Analistët mbi zgjedhjet lokale 2003

[DiGiTeX]

Pershendetje!

Mendoj qe tashme duhet te paraqesim mendimet e analisteve te ndryshem si brenda dhe jashte per Zgjedhjet Lokale 2003. Mendime, arsyet e humbjes apo fitimit te gjithçkaje qe votuesi shqiptar vendosi me voten e tij ne keto zgjedhje

**************************************************

Zgjedhjet, si interpretohet 12 tetori

Tre analiste te njohur Andi Bejtja, Mustafa Nano dhe Mero Baze, kane komentuar per "Korrieri"-n rezultatet e zgjedhjeve vendore te 12 tetorit, si dhe nivelin e pjesmarrjes se shqiptareve ne keto votime. Per te tre analistet, "Korrieri" ka drejtuar nje pakete te njejte pyetjesh:

1- A iu duk normale pjesemarrja ne votime, apo me e ulet ne krahasim me vitet e tjera?

2 - A ka ndikuar mungesa e emrit ne lista, ose veshtiresite, ne gjetjen e emrit?

3 - Si e shpjegoni fitoren e PD-se ne disa qytete dhe komuna te Jugut, dhe fitoren e PS-se ne disa rrethe te Veriut?

4 - Si e shpjegoni fitoren e PBDNJ-se ne Polican, Himare, Selenice, dhe me e papritura ne Ulez te Burrelit dhe disa komuna te tjera perreth?

Andi Bejtja, Drejtor i Informacionit, "Top Channel"

7 vite korrupsion, PS nuk duhet te fitonte

1- Jam njoftuar se pjesemarrja ne votime ka qene pothuajse e njejte me zgjedhjet e kaluara lokale. Pjesa e pavendosur qe te votonte, ka mbetur e njejte dhe e ngurtesuar. Kuptohet qe gjate 13 viteve, PS dhe PD ndajne fajin e perbashket per gjendjen ne te cilen eshte Shqiperia dhe eshte fare normale, qe kjo papergjegjesi e tyre te kete dhe nje kosto bojkoti.

2 - Parregullsiste kane qene evidente. Veshtiresia ka qene e trefishte dhe kryesisht i perket partive politike, PS, PD dhe faktoreve nderkombetare, te cilet te tre bashke ndertuan "corben" brenda Kodit Elektoral. Nuk mund te thuhen se te gjithe ata qe nuk votuan jane demokrate, ose socialiste, humbjet kane qene per te dy palet. Pjesa me e mire e ketyre zgjedhjeve ka qene policia shqiptare. Po ta krahasosh me zgjedhjet e kaluara eshte vertet per t'u pershendetur. Kjo tregon se brenda 2005 ka kohe qe te kete permiresime, si per mungesat ne kod dhe ne lista.

3 - Gjeografikisht mund te flitet per revansh te PD-se ne bastione te PS-se, por nese e sheh problemin ne brendesi, kupton se mosfunksionimi i plote i koalicionit te majte dhe fakti qe zgjedhjet ishin me nje raund ndihmuan ne fitoren e PD-se. Ne shume zona aleancat e krijuara te PSD-se dhe PS-se sollen fitoren e kandidateve te PD-se, megjithate aleancat e PD-se me PBDNJ-ne ishin vendimtare ne shume zona. Ajo per te cilen ia vlen te shqetesohemi si qytetar, ishte fakti, qe PS pas shtate vitesh konsumimi, korrupsioni, etj serisht del fitimtare. Si zakonisht analizat duhet t'i bejne humbesit, jo fitimtaret. PD ka qe nga zgjedhjet lokale te vitit 1992, qe nuk ka bere asnje analize serioze te humbjeve te njepasnjeshme eketorale. Ajo fatkeqesisht, edhe ne rastet kur i ka servirur shqiptareve fakte te verteta te keqadministrimit te vendit nga socialistet, ka qene e pabesueshme. Pra, dicka duhet ndryshuar. Kete le ta vendosin vete demokratet. Pra, ne nje vend tjeter permbysja e socialisteve do te ishte gjeja me e lehte, ndaj dhe per demokratet nuk ka kaq shume vend per te treguar kete gezim, qe po tregojne.

4 - Kam pershtypjen se ne shume komuna, qofte ne veri, qofte dhe ne jug kane vendosur individet dhe fiset, jo ngjyresat partiake. Ndaj cdo fitore, e cdo partie dhe ne zonat me te cuditshme, eshte normale.

Bisedoi Denisa Xhoga

Mero Baze, Drejtor i gazetes "TemA"

Zgjedhjet, pamundesi per te votuar

1 - Kam ndjekur nga afer diten e votimeve ne nje qytet qe mund te merret si "kampion vleresues" per shkaterrimin e trupes zgjedhore permes listave, ne Durres, dhe konstatimi i pare eshte qe njerezit nuk kane qene indiferente ndaj procesit te votimit. Ne qendra te caktuara, sidomos ne qendra elektorale ku opozita ka pasur tradite per te dalur fitues, numri i atyre qe nuk votonin dot ishte rreth 150 per qind me teper se numri i atyre qe arrinin te votonin.

Nga ana tjeter ngaterresa ne lista, ishte e padeshifrueshme, pasi infrastruktura e procesit zgjedhor eshte e tille qe askush nuk mund te te orientonte se ku mund te votoje pasi te mungonte emri ne liste. Ata pak njerez qe i bene keto perpjekje kane harxhuar shume energji. Eshte e pamoralshme t'u kerkosh qytetareve te bejne ate qe duhet ta beje shteti, pra krijimin e mundesise per te votuar. Nuk eshte e vertete qe ka pasur indiference ne votime. Ka pasur pamundesi per te votuar.

2 - Nga pikpamja politike, Partia Demokratike ka arritur fitoren me cilesore dhe me te paster te te gjithe historise se saj politike ne zgjedhjet lokale. Ky rezultat i PD, po te llogarisesh gjeografine politike te fitores dhe pastertine e saj eshte me i mire se ai i korrikut te vitit 1992 dhe natyrisht me i paster dhe i besueshem se ai i vitit 1996. Ai eshte shkaterruar ne Durres dhe Tirane, jo nga pikepamja politike, por nga nje fenomen mafioz, qe eshte nje energji e re jolegjitime ne skenen politike shqiptare. Ne Durres dhe ne Tirane eshte si nje tipar i perbashket, i "forces se trete mafioze" eshte fakti qe kandidati i PS, plus kandidatin e PD-se ne Durres, kane marre aq vota sa ka marre kandidati i PS ne zgjdhjet e vitit 2000. Pra kemi nje renie 50 per qind te PS ne Durres dhe nje shkaterrim te trupes zgjedhore te PD-se, qe e ka cuar ate ne 11 mije vota ne ate qytet, nga 25 mije vota te sigurta qe i ka pasur dhe ne ditet me te veshtira. Po keshtu dhe ne Tirane. Edi Rama ka rene 50 per qind nga rezultati i zgjedhjeve te vitit 2000, pasi megjithe manipulimin flagrant qe vihet re ne procesverbale dhe fletet e paperdorura te votimeve, qe nuk jane dorezuar, ai nuk po shkon dot tek 40 mije votat, nga 80 mije qe ka pasur ne vitin 2000. Kjo renie drastike e Edi Rames nuk mund te kompensohej ndryshe, vecse me shkaterrimin e trupes zgjedhore te PD-se dhe shperndarjen kaotike te votuesve te saj.

