SHBA prokurorise: Denoni kriminelet me pushtet politik

[angeldust]

O Toro, po pse mor Sala c'beri per te ndaluar gjithe keto qe thua ti se filluan ne 1990/1991 etj? Une di qe gjate pushtetit te Sales keto gjera nuk bene gje tjeter vecse u intesifikuan...

Pse mbyllte syte dhe veshet Sala para gjithe ketyre? Apo mos merrte edhe bakshishet e veta ai? Pse mbylli syte dhe veshet Sala para gjithe skemave piramidale qe ndodhen nen hunden e tij? Ohhh sa naiv i shkreti... s'dinte gje ai... s'merrte vesh nga keto pune doktori... eshte shume i paster per t'u mare me gjera te tilla!

Ne kohen e pushttit te PD-se jo vetme qe nuk u be asgje per te ndaluar keto fenomene... dhe perseris... ASGJE!!!... por edhe u intesifikuan.

[Fringo]

Dmth Toro, as Sala s'i beri dot zap, as Nano.
pse ktij te dytit i kerkohet e Sales i jepet nje shkelje syri, dhe i thuhet, se kishe ti fajin?
Per mua shqelmin te dyve, thjesht nuk me pelqen kur flitet per kohen e PD sikur ishte nai parajse, se po isoj ka ngel.
kaq dua une, qe njerezit te thone te verteten.
Dhe Sala nuk ka te drejte morale Toro, dhe kte e di ti shume mire, se ai ishte i pari i vendit, dhe i la te fuqizohen, sic nuk i falet Nanos, se ai eshte i pari i vendit dhe po i le te fuqizohen.
Gjithe te mirat!

[Veshtrusja]

Doktori nuk ka bere asgje. Ai njeri nuk eshte per politikan.

Nuk eshte komplet i pafajshem Sala, por nuk eshte as ne kategorin e Nanos. Toro ka te drejte qe thot se nuk eshte per politikan Sala. Kjo eshte nje e "vertete"....por ju mos u hidhni ne mbrojtje te Nanos sepse qe te mbrosh Nanon eshte nje gabim i madhe...dhe shume larg se "vertetes".

[Toro]

Sala i ushqeu njerezit me idete se kur te vije demokracia te gjithe do behen te pasur....Dhe ajo eshte e keqja ne Shqiperi, se te gjithe njerezit kujtojne se demokracia do u sillte pasurim. Dhe me pasurim kuptohej se nuk kishte rendesi se si ta nxirrje lekun, mjafton qe te caje diku.
Sala i la te fuqizoheshin se nuk kish menyre tjeter o Xum.....Kur e mori pushtetin ne 1992 e mori Shqiperine me 300 milione borxhe, dollarin dhe kambion te behej para Bankes ( apo i harrove kambistat ne 1991), inflacionin 180% dhe rezervat valutore te shtetit ne zero ( mos harro qe kishim buke per 6 dite kur erdhi Sala ne qeveri), ekonomia socialiste e falimentuar dhe nje sistem qeveritar kryekeput te korruptuar.. Eh pra Fringo, me mafiozet e me kriminelet nuk mund te besh "marreveshje" , qofte dhe te heshtura, se dihet qe te hypin ne qafe. Sala i la, ose per budallallik politik, ose se keshtu ishte "loja" , ose se ishte sylesh...
Po te jap nji shembull: Kur nepunesi i gjendjes civile deri ne 1992 ( ai punisto-socialisti) nuk u denua se jepte pashaporta dhe certefikata fallco, por u hoq nga puna me motivacion politik ( si komunist psh), shembulli qe iu dha nepunesit "demokrat" qe vuri Sala me vone ishte: Vidh e korruptohu se e shumta qe mund te bejne eshte te heqin nga puna kur te vine ne pushtet prape socialistet!!

