Benzi dhe Albanezi

[Cjapi]

Te gjithe njerzit e ketij Planeti e kane nje Enderr.
Ne kengen Mesnate te Vace Zeles endrra eshte i Dashuri ose e Dashura por ktu e kemi fjalen per nje Enderr metalike, pra per Mercedes Benzin.

Por si fitohet nji Benz?

Ja nje nga rruget albaneze origjinale. Kur shikoni pra nje Njeri me Benz mendoni pak sfondin.


Gazeta Shqiptare :

DEFEKTI I APARATIT VONON ANALIZAT

Aksidenti zbulon 6 kile drogë
Shoferi kunati i oficerit të lartë të Gardës


-------------------------------------------------

Zbulohen në kroskotin e automjetit të aksidentuar 6 kilogramë substancë që dyshohet se është drogë. Drejtuesi i mjetit dhe poseduesi i saj, kunat i një oficeri të lartë të Gardës së Republikës, është në gjendje të rëndë në spital, si pasojë e aksidentit. Misteri zbardhet sot në mesditë me përgjigjen e ekspertizës.

LAJMI

TIRANE

Një aksident automobilistik mendohet se ka dekonspiruar një linjë të trafikut të drogës dhe bazën e përpunimit të saj. Përplasja e pallogaritur në orët e para të ditës së djeshme, duket sikur e ka tradhtuar drejtuesin e automjetit Benz 200 "Elegance", me targë TR 3941 F, Albert Çela. Në kroskotin e makinës luksoze të Çelës, i cili mësohet të jetë kunat i një oficeri të lartë të Gardës së Republikës, janë zbuluar dhe sekuestruar 6 kilogramë pluhur i bardhë. Substanca, sipas policisë, ngjason dhe ka aromë e veti të njëjta me lëndë narkotike. Dyshimi i parë ka qenë për një sasi heroine, por nuk përjashtohej që kjo lëndë të ishte edhe amfitaminë apo ndonjë përzierës tjetër që përdoret për drogat e rënda. Një kampion i kësaj substance është dërguar menjëherë për ekspertizë në Laboratorin Qendror Kriminalistik në Ministrinë e Rendit Publik. Enigma pritet të zbardhet në mesditën e sotme, kur përfundon edhe afati kohor i mjaftueshëm për përfundimin e ekspertizës. Vetë Çela është dërguar në gjendje të rëndë, si pasojë e përplasjes, për ndihmë mjekësore në Spitalin Ushtarak. Gjendja e tij mbahet në mbikëqyrje të rreptë mjekësore në repartin e terapisë intensive. Te dera e reanimacionit qëndrojnë agjentët antidrogë, të gatshëm që me marrjen e përgjigjes pozitive nga laboratori të ekzekutojnë arrestimin në flagrancë të tij.

Aksidenti
Rreth orës 03.00 të mëngjesit, në afërsi të Kombinatit, ndërsa ishte nisur nga Tirana për në Durrës, automjeti tip Benz 200 "Elegance" ngjyrë blu, me targë TR 3941 F, ka dalë nga rrugë dhe është përplasur. Një polic rrugor ka hasur me pluhurin e dyshimtë që kishte dalë nga kroskoti i makinës dhe ishte përhapur në dy sediljet e para. Rrugori kishte sinjalizuar sallën operative dhe brenda pak minutave aty kanë mbërritur ekspertët antidrogë të drejtorisë.

Ekpertiza
Ndërsa prej disa muajsh "indikatori i drogës", aparati që kryen testimin e substancave të drogës, është prishur dhe nuk gjenden ende fonde për ta zëvendësuar apo rregulluar atë, është dashur që kampioni i marrë nga substanca të dërgohet në Laboratorin Qendror Shkencor të ministrisë. Një tjetër sasi i është dërguar edhe laboratorit të mjekësisë ligjore për të verifikuar nëse pluhuri i gjetur ishte substancë mjekësore. Sipas policisë, ky veprim është kryer për faktin se pluhuri dyshohet të jetë amfitaminë, apo ndonjë substancë tjetër mjekësore, e cila përdoret si përzjerës për të përpunuar dhe rafinuar sasira të ndryshme droge.

Linja
Ndërsa nuk ka përfunduar ende ekspertiza e plotë e kampionit të substncës së gjetur, inspektorët antidrogë dyshojnë se kanë zbuluar një rrjet të fuqishëm të trafikut të narkotikëve për në Itali. Burime policore thanë për Gazetën se Çela dyshohet të ketë marrë në dorëzim drogë për ta trafikuar përtej Adriatikut. Mungesa e përgjigjes përfundimtare "mban peng" veprimet e tjera të policsë. Ndërkohë, burimet nuk kanë përjashtuar mundësinë e ekzistencës së një rafinerie të drogave të rënda në vend. Këtu mendohet se kryhet rafinimi i lëndës së parë që dyshohet se vjen nga Turqia dhe Azia dhe më pas trafikimi e përpunimi i saj në vendet e BE.


