Qeveria nxjerr planin per pronat, ish-pronaret protestojne

[Brari]

Le te formohet shoqata e pronareve te bregut te detit dhe le te perpilojne nje harte te sakte te breg detit dhe te fillojne te dokumentojne se ku i kishin pronat..se cfar u ndertua mbi ato prona .. se cfar u be me ato objekte dhe prona mbas 1945-ses deri ne 1990 dhe cfar u be kto vitet 1990-2004 me bregun e detit..

Kto pune duan solidaritet e jo "kush eshte i zoti".. o burra e dredh me blut e te kuqte dhe merr per vehte e tjeret bredhin dyerve te gjykatave..

Per mendimin tim.. bregu i detit te pakten 100-200 meter nga buza e ujit duhet te jete pron e Shtetit.

Bregu i detit duhet te behet vend pushimi natyror per te gjithe Shqiptaret ku sejcili te kete te drejte te vendos nje cader e te shullehet ne diell ose hije me shoqerine ose familjen pa pasur frike se i vjen nje djal me kallash ose me papion kamarieri e ti thot ..Paguaj ne se do rrish ketu..

Pra krejt Bregdeti te jete PRONE E POPULLIT SOT E MOT..

Ne vende te caktuara ne nje largesi nga Bregu ku nuk pengohet populli ne te drejten per te pushuar ne breg det..tu jepet ish pronareve te ligjshem truall ne nje siparfaqe te arsyeshme qe ata te zhvillojne bizneset e veta turistike..

Ne kte ceshtje tu jepet perparesi atyre pronareve qe ndertuan ne breg det qe ne koh te Zogut e me vone Vila e pushimore qe u bene berthama e plazheve tona e qe sidomos qe nuk demtuan natyren..

Pastaj krejt atyre qe kan zaptuar Bregdetin ne vitet Ramizo-Nano-Mekso-Berishiane me letra fallco e me miqesira e korrupsion tu shtetezohen krejt cka kan ndertuar ne kto 15 vite.. e sidomos atyre qe perfituan nga politika..pra sorrollopi i ministrave e kryetareve te bashkive qofshin keta demo krate e Socialiste..e zagaret e tyre..

Tu shtetzohen hotel-bordel-restaurantet krejt Skafisteve, tutoreve e kryebanditeve te te gjitha llojeve..


Ti lejohet Vile ne breg det disa figurave Kombetare me peshe sikurse KADARE e ndoj Mjek i shquar..e ndoj akademiku plak..

qashtu..

[Albo]

“134 952 ha tokë bujqësore dhe 8692 ha tokë të pafrutshme e pyjore në zonë turistike”. Ish-pronarët: Është tokë e pavlerë

Qeveria: Ja toka e lirë për ish-pronarët

Darina Tanushi

TIRANË – Toka bujqësore e lirë në Shqipëri që mund të përdoret për kompensim sipas studimit të Komitetit Shtetëror të Kthimit dhe Kompensimit të pronave është në një sipërfaqje prej 134 952 ha. Nga kjo vetëm 4025 ha janë tokë bujqësore në zonën turistike. Por sipas kreut të këtij komiteti, Sokrat Sina, një rezervë e konsiderueshme për kompensimin fizik janë dhe tokat e pafrutshme, pyjet dhe kullotat në zonat turistike. Kështu përveç 130 567 ha tokë bujqësore të lirë sipas Sinës, për kompensim mund të përdoren edhe 4025 ha tokë bujqësore në zonën turistike, 3300 ha tokë e pafrutshme në zonë turistike, 5392 ha tokë pyjore në zonën turistike, që në total bëjnë 12717 ha tokë si dhe 71787 ha pyll dhe 22483 ha kullota po në zonat turistike. Shifrat u bënë dje të njohuar për publikun në Komitetin e Politikave Ekonomike sipas një studimi të Komitetit të Kthimit dhe Kompensimit të Pronave.

