Sot shkodranet ne Shesh per dritat

[ALBA]

Shkoder-Shkodra ne oren 12.00 te se henes do te hidhet ne proteste. Shkaku: energjia elektrike. Per shkodranet energjia mungon prej kohesh, ndersa protesta vetem kesaj here merr nje forme disi me te prere, me te qarte dhe me te organizuar. Organizatorja e rradhes eshte PD. Nje gje e tille eshte bere e ditur vetem te dielen ne dreke. Ne fakt prej tre ditesh ne rruget e Shkodres qene perhapur ca afishe qe ftonin qytetaret te protestonin ne sheshin para prefektures. (Qytetare te Shkodres, te rinj, studente, pensioniste, punetore, intelektuale, mblidhuni te gjithe diten e hene ne ora 12.00 ne sheshin para prefektures te protestojme dhe te tregojme deshirat dhe aspiratat tona per demokraci evropiane. Mungesa e dritave eshte fenomeni me shqetesues(, thuhet keshtu ne afishet e shperndara ne Shkoder, ne te cilat nuk kishte kurre fare vulosje apo firmimi se kush qene organizatoret e protestes te se henes. Nderkohe qe rreth mesdites te se dieles kreu i PD ne Shkoder Lorenc Luka ka dhene nje konference per shtyp ku ka bere te ditur se organizatoria eshte PD. Ne fakt protesta nuk pritet te kete ngjyrime politike. Eshte nje kerkese e ligjshme, ngritje zeri ne radhe te pare e keshilltareve te keshillit bashkiak qe i perkasin PD, por edhe nje grupi qytetaresh te Shkodres per me shume energji elektrike. Sipas asaj qe ka shprehur z.Luka, protesta eshte e disata, por deri tani asnje pergjigje pozitive nuk eshte dhene. (Here pas here ne kemi organizuar protesta ne menyra nga me te ndryshmet.Shkodra vuan nga erresira e thelle. Nga kerkesat tona me te ligjshme jane furnizimi pa nderprerje me energji elektrike, vendosja e matesave ne shtepite e konsumatoreve, gje qe ishte premtuar nga KESH dhe deri tani nuk eshte realizuar, subvencionimi nga shteti i familjeve qe jetojne me ndihme ekonomike ne lidhje me likujdimin e faturave te energjise elektrike dhe marrja e masave lehtesuese per biznesin e vogel dhe te mesem. Ne kemi protestuar disa here, por asnjehere me ndonje permiresim te vogel te perkohshem nuk kemi pare nje rezultat pozitiv. Tashme ne do te nisim rrugen e protestave si i vetmi mjet demokratik dhe i ligjshem(, ka thene z.Luka. Nderkohe pritet qe pjesemarrja e qytetareve te jete e madhe. Sipas asaj qe kane menduar organizatoret do te dilet me parulla, pankarta, kandile, qirinj te ndezur e te pandezur dhe do te kerkohet vetem ajo qe qytetit i mungon prej kohesh, energjia elektrike.

Rudina Llazari

[Shpirt Njeriu]

Mijëra shkodranë kanë protestuar dje kundër territ që ka mbuluar qytetin verior. Ndërkohë, anëtarë të këshillit të ri bashkiak, të cilët janë edhe organizatorë të kësaj proteste, pohojnë se tubimi do të vijojë nëse KESH-i nuk merr masa.

