Dinastia me ngjyre "roze".

[ALBA]

Mjerë ne kush na drejton

Udhëheqësi i opozitës dhe opozita në përgjithësi, kanë kohë që thonë ato gjëra që po thonë sot drejtuesit kryesorë të PS dhe qeverisë së saj, por pak kush i besonte, kishte nga ata sidomos socialistët që nuk mund të jetojnë pa e kaluar kohën, duke lipur, qoftë dhe nëpër dyqane, ku kërkojnë ta shtyjnë jetën me veresie, vetëm e vetëm të drejtohen nga fëmijët e komunistëve të vjetër. Tani që vetë udhëheqësit e lartë të PS-së dhe të shtetit nuk akuzojnë, por thonë një të vërtetë të pamohueshme, sepse një kryeministër nuk mund të flasë kurrë kodra pas bregu, sepse ai për ato që thotë mban përgjegjësi të plotë, sepse ka tërë informacionin e nevojshëm, të siguruar nga institucione të specializuara, e jo nga ndonjë OJQ, apo ndonjë shoqatë eklologjike. Kryeministri aktual i sotmi, në fakt, i bie të quhet kryezëvendësministri i vendit dhe kur nisi luftën për të rimarrë qeverinë, të cilën e dorëzoi kur ia mbathi në Maqedoni, i shoqëruar nga spiunazhi maqedonas, kështu tha ish-kreu i SHISH-it, zoti Fatos Klosi dhe kur flet dhe thotë ai, dije se është e vërtetë. Atëhere, Nanua në lëvizjen për qeverisjen e pastër, i mori me radhë të korruptuarit e PS-së dhe të qeverisë, duke filluar te pronarët e shkëmbinjve të pëllumbave e sorrave, deri te Gjiri i Lalzit dhe depozitat e naftës në Durrës dhe duke mbaruar te "frigoriferët", "lavatriçet", e duke e mbyllur me hajdutët e ministrive, si të shëndetësisë e të asaj të energjitikës. Shoku Nano bëri dhe një shërbim të madh opozitës, sepse e ka lehtësuar nga një akuzë që ia kishin bërë me 14 shtator. Mbasi tanket nuk i paska rrëmbyer opozita (gjë që ishte plotësisht e vërtetë, por prokurorët dhe gjyqtarët nuk e besonin, se kështu i kishin thënë), por na i paska psë rrëmbyer Ilir Meta dhe Anastas Angjeli, gjë që duhet të jetë e vërtetë, sepse e thotë kryeministri që qeveris me zëvendësministra.

Pra, Fatos Nano e akuzon Ilir Metën si të lidhur me krimin. O faqe e zezë për PS-në dhe kob i zi për shqiptarët që kanë 7 vjet që i qeverisin shokët e Zan Caushit, e Gazmend Brakës, e Nehat Kullës. E keqja nuk mbaron këtu për këtë popull. Zoti Meta, duke dashur që të mos mbajë baltën mbi kokën e tij, e ka akuzuar me kohë dhe po e riakuzon përsëri shefin e tij të partisë e të qeverisë. Lidhjet me krimin, Meta ia faturon Nanos, duke e quajtur atë padrino, pra e ka quajtur koka e kupolës së Mafies dhe duhet të jetë e vërtetë, përderisa e thotë një ish-kryeministër që kishte tërë informacionin e nevojshëm, patjetër që duhet të jetë e vërtetë. Më së fundi, shqiptarët mësuan nga vetë socialistët, se ata kanë 7 vjet që i drejton krimi i organizuar dhe mafia shtetërore. Për këtë denoncim publik, asnjë qytetar e gazetar, nuk duhet të trembet më, nëse e quajnë Nanon apo Metën hajdutë apo kriminelë, mafiozë apo trafikantë, por më e rëndësishmja është se dhe populli nuk duhet të ketë frikë të dalë në shesh e të kërkojë që mafia e mafiozët të largohen nga drejtimi i shtetit. Mafiozët nuk e kanë vendin nëpër ministri e parti, vendi i tyre është atje, ku janë shokët e vjetër të '97-ës, që erdhën e u bënë gjeneralë, duke dalë nga birucat e burgjet e Greqisë. Tani besojmë, se dhe ata që na monitorojnë duhet ta kenë besuar, sepse po e thonë me gojën e tyre vetë kriminelët e të inkriminuarit se cilët janë. Monitoruesit tanë të Europës, duhet ta kenë qartësuar tashmë, se përse vallë ky tranzicion po zgjat kaq shumë. Kujt i leverdis që të rrijë sa më shumë jashtë dyerve të Europës. Tani, ata duhet ta kenë të qartë, se ku shkojnë shumat marramendëse të dollarëve që japin taksapaguesit e tyre për ne. Nuk e dimë se ku e gjejnë të drejtën dhe kurajon Erion Braçët e Gramoz Ruçët kur kundërshtojnë idenë e presidentit për të votbesuar një hajdut, nëse e ka me vete shumicën e çetës së madhe të hajdutëve. Apo hajdutët duhet të zgjedhin një kryehajdut tjetër. Kjo çetë e atyre që do të njollosin dhe Internacionalen Socialiste, e cila u hapi dyert për t'i futur në gjirin e saj, e cila nuk duhet të kishte gabuar e të kishte futur në radhët e saja një parti që është drejtuar si dje, si sot nga hajdutë. Këtë nuk e thotë opozita që të mos e besojnë, këtë e thonë vetë dy kryehajdutët për njëri-tjetrin. Kjo çetë hajdutësh, është njëlloj si çdo çetë tjetër hajdutësh të kohëve të shkuara, vetëm se ata të vjetrit e kishin limerin në mes të pyllit, ndërsa këta e kanë në mes të Tiranës. Nëse ky popull nuk del në shesh të shporrë hajdutin e madh nga qeverisja dhe më pas tërë hajdutët e tjerë, ai (populli) te një e dy dollarshi në ditë për t'u ushqyer, nuk do t'i ndahet dhe për disa vjet të tjera. Vetëm duke shporrur hajdutët nga drejtimit i vendit, vetëm atëhere ata një e dy dollarë, mund dhe do të bëhen 7-8 e 10 dollarë në ditë.