Telefonata anonime zbuloi dy korrierët e heroinës

Një telefonatë anonime duket se ka future në kurth dy korrierët e drogës së bllokuar në afërsi të Xhamllikut. Pasditen e martë është arrestuar administratori i lotos "Euromania" me 5 kilogramë heroinë të pastër në makinë. Kjo ishte sasia më e madhe e kapur në Tiranë, për të cilën policisë i ishte nevojitur muaj punë operative. Në pranga përfunduan dy poseduesit e drogës që kishte për destinacion Gjermaninë. Ata janë Fation Budinaku, administrator i Qendrës së Lotos "Euromania", dhe Murran Zefi, respektivisht 33 dhe 30 vjeç secili. Çanta me 5 kilogramët pluhur narkotiku, e ndarë në 10 pako, nga 0,5 kilogramë secila, ka rezultuar se ishte herionë.

Sipas gazetes Shqiptare

[zeus]

--------------------------------------------------

O zoti "albanez" pak respekt per veten tende ne radhe te pare!

--------------------------------------------------

[leci]

Benzi mund te fitohet edhe me djersen e ballit or mik..
Quhet deshire dhe jo enderr.
Dhe siç e tha miku zeus pak me respekt se jemi te gjith albanez..

[krize04]

o lali ca po thu ti mo.se te gjithe ne qe kemi benza ne shqiperi merremi me droge e.??
leje mor mos ja fut kot se shumica e atyre qe kane benza ne tiron io kane fitu me djersen e ballit.

[hiedi]

po hik more çjap se nuk mer vesht ti nga jeta. ku e di ti se ç'fare eshte benzi e si fitohet ai.
une kam 3 benza ne shtepi dhe te gjithe i kam fituar me djersen e ballit, e ç'fare do te thote kjo se une jam mafioz.
edhe po qeshe jam per veten dhe ty nuk te hyn ne pune. po ti shf benzin tat mor lal, shif ate tatin...........

[Veshtrusja]

Per mendimin tim nuk ka dhe aq gabim Cjapi. Pse?

Sepse shume nga ato benze qe vine ne Shqiperi, nga vine? Une shpesh here kam degjuar se jane te vjedhura...Nuk e di sa e vertete eshte kjo....

Por ama, ajo qe me ben mua pershtypje eshte se si mund te kete para te blej nje benz nje popull qe ska para te haj buke? Nje popull qe ska pension te mjafetueshem te perballoj cmimet e larta per te ngren? Si eshte e mundur?

Pyetjet e mia: A ekzistojn pune te cilat i japin njeriut aq para sa te behet aq i pasur ne Shqiperi ne menyr te ndershme? Cfare jane ato biznese, ato pune?

Ne vende te huaja si psh ne Amerike apo ne Europe, po, me besohet se me djersen e ballit njeriu mund te arri dicka te madhe dhe te mire, por ne Shqiperi, cfare jane ato kondita qe e bejn kete te mundur?

[leci]

Veshtruesja..
Mendohu pak.
Sikur ti te ishe e vetmja shqiptare qe me ndershmeri dhe sakrifica do blente ate te famshmin benz,nuk do te jepnin besdi fjale te tilla.
Ti e din qe ne Shqiperi,mister apo jo,çmimet jane si ne te gjithe Europen(flas per Italine).
Ndoshta ke shume vite larg Shqiperise dhe ndoshta nuk e ke shume te qarte situacionin shqiptar.
Shko ha nje pjate peshk ne plazh dhe shihe.
Dhe thashe nje nga situacionet me banale..

[Veshtrusja]

leci ke te drejte une nuk e di ...dhe prandaj po pyes...

Por ama, une degjoj vazhdimisht qe njerez marrin para nga femijt qe kane jashte ne vend qe te jetojn mire ne Shqiperi sepse me pagat qe marrin ne Shqiperi nuk arrin ta perballojn dot nje jete luxe.

Une per vete skam para te blej benz (edhe pse jam jashte Shqiperise)...prandaj nuk e konceptoj dot qe ne Shqiperi, ku standarti i jeteses eshte shume here me i ulet se sa ai i Amerikes, te arrin njerezit te blejn makina kaq luxoze....

Nuk e di

[hiedi]

Benzi me i liri i me te mirave mireve

[hiedi]

o diema po ju e dini mire qe shqipetari e ka nje cike ne gjak qe te kete dicka me te mire se te tjeret .
pastaj per rruget tona vetem Benzi eshte makine qe reziston
nese ka ndonje tjeter mundet por kushton me shume
pra Benzi eshte me i liri i me te mirave qe mund te rezistojne ne rruget tona