Arrestohet vrasesi i shoferit te Kryeprokurorit

[ALBA]

E mo Brar,kot nuk e kan emrin mafjoz,gjithashtu dhe hetusia e policia ka njerzit e mafjozve, qe punojn per mafjozet e per mos te zbuluar keto krime,si neper filma.Shqiperi ben mire te therasi operator e artiste nga hollivudi,dhe ti realizoje keto ngjarje ,neper filma Amerikan,do kishin shume sukses,dhe te pakten me ato pare te zhduknin keta plehra nga faqja e dheut,se lan name duke marre jete njerzish ,e duke kthyer Shqiperin ne nje Siceli te dyte.

pershendetje nga Alba

[Fringo]

Prandaj duhet te behte dhe ne Shqiperi nje si second amendement ku secili te kete arme, te ligjshme.
Vetem ajo do e vere rendin, dhe do e beje dhe shtetin te mendohet para se te ta hipi ashu sic di vete (lol)\
Braro, ti me verte mendon se kane nevoje ti vrasin shoferin Sollakut ata?
Mendon se s'e kane ne xhep?
Ngaqe e dini qe do vidhnin, nuk ta merr mendja se i pari qe do zgjidhnin besnik do ishte kryetari i prokurorise?
Tashi na e nxorre SOllakun trim qe gjoja u paska perplasur deren ne fytyre mafjozeve.
Braro, ti e di shume mire, qe atyre nuk u dhimbset njeri, ata ja kishin bo grune e gocen shoshe, se atyre nje here u thuhet JO.

[kundraRRYMES]

Braro...ideja e mos pasjes arme eshte nga idete me fantastike por nderkohe dhe me me risk.

Gjate nje studimi qe po behej ne angli per pasjen apo jo arme te policise( ne angli asnje oficer policie nuk ka arme, perjashta ketu Dedektivet) u arrit ne konkluzionin qe pasja arme nga ana e policise nuk ul aspak krimin, dhe nuk e parandalon aspak ate. Perkundrazi i ben oficeret e policise dhe policat normale me nervoze, dhe shume me teper "mefshte" kur ata mbartin arme me vete. Eshte e vertete qe arme duhet te mbajne trup-rojet e personaliteteve kur them personaliteteve kam parasysh kryeminister/president.

Pasja arme dhe demostrimi i armeve nga ana e policise ka efekt negativ tek popullsia, e sidomos tek femijet te cilet rriten me idene se "ARMA TE MBRON", dhe ndikon ne frymezimin e tyre me "kulturen e armeve".

Qe oficeret dhe policet mos te kene arme , do te thote qe policia te jete ne nivelin maksimal, me te cilen une nuk nenkuptoj nje polici te shkolluar, por nje POLICI QE ZBATON VETEM LIGJIN, dhe e RESPEKTUAR.
Shume veta besoj se do te pergjigjen duke thene, "cfare jane keto idiotsira". E vertete se per mentalitetin tone kjo eshte mjaft e pa pranueshme, por ama mendoni per nje cast sikur efektiviteti i zbulimit te krimeve te rritej ne nje mase te madhe, dhe ku "krimineli" ta kete te sigurte qe nuk do ti shpetoje policise, dhe kur POPULLI eshte i teri ne krah te policise, atehere ju siguroj qe cdo gje do te jete me ndryshe.
Shembull kemi Italine nje shtet demokratik, por kur kriminaliteti eshte nje problem shqetesues. Pasja apo jo arme e policise, guardia di financa, carabinieri, etj,,, nuk kane cuar aspak ne uljen e kriminalistikes, por perkundrazi e kane cuar ate ne nje prefeksionim.

