Rrogat e uleta, shkaku nr 1 i vetvrasjeve

[Brari]

Ne shekulli lexojme:

----------
Qazim Sykaj, shoferi i Drejtorit të SHISH-it, Kujtim Hysenaj i ka dhënë fund jetës me një plumb në kokë

Vret veten shoferi i drejtorit të SHISH (SHIK-u..shen i imi )

Motivi zyrtar i policisë: Shoferi vrau veten sepse kishte shtatë milionë lekë borxh dhe gruan pa punë

Ardita Bala

TIRANË – Vetëvritet me pistoletën e punës 48-vjeçari Qazim Sykaj, shoferi i drejtorit të Shërbimit Informativ Shtetëror, Kujtim Hysenaj. Ngjarja ka ndodhur rreth orës 15.30 të ditës së djeshme në banesën e viktimës në afërsi të Shkollës së Bashkuar. Babai i dy fëmijëve i ka dhënë fund jetës së tij me një plumb në kokë. Ai është vetëvrarë, i lodhur deri në ekstrem nga hallet e jetës së përditshme. Shtatë milionë lekë të vjetra që ai i kishte marrë borxh dhe nuk mund t’i shlyente kanë qenë çmimi i jetës së 48-vjeçarit. Ky është motivi zyrtar i dhënë dje nga policia e kryeqytetit rreth vetëvrasjes më të fundit të ndodhur në Tiranë. Ky motiv përforcohet nga thëniet e kolegëve dhe shefave të tij, të cilët kanë pohuar se ai kishte kaluar në depresion nervor. Madje në një rast Qazim Zykajt i është hequr edhe arma e shërbimit, e cila i është rikthyer vetëm pak kohë më parë. Pikërisht me këtë armë ai vendosi t’i jepte fund dje jetës. Ndërkohë burime të policisë pohojnë se nuk përjashtohet mundësia që motivi i vetvrasjes të jetë detyra e Sykajt si shoferi kreut të SHISH, Kujtim Hysenaj. Kjo pistë do të verifikohet ditët e ardhshme nga një grup hetimor.

Ngjarja
Sipas burimeve zyrtare të policisë dhe sipas dëshmisë që kanë dhënë familjarët para grupit të hetimit, Qazimi është rikthyer në drekë në shtëpi, pasi kishte mbaruar punën e tij të përditshme, së cilës mund t’i rikthehej përsëri pasdite. Por 48-vjeçari i cili në shtëpinë e tij përdhese ka patur dhe anëtarë të tjerë të familjes së tij nuk ka qenë fare i qetë drekën e djeshme. Shtatë milionë lekë që ai u kishte marrë borxh të afërmëve dhe miqve të tij i kishin “mbetur në grykë” pasi nuk po mund t’i rikthente dot. Pikërisht në një moment të tillë depresioni Qazimi ka paralajmëruar të afërmit e tij dje për çfarë do të bënte, por thënies së tij, “do të vras veten, se nuk i paguaj dot borxhet” duket se asnjë prej familjarëve nuk e ka marrë më shumë seriozisht sesa një shfryrje të nervave dhe depresionit të momentit. Ai shumë qetësisht ka dalë nga dhoma ku ka patur gruan e tij dhe ka shkuar në dhomën e pritjes të banesës së tij tepër modeste. Ka marrë armën e punës dhe pa lënë asnjë shënim, apo amanet e ka drejtuar tytën e pistoletës së tij TT të punës në drejtim të kokës dhe e ka shkrehur një herë të vetme. Plumbi i marrë në kokë brënda pak sekondave ia ka marrë jetën 48-vjeçarit në depresion nga kushtet e vështira ekonomike.
Më pas…
Të tmerruar familjarë të Qazimit ia kanë dhënë ulërimës dhe kanë kërkuar ndihmë, por çdo ndihmë e dhënë atij ka qenë e kotë pasi plumbi i vetëm i qëlluar në kokë ka qenë vdekjeprurës. Menjëherë pas ngjarjes dhe pas marrjes së informacionit për vetëvrasjen e ndodhur në drejtim të shtëpisë ku prej gati 10 vjetësh jetonte familja Sykaj ka shkuar një grup hetimi nga komisariati nr.1 i policisë i cili mbulon zonën. Ekspertët kanë bërë këqyrjen e vendit të ngjarjes si dhe kanë marrë deklarimet nga familjarët e të ndjerit në lidhje me motivin e vetëvrasjes. Sipas burimeve zyrtare të policisë së kryeqytetit dhe burimeve nga grupi i hetimit, i vetmi motiv që ka në dorë policia në lidhje me vetëvrasjen më të fundit të ndodhur në kryeqytet është vetëvrasje e kryer në kushtet e depresionit të rëndë nervor për shkak të problemeve ekonomike. Burime nga SHISH-i pohuan dje se rroga e shoferit ishte rreth 200 mijë lekë të vjetra. Rroga e tij bazë është rreth 160 mijë lekë të vjetra por ka edhe disa shtesa të vogla. Gjithsesi kjo shumë e përmuajshme parash e bashkuar dhe me rrogën e djalit me zor arrinin që të plotësonin nevojat mujore të familjes Sykaj e jo më për të paguar borxhet.