Nga pikepamja teknike, fitorja e PD-se ne qytetet e vogla shpjegohet dhe pamundesine qe ne keto qytete te ndikoje fenomeni i listes, pasi si qytete te vogla qe jane, votuesit mund te orientohen me shpejt.

3 - Eshte paragjykimi qe ka PS per bastionet e saj. Duke e quajtur Jugun bastion te vetin, ajo e ka injoruar ate. Jugu dhe juglindja jane lene ne meshire te fatit dhe sherbejne vetem per te furnizuar me vota PS. Duke mos e pasur mendjen aty, socialistet u gjenden para nje beteje te prodhuar nga lufta e ftohte mes tyre dhe elektoratit te Jugut dhe juglindjes.



4 - Fitorja e PBDNJ, ne qytet si Himara apo Selenica, eshte ceshtje komunitetesh me origjine jo shqiptare, te cilat shikojne tek PBDNJ, partine e tyre. Per fitoret e tjera te PBDNJ, ka pasur pa dyshim ndikim kandidati dhe bashkepunimi me partite e opozites.

Mustafa Nano, Analist politik

Dule-Berisha, denim histerise antishqiptare ne Himare

1 - Personalisht, nuk do te cuditesha edhe nga nje pjesemarrje me e ulet. Por shifra e pjesemarrjes rreth 50 % deshmon megjithate, se divorci i shqiptareve me politiken po konsolidohet hap pas hapi e ne menyre konstante. Ky divorc vihet re ne menyre me te qarte ne zonat urbane, gje qe me ben te mendoj se shume shpejt do te vije ajo qe dy dite me pare e kam konsideruar si "vdekjen urbane te politikes". Kjo eshte vdekja e vertete e saj.

2 - Kete nuk kam si ta di, por jam i prirur te besoj se votuesit qe kane dashur te votojne e nuk kane mundur ta bejne kete gje, jane te pakte. Edhe ne qencin disa mijera, ata nuk arrijne te perbejne me shume se 1 % ne korpusin e madh te votuesve. Nga ana tjeter, pershtypja ime eshte qe problemet me listat nuk kane penalizuar ne menyre te vecante njerin apo tjetrin krah. Me kete dua te them, se keto probleme jane krijuar prej veshtiresish teknike e jo prej ndonje strategjie manipulimi. Ndryshe, PD-ja nuk do te fitonte ne Elbasan e ne Korce.

3 - Ky eshte nje nga zhvillimet me interesante e me pozitive te ketyre zgjedhjeve. Kjo gje duhet pershendetur si nje dukuri, e cila hendekun politik e mban si nje hendek ideologjik e jo si nje hendek rajonal. Sa per arsyet qe e shpjegojne kete dukuri, eshte e veshtire te thuash ndonje gje ne kete moment. Duhet njohur mire dinamika e votimit dhe motivimet e ndryshme te zgjedhesve ne zona te ndryshme. Te mos harrojme qe keto jane zgjedhje administrative, gje qe do te thote se ka boll motivime lokale ne sjelljen politike te zgjedhesve. Kjo dukuri do te jete perfundimisht pozitive, nese do te vihet re edhe ne zgjedhjet politike, ku rendom motivimet e zgjedhesve jane (duhet te jene) kombetare e ideologjike.

4 - Nuk di akoma cfare (e pse) ka ndodhur ne Polican, ne Selenice e ne Ulez, por ajo qe po ndodh ne Himare eshte nje maskarade e vertete. Pergjegjesia bie ne radhe te pare mbi PBDNJ-ne dhe kryetarin e saj, prapa toneve te buta e natyres se qete te te cilit fshihet nje skuth i vertete politik. Ai akoma nuk ka gjetur kohe te denoje ate histeri antishqiptare qe ka shperthyer ne Himare, ashtu si nuk ka gjetur kohe as Berisha. Ky i fundit, me aleancen e zellshme qe beri me Vangjelis Dules-in ne Himare, ka dhene kontributin me te madh ne krijimin e kesaj situate. Do zoti e ka bere nga tuaflleku.


Gazeta "KORIERI" 14 Tetor 2003

[DiGiTeX]

Bien bastionet dhe ndarja Veri- Jug

Humbja e PS dhe PD te dielen ne disa nga zonat e konsideruara prej tyre gjate ketyre 13 vjeteve si "republika" te tyre, ndoshta ka qene shenja me e madhe e pjekurise politike te demokracise se brishte shqiptare. E cila po e con lojen politike drejt zgjedhjes se alternativave me te mira, tani qe ngjyra roze ka nisur te perhapet ne veri nga Peshkopia e Kukesi dhe bluja ne jug nga Delvina dhe Saranda
As parashikuesit me te guximshem nuk do te mund ta besonin, se demokratet do te arrinin te fitonin ne zgjedhjet e se dieles, bastionet e PS, duke nisur nga Saranda, Delvina, Korcen, Librazhdin e Elbasanin e deri ne Rreshen. Ndersa PBDNJ, nuk do te fitonte vetem Himaren, por edhe bashkine "e kuqe" te Policanit. Ndersa socialistet, do te arrinin te ngjyenin me ngjyre te kuqe, harten elektorale te Shqiperise, mu ne zemer te "verilindjes blu", duke fituar pas afro nje dekade kreun e Bashkise se Kukesit, por edhe Peshkopine.
Kjo eshte konsideruar nga Kryetari i Akademise se Shkencave te Shqiperise, Prof. Ylli Popa si nje "merite e popullit, dhe jo e forcave politike". Duke u shprehur se "me ne fund, Veriu dhe Jugu i shqiperise, nuk jane me gjerdhe te pakapercyeshme per partite politike". Gjate nje prononcimi dje per ATSH, Popa tha se "Shqiperia nuk mund te konsiderohet tashme e ndare ne dy pjese (duke nenkuptuar: veriu demokratik dhe jugu socialist), sepse populli mund te gjykoje lirisht rreth politikes, duke treguar se kultura e tij ka avancuar drejt demokracise se vertete".
Nje fakt te tille e evidentoi dje, edhe Baton Haxhiu, njeri prej analisteve dhe gazetareve me te njohur kosovare. Sipas tij, "mesazhi i rezultatit te ketyre zgjedhjeve ne Kosove, u lexua ne menyre te tille, qe nuk ka me ndarje politike Veri- Jug ne Shqiperi". Nje ndarje qe eshte trumbetuar me shume zell nga qarqet antishqiptare, sidomos pas trazirave te 1997, duke e konsideruar si nje ndarje Veri- Jug te vendit, jo vetem per nga bindjet politike te qytetareve te Shqiperise. Por, si nje ndarje reale politike, fetare dhe kulturore.
Ndaj vota e 12 tetorit, do te mbahet mend ndoshta si dita kur me voten e tyre, shqiptaret treguan se veriu nuk eshte prone e PD dhe jugu prone e PS. Dhe se tani e tutje, para se te kandidojne njerezit e tyre ne te gjithe vendin, forcat politike duhet te kene kuptuar se votuesit, kane nisur te votojne edhe kunder, por edhe pro alternativave qe atyre i duket me e mire per t'u qeverisur ne rrafshin lokal. Nje qeverisje, qe me procesin e decentralizimit, por edhe me modelin qe krijoi Edi Rama ne 3 vjetet e shkuara ne krye te Bashkise se Tiranes, i ka bere qytetaret te kuptojne se eshte po aq e rendesishme sa edhe qeverisja qendrore.
Nje element ky qe duhet lexuar, si nje nga shenjat me pozitive qe po jep procesi demokratik i votimit ne Shqiperi. Duke na ndare njehere e mire ndoshta nga ajo epoke, kur lideret e majte duhet te mendoheshin mire para se te udhetonin drejt veriut dhe te djathtet per t'u takuar me elektoratin e jugut. Fakti qe PS humbi nje bastion 100% te sigurte si Policani per shkak te nje kandidature "shume te forte" te PBDNJ, duhet t'i beje te mendojne se ka ikur koha kur lideret ne Tirane shpreheshin se edhe socialisti me i dobet do fitoje perballe kundershtareve me te forte.
Ndersa Delvina tregoi se percarja e ben PS te humbe, ne Sarande, pavaresisht se kryebashkiaku i ri eshte nje ish socialist lokal, duhet ta beje ekipin e Nanos te kuptoje se korrupsioni qe nuk ndeshkohet ende nga drejtesia, tani ka nisur te ndeshkohet nga vota. Ndersa "ngjyerja e hartes" se Kukesit me roze, duhet lexuar thjeshte si nje tregues i asaj se kur qeverisja qendrore, hedh syte edhe "ne cepat e humbur", me nisjen e punes per ndertimin e Aeroportit te ri te qytetit dhe projektin e rruges Durres- Morine, votuesit i kane syte ne balle per t'a futur flete- votimin gjigand ne "vrimen e gjilperes" se kutive lilipute.
Ai pohoi me tej se, "zgjedhjet e te dieles, ishin vertet te qeta dhe nuk u shfaqen probleme me rendin, apo probleme te tjera". Ai vleresoi ne kete kuader kontributin e forcave te rendit.
"Por nje e mete e ketyre zgjedhjeve (e diele, 12 tetor)", tha Popa, "eshte fakti absurd qe partite politike perpiqen vazhdimisht te bejne publike rezultate krejt te ndryshme nga njera- tjetra", nje tjeter tregues ky, sipas tij, "i largimit te forcave politike nga kultura e popullit shqiptar".