Une nuk po bej Salen e mire. Po aty nuk duhen ndryshuar njerezit, por mentaliteti i tyre. Dhe ai mentalitet ka filluar nga ish komunistet dhe nga socialistet.Degjenerimi filloi shume kohe para 1992. Sala tregoi veten te pafuqishem per ta korrigjuar.

[krokodili_73]

Tani, shqiperia si demokraci e re, ka nevoje siper reforme institucionale sahtu dhe per njerez me ideale te pastra, qe nuk i bejne pershtypje leket e ndyra me pislliqe. Ne kemi nevoje dhe te ndryshojme mentalitet si popullate, ne te kundert jemi te humbur dhe gjithmone do katandisemi si cifuti duke kerku azile neper evrope. Ne shqiperi ka nevoje urgjente futja e edukates morale neper shkollat 8 vjecare, ku brezit te ri ti mesohet te flasi me edukate, te jene humane, te humbasin harbuterine karakteristike qe mbillet me aq dashuri ne familjen shqiptare, te edukohen me vetdijen e ligjit dhe me te drejtat dhe detyrat e tyre ne nje shtet demokratik, te mesohen qe ti respektojne e te tregojne humanizem per te tjeret, pavaresisht nga raca, ngjyra, seksualiteti apo perkatesia fetare politike, dhe se burre i mire, eshte ai qe e njerr buken me djersen e ballit e jo me vjedhie apo me mashtrime. Ne duhet te nxjerrim nje ligj ku personat qe kane dosje kriminale, tu ndalohet me ligj punesimi ne administraten shteterore. Ata persona qe kryejne krime te renda, sic eshte fraudulimi i shtetit ne shuma te medha apo vrasjet e personave me detyre, tu sekuestrohet pasuria, tu ndalohen te drejtat civile, te raportojne ne polici cdo dite ne ora 6 per veprimaterin e tyre ditore, te futen nen curfew dhe mundesisht te internohen prapa djellit.
Cfare tjeter kemi nevoje urgjente ne eshte kraftsman qe te mund ti bllokojne loopholet ku vegjetojne krimba te ndyre si gjykatesit e meposhtem:

Por para se te lexoni shkrimin, ju bejnje pyetje juve qe mezi po prisni qe sala te vij ne pushtet- a mendoni ju se sala eshte i afte te menaxhoje keto pune sa delikate aq dhe te sofistikuara. A besoni ju thelle ne shpirt se ai njeri ka aftesi me shume se nje idiot qe merr tre a kater kursante 6 mujorsh, ngre nje gjykate speciale sipas dum dumit te vet duke hedhur poshte kushtetuten dhe denon kujt i mushet menja se eshte i korruptuar?????? Think

Shkrimi
Shkrimi marre nga panorama:
Vendimi

“Inspektimi ka përfunduar dhe kemi arritur në konkluzionin se gjyqtarët, që kanë shqyrtuar dosjet e Agim Pepës, kanë vepruar në përputhje me rregullat, procedurat dhe ligjet”

KLD nxjerr konkluzionet për proceset ndaj të akuzuarit për vrasjen e komisar Malushit

Gjyqtarët e Pepës, të pafajshëm
Të gjitha vendimet e gjykatave kanë qenë të drejta

Trashgim Sokolaj

Pas një periudhe tremujore me ankth, togat e zeza, që kanë kaluar në duar dosjet e Agim Pepës, në të gjitha shkallët e gjyqësorit shqiptar, mund të qetësohen plotësisht.