Por ne shqiperi besoj se problem tani nuk eshte aspak policia, por ata qe drejtojne policine, eshte komplet ajo shtrese e inkriminuar e politikes, qe eshte bere mjaft e fuqishme ekonmikisht, dhe momentalisht e pasfidueshme, per te mos thene se veshtire se do te sfidohet ndonjehere. Kjo ka ardhur si rezultat i jo zbatimit te ligjit , dhe me kalimin e lumit pa u lagur, ose duke tu lagur vetem maja e kepuces( si ne rastin mesiper te pronave te VEFAS). Problemi erdhi qe ne 1991-1997 kur ish udheheqesit e PPSH u lane te lire tu merrnin me aktivitet ekonomik, politik dhe u denuan per "kallama peshku" e "kafe", e sot e kesaj dite vervisin tere vendin si tu doje "palla". Problemi lindi qekur mos-zbatimi i ligjit u ngaterrua me tolerancen demokratike, dhe qekur GRAMOZ SIGURIMSI u la i lire, bashke me mijte e shkolles se partise, dhe sot e kesaj dite jane bere kryetare parlamenti, e kryetare partie. Problemi erdhi qekur ne 1997 u lane "kondrabandistat-e vlores" te merrnin ne dore pushtetin, dhe te toleroheshin deri ne masen qe te vrisnin ne TV oficeret e policise, apo ish oficeret e SHIK. Keto kane qene problemet qe nuk u zgjidhen , dhe qe duhet te ishin zgjidhur, ne menyre qe sot mos te kishim paralamentare mafioze, kryetare partie kumbare, dhe bij komunistash grabites.

Mafia shqiptare eshte ne pushtet- politik dhe ekonomik. Nese nuk i pritet rruge shpejt , do te endemi tere jeten si kolumbia

[reporter]

Nuk e mbaj mend mire emrin e nje publicisti tonin qe para ca kohesh kishte shkruar :"C'pret nga nje popull qe e ben shurren aty ku e ze?!"

Ndersa Fatos Baxhaku nje shkrim sa per te kaluar radhen nje jave me pare e pati filluar me prozen e nje autori te percartur te kohes se Zogut ku ai pak a shume shprehej se "nuk i besojme qeverise, nuk i besojme politikaneve, nuk i besojme vellait e madje as zotit". Baxhaku perseriste per te njemijten here ate qe qe e shohim shpesh ne faqet e gazetave, domethene se fjalet e vjetra vlejne edhe per sot kur behet fjale per pesimizmin ndaj qeverise apo politikaneve.

Medet!!!!!!!!!

Per sa kohe mendime te tilla mesjetare jane ulur kembekryq ne mentalitetin tone, ne do te vazhdojme te qeshim hidhur me veten tone me shume se sa te huajt me ne.

Une nuk e di nese ndonje gazete suedeze shkroi se ministren Lind e vrau dora e mafias, se krimi dhe mafia po fiton ndaj shtetit ne kete vend apo se vrasja ishte nje mesazh mafioz kunder levizjes proeuropiane. ndersa vrasja e nje shoferi ne Tirane, aq me teper pas nje sherri me nje te ri te armatosur si shumica jone, dhe aq me teper akoma ne sy te te dashures se ketij te fundit, na eshte patjeter nje krim i qellimshem mafioz.

Ne qoshet e Anglise mund te shohesh mijera djem e vajza qe trecerekun e dites e kalojne rrugeve, te cilet jo vetem qe bejne shume gjera aty ku i vjen per mbare, pa harruar vandalizmat e njohura. Dhe ne Angli, sikurse tha dhe Kundrarryma, shumica e policeve nuk mbajne arme.

[Albo]

Shefat e Antimafias italiane Vinja dhe Mandoi mbështesin Sollakun në luftën kundër krimit

Vrasja e shoferit, kërcënim Sollakut

Antimafia italiane: "Atentati i pashembullt, paralajmërim për kryeprokurorin"