[Albo]

PS nuk ka se si te fitoje ne Shqiperi zgjedhje kur mbi te rendojne akuzat e korrupsionit dhe trafiqeve te ketyre 7 vjeteve, kur ne vend mbreteron kriza e dy komponenteve jetike te jetes, energjia elektrike dhe uji i pijshem. Asnje individ me mendje te shendoshe, ca me pak nje analist perendimor mund te besoje se PS mund te fitoje ne keto zgjedhje ne nje proces te lire e demokratik. E verteta eshte e tille qe as vete socialistet nuk besojne me ne nje fitore, fakti qe bastionet socialiste votuan per PD flet qarte qe ka ardhur koha qe PS te kaloje ne opozite. Por a mund te respektoje ligjin nje parti si PS qe eshte plotesisht nen diktatin e pradrinove dhe krimit?

PS po mban peng te ardhmen e 3 milion shqiptareve dhe nese ata nuk do te dine te lexojne verdiktin e votes se shqiptareve, atehere ata do te perballen me uraganin e atyre e qindra mijra votuesve shqiptare qe ndjejne urrejtje tashme per lidershipin e PS dhe kete urrejtje nuk do ta shprehin me vote por ne rruge me dhune. Mjafton nje shkendije ne retoriken e kampit opozitar dhe situata mund te precipitoje cdo ore e minute. E pergezoj lidershipin e opozites qe e mban situaten nen kontroll, por jam i sigurt qe nese procesi i manipuluar nuk korrigjohet ne keto momente te fundit, opozita do ti nxjerri ne shesh perpara bashkise, kryeministrise dhe selise se PS ata qindra mijra banore te Tiranes qe kane votuar per kandidatin demokrat ose nuk kane mundur te votojne dot fare.

Une po pres te degjoj zerat per ndryshim brenda PS, pasi nese PS nuk clirohet nga "morali Nano" me nje proces te brendshem partiak, faji i manipulimeve te zgjedhjeve do te bier mbi gjithe kryesine dhe anetaret e kesaj partie. Kur e pyeten nje politikan perendimor se si ndihej tani qe humbi zgjedhjet dhe duhej te kalonte ne opozite, ai tha tekstualisht: "Jam i lumtur qe jetoj ne nje vend demokratik ku politikanet i ngreh dhe rrezon vota dhe jo shpata si ne kohen e Cezarit."

Albo

[Albo]

ZGJEDHJE SERISH NE TIRANE-DURRES

Burime serioze dhe prane qarqeve diplomatike bejne te ditur se procesi zgjedhor ne Shqiperi, nuk ka per te ndjekur kesaj radhe kurben tradicionale: votim, manipulim, kritika dhe ne fund njohje te rezultatit, pra mbyllje te kapakut. Ne segmentin e fundit te ciklit, dicka mund te levize kete here. Zera serioze nga rradhet e opozites kryesore dhe prane OSBE-ODIHR-it, bejne te ditur se pas verifikimit, nese rezultojne te sakta denoncimet per manipulime skandaloze me listat e votuesve ne Durres dhe ne Tirane, si dhe duke i shtuar kesaj deshmine e vete observuesve te huaj qe kane qene ne terren, do te kerkohet perseritja e zgjedhjeve ne Tirane dhe ne Durres.

Fakti eshte se, tashme eshte bere publike dhe e pakontestueshme qe shume qytetare nuk kane arritur te votojne pardje, per shkak se nuk e kane gjetur emrin ne listen e votimit, ne ato lista ku e kishin identitetin e tyre tre dite me pare si dhe tre vjet me pare. Perfaqesues te PD-se thane dje se kjo shifer ka arritur ne Durres deri ne 30% te elektoratit te djathte, cka e ben rezultatin te pabesueshem, sipas selise blu. Gjithashtu te ben pershtypje se pikerisht ne Durres dhe ne Tirane jane paraqitur lista te tjera votuesish te shtunen ne darke vone, nderkohe qe para pese diteve votuesit e kishin emrin ne listat e afishuara jashte qendrave te votimit. Kjo ka hedhur dyshimin se eshte luajtur nje loje perfekte nga PS, ne dem te demokrateve.

Ka pasur me qindra raste qe edhe pasi e kane verifikuar qe e kane emrin ne liste, dy ose tre dite para zgjedhjeve, me 12 tetor paradite prape nuk e kane gjetur, duke e pasur te pamundur te shprehin vullnetin e tyre politik. Po ashtu, raste te tjera te shkeljeve qe jane verejtur kane kete natyre: ne nje qender votimi, ka rezultuar pershembull se nga 700 votues te njesise, jane paraqitur vetem gjysma e tyre. Mirepo, kur eshte kerkuar qe te administrohen fletet e votimit qe kane mbetur bosh, ato kane munguar. Dyshimi eshte se jane perdorur duke u mbushur sipas interesave te caktuara, per t'u futur me pas neper kuti, si vota per kandidatet e PS-se, ne te dy qytetet. Te tilla shkelje, por edhe raste sporadike te pranise se me shume se nje personi prane kutise se votimit, gjate orarit elektoral, jane ngjarje qe jane denoncuar dhe per te cilat ka deshmi konkrete.