Këshilli i Lartë i Drejtësisë ka përfunduar procesin e inspektimit dhe të verifikimeve, mbi shqyrtimin gjyqësor të dosjeve, në cilat janë shkruar akuzat ndaj Agim Pepës. Një verifikim i imtësishëm i kryer me asistencën e juristëve të KLD-së ka filluar vetëm gjashtë ditë pas ngjarjes së bujshme të 6 gushtit të këtij viti në qytetin e Durrësit. Ngjarje, në të cilën mbeti i vrarë Gani Malushi dhe shoferi i tij, Gjovalin Ndreu. KLD ka përfunduar procesin e inspektimit dhe ka arritur në përfundimin se gjyqtarët nuk kanë bërë shkelje gjatë shqyrtimit gjyqësor të dosjeve të Agim Pepës. Edmond Islami, kryeinspektor në Këshillin e Lartë të Drejtësisë, pohoi dje për “Panorama” përfundimin e procesit, gjatë të cilit kanë kaluar në sitë të gjitha vendimet e dhëna nga gjykatat, për precedentët e Agim Pepës. “Inspektimi ka përfunduar dhe kemi arritur në konkluzionin se gjyqtarët, që kanë shqyrtuar dosjet e Agim Pepës, kanë vepruar në përputhje me rregullat, procedurat dhe ligjet”, pohoi dje kryeinspektori i KLD-së, Edmond Islami. Ai tha se pas këtij përfundimi, asnjë gjyqtar nuk do të penalizohet. Procesi ka zgjatur rreth tre muaj, ndërsa inspektorët e KLD-së kanë verifikuar të githa vendimet e dhëna nga gjykatat ndaj Agim Pepës.

Precedentët dhe gjykimi
Çështja e parë penale ndaj Agim Pepës, është regjistruar në gjykatën e Mirditës, në vitin 2001. Në këtë dosje, si persona të akuzuar figurojnë Agim Pepa dhe vëllai i tij, Pjetri. Emanuela Bardhoku ka denoncuar së bashku me të atin në policinë e Mirditës, Pjetër Pepën dhe vëllanë e tij, Agimin. Objekti i denoncimit ka qenë “shfrytëzimi i prostitucionit” në Itali. Në mbyllje të procesit, Gjykata e Mirditës i deklaron fajtorë dy vëllezërit Pepa, duke dënuar me 9 vjet burg Pjetër Pepën dhe me tre vjet Agimin, i arrestuar më 28 qershor të vitit 2002, ditë që përkon me ekzekutimin e babait të tij, Ndue Pepa. Agimi arrestohet me një armë, që, sipas policisë, e mbante pa leje. Pas vendimit të Gjykatës së Mirditës, organi i akuzës ankimon vendimin në Gjykatën e Apelit. Burime nga Gjyakata e Apelit, kanë deklaruar se Prokuroria ka kërkuar pushimin e akuzës për shfrytëzim prostitucioni ndaj Agim Pepës. Në Gjykatën e Apelit, dosja është shqyrtuar nga treshja e gjyqtarëve Fatmira Laskaj, Dëshira Subashi dhe Lefter Jahja. Të tre këta gjyqtarë kanë firmosur pushimin e akuzës “shfrytëzim prostitucioni”, ndaj Agim Pepës, duke lënë në fuqi vetëm akuzën e “armëmbajtjes pa leje”. Në pushimin e kësaj çështjeje, thuhet se Agim Pepa nuk ka bashkëpunuar në vëllanë e tij, Pjetër Pepën, në shfrytëzimin e Emanuela Bardhokut, për prostitucion në Itali. Kjo është vërtetuar edhe nga materialet hetimore të Prokurorisë. Sipas materialeve të akuzës, shfaqur në gjykatë, ka prova se Agim Pepa nuk ka qenë në Itali, gjatë vitit 2001, kohë në të cilën Emanuela Bardhoku ka qëndruar atje. Në këtë mënyrë, Pepa nuk kishte si të përfshihej në akuzën e shfrytëzimit të prostitucionit. Pepa u dënua vetëm për “armëmbajtje pa leje”, bëri nëntë muaj burg dhe u lirua. Por, mbi Agim Pepën kanë rënduar edhe akuzat e vrasjes së ish-gruas së tij dhe ajo e vrasjes së inspektorit të policisë së Mirditës, Ndue Kaza. Për këtë rast, Pepa është dënuar me dy vjet burg, me akuzën “armëmbajtje pa leje”.