Ish-pronarët
Me të mbaruar fjalën shpjeguese, kreu i Komisionit të Kthimit të Pronave, sekretari i përgjithshëm i shoqatës “Pronësi me Drejtësi”, Agim Toro, është ngritur menjëherë dhe ka thënë se sipërfaqja prej 134 952 ha vërtet është e lirë, por ajo është e pafrutshme dhe e pavlerë dhe si pasojë nuk mund të përdoret për kompensimin e ish-pronarëve. Nga ana e tij, Toro pretendon se vetëm 1% e tokës bujqësore është e lirë dhe e vlefshme për kompensim ndërsa sipërfaqjet e deklaruara nga strukturat e qeverisë janë shpallur nga Ministria e Bujqësisë si të veçuara, pasi nuk kishin vlerë. Sipas tij, shifra prej 134 592 ha nuk mund të përdoret për të bërë kompensim real të pronave. Nga ana tjetër, Sina u shpreh dje pasdite për “Shekullin” se ky fakt nuk qëndron dhe të dhënat e studimit të tij janë shkencore.

Trojet
Pra gjithsej, sipas këtij studimi dhe një llogaritje të thjeshtë del se pretendimet e pronarëve deri më sot, të jenë për 124 105 ha tokë, ndërkohë që sipas tyre rezultojnë të lira 134 592 ha, për të cilën shoqata “Pronësi me Drejtësi” shprehet se është tokë e pavlefshme për kompensim. Ndërkaq gjatë paraqitjes së shifrave që kanë rezultuar në fund të studimit për evidentimin e tokave të lira, në zonat brenda vijave të verdha, pra tokë realisht e pëlqyeshme nga ish-pronarët rezulton të jetë 4337 ha troje të lira, nga të cilat 293 ha në zonat turistike. Sipas këtij studimi, që ka përfunduar para pak ditësh, që prej vitit 1991 nga ish-sektori kooperativist janë dhënë në pronësi 440778 ha tokë bujqësore dhe nga ish-sektori shtetëror 117932 ha me një total prej 558710 ha. Rezultojnë të lira, thuhet në raportimin që bën Sina, 107762 ha nga ish-sektori kooperativist dhe 26830 ha nga ish-sektori shtetëror. Nga këto në zonën turistike 870 ha nga ish-sektori kooperativist dhe 3155 ha nga ish-sektori shtetëror me një total prej 4025 ha tokë që janë turistike. Ndërkohë janë evidentuar toka të pafrutshme 187295 ha nga të cilat në zonën turistike 3300 ha, toka pyjore 78 753 ha nga të cilat në zonën turistike 5392 ha, pyje 1 036 902 ha, nga të cilat në zonën turistike 71787 ha dhe kullota 395763 ha, nga të cilat në zonë turistike 22483 ha. Përfundimisht në zonën turistike janë evidentuar të lira 12717 ha tokë, ku futet tokë bujqësore, tokë e pafrutshme dhe pyjore, 71787 ha pyll dhe 22483 ha kullotë, rezervë kjo, sipas Sinës, e konsiderueshme për kompensimin e tokës bujqësore apo kthimin e pyjeve dhe kullotave. Mirëpo për këtë ka pretendime nga ish-pronarët, të cilët mendojnë se kjo nuk është sipërfaqja e duhur për të bërë këtë kompensim, pasi nuk është e frutshme.