Duke u nisur nga keto shkelje, ka shume gjasa qe vezhguesit nderkombetare kesaj radhe te mos mbyllin nje sy dhe nje vesh, por te qendrojne konsekuente. Ne parim, sipas standarteve te vendeve nga ata vijne, vetem nje vote e vjedhur ose e manipuluar, cenon procesin zgjedhor. Ndersa avari te tilla qe jane verejtur ne Durres dhe ne Tirane, rrezikojne vertete rende emertimin e ketyre zgjedhjeve si: te lira dhe te ndershme.

Nga ana tjeter, mund te jete ne politiken e nderkombetareve qe te vendosin kthimin e zgjedhjeve ne Tirane dhe ne Durres edhe per shkak se mbajtja e nje rocesi te ri ne keto dy qytete eshte edhe me i kollajte per shkak te infrastruktures se gatshme dhe optimale. Po ashtu, besohet se te huajt, duke pare qe politikanet shqiptare nuk reflektojne nga sugjerimet dhe presionet ne distance per rendesine e nje procesi te rregullt, kane vendosur t'i japin nje leksion konkret qeverise dhe PS-se, e cila mban pergjegjesine kryesore per procesin e votimit. Kthimi i zgjedhjeve do te jete nje dush i akullt per mazhorancen, cka do ta detyroje ate te punoje seriozisht per perseritjen e tyre, duke shmangur edhe mundesite me te vogla per manipulime. Kerkesa qe beri dje PD, nepermjet Sokol Olldashit, per perseritje te zgjedhjeve ne Durres, si dhe ajo e bere nga Ngjela per ne Tirane, nuk do te jene kesaj radhe kembana qe bien ne vesh te shurdhet.

Edhe dy kandidatet, Rama dhe Koka, qe dje i jane drejtuar zyrave te kryetarit te bashkise, besohet se jane te gatshem per t'u rifutur ne votim per here te dyte, nese iu kerkohet nga nderkombetaret dhe KQZ. Njohja e zgjedhjeve ne Tirane dhe ne Durres nga opozita, eshte tregues i qetesise se vendit, ne te kundert duhet patjeter qe perseritja e tyre mbetet nje opsion i nevojshem per nje stabilitet te qendrueshem kombetar. Ndaj, opozita duket e vendosur qe ne keto dy qytete t'i perserise me cdo kusht zgjedhjet, dhe natyrisht qe PS nuk ka perse i kundershton keto ankesa perderisa mendon se i ka fituar. Le ti rifitoje prape PS dhe t'i mbylle gojen Berishes dhe te vazhdoje qeverisjen e metropolit, nese vertet e meriton!

Koha Jone

[Albo]

C'fare fituam e c'fare humbem

Megjithese nuk eshte shpallur ende rezultati zyrtar i zgjedhjeve, ajo qe ra me shume ne sy ne votimin e 12 tetorit, ishte realizimi i njerit prej proceseve me te qeta dhe normale zgjedhore qe pas 1990 ne Shqiperi. Ku qytetaret, ne saje te nje angazhimi profesionist e apolitik te policise dhe mosperzierje te SHISH, votuan pergjithesisht te qete per kandidatet per kryetar komunash dhe bashkish. Nje zhvillim mjaft i rendesishem ky, po te kemi parasysh se si faktoret opinionberes brenda vendit, ashtu edhe faktoret e huaj te interesuara per kete proces, kishin arritur ne konkluzionin, se te dielen, realizimi i nje procesi zgjedhor normal, ishte me i rendesishem se rezultati i tij.

Defekti me i madh qe eshte konstatuar deri tani, ka te beje me listat e zgjedhesve, ku jane verejtur mjaft mangesi ne emrat e votuesve, perfshirje te tyre shume larg qendrave te banuara, ose deri ne absurdin e ndarjes se familjeve, ku nje ose disa pjestare votonin ne nje qender votimi, ndersa te tjeret ne nje qender tjeter. Nje gabim ky qe eshte pranuar edhe nga KQZ, institucion ky qe vec partive politike, eshte cilesuar si nje nga pergjegjesit kryesore per situaten nga disa analiste. Por, deri tani, nuk duket se nuk eshte e qellimshme, per te favorizuar njeren apo tjetren force politike, kur kemi parasysh se per hartimin e listave kane firmosur perfaqesues si te PS ashtu edhe te PD.

Nderkohe qe surpriza me pozitive e se dieles, eshte fakti se ngjyra blu eshte vizatuar ne harten e elektorale ne zonat e jugut te konsideruara si bastione te PS, si ne Delvine e Sarande, por edhe ne Korce e Librazhd dhe roza nuk ngjyros tashme bashkite dhe komunat nga Shkumbini e poshte, por edhe Kukesin e Peshkopine ne veri. Nderkohe qe ajo qe nuk pritej ishte fitorja me rezultat aq te thelle ne favor te PS ne Durres dhe humbja e rreth 9000 votave, prej saj ne favor te PD, brenda 4 viteve te fundit ne Korce.

Te gjitha keto, i kane dhene ngjyra dhe tone krejt te reja lojes politike ne vend. Duke treguar se me shume se per fitoren e PS apo te PD, 12 tetori ndoshta do te mbahet mend, si nje pikete e rendesishme, e rruges drejt demokratizimit dhe normalizimit te proceve te zgjedhjeve ne Shqiperi.

Korrieri

[drini_në_TR]

postuar më parë nga NIL
...ne Sarande, pavaresisht se kryebashkiaku i ri eshte nje ish socialist lokal, duhet ta beje ekipin e Nanos te kuptoje se korrupsioni qe nuk ndeshkohet ende nga drejtesia, tani ka nisur te ndeshkohet nga vota...

Shumë e mirë, kjo frazë vërtetë më buçiti në mëndje kur e lexova! Të falemnderit që e postove NIL

Në fakt "vota e lirë" është faktori kryesor që ka për të sjellur DREJTËSINË në Shqipëri. Dhe nëse gjykatat nuk funksionojnë mirë gjeri tani, duke filluar së garantuari zgjedhjet e lira dhe pa probleme, ka për t'u shëmbur ajo kala prej rëre si ato pjesët e dominosë që, kur e shtyn njërën, bihen të gjitha rresht!

Një e nga një, të gjithë të korruptuarit do zhduken, dhe ky proces fillon me votimet e lira dhe të drejta.

Ndaj, opozita duket e vendosur qe ne keto dy qytete t'i perserise me cdo kusht zgjedhjet, dhe natyrisht qe PS nuk ka perse i kundershton keto ankesa perderisa mendon se i ka fituar. Le ti rifitoje prape PS dhe t'i mbylle gojen Berishes dhe te vazhdoje qeverisjen e metropolit, nese vertet e meriton!

Këtu është i gjithë kuptimi, pse të frigohet PS-ja në një rivotim nëse mendon se ka fotuar? Pse pra, duke e llogaritur veten fitimtare mos të rivotoj që procesi, dhe e ardhmja e Shqipërisë të vëri tashmë themele demokratike?

Veç për këtë arsye të ribëhen votimet në këto dy bashki që demokracia dhe drejtësia të themelohen tashmë në Shqipëri.

Drini.

[Albo]

Drejtësia të shpëtojë votën

Andrea Stefani

A do të mjaftojnë deklaratat e vëzhguesve evropianë për të na qetësuar? A e zgjidh problemin optimizmi i deklaratave të ODIHR-it dhe OSBE-së për të ashtuquajtur “progres” të shënuar në zgjedhjet lokale? Mjerisht jo. Sepse e keqja e paralajmëruar ndodhi përsëri dhe “progresi” i shpallur nuk është më shumë një iluzion. Shqipëria nuk arriti të ketë zgjedhje të pranuara nga të gjithë. Udhëheqësi i demokratëve, Sali Berisha, shpalli se nuk do të njohë rezultatin e zgjedhjeve në Tiranë dhe Durrës...

