solarin është kontradiktore. “Ju ulët akcizën e birrës dhe rritët solarin që është kyç në industritë tona. Në këtë pikë i bie që në njërën anë ulni një taksë dhe në anën tjetër rrisni një tjetër. Skema e rimbursimit që përmendët për mua është një skemë që rrit borxhin e biznesit ndaj shtetit të paktën nga mënyra si funksionon në Shqipëri. Ndërkohë që, për rritjen e solarit mendoj se është e lartë. Mund të ketë një rritje, por jo kaq shumë”, tha Bregasi. Një tjetër pikë ku u ndal debati, ishte ajo e heqjes së tarifës doganore për importin e lëndës së parë për konfeksionistët. Nga ana e përfaqësuesve të fasonistëve u kërkua që të bëhet një trajtim i barabartë mes këtyre dy sektorëve duke qenë se si të tillë janë trajtuar që në fillim. Por, ky propozim për zëvendësministrin e Financave, Rushaj, mund të shihet në një moment tjetër, pasi në kohën që qeveria bën politikat fiskale është e kujdesshme edhe me kostot buxhetore të “sipërmarrjeve të saj”. Propozim tjetër ishte dhe ai i një trajtimi të barabartë të prodhuesve të veshjeve që eksportojnë dhe të atyre që prodhojnë dhe tregtojnë në vend, sa i përket lehtësimit që bëhet për importin e lëndëve të para.

DEBATET DJE GJATË TAKIMIT

Nikolin Jaka (Dhoma e Tregtisë): Doja të thosha që lidhur me projektligjet që propozon Ministria e Financave, kemi një problem lidhur me kohën e lënë në dispozicion për konsultim. Na është lënë një afat shumë i shkurtër nga marrja e projektligjeve në konsultimin në këtë këshill, sa nuk kemi arritur që gjithë anëtarët e Dhomës të njihen me ndryshimet e paketës fiskale. E falënderoj dhe e përshëndes zëvendësministrin për nismën për të favorizuar dhe stimuluar biznesin, por në një këndvështrim që kemi ne një pjesë e këtyre ndryshimeve, nuk janë ashtu siç thuhen

Alfred Rushaj (Ministria e Financave): Mendoj që ajo çfarë paraqitet për industrinë e birrës nuk është e bazuar dhe projekti i paraqitur nuk mban në konsideratë atë çfarë thatë ju. Konkretisht, ne kemi uluar akcizën për industrinë që prodhon deri në 200 mijë hektolitër nga 30 lekë në 12 lekë. Për ata që janë poshtë 70 mijë, e kemi bërë nga 30 në 10 lekë. Pra, e kemi ulur 3 herë akcizën. Nëse ju uljen me tre e herë e quani si rëndim të kostos, nuk gjykoj që është kështu.

Gjergji Gjika (Dhoma e Fasonistëve): Dimë që ky sektor ka filluar së bashku si veshjet edhe prodhuesit e këpucëve dhe në këtë rast duket sikur po diskriminojmë. Si mund ta argumentoni këtë ndarje të këtij binomi.

Alfred Rushaj (Ministria e Financave): Siç e thashë, është në vullnetin dhe dëshirën e qeverisë shqiptare që për çdo industri që ka të bëjë me nxitjen e prodhimit vendas qoftë këto fasonistë qoftë biznese vendas, të marrë nisma fiskale për të ulur koston fiskale. Natyrisht, qeveria në të tilla nisma mban parasysh edhe kostot buxhetore. Hapi i parë është menduar të jetë ky, por në një moment tjetër mund të jetë mundësia që të rishikojmë dhe trajtimin në mënyrë të barabartë. Nuk besoj se dëmtohet konkurrenca, nëse heqim taksën për veshjet dhe nuk heqim atë për këpucët.

Donika Mici (Fasonistët): Doja të dija cilat janë kostot buxhetore nga prodhimi dhe eksportimi i këpucëve? Nuk ka kosto buxhetore. Sektori i këpucëve brenda këtij viti ka pasur 26.8 për qind rritje. Shteti më detyron mua që të blej vetëm nga BE dhe nuk më bën kompetitiv në treg.

Alfred Rushaj (Ministria e Financave): Importi i lëndëve të para për këpucët është 800 milionë lekë, është dyfishi i konfeksioneve. Kjo është kostoja.