Mjerë ky popull e ky vend, se cilët paska patur dhe ka në krye. Që ta heqësh të keqen nga shtëpia, duhet përdorur fshesa, një nga një nuk dalin plehrat përjashta derës.


gazeta 55

[ALBA]

"Populli pret me padurim" ndryshimet në statutin e PS-së

Pasi është telendisur ky milet, që nga viti 1997, pasi është varfëruar në lekë, pasi është zhytur në errësirë, pasi i është pakësuar ujët, pasi i janë mbyllur vendet e punës, tani përpara njerëzve, ka dalë një "shpresë" e madhe! Këto janë ndryshimet në statut të Partisë Socialiste. Se deri tani, ky "statuti paska penguar" mirëqenien e shqiptarëve! Pra, nëqoftëse do të blesh mishin më të mirë, duhen ndryshime në statut, nëse do të kesh një punë me rrogë të mirë 200-300 dollarëshe në muaj, duhen ndryshime në statut! Nëqoftëse të leverdis që të vijnë investitorët e huaj, duhen ndryshime në statutin e Partisë Socialiste. Për këtë po gërhasin, brohorasin, buçasin të gjithë socialistët, që përgatiten t'ia bëjnë dhuratë popullit shqiptar, në kongresin e tyre sherrist. Më në fund pra, u zbulua pengesa: paskësh qenë statuti i Partisë Socialiste! Kaq e vërtetë është kjo, saqë statuti nuk bëhet në parti, por në kryeministri. Ekonomistë, sociologë, juristë, letrarë pallavraxhinj, të gjithë pa fund e pa krye, kanë bërë një statut dhe ia kanë çuar partisë. Atje është një Agron Dibra, që e lavdëron statutin, janë dhe ca mejhanexhi të tjerë, që ia marrin me të kënduar, se statuti vërtet do të nxjerrë kryetar Fatos Nanon, por këtë radhë, ai ia kalon dhe Enver Hoxhës. Kështu, Nano s'do të ketë nevojë, siç kishte nevojë Enveri, për pleniume të partisë, për organizata rinie, gruaje, për komitete partie, hiç fare. I ka kryetari i partisë, i qan Nano shkarkimet dhe ngarkimet, zgjedhjet për deputet dhe zgjedhjet për qamet!Kështu, populli pret çdo ditë, çdo orë, me padurim, ndryshimet në statutin e Partisë Socialiste, ndërsa Nano pret të kurorëzohet Enver e shkuar Enverit. Ndërkaq, analistët truzbrazur të majtë, s'gjejnë fjalë për ta ndalur revanshin e kryeministrit pa qeveri, e kryetarit pa parti...


gazeta 55

[ALBA]

Nga buron krimi i organizuar?