Ened Janina

TIRANË - Krerët e antimafias italiane e konsiderojnë vrasjen e Genci Sinës, shoferit të familjes së Prokurorit të Përgjithshëm si një atentat ndaj Theodhori Sollakut. Me anë të një letre, Prokurori Kombëtar i Antimafias Italiane, Pierluigi Vinja dhe zëvendësi i tij, Francesko Mandoi, e kanë cilësuar atentatin si pasojë e punës së mirë të kryer nga prokuroria shqiptare kohët e fundit. Ata i kanë shprehur Sollakut dëshirën e tyre të mirë për të ndihmuar në zbardhjen e vrasjes si dhe në forcimin e bashkëpunimit ndërmjet dy vendeve. Ndërkohë Vinja e Mandoi kanë ngushëlluar edhe familjen e të ndjerit Genci Sina, i cili u vra në krye të detyrës teksa po lëvizte me makinë së bashku me familjen e shefit të tij. Lajmi është pohuar zyrtarisht dje nga zëdhënësja e Prokurorisë së Përgjithshme, Eva Londo. Sipas saj, Prokurori i Përgjithshëm ka marrë, gjithashtu, mbështetjen edhe të partnerëve amerikanë, zvicerianë dhe anglezë, për të luftuar dhe goditur krimin në të gjitha format e shfaqjes së tij. Dy krerët e antimafias italiane Pierluigi Vinja dhe Francesko Mandoi sapo kanë marrë vesh atentatin që iu bë makinës ku udhëtonte gruaja dhe vajza e Theodhori Sollakut i kanë shprehur ngushëllimet e tyre. Ndërkohë dje dy drejtuesit më të lartë të antimafias në Itali i kanë dërguar një letër zyrtare kreut të organit shqiptar të akuzës. “Atentati i pashembullt që i është bërë shoferit tuaj mund të jetë një paralajmërim kërcënues për të gjithë Prokurorinë e Përgjithshme të Shqipërisë – dhe të personit tuaj në veçanti – për sa keni bërë dhe po bëni për të frenuar përhapjen e kriminalitetit të organizuar dhe të çfarëdolloj forme të kushtëzimit të strukturave shtetërore, me qëllim për të ndihmuar në zhvillimin e demokracisë, civilizimit dhe ekonomisë së Shqipërisë”,- thuhej në letrën e dërguar dje nga Vinja e Mandoi. Ndërkohë “miqtë” nga Italia i konfirmuan Theodhori Sollakut dispozicionin e drejtorisë që ata drejtojnë për çdo formë bashkëpunimi që ka për qëllim identifikimin e autorëve të këtij akti kriminal dhe të pacilësueshëm. Ndërkohë në letrën e tij Mandoi shpreh sigurinë se prokuroria nuk do të stepet nga ai person, i cili me ultësi përpiqet të vazhdojë aktivitetin e tij kriminal dhe të përfitojë nga çdo rrethanë e favorshme për të zgjeruar përfitimin e tij nga ky aktivitet. Vinja dhe Mandoi shprehin mbështetjen në hetimet që po bëhen për identifikimin e autorëve të këtij akti kriminal dhe sigurojnë për vazhdimin e bashkëpunimit mes dy institucioneve. Ata i përcjellin ngushëllimet e tyre të përzemërta familjarëve të viktimës, i cili mbeti i vrarë në krye të detyrës. Dy krerët e antimafias italiane, të cilët kanë një eksperiencë të gjatë në luftën kundër krimit të organizuar, pasi kanë shqyrtuar me imtësi atentatin e dhjetë ditëve më parë kanë dalë në konkluzionin se ai kishte të bënte me Prokurorinë e përgjithshme. Ata kanë një eksperiencë të gjatë në atentate të tilla ku kanë mbetur të vrarë si prokurorë ashtu edhe gjyqtarë. Ndërkohë sipas zëdhënëses Eva Londo, Sollaku ka marrë edhe ngushëllimet e partnerëve zvicerianë, anglezë dhe amerikanë. Ata kanë vlerësuar punën e bërë nga prokuroria shqiptare në luftën kundër krimit të organizuar dhe i kanë shprehur gatishmërinë e tyre kreut të akuzës shqiptare për ta ndihmuar në luftën kundër krimit të organizuar në Shqipëri.