LAJMI

SHKODER

Një protestë pa tribunë. Të gjithë njësoj. Të gjithë banorë të persekutuar nga një terr mesjetar i pajustifikueshëm. Kështu, të paktën, e kanë ndier veten shkodranët në protestën e djeshme. Rreth orës 12, mijëra banorë janë mbledhur përpara Prefekturës dhe kanë protestuar për t'i thënë stop orëve të errësirës. Jo vetëm organizatorët e tubimit, por edhe qytetarët e thjeshtë kanë folur jo nga tribuna, por aty në shesh. Ndërkohë protesta në fjalë është organizuar nga një grup këshilltarësh bashkiakë të PD-së së Shkodrës. Këta të fundit dhe protestues të irrituar kanë pohuar se situata në qytet është katastrofike. Sipas tyre, prej vitesh qyteti verior është kthyer në një lodër të pushtetarëve, të cilët me çelësin e dritave në dorë tallen me të. "Ju më keni besuar votën, ndaj jam këtu bashkë me ju për të denoncuar diskriminimin që i bëhet Shkodrës nga qeveria. Fëmijët shkodranë po rriten të stresuar. Ata nuk kanë kushte për të mësuar. Ndërkaq, biznesi shkodran është shkatërruar. Nuk dihet se çfarë mund të bëhet më shumë për të persekutuar një qytet". Kështu ka deklaruar dje kreu i ri i bashkisë së qytetit verior, Artan Haxhi. Sipas protestuesve, KESH-i asnjëherë nuk ka reflektuar ndaj kërkesës së shkodranëve për drita. Përkundrazi, situata sa vjen dhe përkeqësohet akoma më shumë. Shtimi i orëve të errësirës, sipas pjesëmarrësve në tubim, bëhet në një kohë kur rreshjet po përmbytin Shkodrën. Protestuesit shkodranë kanë kërkuar që KESH-i të vendosë matësa të energjisë elektrike, të heqë faturat afrofe dhe të mos praktikojë dënimin kolektiv. Në rast se KESH-i nuk do të përmbushë kërkesat në fjalë, protesta e dritave do të vazhdojë. Protesta për dritat në Shkodër ka pasuar me reagimin e krerëve të KESH-it. Ndërkaq, i pyetur nga Gazeta, Avokati i Popullit, Ermir Dobjani, thotë: "Ne jemi kundër dënimit kolektiv, por, gjithashtu, jemi për atë që çdo qytetar të zbatojë ligjin". Megjithëse shiu nuk ka pushuar as edhe për një minutë, protestuesit shkodranë kanë ndenjur në shesh për 45 minuta.


Harasani: Paguani faturat që të keni drita

SHKODER - "Furnizimi me energji elektrike i qytetit të Shkodrës (dhe jo vetëm i tij) do të varet vetëm nga niveli i arkëtimeve dhe humbjeve e nuk do të influencohet nga ndërhyrjet e ndryshme politike". Kështu ka deklaruar dje drejtori i përgjithshëm i KESH-it, Andis Harasani. Burime zyrtare nga KESH-i pohojnë se kuota e furnizimit me energji elektrike i qytetit të Shkodrës është më i lartë ose i njëjtë me atë të qytetit të Durrësit, Korçës, Fierit dhe Elbasanit. Ndërkohë, Shkodra është një nga qytetet që ka nivele arkëtimi shumë të ulëta në krahasim me rrethe të tjera të vendit.


Ende të bllokuara rrugët në Shllak e Dukagjin

SHKODER - Tërësisht të harruar nga qeveria dhe nën mëshirën e tekave të natyrës. Banorët e zonave të thella të Shkodrës që prej disa ditësh kanë mbetur të izoluar. Rreshjet e ditëve të fundit kanë pasuar me bllokimin e rrugëve Shkodër-Shllak dhe Shkodër-Dukagjin. Megjithëse ky fakt është bërë i ditur që para disa ditëve, nuk është marrë asnjë masë për zhbllokimin e këtyre akseve rrugore. Ndërkohë, situata është bërë edhe më e vështirë nga shembja e urës së Barçit dhe Pejës. Dhjetëra e dhjetëra banorë të fshatrave të Temalit e të zonave të tjera nuk mund të lidhen me qendrat e komunave. Jo vetëm kaq, era e fortë ka dënuar me erësirë banorët e kësaj zone. Nisur nga fakti që askush nuk po interesohet për fatin e këtyre banorëve, drejtuesit e komunave të bllokuara kanë dalë në terren dhe po filmojnë. Pamjet filmike do t'i përcillen qeverisë për t'i kujtuar se njerëzit nuk duhen harruar, aq më tepër në këtë periudhë pragdimri.