Luan Bregasi (“Biznes Albania”): Jam këtu në emër të “Biznes Albania”. Dua të them se ne jemi për një nivel taksash të ulëta dhe bazë të gjerë. Dhe në këtë kuadër jemi pro këtij projekti që paraqitet sot. Ajo që dua të them është që qeveria shqiptare ka si synim formalizmin dhe ne si filozofi e mbështesim, por nga ana tjetër dëshiroj të them që jo gjithmonë rrugët që propozon qeveria për të realizuar këtë politikë, janë më të mirat. Kështu që, nga kjo pikëpamje unë shoh që ka një kontradiktë midis këtij vullneti të qeverisë dhe rrugëve që ajo mendon për të arritur qëllimin dhe formalizimin e ekonomisë shqiptare. Mendoj se në të ardhmen ne do ta kemi parasysh se kemi një propozim që Ministria e Ekonomisë duhet të bëjë politikat ekonomike. Tjetër lidhur me taksën për ndotjen e ambientit, edhe kjo duhet parë që të paguhet sipas kapaciteteve. Mendoj që shumë mirë që u vu një taksë, por ju ulët akcizën e birrës dhe rritët solarin, që është kyç në industritë tona. Në këtë pikë i bie që në njërën anë ulni një taksë dhe në anën tjetër rrisni një taksë tjetër. Skema e rimbursimit që përmendët për mua është një skemë që rrit borxhin e biznesit ndaj shtetit të paktën nga mënyra si funksionon në Shqipëri. Ndërkohë që për rritjen e solarit mendoj se është e lartë. Mund të ketë një rritje, por jo kaq shumë.

NDRYSHIMET NË PAKETËN FISKALE

NDRYSHIMET NË LIGJIN “PËR AKCIZAT NË REPUBLIKËN E SHQIPËRISË”

1. “Rimbursimi në mënyrë automatike të akcizës së lëndëve djegëse solarit dhe mazutit për industritë vendase të prodhimit.

2. Ulet akciza e birrës:

Deri në 70,000 hl: 10 lek/litër Nga 70,001 – 200,000: 12 lek/litër Nga 200,001 – 300,000: 15 lek/litër Mbi 300,000 hl: 30 lek/litër 3. Rritja e akcizë për, mazutin, solarin dhe lëndët e tjera djegëse në: 37 lekë/kg 4. Rritja e akcizës për “koks nafte” në 2 lekë/kg NDRYSHIMET NË LIGJIN

“PËR MIRATIMIN E NIVELEVE TË TARIFËS DOGANORE”

1. Tarifa doganore për veshjet e gatshme (rrobat) bëhet 0 për qind 2. Tarifa doganore e lëndëve të para të industrisë së konfeksioneve (fasonistët) bëhet 0 për qind

NDRYSHIMET NË LIGJIN “PËR TAKSAT KOMBËTARE”

Hiqet taksa e makinave të përdorura (në import dhe në shitje brenda vendit), taksa vjetore e qarkullimit, taksa e regjistrimit të përvitshëm të mjeteve. 1. Aplikimi i taksës së re të qarkullimit. Kjo taksë do të jetë një takse fikse, për litër mbi gazoilin dhe benzinën, të importuara apo të prodhuara në vend, në masën 5 lekë për litër, deri në datën 31.12.2011 dhe duke filluar nga 1 janari 2012, masa e kësaj takse do të jete 7 lekë për litër. 2. Strukturim i taksës së karbonit: Solar dhe Mazut: 3 lekë për litër Vajguri: 3 lekë për litër Koks nafte: 3 lekë për kg 3. Aplikimi i taksës vjetore të mjeteve të përdorura, me formulën: Cilindrata në cm3 x koeficienti sipas vjetërsisë x taksa fikse për llojin e karburantit. Taksa fikse për llojin e karburantit është 25 lekë për naftën dhe 20 lekë për benzinën. Koeficientet për vjetërsisë, për tre vitet e para janë 0.

Panorama

[donna76]

Te kishin ungjur cik tarifen e mjellit apo sheqerit te bardhe (10%) do ishte cik me lehte per popullin, sa per veshjet nuk po ja ndjen shumices, do gezoj vetem ndonje tregtar pazaresh duke shitur leckat e Kinezeve!