Masa mbrojtëse për prokurorët

TIRANË - Menjëherë pas vrasjes së shoferit të familjes së kryeprokurorit Theodhori Sollaku erdhi edhe masa e parë mbrojtëse nga ana e organit të akuzës. Rreth një muaj e gjysmë më parë, prokuroria kishte marrë si dhuratë nga kolegët italianë dhjetë makina të blinduar të tipit “Fiat Croma”. Këto makina ndodheshin në prokurori dhe ende nuk ishin ndarë. U desh atentati ndaj Sinës që prokurorët të ndienin rrezikun e vërtetë që vinte nga elementët kriminalë dhe të kujtoheshin për makinat e blinduara që ndodheshin në garazhe. Menjëherë prokuroria ka nxjerrë makinat që më parë përdoreshin nga hetuesit italianë dhe i ka shpërndarë tek prokurorët më të rrezikuar. Të gjithë ata prokurorë që kishin në dorë çështje të rëndësishme dhe të rrezikshme u pajisën me makinat e blinduara. Makinat konsiderohen si tepër efektive pasi janë të shpejta dhe mund të durojnë dhjetëra plumba. Ato kanë probleme me plumbat blindëshpues të kallashnikovëve ose me artilerinë e rëndi si kundratanket, të cilat e shkatërrojnë “mburojën” e blinduar. Ndërkohë kur makina është në lëvizje mund të durojë goditje nga më të ndryshmet.


Akti i parë kundër elementëve kriminale

TIRANË - Vetëm gjashtë ditë pas atentatit që iu bë shoferit Sina, Sollaku morri një masë parandaluese për të ulur kriminalitetin në vend. Në kompetencat e kreut të akuzës shqiptare është edhe hartimi i politikave kundër kriminalitetit në përgjithësi. Duke qënë se kohët e fundit janë shtuar shumë vrasjet kreu i akuzës nxorri një urdhëresë të brendshme që i kërkon të gjithë vartësve të tij të kërkojnë dënime maksimale për personat që kapen me armë pa leje. Kryeprokurori Sollaku synon nëpërmjet këtij urdhri që të gjithë prokurorët të cilët do të paraqesin pretencat para gjykatës të kërkojnë dënimin maksimal të parashikuar nga neni 278/2 i Kodit Penal Shqiptar. Në bazë të këtij neni parashikohet dënimi nga gjobë deri në 7 vjet heqje lirie. Por një përmirësim që i është bërë këtij neni me ligjin 8733 datë 24.01.2001, ku thuhet se nëse “vepra penale kryhet në sasira të mëdha në bashkëpunim më shumë se një herë ose me pasoja të rënda dënohet me burgim nga pesë deri në 15 vjet”, është rritur masa e dënimit për elementët kriminalë. Urdhri synon që të parandalojë në mënyrë të ndjeshme dhënien e vendimeve të buta nga gjykata, e cila në pjesën dërmuese të rasteve shfrytëzon më së miri dhe pretencat e buta që japin prokurorët. Po ashtu nëpërmjet këtij urdhri, synohet që të parandalohet në maksimum lëvizja e qytetarëve apo dhe e elementëve kriminalë me armë në ambiente publike, në zonat e populluara të qendrave të banuara apo dhe në automjetet që lëvizin në akset kryesore rrugore.

[Albo]

Arrestohet në Bruksel i dyshuari kryesor për vrasjen e shoferit familjar të kryeprokurorit Sollaku

Shoferi i Sollakut, arrestohet vrasësi

Arrestohet në mbrëmje një punonjëse e Ministrisë së Jashtme. Dyshohet të jetë shoqëruesja e vrasësit