Gjykimi
Laskaj, kryetarja e trupit gjykues

Kryetarja e trupit gjykues për çështjen, ku Pepa akuzohej për “shfrytëzim prostitucioni” dhe “armëmbajtje pa leje”, ishte personi i parë që u vu në qendër të akuzave, pas vrasjes së Gani Malushit. Fatmira Laskaj kishte kryesuar trupin gjykues, që firmosi lirimin e Pepës, nga akuza e “shfrytëzimit të prostitucionit”. Por, KLD-pas inspektimit, që zgjati përreth tre muaj, e ka përjashtuar gjyqtaren Laskaj nga përgjegjësia për lirimin e Pepës.


Akuzat dhe kundërakuzat ndaj Subashit

Dëshira Subashi ishte gjykatësja tjetër, që u vu në qendër të akuzave të artikuluara në konferencat për shtyp të opozitës, vetëm pak ditë pas vrasje së Gani Malushit. Subashi, u akuzua si një nga gjyqtaret që ka liruar Agim Pepën, vrasësin e nënkomisar Gani Malushi, vetëm pak kohë pas anëtarësimit të saj në KQZ. Subashi e ka hedhur poshtë këtë akuzë. Ishte koha kur Subashi u zgjodh anëtare e KQZ-së dhe opozita përdori proceset që kishte gjykuar ajo për ta akuzuar. Në një intervistë për gazetën “Panorama”, Subashi ka thënë se Agim Pepa është deklaruar fajtor për dy vepra penale, ndërsa një vepër penale, ajo e trafikut të prostitucionit, ka rënë për mungesë provash. Për të gjitha këto, Subashi është shprehur se kanë qenë vendime të sakta. Këtë e konfirmon edhe vendimi i Gjykatës së Lartë, anëtarët e së cilës nuk i hoqën një presje atij të dhënë në Gjykatën e Apelit, për Pepën. Këshilli i Lartë i Drejtësisë, ka përfunduar procesin e inspektimit dhe ka arritur në përfundimin se gjyqtarët që kanë shqyrtuar dosjet “Pepa”, kanë vepruar sipas përcaktimit në ligj.


Akuzat

Gjyqtarët janë akuzuar se kanë liruar Agim Pepën, kur akuzohej se kishte vrarë inspektorin e krimeve të policisë së Mirditës. Pepa për këtë ngjarje dënohet vetëm për “armëmbajtje pa leje”.
Togat e zeza vihen në qendër të akuzave, për lirimin e Pepës, në procesin ku ai akuzohej për vdekjen misterioze të bashkëshortes së tij shkaku i së cilës kishte mbetur pa u zbuluar
Rasti tjetër, për të cilin pikëpyetja ëshë vënë mbi njerëzit që kanë shqyrtuar dosjet e Pepës, është ekzekutimi i një të riu dhe trafikimi i vajzës së Preng Bardhokut

Ta
Kroksi

[Shpirt Njeriu]

Poci-Xhefrej, takim koke me koke
Ambasadori i SHBA ne Tirane Xhejms Xhefrej ka zhvilluar dje nje takim per rreth 2 ore koke me koke me ministrin e Transporteve dhe Telekomunikacionit, Spartak Poci. Detajet e ketij takimi nuk behen te ditura, por besohet se ai ka patur lidhje me krizen politike qe po kalon vendi dhe rruget per kapercimin e saj. Takimi u zhvillua ne zyren e ministrit Poci, ne prani edhe te Drejtuesit te Misionit ICITAP ne Tirane, nje dite pas deklarates se forte te Ambasadorit te SHBA, ne Shkollen e Magjistratures, ku Xhefrej i drejtoi nje mesazh "baroneve te krimit". Duke iu drejtuar atyre, ai tha: "Ne e dime apo do te zbulojme se shpejti se cilet jeni. Qeveria ime (SHBA), partneret tane europiane dhe shqiptaret, ju jemi vene pas". Ky mesazh, qe eshte nje nga shqetesimet me te medha te perendimoreve per Shqiperine, ishte ne fokus te medias shqiptare. Ndaj besohet se edhe kjo ceshtje ka qene ndoshta nje nga temat e takimit me dyer te mbyllura, po te kemi parasysh se Poci, eshte konsideruar, jo vetem nga socialistet, por edhe nga SHBA, si nje nga ministrat e rendit me te sukseshem te viteve te fundit.