[AgainstAllOdds]

Me thane te drejten u banen disa kohe larg shkodres dhe kur degjon njeriu se atje hala vuajne per drita te duket si nje tragji-komedi qe nuk dihet se kur po i vjen fundi...! Problemet me themeltare per krijimin e nje shteti modern , duket sikur jane bere nje boomerang te cilin zor se do e kapercej ndonjehere ai vend ! Te mos jetosh atje dhe te degjosh se njerezit vuajn per drita , uje etj etj , te duket pak qesharake , por ta jetosh vete eshte nje torture ! Problemet fillojn qysh prej infrastruktures tejet te amortizuar dhe deri tek koncepti i njerezve per te cilet eshte budallallek te paguash dritat ! Nuk besoj se do zgjidhin gje protestat apo mitingjet , pasi zgjidhja e ketij problemi eshte me i thelle se sa duket . Premtimet e njeres pale apo te tjetres nuk jane gje tjeter vecse kerkese per marrje votash te cilat do bien ne vesh te shurdher sapo organizuesit te arrijn aty ku dojne ! Mjere ai popull qe jeton pa kushtet minimale te jeteses...!

[Ryder]

Hallall Fatos Nanos per politiken hakmarrese qe e ka trasheguar nga ish-babai i kombit tone.

Per votimet e ardhshme i keshilloj shkodraneve te hapin puse per uje nqs e kane ndermend me votu prap per demokratiken.

[ALBA]

--------------------------------------------------------------------------------

Priten dritat dhe uji, aty ku ka fituar Partia Demokratike

Këtë radhe, nuk e ka fajin, as KESH, as ndërmarrja e ujësjellësit, por e ka fajin vota e lirë dhe vullneti i shqiptarëve. Kjo është rezumeja që mund t'i bëhet pa frikë zonavë të shumta të vendit. Pasi socialistët kanë dalë me një tabelë rezultatesh në këto zgjedhje, tani po hakmerren ndaj Shkodrës, Sarandës, Konispolit, Milotit, dhe mjaft rretheve të tjera të Shqipërisë, që vuajnë në errësirë dënimin që po u jep qeveria socialiste. Në një kohë që hidrocentralet shënojne kuota të kënaqshme për prodhimin e energjisë, dritat nuk mund t'i ketë çdokush nëpër shtëpi, pasi ky është marifeti, jo i fundit, por që po përhapet në të gjithë vendin. Atyre që votuan "kundër" socialistëve, duhet t'u pritet energjia elektrike. Kushdo që nuk voton Fatos Nanon, duhet të vuajë pasojat e ndëshkimit të tij. Pasi ka zbuluar dhe armiqtë e tij në radhet e Partisë Socialiste, Nano fillon të krijojë dhe përçarje në shtresat e popullsisë, duke e ndarë vendin në zona me drita dhe zona pa drita. Ndërkohë që kryeministri feston në qendër te Tiranës anëtarësimin e tij në Internacionalen Socialiste, mijëra qytetarë të Shqipërisë kanë dalë nëper protesta për të kërkuar drita, ujë dhe shkolla për fëmijët e tyre. Në një kohë që familje të tëra flenë nëpër çadra dhe të kërcenuara nga përmbytjet e lumenjve, Nano krijon situata destabilizuese në politikën e vendit dhe përgjegjësia i ngelet kushteve atmosferike. Shkodra, e cila u bë fli, e para, e inatit të Nanos, tani e ka për herë të dytë të paguajë këtë haraç të caktuar nga kryeministri. Ndërkohë që po e pasojnë dhe qytetet e tjera të vendit. Nuk i dihet, deri kur Fatos Nano do të kuptojë që vota e lire e shqiptarëve, nuk mund të jetë gijotina që i shërben për të ndërshkuar ata që i janë kundër.

gazeta 55

[AgainstAllOdds]

