Kerkesat E Biznesit Vendas!!

[Shpirt Njeriu]

"Të ulet akciza e duhanit"
Alarmi i prodhuesve: Po familentojmë


--------------------------------------------------------------------------------

Mirvjena Dizdari

Përfaqësues të biznesit që merren me aktivitetin e prodhimit të duhanit i kanë kërkuar qeverisë uljen e akcizës nga 20 lekë/paketa, në 4 lekë/paketa, për cigaret e vendit. Sipas burimeve nga Shoqata e Prodhuesve të Duhanit, industria vendëse e duhan-cigareve është në prag të falimentimit për shkak të ligjit të ri të akcizave, i cili ka hyrë në fuqi me 1 Korrik të këtij viti, duke përcaktuar për cigaren e vendit akcizën 20 lekë/paketa. Sipas tyre, aktualisht katër fabrikat vendëse të cigareve kanë ndaluar prodhimin e tyre që nga momenti i hyrjes në fuqi të këtij ligji, pasi biznesi nuk e përballon dot nivelin e lartë të akcizës. "Rritja e nivelit të akcizës dhe barazimi i saj me akcizën e cigareve të importit, e cila zë 10-20 për qind të vlerës së mallit, ka goditur rëndë prodhuesit vendës të cigareve", kanë deklaruar përfaqësuesit e Shoqatës së Prodhuesve të Duhanit. Grumbullimi i duhanit në vend bëhej kryesisht nga tri ndërmarrje të përbashkëta dhe konkretisht "Mika Korçë", "Mika Berat", dhe "Kavex-Elbasan", të krijuara gjatë viteve 1992-1994. Këto ndërmarrje të përbashkëta me investitorë grekë grumbullojnë përpunojnë dhe eksportojnë rreth 80 për qind të prodhimit të duhanit në vend dhe pjesa tjetër grumbullohet e përpunohet nga "Albania Tabak" Librazhd, si dhe nga fabrikat e Duhan-Cigareve në Shkodër, Durrës e Pogradec, të cilat sot e kanë ndërprerë prodhimin.
Ndërkohë, shoqata e prodhuesve të duhanit ka mbështetur kërkesat e paraqitrua nga shoqatat e tjera të biznesit për ulje të përshkallëzuar të taksave. Pak kohë më parë përfaqësuesit e biznesit kanë kërkuar të bëhen ndryshime në ligjet: "Për TVSH-në", "Për akcizat", "Për sistemin e taksave"," Për tatimin mbi të ardhurat", "Për procedurat tatimore" dhe "Për tatimin mbi biznesin e vogël". Ndërsa Fondi Monetar Ndërkombëtar është shprehur kundër uljes së taksave. Sipas përfaqësuesit të përhershëm të FMN-së, Jan Peter Olters, miratimi i këtyre propozimeve do të kishte çuar në dobësim të institucioneve publike dhe në një erozion të mëtejshëm të disiplinës së taksave, e cila edhe kështu është në shkallë të ulët.