Ambasada shqiptare ne Athine do te beje legalizime dokumentash per emigrantet

[BOKE]

30 Tetor 2003

Këshilli i Ministrave miratoi sot vendimin “Për një shtesë në vendimin nr.134, datë 7.3.2003, të Këshillit të Ministrave, “Për vërtetimin dhe legalizimin e dokumenteve të lëshuara në Republikën e Shqipërisë, për përdorim jashtë vendit dhe dokumenteve të huaja, për përdorim brenda vendit””.

Ky vendim parashikon që Përfaqësia e Republikës së Shqipërisë në Greqi të bëjë legalizimin e dokumentave të qytetarëve shqiptarë, të lëshuara në Republikën e Shqipërisë për përdorim jashtë vendit. Legalizimi i këtyre dokumenteve nga Përfaqësia jonë në Greqi do të kryhet deri në fund të vitit 2003.

Miratimit i këtij vendimi lidhet me shqetesimet dhe me vështirësitë që kanë hasur qytetarët shqiptarë në Greqi për legalizimin e dokumentave të tyre, sidomos në këtë periudhë kur emigrantëve iu bëhet rinovimi i dokumentave nga autoritetet greke.

Ky vendim, qe miratoi sot Qeveria do të ndihmojë shumë emigrantët shqiptarë për legalizimin e shpejtë të dokumentave të tyre.

[Shpirt Njeriu]

Një amendament i miratuar javën e kaluar nga parlamenti grek u mundëson emigrantëve që duke filluar nga viti i ardhshëm, të gjithë të pajisen me leje pune e qëndrimi, që do të kenë afat dyvjeçar.
Amendamenti jep afat qëndrimi dyvjeçar


Nga kjo përfitojnë gjithë ata emigrantë që janë pajisur dy vjetët e fundit me leje që kanë afat njëvjeçar, domethënë shumica dërrmuese e emigrantëve.

Zbatimi i amendamentit të ri vlerësohet se do të ndikojë ndjeshëm në pakësimin e sorollatjeve të emigrantëve, të cilët thuajse çdo gjashtë muaj kanë qenë të detyruar të kryejnë nga e para veprimet për rinovimin e lejeve të qëndrimit.

Por ata do të jenë të detyruar të paguajnë dyfishin e shumës prej 150 eurosh që paguajnë tani si tarifë për marrjen e lejes së qëndrimit, ç'ka përcaktohet në një nga nenet e ligjit për emigracionin.

Amendamenti u jep zgjidhje edhe disa çështjeve të tjera specifike, si mundësia për t’u punësuar edhe përfituesit e bashkimit familjar që vijnë për këtë qëllim nga atdheu i emigrantit dhe që deri tani ndaloheshin.

Mijëra prej tyre, sidomos emigrantët shqiptarë, i preokupon tani problemi i lëvizjes së lirë jashtë Greqisë dhe aktualisht janë të privuar nga kjo e drejtë.

Arsyeja: Ata nuk janë pajisur ende me leje qëndrimi, ndonëse i kanë paraqitur në kohën e duhur, kërkesat për rinovimin e lejes.

Ministria e brendshme greke lëshoi një qarkore ku gjithë emigrantët e kësaj kategorie cilësohen si banorë të ligjshëm në territorin grek derisa të marrin përgjigjen nga organet kompetente, normalisht derisa të marrin në dorë lejen e qëndrimit.

Por qarkorja nuk kishte marrë në konsideratë problemin e lëvizjes, për ç'ka ministria e brendshme pati thënë se është në kompetencë të ministrisë së rendit.

Burime nga kjo ministri i thanë BBC-së se shkresa përkatëse që andej i është dërguar që prej dhjetë ditësh ministrisë së brendshme, pasi duhet edhe nënshkrimi i saj.

Por ata burime të ministrisë së brendshme që u pyetën nga BBC thanë se nuk kishin dijeni për këtë fakt.

[Shpirt Njeriu]

Marrin udhe projektet shqiptare per punesim sezonal ne Greqi dhe pagimin e sigurimeve shoqerore. Zevendesministerja e Punes dhe Ceshtjeve Sociale te Shqiperise, Konstantina Bezhani pati nje takim me homologun grek, Roverto Spiropullos. Ne takim u diskutuan tema si: Nenshkrimi i Protokollit kuader te bashkepunimit midis dy ministrive ne fushen e Punesimit dhe Formimit Profesional, i cili eshte pergatitur nje vit me pare dhe pritet te nenshkruhet nga Ministria analoge e Greqise. Bezhani propozoi takimin e eksperteve te dy ministrive ne Tirane, ku do te diskutohet per nje fushe me te gjere bashkepunimi si inspektimin ne pune, bashkepunimin ne fushen e Sherbimeve Sociale dhe bashkepunimin ne lufte kunder trafikut te qenieve njerezore, etj. Tema e dyte e bisedimeve ne kete takim ishte fillimi i diskutimeve per nje marreveshje midis dy vendeve ne fushen e mbrojtjes sociale. Bezhani nxiti procedurat per fillimin e vendosjes se kontakteve te punes midis specialisteve te te dy institucioneve, per diskutimin mbi projektin qe ISSH i ka paraqitur IKA-s greke lidhur me sigurimet shoqerore te emigranteve. Nje aspekt tjeter i bisedimeve ishte interesi i pales shqiptare per nje marreveshje te re midis Sherbimit Kombetar te Punesimit te Shqiperise dhe OAED-it te Greqise ne fushen e Formimit Profesional dhe Punesimit Sezonal, per te cilen Spiropullos, se shpejti, do te vije ne Shqiperi.