Pretendimet
Sipas Sinës, nga verifikimi i dosjeve të trajtuara të ish-pronarëve deri në fund të dhjetorit të vitit që kaloi ka patur pretendime për 12195 ha truall nga të cilat janë kthyer 4188 ha, janë kompensuar me troje në vende të tjera 2538 ha dhe me letra me vlerë 2628 ha. Ndërkohë që mbeten pa u kthyer dhe kompensuar edhe 2840 ha troje. Për tokën bujqësore, pretendimet kanë qenë 51408 ha, nga të cilat janë kompensuar me troje 18109 ha dhe letra me vlerë 18434 ha, ndërkohë që mbeten për t’u kthyer edhe 14 865 ha. Për pyje, pretendimet janë për 34254 ha, prej tyre 18523 ha janë kthyer dhe pjesa tjetër është kompensuar me troje 2245 ha dhe letra me vlerë 277 ha. Për kullotat, pretendimet janë për 48719 ha, nga të cilat janë kthyer 44456 ha, kompensuar 468 ha në troje dhe 500 ha në letër me vlerë. Nga dosjet e depozituara por të patrajtuara rezulton se deri tani ka pretendime për tokë bujqësore 67155 ha, për pyje 25540 ha, për kullota 29200 ha dhe për troje 2210 ha. Sipas Sinës del se pretendimet për pronësi janë më të mëdha se pronësia para çlirimit dhe sipas tij, kjo ka ardhur si rezultat i vendimeve të pabazuara ligjërisht të njohjes së pronësisë nga Komiteti i Kthimit të Pronave dhe sidomos nga gjykatat.


TIRANË – Komiteti Shtetëror i Kthimit dhe Kompensimit të Pronave i ka sugjeruar dje, qeverisë që për përllogaritjen e vlerës së kompensimit monetar të tokave të merren parasysh katër pika reference. Kështu, sipas këtyre propozimeve, drejtuesit e grupit të punës thonë që përcaktimi i vlerës të bëhet sipas vlerës së tregut, është propozimi i parë, sugjerimi i dytë thotë që përllogaritja e vlerës të bëhet bazuar në cilësinë e brendshme të tokës, propozimi i tretë konsiston në kapitalizimin e të ardhurave neto, pra sa të ardhura sjell ajo tokë, dhe e fundit, sipas ankandit direkt. Këto janë vetëm disa sugjerime të Komitetit Shtetëror të Kthimit dhe Kompensimit të Pronave, ndërkohë që ajo që është sugjeruar më parë konsiston në gjetjen e një rruge të mesme, midis vlerës së tregut aktualisht dhe vlerës së tokës në vitin 1945. Ndërkohë për këtë çështje ka patur dhe ka ende mendime të ndryshme nga komisionet parlamentare të Kuvendit, të cilat janë duke shqyrtuar projektligjin për kthimin e kompensimin e tokave. Llogaritja sipas vlerës aktuale të tregut është më e kërkuara nga ish-pronarët, por një gjë e tillë, sipas ekspertëve është e papërballueshme për shtetin. Prandaj edhe në mbledhjen e djeshme, vetë kryeministri ka kërkuar që në pjesën më të madhe ky kompensim të jetë fizik dhe jo në vlerë monetare. Si referencë e pronës, ka sugjeruar Sina duhet të merret gjendja e saj në vitin 2003 për shkak se prona, sidomos sipërfaqet bujqësore të vitit 1945 kur është edhe momenti i shpronësimit është e vështirë të llogaritet me vlerën e saj.

[Albo]

Kompensimi fizik në masën 70-80 % do të lehtësonte buxhetin e shtetit nga kompensimi financiar