...Mjaft vërejtje shfaqën edhe parti të tjera. Kështu nën lëkurën e deklaratave rozë të vëzhguesve të huaj, vazhdon të zhvillohet një antagonizëm i fortë që po nuk u kurua sot, mund të çojë në shkatërrimin e shtetit nesër. Dhe “nesër” janë zgjedhjet parlamentare. Shqipëria mbetet një shtet që nuk është në gjendie të bëjë inventarin e njerëzve të saj. Në Shqipëri nuk ekziston ende aritmetika e demokracisë, nuk dihet sa zgjedhës ka. E ngatërrojnë problemin e zhvendosjet e njerëzve brenda vendit, emigrimet jashtë, të lindurit, të vdekurit. Eshtë një kaos i vërtetë demografik dhe një tjetër pohim, i mungesës së rregullatorëve pra, i vetë shtetit. Në këtë situatë të turbullt ka më se 12 vjet që peshkojnë me sukses ujqit e vjetër të politikës, të cilëve nuk ju intereson forcimi i shtetit, por vetëm rrëmbimi dhe mbajtja e pushtetit. Në mënyrë të alternuar kaosi demografik ju shërben atyre herë për të justifikuar humbjen dhe herë për të manipuluar fitoren. Të dy partitë më të mëdha, PS dhe PD, që kanë provuar shijen e pushtetit si dhe udhëheqësit e tyre, Nano e Berisha, nuk mund të pranohen si mostra morali dhe ndershmërie në këtë rrafsh. E megjithatë ç’mund të bëhet për të dalë nga kjo kënetë që po na thith përditë e më poshtë?

Ka vetëm një rrugë, ajo e shtetit ligjor dhe e Kushtetutës. Problemi i manipulimit ose jo me listat e zgjedhësve në Shqipëri, nuk mund të mbetet më monopol as i politikanëve shqiptarë dhe as i vëzhguesve nga Bota. Të gjithë këta kanë të drejtë të deklarojnë pakënaqësitë apo rezultatet e vëzhgimeve të tyre. Por fjala e fundit nuk mund t’i lihet më atyre. Çështjet e ngritura nuk duhet të mbeten, si deri më sot pjesë interesante dhe argëtuese e debatit shterpë politik. Ato duhet me çdo kusht të bëhen problem i drejtësisë shqiptare. Ligjërisht ashtu janë. Asnjë lider, asnjë parti nuk ka më të drejtë që çështjet e së drejtës së votës së qytetarëve t’i trajtojë si problem personal. Pra, si një problem, i cili varet nga dëshira e personit ta dërgojë apo jo në gjykatë. Automatikisht akuzat e Berishës për manipulim me listat e zgjedhësve duhet të bëhen çështje e drejtësisë. Dhe kjo e fundit duhet të provojë nëse kishte manipulime me listat apo thjesht mangësi teknike. Duhet të jetë drejtësia që duhet të vërtetojë nëse janë ndryshuar listat 24 orë para votimit dhe nëse po, kush i ka ndryshuar.

Ka 12 vjet që në mbarim të çdo fushate, politikanët ulërasin për manipulime, mallkojnë dhe premtojnë hakmarrje e ndëshkim. Por asgjë nuk ka ndodhur përveç manipulimeve të tjera. Sespe nuk ka vepruar ligji. Ndaj duhet që, sot, pas deklarimeve të politikanëve dhe të vëzhguesve, çështjen ta marrë në dorë drejtësia. Më pas, nëse vërtetohen manipulime, ligji të ndëshkojë të gjithë ata që mund të jenë bërë pjesë e manipulimit. Eshtë vetëm drejtësia dhe jo më Berisha apo Nano, që mund dhe duhet të vendosë nëse duhen ribërë apo jo zgjedhjet në ndonjë bashki apo komunë. Përsëritja apo edhe mos përsëritja e zgjedhjeve, vetëm sipas dëshirës apo vullnetit të udhëheqësit, janë precedentë të rrezikshëm për demokracinë. Vetëm drejtësia mund ta ketë një pushtet të tillë që i është deleguar me ligj. Ruajtësit e demokracisë nuk mund të jenë udhëheqësit, por ligji. Të mbetur jashtë ndikimit të ligjit udhëheqësit dinë vetëm të skllavërojnë.

Nëse drejtësia edhe këtë herë nuk hyn në veprim, qytetarët jo vetëm do të bëhen vegël e mjegullës së akuzave dhe kundërakuzave politike, por edhe vetë politikanët do të inkurajohen për manipulime të mëtejshme në zgjedhjet e ardhshme parlamentare që do të zhvillohen në vitin 2005. Një drejtësi që toleron krimin e vjedhjes së votës, që hesht para krimit që vret demokracinë nuk është drejtësi. Një drejtësi që toleron gjithashtu shpifjen për manipulim me votën e lirë, nuk mund të jetë drejtësi. Mjaft! Ora e sfidës për drejtësinë ka rënë. A do ta thotë ajo sot fjalën e saj apo do të heshtë njëherë e përgjithmonë bashkë me… demokracinë?

Por a ka drejtësi të pavarur në Shqipëri, një drejtësi që të mund të japë vendime, duke u nisur nga logjika dhe fryma e shtetit dhe jo ajo e partive? Ky është një problem i madh i krijuar gjatë këtyre viteve nga po ata politikanë që sot çirren për mungesën e drejtësisë. Vendi është i prangosur në një rreth vicioz: Për të shpëtuar hiletë e politikës duhet t’i bëjmë çështje të tilla si ato të manipulimit të pretenduar me listat, çështje të drejtësisë. Por ndërkohë, kemi dyshime të forta se politika ka manipuluar edhe drejtësinë. E megjithatë a ka mbetur shteg tjetër përveçse vënies në provë edhe të drejtësisë? A ka mbetur shteg tjetër përveç atij të ligjit për të bërë sado pak realitet idenë e shtetit ligjor? Nuk duhet harruar se pikërisht realiteti i kësaj ideje është ajo që përflasim dhe dëshirojmë aq shumë… Evropa, demokracia. Dhe nëse edhe drejtësia nuk do të jetë e denjë të japë drejtësi, atëherë qytetarët e këtij vendi duhet të bëjnë të pamundurën në mbrojtje të një të ardhmeje me liri: të nxjerrin edhe drejtësinë para drejtësisë!

[Albo]

Nano ndihmoi Berishen te fitoje

Nga Mentor Nazarko

Procesi zgjedhor i 12 tetorit ende nuk eshte mbyllur, por qe tani prej kutive te votimit ai ka thene disa te verteta per protagonistet e politikes dhe per opinionin publik.