Nga Pranvera XHAFAJ

Krimi i organizuar është një nga plagët që zë vendin më të madh në shoqërinë shqiptare. Krimi, kontrabanda, trafikimi dhe sërish rrjeti kriminal, janë faktorë shqetësues dhe destabilizues për një shoqëri dhe mbi të gjitha, për një qeverisje normale, për njerëz të një vendi që të kanë besuar votën.

Krimi dhe protagonistët e tij janë të kategorive të ndryshme dhe të të gjitha llojeve. Duke nisur që nga një krim i zakonshëm me kriminelë ordinerë e duke vazhduar te krimi i organizuar, në rrjete të fuqishme, duke pasur si protagonistë të tyre vetë drejtuesit e dikastereve, e deri edhe te ata të qeverisë.

Por para se të vish te zbulimi i një rrjeti kriminal në platformën e tij dhe në veprimtarinë e tij kriminale dhe terroriste, duhet të zbulosh patjetër shtratin politiko-social të veprimtarisë së tij. Duhet zbuluar se si rritet dhe se si vepron, në mënyrë që të mund të zbulohet çdo detaj i organizimit të tij.

Ndërkohë që në kushtet e Shqipërisë së sotme, ky shtrat ka 7 vite që ka në themel qeverisjen socialiste, e përshkruar e gjitha nga korrupsioni galopant i saj, vit pas viti.

Një qeverisje e destabilizuar si kjo e jona, është një ushqim shumë i mirë për krimin e organizuar. Destabiliteti i qeverisjes shqiptare është mjaft evident, në faktin se për 7 vite janë ndërruar 10 kryeministra, ndërkohë që janë me qindra ministrat që çorientojnë dikasteret. Dobësojnë mbi të gjitha, strukturat mbrojtëse, nga ky krim i organizuar.

Varfëria është një ushqyes i saj, por për këtë varfëri prezente në kushtet e shoqërisë shqiptare, nuk bëhet asnjë gjë për ta ulur këtë rrezik. Përkundrazi, edhe ato OJQ, të cilat pretendojnë se janë duke e larguar këtë fenomen, heshtin para këtij fakti evident. Heshtet edhe nga OJQ-të që merren me aspektin ekonomik të shoqërisë, për shembull, Instituti Ekonomik që drejton Genc Ruli. Të gjitha këto institute janë duke "kontribuar" në shkatërrimin dhe varfërimin e shoqërisë shqiptare në këta 7 vite. Pra edhe ky subjekt në sektorin e vet, në një mënyrë apo në një tjetër, ushqen krimin e organizuar.

Përveç këtyre, ekzistojnë edhe ato organizata që merren me problemet e grave. Gjithë veprimtaritë e tyre, tregojnë se të gjitha projektet që ato fitojnë, janë thjesht një mjet fitimi, sepse asnjë nga ato projekte nuk vihet në jetë. Por, femra përbën një problem serioz në kushtet social-ekonomike, gjithsesi, asnjë nga këto organizata nuk trajton trafikimin e femrës. Për shembull, Diana Çuli me organizatën e saj, nuk luan asnjë rol për atë të cilën është krijuar. Sepse realisht, në vend që të trajtojë femrën dhe të luftojë për problemet apo shqetësimet që mund të dalin në këtë pikë, ajo vete dhe nxjerr deputete Valentina Leskaj, gjë e cila nuk është në kompetencën e saj.

Por me këtë qeveri që është ekzistente dhe reale në shoqërinë shqiptare, asnjë gjë nuk ka për të qenë e drejtë. Derisa të ekzistojnë ministra të kompromentuar me krimin, edhe kjo shoqëri do të vazhdojë të jetë e tillë, e varfër, e mjerë dhe mbi të gjitha, e lidhur ngushtë me krimin.

[halit]

mire , mire me mire te bie mos e lodhish trurin, si vajze e re qw je me keto cmendurira te politikes shqiptare dhe me me keta te cuditeshmit drejtuesit tane , po edhe nga opozita,
flm alba , mos me keqkupto
gjith te mirat liti

[Veshtrusja]

Sa po do e postoja artikullin "Mjerë ne kush na drejton"....por u tregove me e shkathet

Fatkeqesi me te vertete se kush na drejton, fatkeqesi qe ne e pranojm kete drejtim.

[Shpirt Njeriu]

Ka thene ai i vjetri se shqiperine e ka matur shejtani,dhe s`do bejme per siper asnjehere neve.
Qeshin Bota me neve