[lis]

Cfare thone socialistet ne lidhje me deklaraten e Xhefrit

Nazmi Bilani

Ceshtja eshte se une nuk jam marre ndonjehere me zbulimin dhe me baronet e krimit. Por ka kohe qe ne parlamentin shqiptar eshte folur per lidhje te politikes me krimin. Kam idene qe nje kategori e atyre qe bertasin me shume jane me te lidhurit, sepse shpeshhere kam pare ne parlament se si kercenojne palet njeri- tjetrin duke thene qe ne i dime emrat. Kjo do te thote qe ekziston dicka. Por per konceptin tim kam frike se keta qe bertasin me shume kane rrezik te jene te perzier vete recriprokisht dhe duke pasuar frike qe t'i nxjerrin i tundin vetem si letra ne fytyren e njeri-tjetrit per t'i detyruar te heshtin. Deklarata e Xhefrit tregon se ne politiken shqiptare ka elemente te tille. Do te ishte e mire qe me keto deklarata te mos merreshim ne politikanet per te sulmuar por te merreshin organet kompetente. Njerez te cilet kane lidhje me boten e krimit direkte apo indirekte, telefonata me ta lidhje te cuditshme me njerez qe vriten, pushime te perbashketa, investime per fushata. Mire do te ishte te kishte nje komision te pastertise se figurave. Pra nese nuk ka fakte te mjaftueshme per t'u perballur me drejtesine le te perdoret dhe kjo menyre.

Spartak Braho

Nuk e kuptoni jane qeveritaret baronet e krimit

Leke Cukaj

Do te ishte shume interesante qe te diheshin kush jane dhe kush do qe t'i dije ato le t'i denoncoje. Nese kushdo dhe Xhefri vete po ta dije pasi kane shume instrumenta ne dore per t'i denoncuar, shmangur apo devijuar do te ishte me shume interes. Por ky qendrim i tij me teper m'u duk si nje shprehje per te thene dicka.

Burimi: "Koha Jone"

[Brari]

Nga eshte ky Lek Cukaj e nga ka dale ky super militant i PS-se se kudo dallohet si fanatik.
Kush di dicka te na thote.

Nga emri duket si Pukjan.

I kuptoj Bizhgat e Brahot qe jan fanatiko-Ps-isto-enverista sepse kane ne origjine dicka qe i lidh me Partizanet ose me batalione ndjekjesh e zyra Partie po nuk mund ti kuptoj kta frroko-Leka Cuko-Cupat e Kurt Kolo-Lleshat e Ndre Legis-Doklet kur i vene energjit ne mbrotje te Ps-izmit nena e te ciles PPSH-izmi u a ka shk gjyshet e u a ka djeg kullat e barin e shpive sojit e sorrollopit te tyre.

[Brari]

Nga eshte ky Lek Cukaj e nga ka dale ky super militant i PS-se se kudo dallohet si fanatik.
Kush di dicka te na thote.

Nga emri duket si Pukjan.

I kuptoj Bizhgat e Brahot qe jan fanatiko-Ps-isto-enverista sepse kane ne origjine dicka qe i lidh me Partizanet ose me batalione ndjekjesh e zyra Partie po nuk mund ti kuptoj kta frroko-Leka Cuko-Cupat e Kurt Kolo-Lleshat e Ndre Legis-Doklet kur i vene energjit ne mbrotje te Ps-izmit nena e te ciles PPSH-izmi u a ka shk gjyshet e u a ka djeg kullat e barin e shpive sojit e sorrollopit te tyre.