E verteta me e rendesishme eshte ajo qe Partia Demokratike e drejtuar nga zoti Berisha, nisur nga rezultati qe po konturohet ka vendosur nje hipoteke te rendesishme per te fituar zgjedhjet e ardhshme politike. Opozita pati rritje ne perqindje ne zonat e Jugut ku fitoi shumicen e bashkive, madje ato me kryesoret, dhe po ashtu thelloi diferencen ne veri. Nese nuk do te ishte Durresi dhe Tirana, sigurisht zoti Berisha sot nuk do te ishte ne Bruksel per te denoncuar manipulimet, por do te kerkonte zgjedhje te parakohshme ne te tere rastet dhe mundesite dhe askush nuk mund ta ndalte ne kete kerkese te ligjshme. Ne kete kuptim opozita eshte fituesja reale e zgjedhjeve. Por ne nje kuptim me specifik keto zgjedhje duket se bene te ligjshme, legjitimuan aspiraten individuale te zotit Berisha per tu kthyer ne pushtet, pas nje mije e ca pengesave per kete aspirate qe nisin qe nga vota perjashtuese e popullit e perfundojne ne qendrimin refuzues te bashkesise nderkombetare per figuren e tij. Ky legjitimim perfaqeson fitoren me te madhe individuale te z. Berisha. Tash e tutje ai mund te thoje me te drejte se populli po me beson dhe se bemat e se kaluares qe lidhen me emrin tim po harrohen.

Por pse fitoi zoti Berisha dhe cila eshte vertet merite e tij? Nese merr ne konsiderate rezultatet e deritanishme, tendencen qe shfaqin ato, rezulton qe partia demokratike nuk ka rritje te ndjeshme ne thesin total te votave ne shkalle kombetare, madje numri i votave te saj rezulton me i ulet se ne zgjedhjet e 2001, por per shkak te mospjesemarrjes ne votim te shume votuesve te PS, perqindja e votave te opozites, vecanerisht ne Jug eshte rritur. Pra ne kete kuptim, rritja e PD-se nuk mund te quhet merite e jashtezakonshme e zotit Berisha dhe e fillimeve te reja te tij, sesa pasoje e rritjes se zhgenjimit te elektoratit nga qeverisja socialiste. Duke patur parasysh se ne zgjedhjet parlamentare PS nuk mund te arrije te njejtin sukses ne Tirane, si me Edi Ramen, dhe po ashtu edhe ne Durres, mund te parashikosh lehtesisht mundesine e ardhjes ne pushtet te zotit Berisha. Po nese nuk eshte merite e zotit Berisha, atehere kujt i detyrohet fitorja kesisoj e tij?

Pergjigja eshte e thjeshte dhe ka nje emer te pervecem: ate te zotit Fatos Nano. Figure kryesore e tranzicionit dhe e mosdaljes prej tij, megjithese ka diferenca nga zoti Berisha qe ne nje karikature te gazetes Korrieri u shfaq si vellai i tij siamez, zoti Nano si edhe here te tjera, ka dhene nje kontribut te jashtezakonshem ne kete riafirmim te pabesueshem 6 vite me pare te zotit Berisha. Natyrisht mund t´i vishet ndonje pergjegjesi edhe njerezve te tjere te PS, por jane disa elemente thelbesore qe i japin pothuaj te gjitha meritat Nanos per fitoren e Berishes.

Zoti Nano, qe gjendej ne prag te nje kongresi qe don te thote shume per te ardhmen e tij ne krye te pushtetit politik dhe ekonomik te vendit, e personalizoi kete fushate ne shkalle te jashtezakonshme: ne planin viziv me fotografite e tij mendueshem ku shihej " nje Shqiperi qe ndryshon", pra ai ishte ikona e fushates se partise kryesore te shumices. Ai e personalizoi fushaten nepermjet perzgjedhjes se atyre qe u ngjiten ne tribunat elektorale, madje edhe atje ku nuk ishte vete fizikisht nepermjet perjashtimit te atyre qe ai i konsideron rreziqe reale ne kete kongres. Qe prej zgjedhjeve te fundit, madje ai ka bere perpjekje te vazhdueshme per te pastruar terrenin brenda partise nga kundershtaret potenciale te tij, duke bere vec te tjerash qe te ulet tmerresisht niveli intelektual i elites drejtuese te mazhorances, pa folur per stafet e aferta te tij, qe riciklohen mbi bazen e parimit te disniveleve. Zoti Nano u shfaq kudo ne kete fushate me fjalimet dhe gersheren e vet, me synimin qe te merrte dafinat e fitores. Por ato sic tregoi edhe rezultati, ja dha zotit Berisha.

Nje element tjeter i personalizimit te fushates, per pasoje edhe i mbartjes ne kurriz te pasojave te humbjes prej zotit Nano ishte dhe menyra e zgjedhjes se kandidateve per kryetare bashkie. Si rrallehere keto kandidate u perzgjodhen formalisht nga kryesia e PS me te cilen zoti Nano ka kohe qe ben si te doje duke i kthyer pothuaj tere anetaret e saj ne figurante te fjalimeve dhe vendimeve te veta. Pra shume prej kandidateve te kontestuar nga baza, drejtesisht apo padrejtesisht, rikandidimet e kryebashkiakeve qe humben jane zgjedhur apo miratuar nga Nano. E tij duhet te kete qene madje edhe ideja e dhenies se teseres se socialistit per ish kreun e bashkise se Elbasanit, Domi, nje figure qe per shkak te se kaluares se vet te suksesshme si sportist, mund te merrte edhe vota te djathta ne Elbasan.

Eshte perseri merite e Nanos dhe imazhi i percare me te cilin u paraqit PS ne keto zgjedhje, per shkak te zgjedhjes prej tij te linjes se forte qe zuri fill me zvogelimin e hapesires per njerezit e Metes ne qeveri, largimin e tij, rrezimin e kandidatit te tij per minister te jashtem dhe sharjet per te ne disa mitingje elektorale. Nese dikur Nano do te perpiqej qe te pajtohej me Meten, kesaj rradhe, i inkurajuar nga nje enturazh tjeter, ai zgjodhi rrugen e perplasjes me te, dhe eventualisht edhe perjashtimit, mbas fitores qe ai deshironte ne zgjedhjet e 12 tetorit.

Dhe me se fundi, zoti Nano eshte ideatori kryesor i largimit nga aleanca te Partise Socialdemokrate, me votat e se ciles nese do te kishte nje marreveshje parazgjedhore, nuk do te ishte humbur Korca, Elbasani dhe shume bashki apo komuna ne tere vendin si Vora, etj. Nese zoti Nano do t´i kishte dhene ne kembim nja 20 komuna PSD se Gjinushit ne tere vendin, parti qe nuk kishte kerkesa te larta kesaj here, ai nuk do te humbte zgjedhjet ne bashkite e medha te jugut apo qendres se Shqiperise. Madje eshte nga pak merite e Nanos edhe percarja e PSD ne dy parti dhe per pasoje edhe ndarja e votave te se majtes. Thjesht per merite kryesisht te Nanos, nuk fitohet , megjithese votat e se majtes jane me shume se te se djathtes ne rang vendi, pasi ato jane te ndara.

Sic kuptohet, Nano ka meriten ekskluzive ne kete afrim te Berishes drejt pushtetit qe ai madje mund ta merrte qe tani nese nuk do ta pengonte fitorja e Edi Rames ne Tirane. Me duket se nuk i hengrem hakun asnjerit prej dy armiqve qe jane sic duket miq mjaft te mire.

[Zarathustra.]

Ka 12 vjet qe PD vetem humb zgjedhjet. Ajo ishte kaq zhgenjyese per shqiptaret saqe edhe pse fitoi 63% ne Mars te 92, PD humbi zgjedhjet lokale vetem 6 muaj me pas.