Ened Janina

TIRANË - Një anëtar i organizatës “Hakmarrja për Drejtësi”, i dyshuari kryesor si ekzekutor i shoferit të kryeprokurorit Sollaku është arrestuar dje në Bruksel, por ka dilema mbi identitetin e tij. Gjatë gjithë ditës së djeshme burime të ndryshme zyrtare thanë se i arrestuari është Orik Shyti, kreu i bandës, djali i ish-zyrtarit të lartë të rregjimit të Enver Hoxhës, Aredin Shyti. Oriku mendohet se e krijoi bandën e akuzuar tashmë për dhjetëra krime bashkë me vallanë e tij Laert, pas arrestimit të të atit. Por në mbrëmjen e djeshme, pas disa telefonatave me Brukselin, prokuroria shqiptare nuk ishte më e sigurtë nëse i arrestuari ishte kreu i bandës. Mendohet se në pranga ka rënë një tjetër anëtar i rëndësishëm i bandës me lidhje familjare me familjen Shyti. Bëhet fjalë për Altin Arapin. Është i sigurt vetëm motivi i arrestimit, pra i kapuri akuzohet për vrasjen e Genci Sinës, shoferit të familjes Sollaku. Provat për vrasësin përputhen plotësisht, por askush në prokurori, përfshi dhe krerët më të lartë të saj, nuk ishte mbrëmë i sigurtë nëse i arrestuari është Orik Shyti apo kushëriri i tij Altin Arapi. Burime nga Interpoli shtuan gjithashtu se janë marrë disa fotografi të të arrestuarit nga Belgjika dhe po bëhen krahasime.
Në orët e para të ditës, u njoftua se në Belgjikë u arrestua Orik Shyti, kreu i organizatës “Hakmarrja për Drejtësi” dhe personi që mendohet se ka vrarë në shenjë kërcënimi shoferin e kryeprokurorit Theodhori Sollaku. Sipas të njëjtave burime, arrestimi është bërë në orët e para të ditës së djeshme nga policia vendase në bashkëpunim me shërbimin sekret shqiptar dhe agjentë të huaj. Prej disa ditësh policia kishte zbuluar vendin se ku fshihej personi i akuzuar.
Prokuroria ka konfirmuar se verifikimi i gjurmëve të gishtërinjve ka treguar se ai është njeriu që ka qëlluar mbi Genci Sinën, shoferin e kryeprokurorit Sollaku. Ndërkohë i arrestuari dyshohet se ka kryer disa vepra penale edhe në shtetin belg. Sipas burimeve zyrtare, i arrestuari ishte identifikuar si vrasësi i Genci Sinës vetëm dy ditë pas ngjarjes së rëndë. Kjo vrasje dyshohet se ishte një paralajmërim për kryeprokuorirn Sollaku, pas rihapjes së hetimeve për organizatën “Hakmarrja për Drejtësi”.
Pas 1553 ditësh gjykim Artur Gaxhi vendosi pushimin e çështjes për 11 pjesëtarët e organizatës “Hakmarrja për Drejtësi” dhe shpalljen e tyre të pafajshëm për mungesë provash. Prokuroria kishte kërkuar rihetimin e çështjes ndërsa mbrojtja pafajësi. Po atë ditë kryeprokurori Sollaku i kërkoi prokurorëve të çështjes që të mos e linin pas dore këtë dosje dhe të kërkonin në Gjykatën e Apelit rihetim. Ai u ka thënë dy prokurorëve të çështjes se edhe në rast se gjykata nuk e miraton rihetimin të fillonin një procedim të ri penal në ngarkim të të pandehurve Orik Shyti, Altin Arapi, Leart Shyti, Nikolin Novruzi, Gentian Caka, Roland Shyti, Kreshnik Spahiu, Dritan Hate, Pasho Novruzi, Gezim Gjoni. Ky veprim i prokurorisë ka shkaktuar reagimin e organizatës, e cila sipas organit te akuzës ka vrarë për kërcënim në sy të gruas dhe vajzës së Sollakut, shoferin e tyre personal.
Policia dhe prokuroria kanë deklaruar se e kanë identifikuar në mënyrë operative vrasësin e Genci Sinës, vetëm dy ditë pas vrasjes, megjithëse versioni i parë zyrtar ishte që Genci Sina është vrarë për motive banale pas një sherri të rastësishëm. Nga ana tjetër, hetuesit kanë punuar në mënyrë intensive për të grumbulluar prova që tregonin fajësinë e të dyshuarit kryesor, Orik Shytit. Gjatë ditës së djeshme, burimet e prokurorisë njoftuan edhe itinerarin e vrasësit, gjithmonë duke përmendur emrin e Orik Shytit. Sipas tyre pas egzekutimit, vrasësi ishte larguar në drejtim të Maqedonisë e më pas ka udhëtuar drejt Brukselit. Tashmë i arrestuari ndodhet në një burg të Brukselit në pritje të ekstradimit në drejtim të Shqipërisë. Por vetëm sot do të merret vesh saktë nëse ai është Orik Shyti apo Altin Arapi.