Nano: Pronat, kompensim fizik në masën 70-80%

A. Rama

TIRANE - Qeveria shqiptare kërkon të realizojë kompensimin fizik të ish -pronarëve në masën 70-80 për qind. Kryeministri Fatos Nano ka deklaruar dje në mbledhjen e Komitetit Ndërministror për Politikat Ekonomike se kompensimi fizik kishte më shumë mundësi për t’u konkretizuar duke ulur kompensimin financiar nga buxheti i shtetit dhe procedurat e zgjatura të tij. Ai kërkoi nga specialistët e Komisionit Shtetëror të Kthimit dhe Kompensimit të Pronave që janë marrë me hartimin, të bënin përllogaritjet e duhura për tokat që do të përdoren për kompensim, duke u bazuar në kërkesat që kanë depozituar ish -pronarët pranë organeve përkatëse. “Do të ishte mirë që kompensimi fizik të realizohej në masën 70-80 për qind të kërkesave që kanë pronarët për pronat. Kjo do të shmangte edhe ngarkesën e buxhetit të shtetit për realizimin e kompensimit në lekë”, -tha Nano. Ndërkaq sipas draftit të ri për kthimin dhe kompensimin e pronave që është duke u hartuar në komisionet parlamentare, qeveria duhet të përcaktojë në buxhetin e shtetit si zë më vete, një fond të posaçëm për kompensimin në lekë të subjekteve të shpronësuar gjatë viteve të diktaturës komuniste. Por shuma e madhe që kërkohet për të kompensuar në lekë ish-pronarët duket se është e papërballueshme nga qeveria, edhe pse afati për të realizuar përfundimisht këtë proces është përcaktuar viti 2015. Kreu i qeverisë sqaroi se “vlerësimi i sipërfaqeve të lira shtetërore të tokës bujqësore, livadheve, pyjeve dhe kullotave është bërë duke marrë në konsideratë sipërfaqen e tokës të ndarë me ligjin 7501 për tokën bujqësore dhe pyjeve e kullotave të kthyera dhe të kompensuara me ligjin 7699, si dhe informacionet për vendndodhjen e sipërfaqeve të lira, numrin e pronarëve dhe sipërfaqet e tokës përkatëse të trajtuara nga komisionet e kthimit dhe kompensimit të pronave”.
Sipas Nanos, i gjithë procesi i kthimit dhe kompensimit të pronave që do të fillojë pas hyrjes në fuqi të ligjit të ri, do të vazhdojë t’i referohet deri në fund filozofisë së ekuilibreve që korrigjojnë padrejtësitë nga veprime dhe qëndrime të ndryshme në periudha të ndryshme historike ndaj pronës private. Nano tha se rregullimi i problemeve të pronësisë do t’i jepte fund lojës politike dhe abuzimeve shoqërore që janë bërë herë pas here. Për këtë ai tha se qeveria shqiptare dhe strukturat e posaçme që do të merren me këtë problem do t’u referohen përvojës së vendeve të ndryshme të Europës Lindore, të cilat kanë mbyllur procesin e kthimit dhe kompensimit të pronave të paluajtshme.

[Albo]

Berisha: Qeveria dhunoi ligjin e pronave, PD kundër

N. Perndoj

TIRANE - Partia Demokratike ndryshon qëndrim ndaj projektligjit për pronat, pasi sipas kryetarit Berisha ai është ndryshuar tërësisht nga qeveria. Dje lideri i opozitës, Sali Berisha ka deklaruar se grupi parlamentar i PD-së nuk do të mbështesë projektligjin e OSBE-së të tjetërsuar në zyrat e Kryeministrisë. Sipas kryetarit të demokratëve, ky projektdraft është ndryshuar krejtësisht nga qeveria. “Projektligji është dhunuar në zyrat e Kryeministrisë. Nuk është më ai, që ka dalë nga OSBE dhe natyrisht që ne nuk mund të pranojmë variantin e qeverisë”, -tha Berisha, i cili nuk ka komentuar më tej arsyet duke u shprehur se, gjithçka do të qartësohet për mediat ditët në vazhdim. Për deklaratën e kryetarit të demokratëve nuk ishin në dijeni asnjë prej zyrtarëve të lartë të selisë blu duke mos pranuar kështu që të jepnin sqarime për pretendimin në fjalë. Deri para pak ditësh, anëtarët e opozitës në komisionet përkatëse kanë pranuar në parim projektligjin për pronat. I vetmi kontestim është shfaqur nga kryetari i komisionit të Bujqësisë, Jemin Gjana, i cili para pak ditësh u shpreh se ky komision nuk mori parasysh asnjë prej propozimeve, që bëri grupi parlamentar i PD-së. Deklarata e djeshme e liderit të opozitës, Berisha paralajmëron edhe votën kundër të grupit parlamentar demokrat ndaj projektligjit për pronat që pritet të miratohet së shpejti në seancë plenare.