Ka rreth 6 vjet qe PD kendon kengen e merzitshme te kontestimeve kokeforte dhe deshperuese edhe kur zgjedhjet pranohen nga te gjithe. Nje refren i merzitshem dhe qe i tregon botes genin barbar dhe te pacivilzuar te udheheqsit te PD. Mesazhi qe merr bota eshte ai i nje shoqerie qe nuk di te stabilizohet, qe nuk di te jete konstruktive, dhe te nje skene politike qe nuk di ti kaloje diferencat apo mosmarrveshjet me pjekuri dhe mencuri e te evitoje konfliktin edhe duke mohuar interesin partiak. PS e pranoi humbjen ne shume zona, pse valle PD nuk gjen dinjitetin dhe lartpamesine per te bere te njejten gje?

Ne nje kohe kur Europa dhe Amerika i thote OK zgjedhjeve, PD merr rrugen drejt saj per te qare, ankuar dhe shpalosur nje thes me letra qe i quan prova. Dhe Europa sigurisht qe do i jape duart. Brukseli nuk eshte hetuesi, e as zyre ankimesh. Brukseli prandaj ka perfaqesuesit e vet ne Shqiperi, qe komunikojne me te situaten dhe statusin e zgjedhjeve. Ata i miratuan zgjedhjet, dhe ankimi ne Bruksel eshte injorim i opinionit te perfaqesuesve te tij ne Shqiperi i cili shihet si ofendim ndaj Europes. Duket sikur Sala i thote Brukselit "Te dh_jefsha mu ne perfaqesues, opinioni i tyre nuk vlen".

Ky njeri ka 7 vjet qe e ka kthyer PD ne nje parti qe nuk di te fitoje edhe kur PS ben njemije e nje te zeza, nje parti me njerez me inferiore (se te tjeret jane larguar), me te pakulturuar, nje parti pa mendim te ri, pa ide te reja pa vizion te ri, nje parti qe nuk di te ndryshoje, te pjelle dhe ti pershtatet ndryshimeve te shoqerise shqiptare. I njejti lider, te njejtat metoda udheheqje, i njejti fjalor, bile edhe menyra e reagimit ndaj zgjedhjeve eshte e njejte tanime 6 vjet. E bezdishme, e merzitshme, e mefshte.

Dhe reagimi i PD sidomos kur ai nuk perpuqet as me opinionin nderkombetar, ndjell deshperim ne popull, i tregon atij se sa i pashprese eshte ai me keta politikane qe nuk shpalosin asnje fije dinjiteti dhe integriteti ne punen qe bejne. Por reagimi i PD jep edhe shume informacion per botekuptimin e kesaj partie. Karakteri quravec qe shpalos PD mbas cdo periudhe zgjedhjesh nuk eshte aspak ai i nje lideri. PD nuk di te humbe si lider. Perballe veshtiresive PD nuk gjen zgjidhje, por vetem ankohet. Ajo ankohet dhe te gjithe e dine se PD eshte e paafte te fitoje bindshem ne zgjedhje, dhe se arritjet e saj jane teper mediokre edhe kur PS ka probleme jo te vogla me qeverisjen. PD ska bere asgje qe ti ktheje shqiptaret ne mase te votojne per te qe manipulimet apo gabimet 3-4% ne zgjedhje te mos ta ndikojne fitoren e saj bindese. Humbja e PD ka kohe qe shihet si humbja e te pashpreseve, sepse menyra e reagimit te PD nuk perfaqeson aspak nje entitet udheheqes, qe humb me dinjitet, qe meson prej humbjes dhe qe e kthen ate ne avantazhin e saj. Ajo vazhdon te humbe dhe te mos mesoje asgje prej humbjeve.

Keshtu PD kurre nuk ka per ta plotesuar dot, nevojen per ndryshim qe kaq qarte shfaq shoqeria shqipatare. Ajo ngelet parti shterpe dhe mediokre, referencat e udheheqjes te se ciles jane ato te falimentimit total dhe katastrofes se 97.

[Brari]

Leshtor... !

Ne se ke njerez ne Tiran..me siguri ke..e ne se i ke te brendeshem ne PS..pra qe i dine mire punet e PS-se pyeti e u thuaj... o Xhaxhi thomai ose Mihal ose Nazif..me tregoni sa afersisht Para harxhon realisht Ps per Votime..

Jam i bindur qe ata do thone..Nuk llogariten..aq e madhe eshte shifra..
Sigurisht nuk jane para djerse por para nga traret e doganave..nga Soroset ..nga Mafia e nga Nga thesari i Shtetit etj..

Ne se PD do ish forc e dobet Politike...e konsumuar etj..nuk ish nevoja per kaq harxhime..per ta mundur ate xhahilen PD.

Degjo Leshator..

E di ti kush e voton PD-ne?

Njerzit me me dinjitet ne Tirane votojne PD-ne.

Artistet me dinjitoze, shkencetaret me dinjitoze, profesoret me dinjitoze..familjet me dinjitoze..e te rinjte me dinjitoze..

Me disa perjashtime..ku hyjne ca socialiste qe per hir te burrerise qe nuk ju vjen mire te braktisin nje parti per te cilen punuan me nder nje jete te tere..dhe kur them Parti..kuptoj Shtetin ..ata votojne Ps-ne..e kusuri qe voton PS-ne..sorry jane pa dinjitet..

PS-ja nuk votohet se aty ka kulture..

Cfare Kulture ka ne Pabet ku bejne orgjira Soc-Freshistete Nepunsat Socialiste?

Cfare meson njeriu ne Ambjentet Socialiste??

He mo..ku vate Malua..e muarrte ate licencen e X e Y.. Po me tenderin e asaj cu be..ik o mu-ti mu-tit e thuaj Rakipit qe ta fitoc ti at tender..

Ja kshu muhabetesh behen..

A rrihet me Ndre Legisin?
E cmund te fitosh kulturesisht te rrish me Lir Meten apo Moniken..
E cmund te frymezohesh nga gogsimat Berxoll-Qepore-Alkohol-ore te Gojes se Nanos e Zullapve tjere Socialiste?

E cmund te ngjall aspirata Dritero Agolli qe mbeti nje krokodil stalinist me lekur dashi me lesh..

E cfare kenaqsie ka njeriu te rrij pran Edi Rames e te degjoje Vokabularin e tij Bathoras e Jevgor.

e cfare kenaqsie ka njeriu te rrije me veterane te PS-se..te cilet i bashkon jo ideali Komunist a Socialist por thjesht te qenit me duar te pergjakura ne te famshmet burgje te Spacit e ne te famshmet Batalione te Ndjekjes ku i vinin flaken kullave te "Reaksionit" e ne operacionet e Spastrim-Debimeve e Burgim-Internimeve e Pushkatim-Helmimeve qe u a kane bere njerzve me fisnik te Vendit.

Lexove Shkrimin per "komplotin e Teme Sejkos" ?

Lexo..

Aty tregon si Byroja organizoj Komplotin e deshen te caktojne gjeneral Hilmi Seitin te pranoje te behet artificialisht Kapo i Komplotit e nga qe ai , Hilmi Seiti , ish Heroi i Luftes Partizane nuk pranoi ate maskarade e thirri sekretari Pare ne Zyre dhe aty e helmuan me Kafe..

Kjo i bashkon Socialistet..e Kaluara e njollosur..kjo i bashkon Veteranet Dodbibas e Peciste..kjo i bashkon femijet e tyre ..e nipat freshiste..

Asnje Idael nuk keni pervec mbajtjes se Pushtetit me cdo menyre per arsye"biografie" dhe ngrenje-Pirje qyl.
Kjo eshte Partia Socialiste..

Do thuash ti qe PPSH ka ndertuar Hidrocentrale..