Ehh moj Alba , Shkodra gjithmone ka marre levdata per shpirtin e saj demokratik , i jane thurur kange , i jane dhane medalje , eshte etiketuar me emra te fryre si "djepi i demokracise , i kultures , i humorit , nder qytetet me te lashte dhe me me tradite ne shqiperi etj etj" dhe gjithmone ka qene viktime e pushteteve ne fuqi....Shkodra gjithmone ka qene e para per ndryshimet e sistemeve , per ndryshimet ne Shqiperi te cfare do lloji qofshin , dhe sigurisht qe si shperblim ka marre hakmarrjen e qeverive ne renie duke e paguar me injorim , lenie mbas dore , eksperimente te ndryshme ndeshkimi etj etj...Ata me te zgjuarit zbatojne formulen..as me te paret , as me te fundit , kurse Shkodra sigurosht qe ka egon dhe krenarine per te prire e para cdo kund dhe ja si e paguan...Ehh Shkodra e shkrete , ku ishte dhe ku ka perfundu...!

[Shpirt Njeriu]

Komunitetet fetare thirrje Moisiut e Nanos për dritat

SHKODER

Na lejoni, o burra e gra që qeverisni, që t'ju thërrasim të gjithëve, që të merrni seriozisht për zemër shtresat më të varfra të Shkodrës dhe të gjithë Shqipërisë së Veriut. Këto janë zonat më të braktisura, të lëna pas dore që nga fillimi i demokracisë". Kështu shkruhet ndër të tjera, në thirrjen drejtuar dje presidentit të vendit, Alfred Moisiu, kryeministrit Fatos Nano, përfaqësuesve të Komunitetit Europian dhe përfaqësuesve të Trupit Diplomatik në Shqipëri, të firmosur nga kreu i komunitetit musliman, Haxhi Bajraktari, i kishës katolike, imzot Angelo Massafra dhe kreu i kishës ortodokse, atë Aleksandër Petani. Sipas përfaqësuesve të tre komuniteteve fetare në Shkodër, në Veri mbizotëron një situatë e vështirë. Varfëria, papunësia dhe mungesa e energjisë elektrike në këto zona, prej kohësh po vë në krizë bashkësinë civile. Situata pohohet të jetë përkeqësuar më shumë kohët e fundit. Veçanërisht preokupuese është bërë mungesa e energjisë elektrike. Aktualisht në qytetin verior dhe në të gjitha fshatrat ka kufizime drastike të energjisë elektrike. Ndërkohë, në thirrjen drejtuar autoriteteve më të larta të vendit, drejtuesit fetarë në Shkodër citojnë: "Në secilin besim fetar, janë të pranishme thirrja dhe detyrimi për t'u kujdesur për ata që pësojnë më shumë pasojat negative të situatave të vështira dhe të padrejta. Ndërsa ankohemi ndaj autoriteteve publike të nivelit vendor dhe shtetëror për shkak të mungesës së energjisë elektrike, u bëjmë thirrje gjithë qytetarëve që të paguajnë dritat". Në thirrjen e tyre përfaqësuesit e tre besimeve fetare në Shkodër theksojnë gjithashtu se pa drita nuk mund të ketë zhvillim ekonomik, nuk mund të rriten të sapolindurit dhe të shërohen të sëmurët. Për herë të parë komuniteti fetar në Shkodër bën apel njëzëri që shteti të bëjë detyrën e tij, të kujtohet për më të varfrit në Veri.


Errësira, sot në protestë edhe intelektualët

SHKODER - Pas qytetarëve dhe studentëve të Universitetit "Luigj Gurakuqi" në protestë për dritat do të hidhen edhe intelektualët shkodranë. Dje, gjatë një takimi, forumi i intelektualëve shkodranë ka vendosur që sot në orën 11 të hidhen në protestë për të kërkuar nga qeveria që të marrë masa për përmirësimin e gjendjes në qytetin verior. Sipas pjesëmarrësve në takimin në fjalë, Shkodra është persekutuar nga shteti, pasi prej vitesh është mbuluar nga errësira. Intelektualët kanë pohuar se nuk mund të vazhdohet kështu, se qytetarët ndjehen të diskriminuar dhe se ekonomia e biznesi janë shkatërruar.