[BOKE]

Arrestohet 27-vjeçarja, akuzohet si bashkëpunëtore në vrasjen e Genci Sinës


TIRANE (31 Tetor) - Policia e kryeqytetit arrestoi shtetasen 27-vjeçare Imelda Tasa, e akuzuar si bashkëpunëtore në vrasjen e ish-shoferit të kryeprokurorit Theodhori Sollaku. Burime zyrtare pranë Drejtorisë së Policisë së Tiranës, bënë të ditur se, efektivat e komisariatit nr.2 arrestuan mbrëmjen e së enjtes shtetasen Imelda Dhimitraq Tasa, 27 vjeçe, lindur dhe banuese në Tiranë, me punë inspektore në Ministrinë e Punëve të Jashtme. Burimet saktësojnë më tej se, ndalimi i saj u bë për arye se kjo shtetase në bashkëpunim me shtetasin Altin Arapi, kanë kryer vrasjen e shtetasit Genci Ferat Sina, ish-shofer i kryeprokurorit Sollaku më 29 Shtator të këtij viti. dxh/dxh (BalkanWeb

[Hek]

Jo vetem aq. Pjesa e dyte e kesaj historie, qofte edhe ne medja, ajo e shfajesimit te krimineleve, eshte pjesa me e turpshme dhe e frikesheme edhe se sa e para. Ajo po i ngjan nje teatri te vjeter, atij te Arturo Wi-se. Ju kujtohet skena e djegjes se magazeve te zotit Huk? Te gjithe i kishin pare se si u be djegja, dhe ne momentin qe u fol se ne pame disa magaze: njerezit e Artoro Wise-se (lexo shtypi shqiptar dhe avokatet e Altin Arapit) bertisinin me force: Kush i pa, Kush i pa. Nen britmat e tyre askush nuk kishte pare gje.
Cilat jane ato medja qe jane te interesuara te paraqesin justifikimet e nje avokati? Cili avokat ne bote nuk ka pese fjale apo lojra fjalesh per te mbrojtur viktimen e tij?. Dhe askush nuk po shkruan ne faqet e para te gazetave per dhimbjen e familjeve te viktimave te vrara.
Ka nje ligj qe eshte universal qe nga koha e Moisiut: nuk ka absolutisht asnnje justifikim per krimin, qofte edhe kur ai eshte per motive te dobeta. Vrasja e Sines, edhe sikur te kete qene puna ashtu sic manipulon avokati, duhet te shpagohet me vrasje pa asnje medyshje. Jo me pastaj per raste si ajo e hakmarrjes per drejtesi.
E verteta eshte krejt ndryshe: Te gjithe e kane ditur se kush ka qene vrasesi qe ne fillim. Por goditja nga Xhefri beri qe politikanet shurraqe shqiptare te mos kene nga te fshihen, dhe te tregojen emrin e vrasesit, per te dhena prova perpara Xhefrit se nuk ishin ata te lidhur me krimin. E nga ana tjeter, nepermjet shtypit, filluan ti cojne mesazhe krimineleve e te bejne marifete te tjera. Llogjika me e thjeshte eshte se taksisti duhej mbajtur ne masa sigurie te forta dhe i duhej krijuar besim. Ai e humbi besimin pikerisht nga brenda. E nga ana tjeter taksisiti duhet ti ruhej me shume frikes se shtetit per akuzen per "deshmi te rreme" se sa frikes se mafias. Por kjo nuk ndodhi. Sepse vete shteti nuk e ka vullnetin per ti shkuar kesaj ceshtjeje deri ne fund.
Dhe neve qe na kujtohet gjithmone fraza e "Arturo Wi-se" " Kush ka pare njerez me bidona vajguri?" Natyrisht qe askush nuk kishte pare.