Kush i ndertoi?

Rita Marko me Ramiz Aline... Sofo Lazri me Nexhmine.. Hyso Kapo ..me Myftine??

Ata vetem kane vegjetuar brenda bllokut e jane rrethuar nje jete te tere mes Ushtareve Gardisto-Sulo Gradecash qe i zgjidhnin me kujdes nga familjet me koktrasha e injorante e Lej Feniste..

Bllok ne Vlore..Bllok ne Poradec..Bllok ne Uj te ftohte e bllok ne Durres..

Ne bblok luanin femijet e Bllokmeneve..

Aty luante Cuni Enverit e Cuni Beqirit..Cuni Hysniut e cuni Mehmetit..etj etj..dhe nje dizaj babai i ndonje cunit zhdukej ne burg a pushkatim..

Cmendonin valle kta Cuna?

Ku shkoj shoku ose shoqja..?

Duall armik u thosh Babai ne darke pran oxhakut..

Ata e forcuan zemren..U pergatiten te durojne qe ai cuni qe luante me te birin e ai Babai tije me te cilin ishin kaq vjet miq familjeje te vej ne Varr e i biri te vej ne burg a internim dhe asnje muskul i fytyres te mos tradhetoje ndonji ndjenje keq ardhjeje..

Kjo frume kanibalizmi duall nga Blloku dhe qelbi dhe Vilat perreth..
U mesuan te thone sot .. Shoku Kico si jemi me shendett..Nena mire u gdhi..femijet mire jane..e neser te Thone...Ti armiku i Partise ne Litar e ke vendin..

45 vjet ky moral e karakter u be Shkolle per gjithe Lagjen rreth Bllokut..dhe helmoi me vone tere Shqiperine..

Kjo eshte BAZAMENTI ku mbahet PS.

Te qenit te poshter e te paftyre e te pa njerzishem e te pabese me shokun e luftes e te Punes..te zyres e te gjahut e peshkimit ..eshte LLACI qe i lidh antaresine Socialiste grusht celiku rreth PS-se..
I poshter Gjyshi..i ndyre i jati..e rrufjan Nipi..Ky eshte Malli socialist.


Natyrisht duhet qe Opozite e Ketij Malli te gjindej nje Mall tjeter i Poshter i denje dhe i afte ne Poshtersi..qe ta mundi..
Ujkun nuk e mund dot Kaprollja me Delen..
Duhet Tigri e Pantera..
E ku ti gjeje Shqiperia keta Njerez?

Nuk ka e derisa nuk ka..Do sundojne PS-istet.

Ramiz Alia..harxhoi miljona duke blere "qimka" ose pergjues mikroskopike te cilat agjentura Zyloftaro-Pobrato-Kocollarse i instalonte ne cdo Shtepi te dyshuari si anti Parti..ne cdo Hotel e Restaurant e ne cdo Zyre ku punonte ndonji Liberal.

Pse ka PS shume votues ne Tirane..?

Sepse dhe rrjeti spiuno-Provokator ka qene i fuqishem ne Tirane..

Sigurimsat e Ali-Enverit ne cdo institucion kulturor artistik-Shkencor e ushtarako-Sportivo-Universitar kishin rekrutuar tre cerekun e njerzve e ata Sot..derisa te vdesin do votojne PS_ne sepse....ja kendojne ata ne rast kundershtimi..ate te kaluaren e turpshme e te dhimbsshme..

Nuk i hapim Dosjet thosh nje punonjes Arkivi ne Koh te Saliut..sepse behet tragjedi..
Sepse..thoshte ai ne Gazete..me qindra e mijra familje shkaterrohen sepse vllai ka spiunuar vllain.. burri Gruan e Halla Tezen..

E po kjo eshte Zotesi..do thote Dikush..qe te rekrutosh mijra spiune..

Po..kta spiune mos valle u bene Spiune per ideale Socialiste?

Joooo..

Socializmi Enverist ishte me i paftyri ne Lindje..

Ishte varferia dhe frika nga ajo qe ishte mbas Varferise..qe i bente aq vullnetare kte armate spiunesh athere e qe sot Votojne gjoja nga qejfi Ed Ramen apo Lefter Kokzen.

E votojme Edin se na beri rruge thone...

Ehhh..Le ti leme te thone ashtu se nuk na vjen mire tu themi se JU votoni Edin se Gjyshi Juaj ishte vegel..se halla juaj ishte pergjuese ..se Babi juaj u deturua te spiunoje shokun e Punes..
Prandaj Votohet Ed Rama e Gramoz Arkiv-Mbajtesi i agjentures..RUc e kompani..


Kur Saliu nxjerr Tak Ngjelen si Kandidat..ai nuk e mendon se automatikisht gjysa e Tiranes se re behen me Ed Ramen dhe pa e pas ne mendje ate pune me pare..

Pse?

Sepse Tak Ngjela u kujton atyre ato dite te pjerdhura kur ata shoket e Takut te Shkolles a Bllokut ..te Petro Ninit a fakultetit te gjithe ne Rresht ishin te detyruar te kontribojne ne Zyrat e Vjeljes se te dhenave..qe dhe ata te ndihmojne Partine me cka dine ata per Armikun Kico-Tak Ngjela..

Dhe ata dhjetra e qindra bashk Kohes te Takut shkuan e Raportuan cdo gje per Veprimtarine e rrezikshme te Armiqve..
E ata Shoket e Zyres mbajten Shenime...
Kjo ju a turbullon dhe sot atyre trurin..
E Tak Ngjela ka pas me qindra ne Historine e Bllokut dhe me mijra jane te vjelurit..e ata sot jane Gjysher e baballare e natyrisht ..bejne kujdes qe..te dashur nipa e mbesa...shkoni vullnetar te Cadra Edit se aty varet "Ideali" yne te keqen Gjyshi..
Ideali i Turpit..ja ky eshte ..ideali socialist..

Kjo eshte qe e mban te Forte PS-ne ne Tiran e kudo...deri ne "BLlokun" me te larget..te fshatrave me te thella ku operativi..perpunonte dit e nate spiune vullnetare..


PS e ka frike PD-ne..


Pikerisht frika qe te mos njollosen ne Publik nga ndonji gomarllek i PD--se ne se vjen ne Pushtet i ben socialistet te Votojne..edhe pa u shkuar kurre Nano ose Meta per Mitingje..

Pse e duan Klosin Socialistet me Shume se Nanon...?

Sepse Nano nuk ka vrare Armiq te rrezikshem sikurse Klosi qe ju a hoqi qafe Azemin e Tmershem..
E Nano dhe me Berishen ndoj here zbutet..e kjo eshte ajo cka nuk ja falin Socialistet Nanos dhe kur nje Socialist Shan Nanon..nuk e ka se Nano vjedh apo ka qeverisur keq...
Jo aspak..
Nji far Tolerance qe ai cfaq ndaj Armiqve..eshte gropa qe nje dite mund tja haje Koken Nanos..

Ja pse Nazarko qendis ate Shkrim me Larte..

Pra ai shpalos friken qe ka ARMATA SPIUNO-SOcialiste nga mos Egersia ne shkkallen maksimale te Nanos ndaj PD-se..

Mesazhi i Nazarkos eshte...

Kucedra Bolshevike..Gjinusho Terbaciote..Spiuno Legene Neritano Cekiste..Hajvane Liro Metiste e braho Brace iste..mblidhuni..e bashkohuni..!!!