[Brari]

Gazeta Shqiptare

---------

Si na kontrollojnë amerikanët


-----------------------------------------------------

INVESTIGUESI *

Jo të gjithë ata që kanë ndjekur deklaratën e djeshme të ambasadorit amerikan, e kanë kuptuar qëllimin e vizitës së tij, disa muaj më parë në portin e Durrësit dhe Vlorës. Për publikun u tha se ishte vetëm një vëzhgim rutine në punimet për zgjerimin e këtyre dy porteve, por në të vërtetë diplomati Xhefri vëzhgoi dhe u njoh nga afër me veprimtarinë e ekspertëve amerikanë që ndodhen prej një viti në këto dy pika kufitare kryesore të vendit. Po! Prej një viti, disa specialistë të ardhur nga SHBA kanë nisur (edhe pse pa një mandat të aprovuar ligjërisht) kontrollin dhe hetimin e të gjitha lëvizjeve në këto dy port dhe në aeroportin e Rinasit. Nëpërmjet kontrolleve fizike, vendosjes së kamerave vëzhguese, por edhe ngritjes së një rrjeti informacioni mes policëve më të besuar shqiptarë, këta ekspertë kanë arritur të zbulojnë një pjesë të mirë të trafiqeve ndërkombëtare të drogës që kalojnë nëpër Shqipëri. Ashtu si shumë ekspertë europianë, edhe ata amerikanë kanë zbuluar se Shqipëria është vendosur në qendër të trafikut ndërkombëtar të drogës që vjen nga Turqia që prej shkatërrimit të linjës serbe. Pas eleminimit të një sërë eksponentësh shtetërorë serbë që siguronin ngarkesat e drogës që kalonin drejt Europës, tashmë vëmendja e trafikantëve është kthyer nga Shqipëria.
Çuditërisht, edhe pse është rritur prezenca e këtyre ekspertëve dhe kamerave që vëzhgojnë 24 orë, në portin e Durrësit gjatë këtij viti janë zbuluar vetëm 38 kilogramë drogë. Edhe kjo është bërë e mundur me ndihmën e qenve dhe jo informacionit operativ, ç'ka do të thotë se kanë qënë bllokime rastësore. Në të njëjtën kohë, policia italiane thotë se gjatë këtij viti është rritur 5 herë sasia e drogës së bllokuar që vjen nga Shqipëria. Kushdo mund të habitet nga kjo mospërputhje, por me një logjikë të hollë mund të kuptohet se ekspertët amerikanë që grumbullojnë boll informacion për ngarkesat e drogës në portet tona ua japin atë autoriteteve italiane. Kjo për arësye, se e kanë humbur besimin tek policia shqiptare. Më i bindshëm është ky fakt, po të mendosh se asnjë prej aksioneve të bllokimit të drogës shqiptare në Itali, nuk është shoqëruar me një hetim për rrjetin edhe këtu në Shqipëri.
Të gjitha këto fakte, sigurisht që kanë rënë edhe në dorën e zotit Xhefri. Ai nuk deshi të tregonte shkoqur se kujt i drejtohej, kur fliste për baronët e krimit, por deklarata e tij nuk i drejtohej vetëm shifrave të krimit ordiner. Një diplomat i huaj nuk shqetësohet për krimin e rrugës, por për "jakat e bardha" të krimit, ata që përpiqen të gjejnë mbështetjen e politikanëve apo edhe të shndërrohen në të tillë. Vetë momenti në të cilin u krye kjo deklaratë, kur edhe Nano edhe Meta, akuzojnë njëri-tjetrin për lidhje me krimin, tregon se ambasadori amerikan lëshoi dje një mesazh tepër të rëndë për Shqipërinë.


* INVESTIGUESI është pseudonimi i një eksperti të njohur të policisë, i cili nis sot bashkëpunimin me ne, për të ndihmuar lexuesit e "Gazeta Shqiptare" për të kuptuar më mirë prapaskenat e kriminalitetit në Shqipëri.

-------------------
Nga Gazeta Shqiptare