Tirana, kryeqyteti i produkteve ushqimore të falsifikuara

[ALBA]

Të merr frika të blesh në treg, ose në dyqan, ushqime e prodhime të tjera të ndryshme, "gjoja" të firmave më të dëgjuara e më të suksesshme. Në Shqipëri, tashmë kanë filluar të hyjnë ambalazhet e produkteve ushqimore, të ilaçeve për larjen e rrobave e të asortimenteve të ndryshme, të cilat prodhohen në Shqipëri dhe modifikohen, duke u vënë ambalazhimin e firmave të mëdha. Pra, njerëzit kur shkojnë nëpër dyqane për të blerë gjërat e nevojshme, ato gënjehen nga shitësit, duke u thënë se këto janë mallra origjinale dhe vijnë nga jashtë. Por e vërteta është krejt ndryshe. Këto mallra prodhohen në Shqipëri me një kosto më të ulët dhe shiten me të njëjtin çmim, që shiten prodhimet origjinale të firmave të huaja. Kosi i frutave për fëmijët, biskota e prodhime të tjera, kanë vetëm etiketat e ambalazhimet që janë produkte origjinale, italiane ose greke, e në të vërtetë, përmbajtja e tyre prodhohet në Shqipëri. Ka shumë ndërmarrje, të cilat merren me prodhime të tilla. Për shembull, ilaçi për larjen e rrobave "Dash", ka filluar të jetë i falsifikuar. "Dash" origjinal ka brenda ambalazhimit një dhuratë, e cila mund të jetë shampo flokësh, disa stilolapsa e gjëra të tjera të ndryshme, kurse ai i cili është i falsifikuar, nuk ka në brendësi as atë gotën plastike që të nevojitet për të nxjerrë ilaçin e rrobave, si dhe po ta shikosh me vëmendje, ka dallim në ngjyrë me atë, i cili është origjinal. Njerëzit kanë filluar të ankohen se ilaçet e rrobave nuk lajnë mirë, dhe ky është dallimi tjetër mjaft i rëndësishëm. Pra, në Shqipëri, nuk po e merr vesh i pari të dytin. A kontrollohen mallrat që hyjnë këtu, apo gjithkush e ka mendjen të vjedhë? Njerëzit mashtrohen, pa e ditur një gjë të tillë. Të gjithë mundohen t'i blejnë ushqimet nga më të shtrenjtat, duke i parë nga etiketat, të cilat të mbushin mendjen se janë prodhime origjinale të firmave të mëdha, por shumica e tyre prodhohen në vend dhe ndryshimi është që ti e blen me të njëjtin çmim, ose dhe më shtrenjtë se gjoja janë origjinale.
----------------------------------------------------

[lis]

Jam ne nje mendje me ty Alba.
Shqipetaret po hane ushqime te modifikuara, te falsifikuara, te skaduara dhe nje zot e di se nga vine.
Rendesi ka per te ata qe tregetojne te tilla mallra, Parate, aq te vyera sa edhe nenen e tyre e shesin per pak para.
Shqipetaret do te keni probleme shume te thella shendetesore.
Do te vdesin para kohe.
Gjenetikisht probleme te tilla serioze do keni edhe brezi tjeter qe lind.
Shqiperia dhe shqipetaret jane ne Rrezik Vdekje nga keto ushqime.
Neqoftese qeveria dhe shteti shqipetar nuk merr masa, atehere qeveria shqipetare eshte antishqipetare dhe kerkon me doemos vdekjen e shqipetareve.
Kete pershtypje me jep sepse nuk eshte hera e pare qe gazetat postojne te tilla lajme dhe ky lloj produkti ka ardhur ne rritje qe nga lindja e demokracise shqipetare.

[lis]

E Merkure, 29 Tetor 2003


"NDAL, PRODUKTEVE TE MODIFIKUARA PER PESE VJET"

Shoqatat ambjentaliste dhe Shoqata e Bujqesise Organike i kane kerkuar Kuvendit te Shqiperise te ndaloje futjen e Produkteve te Modifikuara Gjenetikisht "OMGJ" per nje afat 5-vjecar, duke miratuar sa me shpejt projektligjin per mbrojtjen e biodiversitetit. Reagimi i tyre vjen pas disa reagimeve te bera pas lajmit te publikuar ne mediat shqiptare disa dite me pare per futjen ne vend te nje ngarkese prej 10 mije ton miser dhe 6 mije ton soje, qe mendohet te jete e modifikuar gjenetikisht. Kjo sasi ushqimesh blegtorale, e dhuruar nga korporata amerikane e mallrave me kredi per sektorin e agroperpunimit ne vend dhe qe menaxhohet nga projekti amerikan IFDC, pritet te mberrije ne Portin e Durresit sot. Sic behet e ditur shoqatat ambjentaliste i kane kerkuar Kuvendit te Shqiperise miratimin e projektligjit "Per mbrojtjen e biodiversitetit", ku sanksionohet edhe ndalimi i futjes ne territorin e Shqiperise te OMGJ-ve per nje afat 5-vjear. Lavdosh Ferruni, perfaqesues i Shoqates se Bujqesise Organike, beri te ditur per mediat se "nese Kuvendi i Shqiperise nuk miraton kete projekligj i cili presupozon ndalimin e ketyre produkteve, atehere shoqatat ambjentaliste do te ndermarrin iniciativen kushtetuese, ne baze te nenit 150 te Kushtetutes per te kerkuar Referendum popullor per anullimin e ketij ligji".

m.zeka

Burimi: "Koha Jone"