Dera e shtëpisë të të ndjerit dje hapej vetëm për të pritur vizitat e familjarëve dhe miqve të afërt
Morti “pllakos” mbi shtëpinë e Sykajve
Dera e zezë prej hekuri e shtëpisë përdhese ku jetonin prej shumë vitesh katër anëtarët e familjes Sykaj dje ishte e mbyllur dhe hapej vetëm në të rrallë kur vinin me vaje në buzë e lot në sy të afërm të kësaj familjeje. Lajmi i vetëvrasjes së kryer nga kryefamiljari për pak orë ka marrë dhenë. Rreth orës 17.30 një makinë e spitalit ka sjellë në shtëpi trupin pa jetë të shoferit të drejtorit të Shërbimit Informativ të Shtetit. Pas hyrjes së makinës në oborr dera e jashtme mbyllet përsëri dhe që brenda herë pas here dëgjohen vetëm vaje grash. Pak pas ardhjes së trupit të 48-vjeçarit në rrugicën e errët ku jetonte shoferi hyn një grup me njerëz dhe një vajzë e re, akoma pa i bërë 18 vjeç që ecën e mekur në krah të një djali rreth të 20-ave. Janë dy fëmijët e Qazimit, që vdekja e të atit i ka ardhur si bombë. Djali i vetëm i cili sipas fqinjëve punonte si kuzhinier në një restorant mundohet të mbante të motrën, ti japë forcë por dhëmbja e humbjes së të atit është më e madhe se forca a sedra që rëndom i mban burrat. Familja e Qazim Sykës me origjinë nga Vlora dhe të ardhur në Tiranë pas viteve 1990 prej shumë vitesh ishin sistemuar në disa magazina të vjetra, të cilat kishin qenë në përdorim nga SHISH-i. Sipas komshijve të kësaj familjeje, vetëm pak kohë më parë ata kishin bërë një dhomë të re për të shtuar hapësirën e banimit. Të vetmet burime jetese për familjen e Qazim Sykës kanë qenë rroga e tij si shofer dhe puna e të birit si kuzhinier, pasi gruan e kishte papunë, ndërsa e bija, Dorina vazhdonte gjimnazin. Sot do të kryhet dhe ceremonia e fundit mortore për 48-vjeçarin që i dha fund jetës së tij për 7 milionë lekë të vjetra borxh.



30/10/2003

---------Shekulli--------








...................


Rroga e nepunesit te thjeshte pra eshte e pamjaftueshme per te ushqyer familjen.

Ne koh te Enverit rroga mesatare ne qytet ishte diku tek 4000-5000 lek ne muaj.
1 kile djath ishte 200 leke
1 kile mish ....200-250 leke
1 kile oriz ose sheqer 80-100 leke
1 buke 40-50 leke

Ne koh te Sali Fatosit rroga mesatare ne qytet e nje nepunesi eshte 80 000 leke deri ne 120 000 leke.

1 kile mish kushton 6000-8000 leke
1 kile djath ..........7000 leke


Me nje rrog enveri bleje mish (ndonse me rracion) 5000:200= 25 kile
Me rrog sali fatosi 100 000:6000= 17 kile mish.

Me nje rroge euro-amerikane besoj blehet 100 kile mish nga nje rrog mesatare mujore.

Pra nje nepunes ..qofte ky polic a mesues i thjeshte ne Shqiperi qe te jetoje normalisht duhet te kete 5 fishin e rroges qe ka sot.
Pra rroga duhet te jete dikund ke 500 000 - 600 000 leke qe te perballohet jetesa.

Deputetet e Ministrat e kane dikund tek 1 000 000 leke rrogen.

Pra pa vjedhur nuk mund te jetoje puntoria.
as e arsimit e as e shendetsise e as e sherbimit administrativ te Shtetit.
Nje shtet i tille ka marr fund sepse ky shtet i detyron njerzit qe paguhen nga Shteti te kullosin per te shtuar Rrogen..
Ku te Kullosin?
Ne bahcen e Korrupsionit e mashtrimit.

Pun Mafm-uti..

[Living in Vain]

Gjendje e ndere!

e tmerrshme te mendosh veshtiresite e shqiptareve per te jetuar. Ate po diskutoja dje me nje koleg timin, faktin e pabesueshem qe nje familje shqiptare jeton vetem me 1800 Euro te ardhura ne vit.

A nuk eshte varferi kjo?!