[lis]

E Merkure, 05 Nentor 2003


DODA: "FURNIZIMI NE BAZE TE ARKETIMEVE"

Kohet e fundit verehet nje perkeqesim i ndjeshem i furnizimit te Korces me energji elektrike. Care kriteresh po ndjek dikasteri juaj dhe KESH-i per nderprerjet, a i qendron fjales "kush paguan furnizohet me energji"?

-Situata elektroenergjitike e vendit per vitin 2003 ka qene relativisht e mire, si rezultat i perpjekjeve per respektimin rigoroz te vlerave te planifikuara te furnizimit me energji elektrike dhe te nje kombinimi te mire te mbulimit te nevojave te vendit me burimet tona elektroenergjitike dhe me importin. Ruajtja ne menyre rigoroze e kuotave te planifikuara eshte e domosdoshme per te bere nje shfrytezim optimal te burimeve te energjise elektrike dhe per te garantuar nje furnizim ne vijueshmeri te konsumatoreve, per te shmangur keshtu konsumin e plote te rezerves elektroenergjitike, qe do te na conte ne nje krize ne furnizimin me energji elektrike. Ne kete kuader, edhe per furnizimin me energji elektrike te Korces, Sh.a. KESH-i ka planifikuar energjine e konsumuar per cdo muaj, ne funksion te kerkeses per energji elektrike dhe mundesive konkrete per ta mbuluar ate me prodhimin nga burimet e vendit dhe me importin. Gjithashtu, ndarja e kuotes se furnizimit me energji elektrike, per rrethet e prefektures se Korces, si dhe per te gjithe rrethet e Shqiperise, merr parasysh edhe nivelin e faturimit dhe te arketimit te energjise elektrike te cdo rrethi. Arketimet e faturave korente per periudhen 9-mujore, per kete zone paraqiten si me poshte: Nr Emertimi Gjithsej familjare private 1 Zona Korce 97,5 perqind 80,7 perqind, 88 perqind. Sic duket de nga te dhenat e mesiperme rrethet e kesaj prefekture kane nje nivel te mire te pageses se energjise elektrike.

Burimi: "Koha Jone"

[Shpirt Njeriu]

Defekti ne Fier, edhe Durresi 48 ore pa drita
Qytetet e Durresit dhe te Fierit, qe prej dy ditesh, po perjetojne nje erresire edhe me te theksuar se zakonisht. Shkak eshte bere nje defekt ne linjat e tensionit te larte ne afersi te Fierit. Durresi nuk ndikohet drejtpersedrejti, por defekti ka lene Kavajen pa energji elektrike dhe, deri ne riparimin e tij, Kavaja do te furnizohet nga rrjeti i Durresit. Kjo ka bere qe qytetit bregdetar t'i shtohen oret e kufizimeve per shkak te ngarkeses qe krijohet tek autotransformatoret. Banoret e qytetit te Durresit kane nje nivel pagese 75 per qind te energjise elektrike te faturuar. Ne baze te ketij niveli pagese, eshte realizuar edhe grafiku i kufizimeve. Ne qytet energjia elektrike mungon per kater deri ne tete ore ne dite. Por, ne lagjet periferike, si: Spitalla, Shkozeti, Plazhi, etj., mungesat jane deri ne dhjete ore. Nderkohe, per zonat rurale kufizimet jane edhe me te theksuara. Sipas burimeve zyrtare te Drejtorise Rajonale te Korporates ElektroEnergjitike Shqiptare (KESH), ka qene defekti i ndodhur ne Fier qe ka crregulluar sistemin e kufizimeve qe vendosur prej muajsh. Pritet qe brenda 48 oreve defekti ne Fier te riparohet dhe kufizimet t'i kthehen normalitetit.

[Ceceni Tirons]

He he he, spagujne asi lek per drita shkodront ene e bojn gojen corape masnej tu u anku pse ska drita. Ajde qesh ene shkriu tani. Pse ne ne tiron qe pagujm budallenj jena e?